القيادي الشيوعي فاروق ابو عيسي معلقا علي مذبحة ودنوباوي (توجد وثيقة)

تحفة يا عمر ايها الصديق
والله انا في امس الحاجة لها
فتشت النت ما لقيت

يا حبذا لو تجيب لينا الخبر التاني كامل(استشهاد بعض قوات الامن)


يا بكري: ياخي مرة واااحدة في عمرك ارفع لينا حاجة فوووق

ياباشمهندس تحياتي

ودي لقيتها في النت في صفحة سائحون في الفيسبوك


لكن انشاء الله لو تيسر لي في الايام القادمة سوف اذهب الي دار الوثائق

ضروري بالله
عشان نكمل للشيوعيين ديل فهمهم

قال تحالف جوبا قال

Quote: قال تحالف جوبا قال

ويتوهم حزبه بان يكون قائدا للمعارضة !!!!!!!!!!!!

Quote: يا حبذا لو تجيب لينا الخبر التاني كامل(استشهاد بعض قوات الامن)

كم تاشر قناة فضائية سودانية ما جابت خبر زي ده؟
ولو حصل كان دقوا ليه مش جرس ساي ،، كان الرئيس زاتو رقص ليه...!!


كل يبحث عن شهيد
حتى من يقتل يبحث

وقوقل يقول لا شهيد


كسرة:
نخرتي مزكومة ما تضربني فيها......

الشايقي

http://www.youtube.com/watch?v=WjNosdjuv7s

فاوضني بلا زعل

[email protected]
http://alkatwah.com

.

Quote: يا بكري: ياخي مرة واااحدة في عمرك ارفع لينا حاجة فوووق.

Quote: كم تاشر قناة فضائية سودانية ما جابت خبر زي ده؟

يا الشايقي

سلام


وبلازعل كما تقول

يوم 20/3/1970

كان في فضائيات ؟؟؟؟؟؟؟؟؟؟؟؟؟؟؟؟؟؟؟؟؟؟

يا عمر صديق بعد ما تمشي دار الوثائق عليك الله تختف رجلك لحدي الصادق المهدي و مبارك الفاضل
قول ليهم الزول ده ليه سمن على عسل معاكم و ليه كنت بتشتغلوا معاهو ايام التجمع الوطني في القاهرة
ضد نظام الانقاذ البائد-باذن الله- و وريهم الصفحة دي من الجريدة يمكن يكونوا ما شافوها ؟؟
و بعدين برضك شوف معاك تاريخ ابوعيسى مع مايو و كيف انو تم فصله من عضوية الحزب الشيوعي على
خلفية مشاركته مع آخرين تيارا لحل الحزب و الذوبان في السلطة المايوية.
و برضو شوف انتقاده لنفسو و لموقفو من مايو بعد الانتفاضة و اعترافه بخطأ حساباتو آنذاك.
ثم أنو دي حاجات بتحصل في ارقى العائلات و وقتها لم يكن هناك عدالة دولية و لا محكمة جنائية و لا هم يحزنون
و ما كان الناس في اطار الصراع السياسي ببيدوا قرى باكملها و يقتلوا و يشردوا و يغتصبوا الملايين من الآمنين.

سلام سيد الدار

Quote: يا عمر صديق بعد ما تمشي دار الوثائق عليك الله تختف رجلك لحدي الصادق المهدي و مبارك الفاضل قول ليهم الزول ده ليه سمن على عسل معاكم و ليه كنت بتشتغلوا معاهو ايام التجمع الوطني في القاهرة ضد نظام الانقاذ البائد-باذن الله- و وريهم الصفحة دي من الجريدة يمكن يكونوا ما شافوها ؟؟ و بعدين برضك شوف معاك تاريخ ابوعيسى مع مايو و كيف انو تم فصله من عضوية الحزب الشيوعي على خلفية مشاركته مع آخرين تيارا لحل الحزب و الذوبان في السلطة المايوية. و برضو شوف انتقاده لنفسو و لموقفو من مايو بعد الانتفاضة و اعترافه بخطأ حساباتو آنذاك. ثم أنو دي حاجات بتحصل في ارقى العائلات و وقتها لم يكن هناك عدالة دولية و لا محكمة جنائية و لا هم يحزنون و ما كان الناس في اطار الصراع السياسي ببيدوا قرى باكملها و يقتلوا و يشردوا و يغتصبوا الملايين من الآمنين.

شكرا سيف النصر ....نقطة ...سطر ___________ جديد

ويابكرى ارفع البوست دا فق لوتكرمت

Quote: لينا

ايوة يا عادل
لينا
نحن الكيزان
عمرك شفتو رفع لينا حاجة؟
وكمان حاليا "فوق" فاضي
ياخي يكسب ليهو اجر

د. سيف ونجلاء
ما بتتصلح،sorry, too late

ما فهمتّ!!
يعني المطلوب الصادق يزعل
ويقلبا مع الشيوعي ابوعيسى ويفركشو الثورة والانقاذ تقعد؟

حالة تحنن والله.
ما علينا........الكتاحة مستمرة!!

Quote: ما فهمتّ!! يعني المطلوب الصادق يزعل ويقلبا مع الشيوعي ابوعيسى ويفركشو الثورة والانقاذ تقعد؟

تقول مافهمت وتسال وتجاوب!!!!!!!!!!!

فعلا حالة تحنن

ماعلينا

Quote: ويابكرى ارفع البوست دا فق لوتكرمت

شكرا للمناضلة نجلاء

Quote: يا عمر صديق بعد ما تمشي دار الوثائق عليك الله تختف رجلك لحدي الصادق المهدي و مبارك الفاضل قول ليهم الزول ده ليه سمن على عسل معاكم و ليه كنت بتشتغلوا معاهو ايام التجمع الوطني في القاهرة ضد نظام الانقاذ البائد-باذن الله- و وريهم الصفحة دي من الجريدة يمكن يكونوا ما شافوها ؟؟ و بعدين برضك شوف معاك تاريخ ابوعيسى مع مايو و كيف انو تم فصله من عضوية الحزب الشيوعي على خلفية مشاركته مع آخرين تيارا لحل الحزب و الذوبان في السلطة المايوية. و برضو شوف انتقاده لنفسو و لموقفو من مايو بعد الانتفاضة و اعترافه بخطأ حساباتو آنذاك. ثم أنو دي حاجات بتحصل في ارقى العائلات و وقتها لم يكن هناك عدالة دولية و لا محكمة جنائية و لا هم يحزنون و ما كان الناس في اطار الصراع السياسي ببيدوا قرى باكملها و يقتلوا و يشردوا و يغتصبوا الملايين من الآمنين.

خلاص ياسيف

برضو مشكلتكم مع الانقاذ انتهت لانو الترابي عمل نقد ذاتي ونقد للانقاذ


ومادام ابوعيسي بقي مؤهل للحديث عن الديمقراطية والبديل الديمقراطي


مافي سنا تضحك

Quote: ومادام ابوعيسي بقي مؤهل للحديث عن الديمقراطية والبديل الديمقراطي

يا عمر ياخي فكرة التطهر و التوبة دي مش فكرة اسلامية؟
مش ابوسفيان دخل الاسلام و ولده بقى اميرا للمؤمنين؟
ليه تاريخهم ما لاحقهم و منع المسلمين من قبولهم و افساح المجال امامهم لتقدم الصفوف و قيادة الدولة؟
فاروق ابوعيسى من خلال موقعه في قيادة اتحاد المحامين العرب لسنوات طويلة اثبت انو جدير بقيادة مسيرة الحريات
و الديمقراطية في السودان و في غير السودان.

Quote: يا عمر ياخي فكرة التطهر و التوبة دي مش فكرة اسلامية؟ مش ابوسفيان دخل الاسلام و ولده بقى اميرا للمؤمنين؟ ليه تاريخهم ما لاحقهم و منع المسلمين من قبولهم و افساح المجال امامهم لتقدم الصفوف و قيادة الدولة؟

سلام يا سيف

ولكن ابوعيسي لم يتظهر من شيوعيته التي تسببت في تلك المجازر


ولم يتركها ليعود الي افكار وموروثات الشعب السوداني التي الزعيم الراحل اسماعيل الازهري يتجعلت صدي لطردهم من البرلمان وحل حزبهم

رحم الله شهداء الأنصار وخصوصا أبناء ودنوباوي والتحية لانجالهم واحفادهم فهم دوما شوكة حوت في حلق الطغاه.
نعم ان في القلب لحزن ولكننا لا نحمل الحقد فسيد القوم لا يحقد .

Quote: رحم الله شهداء الأنصار وخصوصا أبناء ودنوباوي

ربنا يرحمهم جميعاً


على الجنب كده، والشهادة لله، عملية الانصار كانت عملية انتحارية ارهابية غبية، ولا الوم النميري او ابو عيسى للتصدي لها
انا عاصرتها وكان عمري حوالي 9 سنوات، وكنت اسكن في اشلاق الشمالي، والدي كان شرطي
بعد اعتصام الانصار، وصلت اوامر لمدير المركز "نسيت اسمه، وبقى فيما بعد مدير عام الشرطة" كان راجل واعي، الاوامر تطلب منه فض الاعتصام
المدير قدر الموضوع وعرف توابعه، ورفض ينفذ، تخيلوا تجيهوا اوامر من وزير الداخلية شخصياً ويرفضها، وقالها بصراحة انو الشرطة ليست لديها امكانات لمجابهة الاعتصام المسلح.
ما ورد في الخبر انهم مسلحين بي اسلحة بيضاء افتراء
المهم
الجيش ارسل كتيبة في عربة نقل كبيرة
بمجرد وقوفها تم ضربها ضرب عنيف، وتفجيرها بالكامل، استشهد فوراً 22 فرد
وتم الانسحاب، وجات قوة مدرعة قامت بحصار وضرب المسجد بقوة، وقامت قوات الشرطة بتطويق كل المنطقة لي حد كلية التربية وتفتيش كل البيوت حتى بيوت الاشلاق
---------
وسط الضرب ده كنا بنتلبد ونلم الرصاص الفاضي

انصار القتلة لا يملكون ادنى مسوق اخلاقى لادانة ابوعيسى الذى لم تكن مساهمته الا تعليق على الاحداث
هم عراة من اى فضيلة و يحاولون لبس لبوس الحق و الباطل يتسربلون به ظاهرا و باطنا
فقط اود ان اسالهم بعض الاسئلة
1. معلوم ان الذى حمل السلاح و قتل الانصار هو ابو القاسم محمد ابراهيم العائش ليوم الليلة دا: ان كان امر
مقتلة الانصار امر سئ فى نظركم لماذا قبلتم به فى صفوفكم و عينتوه وزيرا اكثر من مرة و هو الان نائب فى البرلمان عن حزبكم؟
2. لماذا قتلتم ضباط انقلاب رمضان بدم بارد و هم فعلوا اقل مما فعله الانصار اقلاها لم يقتلوا شخصا واحدا
فى انقلابهم
3. لماذا قتلتم الالاف فى دارفور و ما الفرق بين ما فعلوه و ما فعله الانصار الا و هو الخروج على حاكم ظالم من وجهة نظرهم
4. لماذا قتلتم الطلاب الجامعيين التاية و طارق سليم و محمد عبد السلام الذين لم يكونوا يحملون حرابا
فقط طالبوا بحقوقهم

غايتو يا عمر صديق عجلتك و شفقتك لادانة الشيوعيين يغير هدى و لا دليل دائما توقعك فى مواقف محرجة
(المرة الجاية فتش كويس فى الجرائد القديمة و كمان شوف لينا لو الترابى الكان النائب العام فى زمن مايو قد امر باجراء تحقيق لانصاف شهداء الانصار ام لا)

Quote: ايوة يا عادل لينا نحن الكيزان عمرك شفتو رفع لينا حاجة؟

يا الشفيع ياخي إنتو أصلاً ناس ساقطين وكذابين ولصوص وتجار دين وقتلة...يرفعو ليكم شنو؟؟
مرمي الله ما بترفع ولا يفكر... وعندما يفكر لا يأتي إلا بساقط قول، وساقط القول ما بترفع، تماماً مثل صاحبه!

سلام ياهندسة

وشعادتك هذه لم نسمع بها من قبل

Quote: رحم الله شهداء الأنصار وخصوصا أبناء ودنوباوي والتحية لانجالهم واحفادهم فهم دوما شوكة حوت في حلق الطغاه. نعم ان في القلب لحزن ولكننا لا نحمل الحقد فسيد القوم لا يحقد .

15 مليم سوداني.. مليم ينطح مليم!
حسع كيلو الكهربه زيادتو بس = 39 قرش
فيا أخوانا عاينو للعضم...
وخلو الجلد لأخونا عمر يعمل منه دلوكة!

ربنا يحفظ أستاذ فاروق ويديهو طولة العمر...





______
عمر سلامات.. وبالله عليك يومك الماشي فيهو الأرشيف أديني خبر
عندي وريقة (مهمة) عاوزك تفتشها لي بهناك.ز يمكن تلقاها