Post: #1
Title: وزير التجارة يبلع قراره بفك استيراد العربات نااااااشف !!!
Author: العوض المسلمي
Date: 07-16-2012, 08:50 PM
بعد ان عقد موتمر صحفي ظهر اليوم وقرر فيه فك حظر استيراد العربات المستعملة ، لياتي قرار من الرئيس البشير بالاستمرار في حظر استيراد العربات المستعملة !!
وقد حذف تلفزيون السودان الشريط الاخباري الذي بثه بمناسبة فك الحظر !!!
يا حبايبنا بلع بمستوي وزير :)
|
Post: #2
Title: Re: وزير التجارة يبلع قراره بفك استيراد العربات نااااااشف !!!
Author: جمال المنصوري
Date: 07-16-2012, 08:55 PM
Parent: #1
الأخ الكريم / العوض المسلمي
تحية طيبة
وزير التجارة ده مش هو )عثمان عمر الشريف ةلا ةاحدا تاني؟
سلامي الغذير
|
Post: #3
Title: Re: وزير التجارة يبلع قراره بفك استيراد العربات نااااااشف !!!
Author: بشير حسـن بشـير
Date: 07-16-2012, 09:08 PM
Parent: #2
ده كلام شنو ده يا العوض اخوى
بعد ان استبشرنا خير
القرار لم تمض عليه ساعات. ....... عجبى
.
.
|
Post: #4
Title: Re: وزير التجارة يبلع قراره بفك استيراد العربات نااااااشف !!!
Author: بشير حسـن بشـير
Date: 07-16-2012, 09:09 PM
Parent: #2
حذف للتكرار
.
.
|
Post: #5
Title: Re: وزير التجارة يبلع قراره بفك استيراد العربات نااااااشف !!!
Author: المكاشفي الخضر الطاهر
Date: 07-16-2012, 09:17 PM
Parent: #4
انا لو محل الوزير استقيل طوالي
|
Post: #8
Title: Re: وزير التجارة يبلع قراره بفك استيراد العربات نااااااشف !!!
Author: عمر مصطفى مضوي
Date: 07-16-2012, 09:27 PM
Parent: #5
العوض المسلمي / سلامات ،،
ويسعد مساك يارب
كنت ماشي مشوار وبسمع في المؤتنر الصحفي لوزير التجارة وعلى طول فكرت في موضوع سيارة ،،،
خلصت المشوار وا جائي راجع منتهي على قول الدوش سمعت إنو الرئيس وجه باستمرار الحظر على طول لغيت فكرة السيارة ،،
ياخي دي دولة والله العظيم مضحكة حد الاسف والوجع ،،،
لاحول ولاقوة إلا بالله العلي العظيم ،،،
تحياتي ،،،
|
Post: #6
Title: Re: وزير التجارة يبلع قراره بفك استيراد العربات نااااااشف !!!
Author: البحيراوي
Date: 07-16-2012, 09:18 PM
Parent: #4
الأخ العوض المسلمي
تحياتي - بالله الواحد ما يتنفس ولا شنو - يعني ما بين الشهقة والتانية يطلع قرار ويتلغي !!
البلد دي أمرها إنتهى تب ياالعوض !! يا زول إت بتهظر ولا كلامك دا صاح ؟
بحيراوي
|
Post: #7
Title: Re: وزير التجارة يبلع قراره بفك استيراد العربات نااااااشف !!!
Author: ABDELMAGID ABDELMAGID
Date: 07-16-2012, 09:24 PM
Parent: #6
| Quote: وزير التجارة ده مش هو ! عثمان عمر الشريف ةلا ةاحدا تاني؟ |
|
Post: #9
Title: Re: وزير التجارة يبلع قراره بفك استيراد العربات نااااااشف !!!
Author: محمد المسلمي
Date: 07-17-2012, 02:49 AM
Parent: #7
ياحاج الزول ده لحسوه القرار بسرعة
وين بركات حفيد الختم. الاستقالة بس
|
Post: #10
Title: Re: وزير التجارة يبلع قراره بفك استيراد العربات نااااااشف !!!
Author: الحاج حمد الحاج
Date: 07-17-2012, 06:06 AM
Parent: #9
عااارفو ما ح يستقيل!!
|
Post: #11
Title: Re: وزير التجارة يبلع قراره بفك استيراد العربات نااااااشف !!!
Author: هشام المجمر
Date: 07-17-2012, 06:12 AM
Parent: #10
و شنو الدخل رئيس الجمهورية فى مثل هذا القرار؟
ده قرار فنى يخص وزارة التجارة و اصداره ضمن صلاحيات الوزير وليس قرار سيادى يتدخل فيه رئيس الجمهورية بهذه الصورة المحرجة!!!!
البلد فعلا اصبح فوضى
|
Post: #12
Title: Re: وزير التجارة يبلع قراره بفك استيراد العربات نااااااشف !!!
Author: Asim Fageary
Date: 07-17-2012, 06:14 AM
Parent: #10
يا العوض أنا طيب ما إتمقلبت
أنا مما سمعت القرار
كان في عربية (سيارة على قول أهلنا الخليجيين) موديل 2010 ونضيفة
طوالي رفعت سلك وجابوها لي قدام البيت
أها دي أوديها وين ؟
عاوز شهود على القرار عشان أرفع عريضة تظلم من قرار جائر
ويدخلوها لي إستثنائي
إملائي
|
Post: #13
Title: Re: وزير التجارة يبلع قراره بفك استيراد العربات نااااااشف !!!
Author: احمد العربي
Date: 07-17-2012, 06:21 AM
Parent: #12
|
Post: #14
Title: Re: وزير التجارة يبلع قراره بفك استيراد العربات نااااااشف !!!
Author: احمد محمد احمد عتيق
Date: 07-17-2012, 06:57 AM
Parent: #13
Quote: و شنو الدخل رئيس الجمهورية فى مثل هذا القرار؟
ده قرار فنى يخص وزارة التجارة و اصداره ضمن صلاحيات الوزير وليس قرار سيادى يتدخل فيه رئيس الجمهورية بهذه الصورة المحرجة!!!!
البلد فعلا اصبح فوضى |
الفوضى ضاربة البلد من فوق لي تحت ...هي بقت على القرار دة ..
مع تحياتي هشام ..
|
Post: #16
Title: Re: وزير التجارة يبلع قراره بفك استيراد العربات نااااااشف !!!
Author: الفاتح شلبي
Date: 07-17-2012, 07:18 AM
Parent: #14
بصراحة لست مستغرباً من تدخل الرئيس وإلغائه لقرار الوزير ... إنتو نسيتو الفرق ما بين الديمقراطية والديكتاتورية ؟
بلد بكامل عدته فى يد شخص ... بتتوقعوا شنو ؟ أن ينصفكم ؟
|
Post: #15
Title: Re: وزير التجارة يبلع قراره بفك استيراد العربات نااااااشف !!!
Author: ابوحراز
Date: 07-17-2012, 07:17 AM
Parent: #13
حدثت لقطات كثيرة من هذه الكاميرا الخفية أكثر من مرة
لكن نحن مشكلتنا لم نستفد ابداً من قصة { محمود الكذاب }
والتي ربما درسناها جميعاً بما فينا الرئيس ووزير التجارة
اي قرار غير موثوق فيه
والله مرات تتفاجأ بناس الجمارك يقولوا ليك الجاب القرار خليهو يجي يطلع ليك سيارتك
تخبط وعشوائية في جميع القرارات
ليس على مستوى السيارات والأشياء الصغيرة
بل حتى على مستوى الأمن القومي للوطن
غدا ستسمع فك حظر السيارات
واعادة البكاسي موديل 81 للإستيراد مرة أخرى
وغدا ستسمع بدء ضخ النفط عبر انابيب السودان
وستسمع اشياء كثيرة
وستلغى قبل أن يجف المداد الذي كتبت به
وهذا التخبط في قراراتنا وعدم دراستها من الجهات المختصة هو الذي يجعل الاقتصاد يترنح ويذهب لغرفة الانعاش
لايمكن أن ينجح التخطيط سواء على مستوى الدولة
او على مستوى الفرد مالم يجد ارضية صادقة وقوية يضع عليها قواعده وأسسه
المدارس تفتح بعد اسبوع
ويقطع بعضهم التذاكر ويخسر الكثير
وحينما يذهب يجدها قد تأجلت
ياتيك أكبر مسئول في التلفزيون ويصرح بان المدارس في مواعيدها
والجماعة يحضروا البكلات واشياء التسريح
وكل أم زهجانة تجلد بتها لحد ما تأمن عشان ماوقفت للتسريح
فجأة بقدرة قادر تصحى من النوم
وتجد المدارس اتأجلت
والأدهى تنوم مع مرتك في سرير واحد
تصحى من النوم تلقاها في محافظة
وانت في محافظة
دا كان الله لطف وما لقيتها في ولاية
وانت في ولاية تانية !!!
طبعا من أمس ونحن مانمنا لحد الصباح
عندنا هونداي موديل 2006
طوالي اتصلنا على { ست النفر } عندها شوية { دهبات } قلنا تبيعهن ونتم عليها ونشتري 2010
طبعا المرأة السودانية تديك رقبتها تقطعها ولاتشيل منها الدهب
المهم توصلنا في النهاية انها تبيع ونشتري السيارة
ونرجع ليها حقها بعد نبيع السيارة في السودان للمقتدرين على الجمارك
وعدتني اليوم تمشي سوق الحصاحيصا وتقضي على اليابس والأخضر
لكن يبدو اننا سنقف هنا
|
Post: #17
Title: Re: وزير التجارة يبلع قراره بفك استيراد العربات نااااااشف !!!
Author: عثمان رضوان
Date: 07-17-2012, 07:39 AM
Parent: #15
الأخ العوض
تحياتي
لو تم تطبيق القرار سيكون مردوده على الموازنة إيجابياً لحد بعيد.
ولو تم فعلاً إلغاؤه بواسطة رئيس الجمهورية، أعتقد أن هناك (جهاتٍ ما )
يتضارب قرار وزير التجارة مع مصالحهـا.. ولا تهمها المصـلحة العامة،
ولا مصلحة ( الناس العاديين).
|
Post: #18
Title: Re: وزير التجارة يبلع قراره بفك استيراد العربات نااااااشف !!!
Author: Elawad Eltayeb
Date: 07-17-2012, 07:48 AM
Parent: #15
يا جماعة تلقو الصراع ده صراع (كوتات)
وهسه لو رسلتو زول للميناء وحراجات العربات في الخليج بجيب ليكم الأكيدة.
الكيزان هم أسوأ من سوء الظن.
|
Post: #19
Title: Re: وزير التجارة يبلع قراره بفك استيراد العربات نااااااشف !!!
Author: الامين موسى البشاري
Date: 07-17-2012, 07:57 AM
Parent: #18
| Quote: وزير التجارة يبلع قراره بفك استيراد العربات نااااااشف !!! |
كامل التضامن مع محمد المسلمي
قصــدي مع الوزير ياخ
ولا أقول ليك يا شيخ العوض مع الاثنين
الوزير ومحمد المسلمي
__
سلام
|
Post: #20
Title: Re: وزير التجارة يبلع قراره بفك استيراد العربات نااااااشف !!!
Author: Asim Fageary
Date: 07-17-2012, 07:57 AM
Parent: #18
| Quote: يا جماعة تلقو الصراع ده صراع (كوتات) |
يا العوض طالما إستهليت مداخلتك بعبارة (الصراع)
معناها إنت شيوعي
؟؟
_______________
دا كان أسلوب الأمن في أيام نميري في تبريرات القبض على المعتقلين
|
Post: #22
Title: Re: وزير التجارة يبلع قراره بفك استيراد العربات نااااااشف !!!
Author: فايزودالقاضي
Date: 07-17-2012, 08:03 AM
Parent: #20
| Quote: طوالي رفعت سلك وجابوها لي قدام البيت |
العربية ولا قروشها ؟!!
ياشيخ العوض الرباطي السيد مالو مافتح بوست عن الموضوع ده ؟!!
|
Post: #21
Title: Re: وزير التجارة يبلع قراره بفك استيراد العربات نااااااشف !!!
Author: Hani Arabi Mohamed
Date: 07-17-2012, 08:00 AM
Parent: #1
مسرحية الزعيم لعادل إمام هي خير معبّر عن ما يحدث ...
تتذكرو المشاهد اللي ظهروا فيها الوزراء في المسرحية ؟
http://www.youtube.com/watch?v=Qfhukqec8SI
|
Post: #23
Title: Re: وزير التجارة يبلع قراره بفك استيراد العربات نااااااشف !!!
Author: ناذر محمد الخليفة
Date: 07-17-2012, 08:49 AM
Parent: #21
!!!
Quote: أها دي أوديها وين ؟
|
الزول دا جاوبوهو يا جماعة ..!!
|
Post: #24
Title: Re: وزير التجارة يبلع قراره بفك استيراد العربات نااااااشف !!!
Author: Asim Fageary
Date: 07-17-2012, 08:52 AM
Parent: #23
Quote: العربية ولا قروشها ؟!!
ياشيخ العوض الرباطي السيد مالو مافتح بوست عن الموضوع ده ؟!! |
العربية يا شفت
لأنو الراجل بيربطوه من لسانه
ونحنا إتفقنا وكان ما دفعنا حندفع
|
Post: #25
Title: Re: وزير التجارة يبلع قراره بفك استيراد العربات نااااااشف !!!
Author: Asim Fageary
Date: 07-17-2012, 08:53 AM
Parent: #24
| Quote: الزول دا جاوبوهو يا جماعة ..!! |
يا ناذر
لو ما جاوبوا وإتضامنوا معناها شمتانين
مقلب وشربناهو
|
Post: #26
Title: Re: وزير التجارة يبلع قراره بفك استيراد العربات نااااااشف !!!
Author: الشامي الحبر عبدالوهاب
Date: 07-17-2012, 09:08 AM
Parent: #25
يا حاج العوض سلام
القرار وبلعو
صراع بين وزير التجارة ووزير المالية
|
Post: #27
Title: Re: وزير التجارة يبلع قراره بفك استيراد العربات نااااااشف !!!
Author: البحيراوي
Date: 07-17-2012, 09:23 AM
Parent: #26
هل يجهل وزير التجارة القانوني الكبير قوانين ولوائح العمل التي تحكم عمل وزارته أم أن الصراع ليس بصراع قوانين ولوائح وإنما مصالح وكوتات كما جاء في مداخلة لأحد الزملاء بالمنبر ؟؟
بالله لو الواحد بمجرد سماع الخبر إتصل على مرود سيارات قديم وطوالي جرى الإتفاق وبضغطة زر على الكمبيوتر قام صاحبنا بتحويل مبلغ وقدره $ 30.000 دولار كعربون لصديقه في كوريا مثلاً ! كيف العمل بعد داك ؟
بحيراوي
Quote: البشير يوجه باستمرار حظر استيراد السيارات المستعملة
مسؤول: قرار رفع الحظر عن استيراد السيارات من اختصاص مجلس الوزراء
الخرطوم : اشراقة الحلو : اعلنت وزارة التجارة عن رفع الحظر عن قائمة السلع السالبة(11 سلعة) بما فيها السيارات المستعملة والاثاثات،على ان تحدد الوزارة الموديلات التي يسمح لها بالدخول. الا أن الرئيس عمر البشير وجه في وقت لاحق باستمرار قرار حظر استيراد السيارات المستعملة من خارج السودان الذي سبق أن أصدره،وقال مسؤول مطلع لـ«الصحافة» إن قرار رفع الحظر عن استيراد السيارات المستعملة ليس من سلطات وزارة التجارة انما من اختصاصات مجلس الوزراء .
وقال الوزير عثمان عمر الشريف خلال مؤتمر صحفي عقده امس، انه من حق اي مواطن استيراد اية سلعة على ان تخضع للسياسة الكلية للوزارة التي تحدد الكميات، رابطا القرار بالدخول في التزامات دولية و ظروف انفصال الجنوب وشح العملة الامر الذي دعا الحكومة لان تواجه الظروف الحالية بإجراءات جديدة ، وعبر عن اتجاه وزارته لاعداد قوائم باسعار السلع عبر شاشات بلازما في كل مدن السودان، واكد انه يتم استيراد القمح بسعر 2.7 جنيه ، مبينا ان فرق سعر الدولار الجمركي تدفعه وزارة المالية للجهات المستوردة ،قائلا ان القمح لا يخضع لاية ضرائب او جمارك .
وبرر وضع موازين لوزن الخبز برغبتهم في تبرئة ساحة اصحاب المخابز وخلق ثقة بينهم وبين المواطن ،وعبر عن جديتهم في احداث مراقبة حقيقية للخبز ليكون بالوزن والسعر الحقيقي ،واشار الى اجتماعهم مع اصحاب المخابز عبر اتحاداتهم لسماع وجهة نظرهم ،وقال ان وزارته مع العدل والتكلفة الحقيقية، وكشف عن اتجاه لشكيل لجنة عليا تضم كل الاطراف المعنية تلتزم برأي المواصفات، مشيرا لتسعير الدقيق حيث تتراوح اسعاره بين 117-105جنيها. واعتبر الشريف اي اجراء لحركة السلع والخدمات لايبدأ من وزارة التجارة باطلاً وتستطيع الوزارة ان تلغيه ،وقال لن نسمح بزيادة سعر اية سلعة خلال شهر رمضان، مشيرا لوجود غرفة عمليات تعمل على مدار 24 ساعة، وهدد بمعاقبة كل من يخالف القانون عبر اجهزة الشرطة ونيابة حماية المستهلك، ذاكرا ان القانون يطبق على الكل وليس بالمزاج.
وكشف الوزير عن ترتيبات لانشاء منطقة حرة جديدة بين نيالا و تشاد وافريقيا الوسطى في مساحة تبلغ حوالي 200 الف فدان ،وذكر انه تم تكوين مجلس اعلى للتعاون لدراسة المشروعات المقدمة وربطه بالتمويل الاصغر ،وقال نتطلع لادخال نصف الشعب السوداني في الحركة التعاونية |
* جريدة الصحافة ليوم الثلاثاء الموافق 17/7/2012
|
|