Post: #1
Title: يجب تكريم زعماء الاحزاب التاريخية قبل تغيير النظام
Author: فايزودالقاضي
Date: 07-23-2012, 01:20 AM
الناس ديل لازم تكرموهم وتدوهم دروع
|
Post: #2
Title: Re: يجب تكريم زعماء الاحزاب التاريخية قبل تغيير النظام
Author: فايزودالقاضي
Date: 07-23-2012, 01:23 AM
Parent: #1
يعني الا يقولوا ليكم كرمونا عشان نتقاعد ..!!!
|
Post: #4
Title: Re: يجب تكريم زعماء الاحزاب التاريخية قبل تغيير النظام
Author: فايزودالقاضي
Date: 07-23-2012, 01:25 AM
Parent: #2
ماشاء الله عليهم زي الانبياء الواحد فيهم الف سنة الا خمسين
حتى مايدو فرصة لرسالة جديدة تنزل ..
|
Post: #3
Title: Re: يجب تكريم زعماء الاحزاب التاريخية قبل تغيير النظام
Author: صلاح الدين موسى
Date: 07-23-2012, 01:23 AM
Parent: #1
ود القاضى سلامات
بما فيهم السيد الصادق و مولانا محمد عثمان؟
|
Post: #5
Title: Re: يجب تكريم زعماء الاحزاب التاريخية قبل تغيير النظام
Author: فايزودالقاضي
Date: 07-23-2012, 01:31 AM
Parent: #3
صلاح,..سلامات
| Quote: بما فيهم السيد الصادق و مولانا محمد عثمان؟ |
نقول ليك تاريخية وليس قبل التاريخ ..
|
Post: #6
Title: Re: يجب تكريم زعماء الاحزاب التاريخية قبل تغيير النظام
Author: PLAYER
Date: 07-23-2012, 01:32 AM
Parent: #3
| Quote: الناس ديل لازم تكرموهم وتدوهم دروع..... |
أختار سبب مقنع لتكريمهم
1/علي خيبتهم وفشلهم منذ الأستقلال
2/ علي أحتكارهم لقيادة أحزابهم حتي سن التخريف
3/ تعاونهم مع الانقلابين
4/ كل ما ذكر
|
Post: #7
Title: Re: يجب تكريم زعماء الاحزاب التاريخية قبل تغيير النظام
Author: فايزودالقاضي
Date: 07-23-2012, 01:41 AM
Parent: #6
توني بلير كان اشطر ..
التكريم عشان نقول ليهم كلنا آمنا بالله..
فقد ادوا الامانة ونصحوا الامة
وجهادوا في الشعب حق جهاده.
|
Post: #8
Title: Re: يجب تكريم زعماء الاحزاب التاريخية قبل تغيير النظام
Author: صلاح الدين موسى
Date: 07-23-2012, 02:04 AM
Parent: #7
اظنك انت قاصد
غازى سليمان المحامى
والمرحوم احمد سليمان المحامى
|
Post: #9
Title: Re: يجب تكريم زعماء الاحزاب التاريخية قبل تغيير النظام
Author: فايزودالقاضي
Date: 07-23-2012, 02:13 AM
Parent: #8
ماشاء الله ياصلاح ...شكلك قديم وحضرت الدعوة السرية لهؤلاء الانبياء ..
|
Post: #10
Title: Re: يجب تكريم زعماء الاحزاب التاريخية قبل تغيير النظام
Author: عوض محمد احمد
Date: 07-23-2012, 06:29 AM
Parent: #9
ود القاضى يا حبيب
اختزال السياسة السودانية فى اعمار ساستها خطا و ينم عن كسل حقيقى فى تحليل اوضاعنا السياسية
خذ عندك عبد الرحمن المهدى و بشرى المهدى الصغار و جهال ديل هم من انضم للانقاذ بينما و الدهما (العجوز) لسه فى المعارضة
انظر الى مناصرى القتلة فى المنبر دا و شوف اعمارهم
مشكلة الاحزاب الكبيرة و لا شك عندى انك تقصد الامة و الاتحادى ليست فى اعمار الميرعنى و الصادق بل فى تركيبنها كاحزاب طائفية و عائلية حتى و لو كان على سدتها مراهق ابن خمستاشر فلن يختلف اداؤه عن رجل فى الثمانين من عمره
|
Post: #11
Title: Re: يجب تكريم زعماء الاحزاب التاريخية قبل تغيير النظام
Author: MOHAMMED ELSHEIKH
Date: 07-23-2012, 06:47 AM
Parent: #10
و الزعامات الجغرافية البكرمها منو؟؟
|
Post: #12
Title: Re: يجب تكريم زعماء الاحزاب التاريخية قبل تغيير النظام
Author: أسامة البيتى
Date: 07-23-2012, 07:18 AM
Parent: #11
ود القاضى .. رمضان كريم..
أناعارفك إنت قاصد تصفية الأحزاب التاريخية!!
لأنها فشلت فى الحكم.. وفشلت فى المعارضة!!!
نسوى بيها شنو تانى!!
هناك شكة جديدة للكوشتينة
وعايزة توزيعة جديدة!!
|
Post: #15
Title: Re: يجب تكريم زعماء الاحزاب التاريخية قبل تغيير النظام
Author: فايزودالقاضي
Date: 07-23-2012, 08:35 AM
Parent: #12
البيتي ..سلاما ورمضان كريم ..
Quote: أناعارفك إنت قاصد تصفية الأحزاب التاريخية!!
لأنها فشلت فى الحكم.. وفشلت فى المعارضة!!!
نسوى بيها شنو تانى!! |
يااسامه الاحزاب من حقها تكون موجودة واى فشل لها في بعض سياساتها لايعني بالضرورة فشلها في التعاطي السياسي ككل بل هي احزاب ذات حضور فعلي ولها جماهير كبيرة موجودة وتؤدي دورها بمسئولية رغم سلبية قيادتها .Quote: هناك شكة جديدة للكوشتينة
وعايزة توزيعة جديدة! |
الاحزاب دي زيها وزي الحضارات والممالك تقوى وتضعف وتختفي وتظهر وتذوب في اخرى وتستقل عن اخرى وهكذا ..
نحن عايزين دور للشباب في هذه الاحزاب وان تتاح لهم الفرصة في القيادة ...
تحياتي ،،
|
Post: #14
Title: Re: يجب تكريم زعماء الاحزاب التاريخية قبل تغيير النظام
Author: فايزودالقاضي
Date: 07-23-2012, 07:59 AM
Parent: #11
حبيبنا ود الشيخ ود الشرق الاصيل ..كل سنة وانت طيب ..
| Quote: و الزعامات الجغرافية البكرمها منو؟؟ |
قلنا نبدا بالتاريخية بعد داك نخش في الجغرافية والزعامات الميتافيزيقية ..
تحياتي ،،
|
Post: #13
Title: Re: يجب تكريم زعماء الاحزاب التاريخية قبل تغيير النظام
Author: فايزودالقاضي
Date: 07-23-2012, 07:55 AM
Parent: #10
استاذنا عوض ...سلامات وكل سنة وانت طيب ياحبيب ..
| Quote: اختزال السياسة السودانية فى اعمار ساستها خطا و ينم عن كسل حقيقى فى تحليل اوضاعنا السياسية |
اختزال خيارات احزابنا التاريخية في شخصيات وبيوتات بعينها ينم عن افتقار بدايل اخرى في هذا السودان خارج هذه البيوتات وكأن السودان غير قادر على انجاب آخرين قادرين على احداث تغيير في اوضاعنا السياسية وهذا مااعنيه تماماً .
| Quote: مشكلة الاحزاب الكبيرة و لا شك عندى انك تقصد الامة و الاتحادى ليست فى اعمار الميرعنى و الصادق بل فى تركيبنها كاحزاب طائفية و عائلية حتى و لو كان على سدتها مراهق ابن خمستاشر فلن يختلف اداؤه عن رجل فى الثمانين من عمره |
اقصد تركيبتها كاحزاب طائفية وعائلية تتوارث وابناءها هذه الاحزاب وكذلك اعني اعمارهم، فوجودهم لاكثر من خمسين عاماً على زعامة هذه الاحزاب كاسر يعني ان الاحزاب ملك خاص لهم وان السودان ليس فيه الا هذه البيوتات وليس فيه شباب يمكن ان يقودوا ..
استاذ عوض هؤلاء الزعماء كم كانت اعمارهم عندما انخرطوا في قيادة العمل السياسي ؟
وكم اعمار شباب اليوم من الذين لهم مقدرة حقيقية ولم تتح لهم الفرصة كما اتيحت لهؤلاء ؟
فهل السودان عقم عن انجاب غير هؤلاء مع تقديري واحترامي لتاريخهم في العمل السياسي ؟!!
تحياتي ،،
|
Post: #16
Title: Re: يجب تكريم زعماء الاحزاب التاريخية قبل تغيير النظام
Author: عوض محمد احمد
Date: 07-23-2012, 09:04 AM
Parent: #13
| Quote: اقصد تركيبتها كاحزاب طائفية وعائلية |
و هذا هو سر قوة و صمود هذه الاحزاب انها احزاب تستند على قوى صوفية و تاريخية السيادة و الولاء فيها لاشخاص
من سلالة من اسسوا تلك الطوائف
يعنى باختصار الشعب السودانى ماخد المسالة مفاولة لصالح بيتى المهدى و الختم
و اذا تولى اى شخص من خارج هذين البينين سدة الزعامة فلن يبقى هذين الحزبين على قيد الحياة دقيقة واحدة
و البديل اما مجهول او تيار اسلامى متطرف
فلا انا و لا انت و من نؤيد من احزاب يسارية و ليبرالية يمكن ان نكون او تكون بديلا للحزبين حاليا و لا فى المستقبل القريب
فحتى من ناحية (انتهازية) ليس من المصلحة خوض معركة كسر عظم فى الوقت الراهن ضد الطائفية (فهى بكل عيوبها افضل بكثير من الاسلام السياسى الذى يذيقنا الويلات منذ 23 حولا قابلة للزيادة
طيب ما العمل يا فايز و هل نستسلم لهذه القسمى الضيزى مدى الحياة؟
لا عاقل يقول بذلك
بل و قبل اكثر من نصف قرن و فى ظل وعى اقل و امية و جهل مستشرى نجح الازهرى فى قيادة بديل معقول
للطائفية لكنه لم يصبر عليه و ارتد منه بعد بضع سنوات
كما ان الحركات المسلحة غربا تنجح الان فى كسر شوكة الطائفية
المشكلة عندنا فى الوسط و الشمال: يوجد مثقفون كثيرون ضد الطائفية لكن فقط بجهاد اللسان
امامك و امامى مثلا احزاب يسارية و ليبرالية يقودها شباب و شابات دون و فويق الثلاثين: لماذا لا نضع ايدينا فوق ايديهم فمع الزمن
| Quote: وكم اعمار شباب اليوم من الذين لهم مقدرة حقيقية ولم تتح لهم الفرصة كما اتيحت لهؤلاء ؟ |
حسنا فى السياسة لا يمكن ابدا ان يتم استدعاء احد من نومه لينال فرصته
ماذا فعل اولئك الشباب مما هو متاح امامهم لينالوا (فرصتهم)
اولئك الشباب على سبيل المثال لا يذهبون للتصويت فى انتخابات الجامعات الامر الذى يمكن انصار القتلة من الفوز بقيادة اتحاداتها
اولئك الشباب امامم احزاب جديدة يقودها شباب مثلهم لكنهم لا ينضمون البها او حتى يناصرونها من المصطبة
اولئك الشباب لا يشاركون فى الاحتجاجات و المظاهرات و لو من خلال المشاركة فى منتديات الفيسبوك و لو رايت تعليقاتهم هناك على الاحتجاجات الاخيرة لاصابك الطمام و القرف
| Quote: استاذ عوض هؤلاء الزعماء كم كانت اعمارهم عندما انخرطوا في قيادة العمل السياسي ؟ |
الزعماء ديل و الحزبين الكبيران انساهم خالص خالص و البجى منهم كان كويس نرضى بيهو
ديل ماخدين كارت بلانش من اتباعهم (كالميت بين يدى غاسله)
الدور و الباقى علينا لاجتراح بديلنا
|
Post: #17
Title: Re: يجب تكريم زعماء الاحزاب التاريخية قبل تغيير النظام
Author: عمر التاج
Date: 07-23-2012, 09:11 AM
Parent: #13
رمضان كريم يا فايز
قبل مانكرم زعماء الاحزاب التاريخية حقو نكرم الاحزاب التاريخية زات نفسها..
بعد الثورة دي ما تنجح .. يقوم الشباب (يكرموا) بالحزب الاتحادي والأمة والجبهة
فداءا (وضمانا)ً لمرحلة ديمقراطية رشيدة.
|
Post: #18
Title: Re: يجب تكريم زعماء الاحزاب التاريخية قبل تغيير النظام
Author: عمر صديق
Date: 07-23-2012, 09:14 AM
Parent: #13
ود القاضي
رمضان ريم
اليومين دي عندك ارتفاع شديييد في الضغط الثوري
لكن برضو
ماتكتر من الحبال البلا بقر
ياخ حوشك كلو مليتو حبال
|
Post: #19
Title: يجب تكريم
Author: العوض المسلمي
Date: 07-23-2012, 09:30 AM
Parent: #18
اتفق مع عوض محمد احمد في رائه فالاحزاب تشكل جزء ريس من تركيبة الشعب السوداني وقيادتها هي قيادات سودانية قدمت ومازالت تقدم الكثير
ولكن اتفق معك في البحث عن دور لشباب هذه الاحزاب واقف عند حجر عثرة بان الشباب اين هم وما دورهم ؟؟ اغلبهم يا فائز خارج السودان وما تبقي عدد
ليس بالبسيط ولكن مع مشغوليات الحياة وتناقص دور الاسر الممتدة جعل للشباب هما خاصا لم يستطع الخروج منه الا القليل ..
ولو تلاحظ حتي شباب الاحزاب الكبيرة يسيرون علي نمط زعماء عشائرهم .. وعن بقية الاحزاب فمازالت مثلها ومثل الاتحادي والامة يسيطر عليها كبار السن
وكما قلت لا اري في ذلك منقصة فالشباب دورهم موجود ولكن هم من يتباطأ في حمله ...
سلام فائزنا القاضي
|
Post: #20
Title: Re: يجب تكريم
Author: جلال جبريل
Date: 07-23-2012, 09:32 AM
Parent: #19
| Quote: الناس ديل لازم تكرموهم وتدوهم دروع |
هو مو كويس إنو ماندرعنا فيهن؟
|
Post: #21
Title: Re: يجب تكريم
Author: AMNA MUKHTAR
Date: 07-23-2012, 09:43 AM
Parent: #19
غايتو يا قريبي ..البوست دا ذااتو يستحق نوط الجدارة ياخى .
نعم / هلموا لنكرمهم ونلبسهم الدروع المذهبة ...ويمكن معاها تيجان كمان .. حتى لو فالصو ..
لعل..وعسى .
|
Post: #22
Title: Re: يجب تكريم
Author: أسامة البيتى
Date: 07-23-2012, 10:04 AM
Parent: #21
| Quote: هي احزاب ذات حضور فعلي ولها جماهير كبيرة موجودة وتؤدي دورها بمسئولية رغم سلبية قيادتها . |
ود القاضى..
الحضور الفعلى، والمسئولية لابد يكون لهما أثر إيجابى ملموس فى نسيج الأحزاب..
لو فى حضور فعلى كان ترك أثره فى القيادة و غير من سلبيتها.. ولترك أثره فى المعارضة.. وفى حكم البلد..
لكين مافى حضور فعلى!! والقواعد التى لا تغير من سلوك القادة لا يعول عليها!!
الأمل المرجو أن يتفطن شباب الأحزاب لهذا ويكون عندهم راى في القيادات!!
|
Post: #23
Title: Re: يجب تكريم زعماء الاحزاب التاريخية قبل تغيير النظام
Author: lana mahdi
Date: 07-23-2012, 11:39 AM
Parent: #13
Quote: نقول ليك تاريخية وليس قبل التاريخ ..
|
على كدة مفروض يكون إسمي لناصور
^____________^شكييييييتك علي الله يا فايز يا شقيقي(:(:(:
|
Post: #24
Title: Re: يجب تكريم زعماء الاحزاب التاريخية قبل تغيير النظام
Author: البحيراوي
Date: 07-23-2012, 11:54 AM
Parent: #23
ود القاضي
رمضان كريم يا أخي - ليس الزعماء التاريخيين وحدهم ضيف ليهم بعض اللاحقين من ناس المؤتمر الوطني.
بحيراوي
|
|