بعيدا عن النظام والمعارضة ... دعوة للتضامن بين السودانيين في هذا الوقت

دعوة للتضامن بين السودانيين في هذا الوقت الحرج من تاريخنا ،لقد ابتلينا بنظام فاشل ومعارضة افشل منه،وفي ظل الظروف الاقتصادية الصعبة والقاسيةالتي نعيشها ،هذه دعوة للتكاتف والبحث عن وسائل للوقوف مع كل الناس ،في ناس ماعندها حق المواصلات عشان تمشي اي حتة،وناس ماعندها حق العلاج،والمصيبة في ناس بقت تاكل وجبتين،واحتمال قريب ياكلو وجبة واحد،وديل ياناس بقو اغلبية،دعوة لايجاد وسائل للتضامن بين سودانيي الداخل والخارج ،لأجل عيون الوطن والانسانية،والقيم والمعاني النبيلة.

ده الكلام

وياريت لو الكلام ده كان فايدة ذات اتجاهات مختلفة


بتخيل ليك مفروض تتعمل بعد ده شركة مساهمة من سودايز اون لاين دي تشتغل في مختلف المجالات

يعني مثلا ممكن تعمل كلية جامعية او جامعة عديل كده ويكون ربحها في الحد الادنى ويصرف فيها وفي تطويرها
وانا ممكن اساعد في الحته بي بحسب طربعة شغلي

ممكن تتعمل مستشفى خيري والدكاترة معانا هنا كتار
وبرضو ارباحها تكون معقولة وتصرف في تطويرها

خدمتها احسن من خدمات المستشفيات الحكومية
وارخص من الخاصة

وعلى كده قس
بدل تترسل قروش وتصرف من غير ما يرجع منها عائد