Post: #1 Title: رمضان في الدول العربية الصائم والفاطر وغير المسلم كلو زي الصائم Author: النذير حجازي Date: 07-20-2012, 06:28 AM
ليه كدا؟!
Post: #2 Title: Re: رمضان في الدول العربية الصائم والفاطر وغير المسلم كلو زي الصائم Author: بدر الدين احمد موسى Date: 07-20-2012, 07:13 AM Parent: #1
نذيرنا رمضان كريم
لانهم كلهم صايمين ديمة! يا النذير, بعد التمانينات نزعت الهالة الروحية عن كل الافعال الدينية و اصبحت مجرد شكليات بفضل الاخوان المسلمين و انصار السنة! الناس بقت تصوم بأمر الحكومة و تحت رقابة المغيبين بدل ما كان الصيام لله.
Post: #3 Title: Re: رمضان في الدول العربية الصائم والفاطر وغير المسلم كلو زي الصائم Author: النذير حجازي Date: 07-20-2012, 03:36 PM Parent: #2
سلام يا أبو البدور يا فردة ولا فض فوك
تعرف يا أبو البدور في معظم الدول العربية، بفرضوا على غير المسلم بعدم الأكل والشراب في رمضان، ليه بفرضوا لغير المسلمين والفاطرين من المسلمين بأعذار أو غير أعذار من ممارسة حقهم الطبيعي في الأكل والشرب؟! والتدخين؟ ليه الدكتاتورية دي؟!
Post: #4 Title: Re: رمضان في الدول العربية الصائم والفاطر وغير المسلم كلو زي الصائم Author: سيف النصر محي الدين Date: 07-20-2012, 03:50 PM Parent: #3
سلامات يا نذير و رمضان كريم ده كلام كتبته رمضان قبل الفات
في الدول العربية و معظم الدول الاسلامية و مع بداية شهر الصوم تتكاثف جهود الناس و الاجهزة الرسمية في مراقبة الناس و التأكد من التزامهم بالصوم فتغلق المطاعم و محلات المشروبات و يتعرض من يجاهر بالافطار للويل و الثبور و ربما الاعتقال و المحاكمة. و من المعروف أن الله سبحانه و تعالى عندما فرض الصوم منح غير القادرين من المرضى و كبار السن و كل من لا يطيق الصوم رخصة بالافطار ، و من المعلوم أن هناك الملايين من غير المسلمين يعيشون في كنف الدول ذات الاغلبية المسلمة و هم مجبرون على ترك الأكل و الشرب في نهار رمضان علنا على الأقل فاذا ما اراد الواحد منهم أن يأكل أو يشرب فليس امامه إلا أن يفعل ذلك خفية هذا إن وجد ما ياكله أو يشربه اصلا. الحجة الاساسية في هذا السلوك هي الا يؤذي المفطرون مشاعر الصائمين ، طيب يا ناس امريكا و كندا و هولندا و بريطانيا و هلمجرا كيف تحسون عندما ترون الناس من حولكم بين آكل و شارب؟ و هل منظر الناس و هم مفطرين يؤذي مشاعركم؟؟ و ما هو هذا الأذى الذي يلحق بالمشاعر المرهفة؟؟ افيدونا حتى نعلم إن كانت حجة الناس هنا valid or not.
Post: #5 Title: Re: رمضان في الدول العربية الصائم والفاطر وغير المسلم كلو زي الصائم Author: محمد البشرى الخضر Date: 07-20-2012, 04:36 PM Parent: #4
حاجة كدة زي منع الحجاب في فرنسا مثلا يا نذير
Post: #6 Title: Re: رمضان في الدول العربية الصائم والفاطر وغير المسلم كلو زي الصائم Author: رشا سالم Date: 07-20-2012, 04:46 PM Parent: #5
يا نزير أنا قعدت في السعودية 7 سنوات ما لاقاني كلامك دا.. اول حاجة كل المحلات الكبيرةبتكون فاتحة..بندا والعثيم والتميمي وغيرها وفيها سكشن للأكل الجاهز يعني لو جالد ممكن عادي تشتري أكلك وفي المستشفي تلات أرباع الاسطاف أجانب ..وحاتك زول شغال بينا مافي..اكل وشراب وسجاير عاااادي وكان جنبنا يا مال الشام شغال طول النهار..مرات بنطلب ديلفري..غايتو أنا ما عرفت انت قاصد شنو بالظبط
Post: #7 Title: Re: رمضان في الدول العربية الصائم والفاطر وغير المسلم كلو زي الصائم Author: سيف النصر محي الدين Date: 07-20-2012, 08:38 PM Parent: #6
Quote: وفي المستشفي تلات أرباع الاسطاف أجانب ..وحاتك زول شغال بينا مافي..اكل وشراب وسجاير عاااادي وكان جنبنا يا مال الشام شغال طول النهار
سلامات يا دكتورة انا قعدت في السعودية 12 سنة المجاهرة بالافطار جريمة و في حق الاجانب تعرضهم للترحيل بعد تنفيذ العقوبة. زي الاجانب الشغالين معاكم و بياكلوا و بيدخنوا الشي الساتر عليهم هو ظرافتكم فقط لا اكتر و لو اي زول اتصل بالهيئة كانوا جو جاريين و وروا الجماعة ديل شغلهم. الفليبيين و غيرهم معانا في الشغل برضو كانوا بياكلوا و بشربوا قدامنا نحن زملائهم ما قدام المرضى و لا علنا لأنو الفعل ده ببساطة جريمة. ياخي السعودية بجبروا فيها الناس على الصلاة تقول لي الصيام على كيفك!
Post: #8 Title: Re: رمضان في الدول العربية الصائم والفاطر وغير المسلم كلو زي الصائم Author: النذير حجازي Date: 07-21-2012, 06:13 AM Parent: #7
سلام يا ود البشرى، يا ود البشرى فرنسا ما مقياس وأنا شخصياً بكره الأوروبيين جداً وما عندي معاهم علاقة، كلام زي دا ما بحصل في أمريكا، الدنيا ح تقوم وما ح تقعد أمريكاً فعلاً بلاد الحريات، وأي زول بياخد حريته بالكامل، وبعدين العرب ديل بتجرسوا من منع الحجاب في فرنسا مالهم؟! وهم يمارسون أبشع أنواع الدكتاتورية.
سلام يا د. سيف ولا فض فوك، يا د. سيف حقو تألف كتاب تسميهو: الكلام العجاب في بلاد الإعراب هاهاها، لكن بيني وبينك كدا يا د. سيف السعودية دي فيها حريات أنا ما شفتها في أمريكا، مثلاً في أمريكا ممنوع تسوق العربية وإنت سكران بصادروا منك رخصتك وعربيتك، لكن في السعودية في الحدود ما بين السعودية والبحرين (مدينة الخبر) الناس بتكون مسنسنة عادي وسايقة عرباتها ومافي زول بقول ليهم تلت التلاتة كام، لكن الويل ويلهم لو شالوا معاهم سنة من البحرين ودخلوها السعودية.
سلام يا د. رشوية يا رشا أنا لمن أجي أجلد رمضان بسافر أمريكا علشان أجلدو فيها هناك هاهاها والسعودية دي عشت فيها خمس سنوات ورمضان دائماً باخدوا فيها إجازة.
Post: #9 Title: Re: رمضان في الدول العربية الصائم والفاطر وغير المسلم كلو زي الصائم Author: سيف النصر محي الدين Date: 07-22-2012, 03:52 PM Parent: #8
Post: #10 Title: Re: رمضان في الدول العربية الصائم والفاطر وغير المسلم كلو زي الصائم Author: محمد حيدر المشرف Date: 07-22-2012, 04:45 PM Parent: #9
وعسي يكون لهم من الأجر شيئا يا شيخنا النذير ..
Post: #11 Title: Re: رمضان في الدول العربية الصائم والفاطر وغير المسلم كلو زي الصائم Author: النذير حجازي Date: 07-23-2012, 00:09 AM Parent: #10
لا حول ولا قوة إلا بالله!! يا د. سيف دا بااااااااااااالغ عديل كدا!! قتل عديل كدا!!
ويا شيخ المشرف سلامات ومشتاقين، والله لو أدوني مليون دولار وقالوا لي تبقى شيخ ما برضى ياخي دي مهنة دي غايتو لو بقيت شيخ بحلل ليكم العسلية والسنة وجلد شهر رمضان
Post: #12 Title: Re: رمضان في الدول العربية الصائم والفاطر وغير المسلم كلو زي الصائم Author: Zakaria Joseph Date: 07-23-2012, 00:27 AM Parent: #11
"حاجة كدة زي منع الحجاب في فرنسا مثلا يا نذير"
الممنوع فى فرنسا هو لبس النقاب فى الاماكن العامة و الحكومية و ليس لبس الحجاب.
