Post: #2 Title: Re: اجمل صوت سودانى من لدن خليل فرح وحتى عهد فهيمة هو صوت فهيمة نفسه Author: محمد النيل Date: 07-29-2012, 00:08 AM Parent: #1
يا جماعة انا نزلت اغنية للمبدعة فهيمة مشت وين يعنى؟؟؟ المهم بحاول انزلها تانى لكن قبل كدا هل تتفقون معى على كلامى انو صوت فهيمة دا ما عادى ؟؟ لو وجدت الرعاية السليمة والاعمال الخاصة الجيدة ناس عاشة الفلاتية ح يتجهجوا طبعا مع تقديرنا الكبير للعملاقة عائشة الفلاتية لكن هو عائشة بس الح تتجهجه ؟؟ نعم وردى خلدته اعماله خاصة الوطنية والالحان الجميلة وكلمات الشعراء الرائعة وصوت وردى طبعا. لكن فهيمة دى صوتها اجمل من صوت وردى معليش ما تزعلوا انا وردى فنانى المفضل واحفظ له العديد من الاغانى وهو مكون وجدانى الموسيقى والذى منه وكدا يعنى لكن فهيمة دى ح تكون وردى المستقبل وخليل فرح الاجيال القادمة لكن على شرط ان لقت اعمال لا تقل عن اعمال وردى فستكون ام كلثوم السودان حاليا هى تمتلك الصوت والى متى ستغنى اغانى الاخرين ؟؟؟ بس فى إنتظارالاعمال التى ستخلدها لتحقق ما قصدته فى عنوان البوست ....
Post: #3 Title: Re: اجمل صوت سودانى من لدن خليل فرح وحتى عهد فهيمة هو صوت فهيمة نفسه Author: محمد النيل Date: 07-29-2012, 00:10 AM Parent: #2
ارجو ان تطلع من دور اغانى واغانى وتنطلق لآفاق ارحب كفاية حق الناس عايزين حقها
Post: #4 Title: Re: اجمل صوت سودانى من لدن خليل فرح وحتى عهد فهيمة هو صوت فهيمة نفسه Author: طارق ميرغني Date: 07-29-2012, 01:55 AM Parent: #3
اجمل صوت سودانى من لدن خليل فرح وحتى عهد فهيمة هو صوت فهيمة نفسه
والله جد
اخشي انك اخي محمد قد تحتاج لصيام ثلاثة ايام
في رايي الشخصي الذي يحتمل الخطأ اوالصواب
لا اقارن صوت فهيمه مع عائشه الفلاتيه ولا فاطمه الحاج
لكن حتي وسط اقرانها من شلة اغاني واغاني
صوتها لا اجمل من سميره دنيا ولا من منار ولا من ريماز
مع تقديري
Post: #5 Title: Re: اجمل صوت سودانى من لدن خليل فرح وحتى عهد فهيمة هو صوت فهيمة نفسه Author: محمد النيل Date: 07-29-2012, 03:55 AM Parent: #4
آآآآخ من اول مداخلة جلت يا طارق ميرغنى ؟؟
Quote: في رايي الشخصي الذي يحتمل الخطأ اوالصواب
لا اقارن صوت فهيمه مع عائشه الفلاتيه ولا فاطمه الحاج
لكن حتي وسط اقرانها من شلة اغاني واغاني
صوتها لا اجمل من سميره دنيا ولا من منار ولا من ريماز
مع تقديري
كدى حاول تانى يا طارق تحياتى
Post: #6 Title: Re: اجمل صوت سودانى من لدن خليل فرح وحتى عهد فهيمة هو صوت فهيمة نفسه Author: Yasier Elsayed Date: 07-29-2012, 04:03 AM Parent: #5
العزيز محمد مع احترامى الشديد لوجهة نظرك ارجو ان تعيد السمع مرة اخرى وكلام الصديق طارق كلام العارف والمفيد
مع التحية
Post: #7 Title: Re: اجمل صوت سودانى من لدن خليل فرح وحتى عهد فهيمة هو صوت فهيمة نفسه Author: محمد النيل Date: 07-29-2012, 05:19 AM Parent: #6
Quote: العزيز محمد مع احترامى الشديد لوجهة نظرك ارجو ان تعيد السمع مرة اخرى وكلام الصديق طارق كلام العارف والمفيد
مع التحية
ياسر السيد برضو مع احترامى لى رايك كدى ادونا فرصة يا جماعة ..... كدا 2 اتداخلتوا وما مؤيدين رأيى وعلى راى المثل لو 2 قالوا ليك اضانك مافى اهبشها خلاس شوية كدا وح اهبشها بس كدى ادونا فرصة شوية
Post: #8 Title: Re: اجمل صوت سودانى من لدن خليل فرح وحتى عهد فهيمة هو صوت فهيمة نفسه Author: ترهاقا Date: 07-29-2012, 06:38 AM Parent: #7
محمد النيل - رمضان كريم
ممكن تورينا البضاعة عشان نحكم معاك ، لانو حقيقة ما سمعت بيها
Post: #9 Title: Re: اجمل صوت سودانى من لدن خليل فرح وحتى عهد فهيمة هو صوت فهيمة نفسه Author: Yasier Elsayed Date: 07-29-2012, 06:52 AM Parent: #8
ا سف للتكرار
Post: #10 Title: Re: اجمل صوت سودانى من لدن خليل فرح وحتى عهد فهيمة هو صوت فهيمة نفسه Author: عزام حسن فرح Date: 07-29-2012, 09:02 AM Parent: #9
Quote: اجمل صوت سودانى من لدن خليل فرح وحتى عهد فهيمة هو صوت فهيمة نفسه (Re: Yasier Elsayed)
Quote: وحتى عهد فهيمة هو صوت فهيمة نفسه(Re: Yasier Elsayed)
إذن يبقى الأمل في العهد الذي يلي عهد فهيمة.. فهيمة لها بحه وهو عَيب معروف، عَيب إلا في بِلادي، فإن الباح برنجي، وعلى المبحوح الإحْتِساب
Post: #11 Title: Re: اجمل صوت سودانى من لدن خليل فرح وحتى عهد فهيمة هو صوت فهيمة نفسه Author: singawi Date: 07-29-2012, 09:11 AM
بتفق معاك انو فهيمة ليها وزنها وطعمها ولونها ونكهتها الرائعة لكن يا زميل بأجمل التفضيل المطلق ما عصرت علينا شديييد في رمضان دا
Post: #12 Title: Re: اجمل صوت سودانى من لدن خليل فرح وحتى عهد فهيمة هو صوت فهيمة نفسه Author: Elmosley Date: 07-29-2012, 10:11 AM Parent: #1
محمد النيل رمضان كريم كدي قول بسم الله
Post: #13 Title: Re: اجمل صوت سودانى من لدن خليل فرح وحتى عهد فهيمة هو صوت فهيمة نفسه Author: محمد النيل Date: 07-29-2012, 11:18 AM Parent: #12
ترهاقا بحاول انزل من البضاعة ويا عزام انا ممكن اتنازل من حكاية احسن صوت دى لكن حاكاية انو صوتها فيها عيب دى اصلو ما ح اتفق معاك فيها كدى راجع كلامك واسمع ليها ويا سنجاوى بارك الله فيك انا كل الموضوع وما فيه انا بتنبأ لى فهيمة دى بمستقبل خراف كان شدت حيلها وشكرا لاتفاقك معى على روعة صوتها ودا المهم
Post: #14 Title: Re: اجمل صوت سودانى من لدن خليل فرح وحتى عهد فهيمة هو صوت فهيمة نفسه Author: محمد النيل Date: 07-29-2012, 11:23 AM Parent: #13
Quote: محمد النيل رمضان كريم كدي قول بسم الله
يا استاذ يوسف بسم الله و الله اكرم طالما إنت قلت كدى انا الظاهر على بتكون شالتنى الهاشمية وانا بستمع ليها فى أغانى وأغانى اليوم وفتحت البوست دا بإندفاع
لكن عليك الله صوت مش سمح ؟؟ والله صوتها فيه سحر
... وينك ليك وحشة
Post: #15 Title: Re: اجمل صوت سودانى من لدن خليل فرح وحتى عهد فهيمة هو صوت فهيمة نفسه Author: Elmosley Date: 07-29-2012, 09:00 PM Parent: #14
الحبيب محمد النيل كيفك هي فعلا لها صوت جميل ولكن طابع تقليدي قديم جدا لكي تدخل عالم الحداثة دايره شغل بس الخامه تمام
سيبك من الفلاتيه والبلابل وحنان النيل واسرار انا حآجيب ليك مقارنه هنا ان شاء الله خليها في سرك والشوق مطر والله
Post: #16 Title: Re: اجمل صوت سودانى من لدن خليل فرح وحتى عهد فهيمة هو صوت فهيمة نفسه Author: Emad Mohamed Date: 07-30-2012, 02:09 AM Parent: #15
Post: #17 Title: Re: اجمل صوت سودانى من لدن خليل فرح وحتى عهد فهيمة هو صوت فهيمة نفسه Author: عمر الفاروق Date: 07-30-2012, 03:14 AM Parent: #16
غايتو يا موصلي لو ح تجيب المقارنة عافية حسن فمفروض طوالي تنصبوني عمييد لي فهم الفن السوداني لأنو انا بعتبر روحي من اوائل لو ما أول زول اتكلم عن هذا الصوت والاداء العقبري اللي راح شمار في مرقة بسبب قلة خبرة البت عافية .. لكن فهيمة دي كييسا فاضي ..متلبسة صوت الرائعة الاستاذة حنان النيل لكن غالبا تلمو صاح,, انا جننني وجن الصوت الرتيب الما فيهو مساحات بتاعت ابداع وطريقتو واحدة وما بيفاجئك وانت بتسمع فيهو .. ياخ عافية دي وانت بتسمع فيها ممكن تخلعك بي آآهة كده في النص أو جرررة كده تغنيك عن سماع باقي الاغنية ..
Post: #18 Title: Re: اجمل صوت سودانى من لدن خليل فرح وحتى عهد فهيمة هو صوت فهيمة نفسه Author: نعمات حمود Date: 07-30-2012, 08:07 AM Parent: #17
فهيمه ؟!!!!
حرام عليكم لوجبتو اسم عافية حسن هنا في المكان دا ؟ شن جاب لجاب ؟"
ارحمونا فهيما !!!!؟ احييي
Post: #19 Title: Re: اجمل صوت سودانى من لدن خليل فرح وحتى عهد فهيمة هو صوت فهيمة نفسه Author: Zomrawi Alweli Date: 07-30-2012, 09:05 AM Parent: #18
عا احلاكي صوتا يا عافية حسن طبعا الكلام دا بعدما تورط صاحب البوست ولم يجد من يناصره على كل حال حاول تنسى
Post: #20 Title: Re: اجمل صوت سودانى من لدن خليل فرح وحتى عهد فهيمة هو صوت فهيمة نفسه Author: Elmosley Date: 07-30-2012, 09:47 AM Parent: #17
عمر الفاروق رمضانك كريم قبضتني تب فعلا عافيه صوت غايه في الجمال ولكن الامر لا يقف في الجمال فقط بل ينتقل الى الذكاء الفني الخلاق فهي تستطيع آن تغني بالاسلوب التقليدي فتذكرك بفاطمه الحاج والفلاتيه ثم تغني باسلوب حداثي فتذكرك بالبلابل وحنان النيل ثم تاتي الي ما بعد الحداثة فتذكرك بنفسها ----------------------------- لا آنكر لآن الابنه فهيمه صوتها كخامه جميل ولكن اتجاه حركته آفقي تحتاج لشغل كتير جدا جدا جدا --------------- وهنالك اصوات شابه نسائيه هذه الايام ممتلئة ابداعا في اطار القدرة على تنويع الاداء منهن على سبيل المثال لا الحصر نانسي عجاج التي تطور ادائها كثيرا منذ الطريقة الاولى التي بدآت بها وهذه من شيم الفنانين الذين يعيشون طويلا جدا في ذاكرة الشعوب كذلك شموس آيضا تتميز بقدرة فائقة على تنويع آي لحن جديد آو قديم تغنيه وتعمل لخلق شخصيتها بجدية
Post: #22 Title: Re: اجمل صوت سودانى من لدن خليل فرح وحتى عهد فهيمة هو صوت فهيمة نفسه Author: صبري طه Date: 07-30-2012, 10:03 AM Parent: #20
أستاذنا الموصلي .. لك التحية .. ورمضان كريم ...
يا عزيزي كمّية التطريب الموجود في صوت فهيمة لم أسمع مثله من قبل !!!
وهذا ربما يكون من دواعي إعجاب صاحب هذا البوست الأخ محمد النيل ... يعني صوتها فيهو حاجات كدة عجيبة .. بي لغتكم إنتو الموسيقيين وأخص الدكتور الدرديري (جمل لحنية جميلة) ...
ولك ودّي ،،،
Post: #25 Title: Re: اجمل صوت سودانى من لدن خليل فرح وحتى عهد فهيمة هو صوت فهيمة نفسه Author: Elmosley Date: 07-30-2012, 11:27 AM Parent: #22
العزيز صبري ليس هنالك اختلاف علي جمال صوتها ولكن الاحتلاف الى اي مدي هو صوت خلاق مقارنة باخريات لان صديقي الحبوب محمد النيل ختاها (الآول ـ والاخر) والحمد لله انو ماقال مابيجي بعدها كمان كل الود لك وله
Post: #24 Title: Re: اجمل صوت سودانى من لدن خليل فرح وحتى عهد فهيمة هو صوت فهيمة نفسه Author: Ashraf el-Halabi Date: 07-30-2012, 10:31 AM Parent: #20
رغم إنو لا يفتى وموصلي في البوست لكن:
Quote: من لدن خليل فرح وحتى عهد فهيمة
من لدن خليل فرح!! يعني أب داؤود ووردي وو.. الظاهر إنو رمضان دخل العضم بدري عندكم يا محمد! يا مان قول في جيل نجوم الغد شوية مبلوعة!! بعدين حتى في جيل نجوم الغد، فهيمة تجي بعد عافية وشموس وحتى البت الأخيرة الغنت الطير المهاجر
رمضان كريم يا مان
Post: #26 Title: Re: اجمل صوت سودانى من لدن خليل فرح وحتى عهد فهيمة هو صوت فهيمة نفسه Author: Elmosley Date: 07-30-2012, 11:34 AM Parent: #24
حبيبنا اشرف نحن متفقين تب
شوف الحداثة يامحمد النيل
Post: #21 Title: Re: اجمل صوت سودانى من لدن خليل فرح وحتى عهد فهيمة هو صوت فهيمة نفسه Author: صبري طه Date: 07-30-2012, 10:00 AM Parent: #17
Quote: لكن فهيمة دي كييسا فاضي ..متلبسة صوت الرائعة الاستاذة حنان النيل
أخونا عمر فاروق .. سلام .. ورمضان كريم ...
ياخي إنت جادي في حتة إنو فهيمة متلبسة صوت حنان النيل ؟!
يا حبيب وين وجه الشبه بين الصوتين أو وجه الشبه في طريقة الأداء بين الفنانتين ...
ما عارف غايتو ذكرتني ضربة الجزاء لمّا يشوتها الباك بجي جاري ويشوت شوتو محل تجي تجي ...
دمت بود ياخ ،،،
Post: #23 Title: Re: اجمل صوت سودانى من لدن خليل فرح وحتى عهد فهيمة هو صوت فهيمة نفسه Author: Hani Arabi Mohamed Date: 07-30-2012, 10:05 AM Parent: #21
صوت منال بدر الدين ، وصوت حنان النيل ، وصوت نانسي عجاج (حين تختار ما يناسب صوتها من ألحان ، وليس في كل حين) أجمل من صوت المذكورة أعلاه.
Post: #27 Title: Re: اجمل صوت سودانى من لدن خليل فرح وحتى عهد فهيمة هو صوت فهيمة نفسه Author: عمر الفاروق Date: 07-30-2012, 12:01 PM Parent: #23
غايتو انا ما بعرف لي جنس نضمكم ده لكن صدقني يا موصلي الصوت النسائي اللي كان ممكن يعمل نقلة ما طبيعية في دنيا الحداثة في الغناء السوداني كائن خرافي إسمو ملاك الأمين واحدة من إكتشافات الأستاذ عجاج ..وهي شقيقة الممثل الكندي الأمين ..توقفت عن الغناء فجأة
Post: #29 Title: Re: اجمل صوت سودانى من لدن خليل فرح وحتى عهد فهيمة هو صوت فهيمة نفسه Author: اساسي Date: 07-30-2012, 12:19 PM Parent: #27
انا البهمني في البوست دا كفارة اخونا محمد النيل لقسمه اعلاه
اقتباس • كفارة اليمين :
يخير من لزمته كفارة يمين بين:
1- إطعام عشرة مساكين نصف صاع من قوت البلد .
2- كسوة عشرة مساكين ما يُجزئ في الصلاة.
3- عتق رقبة مؤمنة.
وهو مخير في هذه الثلاثة السابقة، فإن لم يجد صام ثلاثة أيام، ولا يجوز الصيام إلا عند العجز عن الثلاثة السابقة.
و يجوز تقديم الكفارة على الحنث، ويجوز تأخيرها عنه، فإن قدمها كانت محللة لليمين، وإن أخرها كانت مكفرة له.
قال الله تعالى في بيان كفارة اليمين: " لا يُؤَاخِذُكُمْ اللَّهُ بِاللَّغْوِ فِي أَيْمَانِكُمْ وَلَكِنْ يُؤَاخِذُكُمْ بِمَا عَقَّدْتُمْ الأَيْمَانَ
Post: #28 Title: Re: اجمل صوت سودانى من لدن خليل فرح وحتى عهد فهيمة هو صوت فهيمة نفسه Author: عماد شمت Date: 07-30-2012, 12:09 PM Parent: #23
تحياتي يانيل ياليل ياسمح يازين...
الزولة دي صوتها جميل ويطرب ..لكن ما اتوففت في العنوان ...
يااخي مابين الخليل والمغنيه فيها عشوشها وفاطمة الحاج ومني الخير ومهلة العباديه ووو
شموس اول مرة اسمعها هنا في البوست ده ادائها جميل وصوت جميل عندها مستقبل ....
تحياتي لكل المتداخلون الكرام وتصوموا وتفطروا علي خير
Post: #30 Title: Re: اجمل صوت سودانى من لدن خليل فرح وحتى عهد فهيمة هو صوت فهيمة نفسه Author: عمر الفاروق Date: 07-30-2012, 12:42 PM Parent: #28
يا اساسي قالوا عمك راجل كبيير سنه تجاوز ال 104 لاقى ليهو مسطول..قال ليهو يا ولدي انا ما كنت بصوم لي اكتر من 90 سنة وأسة قررت أكفر وأتوب أها أعمل شنو؟؟ قال ليهو بسيطة يا عمك..تصوم تلاتة سنين متتالية وتطعم سكان الصين ..:)
دحين النيل ده إلا يطعم سكان الصين حتى يتمرق من ورطتو دي..
Post: #31 Title: Re: اجمل صوت سودانى من لدن خليل فرح وحتى عهد فهيمة هو صوت فهيمة نفسه Author: omar altom Date: 07-30-2012, 03:40 PM Parent: #17
عافية وبس . .
ابوعمير كان له السبق في الاشارة الي صوت عافية المتفرد . . . يالنيل ارجع لي مجراك
Post: #32 Title: Re: اجمل صوت سودانى من لدن خليل فرح وحتى عهد فهيمة هو صوت فهيمة نفسه Author: حسين نوباتيا Date: 07-31-2012, 05:04 AM Parent: #31
Quote: نعم وردى خلدته اعماله خاصة الوطنية والالحان الجميلة وكلمات الشعراء الرائعة وصوت وردى طبعا. لكن فهيمة دى صوتها اجمل من صوت وردى
استغفر الله العظيم:)
يا زول انت ماصائم؟
وبعد ما تقضي كفارة اساسي وعمر الفاروق لازم تحلق صلعة وتخلي قُصة ورا عشان نحن البنقابلك كل يوم نعرف انك ندمان:)
