ما فيكم شيخ يجي يفتي لينا.. مامكن ياخ نصوم 20 ساعة و20 دقيقة في اليوم

18 ساعة!!
ربنا يعينكم يا شاب

ياخينا سلامات الحال من بعضو قدر مافتشت لي ريحة فتوة ساكت ملاقيتها.
ربك يعظم الاجر .الحمد لله اليوم الاول انتهي بعد جهد والشغلة كلها اول سبوع بس.
ربنا يتقبل مننا ومنكم.

راني..حبابك يا صديقي
كل سنة و انت طيب..
دي نجرتها قبل شوية و كتبتها في بوست اخونا النصري..



قريبنا واحد اول ما وصل هنا عجبتو ليك حكاية شغل الأوفر تايم.. أي ساعة حايمة بيلقطها..و بيلقط القروش معاها..
اها قام جانا رمضان طويل اليوم..و صاحبنا شبكنا ليك جرسة ياخي اليوم طويل و الشمس سخنة..و كده..قام صديقنا ادورب غتيت كده..صر عينو اليمين استغرابا و قال ليهو:
شغل اوفرتايم تحب.. رمضان اوفر تايم ما تحب..!!!


و نشوفك

كبر

فايتنك بالصبر يا راني

Quote: ما فيكم شيخ يجي يفتي لينا.. مامكن ياخ نصوم 20 ساعة و20 دقيقة في اليوم

يا راني الشغلانة ما محتاجة لي فتوي نهاااائي

شووووف
إنت أول حاجة محتاج تعرف عدد ساعات الصيام بالضبط في ( البلد الأم ) وعلي هذا قِس

أوقّع ليك أكتر عشان تستفيد
لو الصيام في السودان لقيتو 9 ساعات تقوم تضربها في تلتين وتطرح الباقي من مجموع ساعات الصيام الكلية في ( الوطن البديل )

عشان ما تطلع ليك ساعات أوفر تايم

أسمع كلامي ده وأتوكل علي الله :)

سلام يا راني وكل رمضان وانت طيب
ربنا يعظم الاجر والله اليوم طويييييييييييييييييل طولا غريب ما ليهو حل الا الصبر
ياخ لمن تجئ الساعة واحدة يكون باقي لينا 8 ساعات ونص نشيل الصبر بس

السلام عليكم ورمضان كريم

سمعت من بعض الاخوة في الدول
الاسكندنافية - علي ما أظن - أن اليوم
طويل وبالتالي لا يمكنهم الصيام لانه
خارج نطاق التحمل البشري، فوجدوا فتوي
تبيح لهم الصيام علي توقيت اقرب مدينة
يكون فيها الصيام لساعات معقولة وفي حدود
تحمل الشخص العادي


وفي أميركا الشمالية وفي بعض المدن في شمال
اقليم كويبك الكندي تختل ساعات الليل والنهار
بصورة مغايرة تماماً للمدن التي تجاورها، فامكنهم
أيضاً الحصول علي فتوي تبيح لهم الصيام علي توقيت
مدينة
ذات توقيت معتدل



والله اعلم


الحليلة

"و على الذين يطيقونه فدية طعام مسكين"
معنى يطيقونه : يقدرون عليه بمشقة.
قيل أن هذا الحكم منسوخ بقوله تعالى "من شهد منكم الشهر فليصمه".
و قيل أن معنى "الذين يطيقونه" هو "الذين لا يطيقونه".
هل يمكن القول أنه إن كان الصوم فيه مبالغة في المشقة يمكن للانسان أن يفطر -إن اختار الفطر- و يطعم مسكينا عن كل يوم كالمريض تماما ؟

سلام يارانى

والله انا اتصلتا السنه الفاتت على المركز الاسلامى فى لندن

ورد على واحد من المشايخ , قلت ليهو ياشيخنا انحنا بنصوم

تسعطاشر ساعه مافى تخفيف ؟ ضحك الشيخ ملء شدقيه

حتى ظننت انه صبأ

وقال لى مافى طريقه التخفيف الوحيد لناس الدول الاسكندنافيه

قلت ليهو يعنى ياشيخنا نمشى نصوم فى الدول الاسكندنافيه ؟

قال لى احسن من تصوم فى السودان

Quote: "و على الذين يطيقونه فدية طعام مسكين" معنى يطيقونه : يقدرون عليه بمشقة. قيل أن هذا الحكم منسوخ بقوله تعالى "من شهد منكم الشهر فليصمه". و قيل أن معنى "الذين يطيقونه" هو "الذين لا يطيقونه". هل يمكن القول أنه إن كان الصوم فيه مبالغة في المشقة يمكن للانسان أن يفطر -إن اختار الفطر- و يطعم مسكينا عن كل يوم كالمريض تماما ؟

يا عم الشيخ مع انو كلامك دا في شكل سؤال لكن بالنسبة ليّ فتوى واجبة النفاذ:)

ومن عندي بقول ليك كلمة مسكين تقدر بقدرها في دول شرق اسيا او الهند تحديدا لانو السودان غالي:)

وبكدا نكون خففا على المسلمين واطعمنا المساكين يعني win win situation

والله اعلم..

راني سلام...

والله بالطريقة الانا شايفها دي الا الواحد يشتغل صيام ونوم.
يعني ما ممكن شغل وصيام 18 ساعة وصلاة وطبيخ ونظافة بيت وحمام اطفال ووووووو يا ناس هوي اليوم دا فيهو 24 ساعة.

يا جماعة الحاصل دا ورطة ودايريين اليطلعنا منها.

Quote: سلام يا راني وكل رمضان وانت طيب ربنا يعظم الاجر والله اليوم طويييييييييييييييييل طولا غريب ما ليهو حل الا الصبر ياخ لمن تجئ الساعة واحدة يكون باقي لينا 8 ساعات ونص نشيل الصبر بس

سلامات Hayat Hussien
حتفرج بفتوة إن شاء الله

تصومي وتفطري علي خير

Quote: يا راني الشغلانة ما محتاجة لي فتوي نهاااائي شووووف إنت أول حاجة محتاج تعرف عدد ساعات الصيام بالضبط في ( البلد الأم ) وعلي هذا قِس أوقّع ليك أكتر عشان تستفيد لو الصيام في السودان لقيتو 9 ساعات تقوم تضربها في تلتين وتطرح الباقي من مجموع ساعات الصيام الكلية في ( الوطن البديل ) عشان ما تطلع ليك ساعات أوفر تايم أسمع كلامي ده وأتوكل علي الله :)

اها وبتي سارة المولوده هنا دي وطنا الام حيكون وين؟
يا عمك نحن داير شفخانة ومدرسة اوسطي، ما دايرين لينا قسم للشرطة.
من 5 - 5 من 4 -6 لكن ما 18 ساعة.

علي اي حال يا حبيب نورة اكان ما لقيت لي شغلة غيره فتوتك دي تب ما خاطيها.

Quote: فايتنك بالصبر يا راني

سناء اسي عليك الله الشيوخ ديل لو خلو فتاوي رضيع الكبير
وباقي البلاوي دي وفكرو فينا نحن المساكين ديل ما احسن



فتوى!
سُئل شيخ ماحكم لبس القبعه اللتي لها مظلة ( الكاب ) ؟
فأفتى قائلاً:
لايجوز لبس القبعة ذات المظلة وذلك لان فيها تشبه بالكفار ..




فتوى أخرى!
صدرت فتوى مؤخراً تحرم الانترنت على المرأة
وعللت سبب التحريم :
" بسبب خبث طوية المرأة , فلايجوز للمرأة فتح الانترنت الا بوجود محرم مدرك لعهر المرأة ومكرها"

.
.

Quote: راني..حبابك يا صديقي كل سنة و انت طيب.. دي نجرتها قبل شوية و كتبتها في بوست اخونا النصري.. قريبنا واحد اول ما وصل هنا عجبتو ليك حكاية شغل الأوفر تايم.. أي ساعة حايمة بيلقطها..و بيلقط القروش معاها.. اها قام جانا رمضان طويل اليوم..و صاحبنا شبكنا ليك جرسة ياخي اليوم طويل و الشمس سخنة..و كده..قام صديقنا ادورب غتيت كده..صر عينو اليمين استغرابا و قال ليهو: شغل اوفرتايم تحب.. رمضان اوفر تايم ما تحب..!!! و نشوفك كبر

كبر اخوي وحاتك الاوفر تايم ارحم، يا عمك دا مشروع قرحة مجاني.

Quote: ياخينا سلامات الحال من بعضو قدر مافتشت لي ريحة فتوة ساكت ملاقيتها. ربك يعظم الاجر .الحمد لله اليوم الاول انتهي بعد جهد والشغلة كلها اول سبوع بس. ربنا يتقبل مننا ومنكم.

سلامات اخي ياسر
اهو شيخ حبيب نورة جاك بي فتوة عظم الله اجره.

Quote: 18 ساعة!! ربنا يعينكم يا شاب

اشرف وحات ربي الشغلة دي كتيرة عديل

رمضان كريم يا رانى

ما عليك الا الصيام و الصبر لانه رمضان واقع فى الصيف ...

اذكر قبل عشرة سنوات كان الصيام فى الشتاء و كان اليوم قصير للغاية

فهذه بتلك يا رانى ... ههههههههههههههه

سلامات راني.

تعال ورينا حالك بعد اسبوعين :)

Quote: سلامات راني. تعال ورينا حالك بعد اسبوعين :)

بالشايفو دا، ما حيكون حالا زين

شكراً هاني

Quote: رمضان كريم يا رانى ما عليك الا الصيام و الصبر لانه رمضان واقع فى الصيف ... اذكر قبل عشرة سنوات كان الصيام فى الشتاء و كان اليوم قصير للغاية فهذه بتلك يا رانى ... ههههههههههههههه

سلامات الطيب

اها نحن نجي نتعذب عشان ديلك اتجدعو قبل عشرة سنة...
لا لا كدا ما بينفع

Quote: سمعت من بعض الاخوة في الدول الاسكندنافية - علي ما أظن - أن اليوم طويل وبالتالي لا يمكنهم الصيام لانه خارج نطاق التحمل البشري، فوجدوا فتوي

دا كلام جميل

راني

رمضان كريم عليك وعلي ضيوفك

ياحبيب الحال من بعضوا بلاهي أنا من أول ساعتين بعد الامساكية دخل في العضم خلعة ساااي
لو لقيت ليك فتوة اللكز أخوك معاك

راني رمضان كريم تصوم وتفطر علي خير انت والاسرة

تاني ياصحبي لما يجي رمضان تقوم تأخذ اجازة وهاك ياعمرة تقضي معانا بتوقيت مكة

رمضان كريم علي كل المتداخلين.


،،،،أبوقصي،،،،

Quote: راني رمضان كريم تصوم وتفطر علي خير انت والاسرة تاني ياصحبي لما يجي رمضان تقوم تأخذ اجازة وهاك ياعمرة تقضي معانا بتوقيت مكة رمضان كريم علي كل المتداخلين. ،،،،أبوقصي،،،،

سلامات اخي الكبير مجدي عبدالرحيم
والله شوفتكم براها بتشيل لينا هم رمضان

إن شاء الله نصلكم يوم

ودي

يا راني اتوكل على الله وتعال في الرياض
عندنا لا زال الدنيا بخير
من 3:50 صباحا لغاية 6:45 مساءا
بس جيب معاك شجرة لبخ تطلطف الجو لانو صيفنا بتار

راني تصوم وتفطر بخير
غايتوا نحن بدينا اليوم السبت
اليوم عندنا17 ساعة ربنا يتقبل منا ومنكم الصيام والقيام

واحدة من فرق الشيعة في أمريكا (اسمها راح لي) بصوموا بالساعة وليس الخيوط (الأبيض والأسود)
يعني الصيام يبدأ 6 صباحا والافطار 6 مساء

يا راني حاولوا تعملوه ورديات يعني Shifts
صوم انت ثلثه إلا قليلا ...
وبعدين خلي ست البيت تمسك ليك الورديه الثانية و لو انت من ناس (وضح النهار ) السكرتيره اعتبرها من (ما ملكت ايمانكم) تعمل ليك فايلنق للباقي
بس ثبت النية واتوكل علي الله

سلام راني

انا سمعت (اها سمع بس) فتوى قبل كده عن الموضوع دا، هي اقرب لفتوى اخونا حبيب نورة

لكن البلد البتختارها موش على كيفك او كيف حبيب نورة ^___^

قالوا يا عمك تجيب مسطرة وقلم، وتعمل شخيت رأسي (على نفس خط الطول) الذي يمر بمدينتك الحالية وتتجه بالخط دا جنوبا
لحد ما تصل توقيت منطقة يكون عدد ساعات الصوم فيه معتدل وان كانت في دولة اخرى. يعني شذوذ راسي وليس افقي ^___^

اها، لسه، ما براك عارف المسلمين ديل، للمزيد من الدخول في الحسكنيت، قال ليك الشخيت دا تجروا جنوبا لحد ما تلاقي
اول مدينة بتاعت مسلمين، اوكي، قول في اورربا وآسيا والقوقاز القصة دي ممكنة باعتبار اكيد سأمر بدولة مسلمين

لكن في حالة زي حالتك دي، لحد ما تصل جنوب الارجنتين ما حلتقى مدينة بتاعت اسلام، تعمل شنوووو؟؟ افتكر زي ما قلت ليك
المهم يكون توقيت الصيام معتدلا، زي السعودية مثلا 15 ساعة في درجة حرارة 50 ومعاها رطوبة


هذا والله اعلم

Quote: سمعت من بعض الاخوة في الدول الاسكندنافية - علي ما أظن - أن اليوم طويل وبالتالي لا يمكنهم الصيام لانه خارج نطاق التحمل البشري، فوجدوا فتوي تبيح لهم الصيام علي توقيت اقرب مدينة يكون فيها الصيام لساعات معقولة وفي حدود تحمل الشخص العادي

معقولة بس نكون فيها وما نكون سمعنا بيها
بس الحقيقة انها فعلاً خارج نطاق التحمل البشرى لانه الامساك من الساعة اتنين صباحاً وشوية والافطار بعد الساعة عشرة بالليل يعنى عشرين ساعة بالتمام والكمال
ولا مدينة قريبة ولا يحزنون تصوم بس لامن تموت

Quote: وقال لى مافى طريقه التخفيف الوحيد لناس الدول الاسكندنافيه قلت ليهو يعنى ياشيخنا نمشى نصوم فى الدول الاسكندنافيه ؟

بالله ورونا درب المفتى ده وين

Quote: يا جماعة الحاصل دا ورطة ودايريين اليطلعنا منها.

هوووووووووي يا راني ها

صوم صيامكـ ســااااي واسكت وكان ما عجبك
تعال نبدلك تعال أنت السعودية دي وأنا بمشي محلك هناك
وأنا راضي اصوم 23 ساعة زاتو
وبعدين شوف حالة الناس الصايمين في السودان برضو
حر وعطش وعدم سكر وكهرباء .... الخ

اها قلته شنو ياخ؟!

رمضان كريم يا رانى

نحن ما بعيدين منك وصايمين

بس بينى بينك رمضان جانا قايم سدارى السنة دى

هههههههههههههههه.
غايتو الزول لمان يكون جديد في الشغلة، بيكون مجهجه جِنِس جهجهة!!!
الطيّب رحمة دا ما قال ليك الموازنة بتحصل في الشتاء. في الشتاء الواحد
علي بال ما شدّ علبة الفول في النار تكون التراويح إنتهت. يعني رمضان راكب
نفاثة عديل كدا. ثمّ يا بتاع الفتاوي إنت نحن قبل كدا صمنا في (إنوفك) في
الشتاء شمس نهائي ما في، وجربنا في الصيف ليل نهائي ما في، ما كبينا
جرسة زي جرستك دي، لكن الجديد شديد. كان سقطت في دي، إياك
الساقط بوشيك.
والله صحي.

بقول للجميع رمضان كريم،
وتصومو وتفطرو علي خير...

يا رانى فى فتوة بتقول طالما رمضان جاك فى الصيف وانت مافى بلدك اعتبر نفسك على سفر
وعدة من ايام اخر
فى الشتاء


وخليك سودانى اينما كنت



الصورة لزوم التخفيف علينا وعليكم واوصيكم بهومر سيمبسون لتقصير اليوم الطويل

Quote: يا رانى فى فتوة بتقول طالما رمضان جاك فى الصيف وانت مافى بلدك اعتبر نفسك على سفر وعدة من ايام اخر فى الشتاء

هههههههههههه،
يا محمد زكريا ذكرتني العربي.
قال ليك العربي ماسك لهو خيط، ويغتس في البحر، وكلما يمرق يعقد عقدة
في الخيط.
قالوا ليهو البتعمل فيهو دا شنو؟؟؟
قال ليهم: دي جنابات الشتاء بقضي فيها في الصيف.

يعني زولك في الشتاء ما ناوي علي برود...

جهجهتونا معاكم
عشرين ساعة باردة ولا سخانة ألف ؟؟
شمس الرياض وامكانية التأجيل !

Quote: هههههههههههه، يا محمد زكريا ذكرتني العربي. قال ليك العربي ماسك لهو خيط، ويغتس في البحر، وكلما يمرق يعقد عقدة في الخيط. قالوا ليهو البتعمل فيهو دا شنو؟؟؟ قال ليهم: دي جنابات الشتاء بقضي فيها في الصيف. يعني زولك في الشتاء ما ناوي علي برود...

والله مبالغة يا ود المدير
لكن شتان ما بيننا وبين العربى
الفرق عندنا فى طول وقصر الوقت اما صاحبك فواضح انه مشكلتو مع درجات الحرارة
تعرف رمضان قبل عشرة سنين تقريباً كان بيصادفنا فى عز الشتاء
يعنى اليوم شمسو بتشرق الساعة 9 صباحاً وبتغيب الساعة 2 ظهراً والبافى ليل ساى
بالله تلقى الناس الليل كلو تاكل وتشرب زى الفيران
اما لو صادف فى عز الصيف فاحسن شىء تطبيق نظرية السفر

لو داير رأيي أصبر على صيامكم دا ساي
الخرطوم اليوم السبت كانت سخانة مبالغة
تقرب تجيب زول يطلع كتفك يحاحي منك الشمش
دا غير خلع الأسعار واختفاء العيش والسكر واختفاء المواصلات من ميدان جاكسون في ظروف غامضة

تلاتاشر ساعة مع سخانة الخرطوم ومعاناة المواصلات ولا عشرين من عندكم؟

ما عارف ناس بورتسودان أوضاعهم كيف


ربنا يتقبل مننا ومنهم ومنكم

يعني لو زول ساكن في القطب المتجمد حيصوم نص سنة ؟ أكيد لا اليوم 24 ساعة اقسم علي اتنين وأتوكل علي الله يا زول
حفظ النفس مقدم علي العبادة

اها لقيت ليكم الدابرة...
وصلتني فتوة من شوية... حا انزلها هنا.

كيفية الصلاة والصيام في البلاد التي يطول نهارها أو يقصر جدا

كيف تؤدى الصلوات في أوقاتها في البلاد التي يتمايز فيها الليل من النهار

صلاة وصيام الساكنين قرب القطبين

Quote: Fatwa means a religious answer/solution to a problem to help Muslims out who have a problem. Its issued by a Mufti who is the highest religious knowledgeable Muslim scholars. Muftis become Muftis after tens of years studying religion. The job of a Mufti is to study Muslims living situations and issue solutions for their problems.

Quote: This Fatwa is NOT from one or two shaiks.This Fatwa is from Al-Azhar Fatwa Council and Egypt Fatwa council, and the Fatwa Council of JORDAN. It has many well known Muftis.

Quote: Please read this Fasting Ramadan fatwa carefully. It addresses us who live a way from the NORMAL area's when it comes to "day" and "night" during the summer and the winter. Our situation here in Seattle area is NOT normal (fasting over 18 hours/day is not normal) Normal fasting is about 15 hours like Mekkah.

Quote: The question is, what should the people do who live a way from the normal conditions, i.e. long days in the summer and short days in the winter during Ramadan?

Quote: The FATWA is: In our religion, Makkah is the mother of all cities (Umm Al-Quraa) and we should follow the mother/the source. Therefore, We, in Seattle area , should fast the number of hours that Mekkah fasts starting at our Fajir time. For example, if fasting in Mekkah is ~15 hours, and our Fajir starts at 3AM, then our Iftar/breaking the fasting would be at 6PM (fasting 15 hours)

يرجي التنبيه:
ان هذه الفتوة قد وصلتني عن طريق الايميل من احد الاخوة المقيمين بي Seattle
وهذه جزء من ايميل طويل فضلت ان لا انشر كل الايميل وسلكت منه بعض الاجزاء.

خلاص يارانى

بناءا على الفتوى دى يعنى الامساك الساعه كم والافطار الساعه كم ؟

Quote: خلاص يارانى بناءا على الفتوى دى يعنى الامساك الساعه كم والافطار الساعه كم ؟

سلامات اخ خضر الطيب
الرد علي سؤالك تجده في الفتوة...

Quote: The FATWA is: In our religion, Makkah is the mother of all cities (Umm Al-Quraa) and we should follow the mother/the source. Therefore, We, in Seattle area , should fast the number of hours that Mekkah fasts starting at our Fajir time. For example, if fasting in Mekkah is ~15 hours, and our Fajir starts at 3AM, then our Iftar/breaking the fasting would be at 6PM (fasting 15 hours)

اذا كانت ساعات الصيام في مكة 15 ساعة ، تقوم تحسب 15 ساعة من زمن صلاة الصبح عندكم. والله اعلم

Quote: اذا كانت ساعات الصيام في مكة 15 ساعة ، تقوم تحسب 15 ساعة من زمن صلاة الصبح عندكم. والله اعلم

شكرا اخى رانى لهذه الفتوى

يعنى الفتوى دى لو كنت فرفرتها قبل رمضان مش كان احسن ؟ لوول

انحنا عندنا الامساك كان قبل ساعه مفروض لكن بناء على الفتوى دى

ياداب الامساك بدا والله فتوى سمحه خلاص

الدين يسر يا اخوى والله ما امر بالهلاك .. والله صحى

Quote: يعني لو زول ساكن في القطب المتجمد حيصوم نص سنة ؟ أكيد لا اليوم 24 ساعة اقسم علي اتنين وأتوكل علي الله يا زول حفظ النفس مقدم علي العبادة

محمد حسن العمدة
ما تخليك ضلالي كمان، هو الصيام في ام القري 15 ساعة... تجي تقول ليهم اقسمو اليوم؟ ناس كبار كدا يصومو 12 ساعة بس؟

ود العمدة امشي عيد الفتوة دي وتعال صادي

Quote: واحدة من فرق الشيعة في أمريكا (اسمها راح لي) بصوموا بالساعة وليس الخيوط (الأبيض والأسود) يعني الصيام يبدأ 6 صباحا والافطار 6 مساء

Ashraf el-Halabi
اها دا الكلام البيجيب الكتاحة
شيعة ما معانا
سنه ســـــــــــــاكت

Quote: راني تصوم وتفطر بخير غايتوا نحن بدينا اليوم السبت اليوم عندنا17 ساعة ربنا يتقبل منا ومنكم الصيام والقيام

سلامات اخ محمد المسلمي
ربنا يعنكم وهو لقينا ليكم فتوة

Quote: يا راني اتوكل على الله وتعال في الرياض عندنا لا زال الدنيا بخير من 3:50 صباحا لغاية 6:45 مساءا بس جيب معاك شجرة لبخ تطلطف الجو لانو صيفنا بتار

سلامات
Zomrawi Alweli
اكان دايرا ليها لبخ
اخير لينا 18 ساعتنا دي.

Quote: راني رمضان كريم عليك وعلي ضيوفك ياحبيب الحال من بعضوا بلاهي أنا من أول ساعتين بعد الامساكية دخل في العضم خلعة ساااي لو لقيت ليك فتوة اللكز أخوك معاك

سلامات اخ عادل الباهي عبدالرازق

اها لقينها ليك شد واركب ســـــــــاكت

Quote: دا كلام جميل

رمضان كريم شيخ يحيى بن عوف

Quote: ما فيكم شيخ يجي يفتي لينا.. مامكن ياخ نصوم 20 ساعة و20 دقيقة

آخ رانى
رمضان كريم
فى الشتاء بتجيب الفرق
تتذكر فى الشتاء بتصوم كم ساعة؟؟؟؟
ساعات قليلة جدا
.....
ربنا سبحانه وتعالى ليه حكم فى توقيت رمضان والشهر العربى بصفة عامة
فهو سبحانه وتعالى رحمة منه ولحكمة عظيمة ربط السنة الاسلامية بحركة القمر وليس الشمس
ولان الشمس توقيتها ثابت والقمر توقيته متغير وذلك رحمة بالناس
ولو كان رمضان مرتبطا بالسنة الشمسية لتعذب به بعض الناس وأتاهم فى الصيف دايما
والحمد لله لذلك نجد تغير الفصول ليكون الرمضان فى التوزيع الزمنى عادلا بين الناس فهو العدل الحكم الذى رتب وقدر ذلك
فقدر استمتاعك يا رانى برمضان الشتاء يجب ان تأتى بفرق اوفر زمن العبادة فى الصيف
فرق سعر وكدا يعنى
ول ما كدى ؟؟؟
...
انا اعلم ان هناك فتوى للمناطف التى لا تغيب الشمس عنها ابدا أو لا تأتيها الشمس ابدا
لكن 20 ساعة دى لم تقابلنى فقد توجد والله اعلم فتوكل على الله وصوم عشرينك وارجى التعويض فى الشتاء إن اطال الله عمرك
وإلا فارجى التعويض فى جنات عرضها السموات والارض
تقبل الله صيامك طاعاتك فى هذا الشهر المبارك

Quote: breaking the fasting would be at 6PM

لو بحت يا راني عمك دا حتلاقيه من الفرقة القلت ليك عليها ديك

Quote: آخ رانى رمضان كريم فى الشتاء بتجيب الفرق تتذكر فى الشتاء بتصوم كم ساعة؟؟؟؟ ساعات قليلة جدا ..... ربنا سبحانه وتعالى ليه حكم فى توقيت رمضان والشهر العربى بصفة عامة فهو سبحانه وتعالى رحمة منه ولحكمة عظيمة ربط السنة الاسلامية بحركة القمر وليس الشمس ولان الشمس توقيتها ثابت والقمر توقيته متغير وذلك رحمة بالناس ولو كان رمضان مرتبطا بالسنة الشمسية لتعذب به بعض الناس وأتاهم فى الصيف دايما والحمد لله لذلك نجد تغير الفصول ليكون الرمضان فى التوزيع الزمنى عادلا بين الناس فهو العدل الحكم الذى رتب وقدر ذلك فقدر استمتاعك يا رانى برمضان الشتاء يجب ان تأتى بفرق اوفر زمن العبادة فى الصيف فرق سعر وكدا يعنى ول ما كدى ؟؟؟ ... انا اعلم ان هناك فتوى للمناطف التى لا تغيب الشمس عنها ابدا أو لا تأتيها الشمس ابدا لكن 20 ساعة دى لم تقابلنى فقد توجد والله اعلم فتوكل على الله وصوم عشرينك وارجى التعويض فى الشتاء إن اطال الله عمرك وإلا فارجى التعويض فى جنات عرضها السموات والارض تقبل الله صيامك طاعاتك فى هذا الشهر المبارك

,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,
يا راني .. يا جرسة..( وجه مبتسم وضاحك ومقهقه) أظن مقهقه دي ظريفة)
انا قريت كل الفتاوي المكتوبة ,, لكن لقيت احسن فتوي هي المكتوبة أعلاه والتي كتبها محمد النيل.. اذا مشيت بيها حتكون من الفائزين.. وخصوصا انت ناوي تحجج والدتك وحبوبتك.. وبكده تجمع في الحسنات يمين وشمال.. وفي النهاية تكون من الفائزين..
وبعدين الـ18 ساعة ما كثيرة خالص لأن ناس نيويورك بيصوموا عادي 16 ساعة و17 ساعة .. وبعدين زي ما قالوا ليك اصحابك تعال ورينا حالتك بعد اسبوع.. وانا متأكدة انت حتكون اتعودت على الساعات الطويلة دي
والله يديك العافية واللقمة الدافية بعد الساعة عشرة بالليل وقت المغربية

an email that I received

Quote: Dear Mr. Rani, I am a constant reader for sudaneseonline but I am not a member. I read your post about the exhausting number of hours Muslims fast in these regions of the world. I believe your question and request for a fatwa is quite legitimate and reasonable as well. I also reside in Canada for the time being and I came up with my own fatwa which I think it's logical and considers the physical and mental well being of humans. Forget about short sighted people who say "it's more ajr to fast 18 or 20+ hours" and so on! Sense of the senseless! This issue is very serious and can create doubt for critical thinkers. Anyway, to cut a long story short, I fast from down about 3:50 a.m and I break my fasting after exactly the number of hours being fasted in Mecca. If they break their fasting after 14 hours and 30 minutes, I also break my fasting after these number of hours i.e: fasting day extended from 3:49 a.m until 6:20 p.m for the first day of Ramadan. These are reasonable fasting hours in a regular or normal day in which man can work / study, pray, cook, clean and pray again and sleep too. I am quite confident of my fatwa and I apply it to myself and I don't listen to fossilised minds. Thank you. ............... Sincerely, .................

الاخ راني
تقبل الله منكم ومنا
ونسأل الله ان يجعله في ميزان
حسنات الجميع


مع احترامي لرأي الاخ
أعلاه الا انني أظن انه قد جانبه
الصواب
ما افتي به لنفسه ليس له سند
ولا أظن ان الدين علي هوي اي
واحد منا
له الحق ان يفكر ويؤمن بما يظن
انه صواب ولكن تبقي الحقيقة
كما هي:
"من أحدث في أمرنا هذا ما ليس منه فهو رد"

مع وافر تحياتي لك ولضيوفك الكرام



الحليلة
[email protected]

Quote: يا راني .. يا جرسة..( وجه مبتسم وضاحك ومقهقه) أظن مقهقه دي ظريفة) انا قريت كل الفتاوي المكتوبة ,, لكن لقيت احسن فتوي هي المكتوبة أعلاه والتي كتبها محمد النيل.. اذا مشيت بيها حتكون من الفائزين.. وخصوصا انت ناوي تحجج والدتك وحبوبتك.. وبكده تجمع في الحسنات يمين وشمال.. وفي النهاية تكون من الفائزين.. وبعدين الـ18 ساعة ما كثيرة خالص لأن ناس نيويورك بيصوموا عادي 16 ساعة و17 ساعة .. وبعدين زي ما قالوا ليك اصحابك تعال ورينا حالتك بعد اسبوع.. وانا متأكدة انت حتكون اتعودت على الساعات الطويلة دي والله يديك العافية واللقمة الدافية بعد الساعة عشرة بالليل وقت المغربية

سلامات اميرة
هو جرسة ساكت لكن..
هو محمد النيل كتب شنو؟
علي حال انا صائم الي الان صائم الـ 18 ساعة حقتهم دي.
والقصة ما قصة انو اقعد اسبوعين واشوف بعداك انو اتعوتا ولا لا ، انا مريت في حياتي بظروف جوع صعبة جداً، كنت في القاهرة عام 99 وقضيت خمسة ايام من غير اكل، والله خمسة ايام.
واول فترتي في كندا دي مريت بتلاتة يوم دون اكل بالرغم من انو كنت ممكن امشي بنك الاكل، لكن كنت حالف ان لا امشي بنك الاكل ولا اشحد احد ولا اقدم لي ويلفير، والحمد لله دا الحصل ليوم الليلة لن اطرق ابواب تلك المناطق.
فالموضوع ما موضوع جوع، الموضوع انو ليه 18 ساعة من اساسو؟

اها دي نتيجة الـ 18 ساعة، مشاكل في الكلى بسبب جفاف حاد علي حسب كلام الدكتور
قبل يومين قبل الافطار بقليل ظهرة لي بعض الالام في الجزء الايسر من ظهري،
فطرت وكان ذالك الساعة ال 10:09 وبعدها بقليل ازداد الالم بشكل فظيع لدرجة اني كنت لا اقدر علي الوقوف او الجلوس
ذهب بي احد الاصدقاء الذي كنت فاطر معه بالمنزل ذاك اليوم الي المستشفي ، وكنت اصرخ لحظتها من الالم فتم اعطاي حقنة تسمي TORADOL وهي حقنة لقتل الالم وفعلا في خلال اقل من خمسة دقائق راح الالم.
وجلست بعدها في المستشفي لمدة 13 ساعة حيث تمت لي فحوصات للبول، دم، ضغط، حرارة، اشعة ولا زالت الفحوصات مستمرة حيث من المفترض عمل CT Scan يوم غداً الساعة 9:00 صباحاً، وبعده Ultrasound
في الوقت الراهن الدكتور يعتقد ان هنالك kidney stones ولكن اكتمال الفحوصات سيحدد الاشكالية.
علي اي حال حاليا اشعر احسن حالاً، حيث عاودت الصيام اليوم.
مرفق بعض المستندات:

مستنداتك دي "تبلها وتشرب مويتا"
بعد تبلغ العافية تقضي لينا بالله

Quote: عم الشيخ مع انو كلامك دا في شكل سؤال لكن بالنسبة ليّ فتوى واجبة النفاذ:) ومن عندي بقول ليك كلمة مسكين تقدر بقدرها في دول شرق اسيا او الهند تحديدا لانو السودان غالي:) وبكدا نكون خففا على المسلمين واطعمنا المساكين يعني win win situation

نوباتيا ازيك...

ورمضان كريم...


واحد سأل الامام في جامع بحلفا..."يا شيخنا...(إن الانسان لربه لكنود ) يعني
شنو؟؟ قال ليه الانسان عند الله يساوي اووود كبريت بس..

المافي شنو؟

عجبتني win win situation
وهي قريبة من...لا ضرر ولا ضرار

Quote: مستنداتك دي "تبلها وتشرب مويتا" بعد تبلغ العافية تقضي لينا بالله

انتو ديل ، الواحد اصلو ما يلقي ليهو طريقة زوغة معاكم؟
ناس لا تريح لا تخلي المرض يريح

Quote: نوباتيا ازيك... ورمضان كريم... واحد سأل الامام في جامع بحلفا..."يا شيخنا...(إن الانسان لربه لكنود ) يعني شنو؟؟ قال ليه الانسان عند الله يساوي اووود كبريت بس.. المافي شنو؟ عجبتني win win situation وهي قريبة من...لا ضرر ولا ضرار

loooooool

اها من امبارح نقصنا عدد ساعات الصيام لـ 14 ساعة.
.
.
.

.

ياخ انا من زماااااان منتظرة زول يردح معاي

معقولة بس .. نجضنا والله وبعدين مش قالو الصوم اتعمل عشان تحس بي الفقراء

انا والله حاسة بيهم شديييييييييييييييييييييد اها تاني شنو؟

Quote: ياخ انا من زماااااان منتظرة زول يردح معاي معقولة بس .. نجضنا والله وبعدين مش قالو الصوم اتعمل عشان تحس بي الفقراء انا والله حاسة بيهم شديييييييييييييييييييييد اها تاني شنو؟

سلامات عبير خيرى
هو انت براكي الكان منتظر زول يردح معاه؟
الكانو منتظرين كتار، لكن كانو ماكلنها قرض...
اتصل بي واحد قبل فترة وقال لي "ياخ كلامك القلتو في بوست " ما فيكم شيخ يجي يفتي لينا..." دا كلام صعب خلاص
والله في الحمام ما بقدر اقولو، غايتو الله يديك العافية اهو الفتوة الجبتها دي حلت لينا مشكلة الساعات الطويلة "

.
.
والله خلاني اشك في نفسي وارجع اكوس الكلام القلتو هنا دا كلو...
غايتو لحدي اسي ما لقيت الشي الما راكب عدلو هنا.


ودي
راني السماني

اها من امبارح نقصنا عدد ساعات الصيام لـ 14 ساعة.
..........................................................................
اخونا سلامتك والف لاباس عليك..
انت بتهظر ولا كيف بقت 14 ساعة كيف دي اصلو كل يوم بنقص كم عندكم ؟؟
انحنا يادوب عملنا 19 ساعة:((
لقيت فتوي وعملتا نايم من اخوك ولا شنو؟

Quote: اها من امبارح نقصنا عدد ساعات الصيام لـ 14 ساعة. .......................................................................... اخونا سلامتك والف لاباس عليك.. انت بتهظر ولا كيف بقت 14 ساعة كيف دي اصلو كل يوم بنقص كم عندكم ؟؟ انحنا يادوب عملنا 19 ساعة:(( لقيت فتوي وعملتا نايم من اخوك ولا شنو؟

عارف يا ياسر حركة الـ 14 ساعة دي عملتها يومين، لكن وحاتك كنت حاسي فيها اني مشاتر جنس شترنة، المهم باقي الايام تميتها زي ما دايرين مننا.

لكن النشوف لحدي السنة الجاية ممكن ربنا يفرجها .



ودي