الاستثمارالزراعي ,, مع الاعتذار لود اب ذهانة ( توطين المشروم مثالا )

بالأمس و في قناة النيل الأزرق
وعلى طريقة ود اب ذهانة الذي اصبح مثلا
( ما لاقي العشـا يتعشـى جاب الفجـل يدشـا* )





*يدشـا = يتجشـأ

قدمت القناة حلقة طويلة عريضة عن توطين المشــروم في الســودان

في هـذا الزمن الذي ضجت فيه الشـوارع و الجامعات تشـكي الفقـر

و الجـوع

الناس تخرج الشـوارع من أجل لقمة العيش , ما قادرين يتحصلوا على

الدبر , المقد , قدم الحمام .............الخ , يطلع في الفضائيات

من يكلمهم عن فوائد زراعة واكل المشـروم

المشـروم
دا يعني شنو بالعربي كدا

اسـتضافت القناة في برنامجها خبراء من الهنـد و مصـر
جاءوا للسـودان بغرض المشـاركة في ( مشـروع توطين المشـروم )
و بعضا من جامعة الزعيم الأزهري



بالمناسـبة المشـروم دا مش ياهـو ذاتـو ( الترتس )

تحياتي عبدالله
غايتو ماري انطوانيت بتكون ممحنة في قبرها دلوقت
وتقول الناس شايلة حسها ساي

Quote: المشـروم دا يعني شنو بالعربي كدا

المشروم بالعربي اسمه ( ذكر الارض )

لكن مابعرف بالدارجي معناها شنو ياعلي *



ــــــــــــــــــ
* باعتبار اني رطاني

رمضان كريم عبدالله احيمر.
بعد الثروة الحيوانية الضخمة بجانب الثروة السمكية والامكانيات الزراعية،
ناكل فطريات !!
دة الفضل. احتمال بعد شوية يقولوا للناس اكلوا نيم.
الخبر أفردت له الصحف حيز، شئ تثقيف وشئ تعريف وشئ تصنيف.

اقناع الناس بالاتجاه للفطريات كبديل للحوم؟؟؟

ود القاضي..
إن كان ذلك كذلك فالمشروم دا بقوم عادي عندنا في الحلة بعد المطرة
يعني لا داير خبراء ولا قومة وقعدة

Quote: ود القاضي.. إن كان ذلك كذلك فالمشروم دا بقوم عادي عندنا في الحلة بعد المطرة يعني لا داير خبراء ولا قومة وقعدة

علي ميرغني

ود القاضي اداك النجيضـة
كان بيظهـر في الخريف و بنسـميهو ترتس ( بضم التاء الأولى و التانية )
وبرضو كان اســمو ود الواطا
لكن الجماعة ديل قالوا في منو مئات / آلاف الأنواع

تحياتي عبدالله
غايتو ماري انطوانيت بتكون ممحنة في قبرها دلوقت
وتقول الناس شايلة حسها ساي



محمد ابراهيم

ما زال عمى الأولويات هـو سـيد الموقف
ياخي الناس قالو ما لاقين ســخينة يجو يقولوا ليهم فطـر ( بكسـر الفاء )

Quote: لكن مابعرف بالدارجي معناها شنو ياعلي * * باعتبار اني رطاني

ود القاضي

على كدا مفروض تكون فاهم الناس البرطنوا ديل ,

ازمة غذاء , تدني انتاجية , المشـاريع الزراعية لحقت امات طه , سندس ماسـورة وتفشـي الفقـر
يقوموا يطلعوا بمشـروع توطين المشـروم
المشـروم دا ح ياكله كم في المية من السـودانيين
مش قلت ليك رطانة كتر
غايتوا انا مافاهم , بلد تسـتورد التوم و العجوة عاوزة تأكل الناس مشـروم

Quote: بعد الثروة الحيوانية الضخمة بجانب الثروة السمكية والامكانيات الزراعية، ناكل فطريات !! دة الفضل. احتمال بعد شوية يقولوا للناس اكلوا نيم. الخبر أفردت له الصحف حيز، شئ تثقيف وشئ تعريف وشئ تصنيف. اقناع الناس بالاتجاه للفطريات كبديل للحوم؟؟؟

اخي امبدة

تكلم الرجل عن اقتصاديات توطين المشـروم
و حيرني عندما قارنه باللحم , كأنما من يأكلونه قد اسـتعنوا به بديلا للحمة
الزول دا ذكرني بتاع حماية المسـتهلك ايام مقاطعتهم للحمة حين فال اللحمة مضرة بالصحة او ما معناه

عارف ما في تفكير جاد في اسـتثمار الامكانيات الزراعية و الحيوانية , التفكير في الاسـتهبال
و الضحك على الدقـون


تصوم و تفطـر على خير

they call me mushroom because I always grow in dark moisten placese

يا دكتور


وانا اقول الاســم دا جا من ويـن , على كـدا ممكن نطلق الاسـم دا
على كل الانتهازيين الذين نبتـوا في ترطيبة الانقاذ حالكة الظـلام

إلأ بالمناســبة الشيء دا بتأكل كيف ؟
يعني ممكن يدخ في عمل ( ام رقيقة ) بدل اللحمة أو في ملاح الشـرموط



تاني كنت عاوز اكتب الناس في شـنو و الحسـانية في شـنو
بس خفـت من زعل الإدريسـين ( علم الهدى والبدري ) لهما الســلام

قـد يكـون لفطـر المشـروم كثير من الفوائد الغذائية و الاقتصادية
لكن مهما كان ذلك فهـو لن يكون البديل , اي من الممكن أن يطرح
كإضافة غذائية و دا بكون في المدى البعيد لبعض سـكان العاصمة من المترفين
اما من يعتمـد في غذائة على العصيدة ( ذرة كانت ام دخـن ), الدامرقا , العجوة
بزيت السـمسم ( إن وجد) , القراصة , المريســة , .......... الخ
هـؤلاء أصلا بعيدين عن اهتمامكم فأبتعدوا عنهم بمشـرومكم

نفـرة زراعية فشـلت , نهضة زراعية اتلحســت ولم تسـتطع أن تحسـن من الانتاج
لا افقيا و لا راسـيا و لا نوعيا , فجاع الناس و خرجوا يطلبون لقمة تســد رمقهم
و تطفيء نار بطونهم فماذا انتم مقدمون لهم

نهضة زراعية اتلحســت ولم تسـتطع أن تحسـن من الانتاج
ود الاحمر .. السلام عليكم
النهضة دي فيها البلاوي... بس ترجع التيار وتقرأوا عنها العجب العجيب

بالمناسبة الناس ديل جابو خبراء من اليابان
عشان يعلموا المزارع السوداني الزراعة فوق الماء
وخبير مصري ايضا لتعليم المزارع السوداني الزراعة فوق سطح الغرف
شفتا كيف.. قال انطوانيت قال

Quote: وخبير مصري ايضا لتعليم المزارع السوداني الزراعة فوق سطح الغرف

علي ميرغني
دا كلو مزايدات وكلام زول حار بيهـو الدليل من ايام قنيف بتاع الحزم التقنية

وفي انتظار اخبار التيار




أما من الناحية الاقتصادية فليس مشـرومكم هـذا بأفضل من تصدير الصمغ الغربي ,
والكركدي ولا أقل تكلفة ولا اطول عمـرا , ناهيك
السـمسـم , الفول السـوداني ............... الخ ولا بأفضل عائد من القمح او الذرة


وفي جميع الأحوال ليس الأولوية الآن للتبشـير بتوطين المشـروم

من فوائد المشـروم انه ليس فيه كلسـترول

اها يا زراعيين و ناس التغذية

هل يوجد كلسـترول في اي نبات آخــر