عودة التحويلات الالزامية للمغتربين . . . الورقة الاخيرة للانقاذ

في اطار المعالجات الاقتصادية المتردية

Quote: أمين المغتربين: تحويلات المغتربين انخفضت الى مليار ونصف دولار الخرطوم: بكري خليفة- الطيب علي كشف الامين العام لجهاز تنظيم شؤون السودانيين العاملين بالخارج عن تدهور مريع لتحويلات السودانيين العاملين بالخارج للسودان من العملات الصعبة حيث سجل العام 2009م 3مليارات و100 مليون دولار حتى وصلت الى 3 بليون دولار ومن ثم تواصل الانخفاض فبعد ما كشف البنك الدولي فى نبوءته أن السودان سيستقبل تحويلات تبلغ (3) مليارات دولار إذا بالتحويلات تنخفض الى نصف المبلغ في حين بلغت تحويلات المغتربين السودانيين الى دولة مجاورة الى 4 مليارات دولار لشراء عقارات واستثمارات وشدد كرار فى مخاطبته للجلسة الافتتاحية لمؤتمر اقتصاديات الهجرة الثانى تحت شعار( نحو شراكة بين الدولة والمغترب) على ضرورة تنزيل تشريعات جديدة لجذب أموال المغتربين على غرار دول أخرى مثل امريكا التى تبلغ تحويلات مواطنيها 37 مليار دولار ومصر 4 مليارات دولار، مشيدا بقرار الحكومة المصرية الجديدة فى اتخاذها أول قرار حول صكوك المغتربين المصرين لما له من تأثير على الاقتصاد. من جانبه شدد وزير مجلس الوزراء احمد سعد عمر على أهمية استقطاب تحويلات المغتربين فى ظل المتغيرات الاقتصادية الصعبة التى يعاني منها السودان بعد الانفصال مشيرا الى أن الاستثمار فى الهجرة والاغتراب من أموال وعقول أصبح من الاستثمارات المهمة حتى تستقر الأموال فى السودان بدلا من أن يتداولها الوسطاء ويتم تحوليها الى دول أخرى، داعيا المؤتمر للخروج بتوصيات علمية وعملية قوية متعهدا بتنزيلها الى أمر الواقع من قبلهم فى الدولة. ودعا الوزير الى تغيير الصورة النمطية لاقتصاد الهجرة بالبلاد خاصة فى ظل التحديات الاقتصادية التى تواجهها البلاد حاليا والمنافسة الكبيرة على سوق العمل من الدول الأخرى من أجل العبور بالبلاد الى بر الأمان باعتبار أن اقتصاد الهجرة من أهم أركان الاقتصاد الكلي بجانب البترول والتعدين وغيره الأمر الذى يدفع بعجلة الاقتصاد الى الأمام. مؤكداً اهتمام الدولة بالعاملين بالخارج وتوظيف مدخراتهم لدعم الاقتصاد عبر وضع استراتيجية لاقتصاد الهجرة، مبينا أن الشعب السوداني ظل صامدا رغم كل الظروف القاضية بزعزعة أمن واستقرار البلاد خاصة عقب التحولات الكبيرة حولها مما انعكس سلبا على الشعوب. وقال عمر إن السودان من أكثر الدول الأفريقية جذبا للاستثمار إلا أن الكسل يجعلنا نفقد الكثير فى ظروف غياب الإحصاءات والبحث العلمي، مشيرا إلى أن السودان بحسب إحصاءات البنك الدولي هو الدولة الوحيدة فى العالم التى انحسرت فيها تحويلات المغتربين الى النصف، مبينا أن كثيرا من الناس أسسوا امبراطوريات وفقدوها بسبب عدم التشجيع والتحفيز، مضيفا أن ما توفره التحويلات يمكن أن يكون أكبر مما توفره الزراعة والتعدين، متمنيا أن يعالج المؤتمر المشاكل التى تواجه اقتصاد الهجرة والتى من بينها ولاية المؤسسة الهجرية على تحويلات المغتربين.

الغريبة امس ذكروا عودة التحويل الالزامي في القناة الناقلة للمؤتمر الصحفي ولم يذكر في المقال

المصدر ///// http://arabic-media.com/newspapers/sudan/alsudani-sd.htm

Quote: وقال عمر إن السودان من أكثر الدول الأفريقية جذبا للاستثمار إلا أن الكسل يجعلنا نفقد الكثير فى ظروف غياب الإحصاءات

Quote: أن ما توفره التحويلات يمكن أن يكون أكبر مما توفره الزراعة والتعدين

من جانبه شدد وزير مجلس الوزراء احمد سعد عمر على أهمية استقطاب تحويلات المغتربين فى ظل المتغيرات الاقتصادية الصعبة التى يعاني منها السودان بعد الانفصال مشيرا الى أن الاستثمار فى الهجرة والاغتراب من أموال وعقول أصبح من الاستثمارات المهمة
.
.
.

.
.
.
معلومة كانت غايبة عني ...كمغترب ما كنت عارف انو انا اغتربت عشان استثمار ... انا قايل نفسي اغتربت عشان ما لقيت وظيفة حكومية في لجنة الاختيار على ايام التمكين الانتهى يادوب السنة الفاتت

Quote: معلومة كانت غايبة عني ...كمغترب ما كنت عارف انو انا اغتربت عشان استثمار ... انا قايل نفسي اغتربت عشان ما لقيت وظيفة حكومية في لجنة الاختيار على ايام التمكين الانتهى يادوب السنة الفاتت

استثمار وبس ... وربما تصبح مما ملكت يمينهم

السلام عليكم أخى سيف اليزل...

المغترب هو الذى ساهم كثيراً فى توازن ألأقتصاد السودانى ولكن لم يجد نصيبه من التحفيز أو حتى المساعدة لوعدته الطوعية.

صار مكتوب علينا فى ظل هذا التدهور نحن المغتربين أن نظل مغتربين حتى يقف السودان معافى من التدهور ألأقتصادى.

تقديرى وإحترامى.

الطاهر بدر
تحية من عند الله طيبه مباركه

كلام شنو يا رجل

Quote: معلومة كانت غايبة عني ...كمغترب ما كنت عارف انو انا اغتربت عشان استثمار ... انا قايل نفسي اغتربت عشان ما لقيت وظيفة حكومية في لجنة الاختيار على ايام التمكين الانتهى يادوب السنة الفاتت

الجهل بانك اغتربت عشان استثمار لا يعفيك من دفع ضريبة الاغتراب ... الجرسه ما بتحلك ادفع بالتي هي احسن
وكونك ما لقيت وظيفة حكومية ده ما ذنب ناس المؤتمر الوطني ... انك ما اتسجلت وما ابديت فروض الولاء والطاعه وما كوست ليك واسطة من زمان مالك؟
وبعدين تعال يا اخي هي لجنة الاختيار ده اصلا سموها اختيار ليه؟
ما عشان يختاروا الناس الدايرنهم ... وانت وناس ابو البها والبشبها الما بتشبهوا ناس الحكومة .... تطلعو بره .. امال ايه

وبعدين منو يا راجل القال ليك (التمكين انتهي السنه الفاتت) ديل يا سيد تمسكنوا فتمكنوا والتمكين كان ومازال شغال علي قفي من يشيل ...والداير يقلعهم يلحس كوعو

Quote: وبعدين تعال يا اخي هي لجنة الاختيار ده اصلا سموها اختيار ليه؟ ما عشان يختاروا الناس الدايرنهم ...

ود المجذوب ضحكتني ياخ - ربنا يضحكك في الدارين

Quote: ود المجذوب ضحكتني ياخ - ربنا يضحكك في الدارين

شيقوق اضحك لي كده لما عنكوليبك ابور

يحلمون!!

كتب الأخ : سيف اليزل :
الغريبة امس ذكروا عودة التحويل الالزامي في القناة الناقلة للمؤتمر الصحفي ولم يذكر في المقال
المصدر

الاخ : سيف :
هذه النقطة المهمة ـ والتي أظنها ـ أصل القصة كلها ـ ذكرت هنا ـ "في آخر المقال" مع التركيز على كلمة (ولاية):

Quote: متمنيا أن يعالج المؤتمر المشاكل التى تواجه اقتصاد الهجرة والتى من بينها ولاية المؤسسة الهجرية على تحويلات المغتربين.

استاذنا صلاح
مرحب بيك ومرحب بمرور
النقطة الجوهرية التي ذكرتها هي عصارة ما دار امس في المؤتمر
وشكرا للتنبيه برغم التذاكي

ود الصائم الرجل البشوش
مرحب بيك واهلا وسهلا

Quote: يحلمون!!

بكره الصباااااااااح دار الافتاء الشرعي بشتغل وبفسروا الاحلام
وما تستغرب يا سيدي ضع خرطوم الشيشة غادي وانعدل في قعدتك بس

Quote: الطاهر بدر تحية من عند الله طيبه مباركه كلام شنو يا رجل Quote: معلومة كانت غايبة عني ...كمغترب ما كنت عارف انو انا اغتربت عشان استثمار ... انا قايل نفسي اغتربت عشان ما لقيت وظيفة حكومية في لجنة الاختيار على ايام التمكين الانتهى يادوب السنة الفاتت الجهل بانك اغتربت عشان استثمار لا يعفيك من دفع ضريبة الاغتراب ... الجرسه ما بتحلك ادفع بالتي هي احسن وكونك ما لقيت وظيفة حكومية ده ما ذنب ناس المؤتمر الوطني ... انك ما اتسجلت وما ابديت فروض الولاء والطاعه وما كوست ليك واسطة من زمان مالك؟ وبعدين تعال يا اخي هي لجنة الاختيار ده اصلا سموها اختيار ليه؟ ما عشان يختاروا الناس الدايرنهم ... وانت وناس ابو البها والبشبها الما بتشبهوا ناس الحكومة .... تطلعو بره .. امال ايه وبعدين منو يا راجل القال ليك (التمكين انتهي السنه الفاتت) ديل يا سيد تمسكنوا فتمكنوا والتمكين كان ومازال شغال علي قفي من يشيل ...والداير يقلعهم يلحس كوعو

اضحك الله سنك يا دكتور

Quote: المغترب هو الذى ساهم كثيراً فى توازن ألأقتصاد السودانى ولكن لم يجد نصيبه من التحفيز أو حتى المساعدة لوعدته الطوعية. صار مكتوب علينا فى ظل هذا التدهور نحن المغتربين أن نظل مغتربين حتى يقف السودان معافى من التدهور ألأقتصادى. تقديرى وإحترامى.

الحبيب عباس اسماعيل
وعليكم السلام والرحمة
ولا زال يساهم يا عباس المغترب عليه اعباء لا حصر لها ومسؤوليات تعجز الجبال عن حملها
لم يشتكي احد ولكن ماذا جنى ؟؟
ما الخدمات المقدمة للمغترب ؟؟
شخصيا على استعداد بكافة الالتزامات والقرارات ولكن ما هي الضمانات حتى تذهب اسهاماتنا
للفائدة المرجوة ونرتاح نحن من حاجة اسمها غربة ؟؟؟
واين ذهبت المساهمات طوال السنين
مافي ضمان يا عباس القروش تمشي لجيوبهم تااااااااااني ويظل حال البلد واقف
احتراماتي

المسافر يا ريت تعود
شكرا للمرور

Quote: استثمار وبس ... وربما تصبح مما ملكت يمينهم

لقد اصبحنا فعلا

اخونا طاهر بدر
تحية طيبة

Quote: انا قايل نفسي اغتربت عشان ما لقيت وظيفة حكومية في لجنة الاختيار على ايام التمكين الانتهى يادوب السنة الفاتت

يا صديقي لا تحزن على ما فاتك ولكن ما هي الفايدة المرجوة من حكومة تاكل من ثديها
لم تكن موضع استثمار ولكن بعد ضاقت بهم السبل ونشفوا ناس الداخل
فليمدد ابي حنيفة رجليه

Quote: وشدد كرار فى مخاطبته للجلسة الافتتاحية لمؤتمر اقتصاديات الهجرة الثانى تحت شعار( نحو شراكة بين الدولة والمغترب) على ضرورة تنزيل تشريعات جديدة لجذب أموال المغتربين على غرار دول أخرى مثل امريكا التى تبلغ تحويلات مواطنيها 37 مليار دولار ومصر 4 مليارات دولار، مشيدا بقرار الحكومة المصرية الجديدة فى اتخاذها أول قرار حول صكوك المغتربين المصرين لما له من تأثير على الاقتصاد.

جابوا فزع بقى وجع

Quote: استاذنا صلاح مرحب بيك ومرحب بمرور النقطة الجوهرية التي ذكرتها هي عصارة ما دار امس في المؤتمر وشكرا للتنبيه برغم التذاكي

أخونا: سيف اليزل ـ
لك الحق في الجملة الأخيرة ـ برغم التذاكي ـ حقيقة يبدو أني لم أكن موفقاً ـ كان من المفترض أن أشير إلى النقطة "فقط".
صادقاً ـ معذرة ـ لم أكن اقصد.
سيف :
الملاحظ أنو الجماعة ديل يعملوا مؤتمر وقومة وقعدة ـ وصرف ـ ويشحنوا مؤتمرهم بقضايا جانبية ـ بالتأكيد لن يتحقق منها شيء ـ وكلو عشان يصلو لنقطة وحيدة ـ وهنا بالتأكيد: الولاية على تحويلات المغتربين.