Post: #1 Title: احد اعضاء البعثة السودانية فى اولمبياد لندن يطلب اللجوء السياسى Author: ناصر المحسى Date: 07-27-2012, 02:16 PM
طلب عداء سوداني احد اعضاء البغثة السودانية فى اولمبيادلندن حق اللجوء السياسي ، وذكرت صحيفة ديلي ميل أنه قد اختفى من معسكر للتدريب ،وذهب الى مركز للشرطة في ليدز ويعتقد أن يكون عداء للمسافات المتوسطة قال انه كان يتعرض للاضطهاد في وطنه وتم ابادت اهله؛ وقالت شرطة غرب يوركشاير ان رياضي سوداني مشارك في الاولمبياد دخل مركز الشرطة في ليدز يوم الثلاثاء وطلب اللجوء.
Post: #2 Title: Re: احد اعضاء البعثة السودانية فى اولمبياد لندن يطلب اللجوء السياسى Author: ناصر البطل Date: 07-27-2012, 02:21 PM Parent: #1
لا حولا ولا قوة الا بالله العلى العظيم
اللهم عليك بالكيزان و أعوانهم يا الله
Post: #3 Title: Re: احد اعضاء البعثة السودانية فى اولمبياد لندن يطلب اللجوء السياسى Author: saif massad ali Date: 07-27-2012, 02:34 PM Parent: #2
خلاص امر الله جاهم
Post: #4 Title: Re: احد اعضاء البعثة السودانية فى اولمبياد لندن يطلب اللجوء السياسى Author: محمد المرتضى حامد Date: 07-27-2012, 02:36 PM Parent: #2
الزول دا مستعجل في شنو؟ كان يحضر الإفتتاح على الأقل لأنو بالطريقه دي سيستبعد من تمثيل بلاده ووفقا للقانون سيسلم لشرطة الهجرة وما بشوف الشارع تاني ريثما يبت في طلبه.. لقد سجل رقما قياسيا أولمبيا قبل بدء المنافسات.. لكن في طلب اللجوء.. أعانه الله..
Post: #5 Title: Re: احد اعضاء البعثة السودانية فى اولمبياد لندن يطلب اللجوء السياسى Author: lana mahdi Date: 07-27-2012, 02:40 PM Parent: #4
كيف حيقنع السلطات البريطانية أنه كان مضطهد في بلده وهو جايي بريطانيا مع البعثة الحكومية الرسمية؟ّ النوع اللي لمن كان في السودان استفاد من الكيزان ولما واتته الفرصة عايز يستفيد حسة مفروض الناس ما تشجعه البتة!
Post: #6 Title: Re: احد اعضاء البعثة السودانية فى اولمبياد لندن يطلب اللجوء السياسى Author: haroon diyab Date: 07-27-2012, 02:50 PM Parent: #5
Quote: كيف حيقنع السلطات البريطانية أنه كان مضطهد في بلده وهو جايي بريطانيا مع البعثة الحكومية الرسمية؟ّ
النوع اللي لمن كان في السودان استفاد من الكيزان ولما واتته الفرصة عايز يستفيد حسة مفروض الناس ما تشجعه البتة!
شكرا للاميرة لنا مهدي كفيتي ووفيتي
جمعة مباركة يامحسي ولضيوفك
Post: #7 Title: Re: احد اعضاء البعثة السودانية فى اولمبياد لندن يطلب اللجوء السياسى Author: عماد حسين Date: 07-27-2012, 03:05 PM Parent: #6
Quote: كيف حيقنع السلطات البريطانية أنه كان مضطهد في بلده وهو جايي بريطانيا مع البعثة الحكومية الرسمية؟ّ
النوع اللي لمن كان في السودان استفاد من الكيزان ولما واتته الفرصة عايز يستفيد حسة مفروض الناس ما تشجعه البتة!
عالم مستهبلة
شكراً للأميرة لنا
Post: #8 Title: Re: احد اعضاء البعثة السودانية فى اولمبياد لندن يطلب اللجوء السياسى Author: ABDALLAH ABDALLAH Date: 07-27-2012, 03:32 PM Parent: #7
Quote: كيف حيقنع السلطات البريطانية أنه كان مضطهد في بلده وهو جايي بريطانيا مع البعثة الحكومية الرسمية؟ّ
الأميره , لنا رمضان كريم القاضى , وبعد الإطِلاع والتوافق على أُطروحات محاميه هو من يتخذ قرار الرفض أو الموافقه . فى مثل هذه الحالات القاضى إذا أحسَ بأى خطر يهدد حياة مقدم الطلب ولو بنسبة 1% سوف يوافق على طلبه .
Post: #9 Title: Re: احد اعضاء البعثة السودانية فى اولمبياد لندن يطلب اللجوء السياسى Author: haroon diyab Date: 07-27-2012, 03:38 PM Parent: #8
سؤال بسيط :
جميع لاعبي منتخب القوي يسافرون طوال السنة
لماذا طلب اللجوء في هذا التوقيت.......؟
Post: #10 Title: Re: احد اعضاء البعثة السودانية فى اولمبياد لندن يطلب اللجوء السياسى Author: haroon diyab Date: 07-27-2012, 03:38 PM Parent: #9
وبعدين :
طلب اللجوء يعني الانسحاب من البطولة
هل هذا عقاب للنظام ام للبلد .....؟
Post: #11 Title: Re: احد اعضاء البعثة السودانية فى اولمبياد لندن يطلب اللجوء السياسى Author: معتصم ود الجمام Date: 07-27-2012, 03:49 PM Parent: #10
العزيز هارون دياب ... سلام ياخي الزول بلدو ما آمن فيها بطولة شنو ؟؟؟
اغلب العدائيين السودانيين من مناطق جبال النوبة هل ننكر أن مواطن جبال النوبة لا يتعرض للإبادة بل مواطنها محتمي بالكهوف عاوزين اولادوهم يشاركوا باسمكم في الالومبياد وشكري للجميع
Post: #12 Title: Re: احد اعضاء البعثة السودانية فى اولمبياد لندن يطلب اللجوء السياسى Author: Osama Mohammed Date: 07-27-2012, 03:58 PM Parent: #11
ود الجمام وناصر وهارون وبقية المشاركين سلام كلامك التحت ده يا معتصم غير صحيح كاكي من المجلد واسماعيل من دارفور..... غايتوو على حسب اتصالاتي لو هو عداء بالجد ما طلع منهم وان شاء الله يطلع كاكي لأنو مستواه في النازل ويمكن ما يتأهل للنهائي وسمعت برضو انو ما كان عاوز يجي يشارك واتشاكل مع ناس اللجنة الاولمبية قبل اسبوع . ولو على اسماعيل متفهنو ما مهتمين بيهو واسي دايرين يقشرو بيهو اي واحد فيهم ( لو صحت الاخبار انو ذكر وعداء .
((((((اغلب العدائيين السودانيين من مناطق جبال النوبة هل ننكر أن مواطن جبال النوبة لا يتعرض للإبادة بل مواطنها محتمي بالكهوف عاوزين اولادوهم يشاركوا باسمكم في الالومبياد وشكري للجميع ))))
Post: #14 Title: Re: احد اعضاء البعثة السودانية فى اولمبياد لندن يطلب اللجوء السياسى Author: ناصر المحسى Date: 07-27-2012, 04:01 PM Parent: #11
Post: #15 Title: Re: احد اعضاء البعثة السودانية فى اولمبياد لندن يطلب اللجوء السياسى Author: lana mahdi Date: 07-27-2012, 04:03 PM Parent: #11
الما منطقي بالنسبة لي في القصة بأكملها
لما زول يجي مع بعثة حكومية يمثل بلده في الاولمبياد معناتها لحد ما وصل لنقطة التمثيل دي تعرض لرعاية مكثفة وتدريب وتغذية خاصة واتعمل ليه كل الممكن والمريح ليمثل في أوليمبياد دولي أخلاقياً ما قادرة أهضم المسألة - العداء استفاد من وضع ولما لقى الأفضل عايز يستفيد منه كان من الأول ما يقبل يشارك في البعثة الحكومية الرسمية وما يقبل أي عون رسمي ولا تمثيل رسمي
Post: #21 Title: Re: احد اعضاء البعثة السودانية فى اولمبياد لندن يطلب اللجوء السياسى Author: rani Date: 07-27-2012, 05:53 PM Parent: #15
lana mahdi.. امشي نومي.
Post: #22 Title: Re: احد اعضاء البعثة السودانية فى اولمبياد لندن يطلب اللجوء السياسى Author: lana mahdi Date: 07-27-2012, 06:43 PM Parent: #21
ما فهمت يا راني دة طلب وللا أمر وللا إيه بالضبط؟!!!!!
Post: #19 Title: Re: احد اعضاء البعثة السودانية فى اولمبياد لندن يطلب اللجوء السياسى Author: ترهاقا Date: 07-27-2012, 04:52 PM Parent: #11
Quote: كيف حيقنع السلطات البريطانية أنه كان مضطهد في بلده وهو جايي بريطانيا مع البعثة الحكومية الرسمية؟ّ
أنا بس داير اعرف ، هل البعثات الرياضية بعثات حكومية ؟ يعني الهلال لو مشى لعب ضد فريق في لندن بيمثل الحكومة السودانية؟ هل اللاعبين مؤتمر وطني؟
أجيبوني افادكم الله
Post: #23 Title: Re: احد اعضاء البعثة السودانية فى اولمبياد لندن يطلب اللجوء السياسى Author: lana mahdi Date: 07-27-2012, 06:46 PM Parent: #19
Post: #13 Title: Re: احد اعضاء البعثة السودانية فى اولمبياد لندن يطلب اللجوء السياسى Author: قاسم المهداوى Date: 07-27-2012, 04:00 PM Parent: #6
Post: #16 Title: Re: احد اعضاء البعثة السودانية فى اولمبياد لندن يطلب اللجوء السياسى Author: معتصم ود الجمام Date: 07-27-2012, 04:07 PM Parent: #13
العزيز اسامة انا لم اسمي عداء ولدارفور ايضا النصيب الاكبر من الظلم والقتل والتشريد لو اي عداء قال عاوز لجوء لان حكومة السودان تمارس الاضهاد ضد اهله انا شخصيا سوف اقدم له احترامي لانه بذلك يكون قد سلط الضوء علي قضية مهمة في محفل كالاولمبياد ... ولك ودي الاكيد
ودارفور وجبال النوبة اخوات تحت نيران الإنتنوف الكيزاني
Post: #17 Title: Re: احد اعضاء البعثة السودانية فى اولمبياد لندن يطلب اللجوء السياسى Author: Osama Mohammed Date: 07-27-2012, 04:12 PM Parent: #16
نفس الانا قاصدو يا معتصم بس حبيت اوضح شوية لأنو عندي علاقة كويسة مع العاب القوة
التحت دي كان مشاركتي في بوست انور الحاج معليش شغال بدون اقتباس ما ظابط معاي ---------------------------------------------------------------------------------------------------------------------------------------- (((رباح محمد يوسف،
لاتوجد معلومات عنه ..))))
رباح ده حايم النت على كراع واحدة وبعدين ما اعتقد انو محتاج لي لجوء لآنو متزوج بريطلنية من مديلسبره . ولد مؤدب جدا واخلاقو عالية عايش في بريطانيا من 2002م
ممكن يصل النهائي لكن ما بفوز بي اي مركز متقدم افضل حاجة ممكن يجي الرابع. واحسن من كاكي بالمناسبة كاكي منتهي خلاص ببح. -------------------------------------------------------------------------------------------------------------------------------------------
انتهى الاقتباس.
Post: #18 Title: Re: احد اعضاء البعثة السودانية فى اولمبياد لندن يطلب اللجوء السياسى Author: معتصم ود الجمام Date: 07-27-2012, 04:17 PM Parent: #16
لنا سلام .... ورمضان كريم خليني اختلف معاك هو شنو الوضع الكويس انك تكون لاجئ وبعيد عن اهلك صدقي يا لنا كل ابطال السودان في العاب القوى او الغالبيه منهم عرضت عليهم دولة قطر مبالغ خرافية للتجنس ومنهم كاكي ورفض ذلك وقبل البعض كان احسن ليهم مليون مره من لجوء بريطانيا .. وعذاب اللجنة الاولمبية السودانية الماسكنها تجار وسماسرة ساكت ولكي احترامي الاكيد
التعديل لحروف ناقصة
Post: #20 Title: Re: احد اعضاء البعثة السودانية فى اولمبياد لندن يطلب اللجوء السياسى Author: ABDALLAH ABDALLAH Date: 07-27-2012, 05:17 PM Parent: #18
Quote: أخلاقياً ما قادرة أهضم المسألة - العداء استفاد من وضع ولما لقى الأفضل عايز يستفيد منه كان من الأول ما يقبل يشارك في البعثة الحكومية الرسمية وما يقبل أي عون رسمي ولا تمثيل رسمي
الأميره لنا المشاركه فى وفد حكومى بُغية الحصول على تأشيرة خروج ليس لديها تأثير فى إتخاذ القرار ما يهم القاضى أن مقدم الطلب صار بعيداً عن الخطر الذى يهدده وعلى القاضى أن يُقيِم حالة الأخطار التى تهدد حياته إذا رجع إلى بلده. كما ذكرت سابقاً إذا كان تقدير التهديد بنسبة 1% فإن القاضى لن يتحمل مسؤولية رفض الطلب .
Post: #24 Title: Re: احد اعضاء البعثة السودانية فى اولمبياد لندن يطلب اللجوء السياسى Author: هيثم طه Date: 07-27-2012, 06:49 PM Parent: #6
الشفيف مرتضي سلامات
Quote: سيسلم لشرطة الهجرة وما بشوف الشارع تاني ريثما يبت في طلبه
يا حبيبنا الانسان ما بيعامل زي السودان والسعودية هناك اخونا اللاجيء دا عادي بيشوف الشارع وكمان بينزلوه في شقة وبدوهو كمان مصاريف الجيب لحد ما قضيتو تتعرض علي قاضي ولا اظن حكاية ما بيشوف الشارع صحيحة حسب معلوماتي ! وشكلوعمك دا سأل الشباب احسن يقدم في الاول ولة بعد الاولمبياد !غير كدة احتمال عارف امكانياتو في المسابقة !! زول بكون تفتيحة ما تستهين بيهو !! --- يا لنا مهدي كيفك عادي ممكن يقنع القاضي بعدالة قضيتو حتي لو جايي مع بعثة ! الشغلانة كلها حنك ! وبالمناسبة ما شرط اي زول مع البعثة كان مستفيد من الكيزان -- ياخي كاكي زاتو لو قدم لجوء بعذرو ياخ ! عموما اظن المعلومة بتاعتك دي ما دقيقة
وربنا يوفقو ياخ في مسعاهو الانساني !! --- يا ناصر كيفك والاحوال ياخي اسئلة اللجوء دي حقو توضحها للناس وانت شغال مستشار للشعب المغلوب علي امره هناك:)
تحياتي للشباب كلهم
Post: #25 Title: Re: احد اعضاء البعثة السودانية فى اولمبياد لندن يطلب اللجوء السياسى Author: ناصر المحسى Date: 07-27-2012, 06:58 PM Parent: #24
Quote: النوع اللي لمن كان في السودان استفاد من الكيزان ولما واتته الفرصة عايز يستفيد حسة مفروض الناس ما تشجعه البتة!
استفاد من الكيزان شئ مستبعد الا ما كان قدم اللجوء لا اعقد انسان مستفيد ومرتاح فى بلدو
يقدم لجوء ربما منح اللجوء او رفض وفى الحالتين هو خسران اذا منح اللجوء لن يستطيع
الى بلده واهله لسنوات ربما يصل الى اكثر عشرة سنوات
اذا رفض له اللجوء اين سيذهب ؟
Post: #26 Title: Re: احد اعضاء البعثة السودانية فى اولمبياد لندن يطلب اللجوء السياسى Author: Dr Salah Al Bander Date: 07-27-2012, 07:13 PM Parent: #25
خليك حريص .... خليك سوداني
Post: #27 Title: Re: احد اعضاء البعثة السودانية فى اولمبياد لندن يطلب اللجوء السياسى Author: محمد المرتضى حامد Date: 07-27-2012, 07:21 PM Parent: #24
Quote: يا حبيبنا الانسان ما بيعامل زي السودان والسعودية هناك اخونا اللاجيء دا عادي بيشوف الشارع وكمان بينزلوه في شقة وبدوهو كمان مصاريف الجيب لحد ما قضيتو تتعرض علي قاضي ولا اظن حكاية ما بيشوف الشارع صحيحة حسب معلوماتي ! وشكلوعمك دا سأل الشباب احسن يقدم في الاول ولة بعد الاولمبياد !غير كدة احتمال عارف امكانياتو في المسابقة !! زول بكون تفتيحة ما تستهين بيهو !!
عزيزنا هيثم، رمضان كريم ،
لاتوجد دولة في العالم تسجن طالب اللجوء السياسي بما في ذلك السودان والسعودية على الأقل بالنسبة للقوانين الداخلية والدولية التي تنظم اللجوء السياسي وبالطبع لايمكن لإنسان أن يخرج من سجن إلى زنزانه فيصبح كالمستجير من الرمضاء بالنار، ماعنيته في مداخلتي (الموجزة) أن المذكور سلم نفسه لمركز شرطة ولايمكن أن يغادر المركز ريثما يتم تسليمه لشرطة الهجرة ، وبالطبع ستقدم أوراقه إلى قاض ليبت في أمره وفقا للقانون وأظن أن حق اللجوء السياسي في بريطاني يمنح بموجب حكم قضائي وليس بموجب قرر إداري أو مرسوم سيادي كما في بعض البلدان وقبل البت في الطلب تكفل للطالب حريات محددة وعيش كريم وتلك بدهيات.. بس زولك دا قبل شرطة الهجرة تستلمو ما بشوف الشارع .. ولو كنت مكانو كان استمتعت بالإفتتاح وبعديها يسوي الدايرو.
مودتي يا أمير.
Post: #28 Title: Re: احد اعضاء البعثة السودانية فى اولمبياد لندن يطلب اللجوء السياسى Author: عوض محمد احمد Date: 07-27-2012, 07:37 PM Parent: #27
الاميرة لنا مهدى سلام
و حتى و لو كان الزول دا عضوا فى المكتب القيادى للمؤتمر الوطنى فالامر فى النهاية ضربة اعلامية قوية ضد نظام الانقاذ و عكاز كارب على ظهرهم العملو الولد دا ما يزعل الا ناس الانقاذ الذين سوف لن يصدقوا ما كتيتيه و يتباكون على (الوطن) الذى مرموطه ظاهرا و باطنا ليس لدينا ترف ان نرفض انقلاب اى شخص على الانقاذ و لو كان نافع او غازى صلاح الدين فمجرد تحييد الاعداء هو مكسب كبير
Post: #29 Title: Re: احد اعضاء البعثة السودانية فى اولمبياد لندن يطلب اللجوء السياسى Author: عبده حماد ابراهيم Date: 07-27-2012, 07:48 PM Parent: #27
Quote: كلام فى الممنوع 07-17-2012 12:01 AM
كلام فى الممنوع طارق أحمد المصطفى كاكى يكشف المستور !! ** أخيرا أخرج البطل العالمى أبوبكر كاكى الهواء الساخن من جوفه بعد أن تحمل مالم يستطيع أن يتحمله بشر كاكى ذكر للزميلة المتميزة إيمان بدوى أنه يعانى من الإهمال من قبل الإتحاد السودانى لألعاب القوى واللجنة الأولمبية السودانية بعد أن ظل يصرف على إعداده من معسكرات وراتب للمدرب وخلافه ووصل المبلغ الى ثلاثين ألف دولار ونفى كاكى أن يكون أ شخص من طرف اللجنة إتصل به لمتابعة سير إعداده . ** أبوبكر كاكى بطل السودان والعالم وأملنا المرتجى فى أولمبياد لندن ألمح الى إمكانية عدم مشاركته فى هذا المحفل حيث يعيش ظروف نفسية سيئة من جراء الإهمال الذى ظل يتعرض إليه وتهرب المسئولين فى الإتحاد العام منه وصل الى حد عدم الرد على محادثاته الهاتفية. ** حديث أبوبكر كاكى المعنى به فى المقام الأول اللجنة الأولمبية السودانية ومن بعدها الإتحاد السودانى لألعاب القوى فاللجنة الأولمبية من رئيسها الى خفيرها ظلت تتبجح فى كل منبر أن مسئوليتها عن اللاعبين واللاعبات تكون بعد التأهل ولكن هاهو كاكى يقضحهم ويكشف أكاذيبهم . ** يا رئيس اللجنة الأولمبية أين هى لجنتكم العليا للإعداد الى لندن التى من المفترض أن ترعى هؤلاء اللاعبين وبنفس الصورة التى قاتلتم بها وحصلتم على مليار للسفر الى قطر و400 ألف للمشاركة فى موزمبيق ثم قرابة المليارين ونصف لاسبوعى الناشئين والشباب فلماذا لم تجتهدوا للحصول على مال لإعداد اللاعبين المؤهلين أم أن الأمر لايهمكم بعد أن ضمنتم السفر الى لندن . ** ثم أين هى أموال الإستثمارات فى اللجنة الأولمبية أين تذهب إيرادات إيجارات الملاعب التى تؤجر بصورة يومية حتى الساعات الأولى من الصباح لماذا لاتساهم اللجنة بها فى إعداد كاكى وإسماعيل ورباح ومحاسن و أى لجنة أولمبية يكون هدفها الأول والأخير هو الحصول على إنجاز أولمبى يدخلها التاريخ من أوسع أبوابه وتبذل فى سبيل ذلك الغالى والنفيس . ** وبحسب معلوماتنا البسيطة فإن هناك منحة شهرية من لجنة التضامن الأولمبى ( السولدارتى ) لأى لاعب يتأهل الى الأولمبياد وكانت فى أولمبياد بكين تبلغ ألف دولار للمساهمة فى إعداد اللاعبين وهنا نسأل اللجنة الأولمبية ورئيسها هاشم هارون بالتحديد أين ذهبت أموال التضامن الأولمبي إذا كان كاكى يشكى لطوب الأرض ويؤكد أن اللجنة لم تدعمه . ** من المؤسف وبحسب ماهو وارد من معلومات إهتمام أعضاء اللجنة الأولمبية بسفرهم الى لندن وذلك بدعوة ضيوفهم وإصطحاب أسرهم وتجهيز حقائبهم ونثرياتهم الدولارية فى الوقت الذى يجئ اللاعب فى أخر إهتماماتها وهو العنصر الأساسى فى كل هذه العملية أما الإهتمام بالنواحى الفنية فحدث ولاحرج . ** ياسادتى العمل الأولمبى تحول عند البعض الى مجرد وكالة سفر حتى أنهم نافسوا على كرتى وزير الخارجية فى السفريات الخارجية وعند البعض الآخر تحول الى إقطاعية خاصة يفعلون بها ما يشاءون دون حسيب أورقيب وعند البعض أيضا تحول الى ساحة لتصفية الحسابات . ** والطامة الكبرى فى إتحاد ألعاب القوى المسئول الأول والأخير عن المنشط والذى وصلت فيه اللعبة الى أسوأ حالاتها فقد أجرم فى حق اللاعب وبقية زملائه ولم يعمل جادا لتهيئة البيئة المناسبة للإعداد الجيد ولم يوفر البطولات القوية التى من شأنها أن تعدهم الإعداد الجيد للتنافس . ** مسكين الإتحاد الذى لازال يتخبط فى مسيرته بعد غياب رئيسه بدوى الخير المتواصل وألذى نكاد نجزم أنه لايعرف حتى أسماء لاعبيه وظل فى حالة غياب دائم عن الإتحاد وضعف خبرة بقية الأعضاء وهاهو الإتحاد معرض لعقوبات من الإتحاد الدولى بسبب عدم تسليم تقريره وتوفيق أوضاعة فهو مهدد بالحرمان من دعم الإتحاد الدولى البالغ 15 ألف دولار وربما طالته عقوبات أخرى . ** مسكين كاكى وزملائه إسماعيل ورباح وبقية اللاعبين والاعبات فقد ضاعت ألعاب القوى فى زمن تجارة الشنطة والقتال بشراسة من أجل الظفر بالسفر الى لندن فى خانة نائب رئيس البعثة فى الوقت الذى يتم فيه إهمال اللاعبين المطالبين على أقل تقدير بالحفاظ على الإنجاز السابق فى الأولمبياد . ** شتان مابين لجنة ولجنة ومابين إتحاد وإتحاد فاللجنة الأولمبية والإتحاد السابقين فى أولمبياد بكين حجزوا للاعبين فى أفضل خطوط الطيران وفى أرقى الدرجات من أجل راحة اللاعبين بل أنهم دفعوا قيمة التذاكر من حسابهم الخاص ودفعوا فرق السعر للتذاكر التى كانت لدرجات أقل الى أن تم تسديدها لهم لاحقا أما اللجنة والإتحاد الحالين فلم يقوما حتى بمجرد السؤال عن اللاعبين فى معسكراتهم الإعدادية !!! ** كاكى كانت لديه الشجاعة وتحدث بكل صراحة عن مشكلته ونعتقد أن ما حدث لكاكى ينطبق على بقية اللاعبين الذين تأهلوا الى أولمبياد لندن إسماعيل أحمد إسماعيل ورباح محمد يوسف والسباحة محاسن النور فهل تملك اللجنة الأولمبية الشجاعة وتتحدث وتكشف أوضاع اللاعبين بكل شفافية وشجاعة قبل أيام من إنطلاق الدورة الأولمبية . ** اللجنة الأولمبية السودانية وإتحاد ألعاب القوى مطالبان بكشف الحقائق بعد تصريحات أبوبكر كاكى وإن إستدعى الأمر فتح تحقيق ولانعتقد أن ( زعل ) هاشم هارون أمس ومغادرته مقر اللجنة غاضبا بعد إطلاعه على حديث كاكى هو الحل الأمثل فالمسألة تحتاج قرارات حاسمة . ** تحية خالصة للزملاء والزميلات الشرفاء ألذين ظلوا على إتصال دائم مع اللاعبين المؤهلين فى معسكراتهم الخارجية لمعرفة أحوالهم ونقل أخبارهم فى الوقت الذى ينوم فيه إعلام اللجنة الأولمبية بقيادة الثنائى النعمان حسن وهنادى الصديق فى العسل . ** بعد حديث كاكى هل نتوقع تدخل الدولة ومنع المشاركة تحت هذه الظروف وٍبهذا الشكل ألذى يبنبئ بفضيحة كبرى !!]
العزيز ناصر وضيوفك الكرام ؛؛؛ هذا اللقاء الذي اجرته كفر ووتر مع العداء ابوبكر كاكي الذي رفض الجواز الامريكي مقابل الدولارات يؤكد الي اي مدي يعاني العداؤون من اهمال الادارة المختصة
Post: #31 Title: Re: احد اعضاء البعثة السودانية فى اولمبياد لندن يطلب اللجوء السياسى Author: أحمد ابن عوف Date: 07-27-2012, 08:02 PM Parent: #29
شغل تمام
نعم لاحراج حكومة السجم
توقعاتنا او بالاصح دعوتنا كانت لها سقف اقل من ذلك
لكن اخونا د. صلاح البندر جعل من خبر اليوم هي تأكيد لما وعد به الشعب السوداني وحكومة السجم في هذا البوست
Quote: نوعدك يا حبيب بان يحتج أبناء وبنات السودان بالانشقاق من الوفد الرسمي ... ونوعد عموم اهل السودان بان نحول الأولمبياد الى فرصة لشباب السودان ليعبروا بانشقاقهم عن الإنقاذ عن تفاعلهم مع أهلهم في معسكرات النزوح واللجوء .... وتضامن هم مع المعتقلين والمعتقلات
وقول يا باسط
خليك حريص .... خليك سوداني
Post: #30 Title: Re: احد اعضاء البعثة السودانية فى اولمبياد لندن يطلب اللجوء السياسى Author: Zomrawi Alweli Date: 07-27-2012, 07:55 PM Parent: #4
Quote: كان يحضر الإفتتاح على الأقل لأنو بالطريقه دي سيستبعد من تمثيل بلاده
هو وين بلاده دي الما قدرت تشيله وتبيد اهله وزول زي دا مثل بلاده كتيرا ولم يجد اهله الا الايادة والتنكيل
Post: #32 Title: Re: احد اعضاء البعثة السودانية فى اولمبياد لندن يطلب اللجوء السياسى Author: Dr Salah Al Bander Date: 07-27-2012, 10:40 PM Parent: #30
خليك حريص ... خليك سوداني.... ....... هنالك حالات أخري ياشيخ أحمد بن عوف... الصبر طيب ....
Post: #33 Title: Re: احد اعضاء البعثة السودانية فى اولمبياد لندن يطلب اللجوء السياسى Author: ناصر المحسى Date: 07-27-2012, 10:41 PM Parent: #30
شكرا للاخوة المرور
وشكرا للاعب السودانى
الذى فضح الكيزان امام
العالم
Post: #34 Title: Re: احد اعضاء البعثة السودانية فى اولمبياد لندن يطلب اللجوء السياسى Author: humida Date: 07-27-2012, 10:47 PM Parent: #33
Quote: زي السودان والسعودية هناك
انتو السعودية دي مشكلتها معاكم شنو ..
.. ..
دقيقة استأذن من الكفيل قبل ما ارسل الرد ..
Post: #35 Title: Re: احد اعضاء البعثة السودانية فى اولمبياد لندن يطلب اللجوء السياسى Author: ناصر المحسى Date: 07-28-2012, 00:23 AM Parent: #34
Post: #36 Title: Re: احد اعضاء البعثة السودانية فى اولمبياد لندن يطلب اللجوء السياسى Author: ناصر المحسى Date: 07-28-2012, 00:27 AM Parent: #35
Post: #37 Title: Re: احد اعضاء البعثة السودانية فى اولمبياد لندن يطلب اللجوء السياسى Author: ابوعبيدة النعمان Date: 07-28-2012, 00:36 AM Parent: #35
شكراً للاخ ناصر لسبقك في نقل الخبر
Post: #38 Title: Re: احد اعضاء البعثة السودانية فى اولمبياد لندن يطلب اللجوء السياسى Author: احمد محمد بشير Date: 07-28-2012, 00:54 AM Parent: #37
بدوهو الاقامة و الجنسية ان شاء الله .. اليومين ديل اي سوداني يقدم في اي بلد بياخد طوالي , بالذات في لندن و دول اسكندنافيا وكندا .
وكلوا بي سبب حكومة الانقاذ المعفنة دي .
سودانيات في لندن بحفل الافتتاح
Post: #39 Title: Re: احد اعضاء البعثة السودانية فى اولمبياد لندن يطلب اللجوء السياسى Author: محمد زكريا Date: 07-28-2012, 01:16 AM Parent: #38
حكومة بلد لاتحترم مواطنيها ولا تحترم ابطالها فلتذهب الى الجحيم مبروك للبطل كاكى اخيراً الانعتاق من قبضة حكومة الابارتايد
Post: #40 Title: Re: احد اعضاء البعثة السودانية فى اولمبياد لندن يطلب اللجوء السياسى Author: الفاتح سليمان Date: 07-28-2012, 01:23 AM Parent: #39
مين من افراد البعثة لانو في اخبار بانو كاكي ما هناك اصلا
هل المعلومة موكدة بانو كاكي ؟؟
Post: #41 Title: Re: احد اعضاء البعثة السودانية فى اولمبياد لندن يطلب اللجوء السياسى Author: ناصر المحسى Date: 07-30-2012, 00:12 AM Parent: #40
Quote: 07-29-2012 07:55 PM
الخرطوم 29/7/2012م (سونا) أكد السفير عبد الله الأزرق سفير السودان بلندن أن السودانيين الثلاثة الذين طلبوا حق اللجوء لم يكونوا ضمن البعثة السودانية المشاركة في أولمبياد لندن. وقال السفير الأزرق في إتصال هاتفي مع وكالة السودان للأنباء من لندن إن أعضاء البعثة الأولمبية العداءان إسماعيل أحمد إسماعيل وأبوبكر كاكي والمشاركات في السباحة كانوا حضورا أمس في الإفطار الذي نظمته السفارة السودانية بلندن بحضور وزير الشباب والرياضة الفاتح تاج السر ورئيس اللجنة الأولمبية مولانا هاشم هارون ومدير إدارة الرياضة دكتور نجم الدين المرضي بجانب رئيس الاتحاد السوداني لألعاب القوى بدوي الخير وبقية ألاعضاء المشاركين في الأولمبياد. وأوضح سيادته أن الذين طلبوا حق اللجوء كانوا في معسكر في لندن لمدة أسبوع نسبة لمشاركتهم في مسابقة برشلونة مشيدا بوطنية الشاب عبد المنعم يحي آدم عبدالله الذي قاوم ضغوط الشباب الثلاثة وكان مصرا على العودة الى الوطن ووصل الخرطوم آمناً. وأشار السفير الأزرق أن طلب اللجوء غير مستوف الشروط حسب قوانين الهجرة البريطانية لأنه قد تم تقديمه قبل افتتاح الأولمبياد مشيرا الي أن طلب اللجوء تنتفي فيه صفة الإضطهاد والإهانة لأنهم دخلوا بريطانيا بتأشيرة دخول من السفارة البريطانية بالخرطوم. وكشف سيادته أن الشباب الثلاثة قد أدركوا الخطأ الذي وقعوا فيه وأرسلوا وسطاء سودانيين لطلب وثائق سفر إضطرارية للرجوع للسودان. وأشار الى أن الشباب الثلاثة هم الآن في مركز اعتقال حتى يتم النظر في موضوع اللجوء. وأوضح الازرق أن السفارة السودانية كانت قد استقبلتهم في المطار وأوصلتهم لمكان المعسكر وكان من المفترض سفرهم الى برشلونة يوم السابع والعشرين من الشهر الحالي ولم يكن هناك سبب مقنع يمنعهم من السفر الى برشلونة.
يعنى فعلا فى تقديم لجوء وبدل واحد تلاتة
Post: #42 Title: Re: احد اعضاء البعثة السودانية فى اولمبياد لندن يطلب اللجوء السياسى Author: احمد محمد بشير Date: 07-30-2012, 03:17 AM Parent: #41
الاخوة المتداخلون و الله اتحيرنا مرة يقولوا واحد القدم ومرة يقولوا ثلاثة اشخاص عدييييل كده.. :)
حاجة غريبة يا جماعة ,,,,, لماذا تمارس أجهزة الاعلام السودانية الكذب !!!!!!!!
وكالة سونا اليوم حسب خبر ناصر اعلاه ذكرت:
انهم اجروا اتصال مع البعثة في لندن و أن كاكي كان ((حاضرا)) في الافطار الجماعي الذي اقامته البعثة في لندن !!
واعلاه في الصورة خبر من موقع كورة بيقول أنه كاكي مازال في استكهولم !!
وقانون الاولمبياد بينص على انه المتسابق لابد ان يتواجد قبل افتتاح البطولة !! .... والاعلام البريطاني قال انه في عداء لمسافات 800 متر طلب لجوء.
حسب تخميني انه اللاعب كاكي قد يكون قدم لجؤء في بريطاني ولكن بعد تدخل الاجاويد , قد يكون تراجع عن طلبه ........... اصلا احتمال انه يتم رفض طلب لجوءه لانه لا يعقل وحسب قانون الهجرة انك تقدم لجوء وانت تكون طلعت بصورة رسمية من مطار الخرطوم ...... و أكيد بيكونوا اقنعوا كاكي بالحتة دي لحدي ما تراجع ..... .. لكن كاكي لو كان اصر كان ممكن يآخد لجوء .
Post: #43 Title: Re: احد اعضاء البعثة السودانية فى اولمبياد لندن يطلب اللجوء السياسى Author: ناصر المحسى Date: 07-30-2012, 03:59 PM Parent: #42
Quote: الاخوة المتداخلون و الله اتحيرنا مرة يقولوا واحد القدم ومرة يقولوا ثلاثة اشخاص عدييييل كده.. :)
حاجة غريبة يا جماعة ,,,,, لماذا تمارس أجهزة الاعلام السودانية الكذب !!!!!!!!
وكالة سونا اليوم حسب خبر ناصر اعلاه ذكرت:
انهم اجروا اتصال مع البعثة في لندن و أن كاكي كان ((حاضرا)) في الافطار الجماعي الذي اقامته البعثة في لندن !!
واعلاه في الصورة خبر من موقع كورة بيقول أنه كاكي مازال في استكهولم !!
وقانون الاولمبياد بينص على انه المتسابق لابد ان يتواجد قبل افتتاح البطولة !! .... والاعلام البريطاني قال انه في عداء لمسافات 800 متر طلب لجوء
احمد رمضان كريم
مافى نار بدون دخان فعلا فى واحد او اكثر قدمو اللجوء
واعلام الكيزان غير متفق فى كضب لنفى الحالة
Quote: اصلا احتمال انه يتم رفض طلب لجوءه لانه لا يعقل وحسب قانون الهجرة انك تقدم لجوء وانت تكون طلعت بصورة رسمية من مطار الخرطوم
عادى جدا انو زول طالع بطريقة رسمية يقدم لجوء وحدث قبل كدة اعضاء فى بعثات رياضية قدمو لجوء
على ما اذكر من كوريا الشمالية فى احدى الالمبياد وايضا عداء اثيوبى
حتى قاضى النظام العام الذى قدم اللجوء فى بريطانيا خرج من السودان بطريقة رسمية
