اعتقد دكتور سيف النصر يقصد الفيديو الموجود على اليوتيوب سلفا اذا كنت محقا فى تحمينى تضع الماوس على الفيديو وتنقر باليمين وتنزل الى copy emped html وتنقر باليمين ايضا وتعود الى سودانيز اونلاين وتعمل بيست قى منتصف البوست جنى
07-22-2012, 06:16 PM
الامين موسى البشاري
الامين موسى البشاري
تاريخ التسجيل: 08-09-2009
مجموع المشاركات: 15391
1. اذهب الى صفحة اليوتيوب 2. شغل اليوتيوب الذي تريد نقله الى المنبر 3. تحت الفيديو أو اليوتيوب المراد نقله ستجد كلمة share 4. انقر عليها 5. اضغط على embed 6. ستجد تحتها 4 خيارات 7. ضع علامة صاح في المربع أمام العبارة التالية Use old embed code [?] 8. انسخ الكود وثم الصقه في مربع المشاركة في المنبر
دا حل سريع جدا وغير كافي لغاية هسي بعد ما ارجع من الدوام ربك يهونها ونحل باقي المشاكل
07-22-2012, 06:36 PM
خضر الطيب
خضر الطيب
تاريخ التسجيل: 06-24-2004
مجموع المشاركات: 6697
قبل فترة كان فى هجوم على اليوتيوب فيما يختص بحقوق الملكية ربما تم حجب الخاصية فى بعض الدول او فى بعض الكليبات التى يتم رفعها بواسطة اصحابها او اخونا بكرى لم يقوم بتفعيل هذه الخاصية تجنبا للملاحقة جنى
07-22-2012, 06:48 PM
سيف النصر محي الدين
سيف النصر محي الدين
تاريخ التسجيل: 04-12-2011
مجموع المشاركات: 8995
ما شاء الله باين الناس فطرت و بلو العروق و ظبطو المزاج . البوست ده انا سبلتو للغاشي و الماشي و كل العايز يتجدع زي اخونا عبد الكريم عبد الله فليتجدع be my guests and feel at home و يا ضيفتا لو زرتنا..الخ ..الخ
07-23-2012, 04:05 AM
عبدالكريم عبدالله
عبدالكريم عبدالله
تاريخ التسجيل: 06-20-2011
مجموع المشاركات: 480
Quote: ما شاء الله باين الناس فطرت و بلو العروق و ظبطو المزاج . البوست ده انا سبلتو للغاشي و الماشي و كل العايز يتجدع زي اخونا عبد الكريم عبد الله فليتجدع be my guests and feel at home و يا ضيفتا لو زرتنا..الخ ..الخ
أخوي سيف النصر ، و حاتكــ القصد ما منو إني خبير في المسائل دي ،، و لاّ جاي بدون تقديم مساعدة بالخطوات ،،، لو تصدق الحكاية اخدتني قرابة الساعة قبل ما أعرف كيف أنزل الفيديو و من فرط سروري بإنجاح العملية ، قلت الــ قلتو ... شكراً نبيلاً بترحيبكـــ بي و كلي إمتنان و إحترام ليكـــ يا زعيم...
............. بالمناسبة قمت عملت بنفس خطوات الأخت عبير خيري ، العكّر مزاجي إني كنت بعمل دليت فقط لــ 2 من الــ ;amp و الحقيقة المطلوب هو دليت الــ 4 ;amp
07-23-2012, 05:08 AM
سيف النصر محي الدين
سيف النصر محي الدين
تاريخ التسجيل: 04-12-2011
مجموع المشاركات: 8995
Quote: الطيب رحمه قريمان جيناكم مرة تانية يا محمد زكريا و البشارى
ليه بعض الفيديوهات تكون صغيرة و اخرى متوسطة و ثالثة كبيرة ؟؟
حسب مقاس الجزمة ههههههه لا ابداً والله جصت كيدنك
شوف الشرح اداناه
فى الخطوة اربعة يتم اختيار المقاس الذى تحب ان يظهر فى المنبر ولو لاحظت فى الصوره اعلاه موجوده اربعه صناديق شفافه فى داخل المستطيل الاحمر والخطوة رقم 4 هى لاختيار مقاس شاشة العرض انظر المربع الاحمر هنالك اربعه مستطيلات وانا ظللت رقم اربعه وهو الاكبر لكن المناسب هو الثانى من الشمال
بالمناسبه فيدويهيك ما ظابط ويمكن السبب انه تكون عملت علامة صح فى الخطوة رقم 3 وهى اهم خطوة فى انجاح العملية كلها
07-23-2012, 11:45 AM
الامين موسى البشاري
الامين موسى البشاري
تاريخ التسجيل: 08-09-2009
مجموع المشاركات: 15391
ليه بعض الفيديوهات تكون صغيرة و اخرى متوسطة و ثالثة كبيرة ؟؟
يا الطيب ول ابا رحمه قريمان
حبابك وتصوم وتفطر على خير ياخ الفيديو أنت بتقدر تتحكم فيه بطريقتك في نفس الكود المنسوخ دا سوف تجد عرض الفيديو (width) وبتلقى قدامها رقم ممكن تغيره حسب مزاجك وكذلك تستطيع التحكم في الارتفاع (height) وبرضو ممكن تحدد الارتفاع بمزاجك
ما قدرته على ديل اختار حجم الفيديو حقك من هنا أواكتب الارتفاع والعرض في المربعين الفارغات في اليمين ديل
سيبك من موضوع حجم الفيديو دا ويا ريت تخليهو على الافتراضي عشان ما يفتل البورد بس ظبط كيفية انزال الفيديو في المنبر موضوع انزال الفيديو نفسه بطريقة صحيحة يحتاج منك لشغل زيادة طبق الشروحات الفوق دي وبالتوفيق
كن بخير
07-23-2012, 11:56 AM
محمد زكريا
محمد زكريا
تاريخ التسجيل: 09-01-2009
مجموع المشاركات: 4909
Quote: محمد ياصديق يهوووووووووووووووووووووووووووووووووووووووووووى اناعرفتة ياخ احييييييييييييييكم كلكم حتى الامنجية المعانا فى المنبر عشان انا حاستهدفهم بالفيديوهات القادمة
وجد صحى
هههههههههه والله شكلك يا نجلاء زى الشافع العرف يفتح غلاف الحلاوة او هدية فى العيد معقوله تحييى حتى الامنجيه ده فرح شنو ده اصلو ولا عشان ح تهريهم بالفيديوهات بعد كده هههههه
07-23-2012, 11:46 AM
نجلاء سيد أحمد
نجلاء سيد أحمد
تاريخ التسجيل: 02-10-2009
مجموع المشاركات: 9869
تحياتي يا حبيب .. وما تشتت كل الحاجات ياخ لأنو في ناس في البورد ممكن يستغلوها استغلال ســئ وبعدين نبقى في ايش وحاو وعرررررررررر ياخ والله صحي () غايتو سنيت ليكـ سنة سيئة بصراحة وهي حكاية تكبير الفيديو دي لسببين:
1. تكبير الفيديو الشديد بيفقد الفيديو دقته المطلوبه وتظهر فيه المشاهد باهته الا فيما ندر
2. تكبير الفيديو بيفتل البورد زي ما أنت شايف
فالله يرضى عليكم خلو الفيديو بابعاده الحقيقية بدون تغيير لأن الفيديو نفسه وبعد عرضه فيه امكانية التكبير حتى ملء الشاشة
تحاياي
07-23-2012, 12:49 PM
محمد زكريا
محمد زكريا
تاريخ التسجيل: 09-01-2009
مجموع المشاركات: 4909
Quote: تحياتي يا حبيب .. وما تشتت كل الحاجات ياخ لأنو في ناس في البورد ممكن يستغلوها استغلال ســئ وبعدين نبقى في ايش وحاو وعرررررررررر ياخ والله صحي () غايتو سنيت ليكـ سنة سيئة بصراحة وهي حكاية تكبير الفيديو دي لسببين:
1. تكبير الفيديو الشديد بيفقد الفيديو دقته المطلوبه وتظهر فيه المشاهد باهته الا فيما ندر
2. تكبير الفيديو بيفتل البورد زي ما أنت شايف
فالله يرضى عليكم خلو الفيديو بابعاده الحقيقية بدون تغيير لأن الفيديو نفسه وبعد عرضه فيه امكانية التكبير حتى ملء الشاشة
تحاياي
والله يا معلم خلاص مرق من الايد انكسر المرق وانكشح الرصاص ههههههه لكن بالجد انا نصحت ما يكبرو خالص ولو لازم يختاروا التكبير رقم 2 لكن السودانين انت عارفهم مخلوعين وما بصدقوا و جنهم يختاروا الحاجات الكبيرة بس يقول ليك الشجر الكبار فيهو الصمغ وشنو شنو ما عارف خلى بكرى يدخلها فى اللائحه ممنوع الفيديو الكبير انتو بالمناسبة بكرى وين ما ظاهر وعناوين المنبر اختفت معاهو
07-23-2012, 01:00 PM
الامين موسى البشاري
الامين موسى البشاري
تاريخ التسجيل: 08-09-2009
مجموع المشاركات: 15391
Quote: والله يا معلم خلاص مرق من الايد انكسر المرق وانكشح الرصاص ههههههه
هههههههههههه عارف كم مرة كدا اتعصرته في موضوع شرح أنك لما تفتح البوست يقوم الفيديو بتاع اليوتيوب دا يشتغل معاك طوالي أول ما تفتح البوست ............................ طبعاً طوالي عملت زغبير من الموضوع دا لأني لو شرحته على الايمان تاني أي بوست يكون زي موقف مواصلات الحاج يوسف في بحري باكشاك الليمون والعرديب الكتيرة ديك وكل كشك مشغل ليهو شـــريط وأغنية مختلفة لدرجة إنك ما تقدر تسمع أي اغنية كويس
Quote: هههههههههههه عارف كم مرة كدا اتعصرته في موضوع شرح أنك لما تفتح البوست يقوم الفيديو بتاع اليوتيوب دا يشتغل معاك طوالي أول ما تفتح البوست ............................ طبعاً طوالي عملت زغبير من الموضوع دا لأني لو شرحته على الايمان تاني أي بوست يكون زي موقف مواصلات الحاج يوسف في بحري باكشاك الليمون والعرديب الكتيرة ديك وكل كشك مشغل ليهو شـــريط وأغنية مختلفة لدرجة إنك ما تقدر تسمع أي اغنية كويس
وحياة الخوة يا معلم كنت ناوى اعملها فى فيديو اللامبادا امبارح بتاع موسيقى الافطار لكن نفس كلامك اتذكرت اكشاك الحاجه البارده دي
لكن اسمح لى هسه عشان نقرب موعد الفطور نشغلها ونمسحها بعد الفطور اما التصغير فسننادى به ونعمل به
بالله يا حاجة جك الليمون ده زيدوه تلج
=================== يا نادر شايفك زبطت معاك من قولة تيت
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة