ياخ الناس ديل ما فتروا من مسك ضنب الككو ، اعتذارهم ما بفيدهم ودموعهم ما بتعيدهم واعتقد المواطن السوداني قال كلمته وفهم الحاصل شنو عشان كدا يا شفيع لا تعول كثير على اعتذراهم ما بفرق.
Post: #4 Title: Re: العربية اعتذرت، فهل تعتذر؟ Author: الشفيع وراق عبد الرحمن Date: 07-19-2012, 01:17 PM Parent: #3
اخونا فيصل اعتذار العربية كان على الهواء شوفي سلام ياخي انا مزعلني البوست ده والمزعلني اكتر انه انسحب بعد 20 ثانية 20 ثانية يا مفترين يعني ما امداهم يمشو يشتكو لي بكري وانا الغلطان كتبت ليها في البوست داك لو ما اعتذرت ح افتح بوست بي اماني الكضابة صاحبتك عملت خط حماية لانها عاارفة نفسها متورطة، وكلمت بكري يسحب اي بوست بي اسمها
على كلٍ، اسمها ما بنجيبه في العنوان لكن الفاقد بيعوضوهو بي تلاتة، وقيل خمسة شدو حيلكم
رمضان كريم وربنا يقدرنا على صيامه وقيامه
Post: #5 Title: Re: العربية اعتذرت، فهل تعتذر؟ Author: Faisal Mohammed Abdalla Date: 07-19-2012, 01:19 PM Parent: #3
يعني انت ياالشفيع عايز اعتذار عن انه على مشى كوستي وهو مامشى وساكت عن جرائم الانقاذ طيلة الــ 23 سنة ضد الشعب من قتل وسرقة ونهب واغتصاب وتشريد وتعذيب !!!!!!!!...
تقتلوا الحسين وتسألوا عن حرمة قتل الذباب في الحرم ؟!!..
Post: #7 Title: Re: العربية اعتذرت، فهل تعتذر؟ Author: الشفيع وراق عبد الرحمن Date: 07-19-2012, 01:38 PM Parent: #6
نعم فائز لان الاستاذ/علي فعلا لم يذهب لكوستي جرائم الانقاذ تهمة باطلة كبطلان هروب علي عثمان من فبرك هذا، فبرك ذاك
Quote: جرائم الانقاذ تهمة باطلة كبطلان هروب علي عثمان من فبرك هذا، فبرك ذاك
هل قتلى رمضان فبركة ؟ هل قتلى كجبار فبركة ؟ هل قتلى دارفور وكردفان والنيل الازرق فبركة ؟ هل الصالح العام الشالوك فيه فبركة ؟ وهل مذبحة اهلي في بورسودان كانت فبركة ؟ وهل قتلى كسلا والقضارف فبركة ؟ وهل بيوت الاشباح التى اعترف بها الرئيس فبركة ؟ وهل وهل وووووووو
معقولة بس !!!!!
الكلام ده ربنا بيسألك عنه يالشفيع اذا مازلت مؤمن بيهو وبيوم القيامة ..
تحياتي ،،
Post: #9 Title: Re: العربية اعتذرت، فهل تعتذر؟ Author: الشفيع وراق عبد الرحمن Date: 07-19-2012, 02:21 PM Parent: #8
Quote:
============= ما يجيني اي زول ناطي جوز ويقول لي انتو كذبتو ولّ عجنتو البوست مفتوح (فقط) لموضوع كذب اماني في هذا البوست
فائز ما تشتت الكورة الهامش المكتوب ده للزيك كده وانصح الزولة دي تعتذر،،،،وبس
Post: #10 Title: لن تعتذر أماني العجب Author: lana mahdi Date: 07-19-2012, 02:41 PM Parent: #9
لأنها ما أخطأت
Post: #11 Title: Re: لن تعتذر أماني العجب Author: abas Date: 07-19-2012, 02:56 PM Parent: #10
Post: #16 Title: Re: أماني العجب كذبت ورفضت الاعتذار Author: الشفيع وراق عبد الرحمن Date: 07-19-2012, 06:45 PM Parent: #15
Quote: فحـ أقول ليك واصل في مساسكة النسوان..
Quote: فحـ أقول ليك واصل في مساسكة النسوان..
عيب عيب على زول مثقف زيك يصف استاذة زي اماني بي انها "نسوان" شخصيا لا اعتبرها "نسوان" ولا اتعامل معاها على اساس انها "نسوان" اماني العجب استاذة مثقفة واعية وتقدر تدافع عن نفسها
يا شفيع أن فاهم إنّك ما علقتها لمقاصد شريرة، لأنه لو كان عندي مجرّد شك في إنّك وضعتها لمقاصد شريرة، ما كان طلبت منك ذلك، ولقابلت الشر بمثله. السبب الوحيد الذي جعلني أطلب منك هذا الطلب هو أنّني -صاحب الصورة- لا أقر بما تكتب، ولا أريد أن تكتب ذلك تحت صورتي..
عيب؟ العيب ده تعرفو إنتا يا الشفيع لامن تشوف نفسك في المراية عيب دي يا الحمل الوديع القاصد تحمس بيها الطار.. فاقدة لمعناها عيب دي لامن توقف هضربتك بأماني أماني وتعرف إنو العيب راكبك
عيب دي أنا ما إستخدمتها معاك.. لأني كنت فاكرك بتعرف تفرز العيب وتفرق بين التصحيح والـ Harassment الإنتا فيهو ده.
العيب فيك إنك رافض تتقبل هزيمة (إمرأة) وتعريتها لنظامك التعسفي! العيب إنك تساسكها وإنتا غضبان ومجروح في رجولتك... من إمرأة إسمها أماني
ربنا يسألك يا الشفيع: بتعرف العيب؟
____________
عملتا نايم من كذبة إعتذار العربية لييه؟ موش مفروض إنك تعتذر.. من جوة حنانك؟
بي. إس. كويس إنك تجرأت وقدرتا تنطق إسمها.. رغم إنو جاء لهنا كهمسة
Post: #20 Title: Re: أماني العجب كذبت ورفضت الاعتذار Author: الشفيع وراق عبد الرحمن Date: 07-19-2012, 07:48 PM Parent: #19
يا ود طيفور حقك علي ياخي ولك العتبى حتى ترضى لقد تشابهت الصور علي كنت اظنها لهذا البوست ما كفاهو لك وله خالص التحية
Post: #21 Title: Re: أماني العجب كذبت ورفضت الاعتذار Author: الشفيع وراق عبد الرحمن Date: 07-19-2012, 07:52 PM Parent: #20
Quote: بي. إس. كويس إنك تجرأت وقدرتا تنطق إسمها.. رغم إنو جاء لهنا كهمسة
مرة تانية، حـ أقول ليك بطل مساسكة النسوان يا الشفيع... وتقبل حقيقة إنها (إمرأة) إستطاعت هزيمة آلتكم الإعلامية وفضحت نظامك الفاسد! وإستغفر ربك.. فالدنيا في بداية شهر الصيام... شهر التوبة والغفران!
وفعلاُ: أخطأ عمر وصدقت إمرأة!
_______________
بالمناسبة: جــبان = خايف على الباسورد (ليس إلا)
Post: #25 Title: Re: أماني العجب كذبت ورفضت الاعتذار Author: الشفيع وراق عبد الرحمن Date: 07-19-2012, 09:51 PM Parent: #24
ههه.. عرفتا كيف إنك جـبان؟ أنا من الصباح عاوزك تعترف بجـبنك الواضح والفاضح ده! وبصراحة نجحت الدردقة.. وأهو إعترفتا إنك عجزت عن كنابة إسمها في العنوان الرئيسي وجيت لصقتو بين المداخلات.. فقط لأنك خايف من إسم بيهضرب بيك!
مرة تالتة... كم مرة يا الشفيع إنتا كتبتا إسمها في البوست ده ووين؟ المساسكة مفروض إنها تكون بذكر الأسم.. وردد معاي بالصوت العالي:
أماني، أماني، أماني.. وخد نفس وكمل أماني أماني أماني!
لو بتفتكر إنك ممكن تشغل أماني عن مهمة فضح أعمال القمع البيمارسها نظامك المنهار.. فغيرك كان أشطر! ولو بتفتكر إنو مساسكتك لإمرأة عظيمة ذيها ستشبع غرورك.. فحـ أقول ليك واصل في مساسكة النسوان..
Elshafie , what you are doing is shameful
Post: #29 Title: Re: أماني العجب كذبت ورفضت الاعتذار Author: عبد الواحد أبراهيم Date: 07-20-2012, 05:57 AM Parent: #28
Quote: يعني انت ياالشفيع عايز اعتذار عن انه على مشى كوستي وهو مامشى وساكت عن جرائم الانقاذ طيلة الــ 23 سنة ضد الشعب
على ما دمه ولحمه يا " ايتكون" يا "همينايت"
Quote: والله يا الشفيع جعلت الوراريق يتمملو تحت قبابهم
ولك فى ابراهيم الرشيد الدويحى اسوة حسنة
الموقف ذو صلة بالقبلية وعلى صار رمزاً فى الدولة والراجل برضك نائب الرئيس وكدة.
وفى احسن الفروض فهناك شبهة القبليبة خصوصا ان الرجل ليس من البدريين .
Quote: هل قتلى رمضان فبركة ؟ هل قتلى كجبار فبركة ؟ هل قتلى دارفور وكردفان والنيل الازرق فبركة ؟ هل الصالح العام الشالوك فيه فبركة ؟ وهل مذبحة اهلي في بورسودان كانت فبركة ؟ وهل قتلى كسلا والقضارف فبركة ؟ وهل بيوت الاشباح التى اعترف بها الرئيس فبركة ؟ وهل وهل وووووووو
معقولة بس !!!!!
وكمان ما معقولة يا فائز تنسى شهداء آمرى برضك ناس وكدة هذا غير العشرات من الذين راحوا ضحية الاعمال الاجرامية لاجهزة الامن والشرطة اثناء فى المظاهرات منذ بداية التسعينات واولئك الذين قتلوا غدرا فى مساكنهم داخليات الجامعات.
Quote: جرائم الانقاذ تهمة باطلة كبطلان هروب علي عثمان
إنا لله وإنا إليه راجعون ولا حول ولا قوة إلا بالله العلي العظيم.. {أَفَلَمْ يَسِيرُوا فِي الأرض فَتَكُونَ لَهُمْ قُلُوبٌ يَعْقِلُونَ بِها أَوْ آذانٌ يَسْمَعُونَ بِها فَإِنَّها لا تَعْمَى الْأَبْصارُ وَلَكِن تَعْمَى الْقُلُوبُ الَّتِي فِي الصُّدُورِ (الحج - 46)}. صدق الله العظيم
Quote: رمضان كريم للكل اي زول ما التزم بي دي، ما ح اعبره
============= ما يجيني اي زول ناطي جوز ويقول لي انتو كذبتو ولّ عجنتو البوست مفتوح (فقط) لموضوع كذب اماني في هذا البوست
Quote: لحمد لله أن العربية اعتذرت عن خطأ وهذا ليس غريبا على أي قناة تحترم نفسها، وجل من لا يخطئ.
قصدك الما بعتذر يكون لا يحترم نفسه طيب ما تقول لي اماني اعتذري ياخي وتريحنا
وُوُوُ و واو... كدي النحسب معاك يا الشفيع:
أماني يالأحمر.. الأولاني أماني بالأحمر.. التاني
بقو كم يا الشفيع؟ بقو إتنين!
يعني لامن تصحى من النوم في صبيحة (أول) رمضان وتجي تهضرب أماني (واحد) وأماني (إتنين) أها لامن الصيام يشد والخرمة تزيد والعطش يبح الصوت.. حـ تتم الهضربة بشنو يا مهضرب؟
طبعاً أنا مقدر لمحاولاتك (المستميتة) لإثبات عدم جـبنك بذكر إسم المناضلة أماني العجب! وبالرغم الهضربة والكوابيس النهارية قبل الليلية.. أستطيع أن أقول ليك ده تطور ملحوظ في المساسكة النسوانية!
كيييف...؟
أقول ليك كيفـ...
إلع في أول التبادي أقرأ كلامك الإنتا كتبتو بكيبورضك:
Quote: ما يجيني اي زول ناطي جوز ويقول لي انتو كذبتو ولّ عجنتو
دحين التحذير الشين ده موش ناتج عن فقد للمنطق.. وهلع من العائد والمردود من المساسكة؟ والناس الجات دي كُلياتها موش جات توريك أنكم أكذب خلق الله.. وفاقد الشئ لا يعطيه!
وعن نفسي، أنا بعتبرك حتى الآن ساساك نسونجي وكذاب...
فمساسكتك لأختنا الفاضلة (أماني) أذكمت الأنوف وذاد حدها للدرجة التي أصابتك بالهضربة المزمنة. وكذبك الواضح والفاضح في موضوع إعتذار قناة العربية الفتحتا بيهو البوست ده أثبت عجزك. وصدقني.. لو كان منك رجاء كنت سكستك سك رجال وطالبتك بخلع الطرحة والإعتذار الصريح عن الكذب!
ونرجع لكيييف... القبييل ديك
والدنيا صيام (*) بس كمان لامن تلز الناس عشان تلزم أختنا أماني بالأعتذار عشان حضرتك ترتاح فده إسمه لز واللز في علم اللغة هو الدفع بالمسؤلية نحو الآخرين العيونها على بوستك ده ومافي زول طلب إعتذارها. واللز هو تحميل الناس العاوزها تشيل اللوم بدلك عشان إنتا ترتاح على جثث الآخرين الوديتُم للراحة الأبدية.
ولامن زول يجيك ويعريك ويعري نظامك الكـرية.. وبخبث تلف حوله وتطلب منو خدمة عشان إنتا ترتاح.. فده أسوأ نوع من أنواع اللف والدوران.. وهو التطور النوعي البيلجأ ليهو المزنوق في زنقته!
أهم حاجة حـ أقولها ليك يا الشفيع وإعتبرها (نصيحة) مني ليك:
يا الشفيع ما تحاول إثبات رجولتك المجروحة في سهلة الله والرسول دي.. ولا تحاول مجاراة المنطق بالتذاكي وتقبل الأمر الواقع.. حتى ييسر الله لك مخرجاً. ولا تفسد صورة الآخرين لتحسن صورتك أمام أولياء فكرك. فأنت و(بأعترافك) ظاهرة وظاهرة نهنئ د. بلة على دراستها نفسياً وفكرياً وإنسانياً.
وتريحك من شنو يا الشفيع ؟ وما هى علاقتك الشخصيه بهذا الموضوع حتى تلاحق أختنا أمانى العجب بهذه الطريقه الفجه والغير لائقه !!!
يا أخى هذا أسلوب غير كريم ويجافى الأعراف السودانيه الأصيله.
التحيه والتقدير لأختنا العزيزه أمانى العجب ورفيق دربها الأخ محمد رجب عبدالله ولأبنائهم وبناتهم وهم ينتهجون سبل النجاح فى أرقى الجامعات الأمريكيه مثل جامعة هارفر العريقه.
Post: #36 Title: Re: أماني العجب كذبت ورفضت الاعتذار Author: الشفيع وراق عبد الرحمن Date: 07-21-2012, 03:04 AM Parent: #35
السهم البلون البنبي (لزوم) ديكور السكـ النسونجي بيشير إلى التعديلات المخفية.. فصاحبنا أمسى ليلته الرمضانية الأولى يفكر ويُسبِح أماني أماني أماني... فأهداه الله مع تباشير الصباح لهذة الطريقة الجهنمية لذكر إسم المهضرب بيها بهذة الطريقة الذكية.. والتي أرضت رجولته.. وأسعد بها يومه وسيكمل بها صيامه!
إت يا زول ما قلنالك قول بالصوت العالي أماني أماني أماني! والله ما فوكها حاجة.. أهو I'm shouting it out loud "أماني أماني أماني... أماني أماني أماني"!
Post: #40 Title: Re: أماني العجب كذبت ورفضت الاعتذار Author: الشفيع وراق عبد الرحمن Date: 07-21-2012, 05:20 PM Parent: #39
يا عاطف رمضان كريم قصاصة الميدان ما بنتقذ اماني، اماني وحلانة وحلانة اماني ح تتخارج فقط وفقط بالاعتذار والبوست ح يمشي الى ما شاء الله، بالرغم من خرمجة المخرمجين و ولولة المولولين
ويا عاطف الالف الاتظاهروا في الاستاد ديل، بالصدفة كده مافي ولا واحد فيهم عنده كاميرا، جوال؟؟؟؟؟
Post: #41 Title: Re: أماني العجب أشرف منك ومن نظام الضلال بتاعك Author: Mohamed Yassin Khalifa Date: 07-21-2012, 06:42 PM
Quote: قصاصة الميدان ما بنتقذ اماني، اماني وحلانة وحلانة اماني ح تتخارج فقط وفقط بالاعتذار
الله حي...!
بالتلاتة.. كمان يا الشفيع؟ الرجالة ما عندك.. إلع البيريحك شنو.. ويخليك ترضي طموحك وتستر عورتك؟
وكمان عاوز تفرض على الشرفاء طرق المخارجة ربنا يسألك.. كان إفترضنا إنها هي إتخارجت.. البيخارجك إنتا من هضربتك دي بيها شنو؟
سكسك.. فالـ سكسكة والمـ ساسكة متباريات والدخلتها فيك أماني الله أعلم كان تمرق منك بالساهل!
عاشت أماني.. دامت أماني.. حفظ الله أماني.. سير سير يا أماني.. نحنا وراك يا أماني.. جننتي الناس يا أماني.. هضربتي بالناس يا أماني..
وكمان تاني أماني.. زيادة مني ساي!
Post: #42 Title: Re:يا زول مبروك، بقيت تعرف تغير العنوان Author: الشفيع وراق عبد الرحمن Date: 07-21-2012, 10:06 PM Parent: #41
Post: #43 Title: Re: Re:يا زول مبروك، بقيت تعرف تغير العنوان Author: ABDALLAH ABDALLAH Date: 07-22-2012, 06:17 AM Parent: #42
Quote: رمضان كريم قصاصة الميدان ما بنتقذ اماني، اماني وحلانة وحلانة اماني ح تتخارج فقط وفقط بالاعتذار والبوست ح يمشي الى ما شاء الله، بالرغم من خرمجة المخرمجين و ولولة المولولين
يا الشفيع إإتَقِ الله فأنت فى شهر رمضان بطِل مساسكة حرمات الغير .
بالمناسبه نحن لا نخرمج لكن بنقول ليك أسلك السلوك السودانى الأصيل فى التعامل مع المرأه . ملاحقتك وسلوكك هذا مع أختنا أمانى العجب بصراحه لا يشبه السودانيين . ............................ نأمل ألاَ تكون ممن تأخذه العزة بالإثم وتتمادى فى ملاحقة أختنا الكريمه والفاضله أمانى العجب .
Post: #44 Title: أماني العجب كذبت ورفضت الاعتذار Author: الشفيع وراق عبد الرحمن Date: 07-22-2012, 06:04 PM Parent: #43
Quote: حرمات
الحرمة هناااك جوة التكل ولّ مضارية ليها في جخنون
عندنا هنا "اماني العجب ومعاوية الصايم وود الباوقة" زي بعض
وسؤال يا عبد الله هل انت مقتنع ان علي عثمان مشى كوستي وهرب؟
