Post: #2
Title: Re: ما بين عصام والشفيع (أنصر أخاك ظالماً أو مظلوماً).....
Author: Al-Shaygi
Date: 07-27-2012, 12:45 PM
Parent: #1
Quote:
ما بين عصام والشفيع (أنصر أخاك ظالماً أو مظلوماً).....
|
انصر أخاك ظالما أو مظلوما
مقولة قالها العرب في الجاهلية وعملوا بها حرفياً أي العربي ينصر أخاه أو إبن قبيلته ورهطه سواء كان ظالماً أو مظلوماً فإن كان ظالماً أعانه على الظلم والتمادي فيه وإن كان مظلوماً دافع عنه ورفع عنه الظلم، وهذا الفهم الجاهلي.
جاء الإسلام دين الحق وورد في السنة الحديث التالي بذات لفظ المثل القديم ولكن بتفسير أخلاقي عادل منصف.
الحديث صحيح أخرجه البخاري في صحيحه والإمام أحمد في مسنده و الترمذي في سننه وغيرهم ولفظه في البخاري عن أنس رضي الله عنه قال: قال رسول الله صلى الله عليه وسلم: انصر أخاك ظالماً أو مظلوماً، فقال: رجل يا رسول الله صلى الله عليه وسلم أنصره إذ كان مظلوماً، أفرأيت إذا كان ظالماً كيف أنصره؟! قال: تحجزه أو تمنعه من الظلم، فإن ذلك نصره.
والله أعلم.
ما دعاني لكتابة هذا الكلام هو مداخلة لزميل المنبر المستشار عصام دهب في بوست الكهرباء الذي يجادل فيه الزميل م. الشفيع وراق (كلاهما مؤتمر وطني وكلاهما يدافع عنه بإستماتة)، الذي ذكرني بالحديث أسلوب دفاع كل منهما فأحدهما فهم الحديث أو المثل بالمفهوم الجاهلي وطبقه وإستمات في التطبيق وظل يسير في درب الباطل ولا يبالي بالمنتقدين ولا بالناصحين ....
الآخر إنتهج النهج العقلاني وقال كلمة حق وهذه مداخلته وأسفلها الرابط:
Quote:
سلام يا الشفيع و رمضان كريم ..
و أنا أختلف معك في ما ذهبت إليه ..
فرفع سعر الكهرباء و إن إستهدف شريحة المقتدرين فهو ينعكس بصورة أو أخرى سلباً على شريحة الفقراء و هم الغالبية من أهل السودان ..
و الطريقة التي أتبعتها الحكومة في إقرار هذه الزيادة أقل ما توصف بأنها مخادعة ..
يا الشفيع إنتماؤنا للمؤتمر الوطني يتعين أن لا يكون سبباً للوقوف مع الحكومة حتى في أخطائها ..
و إن لم نبد النصح لمن حملناهم الأمانة ونواجههم .. فلا خير فينا إن سكتنا على أخطائهم ..
و حينما تصبح الحكومة في واد و الشعب في واد الضنك و المعاناة فليبقى الشعب و لتذهب الحكومة غير مأسوف عليها ..
Re: تسعيرة الكهرباء مناسبة 100%
|
كلمة حق تستحق الوقوف عندها ويستحق قائلها الشكر، فالإنتماء لأي جهة أو معتقد ليس عيباً وإنما حرية شخصية ولكن العيب أن تدافع عن الباطل بالفهم الجاهلي لنصرة الظالم....
ولا يزال الأخر يكابر ويراوغ وعينيه زائغة عن الحق الظاهر كشمس الظهيرة ولا تعمى الأبصار ولكن تعمى القلوب التي في الصدور....
ألهم عافنا وأعفو عنا وأهدنا إلى سراطك المستقيم ....
آمين
الشايقي
http://www.youtube.com/watch?v=WjNosdjuv7s
[email protected]
http://alkatwah.com
.
|
Post: #3
Title: Re: ما بين عصام والشفيع (أنصر أخاك ظالماً أو مظلوماً).....
Author: فايزودالقاضي
Date: 07-27-2012, 03:25 PM
Parent: #2
الشايقي ...سلامات ..
الشفيع كان زول موضوعي واقرب للحق لكن ماعارف الزول ده حصل ليهو شنو في الفترة الاخيرة ..
اتمنى ان يرجع لصوابه ويتبع الحق والا يناصر الظلم حتى لو كان اخاً ..
تحياتي ..
|
Post: #4
Title: Re: ما بين عصام والشفيع (أنصر أخاك ظالماً أو مظلوماً).....
Author: Al-Shaygi
Date: 07-27-2012, 03:59 PM
Parent: #3
ود القاضي حبابك
Quote:
والا يناصر الظلم حتى لو كان اخاً ..
|
ما قلنا ما يناصر أخيه الظالم ؟
بل يناصرة كما قال الرسول صلى الله عليه وسلم بأن يناصحه ويبعده عن الظلم
وليس كتفسير الجاهلية يعاونه على الظلم ويزينه له؟؟؟
بالله قارن بين المتوركيين أعلاه أحدهم موضوعي وأقر بالخطأ وهذه محمدة كبيرة (المستشار) والآخر يصر على تزيين الخطأ ويتهم مخالفيه بعدم الفهم أو السير بلا وعي وراء المافاهمين؟؟؟
يعني نظام أنا الفاهم وبس والباقيين بهايم ... هذه قمة الفرعنة....
الشايقي
http://www.youtube.com/watch?v=WjNosdjuv7s
[email protected]
http://alkatwah.com
.
|
Post: #6
Title: Re: ما بين عصام والشفيع (أنصر أخاك ظالماً أو مظلوماً).....
Author: فايزودالقاضي
Date: 07-27-2012, 08:34 PM
Parent: #4
الشايقي ...سلامات ..
Quote: | Quote: والا يناصر الظلم حتى لو كان اخاً |
ما قلنا ما يناصر أخيه الظالم |
ماقلت مايناصر الظالم
قلت مايناصر الظلم
تحياتي ،،
|
Post: #7
Title: Re: ما بين عصام والشفيع (أنصر أخاك ظالماً أو مظلوماً).....
Author: الشفيع وراق عبد الرحمن
Date: 07-27-2012, 08:52 PM
Parent: #6
الشايقي سلام
كان مفروض تجيب كلامي كامل بدل ابتساره بالطريقة المخلة
انا اقف مع الطبقة المسحوقة حتى ولو ضد المكتب القيادين وهو موقف مبدأي
انت ومن على شاكلتك تساندون الطبقة الاقطاعية البورجوازية المتسلطة
والطبقة دي امتداد لتجار الطائفية البائدة واظن ان ما زال لديها مراكز قوى داخل الحكومة
المفروض المعارضة تكون راشدة وتساعد الحكومة على اجتثاثها
|
Post: #8
Title: Re: ما بين عصام والشفيع (أنصر أخاك ظالماً أو مظلوماً).....
Author: Abdelmoniem ALHAJ
Date: 07-27-2012, 09:46 PM
Parent: #7
| Quote: والطبقة دي امتداد لتجار الطائفية البائدة واظن ان ما زال لديها مراكز قوى داخل الحكومة |
ده شنو يا الشفيع
داير تقول حكومتك المكنكش فيها دي فيها غواصات؟
|
Post: #9
Title: Re: ما بين عصام والشفيع (أنصر أخاك ظالماً أو مظلوماً).....
Author: Al-Shaygi
Date: 07-27-2012, 10:22 PM
Parent: #7
Quote:
الشايقي سلام
كان مفروض تجيب كلامي كامل بدل ابتساره بالطريقة المخلة
انا اقف مع الطبقة المسحوقة حتى ولو ضد المكتب القيادين وهو موقف مبدأي
انت ومن على شاكلتك تساندون الطبقة الاقطاعية البورجوازية المتسلطة
والطبقة دي امتداد لتجار الطائفية البائدة واظن ان ما زال لديها مراكز قوى داخل الحكومة
المفروض المعارضة تكون راشدة وتساعد الحكومة على اجتثاثها
|
وعليكم السلام يا الشفيع
أولاً أنا ما جبت ليك أي كلام هنا لا كامل ولا مبتثر؟؟؟
الكلام الجبتو حق المستشار عصام دهب وجبتو لأنو عجبني....
وأنا ومن على شاكلتي (وشاكلتي دي ما عارفها بتكون كيف)..!! لا بساند برجوازية ولا إقطاعية متسلطة وإنما بساند الغلابه الزي حالتي دي...
ولو بساند الحاجات القلتها دي كان زماااااااااان أنضميت للمؤتمر الوطني وعملت لي إقطاعية وأتبرجزت وأرتحت من الفلس والفقر يا دار ما دخلك شر....
وبعدين تجار الطائفية ديل يا ربي ولاد عم تجار الدين ولا اسم على اسم ساي.؟؟؟
المشكلة أنه المعارضة ما راشدة عشان كدة حكومة اللصوص ممددة رجليها وماخده راحتها في الشعب المسكين المغلوب على أمره...
زيادة الكهرباء البتحلل فيها وتزينها على أنها قرار سليم أنا شخصياً متضرر منها لأني بدفع كهربة 3 بيوت في السودان،، شفت كيف؟؟
وده قرار خاطيء ومجحف وظالم مهما عملت ليه من مكياج وزينة ومهما فلسفته وهندسته برضو خطأ وظالم ومتضرر منه كل الشعب التعبان أصلاً من الغلاء والزيادات الحصلت ظلماً
فما ممكن حكومة تسرق كل ثروة البلد وبعد داك عاوزة تحل الإنهيار الإقتصادي الهي السبب فيه من جيوب الشعب الخاوية أصلاً....
فبالله ما تقعد تكتب لي في كلام كبار وتجهل كل من يخالفك وخليك واقعي وضع نفسك في مكان أي غلبان وقارن....
الشايقي
http://www.youtube.com/watch?v=WjNosdjuv7s
[email protected]
http://alkatwah.com
.
|
Post: #10
Title: Re: ما بين عصام والشفيع (أنصر أخاك ظالماً أو مظلوماً).....
Author: الشفيع وراق عبد الرحمن
Date: 07-27-2012, 10:39 PM
Parent: #9
الشايقي سلام تاني
| Quote: لأني بدفع كهربة 3 بيوت في السودان،، شفت كيف؟؟ |
وهل البيوت دي استهلاكها الشهري يزيد على الـ600 كيلووات؟
| Quote: ومتضرر منه كل الشعب |
هل كل الشعب يستهلك 600 كيلووات يا الشايقي؟
واهلك الفي البلد مصيرهم شنو لامن انتو تشفطوا الدعم كله
|
|