Post: #1
Title: يا كـرارررر ما عذبتنا , كمان جابت ليهـا بنك للمغتربين
Author: عبدالله احيمر
Date: 07-18-2012, 11:39 AM
قالوا فزعـة , بقيت وجعـة
المقصـود كرار التهامي امين عام جهاز شـئون العاملين بالخارج
Quote: توصية بإنشاء بنك خاص للمغتربين
الخرطوم : هند رمضان :
اوصي مؤتمر اقتصاديات الهجرة بإنشاء بنك خاص للمغتربين وتخفيض رسوم الدارسين من ابنائهم بنسبة 25 % ، بينما بلغ عدد السودانيين الذين هاجروا الي الخارج خلال هذا العام حوالي 67 الفا من مختلف التخصصات .
واقترح المؤتمر تشجيع البنوك وشركات الصرافة علي توسيع شبكة مراسليها بالخارج وفتح مكاتب صرف في السفارات بالاضافة الي العمل علي انتشار فروعها في مختلف مناطق السودان ، واعطاء المغتربين الذين يقومون بتحويل مدخراتهم عبر القنوات الرسمية حوافز تشجيعية في الجمارك والضرائب لاستيراد معدات او وسائل الانتاج للمشاريع الصغري والمتوسطة الحجم والعربات للاستخدام الشخصي والامتعة الخاصة ، بالاضافة الي تبسيط اجراءات دخول المستثمرين والشركات التي يستقطبها المغتربون للسودان .
من جانبه، اكد وزير رئاسة مجلس الوزراء احمد سعد عمر التزامهم برفع التوصيات الي الجهات العليا ومتابعة تنفيذها ، وقال الامين العام لجهاز المغتربين كرار التهامي ان عدد السودانيين الذين هاجرو هذا العام وصل الى 67 الفا بتخصصات مختلفة ، وكشف عن تكوين صندوق رعاية الهجرة للحد من حالات العوز والفقر وفقدان العمل ودمج العائدين وتسهيل عودتهم للوطن ، واضاف انه يجب تشجيع الهجرة الراشدة بتسهيل كل مايسهم في تنظيمها . |
|
Post: #2
Title: Re: يا كـرارررر ما عذبتنا , كمان جابت ليهـا بنك للمغتربين
Author: Asim Fageary
Date: 07-18-2012, 11:47 AM
Parent: #1
إحيمر إزيك
شايف الجماعة قبلوا علينا
أيام البترول كان مدفق
قالوا لينا إنتوا شحادين
وإنتوا فاكرين تحويلاتكم دي بتعمل حاجة
(تحويلاتكم ما بتكفي راتب شهر للوراء) البين قوسين دي من عندي
عشان ما يجي واحد ناطي يقول لي المصدر يا عمك
|
Post: #3
Title: Re: يا كـرارررر ما عذبتنا , كمان جابت ليهـا بنك للمغتربين
Author: فايزودالقاضي
Date: 07-18-2012, 11:48 AM
Parent: #1
احيمر ياقريبي ...سلامات ...
نفسي الاقي زول جهاز المغتربين ده قدم ليهو خدمه !!!!!
ومازلت اسال مااهمية وجود جهاز للمغتربين من اساسه ؟!!
تحياتي ،،
|
Post: #4
Title: Re: يا كـرارررر ما عذبتنا , كمان جابت ليهـا بنك للمغتربين
Author: Asim Fageary
Date: 07-18-2012, 11:51 AM
Parent: #3
تعرف يا فايز الناس بتعاملوا مع المغتربين زي مهربي المخدرات
عشان كدا حقوا يسموه جهاز مكافحة المغتربين
لأنهم بالجد كدا كافحوا ضدنا كفاح مسلح
وقلصوا عدد مرات زياراتنا للسودان
وفي خدمة أكتر من كدا تتوقعها يا فايز
بعدين يا فايز إنت ما تكون حالم شدييييييييد كدا (خدمة ؟)
بتبالغ يا فايز
|
Post: #5
Title: Re: يا كـرارررر ما عذبتنا , كمان جابت ليهـا بنك للمغتربين
Author: عبدالله احيمر
Date: 07-18-2012, 11:57 AM
Parent: #4
عاصـم و ود القاضي
السـلام والتحايا
الزول دا تجاوز مرحلة عذابنا الى جنونا
و الجهاز يعمل ليس كما نفهـم دوره كسـند للمغترب
بل حرب على المغترب
لكما الشـكر يا موجعين بالوطن
|
Post: #8
Title: Re: يا كـرارررر ما عذبتنا , كمان جابت ليهـا بنك للمغتربين
Author: عبدالله احيمر
Date: 07-18-2012, 12:06 PM
Parent: #5
الجهاز و الحكومة لا يعملان التكتح للمواطن أو المغترب
وليس في اجندتهم تقديم خدمة لكم او راحتكم
فانصـرفوا لحلب المغترب متعاملين معه كبقرة دارة
الآن احتاجوا يحلبوا اكتر ( و المغترب عرف اللعبة ) , اها قالوا يجوكم باللفة
ويعملوا ليكم بنـك و يقوموا يضربوه مرابحة سـاكت ما ينوبكم منو
يا اخوانا مش كفاية جامعة المغتربين و قبلها سـندس
و قبلها اراضي وين و اراضي وين ومشـاريع شـنو ما تعرف
|
Post: #6
Title: Re: يا كـرارررر ما عذبتنا , كمان جابت ليهـا بنك للمغتربين
Author: أيمن الطيب
Date: 07-18-2012, 12:01 PM
Parent: #4
سلامات يا إحيمر,,
كرار التهامى ده قول ليهو نحيلك لجملة ود القريش الشهيرة :
| Quote: أحييييي يا عوضية ... |
المصيبة إنو حتى الآن لم يقل أى مفيد غير إنو الجماعو ديل أصبحوا أهداف مشروعة لمحاولات ترقيع ثوب الإقتصاد المهترئ المتآكل المهلهل والذى لن تنفعه كل هذه المعالجات طالما مازالت نفس العقليات الخربة تتحكم فى مفاصل الدولة,,
خليهم يشوفو ربيع الدنيا المتعاطى عشان المغتربين ديل زاتم محتاجين يدخلو فى فورمة ال1800$!!!!
|
Post: #7
Title: Re: يا كـرارررر ما عذبتنا , كمان جابت ليهـا بنك للمغتربين
Author: فايزودالقاضي
Date: 07-18-2012, 12:06 PM
Parent: #6
ظهور ايمن الطيب وقت اختفاء عبدالعزيز حسين ليس له تفسير آخر ..
|
Post: #9
Title: Re: يا كـرارررر ما عذبتنا , كمان جابت ليهـا بنك للمغتربين
Author: عبدالله احيمر
Date: 07-18-2012, 01:08 PM
Parent: #7
| Quote: المصيبة إنو حتى الآن لم يقل أى مفيد غير إنو الجماعو ديل أصبحوا أهداف مشروعة لمحاولات ترقيع ثوب الإقتصاد المهترئ المتآكل المهلهل والذى لن تنفعه كل هذه المعالجات طالما مازالت نفس العقليات الخربة تتحكم فى مفاصل الدولة,, |
ليس من اولوياته أن يقول أو يفعـل ما يفـيد المغترب
وشــغله الشـاغل أن
1 / يضخم الجهاز و يعمل فيهـو مليون إدارة لا تقدم ولا تأخـر يتسـنمها الأصدقاء و الأحباب
2 / تسـير قوافل طبية ( بدلا عن الجمعيات الطبية في الكليات , بتذكر ايام دراسـته للصيدلة )
3 / السـفر للخارج و لمة لميتين مع جالية في دولة ودي بتجيب انثريات و البدلات
4 / عقـد المؤتمـرات التي لا علاقة لها بالمغترب ( مؤتمر المرأة , مؤتمر الطفل , مؤتمر
اقتصاديات الهجـرة ........................... الخ من المؤتمرات )
لـ 1 / ارجع لبوســت الأخ مصطفى أحمد الضـو باســم
أين جهاز المغتربين من التقشف؟؟
|
Post: #10
Title: Re: يا كـرارررر ما عذبتنا , كمان جابت ليهـا بنك للمغتربين
Author: د.محمد حسن
Date: 07-18-2012, 01:28 PM
Parent: #9
احيل هذا الموضوع للاخ صديق الموج
والشيكالت الطايرة
|
Post: #11
Title: Re: يا كـرارررر ما عذبتنا , كمان جابت ليهـا بنك للمغتربين
Author: عبدالله احيمر
Date: 07-18-2012, 02:04 PM
Parent: #10
يا د.
كيف حالك
كـرار التهامي من ضمن الإدارات التي أنشـأها إدارة اسـمها
/ ادارة التدريب
اها عاوز تدرب منـو ؟ و تدربـوا على شــنو ؟
يا زول الحـق اخد ليك كورس اصلو المولد قرب يفرتق
و إدارة أخرى باسـم
/ إدارة تبسيط الإجراءات
تبسـيط آيه ؟ تبسـيط الإجراءات عاوز ليهـو إدارة ؟
لو تبسـيط الاجراءات يحتاج إدارة يبقى عمـل الآجراءات عاوزة وزارة
|
|