وأولاً ننادي بفك اسر المعتقلين السودانيين نساء ورجالاً وأطفالاً (كما قد بلغنا أن الأطفال أيضاً يعتقلون في بلادي)
Post: #23 Title: Re: غلفا .. وشايلا موسها تطهر Author: وليد محمد المبارك Date: 07-17-2012, 11:17 AM Parent: #7
مرحب عاصم
المثل مثل سوداني شائع ومفهوم ومعبر لا فيه اساءة ولا تنابذ
تحياتي
Post: #8 Title: Re: غلفا .. وشايلا موسها تطهر Author: دينا خالد Date: 07-17-2012, 06:43 AM Parent: #3
Quote: ياخ فكوهن بصلوا بيوتهن ملح
بل سيصلن الى بيوتهن من حر مالهن يا وليد .... المافى شنو ؟
وانت قايل المصرية خلتو ؟ ولا نفع فيها ؟ فى اول تصريح قالت ان مرسى اب ويخاف على ابناءه ! شفت المطاعنة دى كيف ؟
ــــــــــــــــــــــــــــــ ودا الفرق بين ان يكون عندك رئيس منتخب ورئيس وصل السلطة جربندية ساى ! ليكن الله يا بناتنا
Post: #27 Title: Re: غلفا .. وشايلا موسها تطهر Author: وليد محمد المبارك Date: 07-17-2012, 11:29 AM Parent: #8
مرحب دينا صحبتي
Quote: وانت قايل المصرية خلتو ؟ ولا نفع فيها ؟ فى اول تصريح قالت ان مرسى اب ويخاف على ابناءه ! شفت المطاعنة دى كيف ؟
بصراحة انا لا اضمن مواقف المصريين ولا اثق فيهم ناس مصلجيه وناكري جميل يلعبون لصالح اوراقهم فقط ومن اجل ذلك يفعلون اي شي ... ثم يتنكرون لكل جميل مع اول ملف
هسع عليك المطاعنه بتاعت السيد الناشطة دي مطاعنه حقت زول محترم هو الناس دي بتبقا نشطاء ساي كده !!!
_________________ يا دينا رئيس منتخب او غير منتخب الطاغية هو الطاغية هتلر ده ما جابتو صناديق الاقتراع وغيره كثيرين ما يفعل في الصين الان يوازي ما يفعل في دارفور .. لكن البقدر يقوم بغم منو وكذلك روسيا ناس الامارات وناس قطر ديل جو بياتو صندوق ؟ ما ياهم ديل شايلين مواطنيهم على كفوف الراحة نعم للدمقراطية حسنات وهي تشكل خط امان وضامن لكنها ليست كل الضمانات وما هي الحل السحري لطغيان الانسان عاوزه مساعدات تانية يا صحبتنا
Post: #10 Title: Re: غلفا .. وشايلا موسها تطهر Author: عبداللطيف خليل محمد على Date: 07-17-2012, 06:43 AM Parent: #3
طيب .. بعد أن نشاطرك الوجعة يا ولي ..
هنا ( الغلفنة )* وين ؟
* اللهم الا اذا كانت على وزن ( دغمسة) !!
Post: #11 Title: Re: غلفا .. وشايلا موسها تطهر Author: دينا خالد Date: 07-17-2012, 06:51 AM Parent: #10
عشان كدا لازم نقيف شوية قبل ما ندخل معاهم في الخوض
Post: #17 Title: Re: غلفاء ووو Author: أبو ساندرا Date: 07-17-2012, 09:19 AM Parent: #16
فى اول تصريح قالت ان مرسى اب ويخاف على ابناءه ! شفت المطاعنة دى كيف ؟ ----------------------------------------------------------
فرق ضخم ، وتأملي الإتنين مفروض يكونو أولاد كار واحد الشاهد ان هناك غختلاف كبير بين حركات الإسلام السياسي في مصر و تونس وبتوعنا المالامين في إسلام ولا لافقين مع إنسانية
اللهم غايتو إلا القرضاوي ، البيشبههم
Post: #18 Title: Re: غلفاء ووو Author: Omar Bob Date: 07-17-2012, 10:08 AM Parent: #17
Quote: فرق ضخم ، وتأملي الإتنين مفروض يكونو أولاد كار واحد
يا ابو ساندرا ياخ انت بره الشبكه المطاعنه المقصوده هنا انو رئيسنا بلا ذريه ولا علاقه له بالكار السياسي الذي يجمعه بمرسي
Post: #40 Title: Re: غلفاء ووو Author: وليد محمد المبارك Date: 07-18-2012, 06:11 AM Parent: #19
مرحب ياسر مصطفى
Post: #38 Title: Re: غلفاء ووو Author: وليد محمد المبارك Date: 07-18-2012, 06:04 AM Parent: #18
...
Post: #39 Title: Re: غلفاء ووو Author: وليد محمد المبارك Date: 07-18-2012, 06:07 AM Parent: #18
كيفك يا بوب
Post: #37 Title: Re: غلفاء ووو Author: وليد محمد المبارك Date: 07-18-2012, 05:52 AM Parent: #17
مرحب ابو ساندرا
اسعدنا مرورك
Post: #36 Title: Re: غلفاء ووو Author: وليد محمد المبارك Date: 07-18-2012, 05:11 AM Parent: #15
عصام يا صاحب
الاعتقال في حد روحو شين
كيفك ياخ ؟
Post: #34 Title: Re: غلفاء ووو Author: وليد محمد المبارك Date: 07-17-2012, 11:51 AM Parent: #14
Quote: يا وليد يمكن الريس ما عارف انه في ناس معتقلين ؟! كل شئ وارد ...
معقولة واين هو عمر بن البشير من عمر بين الخطاب حين قال
لو عترت بغله في العراق
!!!!!!!!!!!!!!!!!!!!!!!
كدي وريني يالعوض ممكن يكون عند الرئيس شنو اه من حريت نساء السودان يعني هو حاكم السودان لي شنو ؟ وكت ما ععارف انو نسوانو معتقلات
وفكى المصرية دي كيف .. وهي قبضوها ليه وعشان شنو ؟ ده كله الرئيس ما عارفو !!!!!
تبقى مصيبة
تحياتي
Post: #32 Title: Re: غلفا .. وشايلا موسها تطهر Author: وليد محمد المبارك Date: 07-17-2012, 11:41 AM Parent: #13
مرحب البشير
فعلا الوجع راقد
تحياتي
Post: #31 Title: Re: غلفا .. وشايلا موسها تطهر Author: وليد محمد المبارك Date: 07-17-2012, 11:36 AM Parent: #10
مرحب عبد اللطيف
الغلفنة في سجن النساء السودانيات والهور في اطلاق سراح شيماء غير السودانية
مع انو الاولانيات الموضوع بخصن ومنكوين بيه والثانية غير ذلك
فمن هو اولى باطلاق سراحه ؟
مرحب
Post: #22 Title: Re: غلفا .. وشايلا موسها تطهر Author: وليد محمد المبارك Date: 07-17-2012, 11:14 AM Parent: #3
مرحب بدر الدين وحبابك الف
Post: #20 Title: Re: غلفا .. وشايلا موسها تطهر Author: Dr Salah Al Bander Date: 07-17-2012, 10:36 AM Parent: #1
يا شيخ وليد حاولت ابلع حكاية ارجل من جلدها لأنو التعبير يحمل نبرة أفضلية الرجل عن المراة في مقامها.... والحمد لله هي الان خارج قبضة الجلاد ... لكن حكاية غلفا دي أنا ما قدرت أبتلعها لان المثل من حيث تحتسب يؤمن على اهمية الختان وهو فعل اقبح مما تتصور يا اخي الكريم دبل الاكشن بتاعك دا مهين للمرأة وللرجال قبل ان يكون مهينا لأعلام الانقاذ ......
خليك حريص .... خليك سوداني
Post: #21 Title: Re: غلفا .. وشايلا موسها تطهر Author: وليد محمد المبارك Date: 07-17-2012, 11:14 AM Parent: #20
نستاذن الاحباب الفوق نرد على الاستاذ البندر مرحب استاذ صلاح البندر
لا افضلية للرجل على المراة او العكس وضد الختان
هذا هو موقفي الشخصي
ارجل من جلادها رسالة الى جلادها بما يفهمه ويغيظه غلفا وشايلا موسى تطهر رسالة الى المعنين وتغيظهم
المثل مثل سوداني شائع ومفهوم ومعبر لا فيه اساءة ولا تنابذ
تحياتي
يبدو أن ردك يا وليد كان بعد فترة طويلة من إنزالي لردي على البوست
لأني كنت أراجع البوست بمجرد وجود مداخلة جديدة منك
على العموم ولا يهمك
هو المثل بينطبق بس دايماً الواحد بيحاول يتجنب الأمثال البيكون فيها تضارب في الرؤى
Post: #28 Title: Re: غلفا .. وشايلا موسها تطهر Author: احمد محمد بشير Date: 07-17-2012, 11:31 AM Parent: #26
بالله شوف الظلمة ديييييل تفكوا المصرية و تعتقلوا بناتنا !!!!!!!!!!!!!
Post: #42 Title: Re: غلفا .. وشايلا موسها تطهر Author: وليد محمد المبارك Date: 07-18-2012, 06:15 AM Parent: #28
Quote: تفكوا المصرية و تعتقلوا بناتنا !!!!!!!!!!!!!
شفت الهملة ؟
Post: #29 Title: Re: غلفا .. وشايلا موسها تطهر Author: وليد محمد المبارك Date: 07-17-2012, 11:34 AM Parent: #26
ابدا يا عاصم انا اساسا ما رديت على اي زول اول زول رديت عليه كان صلاح البندر لاسباب خاصة وده كان بعد استئذان كل من كتب مداخلة قبله ثم بعد ذلك اصبحت ارد على المداخلات بالترتيب
تطلق سراح شيما التي تدخلت في امر داخلي ويستمر اعتقال سيدات الوجعة النساء السودانيات من ثرن لامر يخصهن
تسلم يا وليد
Post: #45 Title: Re: غلفا .. وشايلا موسها تطهر Author: وليد محمد المبارك Date: 07-18-2012, 06:31 AM Parent: #41
تسلم مكي
Post: #44 Title: Re: غلفا .. وشايلا موسها تطهر Author: وليد محمد المبارك Date: 07-18-2012, 06:26 AM Parent: #33
المشكلة يا قيقا الكلام ده للمصرين
والمصريين لا يحفظون جميلا
Post: #46 Title: Re: غلفا .. وشايلا موسها تطهر Author: إسماعيل حسن Date: 07-18-2012, 08:33 AM Parent: #44
سلام عليك يا وليد وزوارك من يهن يسهل الهوان عليه, اصبحنا هينين وهوينين لاننا سمحنا لحكومة يقودها كذاب وعدد معتبر من المنافقين واللصوص بحكمنا (23سنة) ... فماذ نتوقع ممن كانت هذه صفاتهم... من كانت فيه اية واحدة من ايات النفاق فلا امل يرجى منه . حكاية احترام الناس وإطلاق الحريات وسيادة القانون وووو دي حاجات يمكن ان تطلب من حكومة محترمة جاءت للسطلة بقناعةالشعب واختياره الحر مش زي حكومة البشير المتخمة بكل افاق وفاجر ولص ... شيماء عادل فرصة جاءتهم على طبق من ذهب فاسثمروها مع اخوان مصر ... حرائرنا المعتقلات وكل المعتقلين لا نصير لهن/ لهم الا وقفة قوية لتنظيم انفسنا لاقتلاع هذه الطغمة ومحاسبتهم جميعا على كل ما اغترفوا من جرائم : سرقة اموال البلاد والعباد .. اهانة الشعب السوداني بصورة لم تحدث حتى في عهد الاستعمار... بالله يا وليد في اهانة اكتر من كلام شيماء الصحفية دي :( الدكتور محمد مرسي بيفتكر انو كرامة المصريين دي خط احمر)...يعني مجرد اعتقالها فيه اهانة لكرامتها فكيف بمن يعتقل ويساء اليه اساءة لا توصف ومازال رهن الاعتقال من النساء والرجال والشباب ... والله من يهن يسهل الهوان عليه
Post: #48 Title: Re: غلفا .. وشايلا موسها تطهر Author: وليد محمد المبارك Date: 07-18-2012, 11:47 AM Parent: #46
مرحب اسماعيل حسن
Quote: ( الدكتور محمد مرسي بيفتكر انو كرامة المصريين دي خط احمر)
والله فعلا اهانة فكرامة السودانين شارع مفتوح على الاتجاهين
لو اقتنعت معاي انو الحكومة دي ما وطنية. وربما هي أقرب لحكومة تنوب محتلاً مصرياً في إدارة البلد. كنت حتعيد صياغة فهمك لحاجات كتيرة حاصلة في البلد وكان بقت ليك واضحة.
اها إنتَ تدعو لختان الإناث يا رجل ؟ :) متى سندعو لمحاربة العادات الضارة والدخيلة ؟
Post: #49 Title: Re: غلفا .. وشايلا موسها تطهر Author: وليد محمد المبارك Date: 07-18-2012, 11:55 AM Parent: #47
يا هاني
انا احارب ختان الاناث فعلا وليس كتابة في المنبر ثلاث بنات جميلات اليت على نفسي ان اسلمهن الى ازواجهن كما خلقهن ربهن وانا حاميهن مخط دفاعهن ضد معتقد اقرب النساء اليهن
Quote: انا احارب ختان الاناث فعلا وليس كتابة في المنبر ثلاث بنات جميلات اليت على نفسي ان اسلمهن الى ازواجهن كما خلقهن ربهن وانا حاميهن مخط دفاعهن ضد معتقد اقرب النساء اليهن
Post: #53 Title: Re: غلفا .. وشايلا موسها تطهر Author: وليد محمد المبارك Date: 07-19-2012, 08:38 AM Parent: #50
Quote: انا احارب ختان الاناث فعلا وليس كتابة في المنبر ثلاث بنات جميلات اليت على نفسي ان اسلمهن الى ازواجهن كما خلقهن ربهن وانا حاميهن مخط دفاعهن ضد معتقد اقرب النساء اليهن
وليد يازولآ نجيض,
يسلمو ليك, وتسلم ليهن...
ياأخى الشباب المكربين الزيكم ديل المفروض هم يكونو أصحاب الحق فى علو الصوت , وسيكون لكم فى هذا الوطن موضع قدم ...
تعرف يا وليد انا شفت بوستك ده وفي الاول كنت عايز اعمل مداخلة بخصوص موضوع الختان ده بعدين قلت ممكن يحرف البوست لانو الموضوع بتاع البوست ماعندي جديد اقولو فيهو
لكن كلامك ده
Quote: انا احارب ختان الاناث فعلا وليس كتابة في المنبر ثلاث بنات جميلات اليت على نفسي ان اسلمهن الى ازواجهن كما خلقهن ربهن وانا حاميهن مخط دفاعهن ضد معتقد اقرب النساء اليهن
خلاني اخش
ايام كنا اطباء امتياز في مدينة الابيض الجميلة كنا بنعمل ندوات تثقيفية ومن ضمنها عن الخفاض الفرعوني كنا محتاجبن لناس يقولو زي كلامك القوي الانت قلتو ده والله ما لقينا زول يقولو
مليون ترليون لايك يا وليد وربنا يحفظ ليك زهراتك ديل
Post: #55 Title: Re: غلفا .. وشايلا موسها تطهر Author: وليد محمد المبارك Date: 07-19-2012, 08:50 AM Parent: #52
مرحب جمال الباقر هذا موضوع مبدئي عندي لا مجال فيه لاي رائي اخر هؤلاء بناتي وانا المسئول عنهن .. ادير شئون منزلي بدمغراطية الا في هذا الامر كنت فيه دكتاتورا وغلبت رائي الاوحد على رائي المجموعة
لا اذكر اني اختلفت مع والدتي خلاف جزريا ورفضع الخضوع لرائيها حتى غضبت مني الا في هذا الامر
ولا اذكر اني لوحت لزوجتي المصون بكرت الطلاق .. الا لانها فتحت موضوع الطهور ده وعندما اختلفنا قالت لي مازحة : ساتركك تذهب الى العمل وسافل ما يجب فعله
فقلت ليها عند إذن ساطلقك لا محالة
وكانت مشكلة ايضا بيني وبيننها فترة من الزمن وحردي وزعل
هذا امر محسوم غير قابل للنقاش .. حتى لا يزايد علينا المزايدون
Post: #54 Title: Re: غلفا .. وشايلا موسها تطهر Author: وليد محمد المبارك Date: 07-19-2012, 08:43 AM Parent: #51
