لا توجد أي مظاهرات في الخرطوم (فيديو)

لا توجد اي مواجهات بين الشرطة والمتظاهرين ديل جماعة محدودة تعد بأصابع اليد الواحدة

يا جماعة عليكم الله دي مظاهرة دي ؟؟؟

الوضع مطمئن جدا ولا توجد اي تجمعات من الطلاب وكل الطلاب الأثارو هذه البلبلة تم اعتقالهم ولا توجد اي مشاكل دي جماعة محدودة جدا والدراسة سوف تبدأ إن شاء الله بس يومين تلاتة





الشرطة تبسط سيطرتها على الوضع تماما

وشكرا لهؤلاء الاشاوس فقد ابلوا بلاءً حسن

وزي ما قال قنصل السودان في لندن الرشيد انا لو عارف دا موضوعكم كانما جيتكم يا ناس الفرنسية


الوضع مطمئن نطمئن الكل ان الامن مستتب ولا توجد اي احتجاجات ومسيرة السلام تمضي قدما الى الامام

والزيادات الاخيرة دي اتت من صالح المواطن كما ذكر الاخ المجاهد عبد الرحمن الخضر حفظه الله وان شاء الله سوف تقوم الاخت الفاضلة اميرة الفاضل بتوزيع فرحة رمضان على الاسر الفقيرة اي نعم تأخرت قليلا لكنها سوف توزع في الايام القليلة القادمة

والحمد لله لا توجد اي مظاهرات والماعاجبو كلامي دا يلحس كوعو

أنا الأربعة أسابيع الفاتت دي كنت حايم العاصمة المثلثة كلللها بي كراع كـ لـ ب....مافي أي مظاهرات!
دي كلها فيديوهات مفبركة بيعملوها في استديوهات تابعة لي دوائر صليبية وصهيونية وماسونية في هوليوود، وهي دوائر معروفة باستهدافها لدولة الإسلام في السودان التي يقوم على أمرها قادة المؤتمر الوطني الأطهار الما حرامية وما قاعدين يسرقوا أي حاجة.
هذه الدوائر، التي تتربص بدولة الشريعة في السودان، لا تفبرك مثل هذه الفيديوهات فحسب، بل تحسدنا أيضاً على متوسط دخل الفرد، الذي بلغ 2800 دولار!
يعني استهداف وتشوية وحسد أيضاً!

عادل على : دي كلها فيديو هات مفبركة ساكت

واقول ليك يا عادل اها شوف بعد يومين شوف جامعة الخرطوم حا تفتح ابوابها وحايجو الطلاب ينهلون من نبع العلم والوالي حايجيب ليهم بصات خاصة كما وعد يرحل الطلبة فقط نعم هو ربما يكون فيها مشكلة بتاعت ترخيص بس لانها طولت شوية لكن حا تجي هو موش الوالي وعد ان شاء الله حا تجي البصات دي بس انت يا عادل لوك الصبر واصبروا علينا شوية

بعدين الارزاق بيدي الله المفروض الناس تؤمن بالله وتخلي يقينا قويى موش ترمي اللوم في الحكومة


عادل اسي المتظاهرين ديل لو قلنا ليك احسبهم في اصابع يدك الواحدة ما بتحسبهم

انا عارفك بتحسبهم غايتو هم بيكونو يا خمسة يا اربعة لو غلطان ممكن تصححني يا عادل اسي ديل متظاهرين


قومو لفو كلكم

يا المكاشفي أنا كل يوم قاعد أجي ماشي بي قدام الجامعة، كليات السنتر...الشارع دا من أوله لحدي آخره ما قاعد ألقى فيهو "تجمعات" فيها أكتر من إتنين أو تلاتة أنفار واقفين....وآخر تلاتة أنفار شفتهم كانوا اتنين كبار ومعاهم طفل....يعني بالضبط 50% بس من اصابع اليد الواحدة بتاعت المتعاطي!!
أي نعم كانت في عربية شرطة، لكن كانت دورية عادية لمراقبة أجواء الأمن والأمان التي تسود العاصمة والبلاد من أقصاها إلى أقصاها...وحتى ما كانت دورية متحركة...كان فيها أربعة بواليس وكل واحد ماسك جريدة وبيقرأ فيها لأنهم عارفين إنه البلد آمنة...لا مظاهرات ضد النظام الرسالي ولا حتى المخالفات العادية، لأن معدل الجريمة اصبح صفراً، خصوصاً في ظل انتفاء دوافع الجريمة في مجتمع وصل متوسط دخل الفرد فيه 2800 دولار.
كلامك صاح بتاع المواصلات دا، وأنا لايييييك الصبر، وعارف الوالي لا بكضب ولا حرامي!
بعدين قصة الأرزاق دي طبعاً إنت عارف إنه الحكومة ما مفروض يلوموها...يعني الحكومة دي تتقطّع؟؟
يعني افرض ملايين الأسر في مختلف مدن السودان ما أكلت تلاتة أو أربعة يوم؟؟ ياخي دي ما كلها ابتلاءات، وفي النهاية الفقراء هم الذين يدخلون الجنة، ولكن أجوع الناس لا يعلمون؟

Quote: وزي ما قال قنصل السودان في لندن الرشيد انا لو عارف دا موضوعكم كانما جيتكم يا ناس الفرنسية

المكاشفي سلام وتحية وحمدلا علي السلامة.

اول شئ أحي موقفك الشجاع وإنحيازك جانب الشعب.

قنصل الكيزان في لندن إسمو محمد عكاشة .الرشيد دا الجابو معاه في الفرنسية للتنويه.

تشكر كتير.

والله يا المكاشفي أخوى ... وما طالبني حليفة
أنا مصدق إنفعالك وصدقك أكثر من غيرك
من الذين حاولوا أن ينتبهوا لأنفسهم آخيراً
ياخي قدر ما حاولت أقنع نفسي بأنك مستهبل كالآخرين .. لم إستطع

حاجة من إتنين :
١- إما فيك (شئ لله) كما يقولون .... أو
٢- صدق حروفك التي كنت تكتبها عندما كنت مؤيداً لهذا النظام تشي (بأنك لم تكن علي علم بخبايا هذا المشروع الإجرامي) .. والآن تيقنت بأنك كنت مؤيداً لنظام لا علاقة له بالإسلام الذى تحبه.

لكن أستطيع بأن أقول بأنني متأكد بأنك صادق في كل حالاتك

لك التحايا يا رجل
وأن تنتبه آخيراً خير من أن لا تنتبه أبداً .. خاصة وأنك من المتدينيين كما هو ظاهر من مساهماتك في هذا المنبر.

.

Quote: وزي ما قال قنصل السودان في لندن الرشيد انا لو عارف دا موضوعكم كانما جيتكم يا ناس الفرنسية الوضع مطمئن نطمئن الكل ان الامن مستتب ولا توجد اي احتجاجات ومسيرة السلام تمضي قدما الى الامام والزيادات الاخيرة دي اتت من صالح المواطن كما ذكر الاخ المجاهد عبد الرحمن الخضر حفظه الله وان شاء الله سوف تقوم الاخت الفاضلة اميرة الفاضل بتوزيع فرحة رمضان على الاسر الفقيرة اي نعم تأخرت قليلا لكنها سوف توزع في الايام القليلة القادمة والحمد لله لا توجد اي مظاهرات والماعاجبو كلامي دا يلحس كوعو

لُــحُــسُــتْ

شكرا لكل من مرة من هنا واستنكر انه لا توجد مظاهرات

وانه لا يجب على الحكومة ان تنظر الى امر المظاهرات بجدية شوية وتحتول ان تحل مشكلة المواطن لا نه لا توجد مشكلة اصلا لانه لا توجد مظاهرة