أحـسـن حـآجـة إنـّو فـكَّ الـبـيّـرق ... والله صـحـي ...

يعني كان حا يقول شنو ؟؟؟

قِربة مقدودة،
ينفخوها وتجي تفسي هواء رطب نتن الرائحة في الأجواء.

وبعد تفرّغ الهواء العفِن بتاعا تتكرفس، وتنكمش، ثم تُجع
في ركن البيت حتي يتم نخها مرّةً أُخرى، لحدي ما يوم
تعدم نفاخ القِرب.
والله صحي...

بختكم يا ناس كوستي،
ربنا فكاكم من جُرآب الفسو. علي اليمين كان إنفتح
فيكم كان إنتو فكيتو البيرق العميان شايل المكسر.

الزول دا لو قعد في بيتو لأمن الناس شرّه.
يجري ما يجري دا ما الموضوع، بل الأفضل إنو يجري،
والأفضل من الأفضل إنو يقطع وشو دا من الناس.
محظوظين يا ناس كوستي إنو الزول دا ما يصل مدينتكم.

الجرآب دا شكلو وشخصيتو لا تنِم أبداً عن إنسان شجاع،
فالإنسان الشجاع ظاهر زي بدر التمام. شخصية هذا
المخلوق تنم عن شخص مُخادع جـبـانـ، مكار، يجيد الغدر
والخيانة والمكر، لكن ساعة الحارة دا ما من الناس البثبتوا
ليها، فهذا الجـبـانـ إن لم يهرب اليوم، فسوف يهرب غداً،
ووالله العظيم هذا الجرآب وأمثاله ساعة الحارة ما بيركزوا،
وستُظهِر الأيام لكم قولي هذا.

بختم يا ناس كوستي.
أحسن حاجة إنو فكّ البيرق.

أها النقول وقف، يعني الناس حيستفيدو منو شنو؟؟؟
الزول دا كلآمو ما كان حايتعدى الأتي:
في البدآية يحمد الله ويصلي علي رسوله، ثمّ يقول في أيدي خفية بتحرك
شذاذ الأفاق، ونحن عارفنهم. وأكيد حايقول أمريكا وإسرائيل ورا البيحصل
في السودان، والسودان محارب ومُستهدف عشان بيطبق الإسلآم، والحكومة
إسلآمية بتطبق الشريعة. ثمّ لا ينسى أن يكذب، بأنّ البلد آمنة والخير رآقد،
وما علي الناس إلا الصبر في هذه المرحلة ومساعدة الحكومة المحاصرة.
أحلق شنبي بي سآسوّية لو يزيد علي الكلآم دا.

شِن طعمو كان وقف واللآ جرى؟؟؟

Quote: أحلق شنبي بي سآسوّية لو يزيد علي الكلآم دا.

الشريف معاوية: يسلم من حلاقة الساسوية

Quote: الشريف معاوية: يسلم من حلاقة الساسوية

قريبي المسافر،
نعلّك طيّب.

الزول دا أبدا مسويلو توم وشمار فوق كم؟؟؟
آيه يعني لو الناس نقلوا خبر مكذوب أو كاذب عنه؟؟؟
ما ظلّ يكذب ويتحرى الكذب من قبل 23 عام وما زال.
هذا الأفاك الأثيم والله العظيم أستغرب كيف يدافع عنه
الناس!!!

ما بالكم برجل خادع الله، وما زال يدعي أنه الحاكم بأمر الله المُحكّم لشرعه في العباد، ومأكله
حرآم، ومشربه حرآم، وملبسه حرآم!!!. غُزي من دم شعب خرجت من وسطة إمرأة قاربت
الثمانين من عمرها تطالب بسخينة لأيتام جياع. هذا الرجل يلبس أفخر الثياب من عرق هذا
الشعب، ويأكل أفخر الأكل من عرق هذا الشعب، ويركب فاره السيارات من عرق هذا الشعب،
ويسكن أفخم البيوت من عرق هذا الشعب، هذا الشعب الذي يضُم من لم يجد السخينة ليسد بها
رمق أيتام جياع. هذا المسئول أمام الله من هذا الشعب يتعطر بأفخم العطور، ويذهب إلي المسجد
في أبهى الحُلل بصحبة حرسه. يخرج من بيت مكيّف إلي عربة مكيّفة، ثمّ إلي مسجد مكيّف
يصلي ثمّ يخرج ليخادع وينافق، ويكذب بل حتي يتحرى الكذب.
ما ضرّ الناس لو نقلوا خبر كاذب أو مكذوب عن رجل ظلّ طوال 18 عام يكذب علي الناس،
ويخادع رب العباد.
أين أنت من الإسلآم يا علي عثمان حتي تنصب نفسك مسئول عن تطبيقه في العباد؟؟؟
(أَفَمَن زُيِّنَ لَهُ سُوءُ عَمَلِهِ فَرَآهُ حَسَناً فَإِنَّ اللَّهَ يُضِلُّ مَن يَشَاءُ وَيَهْدِي مَن يَشَاءُ فَلَا تَذْهَبْ نَفْسُكَ عَلَيْهِمْ حَسَرَاتٍ إِنَّ اللَّهَ عَلِيمٌ بِمَا يَصْنَعُونَ )

بوست زى دا لحدى قريبات دى كان يا ود المدير إلا نضايرك!!!

مسكين على عثمان فقد بدأ حيرانه الإنشغال بأمور الدنيا الفرندقس دى,,

إتفسح إتفسح

أردم يازول وهييييييييييييييييييع وكع كررع زاتو..
أردم الهردبيس الكضابين تجار الدين والدين لا شافوه
لا سمعو بيه,,

لكن هو الجرى من عليك الله,,

Quote: بوست زى دا لحدى قريبات دى كان يا ود المدير إلا نضايرك!!! مسكين على عثمان فقد بدأ حيرانه الإنشغال بأمور الدنيا الفرندقس دى,, إتفسح إتفسح أردم يازول وهييييييييييييييييييع وكع كررع زاتو.. أردم الهردبيس الكضابين تجار الدين والدين لا شافوه لا سمعو بيه,, لكن هو الجرى من عليك الله,,

سلآما يا أيمن.

نحن أصلو بنرجى الزول لحدي ما يبقى ما عندو ضهر، بعد دآك
بنردمو ليك فوق بطنو زي الترتيب.
والله يا أيمن الجماعة قربو ينصبوهو إله، وكت المستور بدأ ينكشف زاغوليك
منو بالرااااحة زي الماحصل شي. لكن بيني وبيّنك هو زاتو مكار لمان شاز.
والله صحي. يا أخي الزول دا تصدق مكنة ورع وتقي، ومتقشف، ويخشى
الله، ومفكر، وعبقري، وما عندو التدعك، وصوآم، وقوآم، ويقوم الليل، ويصوم
النهار قرّبت تمشي فيني. كاتل حيلو بالله تقول الورع حدو يقيف عندو!!!.

خليهو طالما إنو الجماعة ضربو منو طناش أمانة ما أشدو ليك شد.

غايتو الجرى منو، أنا ماني خابرو. لكن زويلي دا كان وقعت الحارة
لوّمك بي تب بيرقد صووووف. حكماً الخليقة ما خليقة ركزة.
والله صحي...

والله يا معاوية أكتر حاجة مدهشة فى موضوع عمك كابتن ماجد هو الفبركة الفورية والسريعة لموضوع زياراته وانه بالقصر الجمهوري ... يعنى الفلم لسه بالتحميض وح يجيبوا ليكم
فيديو كارب وعندو شوارب

كدايسك المصلطات ديل فضحت الجداد يا ود المدير ياخ

صدق يا مدير,,
دا أبلغ توصيف للحالة التى مر بها أخوك!!!

Quote: والله يا أيمن الجماعة قربو ينصبوهو إله، وكت المستور بدأ ينكشف زاغوليك منو بالرااااحة زي الماحصل شي. لكن بيني وبيّنك هو زاتو مكار لمان شاز. والله صحي. يا أخي الزول دا تصدق مكنة ورع وتقي، ومتقشف، ويخشى الله، ومفكر، وعبقري، وما عندو التدعك، وصوآم، وقوآم، ويقوم الليل، ويصوم النهار قرّبت تمشي فيني. كاتل حيلو بالله تقول الورع حدو يقيف عندو!!!.

قبلا ومنذ قديم الزمان كنت أعتقد أن هذا الرجل هو أفضلهم وأنه رجل يمكن القول أنه يملك بعضا من فكر وفعلا مظهره يوحى بالوقار والورع وفجأة إنهار كل هذا فى لحظة رايته هائجا مائجا ينصح الشعب السودانى أن يقتصد فى إنفاقه وأن دليله هو صالات الأفراح!!!!!!! وقوله جازما أن الشعب السودانى فى كل بيت يعمل شخص واحد والبقية تصحو من نومها أواخر النهارات فى إنتظار الرى!!! ومن جهة أخرى كيف ما عارف يقول شيخ على أن الشعب السودانى كمل عليهم البنزين وكل بيت فيهو خمسة عربيات لسهولة إمتلاك السيارات وأوصانا وإياكم بترشيد الإنفاق!!!!!!!!!!!!!!!!!!!!!!لكنه فى غمرة غضبته نسى اسطول سياراته ذوات السرارين الحمت ناس برى النوم!!!

من يومو داك صاحبك دا عرفتو ليك مافارق من ناس حاج أحمد فى شى!! أول عصرة ياهو بنسمع جنس دا!!!لا فكر ولا ورع ولا صلاح ولا عشة,,
بعدين صاحبك Wicked عمل لينا إقرار ذمة مضروب على الهواء مباشرة ودخل ليك الجماعة فى الحتة إياها!!!صاحبك شغال عصاية نايمة وعصاية قايمة!!!ثعلووووووووووووووووووووووب كبير,,خايفو يكون الأيام ديل بمشى يزور شيخو الزمان,,,

المهم يا صاحب,,,

رشو ولا تأخذنك به رأفة طالما غشانا السنين دى كلها والكيس طلع فيهو كديس...


تحياتى ..

Quote: أيمن الطيب صدق يا مدير,, دا أبلغ توصيف للحالة التى مر بها أخوك!!! Quote: والله يا أيمن الجماعة قربو ينصبوهو إله، وكت المستور بدأ ينكشف زاغوليك منو بالرااااحة زي الماحصل شي. لكن بيني وبيّنك هو زاتو مكار لمان شاز. والله صحي. يا أخي الزول دا تصدق مكنة ورع وتقي، ومتقشف، ويخشى الله، ومفكر، وعبقري، وما عندو التدعك، وصوآم، وقوآم، ويقوم الليل، ويصوم النهار قرّبت تمشي فيني. كاتل حيلو بالله تقول الورع حدو يقيف عندو!!!. قبلا ومنذ قديم الزمان كنت أعتقد أن هذا الرجل هو أفضلهم وأنه رجل يمكن القول أنه يملك بعضا من فكر وفعلا مظهره يوحى بالوقار والورع وفجأة إنهار كل هذا فى لحظة رايته هائجا مائجا ينصح الشعب السودانى أن يقتصد فى إنفاقه وأن دليله هو صالات الأفراح!!!!!!! وقوله جازما أن الشعب السودانى فى كل بيت يعمل شخص واحد والبقية تصحو من نومها أواخر النهارات فى إنتظار الرى!!! ومن جهة أخرى كيف ما عارف يقول شيخ على أن الشعب السودانى كمل عليهم البنزين وكل بيت فيهو خمسة عربيات لسهولة إمتلاك السيارات وأوصانا وإياكم بترشيد الإنفاق!!!!!!!!!!!!!!!!!!!!!!لكنه فى غمرة غضبته نسى اسطول سياراته ذوات السرارين الحمت ناس برى النوم!!! من يومو داك صاحبك دا عرفتو ليك مافارق من ناس حاج أحمد فى شى!! أول عصرة ياهو بنسمع جنس دا!!!لا فكر ولا ورع ولا صلاح ولا عشة,, بعدين صاحبك Wicked عمل لينا إقرار ذمة مضروب على الهواء مباشرة ودخل ليك الجماعة فى الحتة إياها!!!صاحبك شغال عصاية نايمة وعصاية قايمة!!!ثعلووووووووووووووووووووووب كبير,,خايفو يكون الأيام ديل بمشى يزور شيخو الزمان,,,

ورّطو وقعد يتفرج عليهو
ذاك التلميذ من ذاك الثعلب

الجري امام ضذاذ الافاق حضارة
والراجل يحصلني
الشارع الجري بيه اقترح ان يغير اسمو
لي شارع كابتن علي

Quote: Wicked

big time
والله صحي...

Quote: والله يا معاوية أكتر حاجة مدهشة فى موضوع عمك كابتن ماجد هو الفبركة الفورية والسريعة لموضوع زياراته وانه بالقصر الجمهوري ... يعنى الفلم لسه بالتحميض وح يجيبوا ليكم فيديو كارب وعندو شوارب

سلآمات يا مها.

يا مها عمّك دا مكار، يعني ممكن يكون في كوستي وفي القصر، وفي المحمية،
وفي ام صفقاً عُراض في وكت وآحد.

قال ليكِ إتنين جو ماشين في السوق. وآحد شاف يافطة مكتوب عليها أعمال فوراوي
التجارية، قال لرفيقو: عليك الله هسّع أعمال فوراوي البسوي فيها دي دايرالآ يا فطة؟؟؟
دحين يا مها عليكِ الله أعمال عمّك كابتن ماجد دا دايرالآ فيديو.
يقققققققطع ضهرو، قطع ضهر البلد...

Quote: كدايسك المصلطات ديل فضحت الجداد يا ود المدير ياخ

سلآمات يا محمد زكريا.

كدايسي طلعن أشفت من كديسة سجيمان.
والله صحي.

الممارسات المُورست ضد أُختنا أماني العجب، قطعاً هي محاولة لإغتيال الشخصية.
آيه يعني لو إتنقل خبر كاذب أو مكذوب عن شخص الكذب صار ديدنه؟؟؟ ليس المعنى
عشان علي عثمان كذآب الناس تكذب. لا. لكن الغريب في الأمر ترك هذا المسيلمة
وغض الطرف عن أكاذيبه التي يصدح بها ليل نهار، والتصدي لأماني العجب بهذه
الصورة الشرسة كأنما أماني إقترفت جُرم تستحق عليه القطع من خلآف!!!
هذا المخادع الأفاك لا يسوى قطمير، ولا يتعدى كونه كذوّب نذر نفسه لجلب الفِتن
والإفساد في الأرض.

سأل سائل إبن عمر عن دم البعوض إذا وقع علي الثياب، فلم يجبه إبن عمر، بل
سأله: من أين الرجل؟
أجاب: من أهل العراق.
قال بن عمر: انظرو إلي أهل العراق. قتلو إبن بنت رسول الله صلي الله عليه وسلّم،
وأتو يسألوا عن دم البعوض.

يا أخي ديل تركوا كل الأسقام والأورام والمصائب التي زرعها علي عثمان في
جسد المجتمع السوداني، ومسكو في أماني العجب!!!

Quote: من يومو داك صاحبك دا عرفتو ليك مافارق من ناس حاج أحمد فى شى!! أول عصرة ياهو بنسمع جنس دا!!!لا فكر ولا ورع ولا صلاح ولا عشة,, بعدين صاحبك Wicked عمل لينا إقرار ذمة مضروب على الهواء مباشرة ودخل ليك الجماعة فى الحتة إياها!!!صاحبك شغال عصاية نايمة وعصاية قايمة !!!ثعلووووووووووووووووووووووب كبير,,خايفو يكون الأيام ديل بمشى يزور شيخو الزمان,,,

تصدق يا أيمن دا كان رأي أحمد عثمان المكي في الثعلب دا من زمن كانوا طلبة، وتحت
رعاية شيخ حسن، ويقال إنو حصلت مشاكل شديدة بينو وبين أحمد عثمان، وكان رأي
أحمد عثمان هو إبعاد علي عثمان نهائي من التنظيم لأنو إنسان خبيث، وليس بمكان
ثقة. عمّك الترابي كان يرى غير ذلك لحدي ما ثعلوب المكار قام بيهو. لكن هسّع زي
ما قلت بيكون قاعد يسجل ليهو زيارات. تفتكر هل سياخد عضّة ثعلوب الكبير من
ثعلوب الصغير مرتين؟؟؟


تحياتي...

Quote: ورّطو وقعد يتفرج عليهو ذاك التلميذ من ذاك الثعلب

يا محمد زكريا الزول دا أيّ حاجة دخّل يدو فيها قام بيها، يعني باختصار كدا،
صاط البلد صوآطة. حتي حزب المؤتمر الوطني ما سِلِم منو. إنتهى من الحزب،
والثقة في الحزب رآحت شمار في مرقة بسبب الزول اللخبات دا. يعني حتي
ناسو لم يسلمو من خبثه، وإفساده...

Quote: الجري امام ضذاذ الافاق حضارة والراجل يحصلني الشارع الجري بيه اقترح ان يغير اسمو لي شارع كابتن علي

سلآمات يا عمر.

يا أخي والله عملو لينا خوتة وفلقة دماغ ساكت بزولهم الماعندو طعم دا.
زول كاتل حيلو، وشغال زي السوسة ينخر في البلد، ويبث في سمومه
لحدي ما إنتهى من المجتمع السوداني وجرجرو لمتاهات نسأل الله ببركة
هذا الشهر العظيم يمرق منها سالم ومُعافى.

خلآصة القول إذا نجحت الثورة،
فيجب فصل رأس الخبيث دا عن باقي جسده...