دكتور حميدة:مستشفي بحري لم يلتزم بافطار طبيبات الميز، سيسألك الله عنهن

جرت العادة علي أن يقوم مستشفي بحري بتجهيز وجبة الافطار في رمضان واحضارها الي
ميز الطبيبات قبل المغرب .وميزانية رمضان الماضي كانت بمشاركة اتحاد الاطباء وتبرع ببعض المواد التمونييه ومبلغ من المال..
وقد كانت هناك عدة اجتماعات تحضر لهذا العام والتزم فيها الاتحاد بمواد عينية ولم يلتزم بمبلغ مالي ..
واكد الاتحاد ان كل مستشقي مسئول عن افطار العاملين به ولكن مستشفي بحري لم يفئ بهذا الالتزام علماً بأن الميز
التابع له به اكثر من 70 طبيبة ، سمعوا صوت اذان المغرب وجيوبهم خاوية لان دخول الاطباء معلومة للجميع ووضعهم معلوم
فمن المسئول ؟؟؟؟

نجلاء رمضان كريم

Quote: جرت العادة علي أن يقوم مستشفي بحري بتجهيز وجبة الافطار في رمضان واحضارها الي ميز الطبيبات قبل المغرب .وميزانية رمضان الماضي كانت بمشاركة اتحاد الاطباء وتبرع ببعض المواد التمونييه ومبلغ من المال.. وقد كانت هناك عدة اجتماعات تحضر لهذا العام والتزم فيها الاتحاد بمواد عينية ولم يلتزم بمبلغ مالي .. واكد الاتحاد ان كل مستشقي مسئول عن افطار العاملين به ولكن مستشفي بحري لم يفئ بهذا الالتزام علماً بأن الميز التابع له به اكثر من 70 طبيبة ، سمعوا صوت اذان المغرب وجيوبهم خاوية لان دخول الاطباء معلومة للجميع ووضعهم معلوم فمن المسئول ؟؟؟؟

هي بقت على فطور رمضان؟؟؟
كدي نحسن في كم بيت في ظل الأزمة دي ما لقى فطور؟؟
دي هينه الكلام الجرائم الأكبر من كده....



الشايقي

http://www.youtube.com/watch?v=WjNosdjuv7s

فاوضني بلا زعل

[email protected]
http://alkatwah.com

.

Quote: هي بقت على فطور رمضان؟؟؟ كدي نحسن في كم بيت في ظل الأزمة دي ما لقى فطور؟؟ دي هينه الكلام الجرائم الأكبر من كده....

بس يا الشايقي اخوي ديل بعد الافطار عندهم ديوتي في المستشفي

اتخيل كيف زولة من صباح الرحمن ما اكلت تقدر تعالج ولا تشوف

ليها زول مريض كيف ، عيونها مزغللة من الجوع بتقدر تعالج

وبي كده المواطن عرضة للمرض ولي عدم تركيز الطبيب اى الموت مرتين

فخلينا نحافظ على حياة من فضل من الشعب السودانى لحدى الثورة ماتنجح

ورمضان كريم عليك وعلى كل الشعب السودانى الفضل

Quote: سيسألك الله

دي ما أتوفقتي فيها يا استاذه ....هم لو بهتمو بي حاجه ذي دي او كانوا بعرفوهو من اصلو كان وصولنا حته ذي دي؟
زول ذي الملياردير دي قول ليهو قروشك ممكن يخاف لكن الله دي ما أظن بتاكل معاهو.
تحاياي.

Quote: دي ما أتوفقتي فيها يا استاذه ....هم لو بهتمو بي حاجه ذي دي او كانوا بعرفوهو من اصلو كان وصولنا حته ذي دي؟ زول ذي الملياردير دي قول ليهو قروشك ممكن يخاف لكن الله دي ما أظن بتاكل معاهو. تحاياي.

سلام شطة كلامك من ناحية صاح..... بس حبيت اذكرهم بيوم هم ماعاملين حسابه عسى ان ينتهوا عن جرمهم ببركة هذا الشهر الكريم

حقائق تمنحنا الطاقة والحماس :

إلغاء (12) عملية قلب بينها حالات حرجة بمستشفى الشعب

تواصل توقف إجراء عمليات قسطرة القلب بمستشفى الشعب لليوم الثاني بسبب إضراب العاملين.
وكشفت مصادر لـ(المجهر) إلغاء (12) عملية، أمس، بينها (3) عمليات عاجلة، وصفت حالتهم بالخطيرة. وأكدت المصادر دخول جميع السسترات في الإضراب، بمن فيهم سسترات الخدمة الوطنية اللائي تم تقليص حوافزهن من 300 جنيه إلى 90 جنيهاً. وأرجعت المصادر حدوث فجوة في ميزانية المستشفى؛ بسبب تحويل (100) مليون جنيه من إيراداتها لمستشفى البرقيق في الشمالية.
وتمسك العاملون بمواصلة الإضراب إلى حين إرجاع حوافزهم كاملة غير منقوصة.

الاخت نجلاء

رمضان كريم

Quote: اتخيل كيف زولة من صباح الرحمن ما اكلت تقدر تعالج ولا تشوف ليها زول مريض كيف ، عيونها مزغللة من الجوع بتقدر تعالج

كنت عاوز اقول ليك انو ببساطة تقبل على الحيطة وترقد تنوم

لكن اتذكرت انو المواطن الغلبان الجايز يكون برضو ما فطر مما تسبب في هبوط في السكر وجابوه شايلنو دا ( برضو ما عندو ذنب )

يبقى لا الطبيب لاقي ياكل والدكتورة عيونا مزغللة من عدم تناول الفطور
والكيزان بكونو فطرو بصفرة حدادي مدادي من عرق المواطن والطبيبة
وبي دا كلو
لا الطبيبة العيونا مزغللة عاوزة تطلع الشارع ولا المواطن الما فطر عاوز يطلع

يبقى الحل شنو يا نجلاء ؟

Quote: يبقى الحل شنو يا نجلاء ؟

سلام يا نجلاء

احنا عايزين الجد و الحل النهائى للبلاوى الزى دى
الحل هو : كان يجب على اولئك الطبيبات الامتناع فورا عن تغطية باقى النبطشية: فى هذه الحالة كان سوف يتم
توفير افطار فى دقائق و من افخر الفنادق و لن يتاخر الفطور بعد دا يوم واحد طيلة الشهر الفضيل

اما حكاية الله يسالكم و خافو حسابو و نار جهنم الحراقة: فاكاد اجزم لكم ان هذه ليست الا مجرد خزعبلات فى
راى اولئك الابالسة و لا تثير الا سخريتهم و ضحكهم من قائلها (و قالوا للحرامى احلف قال يا دوبك جالك افرج).

Quote: احنا عايزين الجد و الحل النهائى للبلاوى الزى دى الحل هو : كان يجب على اولئك الطبيبات الامتناع فورا عن تغطية باقى النبطشية

لا بالله....البتقدر تشتغل خليها تشتغل عشان خاطر المرضي...فلتحتسبه أجر في رمضان

Quote: : فى هذه الحالة كان سوف يتم توفير افطار فى دقائق و من افخر الفنادق و لن يتاخر الفطور بعد دا يوم واحد طيلة الشهر

لا أعتقد.......ومن غير ليه

نجلاء
رمضان كريم.....عليكي..وعلى طبيبات مستشفى بحري الجنديات المجهولات......

المشكلة تكمن في ادرة مستشفى بحري .....كترة الاخفاقات والاخطاء....
مدير المستشفى جنو هظار(قال كدي بعضمة لسانو في مشكلة الاكسجين)
تبديل مواليد..... يعني لو ولدن اكتر من تلاتة في وقت واحد..... كل واحدة تشيل الجنا البيعجبها(مش كلهم شفع وسودانيين)..ويا ايدي شيلني خُتيني في بيت الله العاجبني.....ولو واحدة جابت تيمان يكون عندهم جنا احتياطي... يمكن تجي واحدة عندها حمل عنبي ويدوهو ليها.....
نسيان بالات من القطن واطنان من معدات الجراحة في بطون المرضى(لو حسبتي الاجمالي)
موت لعدم وجود الاوكسجين
كسر دولايب قسم الاشعة واختفاء مستندات في وضح النهار.... (مهمة) يعتقد ان لها علاقة بفساد مالي...تحويل رئيسة القسم للمساءلة (عشان اشتكت) وعشان الصحافة اخدت خبر!!!!
تحكم بعض مراكز القوى من غير الاطباء في عمل الاطباء.....ومصير المرضى......
اخر حاجة حريق في قسم الولادة والاطفال والجراحة...... والمرضانين..كل واحد خما دريبو في اباطو ونطا من الشباك. وجري علي اهلو....لانو الابواب مغلقة بامر( اسياد المستشفى)....ابلاغ الدفاع المدني بعد ساعة من الحريق....التماس كهربائي وعند ابلاغ الادارة الهندسية قالت دا ما شغلنا بلغو الادارة .... وناس الادارة جو وكل واحد عاضي ليهو كمامة في خشمو وشايل ليهو كوز موية ويرشرش في الحريقة......
والمدير لو سألهو يقول يا جماعة نحن قاعدين نهظر سااااااااكت!!!......

لو كنت مكان الوزير لأقلت كل طاقم الادارة.... من المدير للغفير....!!!!!

Quote: نجلاء رمضان كريم.....عليكي..وعلى طبيبات مستشفى بحري الجنديات المجهولات...... المشكلة تكمن في ادرة مستشفى بحري .....كترة الاخفاقات والاخطاء.... مدير المستشفى جنو هظار(قال كدي بعضمة لسانو في مشكلة الاكسجين) تبديل مواليد..... يعني لو ولدن اكتر من تلاتة في وقت واحد..... كل واحدة تشيل الجنا البيعجبها(مش كلهم شفع وسودانيين)..ويا ايدي شيلني خُتيني في بيت الله العاجبني.....ولو واحدة جابت تيمان يكون عندهم جنا احتياطي... يمكن تجي واحدة عندها حمل عنبي ويدوهو ليها..... نسيان بالات من القطن واطنان من معدات الجراحة في بطون المرضى(لو حسبتي الاجمالي) موت لعدم وجود الاوكسجين كسر دولايب قسم الاشعة واختفاء مستندات في وضح النهار.... (مهمة) يعتقد ان لها علاقة بفساد مالي...تحويل رئيسة القسم للمساءلة (عشان اشتكت) وعشان الصحافة اخدت خبر!!!! تحكم بعض مراكز القوى من غير الاطباء في عمل الاطباء.....ومصير المرضى...... اخر حاجة حريق في قسم الولادة والاطفال والجراحة...... والمرضانين..كل واحد خما دريبو في اباطو ونطا من الشباك. وجري علي اهلو....لانو الابواب مغلقة بامر( اسياد المستشفى)....ابلاغ الدفاع المدني بعد ساعة من الحريق....التماس كهربائي وعند ابلاغ الادارة الهندسية قالت دا ما شغلنا بلغو الادارة .... وناس الادارة جو وكل واحد عاضي ليهو كمامة في خشمو وشايل ليهو كوز موية ويرشرش في الحريقة...... والمدير لو سألهو يقول يا جماعة نحن قاعدين نهظر سااااااااكت!!!...... لو كنت مكان الوزير لأقلت كل طاقم الادارة.... من المدير للغفير....!!!!!

وعليك يتبارك الاستاذ سجيمان تصوم وتفطر على خير

لو كنت مكان الوزير لأقلت كل طاقم الادارة.... من المدير للغفير....!!!!!

والوزير من البقيلو والحكومة كمان البقيلها منو ؟؟القصة سرطان علاجو هو التغيير فقط ولا بدائل آخرى

تسلم وشرفتنى بالمرور

Quote: لا بالله....البتقدر تشتغل خليها تشتغل عشان خاطر المرضي...فلتحتسبه أجر في رمضان

تشتغل بياتو طاقة؟ زولة صائمة 14 ساعة و ما لاقية فطور الا بالطاقة الروحية
اهو شغل الترقيع و المجاملات و التهاون دا البخلى المشاكل تستمر و تتراكم و فى النهاية حا يتضرر المواطن لانو طبيب يتعرض للمهانة دى ما حا يشتغل يوم واحد بعد الامتياز
الادارات الطبية ما دام الشغل ماشى ما حا تهتم بشئ و لو مات كل الاطباء من الجوع
البخوفهم و يخليهم يشوفو شغلم هو التوقف و الاضراب عن العمل

Quote: لا أعتقد.......ومن غير ليه

فى هذه الحالة اذا استمر طبيب او طبيبة فى العمل بالشروط المهينة دى فلا يستحق الحرمان من الفطور بل يستحق ان يجلد فى ميدان ابو جنزير

Quote: اهو شغل الترقيع و المجاملات و التهاون دا البخلى المشاكل تستمر و تتراكم و فى النهاية حا يتضرر المواطن

ماهو عشان خاطر المواطن المسكين دا خلي البيقدر يشتغل يشتغل...الفطر بي كباية شاي أو سندويتش بايت وممكن يشتغل خليهو يشتغل....لأنو لو أضرب عن العمل...المواطن دا ممكن يموت...وكل الممكن يحصل إنو الطبيب حيترفد ...و أكيد إنك عارف انو مصلحة المواطن دا ترتيبها رقم كم في الاولويات

اللهم لا نسألك رد القضاء و لكنا نسألك اللطف فيه

Quote: المواطن دا ممكن يموت

المواطن برضو حا يموت اذا باشر علاجه طبيب جائع و ساخط و شغال بربع طاقة
و لولا ان فترة الامتياز اجبارية لسافر للتو و اللحظة الى (السعودية) كما فعل من قبله الكثيرون الذين
لم يستطيعوا تحمل الاوضاع القاسية

Quote: الممكن يحصل إنو الطبيب حيترفد

هذه اهانة كبيرة للطبيب ان يعمل بهذه الشروط المهينة فقط لانه خائف من (الرفد)
و بعدين يعنى شغال بكم عشان يتمسك بالمهانة دى
فى السودان منتهى المهانة ان يقال لشخص انو شغال ببطنو: حتى دى طبيبات مستشفى بحرى ما لا مات فيهو

د.ياسر رمضان كريم

Quote: لا بالله....البتقدر تشتغل خليها تشتغل عشان خاطر المرضي...فلتحتسبه أجر في رمضان ----________________ لا أعتقد.......ومن غير ليه

البركة فيكم بعد موت انسان اعظم مهنة فى العالم بس اكيد دا كلو كلو ينتهي دا كلو كلو ينتهي دا كلو كلو ينتهي .

سلام الاخ العوض ورمضان كريم

Quote: سلام يا نجلاء احنا عايزين الجد و الحل النهائى للبلاوى الزى دى الحل هو : كان يجب على اولئك الطبيبات الامتناع فورا عن تغطية باقى النبطشية: فى هذه الحالة كان سوف يتم توفير افطار فى دقائق و من افخر الفنادق و لن يتاخر الفطور بعد دا يوم واحد طيلة الشهر الفضيل اما حكاية الله يسالكم و خافو حسابو و نار جهنم الحراقة: فاكاد اجزم لكم ان هذه ليست الا مجرد خزعبلات فى راى اولئك الابالسة و لا تثير الا سخريتهم و ضحكهم من قائلها (و قالوا للحرامى احلف قال يا دوبك جالك افرج).

كلامك صاح من ناحية انهم ابعد مايكونو عن الدين .والبوست دا لايصال آخر رسالة لمن لا زال في قلبه غشاوة وفي أذنه صممواكيد لو اتكرر اليوم نفس الحصل بكون فى رد فعل آخر

الله اكرم تصوم وتفطر على خير اخى مازن

Quote: كنت عاوز اقول ليك انو ببساطة تقبل على الحيطة وترقد تنوم لكن اتذكرت انو المواطن الغلبان الجايز يكون برضو ما فطر مما تسبب في هبوط في السكر وجابوه شايلنو دا ( برضو ما عندو ذنب ) يبقى لا الطبيب لاقي ياكل والدكتورة عيونا مزغللة من عدم تناول الفطور والكيزان بكونو فطرو بصفرة حدادي مدادي من عرق المواطن والطبيبة وبي دا كلو لا الطبيبة العيونا مزغللة عاوزة تطلع الشارع ولا المواطن الما فطر عاوز يطلع يبقى الحل شنو يا نجلاء ؟

الحل هو التغيير لان الفساد وعمايلهم التى لايرعون فيها الوطن ولا المواطن لاينفع معها الاصلاح لذا جاهرنا وسنجاهر بسقوط هذا النظام المجرم القاتل وهذا هو الحل

الاضراب حتما سوف يكون اى العصيان المدنى بس لانستعجل النتائج وكلوا بحين فى وقتو بعدالتراكم البحصل والثورة مستمرة..

شكرا ليك يامازن على المرور الجميل .

الأستاذة نجلاء: كل سنة وإنتي طيبة..واصلي أيتها الاصيلة.ونسأل الله أن يكون رمضان القادم أفضل لأهلنا في السودان

الاخ عوض محمد أحمد...لي عودة لأهمية حديثك

ديل يستاهلوا عدم الفطور والسحور والشاي والقهوه ..أساسا البوديهم يشتغلوا في ظروف زي دي شنو ؟أوعك تقول لي انسانيه...كانو الطبيبات ديل مايستاهلوا التعامل معهم بانسانيه ..كل واحده تشيل شنطتها وتمشي بيت أهلها حيث تحترم انسانيتها ..

رمضان كريم تصوم وتفطر على خير دكتور .Elsadig Abdalla

Quote: ديل يستاهلوا عدم الفطور والسحور والشاي والقهوه ..أساسا البوديهم يشتغلوا في ظروف زي دي شنو ؟ أوعك تقول لي انسانيه...كانو الطبيبات ديل مايستاهلوا التعامل معهم بانسانيه ..كل واحده تشيل شنطتها وتمشي بيت أهلها حيث تحترم انسانيتها ..

انا معاك البحصل لكل الشعب السودانى حاجة فوق الوصف وكمان كرامة الطبيبات اتهانت شديد والسكات اصبح مزلة بالجد لكن الحلول والاضرابات الغير منظمة بتضر

وباكر اكيد بنتصر الحق ولايصح غير الصحيح

شكرا على المرور