Post: #1
Title: جميلة ومستحيلة (صـور فاضحة)!
Author: العوض المسلمي
Date: 07-24-2012, 11:16 AM
Parent: #0
سابقاً
حالياً
|
Post: #2
Title: Re: جميلة ومستحيلة (صـور فاضحة)!
Author: العوض المسلمي
Date: 07-24-2012, 11:23 AM
Parent: #1
طبعا الصور اعلاه استهلاك منزلي وليس تجاري !!
كنت اشتري كهرباء بمبلغ 30جنيه سوداني حوالي 115.4 متر
وتستهلك في 10 ايام
بمعدل 11.54 متر لليوم الواحد وبقيمة 3 جنيه يوميا
هذا طبعا مع تقشف كامل واغلاق لاي تكييف او لمبات زائدة
وامس اشتريت كهرباء بمبلغ 30 جنيه سوداني حوالي 37.5 متر
وكم ذكرت فان معدل استهلاكي هو 11.54 متر لليوم الواحد
وبناء عليه ستكون قيمة الكهرباء بالسعر الجديد تكمل معي 3 ايام بدلا عن 10 ايام
وساحتاج اشتري كهرباء اضافية بقيمة 21 يوم عما كان قبل الزيادة
|
Post: #3
Title: Re: جميلة ومستحيلة (صـور فاضحة)!
Author: العوض المسلمي
Date: 07-24-2012, 11:30 AM
بعد ان تحدث السياسيون كثيرا عن بنيات تحتية وصدقنا كما الكثيرين ذلك
وقامت الدنيا ولم تقعد حتي اليوم وتحدث الناس فرحا بقيام سد مروي !
كما تم تقسيم شركة الكهرباء الي خمس شركات وتم تبشير المواطنين بان الكهرباء ستكون باقلة تكلفة !
ليتفاجأ الجميع بان سعر الكهرباء اغلي من اي دولة في العالم !
وهاهي الحكومة تضرب المواطن في اخطر مكان من معيشته وترفع سعر الكهرباء في صورة مبالغ فيها
دون ابداء اي اسباب ليزداد المواطن الما وعذابا علي ما يعانيه !!
|
Post: #4
Title: Re: جميلة ومستحيلة (صـور فاضحة)!
Author: معتصم محمد صالح
Date: 07-24-2012, 11:39 AM
Parent: #3
طبعا يا ابو الشباب الساقية لسة مدورة وشوف في شنو تاني ح يزيدو اتوقع الموية ثم الاتصالات ثم تدور الدائرة مرة اخرى لتعود لزيادة المحروقات ثم المواد الغذائية ثم الكهرباء والاتصالات والموية وال وال وعييييييك ... ربنا يدي العافية والشعب صامد وصادم ..
|
Post: #6
Title: Re: جميلة ومستحيلة (صـور فاضحة)!
Author: ahmed haneen
Date: 07-24-2012, 11:48 AM
Parent: #4
العوض سلامات
يا خي الكلام دا ماحاصل ..
وزير الكهرباء قال الزيادة .. بس للناس
البي يستهلكوا اكثر من 600 كيلو واط في الشهر
كدا راجع ناس مكتب شمبات وراجع استهلاكك خلال الشهر
ولا اقول .. ليك .. يمكن صورك دي مضروبة
|
Post: #5
Title: Re: جميلة ومستحيلة (صـور فاضحة)!
Author: ismeil abbas
Date: 07-24-2012, 11:47 AM
Parent: #3
يا أخى العوض..أحسن حل نضرب الحكومة كهرباء.
|
Post: #7
Title: Re: جميلة ومستحيلة (صـور فاضحة)!
Author: حماد الطاهر عبدالله
Date: 07-24-2012, 11:55 AM
Parent: #3
الأخ/ المسلمي
تحياتي
Quote: وامس اشتريت كهرباء بمبلغ 30 جنيه سوداني حوالي 37.5 متر
وكم ذكرت فان معدل استهلاكي هو 11.54 متر لليوم الواحد |
كيما تحافظ على مستوى مصاريف الكهرباء المعتاد، فأنت من واقع بيانات إستهلاكك للكهرباء
يلزمك أن تخفض إستهلاكك للكهرباء من 11.54 متر يوميا إلى 3.75 متر يوميا، وحينها لن تتحمل
أي مصروفات زائدة، وعلى المتضرر من أهل البيت الدعاء للدولة بالخير.
|
Post: #8
Title: Re: جميلة ومستحيلة (صـور فاضحة)!
Author: esam gabralla
Date: 07-24-2012, 11:58 AM
Parent: #7
أنا أسه هناك و مافي حاجه زى دى
|
Post: #9
Title: Re: جميلة ومستحيلة (صـور فاضحة)!
Author: esam gabralla
Date: 07-24-2012, 12:14 PM
Parent: #8
أو أحسن:
صوره مفبركه ... فوتوشوب ...
|
Post: #10
Title: Re: جميلة ومستحيلة (صـور فاضحة)!
Author: امجد البصيرى
Date: 07-24-2012, 12:20 PM
Parent: #9
المسلمى يا اخوى رمضان كريم اولا
سؤال الفاتوره الاولى خلصتها فى يوم واحد واشتربت تانى يوم ولا الحصل شنو
|
Post: #11
Title: Re: جميلة ومستحيلة (صـور فاضحة)!
Author: مدثر صديق
Date: 07-24-2012, 12:20 PM
Parent: #9
سلام
| Quote: الشريحة الأولى للاستهلاك المنزلي مبلغ "5" قروش للكيلو واط من كيلو واحد الى 50"" كيلو واط والشريحة الثانية من "51" الى "200" كيلو بمبلغ "8.3" قرش للكيلو والثالثة من "201 الى 350" كيلو بـ "11" قرشا والرابعة من "350" الى "600" كيلو بسعر "15" قرشا والخامسة من "600" الى "1000" بسعر "21" قرشا وما يزيد على ذلك يحاسب على أساس" 25" قرشا لليكلو أما شريحة التجاري فتتراوح ما بين " 18" قرشا و"26" قرشا و"34" و "43" قرشا ويضاف "3" قروش عن كل كيلو وات وإيصال ""40 قرشا عن كل فاتورة. |
http://www.alsudani.sd/news/index.php?option=...-18-30-59&Itemid=112
|
Post: #12
Title: Re: جميلة ومستحيلة (صـور فاضحة)!
Author: طارق ميرغني
Date: 07-24-2012, 12:28 PM
Parent: #11
شيخ العوض المسلمي
رمضان كريم وكل عام وانت واسرتك الكريمة بالف خير
ما قالوا الرد بالسد
|
Post: #13
Title: Re: جميلة ومستحيلة (صـور فاضحة)!
Author: فايزودالقاضي
Date: 07-24-2012, 12:28 PM
Parent: #11
| Quote: أنا أسه هناك و مافي حاجه زى دى |
وانا هسه جوه الاميه ومافي كلام زي ده ..
|
Post: #14
Title: Re: جميلة ومستحيلة (صـور فاضحة)!
Author: فايزودالقاضي
Date: 07-24-2012, 12:33 PM
Parent: #11
مدثر صديق ...سلام ...
الاقتباس الجبتو ده خاص بمصر علاقته بينا شنو ؟ ولا كهربتنا شالوها مع حلايب ؟!!!
| Quote: وحسب صحف مصرية فإن الدولة هناك قامت بتطبيق زيادة تعرفة الكهرباء على أساس الشرائح إذ تضمن الشريحة الأولى للاستهلاك المنزلي مبلغ "5" قروش للكيلو واط من كيلو واحد الى 50"" كيلو واط والشريحة الثانية من "51" الى "200" كيلو بمبلغ "8.3" قرش للكيلو والثالثة من "201 الى 350" كيلو بـ "11" قرشا والرابعة من "350" الى "600" كيلو بسعر "15" قرشا والخامسة من "600" الى "1000" بسعر "21" قرشا وما يزيد على ذلك يحاسب على أساس" 25" قرشا لليكلو أما شريحة التجاري فتتراوح ما بين " 18" قرشا و"26" قرشا و"34" و "43" قرشا ويضاف "3" قروش عن كل كيلو وات وإيصال ""40 قرشا عن كل فاتورة. |
تحياتي ،،
|
Post: #15
Title: Re: جميلة ومستحيلة (صـور فاضحة)!
Author: EMU إيمو
Date: 07-24-2012, 12:52 PM
Parent: #14
تمشياً مع موجهات الدولة في ترشيد الإنفاق على المستوى العام ولتأمين الطاقة الكهربائية مهما اختلفت طرق التوليد يبقى ترشيد الإستهلاك مسؤولية المواطن أولاً لأنه المستهلك المباشر لها.
عليه لذم علينا توضيح التعديلات الجديدة في تعريفة الكهرباء التي شملت القطاع الحكومي والسكني فقط في الفئات التي تستهلك الكهرباء فوق ال 600 كيلو واط في الشهر ليصبح سعر الكيلو واط عند هذه الفئة 65 قرش ويصبح سعر الكيلو واط للإستهلاك الذي يفوق ال800 كيلو واط في الشهر 85 قرش وهذا التعديل لم يشمل الكهرباء المدعومة في فئتها الاولى للقطاع السكني وهي 200 كيلو واط وايضاً الكهرباء المدعومة في القطاع السكني في فئتها الثانية 400 كيلو واط .
وجاء هذا التعديل تمشياً مع سياسة الدولة في ترشيد الانفاق على المستوى العام وتحجيم الاستهلاك للفئات التي تستهلك الكهرباء فوق ال600 كيلو واط للقطاعين الحكومي والسكني في الشهر والمعلومات أدناه توضح التعديلات التي طرأت على التعرفة للإستهلاك الذي يفوق ال600 كيلو واط للحكومي والسكني.
أ/ الفئات الغير متأثرة بالتعديلات الجديدة في التعريفة:
o السكني: السعر المدعوم للـ 200 كيلواط الأولى.
o السكني: السعر المدعوم للـ 400 كيلواط الثانية.
o القطاع الصناعي
o القطاع الزراعي
o القطاع التجاري (موحد)
o دور العبادة ومحطات المياه
ب/ الفئات التي تم تعديل فئتها لتحجيم الإستهلاك:
o القطاع الحكومي
o القطاع السكني للذين يتجاوز استهلاكهم 600 كيلواط في الشهر .
سونا
منقول
|
Post: #17
Title: Re: جميلة ومستحيلة (صـور فاضحة)!
Author: فايزودالقاضي
Date: 07-24-2012, 01:56 PM
Parent: #16
مدثر ..سلامات
| Quote: الاقتباس الانا جبتوا من جريدة السوداني ععد امبارح و انا ارفقت اللنك بتاع الجريدة في مداخلتي و اجيبوا ليك تاني : |
نعم اللنك تبع جريدة السوداني لكل الكلام ماليه علاقة بالسودان بيتحدث عن مصر ..
تحياتي ،،
|
Post: #18
Title: Re: جميلة ومستحيلة (صـور فاضحة)!
Author: محمد المرتضى حامد
Date: 07-24-2012, 02:02 PM
Parent: #16
عزيزنا العوض،
دخلت مطمئنا أنك لن تفعلها في رمضان، أو في غيره.
يا سيدي إذا لم تابه حكومة للصورة أدناه ولم تستفز (مشاعرها) فكيف تلتفت إلى صورك وتراها فاضحة؟
أما الصورة الفاضحة في نظر المشروع الحضاري فهذه: 
كل سنه وانت طيب
|
Post: #19
Title: Re: جميلة ومستحيلة (صـور فاضحة)!
Author: ibrahim fadlalla
Date: 07-24-2012, 02:47 PM
Parent: #18
سلام العوض والمتداخلين الكرام ، ورمضان كريم ...
يا ود القاضي المشكلة مش أنو الموضوع متعلق بي مصر وبس
| Quote: نعم اللنك تبع جريدة السوداني لكل الكلام ماليه علاقة بالسودان بيتحدث عن مصر .. |
فالكلام الوارد في لينك السوداني ، منقول بحذافيرو من خبر منشور في الشرق الأوسط من سنة 2002 م :
الشرق الأوسط - : الاربعـاء 10 ربيـع الاول 1423 هـ 22 مايو 2002 العدد 8576
Quote: * يتم تسعير الكهرباء في مصر على أساس الشرائح
* وتتضمن الشريحة الأولى للاستهلاك المنزلي مبلغ 5 قروش للكيلو وات من كيلو واحد الى 50 كيلو وات والشريحة الثانية
من 51 الى 200 كيلو بمبلغ 8.3 قرش للكيلو والثالثة من 201 الى 350 كيلو بـ 11 قرشا والرابعة من 350 الى 600 كيلو
بسعر 15 قرشا والخامسة من 600 الى 1000 بسعر 21 قرشا وما يزيد على ذلك يحاسب على اساس 25 قرشا لليكلو
أما شريحة التجاري فتتراوح ما بين 18 قرشا و26 قرشا و34 و 43 قرشا
ويضاف 3 قروش عن كل كيلو وات ودفعة ايصال 40 قرشا عن كل فاتورة. |
http://www.aawsat.com/details.asp?issueno=8435&article=104468
-----------------------------------------------------------------------------------------------------------
فهل تحرت السوداني الدقة قبل النشر ؟ أم قصدت إلى الدغمسة ؟ أو أن التعريفة المصرية ثابتة ليها عشرة سنوات ..
في أي خيار تاني يا جماعة ؟؟ العندي كملو ..
|
Post: #20
Title: Re: جميلة ومستحيلة (صـور فاضحة)!
Author: أمجد الزين
Date: 07-24-2012, 02:54 PM
Parent: #19
|
Post: #22
Title: Re: جميلة ومستحيلة (صـور فاضحة)!
Author: خضر الطيب
Date: 07-24-2012, 04:55 PM
Parent: #21
يعنى ياشيخ العوض مع تقشفك دا واطفاء المكيفات واللمبات
بتكون محتاج لكهرياء بتلاتين جنيه كل ثلاته يوم
30x10 = 300
تلتمية الف جنيه فى الشهر كهربا بس ولا انا غلطان فى الحسبه
وماتنسى انهم ربطو فاتورة الكهرباء مع المويه
بالطريقه دى معقول تعيشو لحدى نهاية السنه دى.؟
الله اعلم
|
Post: #23
Title: Re: جميلة ومستحيلة (صـور فاضحة)!
Author: ombadda
Date: 07-24-2012, 05:58 PM
Parent: #22
|
Post: #24
Title: Re: جميلة ومستحيلة (صـور فاضحة)!
Author: وليد الطيب قسم السيد
Date: 07-25-2012, 01:30 AM
Parent: #23
|
|