ظاهرة غريبة في سنتر الخرطوم

كتب عفيفي مصطفي الهادي

Quote: لعل من المناظر المحيرة و المدهشة الموجودة في سنتر الخرطوم هي وجود مطاعم فاتحة ابوابها على ( مصراعيها ) بالكوم .. تخرج منها رائحة الشواء و ( الطعمية ) في نهار رمضاني قائظ و أحيانا فيه غيوم .. بعض رواد هذه المطاعم في نهار رمضان لهم أعذار شرعية حالت دون صيامهم .. هذا مفهوم ,, لكن غير المفهوم لماذا إنعدم الحياء من الناس .. ولماذا هذه المجاهرة .. و هذا الوضوح ترى ( الفاطر) يلتهم اصناف الطعام امام المارة الصائمين في منظر لا يليق و حرمة الشهر الكريم .. يقول صلى الله عليه و سلم .. إذا بليتم فأستتروا .. لماذا لا نطبق هذا الأثر الكريم في حياتنا ..؟

في الفيس بووك:

Quote: Afifi Mustafa Alhadi المحير .. ان الآكلين للأطعمة في نهار رمضان معظمهم من الشباب .. هذا مؤشر خطير .. لسببين .. الأول إذا أعتبرنا ان هؤلاء الشباب لديهم أعذار شرعية .. فكيف هو حال شباب السودان و مستقبل السودان إذا كان عدد مقدر من هم في عمر الزهور لا يستطيعون صوم رمضان .. ماهي الأمراض المسيطرة على شباب السودان ؟ و كم هي نسبة انتشار المرض ؟ و هل هناك خطط من وزارة الصحة تحول دون انتشار امراض معينة لعموم شباب السودان ؟ دراسة حالة هؤلاء الشباب مهمة جدا من اجل نما وطن لا يزال يعاني

Quote: المؤشر التاني الخطير ان هؤلاء الشباب فاطرين بلا اعذار شرعية .. لو ترى بنيانهم الجسدي لا تسحبنه الا من افضل المقاتلين الذين ان حمي ا########س لكان من الفائزين فإذا كانوا كذلك فأين ذهب الدين و اين الخوف من الجليل و أين العمل بالتنزيل و أين الإستعداد ليوم الرحيل اللهم اصلح الحال

( ولو أن أهل القرى آمنوا واتقوا لفتحنا عليهم بركات من السماء والأرض ولكن كذبوا فأخذناهم بما كانوا يكسبون ( 96 ) أفأمن أهل القرى أن يأتيهم بأسنا بياتا وهم نائمون ( 97 ) أوأمن أهل القرى أن يأتيهم بأسنا ضحى وهم يلعبون ( 98 ) أفأمنوا مكر الله فلا يأمن مكر الله إلا القوم الخاسرون ( 99 ) )

ده واحد من فشل الحكومة تحاول ان ترضي بعض الناس فتكسب سخط الله والناس اجمعين
حكومة لا تحترم حرمة الشهر ولا الصيام

يجب ألا تقفل المطاعم فى رمضان.. الداير ياكل ياكل.. كل زول بى ظروفو!!
وغريبة حكاية مراعاة مشاعر الصائمين دى!!
الصائم البخاف مشاعره تجرح دا، حقو يعيد النظر فى صيامو!!

تحية لكل من تداخل هنا

كنت بتونس مع اخوي في السودان قبل شوية,قال لي: هي وقفت علي كده وحكي لي انو كان واقف جاء شاب ولع سجارتو بجانبه دون اي تحرج


محن

Quote: جب ألا تقفل المطاعم فى رمضان.. الداير ياكل ياكل.. كل زول بى ظروفو!! وغريبة حكاية مراعاة مشاعر الصائمين دى!! الصائم البخاف مشاعره تجرح دا، حقو يعيد النظر فى صيامو!!

واحدة من القضايا التي ظلت تلفت الإنتباه و لاتزال هي تركيز الصائمين شبه المرضي مع الفاطرين !!
يعني الزول الصائم عادة يقضي معظم وقته في مراقبه الفاطرين و التنظير عن مراعاه مشاعره الحساسة تجاه تفسه الصائمة :)
طبعاً هذه المشاعر المرهفة لا علاقة لها بالجياع طول العام و بل مخصصة لشهر صيامهم فقط !!
الا يكفي الأجر في الآخرة ، الجنة لمن صام؟ أليس حري بهم ترك الناس لخالقها لينالهم الجزاء و الثواب حسب ما يري الخالق يوم القيامة؟
لماذا يقضون أيام صيامهم في مراقبة المطاعم بدلاً العبادة و الدعاء؟
هل يحسدون الفطار علي إفطارهم و مآلاهم يوم الحساب؟
أم يشكون ، ولايجهرون لنفاقهم الإجتماعي الذي شمل كل شئ و يظهر الآن في شأن علاقة العبد بربه؟

----------------
عالم عجيب !!

المجاهرة شئ بغيض

يا جماعة كدى قولوا بسم الله

بتتكلموا عن الخرتوم الفيها احنا دى ولا خرتوم تانية

السودانى ياهو السودانى من زمان ولى اسى

عدا بعض المتفلتين اجتماعيا و ده طبيعى

لكن انتو ما عارفين عدم مراعاة شعور الصائم وين ....

لما تمشى تشترى الخدار و تلقى :-

كيلو الطماطم 28 جنية
كيلو العجالى 40 جنية
دستة المانقو 60 جنية

تقبل جاى و تقبل جاى . . و ترجع شوية قريشاتك للجيب تانى

و اجوك ناس قدامك كده ده إردمو الاصناف دى زاتا فى الاكياس الما خمج

و ختوها فى ضهرية العربية الما خمج و احاسبوا فى التو و اللحظة

و كمان معاها (جزاك الله خير)

مخير الله

في ناس عيانه كمان

((((.. لو ترى بنيانهم الجسدي لا تسحبنه الا من افضل المقاتلين الذين ان حمي ا########س لكان من الفائزين))))))
___________________________________________________

هذا الغبي يحكم على الناس بمظاهرهم. حتى الطبيب لا يستطيع أن يفعل ذلك.

فتأمل.

Quote: لكن انتو ما عارفين عدم مراعاة شعور الصائم وين .... لما تمشى تشترى الخدار و تلقى :- كيلو الطماطم 28 جنية كيلو العجالى 40 جنية دستة المانقو 60 جنية تقبل جاى و تقبل جاى . . و ترجع شوية قريشاتك للجيب تانى و اجوك ناس قدامك كده ده إردمو الاصناف دى زاتا فى الاكياس الما خمج و ختوها فى ضهرية العربية الما خمج و احاسبوا فى التو و اللحظة و كمان معاها (جزاك الله خير) مخير الله

والله لا ظاهرة غريبة ولا حاجة

مش الصيام ده يقين ؟
يعني أنا لو صايم وشميت لي ريحة شية صيامي ح يتجرح وممك أفطر ؟
موسي بي دينو وعيسي بي دينو
دي مطاعم ما بيوت دعارة


سلامات

الظاهرة الغريبة يا سيف في الخرطوم ان هناك ما زال بعض البشر عندهم وقت وزمن
ليراقبوا الناس؟؟

السودان بلد فيه مسلمون وغير مسلمين
فطبيعي المطاعم تفتح أبوابها في نهار رمضان

الناس البتراقب الناس دى أساسا ما مقتعنين بالصيام، مجبرين.. عشان كدا لو شافوا ليهم واحد فاطر يحرك دواخلهم
بل لو شافوا أكل ساى يحرك (مشاعرهم)..

كلام فارغ حكايـة المشاعـر دى..

فى الصين هنا مسلمين صينيين دينهم أقوى من الفلاتة عندنا فى الســودان، الزول لو داير يموت ما يفطر، بعد ذلك
يعيش فى مجتمعه لا مشاعر لا شئ.. بل فى ســودانيين، واليوم كنت فاطر مع سودانيين.. حياة مليئة بالروحانية
والدين، وحولك من المجتمع من يأكل ويشرب وترى من يمشى لابس ملابس محتشمـة جدا، ومنهم دون ذلك (طرائق قددا)..
لو دا يجرح لما بقيت فى جسدهم مكانا ليس فيه ضربة سيف ولا طعنة رمح.
ما فى زول يعاين والمشـاعر محفووووظة فى عناية الله.. هذا يثبت ان المشكلـة فى العقل وليست فى الخارج.. لو فى زول
بطنو طامـة لو شاف () بيطرش.. إذا ديل مفروض يعالجوا أنفسهم بدل وضع مشاكلهم النفسيـة على شماعـة الاخرين.
زول فطر.. خلاس انا ما مسؤول عنه، حتى لو ظهر بمظهر الصحيح لا أستطيع الحكم عليه بالظن، بل ليس لى إختصاص
شرعى ان تحكم عليه، و لست ولى أمره حتى تلاطف مشاعره الحساسة التى لا تعرف عنها شيئـا.
البورداب فى اوروبا ممكن يقولوا ليك نفس الكلام.. الزول مطلوب منه غض النظر ويقول ليك دى عندها كحل يخدش
مشاعرى.. موش دى فرصـة لما تشوف زول (تعتقد) انه ياكل بالنهار، موش فرصـة الله ساقها ليك عشان تتاكد إنك تغض
الطرف أم لا وتصحح مسارك؟ بعدين هل تعرف هؤلاء؟ هل هم مسلمين أم مسيحيين، وهل الإسلام من اللبس واللون؟
وهل الصحـة من مظهر الجسـد؟ واحد كمان عامل فيها طبيب يقول ليك أجسامهم قوية.. ماذا عن من عنده مرض الكلية
أو السكرى، أو مسـافـر غير مقيم. وليه الزول يدخل نفسـه فى متاهات زى دى أساسا؟
المجاهرة تكون بالمعصيـة، والفطور فى رمضان ليس معصيـة إلا إن كان الفاطر مسلما صحيحا ويأكل عمدا.. لذلك
حكاية المجاهرة غير واردة هنا.

الناس لو بتدخل مطاعم وتاكل في سترة المطعم معليش ...
لكن الاكل في السودان كله على قارعة الطريق
"كانون" الطعمية وقدرة الفول في الشارع .. وبين كل خطوة وخطوة ست شاي
القصة مش مشاعر الصائمين (لانه نفسهم ح تدخل في الاكل وهم محرومين) بل حرمة واحترام الشهر الكريم
وزي ما قال الاخ سيف المجاهرة شيء بغيض...
وبعدين الأكل والشراب عرفناهم... لكن تدخين السجاير "والتمباك" مستفز جدا...
ياخ الخواجات في بلاد المسلمين تلقى الواحد فيهم مستحي ياكل قدام الصائم ويمتنع عن التدخين قدامه.. ونحن نقول "مالو لو...؟!"

Quote: الناس لو بتدخل مطاعم وتاكل في سترة المطعم معليش ... لكن الاكل في السودان كله على قارعة الطريق "كانون" الطعمية وقدرة الفول في الشارع .. وبين كل خطوة وخطوة ست شاي القصة مش مشاعر الصائمين (لانه نفسهم ح تدخل في الاكل وهم محرومين) بل حرمة واحترام الشهر الكريم وزي ما قال الاخ سيف المجاهرة شيء بغيض... وبعدين الأكل والشراب عرفناهم... لكن تدخين السجاير "والتمباك" مستفز جدا... ياخ الخواجات في بلاد المسلمين تلقى الواحد فيهم مستحي ياكل قدام الصائم ويمتنع عن التدخين قدامه.. ونحن نقول "مالو لو...؟!"

بالطريقة دي يا رمانة .. دخلتي صورة بروفايلك ذاتها في مشكلة.

هسي نحن مشكلتنا الفاطر منو ... والا فاطر ليه ... والا فاطر في الشارع أو الناصية؟ والا مشكلتنا الصايمين ما بيلقوا حاجة زاتو عشان يفطروا بيها؟

Quote: بالطريقة دي يا رمانة .. دخلتي صورة بروفايلك ذاتها في مشكلة. هسي نحن مشكلتنا الفاطر منو ... والا فاطر ليه ... والا فاطر في الشارع أو الناصية؟ والا مشكلتنا الصايمين ما بيلقوا حاجة زاتو عشان يفطروا بيها؟

محمد أبوالعزائم أبوالريش
مش حاجة تسغرب الواحد بالله ... صايمين ما لاقين حاجة يفطروا بيها
وناس من شدة ما لاقين... في سنتر الخرطوم مجاهرين..!
فطور طعمية وغدا مشاوي !!

Quote: المجاهرة شئ بغيض

المجاهرة بشنو؟

إذا كنت تقصد المجاهرة بالمعاصي فمنو القال ليك إنو الفاطرين في نهار رمضان الفي سنتر الخرطوم ديل عاصين.. ليه ما فكرت إنو ممكن يكونوا أصلاً ما مكلفين بالصوم؟ و إذا كان ربنا سبحانه و تعالى أباح ليهم الأكل و الشراب في نهار رمضان فليه يندسو و يتخبوا منك إنت؟

الصيام يجرحه سوء الظن بالآخرين و أذى الناس و رميهم بما ليس فيهم لكين ما أظن بتجرحو رائحة شواء

يقول رسولنا الكريم :كل أمتي معافي الا المجاهرين ونسال الله ان يشفي المرضي ويعافي المجاهرين

Quote: المجاهرين

ديل المجاهرين بالسوء من القول.. موش الفاطرين فى رمضان العندهم رخصة من الله!!
والحديث النبوى دا جاييى من قوله تبارك و تعالى: "لا يحب الله الجهر بالسوء من القول إلا من ظلم"!!
أحسن تخلو الناس فى حالها!! لأنه وارد فى الحديث الشريف أيضاً: "طوبى لمن شغله عيبه عن عيوب الناس"..

جاء فى الحديث:
سـوء الخلق ذنب لا يغتفر وســوء الظن خطيئـة تفوح

زول الله مرخص ليه، لقى طعام تناوله، وزول تانى شافه وظن أنه معافى ويعصى فى رمضان.. المذنب ياتو فيهم؟
لو كان معافى وعصى واحسنت به الظن فإنك فى مأمن، أما لو كان مريضا وأسئت به الظن فإنك هالك.

ويا أخت رمانة، لو أى زول يشعـر انه (محروم) من الطعام فى نهار رمضان، كما ذكرتى، فأنصحه ما يضيـع وقته
ويمشى يخش اول مطعم يغسل يدينو ويقعد يطلب.. لأنو ما فى أجر مكتوب فى أى حتة مع حقـد على شهر رمضان.
والحديث يقول: من لم يدع قول الزور فليس الله بحاجـة لأن يدع طعامه وشرابه. لو فى زول ما شاعر بأجر الصيام
صفاء فكر وطيبة نفس وحب الخير للناس، فليتأكد أنه قاعد يفوت وجبات بس.

يا جماعة فى حاجة اسمها ادب و ذووووووووووووووووووق
وبعدين منو القال ليكم البياكلو فى المطاعم دي مسيحيين؟
كل من اعرفهم من المسيحيين والاقباط قمة فى الادب ومراعاة لشعور المسلمين.

اعيش واعمل فى دبي وسط كل الاديان ولأ اديان كمان. المطاعم مغلقة فى نهار رمضان مع وجود البدائل وال Home delivery
حتي الزملأء فى العمل من غير المسلمين تشعر بانهم صائمون.

فى النهاية القصة ذووووووووووق وادب

فى مدينة بوسطن مثلا
ممنوع الناس تشرب خمرة على قارعة الطريق
فهناك من المدمنين من يتحايل على القانون ويضع قارورة الخمر او البيرة داخل كيس ورق ويشرب كى لا يظهر امام الناس انه يشرب خمر..
دا معناه شنو؟؟؟ بالرغم من ان البيرة او الخمور غير محرمة
والاغرب لما تشوف ليك بار تجده مبنى بطريقة معينة ابوابه ضيقة ولون الحائط قاتم وغير مكشوف للمارة بسهولة لتغطية منظره الناس وهى بتشرب عن المارة
الكلام دا فى بلد غير اسلامى بلد بيفصل الدين عن الدولة فى مدينة تابعة لولاية تكنى بروح امريكا Spirit of America
,,,
إذا كان هذا يعارض مع الحرية فهذه مدينة بوسطن رمز الحرية فى امريكا ..
هناك آداب عامة تتبع فى كل بلد
وحتى فى السودان فى عهود الحرية والديمقراطية كان السماح لبعض المطاعم فقط بعد ترخيص خاص للعمل خلال رمضان لمقابلة متطلبات المرضى والذين عم على سفر
ولم يكونوا بالكثرة والنوعية التى يتحدث عن البوست
على شرط فتح الباب بطريقة معينة نصف فتحة
ليس لمراعاة لمعدة الصائمين بل احتراما لحرمة الشهر
وكى لا يكون فى ذلك تشجيعا للشباب او التأثر بتاركى الصوم
ياخى حتى فى البيت لو ابوك او امك فاطرين بسبب شرعى بيخجلوا يا كلوا جمب الاطفال
يعنى حتى الحياء انعدم
كضاب والله لو الواحد صايم وعطشان وجيعان لما واح يأكل اكلى شهى جمبك تقول لا يأثر عليك
نعم لا يحق لشخص الاعتراض على فاطر او ابداء سوء الظن على كل فاطر
لكن بصراحة كدا شينة والله خاصة لما يجيك واحد وفى جمع من الفاطرين وبكل عدم اكتراث يولع ليهو سيجارة ول يدردم ليه سفة كبييييييرة فى نهار رمضان
شينة والله
يجب ان نكون صادقين شوية مع انفسنا

Quote: يا جماعة فى حاجة اسمها ادب و ذووووووووووووووووووق وبعدين منو القال ليكم البياكلو فى المطاعم دي مسيحيين؟ كل من اعرفهم من المسيحيين والاقباط قمة فى الادب ومراعاة لشعور المسلمين. اعيش واعمل فى دبي وسط كل الاديان ولأ اديان كمان. المطاعم مغلقة فى نهار رمضان مع وجود البدائل وال Home delivery حتي الزملأء فى العمل من غير المسلمين تشعر بانهم صائمون. فى النهاية القصة ذووووووووووق وادب

شكرا اشرف الباقر
عملنا بشركات بالخرطوم فى عهود الديمقراطية نفسها وكان يعمل معنا اخوة واخوات مسيحيين اقباط
كانو بطبعهم يتعاملون بزوق راقى مع المصائمين
بالرغم من اننا نطلب منهم بأن يأخذوا راحتهم فى وجبة الفطور الا انهم كانو يأبوا ان يفطروا حتى ذهابهم لمنازلهم
او حتى فى حالة الاضطرار كانوا يأخذون وجبة افطارهم بتخفى عن اعيننا بكل ادب جم
وهناك من كان يصوم ويحضر افطاره فى الشارع مع الصائمين كنوع من المجاملة والمشاطرة للروح السائدة
انه فعلا الزوق والاداب العامة اخ اشرف
لا اعلم ماذا دهى ثقافتنا العامة وتقاليدنا الشعبية الرفيعة
لقد اختلط الحابل بالنابل
ولم يعد لبعض الناس المقدرة بان يفرقوا بين معنى الحريات والاداب والتقاليد العامة لشعب كان له نكهته الخاصة













التعديل لسقوط بعض الحروف

Quote: جاء فى الحديث: سـوء الخلق ذنب لا يغتفر وســوء الظن خطيئـة تفوح زول الله مرخص ليه، لقى طعام تناوله، وزول تانى شافه وظن أنه معافى ويعصى فى رمضان.. المذنب ياتو فيهم؟ لو كان معافى وعصى واحسنت به الظن فإنك فى مأمن، أما لو كان مريضا وأسئت به الظن فإنك هالك. ويا أخت رمانة، لو أى زول يشعـر انه (محروم) من الطعام فى نهار رمضان، كما ذكرتى، فأنصحه ما يضيـع وقته ويمشى يخش اول مطعم يغسل يدينو ويقعد يطلب.. لأنو ما فى أجر مكتوب فى أى حتة مع حقـد على شهر رمضان. والحديث يقول: من لم يدع قول الزور فليس الله بحاجـة لأن يدع طعامه وشرابه. لو فى زول ما شاعر بأجر الصيام صفاء فكر وطيبة نفس وحب الخير للناس، فليتأكد أنه قاعد يفوت وجبات بس.

ابوريش .. شكرا
مع أني أعتقد إنك فهمت كلامي عن الحرمان خطأ، لكن، في كل الاحوال أصل العبادة في الصيام هي "الحرمان" من الشهوات قبولا وطاعة للمولى عز وجل في أوقات محددة من اليوم خلال شهر رمضان.. يعني حرمان وطاعة وقبول... الاحساس بالحرمان ليس حقد على رمضان بل جزء من العبادة!
مافي سوء ظن بحد يا استاذ أبو ريش.... الشخص غير المسلم غير ملزم بالصيام. وأصحاب الرخص بسبب المرض أو غيره وغير المسلمين في امكانهم الأكل بدون المساس بحرمة الشهر. وكلنا حصل يوم وأفطرنا برخصة لكن ده ما معناه الحايم في الشارع كله لازم يعرف ويشوفنا فاطرين في نهار رمضان .. وبندخن وبنسف تمباك... في احترام للشهر وده المقصود.
بعدين يا جماعة ... الأنا عارفاه إنه كل المطاعم والبوفيهات بتقفل في السودان في نهار رمضان. الجديد شنو؟
وعلى فكرة أنسوا الكبار، مجاهرين، معذورين وغير مسلمين، في أطفال بيحتاجوا ياكلوا في رمضان وغير رمضان. بيهمني هؤلاء يلقوا أكل .. يعني بالنسبة لي الفكرة مش في إغلاق المطاعم بل في استخدام الرخص بطريقة تراعي حرمة الشهر..
شكرا للجميع..

شكرا محمد النيل وأشرف الباقر
فعلا القصة ذوق وأدب واحترام

زيادة عدد المطاعم والكافتيريات العاملة في الخرطوم له علاقة بقيمة التصديق الخاص بمزاولة العمل في رمضان
السنة الفاتت كان مليون
مع الأزمة الاقتصادية ومحاولة زيادة الإيرادات عادي يتم التصديق لهذا العدد الكبير من المطاعم

Quote: فهناك من المدمنين من يتحايل على القانون ويضع قارورة الخمر او البيرة داخل كيس ورق ويشرب كى لا يظهر امام الناس انه يشرب خمر.

محمد النيل

سلام

ليس تحايلا على القانون, وانما القانون , في بعض الولايات , هو الذي يسمح بتناول الخمر في بعض الاماكن العامة شريطة أن يضعها الشخص في كيس من الورق.

كلامك عن القوانين التي تحكم الناس هو كلام لا غبار عليه,

وهو ما نتمنى أن نصل اليه في وطننا السودان, عشان ما أي زول يقعد يحاكم الناس حسب منظوره الضيق للصاح والغلط,

والناس تختلف في نظرتها للأشياء وحكمها عليها,

سلام يا سيف

واحدة من حكم مشروعية الصوم هي أن يشعر الصائم بالمعاناة التي يسببها الجوع والعطش, مما يدفعه للاحساس بالفقراء والمساكين الذين لا يجدون ما يسد رمقهم,
ودا شعور ايجابي وخيّر, أما أن يحس الصائم بالضيق والغضب لأن الآخرين لا يشاركونه جوعه, ففي اعتقادي, دا شعور سلبي وأناني

كلو عندو دين
كلو عندو راى

شكرا صاحب البوست ورمضان كريم

اعتقد ان عدد مقدرا منهم على

سفر ، بحكم الخرطوم ، كما انهم


ليسوا من سكان العاصمة ، ربما

سنتر الخرطوم و غيره ما يوفر لهم


الطعام. و برضو المجاهرة مش

كويسة.

رمضان كريم علي الجميع وشكري العميق لكل من تداخل هنا..

لقد نقلت ملاحظات من عايش اللحظة ونقلها علي صفحات الفيس بووك لمناقشتها هنا

وهو نقاش بناء استفدت منه حقيقة فشكرا لكم جميعا وفي انتظار المزيد

سيف

تحيه للشباب السوداني ورفضه للصيام الثورة بالفعل بدات والثوره الحقيقيه هي ثوره ضد اشياء دخيله علينا كسودانين ..
لماذا يشعر الصائمين بالضيق من الفاطرين الاحرار ..لايحتاج الشخص ان يكون مريض لكل يرفض الصوم . الرافض للصوم انسان طبيعي وليس لديه رغبه في الصيام وهذا يكفي لان كل انسان حر
وتحيه لاصحاب المطاعم في سعيهم في الحصول علي زبائن رغم السطوة الدخيله علي سوداننا الحر الأبي ,,

مشكلة مراقبـة الفاطرين والإعتراض عليهم لم تأتى من فراغ.. فهى من باب التفكير الطفولى والإنسياق
خلف العقل الجمعى عند كثير من السـودانيين.. واحد تقول ليه ماشى أم بدة عندى موضوع، يقول ليك خلاص
نمشى سـوا أنا زاتى ما عندى حاجـة!!
وقصـة المشاعـر دى هى نفسهـا الشعور الطفولى لو وضعت إسكريم فى تربيزة وقلت للطفل انا طالع برة
لكن ما تأكل منو، نفس الشعور.. سيكولوجيـة الطفل. وإلا فما معنى كلمـة مشاعـر؟ اليس الفرق بين الطفل
والشخص الكبير هو أن الكبير يتحكم فى مشاعره والصغير يحتاج لمن يراعيها له؟!!
السودانيون خارج السـودان يعيشون حياة طبيعيـة، لذلك وكما أسلفت يصومون صيامهم ولا يهمهم الاخرون،
الصيام عبادة وليس إضراب عن الطعام، وبذلك يكون الإنشغال بالداخل وليس بالخارج.. كم درجة صفاء حققت
اليوم، كم ذنب ارجو الله ان يغفره لى.. وهكذا.. مناجاة متصلـة طول اليوم، وأى وقت يصرف فى مراقبة
الاخرين فهو خسـارة كبيرة لا تعوض.

ولتكن هادينا الاية "...عليكم أنفسكم لا يضركم من ضل إذا إهتديتم" هذا بإفتراض من بين الفاطرين عاصون.

والحرمان يا اخت رمانة نوعان.. حرمان يأتى من الخارج.. مفروض.. وهـذا ما إعتقدت انك تقصدينه، أما لو
كان الحرمان من الداخل، عن إقتناع، فلا ينشغل صاحبه بالأخرين.. انا لو سايق ماشى واشنطون لغرض أقضيـه
هناك فما يهمنى الناس السايقين I-95 North ما يهمونى الناس السايقين فى الإتجاه المعاكس للطريق.. إلا
فى حالة انا ما عارف ماشى وين!!

مافى وكت... حصلوا.. رمضان بقى ليه 3 اسابيع فقط.. سيبوا الخلق للخالقها، والفو روحكم.

Quote: لا اعلم ماذا دهى ثقافتنا العامة وتقاليدنا الشعبية الرفيعة لقد اختلط الحابل بالنابل ولم يعد لبعض الناس المقدرة بان يفرقوا بين معنى الحريات والاداب والتقاليد العامة لشعب كان له نكهته الخاصة

Quote: مشكلة مراقبـة الفاطرين والإعتراض عليهم لم تأتى من فراغ.. فهى من باب التفكير الطفولى والإنسياق خلف العقل الجمعى عند كثير من السـودانيين.. واحد تقول ليه ماشى أم بدة عندى موضوع، يقول ليك خلاص نمشى سـوا أنا زاتى ما عندى حاجـة!! وقصـة المشاعـر دى هى نفسهـا الشعور الطفولى لو وضعت إسكريم فى تربيزة وقلت للطفل انا طالع برة لكن ما تأكل منو، نفس الشعور.. سيكولوجيـة الطفل. وإلا فما معنى كلمـة مشاعـر؟ اليس الفرق بين الطفل والشخص الكبير هو أن الكبير يتحكم فى مشاعره والصغير يحتاج لمن يراعيها له؟!! السودانيون خارج السـودان يعيشون حياة طبيعيـة، لذلك وكما أسلفت يصومون صيامهم ولا يهمهم الاخرون، الصيام عبادة وليس إضراب عن الطعام، وبذلك يكون الإنشغال بالداخل وليس بالخارج.. كم درجة صفاء حققت اليوم، كم ذنب ارجو الله ان يغفره لى.. وهكذا.. مناجاة متصلـة طول اليوم، وأى وقت يصرف فى مراقبة الاخرين فهو خسـارة كبيرة لا تعوض. ولتكن هادينا الاية "...عليكم أنفسكم لا يضركم من ضل إذا إهتديتم" هذا بإفتراض من بين الفاطرين عاصون. والحرمان يا اخت رمانة نوعان.. حرمان يأتى من الخارج.. مفروض.. وهـذا ما إعتقدت انك تقصدينه، أما لو كان الحرمان من الداخل، عن إقتناع، فلا ينشغل صاحبه بالأخرين.. انا لو سايق ماشى واشنطون لغرض أقضيـه هناك فما يهمنى الناس السايقين I-95 North ما يهمونى الناس السايقين فى الإتجاه المعاكس للطريق.. إلا فى حالة انا ما عارف ماشى وين!! مافى وكت... حصلوا.. رمضان بقى ليه 3 اسابيع فقط.. سيبوا الخلق للخالقها، والفو روحكم.

Abureesh
على كده ، انت شايف إنه الغيرة على الاسلام أو الغضب لله أو الرسول كلها مشاعر طفولية...!!
يا أخي الكريم.. أنا ما طلعت في جولة استطلاعية أو حملة تفتيش أو عملت كمين عشان أكشف كل الفاطرين في رمضان وأحاكمهم ونسيت العبادة في رمضان...
الفاطرين ديل فاطرين في شارع الله والرسول بمنتهى الارتياح (سواء برخصة أوبدون) عشان كده علقوا الناس عليهم...
مرة تانية بعيد إنه المقصود هو مراعاة حرمة الشهر والتأدب فيه...
شهر رمضان شهر "مميز" مفروض كل الناس تتعامل معاه as such .. زي زمان..

وفي موضوع الحرمان: الحرمان خارجي ، مفروض من الله تعالي وداخلي فارضه الصائم على نفسه طاعة لله.. أنا ما عندي مشكلة مع الحرمان ولا محتجة عليه!!
أقترح عليك التعليق على مداخلة محب الطارح نفسه كمسيحي ... أفضل من نقاشنا عن الحرمان :)
أول مرة أعرف انه المسيحيين ما بصوموا؟ على كده صاحباتي المسيحيات بيكونوا متطرفات واحتمال ارهابيات...!
ده مش برضو اسمه "صيد"؟