Post: #1
Title: أتوقع تدخل الرئيس!
Author: Hussein Mallasi
Date: 07-25-2012, 12:13 PM
Parent: #0
أتوقع أن يكون السبب في رفع سعر الكهرباء بهذا الشكل الخرافي و الجزافي
ترك مساحة لتدخل رئيس الجمهورية فيخفضها – و لا يلغيها – فنصبح مسرورين!
|
Post: #2
Title: Re: أتوقع تدخل الرئيس!
Author: Hussein Mallasi
Date: 07-25-2012, 12:16 PM
Parent: #1
يعني بدل الزيادة تزعلنا .. تفرحنا!
|
Post: #5
Title: اتوقع
Author: العوض المسلمي
Date: 07-25-2012, 12:26 PM
Parent: #2
لا اظنه يفعلها :)
|
Post: #3
Title: Re: أتوقع تدخل الرئيس!
Author: Mohammed Awad
Date: 07-25-2012, 12:20 PM
Parent: #1
والله ياملاسى انت طيب خلاس
اتوقع الرئيس يجى يديك مبررات لزيادة الكهرباء
|
Post: #4
Title: Re: أتوقع تدخل الرئيس!
Author: د.محمد حسن
Date: 07-25-2012, 12:22 PM
Parent: #3
الرئيس منو؟
|
Post: #6
Title: Re: أتوقع تدخل الرئيس!
Author: قاسم المهداوى
Date: 07-25-2012, 12:28 PM
Parent: #4
البعام
قاسم المهداوى
|
Post: #8
Title: Re: أتوقع تدخل الرئيس!
Author: Hussein Mallasi
Date: 07-25-2012, 12:31 PM
Parent: #6
أبداً يا محمد عوض .. الحكومة في حاجة ماسة لأن نكون
مسرورين بالزيادات؛ و لا سبيل لذلك سوى بالوارد أعلاه!
|
Post: #13
Title: Re: أتوقع تدخل الرئيس!
Author: Mohammed Awad
Date: 07-25-2012, 01:00 PM
Parent: #8
Quote: أبداً يا محمد عوض .. الحكومة في حاجة ماسة لأن نكون
مسرورين بالزيادات؛ و لا سبيل لذلك سوى بالوارد أعلاه! |
هل تعتقد ان الحكومة تُبالى بفرحك وحزنك؟؟
|
Post: #7
Title: Re: أتوقع تدخل الرئيس!
Author: د.محمد حسن
Date: 07-25-2012, 12:30 PM
Parent: #4
اخو
ود آدم؟
|
Post: #9
Title: Re: أتوقع تدخل الرئيس!
Author: عبداللطيف خليل محمد على
Date: 07-25-2012, 12:37 PM
|
Post: #10
Title: Re: أتوقع تدخل الرئيس!
Author: نادر
Date: 07-25-2012, 12:38 PM
حسين ملاسي يرمي بالاقتراح في ملعب الحكومة/ الرئيس،
ت ع ر ص ه ألف
|
Post: #12
Title: Re: أتوقع تدخل الرئيس!
Author: احمد الأمين على إدريس
Date: 07-25-2012, 12:45 PM
Parent: #10
يعنى نظام شدوا الجرذان وانا بجى ارخى شوية
شغل عصابات وبلطجة ما ابعده عن السياسة ..
إذن ملاسى يتوقع انو الحكومة مجرد عصابة ليس الا , وقد صدق فى هذا
|
Post: #11
Title: Re: أتوقع تدخل الرئيس!
Author: محمد إبراهيم علي
Date: 07-25-2012, 12:42 PM
Parent: #4
القصة دي في الفترة الفاتت قريتا في اكتر من جريدة وقد حدثت وفقا للصحافة السودانية في اكثر من بلد مع اختلاف صاحب الاقتراح فمرة هو وزير ومرة مستشار ومرة مساعد
الرئيس يريد رفع الضرائب بنسبة 10% ولكنه خائف من رد الفعل
فمستشاره قال ليهو انا بجيب ليك 10% ومع هتاف تاييد الرئيس قال ليهو وريني
قام المستشار اعلن زيادة الضرائب بنسبة 30% فضج الشعب
وعنده تدخل الرئيس وخفضها الى 10% فصفق الناس مؤيدين لرئيسهم الحنين
|
Post: #14
Title: Re: أتوقع تدخل الرئيس!
Author: Hussein Mallasi
Date: 07-25-2012, 01:05 PM
Parent: #11
” هل تعتقد ان الحكومة تُبالى بفرحك وحزنك؟؟"
أجزم بأن الحكومة ترتعب من سخطي.
|
Post: #15
Title: Re: أتوقع تدخل الرئيس!
Author: البحيراوي
Date: 07-25-2012, 01:05 PM
Parent: #11
يا حسين ملاسي - رمضان كريم
إت يا زول قايل القرار دا طلع من وزارة التجارة الخارجية ولا شنو ؟
دا طالع من وزارة الكهرباء وبعد ما الجماعة لموا سوا وفطروا على البلحة .
بحيراوي
|
Post: #16
Title: Re: أتوقع تدخل الرئيس!
Author: رشا سالم
Date: 07-25-2012, 01:11 PM
Parent: #15
كلام حسين دا منطقي جداً..الحكومة عاوزة ليها حاجة تغش بيها الناس
وحركة انو الكهرباء تزيد ويجي اللي ما يتسماش ينزلها ممكن تكون حركة في شكل وردة
|
Post: #17
Title: Re: أتوقع تدخل الرئيس!
Author: أحمد الشايقي
Date: 07-25-2012, 01:20 PM
Parent: #16
دا يا عالم نحنا كنا متوقعين الكهرباء تنزل وتصبح بنصف السعر .....
الرد الرد .. السد السد ..
|
Post: #18
Title: Re: أتوقع تدخل الرئيس!
Author: عمار يس النور
Date: 07-25-2012, 01:25 PM
Parent: #11
الما نوريقا.
|
Post: #20
Title: Re: أتوقع تدخل الرئيس!
Author: الزبير صالح الزبير
Date: 07-25-2012, 02:07 PM
Parent: #18
حسين ملاسي رمضان كريم
سؤال:- ماذا تسمي حكومة هذة طرق تفكيرها وغاية تجلياتها العبقرية؟
|
Post: #21
Title: Re: أتوقع تدخل الرئيس!
Author: Hussein Mallasi
Date: 07-25-2012, 02:35 PM
Parent: #20
"حسين ملاسي يرمي بالاقتراح في ملعب الحكومة/ الرئيس"
هب أن الحكومة/الرئيس أخذوا بالإقتراح و عملوا به .. بطال معاك بشنو يا المبروك؟!
|
Post: #22
Title: Re: أتوقع تدخل الرئيس!
Author: أمجد الزين
Date: 07-25-2012, 02:48 PM
Parent: #21
Quote:
السلاااااام عليكم
قالها الاستاذحسن بصوته الاجش عندما دخل الى مكتب السكرتره
مكتب السكرتيره ممتلئ عن آخره بموظفين قام المدير الجديد بإنهاء خدماتهم لم يرد اى منهم على حسن التحيه اعادها مرة اخري ياناس السلام عليكم رد عليه هذه المره منصور وهو موظف معاق يتحرك بعكازين وهو من ضمن من قام المدير الجديد بالتخلى عن خدماتهم
منصور : وعليكم السلام ياحسن اقعد شوف لينا دباره فى القصه دى
حسن يفتح مغلف بيده ويخرج منه صوره ارشيفيه لاحد عظماء السودان تعرف ذلك بمجرد النظر فى الصوره
حسن : هوى اااا المدنقرين ديل الموضوع ده بنحل ان شاء الله كدى بتعرفو الزول الفى الصوره دى
الجميع : لا
منصور : ده منو يعنى وبسوي لينا شنو يعنى ياحسن خليك جادى وشوف لينا حل فى شبكتنا دى
حسن : امس كنت بقرا فى قصة الزول ده فى النت اسمو عبدالله ودجادالله واسم الشهره بتاعو كسار قلم ميكمايكل الزول ده كان راجل جد فى زمن الاستعمار الخواجه ميكمايكل ده استفزاهو وكتب فيهو خطاب قام الراجل ده كسر للخواجه قلمو
منصور مقاطعا: ياحسن المدير الجديد ده سودانى وشايقى كمان ولواء فى جهاز الامن
حسن: يامنصور اصبر ان جاييك فى النضم اها كنت بحكى لى امى فى قصة الراجل العظيم ده امى قالت لى ياجنى عبدالله ود جادالله ده جدك ..... وساد صمت فى المكان
تنحنح حسن : مواصلا حديثه اها شوفو والله الليله الشايقى المعفن ده مايتراجع من قرارو ده إلا اوريهو لكم الكسر قلم مكميك منو والا لمن افتح خشمو اسد ليهو وشو بي صورة جدى دى ولمن افتح خشمو عشان يتنفس احشر ليهو الورقه فى خشمو
مصطفى خمسينى قافله معاهو طوالى : ياحسن انت اظنك بقيت تحضر توم اااند جيري كتير
تدخل السكرتيره وتقاطعهم : شوفو يا اخوانى الريس ده تتكلمو معاهو بي الراحه واحكو ليهو ظروفكم والله هو زول كويس
حسن : يازوله كويس شنو على الطلاق انا جدى كسر لى الخواجه قلمو فى زمن الاستعمار الهم كانو تيييييييييييت شوفى والله الزول ده انا اوريهو ليكم
مصطفى مقاطعا : شوف ياحسن هى خربانه خربانه نحنا فوضناك اتكلم بي اسمنا ولا رايكم شنو يا جماعه
الجميع : يازول مافى عوجه
يرن فى تلك اللحظه جرس استدعاء السكرتيره لمكتب المدير
تذهب السكرتيره وتعود سريعا
اها ياناس انتو اتفقتو وفوتضو حسن لانو المدير قال ينادو ليهو مفوض واحد منكم لانو انتو واحد وعشرين غير الناس الما جو
مصطفى : قوم ياحسن
يعدل حسن فى جلسته ويقول : شوفو يا ناس انا بخلى ليكم الباب فاتح عشان تسمعو كلامى كلو
ينهض حسن وتطقطق عصباتو ويعدل من شكته
يفتح مكتب المدير ويجعل الباب مواربا
مكتب المدير ضخم ووسير وبالكاد تراه
حسن بجوار الباب انتابه احساس انو المدير القليل ده بكون هرشه فذادت ثقته فى نفسه
المدير : ما تخش يازول مالك واقف فى الباب
يدخل حسن خطوه واحده
يقوم المدير بتعديل وضعية شاشه امامه ليتمكن حسن من رؤية ماكان يشاهده المدير يقوم المدير بإعادة ماكن يشاهده وتبدو الدهشه على وجه حسن
حسن بي شحمو لحمو فى شاشة المدير وصوته الاجش ينطلق من سماعات كمبيوتر المدير
صوت حسن من للماعات : اها شوفو والله الشايقى المعفن ده مايتراجع من قرارو ده الا اوريهو ليكم الكسر قلم مكميك منو
يقوم المدير بإيقاف التسجيل فى تلك النقطه
المدير : شوف ياحسن اها انا فاتح خشمى اها ورينى كيف اهااااا اهاااا مالك اتسمرت
وبحركه دراميه يقوم حسن بإغلاق الباب وتغرورغ عيون حسن بالدموع
حسن : شوف ياريس والله....... وتنهمر شلالات من الجرسه والكبكبه لمدة عشر دقائق مصحوبه بتنهف ومخاخيط
المدير مقاطعا : شوف ياحسن جواب الرفد وصلك
حسن : يبدو عليه اليأس نعم ياريس
يقوم المدير بسحب ورقه من درج مكتبه
المدير : يازول --- ياحسن ده جواب نقل لى الدندر لو ماعاجبك جواب الرفد عندك
حسن وكالغريق الذي يبحث عن قشه يسحب الورق ويوقع عليها ويكيل على المدير سيل وشلالات من الشكر
المدير : شوف ياحسن ناسك البره ديل دى خطابات نقلياتم وقعو عليها لا مانع ماوقعو اموشو الحسابات اشوفو حقوقهم واسمع انا بديك فرصه تطلع بره تعمل ليهم انك اسد وانك هرشتنى فى حدود سامع انت عارف انا شايفك وكان فى زول عرف بي موضوع الكميرا الفى مكتب السكرتيره ده اعرف انو ده آخر يوم ليك فى الشغل فاهم
حسن : فاهم ياريس
يخرج حسن والعرق يتصبب من جبينه ونفسه قايم
حسن : هوي ياناس المدير ده مازولا كعب انا غايتو بعد تحانيس اتفهم وقال هنا فى تكدس فى العمال كتير قام نقل الناس دى الولايات وانا قلتلو الحوافز وكده قام وافق المهم دى خطابات نقلياتكم العاوز يوقع اهلا وسهلا والما عاوز امشى الحسابات يشيل حقوقو يا ناس انا سويت العلى
المديرمتابعا مايدور من خلال الكميرا وتوقيع الموظفين على خطابات التنقل وهم يشكرون فى حسن وجده صاحب القصه المشهوره
المدير محدثا نفسه : اسع اناس ديل لو كان قلت يهم انا عاوز انقلكم الولايات من البدايه على الطلاق زول امش مافى شعب مابجى إلا بى العين الحمراء قال جدى قال |
|
Post: #23
Title: Re: أتوقع تدخل الرئيس!
Author: عزان سعيد
Date: 07-25-2012, 02:49 PM
Parent: #21
| Quote: قيت الإتقاذ طويلا لا لأنها قوية ولا لأن المعارضة خائبة الرجاء. بقيت لأنها إستطاعت إختزال أحلام الناس وآمالهم في رغيف خبز وحق مواصلات ورسوم المدارس. نجحت بقدرة قادر في جعل الشعب يلهج بشكرها إن هي قدمت عشر ما له عليها من حقوق في مقابل أخذها كل ما عليه من واجبات، وفي تحويل أساسيات الحياة المتفق عليها بين شعوب الأرض إلى عناصر رفاهية تحسد الشعب عليها وتمن عليه إن حصل على بعض منها. |
وحسب (البطاقة) أن تكون أمانيا !
|
Post: #24
Title: Re: أتوقع تدخل الرئيس!
Author: Al Sunda
Date: 07-25-2012, 09:24 PM
Parent: #23
فعلها اسامة من قبل
فعندما أتى لوزارة الكهرباء قام بإلغاء 50% من رسوم التتوصيل
ففرح الشعب او قل اصبحنا مسرورين
مع ان رسوم التوصيل هذه هي عبارة عن تمويل من المواطن لأصول هيئة الكهرباء
بمعنى انو المواطن يدفع ثمن عمود الهيئة وسلك الهيئة وعداد الهيئة ......................الخ
|
Post: #25
Title: Re: أتوقع تدخل الرئيس!
Author: Hani Arabi Mohamed
Date: 07-25-2012, 09:30 PM
Parent: #23
| Quote: بقيت الإتقاذ طويلا لا لأنها قوية ولا لأن المعارضة خائبة الرجاء. بقيت لأنها إستطاعت إختزال أحلام الناس وآمالهم في رغيف خبز وحق مواصلات ورسوم المدارس. نجحت بقدرة قادر في جعل الشعب يلهج بشكرها إن هي قدمت عشر ما له عليها من حقوق في مقابل أخذها كل ما عليه من واجبات، وفي تحويل أساسيات الحياة المتفق عليها بين شعوب الأرض إلى عناصر رفاهية تحسد الشعب عليها وتمن عليه إن حصل على بعض منها. |
بالضبط ...
شكراً لصاحب البوست ... شكراً عزان .... شكراً للضيوف ... وشكراً للقراء.
|
Post: #26
Title: Re: أتوقع تدخل الرئيس!
Author: الرفاعي عبدالعاطي حجر
Date: 07-25-2012, 10:37 PM
Parent: #25
مش لو في رئيس ؟؟
...............................حجر.
|
Post: #27
Title: Re: أتوقع تدخل الرئيس!
Author: نادر
Date: 07-26-2012, 02:56 PM
Parent: #26
أنا البطال معاي سفالة أمثالك، الذين يتاجرون بمعاناة الفقراء والمستضعفين،
أنت يوم متين كنت بتعارض الحكومة يا فلاسي؟
مواقفك دائماً هلامية بلا طعم ولا لون ولا رائحة،
جاي هسع تعمل فيها بتفتش على مصلحة الشعب،
بوستاتك كلها مفخخة ومبذولة لخدمة أجندة نتنة كنتانتك
|
Post: #28
Title: Re: أتوقع تدخل الرئيس!
Author: محمد حيدر المشرف
Date: 07-26-2012, 04:03 PM
Parent: #27
سيناريو يحتاج لصحفيين فى البال يشدو الدلاليك ..
فإن فعلها الرئيس فخير وبركه ..
وان لم يفعلها فقد كان بعيدا ّأصلا عن قرار زياده آلام الشعب السودانى ..
|
Post: #29
Title: Re: أتوقع تدخل الرئيس!
Author: ماضي ابو العزائم
Date: 07-26-2012, 04:23 PM
Parent: #28
| Quote: ترك مساحة لتدخل رئيس الجمهورية فيخفضها – و لا يلغيها – فنصبح مسرورين! |
تكتيك مايوي . . . . . انت ادري به
|
Post: #30
Title: Re: أتوقع تدخل الرئيس!
Author: محمد إبراهيم علي
Date: 07-26-2012, 11:28 PM
Parent: #29
ههههههه
وقد صدق توقع حسين ملاسي
|
Post: #31
Title: Re: أتوقع تدخل الرئيس!
Author: Hussein Mallasi
Date: 07-27-2012, 09:00 PM
Parent: #30
| Quote: سؤال:- ماذا تسمي حكومة هذة طرق تفكيرها وغاية تجلياتها العبقرية؟ |
أترك لك حرية التسمية و أوافق عليها عمياني!
|
Post: #32
Title: Re: أتوقع تدخل الرئيس!
Author: Hussein Mallasi
Date: 07-27-2012, 11:16 PM
Parent: #31
Quote:
فإن فعلها الرئيس فخير وبركه ..
وان لم يفعلها فقد كان بعيدا ّأصلا عن قرار زياده آلام الشعب السودانى .. |
يا لعبقريتك!
|
Post: #33
Title: Re: أتوقع تدخل الرئيس!
Author: Hisham Ibrahim
Date: 07-27-2012, 11:37 PM
Parent: #32
| Quote: أتوقع تدخل الرئيس! |
التسوي بي إيديك يغلب أجاويدك ....
الرئيس حقو يسأل كيف كانت الزياده أصلاً - عشان يعرف كلامنا التحت دا صاح والا ساي ...
رئيس راقص وحوله رجال بُـــــلهاء فماذا يُتوقع منهم غير المرمطه والبهدله ليهو وليهم ولينا جميعاً ....
ما كان العشم يا ريس .....
|
Post: #34
Title: Re: أتوقع تدخل الرئيس!
Author: jini
Date: 07-28-2012, 01:33 AM
Parent: #33
| Quote: أتوقع تدخل الرئيس! |
هييع ألمان السودان!
الحر دا ما مبتقدروا عليهو جاتكم فى اللحم الحى!
جنى
|
|