الاقتصاد السوداني و الاقتصاد الامريكي (دراسة مقارنة).

قرأت على أحد المنتديات العربية استعراضا لدراسة اعدتها شركة متخصصة في البيانات و الدراسات الاقتصادية من تقارير اقتصادية
قدمت في مؤتمر "للعمد" الامريكان. اوضحت الدراسة أن حجم اقتصادات مناطق حضرية ( metropolitan ) امريكية يماثل اقتصادات
دول باكملها و منها دول كبيرة و غنية في التصنيف العالمي فمثلا الناتج الكلي لمنطقة لمنطقة نيويورك/نيوجيرسي يقل قليلا عن مثيله
في كندا و يتفوق على استراليا كلها و كوريا الجنوبية بكل شركاتها، و اقتصاد ناس حسين نوباتيا في بوسطن اكبر من اقتصاد الدنمارك.
عدت للتقرير في مظانه الأصلية و شاهدت النتائج هناك، السودان تمت مقارنته باحدى المناطق و التي تفوقت عليه في الناتج الاجمالي
الا و هي منطقة سولت ليك سيتي و هي منطقة صغيرة و منطقة ضهاري في امريكا:

للمزيد هنا
http://www.theatlantic.com/business/archive/2...ld-they-rank/241977/

التقرير كاملا
http://www.usmayors.org/metroeconomies/2011/report.pdf

المهم في الموضوع أنو بعد ده حقو ناس الانقاذ يفكونا من حكاية امريكا ذاتها و ما امريكا ذاتها و يتوقفوا عن عقد
المقارنات الخيالية التي لا تمت للواقع بصلة. و الكف عن التنظير بتاع انو نحن ممكن نطبع عملة ساي زي ما امريكا
بتعمل و بلا بلا بلا الما بتودي و لا بتجيب دي. اقتصادكم و ناتجكم الاجمالي هو اقتصاد مدينة واحدة صغيرة هناك
يعني ممكن تشوفوا عمدتها عمل شنو حتى تبدوا تنظروا و سيبكم من واشنطن و نيويورك و الحاجات دي.
و اختصارا للكلام شيلوا عفشكم و اتفكفكوا و خلوا الناس تشوف امكانية اصلاح الوضع و معالجة التخريب الاتسببتوا فيهو.

معقولة يا دكتور سولت لييك سيتي؟

يا أخي دي مدينة صغيرة وسط الجبال
كتاحة تلج ساي بتوقف حالها!
وأظن إسمها "بحيرة الملح"..
وهي بس هب بوينت للطيارات

والله الناس ديل جد ما ليهم حق..

روسيا بحاااالها
تقارن مع ولاية نيوجيرسي!!!!!!!!!!!!!!!!!!!!!!

Quote: عدت للتقرير في مظانه الأصلية و شاهدت النتائج هناك، السودان تمت مقارنته باحدى المناطق و التي تفوقت عليه في الناتج الاجمالي الا و هي منطقة سولت ليك سيتي و هي منطقة صغيرة و منطقة ضهاري في امريكا

الدراسة دي لمن السودان كان عندو شوية بترول, هسع بعد ما الجماعة قفلوا البلف علي الايمان لو حصل الناتج الاجمالي للسودان
الناتج الاجمالي ل 5 اسواق wal-mart تعال أسألني. سولت ليك سيتي اتجاوزتنا زمان.

شكرا يا ود شاموق

Quote: والله الناس ديل جد ما ليهم حق

سلامات يا محمد يسن
يا ريت بس يعترفوا انو ما ليهم حق و يقعدوا في علبهم و يبطلوا الكضب.

د سيف كل سنة وأنت طيب

أنت عارف سولت ليك دي أصغر من الربع حقتنا دي

أقتصاديات المناطق المقفولة يناسب وضع السودان ويمكن وضع حد كبير للتهميش ومآلاته من حروب وأحتقان


check your email please

http://www.slcgov.com/

اعضاء مجلس مدينة سولت ليك..لا بعتقلوا و لا بيضيعوا في حياة الناس بدعاوي الجهاد الزائف
و لا بيضيعوا زمنهم و زمن الناس بالمسيرات و الخطب النارية و الاغاني الحماسية .
شكرا يا بدر

يا عم الشيخ لا تنسى ان الاقتصاد السوداني يعتمد على free market economy
او بالعربي سوق الله اكبر وهو السوق التى تتم فيه منافسة حرة وقوية بين
جموع الكيزان للحصول على النسبة الاعلى من مدخلات الزكاة والجبايات التى يدفعها
المواطن طوعا من فائض دخلة الشهري الذي حدد علماء الاقتصاد متوسطه بـ 1800$

وبينما يبدد الامريكان بعض من دخلهم القومي في علمية الـــreinforcement للطرق
والكباري على امتداد القارة الامريكية يحافظ حكام السودان على مدخرات الشعب
في بنوك اجنبية وباسعار فائدة عالية ليستفيد منها الشعب عند وصوله سن التقاعد:)

سيف رمضان كريم
انا ما مستغرب انه اقتصادنا يكون متدني الي ياتو درجة
ولكني مستغرب من محاولتك اثبات ما هو معلوم بالضرورة وهو كذب حكامنا وفساد اقتصادهم !!

http://www.city-data.com/us-cities/The-West/S...ke-City-Economy.html

سيف النصر


تحياتي
في الرابط نبذة عن اقتصاد مدينة سولتليك و اقتصادها كان لحد التمانينيات اقتصاد زراعي و لما تدهور العائد من الزراعة عملوا على تنويع الاقتصاد الي ما هو عليه الان

مررت بمدينة سولتليك سنة ١٩٩٧ في اول ايامي في الولايات المتحدة و اكثر ما يمكنك تذكره عنها هي النحت الطبيعي على الجبال و الوديان المحيطة بالمدينة, و منظرها حقيقة رهيب, و سياسيوها من الذكاء بمكان فعملوا على تشجيع السياحة و جذب السياح لرؤية تلك المناظر.

كم في السودان من مناطق سياحية عطلت للفهم العجيب المضاد للسياحة?
السياحة في السودان تعطي لوزير انصار سنة! شخص يرى في التماثيل اوثان و همه تهديم الضرائح التاريخية لشيوخ عمت سمعتهم ارجاء العالم الاسلامي و كان يمكن ان يكونوا مركز جذب للمسلمين حتى من داخل السودان و في ذلك تنويع و تطوير للاقتصاد
لكن البترول عماهم
السودان في منطقة تجمع اسيا و افريقيا و كان يمكن ان نتفوق على كينيا و يوغندا في جذب المستثمرين و التحكم في سريان المدخلات و الخدمات لكل افريقيا و لكن!

Quote: ولكني مستغرب من محاولتك اثبات ما هو معلوم بالضرورة وهو كذب حكامنا وفساد اقتصادهم !!

بالعكس آ العوض آخوي ..

يجب على دكتور سيف الإستمرار في فضح هذة الطغمةالفاسدة بجهد اكبر . وإن كان الله قد من عليك بنعمة أن ترى الحق حقا في شأن هؤلاء اللصوص , فما

ذلك إلا بفضل هذا الجهد المؤسس لهذا المنبر . الركون لفكرة أن فساد الإنقاذ معلوم بالضرورة يفسح المجال للطرف الآخر بنشر أكاذيبه .

لا يزال بيننا الكثير من المخمومين .

Quote: الدراسة دي لمن السودان كان عندو شوية بترول, هسع بعد ما الجماعة قفلوا البلف علي الايمان لو حصل الناتج الاجمالي للسودان الناتج الاجمالي ل 5 اسواق wal-mart تعال أسألني. سولت ليك سيتي اتجاوزتنا زمان.

كلامك صحيح .يا احيمر المقارنة دي كانت في الفين و عشرة و من المؤكد انو في السنتين الفاتو الوضع الاقتصادي
في السودان تدهور عموديا إلى الاسفل. مع ملاحظة أنو برضو سولت ليك سيتي بتكون متأثرة بالانكماش في
الاقتصاد الأمريكي، أما بالنسبة للول مارت فالسودان لو دخل معاهو في مقارنة فالنتيجة حتكون محسومة.

Quote: أنت عارف سولت ليك دي أصغر من الربع حقتنا دي

الشغل و التفكير و النزاهة و المحاسبة و الشفافية يا سليمان ، هذه اشياء تصنع كثيرا من الفرق.

الغريب يا سيف,
ولاية يوتا عموما و سالت ليك سيتى بشكل خاص بتديرها من هم اسوا عقائديا من الكيزان. ديل من طائفة مورمون و من المحتمل ان يفوز احدهم برئاسة اميركا فى نوفمبر. حتى زواج العاشرة و العشرين عندهم و لكنهم بيقدسو ادم اسميث كمان و بقبلو يدو الى جانب جوزيف اسميث, نبى و رسول المورمون.

سلام يا دكتور ورمضان كريم
وزير المالية السنة الفاتت قال انو اقتصادنا افضل من الاقتصاد الامريكي انتو كمان دايرين تغالطو لوووول
حد يرسل التقرير ده ليهو

رمضان كريم يا دكتور

افتح مسنجرك الخاص مع خالص تحياتي للأسرة .

أبو قصي

سلامات يا ود الشيخ

Quote: روسيا بحاااالها تقارن مع ولاية نيوجيرسي!!!!!!!!!!!!!!!!!!!!!!

فتأمل يا عملات فلان.

Quote: يا عم الشيخ لا تنسى ان الاقتصاد السوداني يعتمد على free market economy

من ناحية "فري" يا عم الشيخ فهو "فري" اوي .
بعدين انت برضك بتقارن الاقتصاد الامــــــــــــــــــــــــــــــــــــــــــــــــــــــــــــــــريكي بالسوداني؟
المقارنة يا عمك بين السودان و حلة واحدة صغيرة في امريكا لا طلعت و لا نزلت.

يا سيف رمضان كريم

والناتج القومي هو إجمالي السلع والخدمات المنتجة في الدولة ...

بعض المؤشرات لعام 2010
إجمالي الناتج المحلي امريكا 14.477 مليار دولار السودان 66 مليار دولار
نصيب الفرد من الناتج القومي امريكا 48.450 دولار السودان 1.800 دولار يعني الفرد في امريكا يومه 132 دولار والفرد في السودان يومه بـحوالي 5 دولار
الاحتياطيات من الذهب والعملات 488 مليار دولار واحد مليار دولار

اصلا المقارنة معدومة ، وبالمناسبة بنك السودان بيتلاعب في الارقام لأسباب سياسية بتلقي كل ستة شهور الارقام مختلفة عشان كده ما حا تقدر تعمل مقارنة سليمة ..

Quote: انا ما مستغرب انه اقتصادنا يكون متدني الي ياتو درجة ولكني مستغرب من محاولتك اثبات ما هو معلوم بالضرورة وهو كذب حكامنا وفساد اقتصادهم !!

مرحب يا شيخ العوض
احيانا لابد من تعريف المعرف.

Quote: كم في السودان من مناطق سياحية عطلت للفهم العجيب المضاد للسياحة? السياحة في السودان تعطي لوزير انصار سنة! شخص يرى في التماثيل اوثان و همه تهديم الضرائح التاريخية لشيوخ عمت سمعتهم ارجاء العالم الاسلامي و كان يمكن ان يكونوا مركز جذب للمسلمين حتى من داخل السودان و في ذلك تنويع و تطوير للاقتصاد لكن البترول عماهم السودان في منطقة تجمع اسيا و افريقيا و كان يمكن ان نتفوق على كينيا و يوغندا في جذب المستثمرين و التحكم في سريان المدخلات و الخدمات لكل افريقيا و لكن!

سلامات يا بدر
كلامك صحيح في مجمله بس اعتقد انو المشكلة تتجاوز النظام الحالي بكثير. نعم هو ساهم بجهد مقدر في الاجهاز بشكل نهائي
على فرص نشؤ صناعة سياحة محترمة بمساهمته في فصل الجنوب و بعمايلو في دارفور و في استهانته بالآثار لاسباب ايدلوجية.
و لكن يبق أن كل الحكومات التي تعاقبت على الحكم في فترة ما بعد الاستقلال ساهمت بدورها في تخلف هذا البلد.

سلامات يا دكتور و رمضان كريم و شكرا على البوست

Quote: ولاية يوتا عموما و سالت ليك سيتى بشكل خاص بتديرها من هم اسوا عقائديا من الكيزان. ديل من طائفة مورمون و من المحتمل ان يفوز احدهم برئاسة اميركا فى نوفمبر. حتى زواج العاشرة و العشرين عندهم و لكنهم بيقدسو ادم اسميث كمان و بقبلو يدو الى جانب جوزيف اسميث, نبى و رسول المورمون.

سلامات اخونا جوزيف
انا عشت فى سولت ليك ستى (و ضواحيها) فترة من الزمن. و عاشرتا مورمن فيها و فى ولايات اخرى. و الله ما شفت عليهم حاجه تخليك تقول انهم اسوا من الكيزان. انا عشت بينهم مسلمة و مارست كل حقوقى الشعايرية. لما المسجد فى بلدنا الصغير احتاج صيانة ساعتدنا الكنيسه فى كده. و لما حصت احداث 11 سبتمبر جاء حاكم المدينة وطلب زول من المسجد يكون نشيط فى المدينة عشان يمشي يتكلم عن الاسلام و انه دين سلام. ده تسامح ما اظن الكيزان مارسوه مع المسيحيين.
فعلا تعد تعدد الزوجات عندهم حلال....لكن ممنوع بالقانون الفدرالى. اما زواج الاطفال فهو عند الكنيسه المورمنية ال fundamentalist و هم طايفة مطروده من الكنيسه المورمنية اللى بينتمى ليها رامنى.
هم ناس محافظين شوية. ما بيشربوا كحول و ما بيلعبوا قمار و ما بيشربوا كافين او حتى سجار. بيتزوجوا بدرى لان اى علاقات خارج الزواج عندهم ممنوعة.
عاين بس لاولاد رامنى و شوف ناجين كيف فى حياتهم...و اغلب ابناء المورمن مؤدبين و مطيعين لاهلهم....اريتوا حال اولادى :)

كما ان الزراعة في السودان احدث من الزراعة في امريكا حتى شوفو مزارعين السودان و هم ينامون ملئ جفونهم لأنهم ضامنين ال ١٨٠٠ دولار
كدخل شهرى في السودان

تقول لي مزارعين اميركا?!
شين جاب لجاب?

Quote: الركون لفكرة أن فساد الإنقاذ معلوم بالضرورة يفسح المجال للطرف الآخر بنشر أكاذيبه

شكرا يا معاوية.

Quote: ولاية يوتا عموما و سالت ليك سيتى بشكل خاص بتديرها من هم اسوا عقائديا من الكيزان. ديل من طائفة مورمون و من المحتمل ان يفوز احدهم برئاسة اميركا فى نوفمبر. حتى زواج العاشرة و العشرين عندهم و لكنهم بيقدسو ادم اسميث كمان و بقبلو يدو الى جانب جوزيف اسميث, نبى و رسول المورمون.

سلامات يا زكريا
مشكلة رومني الأساسية في الانتخابات ستكون عقيدته الدينية. هناك تعاليم غاية في العنصرية موثقة و مثبتة
في تعاليم نبي الطائفة جوزيف سميث. هذا الرجل قال أن الله عندما عرض خطته على البشر في عالم الأبدية قبل نزولهم للأرض
عرض الشيطان أن يقوم هو بمهمة تنفيذ الخطة و لكنه كالعادة حاول أن يتلاعب و يغير فيها و هنا دار صراع بينه و بين الرب
انحاز فيه البشر إلى جانب الرب ما عدا مجموعة اتخذت موقف الحياد انتظارا لما ستسفر عنه المعركة ليكونوا مع الغالب.
المهم قيل أن الرب غضب منهم و لعنهم و بسبب هذه اللعنة صار لونهم اسودا في الحياة الدنيا و هم السود المعروفين.
لهذا السبب المورمون لا يعينون اسودا كاهنا في كنائسهم. هم يقولون الآن أنهم صححوا هذه المفاهيم و لكنهم لم يتبرأوا
علانية من كلام سميث.

سيف النصر

رومني مشكلته ليست فقط في عقيدته كمرمون, دي ممكن الامريكان يتجاوزا عنها, لكن مشكلته في انه سيكون نسخة بالكربون من بوش الابن!
شوفتو طبظ كيف في تعليقاته حول اولمباد لندن?
مشى يتنبر بانه نجح في اولمبياد ٢٠٠٢ في سولتليك سيتي و زعل الانجليز
اظرف رد كان رد كاميرون رئيس وزراء بريطانيا عليه, قال ليه "ياخ نحن ننظم الاولمبياد في اكثر مدن العالم ازدحاما و من الطبيعي انه تكون في بعض هفوات لكن طبعا من السهل انك تنجح في تنظيم اولمبياد في مدينة غير معروفة و مجهولة"
طبعا قاصد مدينة سولتليك هههههههه

"We are holding an Olympic Games in one of the busiest, most active, bustling cities anywhere in the world," the Conservative prime minister said during a news conference at the Olympic Park in London. "Of course, it is easier if you hold an Olympic Games in the middle of nowhere."
http://www.csmonitor.com/World/Latest-News-Wi...wrong-foot-in-London

سولت ليك سيتي التي يوفق اقتصادها اقتصاد جمهورية السودان بالنسبة لكاميرون مدينة في الخلا ساكت.
و دي حقيقة يا سيف النصر!

Quote: وزير المالية السنة الفاتت قال انو اقتصادنا افضل من الاقتصاد الامريكي انتو كمان دايرين تغالطو لوووول

سلامات يا باشمهندس
نحن غايتو ما بنغالطو بس هو الليمرق على الجماعة ديل و يرد عليهم .