الأخبار الكويسه ..

مع إنو خبر قديم ووارد بالإيميل لكن ضروري للناس الكييفين



.

اللساتك التجت الازيار الجماعة بكونوا لموها زمان

خوفا عليها من الحرق

والله يا مرتضي دي بداية كويس جدا لاصلاح مزاجنا العكر
وتحياتي وكل عام وأنت بخير وتصوم وتفطر بوافر الصحة
لك كل الود

إتضح إنو ما عندو بيت غير اللبيض ..

يا كافي البلا يا أوباما ولا حوش ولا بانقا..




-
برضو من الإيميل

الدور على المحامين..





وأطباء الأسنان..

Quote: اللساتك التحت الازيار الجماعة بكونوا لموها زمان

قااااعده.. لكن اللساتك التانيه راحت في حق الله

Quote: والله يا مرتضي دي بداية كويس جدا لاصلاح مزاجنا العكر وتحياتي وكل عام وأنت بخير وتصوم وتفطر بوافر الصحة لك كل الود

حبيبنا أبو الزهراء سلامات،
أحمد الله إنو عندك مزاج عكر،
ياخ ناس السودان ماعندهم مزاج من أصلو..

Quote: ياخ ناس السودان ماعندهم مزاج من أصلو..

معقولة يا عمكــ ؟

كدا ما عصرت شديد على ناس ودالصايم

يا كابيلا ، ود الصايم زول كويس ياخ .

بخصوص صورة البروفايل:
كتاب
The power of now

الكتاب دة احد كنوز المعرفة.
ايضا كتاب:
A New earth
لنفس المؤلف.

رمضان كريم محمد المرتضى.

يعني وارد يجي يوم نشوف فيهو أميركي ناشق لبطانة اب على وحسان

Quote: بخصوص صورة البروفايل: كتاب The power of now الكتاب دة احد كنوز المعرفة. ايضا كتاب: A New earth لنفس المؤلف. رمضان كريم محمد المرتضى.

وكل عام وأنتم بخير يا دكتور،

إيكارت كاتب مختلف ،
عندما قرأته لأول مرة قرأت A New Earth: Awakening to Your Life's Purpose وأحسست
أن ذلك الكتاب يخاطب الكثير من الزوايا المششتة الهائمة في النفس ولا أخفيك أني
تمردت على العمل (الدوام) يومها بسبب الكتاب لأنه من الكتب التي تحدث تغييرا في
حياتك ، أحب الكتب التي تغير حياتي حتى نحو الأسوأ وأكره الكتب الساكنة
التي تنمو فيها بكتريا العادية..

هذا الكتاب ( The Power of Now ) من الكتب الذي يتطلب قراءة (بالقلم والكراس)
مذاكره عديل حتى تتشرب مافيه من معان وقيم وأفكار ( كما قالت صديقة) ولايمكن
قراءته - كمحاضرات كاتبه - مع أي ضجيج أو حركة وأظنك تتفق معي في هذا باعتبارك من معجبي إيكارت..

كنت بصدد الكتابة عن إيكارت وكتبه في المنبر وأطلقت بالونة إختبار لمعرفة
مدى التجاوب مع مثل هذه الكتابة في بوست تصفية حسابات.. لكن مثل هذه الكتابات ربما تصطدم بالطبيعة السريعة لحركة القراءة
في المنبر ومن ثم تخليت عن الفكرة برمتها وأبقيت على صور الكتاب في البروفايل
للتحريض على قراءته كما سبق أن فعلت مع نيو إيرث ..
كنت أظن أن الزميلة هدير الزين ربما تكون الوحيدة التي قرأت لإيكارت بتعمق هنا
ويسعدني أن أجد آخرا يهتم بكتابات بهذا المستوى .

Quote: الدور على المحامين.. وأطباء الأسنان..

والباقين

يا مرتضى
ضيقت واسع

تحية رمضانية بطعم الحلومر والأبري الابيض

مولانــــا
شوق ومحبة والله
بس مالكـ دايرني أخت راي تاني
دي ما ياها زاااااااااااته ماكينة إعلام السلطان الفوق راسنا ولا على كيفنا ده
عليه فالرد يا سيدي إعجاباً على هذا العنوان - أو البوست - هي مقولة تهليل الجماعة :
هييييييييييييع
أردم
بردلب

.....
الكاريكاتير بيقول أكتر
هاكـ :

Quote: يعني وارد يجي يوم نشوف فيهو أميركي ناشق لبطانة اب على وحسان

ومن قال أن الأمريكان لم (ينشقوا) هناك ؟
من قال لك أن الإسرائليين لم يعبروا بطانتك جيئة وذهابا؟
ألم تقرأ عن عملية موسى ألم تستمع لشهادة المدعو الفاتح عروة
في محاكمة عمر محمد الطيب ألم تستمع لساسة عهد نميري أصحاب الفلاشا..

عموما الخبر الأكيد البطانه اترشَّت..

وكذا البردانه..

Quote: والباقين

المامنسي،
منذ قديم الزمان والهجرات البشرية يحركها الإقتصاد والأمن ، من ثم فإن (الباقين)
سيأتي دورهم في حينه، يعني علماء الفضاء والرواد سيصلوا عند افتتاح مركز أبحاث الفضاء
وفقا لما سيعلنه المؤتمر الوطني الهندي قريبا..

ما تستعجل يا خالد ، كلو بأوانو..

Quote: ما تستعجل يا خالد ، كلو بأوانو..

نسوي شنو
دي شفقة البنية الجات ...
خلي شيقوق يتمو

Quote: خلي شيقوق يتمو

شيقوق هذا أتفاداه قدر الإمكان في رمضان ..
غايتو يا خالد زولك دا ..
ياخ نحن ناس حضر البيلمنا في زي شيقوق دا زاتو شنو الواحد ما عارف..
الله يسامح الإغتراب ..

Quote: بس مالكـ دايرني أخت راي تاني دي ما ياها زاااااااااااته ماكينة إعلام السلطان الفوق راسنا ولا على كيفنا ده عليه فالرد يا سيدي إعجاباً على هذا العنوان - أو البوست - هي مقولة تهليل الجماعة : هييييييييييييع أردم بردلب

والناس على دين ملوكهم يا عمران،

والله البوست المرقك من الصومعأ دا جاب حقو طاب.


هذا الكاريكاتور ليس مزحة ، فهو يعبر عن واقع الجماعة حد التطابق..

دي برضو من الأخبار المدهشة يا عمران،

لكن كاروري خطير..

أين هذا الرجل؟

كان له كاريكاتور مشابه - على ما أذكر - بذات السيناريو إلا أن العروس كانت ( ماليا مركزا)
وكان التعليق ( يا وليه مالك زعلانه دي النفرة الكبرى ) ..

لكن صدقني ولى زمن النفرات ..

ضاقت يا عمران..
دا كان أيام النفط ..

حتى تكتمل المتعة انصحك بالاستماع الى الساعات الطويلة التى جلست فيها اوبرا وينفيرى مع ايكهارت ارتولى محاورة له ومستكشفة كثير من الخيايا.
امنت بعقلية اوبرا الجبارة منذ تلك الايام التى استمعت لها وهى تقدم ايكهارت وقبلها لم اكن اطيق لقاءاتها التى تبدو فيها ارستقراطية تهتم باخبار ساذجة-هكذا بدا لى الامر حينها.
اما ايكهارت فيكفي ان اتصل به احد المعجبين بالكتاب صائحا فيما معناه:
This book has become a manual of my life.

والكتاب االمقصود به نيو ايرث.
شئ اخر انا ارى فى ارتولى ايكهارت متصوفا مسلما بالفطرة، وبدات فى وقت من الاوقات فى جمع بعض مقتطفات من الكتاب مقارنتها بما جاء فى كتب التصوف.
اما يخصوص بوست -تصفية حسابات- لو كنت اعلم بان محتوى البوست عن كتاب نيو ايرث لما تركته يهبط للقاع. واعتقد اختيار عناوين البوست بدقة حتى لا ينخدع القارئ والعضو بمحتوى البوست فيعزف عن الدخول اليه.
معليش على التخريمة مولانا مرتضى. وبالمناسبة كتاب نيوايرث من الأشياء السمحة او الاخبار السمحة شديد ولو علم السودانيون بمحتواه لما تركوا نسخة فى السوق ففيه مواساة كبيرة لحالهم وعدم الهلع ليوم بكرة او للمستقبل.
و
live the present moment, the moment of now.

ياخى تجى "نكوس" الأخبار و الأفكار أكتر من كده ... بدل الأمريكان و ستات شايهم و غيرهم من الشعوب البائسه يركبو و يتلتلو بالملايين و يبعزقو قروشهم و يملو علينا بلدنا و ي######وها نقوم نتنازل ليهم من حكومتنا و نسلفهم ليها كم سنه كده تصلح ليهم أوضاعهم كلللها ... و يخلوها معاهم هناك ... و في ميزان حسناتنا ... رمضان كريم ياخى

محمد وامبدة
فى زول يجيب سيرة إيكهارت هنا؟

ياخى إيكهارت وديباك ديل ناس يعنون بالسمو الروحى والعقلى..

نحن ناس البشير وقفونا فى العناية بالجسد والآن أصبح همنا القراءة فى فوائد الجوع ومقاصده السامية..

تتذكر يامحمد فيديوهات ديباك شوبرا التقلن البوست؟
مافى واحد بشتغل بيهن هنا!!

Quote: Re: الأخبار الكويسه ..

والله يا مولانا دي طولنا منها خلااااااس

Quote: اما يخصوص بوست -تصفية حسابات- لو كنت اعلم بان محتوى البوست عن كتاب نيو ايرث لما تركته يهبط للقاع. واعتقد اختيار عناوين البوست بدقة حتى لا ينخدع القارئ والعضو بمحتوى البوست فيعزف عن الدخول اليه. معليش على التخريمة مولانا مرتضى. وبالمناسبة كتاب نيوايرث من الأشياء السمحة او الاخبار السمحة شديد ولو علم السودانيون بمحتواه لما تركوا نسخة فى السوق ففيه مواساة كبيرة لحالهم وعدم الهلع ليوم بكرة او للمستقبل. و live the present moment, the moment of now.

في حفل أقيم بفندق بمناسبة العيد الوطني لباكستان قال أحدهم أن الشاعر الجميل محمد إقبال
سئل عن صديقه محمد علي جناح ، فكان رد إقبال أنه لن يستطيع ذلك لأنه إذا سألك أحدهم عن الشمس
تسوقو السهله وتقول ليهو ياها ديك..

من عاداتي السيئة التي فشلت في التخلص منها أنني إذا أعجبني عمل ، كتاب أو لوحة أو مقال أو موسيقى
يصيبني إحساس عارم أن بعض العزيزين لابد أن يطلعوا على ما اطلعت لأنني لا أستطيع أن أحكي عن
ما أعجبني ، أسوق الزول السهله واقول ليهو هاك شوف الشمس براك.

أهديت نسخا عديدة من الكتابين لبعض الأعزاء متمنيا أن يشاركني بعضهم الرسائل العميقة التي تضمناها ،
لكن عرفت أنه ليس بالضرورة أن ما أعجبني قد يستهوي الأعزاء ،

المسألة ببساطة يا دكتور أن كل رحلة طيران معد لها مستوى تحليق altitude خاص بها ..

يا مولانا بتاعت اوباما و ميشيل بت اعمو يبيتوا في الشارع دي من تأليفي و حقوق الطبع وهبتها للجميع.

Quote: الأخبار الكويسه ..

دي يطرشنا منها يا المرتضى من زمناً بعيد والحمد لله..

وقلنا جات في بوستيك دا ...

Quote: المسألة ببساطة يا دكتور أن كل رحلة طيران معد لها مستوى تحليق altitude خاص بها ..

دي حقيقه ..

Quote: ديباك شوبرا

لموا فيهو ناس سام هاريس و هتش زعمطوه زعمطة العدو يا بلة.

Quote: نقوم نتنازل ليهم من حكومتنا و نسلفهم ليها كم سنه كده تصلح ليهم أوضاعهم كلللها ... و يخلوها معاهم هناك ... و في ميزان حسناتنا ...

وعبدالعاطي وعبدالرحيم ضمن ال package ؟

لا لا لا لا .. تلك إذا قسمة ضيزى،

ديل ما بنفكهم مننا،

ما بنغلط غلطة البرشا ونندم على ناس Eto وروبرتو ديل يا عصام..

ألعب غيرا..


رمضان كريم..