باقة من أحرف الشكر والثناء الجزيل لكم أنتم ، أحبتي بالدوحة ..

من المواقف ما يعجز فيها الحرف ان يعبر كما اللسان حين يكون الصمت كلامه. ما أحطموني به ، إخوتي وأخواتي ، من حفاوة إبّان زيارتي للدوحة أكبر من أن يقال أو يكتب عنه شيء ..فالسودان الذي نريده بخير طالما كنتم أنتم وأمثالكم أبناءه..

اجزل الشكر عبركم لكل الاخوة والاخوات ممن التقيتهم من البورداب وغيرهم من الذين ما توانوا في زيارتي ومشاركتنا الافراح فكانت لحفاوتهم وحسن ترحابهم ابلغ الاثر في النفس .

شكراً أقولها بأحرفها الأربعة ، وهي جهد المقل ، لكم جميعا ولكل من هاتف مرحبا من الاخوة والاخوات .
أزكى التحايا وأجملها..وأنداها وأطيبها..أرسلها لكم بكل ود وإخلاص..

Quote: من المواقف ما يعجز فيها الحرف ان يعبر كما اللسان حين يكون الصمت كلامه. ما أحطموني به ، إخوتي وأخواتي ، من حفاوة إبّان زيارتي للدوحة أكبر من أن يقال أو يكتب عنه شيء ..فالسودان الذي نريده بخير طالما كنتم أنتم وأمثالكم أبناءه..

شكرا أهلنا واحبابنا بالدوحة

فلسان الطيب شيقوق يلهج بالشكر منذ عودته من قطر

حدثني عنكم وعن حفاوتكم

هذه هي اصالة وكرم السودانيين حيثما حلوا

لكم كل الود

يا مسنوح هاى دار حمد شيخ العرب دار اهل الخير والكرم والنشمة

لسانك يا المسنوح يريد يقول

سَاقَتْنِى الظروف ياربى وين خَاتَانِى؟؟
غَمْدَّتَ وْصِحِيِتْ فى الدوحه زول صَحَّانِى
جَنَّه بَلاَ نِهُوًرْ وقِطَافَا نَاضِجْ ودَانِى
تَسْلَمِى يا(قطر) ويِسْلَمْ معاك اَل ثانى


ولما مريت بالكورنيش قلت بينك وبين نفسك

البَلَدْ اِنْ عِمِرْ سَبَبْ العَمَارْ مِنْ تَاجَا
نَادَانِى المُنَادى وكُنْتَ مِنْ حُجَاجَا
الابراج كأنَها قايمه فوق سِجَاجَه
والازهار مَفَتَحَّه عَادْلَه ليهَا مَزَاجَه



صاح كده يا اب سناحة ههههههههههههه

لقيتنى كيف

ونحنا كمان نشكر ناس الدوحه كتير
عشان خاطر الزول السمح البستاهل كل السمح

اخي الدكتور احمد القرشي

Quote: فلسان الطيب شيقوق يلهج بالشكر منذ عودته من قطر حدثني عنكم وعن حفاوتكم هذه هي اصالة وكرم السودانيين حيثما حلوا

شكرا لكلماتك الطيبة وللحقيقة فقد غمرتني الفرحة وانا التقي بزملاء وزميلات في المهنة تخرجنا من الجامعة وتفرقت بنا السبل منذ عقود وآخرين يعود الفضل للتعرف بهم (إسفيريا) لأخينا بكري ابو بكر في منتداه( سودانيز اونلاين) .

كانت البداية دعوة كريمة من رابطة القانونيين بالدوحة ، بواسطة الاخت الفاضلة / المستشارة القانونية مها على رجب - سكرتيرة شؤون المهنة بالرابطة ، لتكون المحاضرة (القوانين المنظمة لأسواق المال والتعامل في الأسهم) إنطلاقة لنشاط الدورة الجديدة للرابطة .

المكان: نادي المدينة التعليمية - مؤسسة قطر للتربية والعلوم وتنمية المجتمع .
التاريخ: السبت الموافق 14/7/2012.

الزمان: الساعة السابعة مساء.

نواصل

Quote: البَلَدْ اِنْ عِمِرْ سَبَبْ العَمَارْ مِنْ تَاجَا نَادَانِى المُنَادى وكُنْتَ مِنْ حُجَاجَا الابراج كأنَها قايمه فوق سِجَاجَه والازهار مَفَتَحَّه عَادْلَه ليهَا مَزَاجَه

لقيتك سمحة وكتابة

ما ربنا شال من احلى خصال ردم فوقك يا وضاحة

Quote: عشان خاطر الزول السمح البستاهل كل السمح

شكرا يا والوليد يديك العافية ويطول عمرك

خليك متابع عشان اوريك معدن خالك / ابو سماح السمح الفات الكبار والقدرو

وضاحة

خليك معاى عشان اطرب للكتابة

اصلو الليلة خم رماد

قررت السفر يوم الخميس اى قبل يومين من المحاضرة ليتسنى لي مقابلة اكبر عدد من الاصدقاء القانونيين وغيرهم من الاخوة الاسفيريين .

لدى وصولي مطار الدوحة كان في استقبالي إخوتي حسن طه المستشار القانوني والدكتور عبد الصادق كمال الدين اخصائي الباطنية بمستشفى الشيخ حمد و الاخ عماد الشبلي المصور في احدى الصحف القطرية الذى تكرم بعمل صور تذكارية لنا جميعا في صقيعة مطار الدوحة .

نواصل

حسن وفادتكم، لهذا الرجل السمح، يا سودانيي وسودانيات قطر،
كان حديث المدينة في مسقط، فما أجمل أن يكون للسودان طعمه المعروف
أنّى وطئت أقدامنا..ألسنتنا تلهج لكم بجزيل الشكر ولسان الحال يشدو مع الراحل
المقيم، عاشق السودان الأجمل-الحردلو-:
أجيك يا مبتدا التاريخ
وياخبر اللي كانو قبيل
لأنك ديمة كنت معاي
مسولت بي نهار في ليل
ودايماً كنت ليا أصيل
ولاك براني لاني عميل
ودايماً كنت بيا كبير
لاك هين ولاني قليل..
أهلك ديل هم أهلي
البشيلو الشيلة فوق الشيل
وانت أبي وانت أخوي
وانت الهولي ما هول زول


ويبقى بكم السودان يا سودانيي وسودانيات قطر،
مهرجاناً للكرم السوداني الذي أسّه وأسيسه حضارة نوبية أفريقية عربية
منذ استوى بعنخي على صهوة العز فرفع راياته خفاقةً إلى عروش الشمس
بسؤدد أباداماكي الاستبراك..
ومنذ استنطق رماة الحدق نبالهم ذوداً عن الأرض والعرض،

فالشكر لكم..

تـسـتـاااااااااهـل .. وتـسـتاااااااهـل .. والله كـل خـيـر

أخوى الرايح منّى
كيف حالك .. عساك طيب والعيال والاهل عامّة

ومشتاقين والله بالحيل

نبارك لك رمضان .. وتصوم وتفطر على خير

( كنت عاوز اسألك عن العنكوليب ..؟! لكن نخليك فى جو الدوحة ..دا ..شويّة )

وكمان بالجد رفعت ليك صورتى الزمااان .. عشان نشوفك اتذكرت الشكل دا ايامك

اللى فى كوستى أم ..لا ..؟؟؟؟ اياّم مش كدا ؟

وبعدين نجيك بالحديثة


سلام كتيييييير والله وشوق اكثر

كامل مودّتى

يا سلالالالالالام يا انور ادهم الزول السمح

Quote: كيف حالك .. عساك طيب والعيال والاهل عامّة ومشتاقين والله بالحيل نبارك لك رمضان .. وتصوم وتفطر على خير ( كنت عاوز اسألك عن العنكوليب ..؟! لكن نخليك فى جو الدوحة ..دا ..شويّة ) وكمان بالجد رفعت ليك صورتى الزمااان .. عشان نشوفك اتذكرت الشكل دا ايامك اللى فى كوستى أم ..لا ..؟؟؟؟ اياّم مش كدا ؟ وبعدين نجيك بالحديثة

شكرا يا صديقي والله تذكرتك كويس يا وجيه

بس اوع تكون تغيرت تضاريس وشك بعوامل الزمن والاغتراب ؟

ح

Quote: سن وفادتكم، لهذا الرجل السمح، يا سودانيي وسودانيات قطر، كان حديث المدينة في مسقط، فما أجمل أن يكون للسودان طعمه المعروف أنّى وطئت أقدامنا..ألسنتنا تلهج لكم بجزيل الشكر ولسان الحال يشدو مع الراحل المقيم، عاشق السودان الأجمل-الحردلو-: أجيك يا مبتدا التاريخ وياخبر اللي كانو قبيل لأنك ديمة كنت معاي مسولت بي نهار في ليل ودايماً كنت ليا أصيل ولاك براني لاني عميل ودايماً كنت بيا كبير لاك هين ولاني قليل.. أهلك ديل هم أهلي البشيلو الشيلة فوق الشيل وانت أبي وانت أخوي وانت الهولي ما هول زول ويبقى بكم السودان يا سودانيي وسودانيات قطر، مهرجاناً للكرم السوداني الذي أسّه وأسيسه حضارة نوبية أفريقية عربية منذ استوى بعنخي على صهوة العز فرفع راياته خفاقةً إلى عروش الشمس بسؤدد أباداماكي الاستبراك.. ومنذ استنطق رماة الحدق نبالهم ذوداً عن الأرض والعرض،

تسلم صديقي الزاكي وانت ترسم احرفا من نور في حق هولاء السمحين

يا سلااااااام على تلكم الايام با مولانا

وحليل ايامن البدرية

ياخى قدّمنا ليك الدعوة انت وابو كدوك .. اخونا نادر

بس ما عارف قصتكم شنو

يعنى زيارة ترفيهية

بالجد الونسات كوووووم

المهم فكّر وكمان اخونا الفوق داك

اما الصورة ( يعنى .. بس الـ hair ...شوية راح .. ها ها ها )

بس اصبر لى شوية

Quote: وحليل ايامن البدرية ياخى قدّمنا ليك الدعوة انت وابو كدوك .. اخونا نادر بس ما عارف قصتكم شنو يعنى زيارة ترفيهية بالجد الونسات كوووووم المهم فكّر وكمان اخونا الفوق داك

والله يا حليل ايام زمان ايام الزمن الجميل وناس المقيل !!!!!

والله زيارتكم في البال بس اصبر شوية يمكن نجيكم عمرة وانعطافة عليكم

ياخ اب كدوك دا ذاتو وين؟

مولانا الجميل .. نهارك سعيد

واوقات روحانية ..هادية وحلوة اتمناها ليك

ود ابو كدوك .. اصبر شويّة بجيك ناطى

زمان لمن كنا ساكنين سوا فى لندن

واول ما تجهز ( الحلّة ) نناديهو

عووووك يا ابو كدوك .. بس تسمع .. ايــوااااا

الله يحفظكم والله دا دعاء من قلبى ويجمعنى بكم وانتم بخير وفى اتم صحّة ..

اها اكمل لينا زيارة الدوحة .. متشوّقيييين

Quote: الله يحفظكم والله دا دعاء من قلبى ويجمعنى بكم وانتم بخير وفى اتم صحّة ..

وربنا يخليك اخي انور ويحفظك واولادك

وفي انتظار ابو كدوك لنواصل المشوار

الطيب شيقوق ياخى تعال تانى عشان تفرح ليالينا ممنوع عماد الشبلى والصور

سَاقَتْنِى الظروف ياربى وين خَاتَانِى؟؟
غَمْدَّتَ وْصِحِيِتْ فى الدوحه زول صَحَّانِى
جَنَّه بَلاَ نِهُوًرْ وقِطَافَا نَاضِجْ ودَانِى
تَسْلَمِى يا(قطر) ويِسْلَمْ معاك اَل ثانى

يا أخواني شوفوا الدنيا كيف كاوياني
دودت بي بعيد وحرمتني من شوفة خلاني
قالوا الحي مصيرو يلاقي بعد الفراق والهجران
إلهي الكريم ألطف بالوطن واجمع شمل الأخوان

ياك يا حبيبنا محل الحفاوة والإحترام والتقدير أينما حللت، والأمو
عافية ورضيانة عليهو بتنعدل عليهو محل ما يقبل

هلا هلا يا ود بلة

والله شعرك يقوم شعر الراس واحدة واحدة

Quote: ياك يا حبيبنا محل الحفاوة والإحترام والتقدير أينما حللت، والأمو عافية ورضيانة عليهو بتنعدل عليهو محل ما يقبل

الحمد لله يا اسحاق اخوى الوالد والوالدة - اطال الله عمريهما - قالوا لي بنشحد ليك ربنا صباح ومساء يعدلها عليك محل ما تقبل

بس كنا عاوزنك

تصوم معانا رمضان

لا شكر علي واجب

Quote: بس كنا عاوزنك تصوم معانا رمضان

اكان عندكم حمام يا باش

الشكر لهولاء

الاستقبال في المطار

مولانا حسن طه - الله لا جاب يوم شكره
د. الصادق كمال
عماد الشبلي


والشكر ايضا للذين التقيتهم في وجبة العشاء بمطعم فينيسيا وهم :

حاتم الفاضل
احمد بكري
حسن طه
سيف الدولة حمدنا الله
عباس صديق
مها علي رجب
محاسن زين العابدين
عفاف حامد
هويدا حسن فوزي
عمر عوني
طه الزين


وللاخوة الذين التقيتهم في منزل الاخ بشير معاذ

حسن طه
بدرالدين الامير


وللذين التقيتهم في منزل سيف الدولة حمدنا الله عبد القادر


حسن طه
حاتم الفاضل
بروف احمد سكنجة
سيف الدولة


عميق امتناني لكل الذين شاركونا حفل الوداع بمنزل بدرالدين الامير وهم :

عبدالرحمن مدنى
سيف الدولة حمدنا عبدالقادر
بشيرمعاذ
حسن طه
برف سكنجة
عبدالحليم صديق
ايمن الطيب
كمال سالم
حمزة بلول
عماد الشبلى
عبدالمنعم الفكي
توشارى الفتى السيرلانكى

وبمنزل ابوساندرا

بمنزل عادل سالم

عادل سالم
موسي الامير
محمد سالم
عمر سعد
وآخرون


الشكر للاستاذ محمد السني دفع الله والاستاذة احلام وهبي وطفلهما الوجيه سامي محمد السنى دفع الله حفظه الله

الشكر لهولاء الذى اسهموا بمداخلاتهم في المحاضرة :

احمد بكري - ادار اللمحاضرة بطريقة متميزة
الهادي هباني - كانت له مشاركات عن الاوراق المالية افادتنا جميعا
محمد احمد طه
حاتم الفاضل - له دور بارز في التنظيم والاعداد
عمر عوني
مها علي رجب - اهتمام ومتابعة لانجاح اول نشاط للرابطة في دورتها الجديدة
عفاف حامد - مشاركة
نجلاء قرافي
طارق ابوشوك
محمد خير
عباس صديق
كمال سالم
ابو قصيصة
دكين
واخرون

والشكر للاخ معتز القريش لزيارته لي بمنزل ود البوب

الشكر موصول للذين هاتفوني مرحبين وهم

دكتور محمد المشرف

الاخ خليل

والاخ كيكي

والاستاذ طارق محمد الحسن


واخيرا شكري لاخي وابن عمي الاستاذ ابراهيم بابكر احمد وافراد اسرته

نهنئ الجميع بحلول شهر رمضان المبارك


رزقكم الله اجر صيامه

وبمنزل ابوساندرا

اها ، البيت ده أنت وصاحبك حسن طه عبرتوه من باب المجلس
لغاية ما توغلتم في الدواخل وخرجتم من باب ثاني
وريني شفت كم زول في تلك المساحة؟
ووقفت سالمت وطايبت من؟
عايز تملحنا في ناسنا ؟

طبعآ الأضواء بهرتك
وما شفت الفاتح مدني وزوجه آمال حماد

Quote: اها ، البيت ده أنت وصاحبك حسن طه عبرتوه من باب المجلس لغاية ما توغلتم في الدواخل وخرجتم من باب ثاني وريني شفت كم زول في تلك المساحة؟ ووقفت سالمت وطايبت من؟ عايز تملحنا في ناسنا ؟

ياخ اخي البيت متروس في كل اركانه بالاحباب وهم مبتهجون و يكفينا شفناك وشفنا المدام هاشة وباشة بزيارتنا وكمان بناتك الراقيات ربنا يحفظن .

بس وين اللقطات الاخدناها معاكم ؟

ابو ساندرا

رمضان كريم رزقكم الله اجر صيامه

ياخي ما قلت ليك سبب مشينا هو عدم وجود مكان لقدم في منزلكم العامر في ذاك اليوم الجميل

علي قول شيقا البيت كان متروس

وكل سنة وانت طيب

Quote: والشكر ايضا للذين التقيتهم في وجبة العشاء بمطعم فينيسيا وهم :

ياخي اشكرني

انا برضو كنت في وجبة العشاء
!!!!!!!!!!

الأخ الكريم / مولانا ود شيقوق
الأخوان الكرام
السلام عليكم ورحمة الله وبركاته
رمضان كريم وكل عام وأنتم بخير
ما شاء الله وتبارك الله، الناس ديل كلهم يا مولانا لاقيتهم في يومين، أكان كدي يا خوي تلك البيوت الكريمة التي سارعت وشرعت أبوابها لاستقبالكم كانت " مدفوسة دفس" . " و"الدفس" يا مولانا" أعلى درجة من "الترس" وأصدق تعبيرا على كثرة محبيكم ومريديكم، أدام الله محبة الناس لكم ومحبتكم لهم.
صادق الود

ود البلة

رمضان كريم

Quote: ما شاء الله وتبارك الله، الناس ديل كلهم يا مولانا لاقيتهم في يومين، أكان كدي يا خوي تلك البيوت الكريمة التي سارعت وشرعت أبوابها لاستقبالكم كانت " مدفوسة دفس" . " و"الدفس" يا مولانا" أعلى درجة من "الترس" وأصدق تعبيرا على كثرة محبيكم ومريديكم، أدام الله محبة الناس لكم ومحبتكم لهم.

يا هو دا السودان يا اسحاق اخوى

دا بلد خيراتو غير وانسانو غير يا اسحق اخوى

عفوا عزيزي ، عد بذاكرتك الى السودان وانسان السودان ما قبل نميري والانقاذ - هو نحن الان - بجزء من ملامحه - في بلاد الاغتراب رغم ما تلقيه الابتلاءات الداخلية من ظلال سالبه على تواصلنا نحن السودانيين بعضنا بعضا خارج ربوعه

Quote: دا بلد خيراتو غير وانسانو غير يا اسحق اخوى

وانتا زاتك غير

غير انك مسنوح

Quote: من المواقف ما يعجز فيها الحرف ان يعبر كما اللسان حين يكون الصمت كلامه. ما أحطموني به ، إخوتي وأخواتي ، من حفاوة إبّان زيارتي للدوحة أكبر من أن يقال أو يكتب عنه شيء ..فالسودان الذي نريده بخير طالما كنتم أنتم وأمثالكم أبناءه.. اجزل الشكر عبركم لكل الاخوة والاخوات ممن التقيتهم من البورداب وغيرهم من الذين ما توانوا في زيارتي ومشاركتنا الافراح فكانت لحفاوتهم وحسن ترحابهم ابلغ الاثر في النفس . شكراً أقولها بأحرفها الأربعة ، وهي جهد المقل ، لكم جميعا ولكل من هاتف مرحبا من الاخوة والاخوات . أزكى التحايا وأجملها..وأنداها وأطيبها..أرسلها لكم بكل ود وإخلاص..

يا شيقوق حمدلله علي السلامة,,
وأكيد محاضرتك كانت قيمة ومفيدة..

وشكرا لأهل الدوحة الزملاء وغيرهم علي حسن استقبالهم وكرمهم الفياض..

رمضان كريم ليكم كلكم..

منى بت العوض

Quote: يا شيقوق حمدلله علي السلامة,, وأكيد محاضرتك كانت قيمة ومفيدة.. وشكرا لأهل الدوحة الزملاء وغيرهم علي حسن استقبالهم وكرمهم الفياض..

رمضان كريم وشكرا ليك

والله يا ام آية كانت اجمل اللحظات مع اجمل الاخوة واطيب الاخوات

Quote: وانتا زاتك غير غير انك مسنوح

ويييييييييييييييين (حول) حقت خالي ود البوب ؟

اليوم ثالث ايام رمضان المبارك



حول

بعد اذنكمو يا شيقا

الخطاب موجه لصاحب الكاميرا التي اصبحت خفية

عماد ود الشبلي

بحثت وبحثت وبحثت ......

الي أن وصلت الصفحة الثامنةولم اجده

وتعبت .... فوقفت


فبالله واصل البحث .. والحقه حتي ولو بصورة

حتي ولو بصورة السيجار مكرر

شكرا مقدما لك ولصاحب البوست شيقا

____________

والله السيجار قصبة بس

حول

ما بقصروا اهل الدوحة واياها المحرية فيهم
ولكن حديثك يا ودشيقوق خلانا نشتهي شوفة الناس ديل
التحية لك وعبرك لبورداب الدوحة نفر نفر :)

Quote: ما بقصروا اهل الدوحة واياها المحرية فيهم ولكن حديثك يا ودشيقوق خلانا نشتهي شوفة الناس ديل التحية لك وعبرك لبورداب الدوحة نفر نفر :)

اهلين حاج العوض

رمضان كريم

ياخ الشعب السودانى دا ، زى ما قال الراحل المقيم الحاردلو ، هو اعظم شعب في الدنيا لولاء إبتلاءآته

حسن طه :
ابو ساندرا

رمضان كريم رزقكم الله اجر صيامه

ياخي ما قلت ليك سبب مشينا هو عدم وجود مكان لقدم في منزلكم العامر في ذاك اليوم الجميل

علي قول شيقا البيت كان متروس

وكل سنة وانت طيب
--------------------------------------

تطيب ايامك يا أبوعلي
بيشيلكم القلب

Quote: ياخي ما قلت ليك سبب مشينا هو عدم وجود مكان لقدم في منزلكم العامر في ذاك اليوم الجميل

متروس وبس ؟ والله المطبخ متروس

الله يخليك ويخلي المدام والبنيات يا ابا سندرا

Quote: والله السيجار قصبة بس حول

هههههههههههههههههها

التحايا لأهل الدوحة شبابا و شبابا..
رجالا ونساءا ..
يا مولانا حسن ..
صاحبك دسَّ مني السفره دي واتصل بي بخجل من داخل الطائرة قال لي أنا ماشي الدوحه ..
إي ورب الكعبة ، إتصل بي وهو على المدرج..
تأنيب الضمير لازمه في الدوحة فاتصل بي من هاتفك قائلا : بالله أسمع أغنية بعد إيه ..
بعد انتهاء الأغنية قال لي داير شنو من الدوحه؟
قلت ليهو الحاجه الوحيده العايزا من الدوحه إنك ما ترجع منها لمسقط.

بعدين الزول دا كان لف جاي وللا جاي أمسحوها لينا في طرفنا..

الصورة دي بطلب خاص من مولانا حسن طه

ودي بطلب خاص مني

استاذ محمد المرتضي

اولا مبارك عليكم الشهر الفضيل

وتصوموا وتفطروا علي خير

ياخي المسنوح دا ( واسمحوا لي المرة دي اناديه بالمسنوح بدل اسم الدلع شيقا )

كان شابكني : ما تستغرب لو لقيت محمد المرتضي هسه واقف قدامك

محمد المرتضي اتوقع منو اي شئ

ممكن طوالي علي المطار ويجي

وهكذا ....

وبعد دا كلو ... حتي كلام ما يكلمك ... الا من المدرج

هسه باقي ليك التلفون بيحلو

ومشكلتو انو الاغنية كانت : بعد ايه

يعني لم يوفق فيها

ومع ذلك

كان بودنا ان تكون معنا
وايام جميلة كانت بوجود ........
شيقا ........ المسنوح

عماد الشبلي

رمضان لسه في بدايتو

قلنا الصورة في البوست بتاعي اللي لحق امات طهمش في بوست المسنوح

واخوك ما لامي فيهو

دي مسئوليتك ترجعو الصفحة الاولي

شكرا

حول

إقتباس: ( صورة مولانا ود شيقوق يبخ بخ في السيجار)الأخ الكريم / مولانا ود شيقوق
رمضان كريم وكل عام وأنتم بخير
هلا هلا يا مولانا شقيت البندر، واتوهطت زين وبقيت تبخ بخ في السيجار الهافاني زي صدام .
زي ما قالوا أهلك العرب " شقة البندر تفتيحة"
صادق الود

الأخ الكريم / مولانا ود شيقوق
سلام
هسي نهارة تبخ بخ في السيجار دا ، وإت مبسوط وما جايب خبر. وين تاني تلقاهو ؟ والزول البتعود عليهو تاني ما بتحل منو بأخوي وأخوك، وخرمتو بترمي الزول عديل. يا خي ما كان تخليك على البرنجي والبينسون
صادق المودة

مافي صور لناس قطر ؟
ان شاء الله وضاحة من العدم ..

ود القاضي

Quote: مافي صور لناس قطر ؟ ان شاء الله وضاحة من العدم ..

هههههههههههههها ياخ المسكينة كانت عازماني فطور وضبحت ليها ديك اب علاعل وجهزت الببسي بالباقات لكن المسانيح ما خلوني

اسحاق ود خالي بلة

كيف حالك وحال الوليدات

Quote: هلا هلا يا مولانا شقيت البندر، واتوهطت زين وبقيت تبخ بخ في السيجار الهافاني زي صدام . زي ما قالوا أهلك العرب " شقة البندر تفتيحة"

والله يا اسحاق اخوى كلامك كلامة انت فاكر هي دي وبس ؟ كدى ألفخ اللنك التحت دا بالكيرسل وشوف الجرائد شن بتقول في ود عمتك .

http://www.facebook.com/eltaib.shaigoog#!/pho...25124&type=1&theater

Quote: بعدين الزول دا كان لف جاي وللا جاي أمسحوها لينا في طرفنا..

انت عارفني لما ... بكون كالشيخ العالم الذى يخمش ابريقه ويودع مسيدو بلا رجعة

مبارك عليك الشهر