ود المدير كيف حالك انا غايتو ماعارف انت قاصد منو لكن انا بعد مصطفى عثمان قال لى انتو شحادين انا اقتنعت انهم اضراب مع شوية تنافر فى الخلق وتطابق فى الافعال والاقوال مطابقة النعل للنعل .. يعنى بدون مؤاخذة الفى رجلك انضف من اتخن تخين فيهم،،،
Post: #8 Title: Re: زولين ما بيشبهو الإنقاذ. وآحد لآقيتو والتاني أتمنى أن الآقيهو ... Author: هشام عباس Date: 07-15-2012, 01:33 PM Parent: #7
وكان ما بيشبهوا الانقاذ ايه اللى لماهم عليها ؟؟؟ كما قال صديق الموج اضراب ونعل
Quote: ود المدير كيف حالك انا غايتو ماعارف انت قاصد منو لكن انا بعد مصطفى عثمان قال لى انتو شحادين انا اقتنعت انهم اضراب مع شوية تنافر فى الخلق وتطابق فى الافعال والاقوال مطابقة النعل للنعل ..
صديق الموج يا صاحب، أريت حالك زين.
يا اخي مصطفى عثمان دا شِن طعمو كمان؟. دا لا قٌفّة لا أضان قُفّة. الظروف رمتو في منصب، فأفتكر إنو أحسن من بقية الناس. زول أحمق، وموهوم ليس إلآ. بصرآحة في ناس عندهم خُلُق وأولآد أُصول. قد تسألني، طيّب الدخلهم وسط ديل شنو؟؟؟. أقولك، أنا زاتي مُحتار اللماهم مع الناس ديل شنو ؟؟؟
Quote: وكان ما بيشبهوا الانقاذ ايه اللى لماهم عليها ؟؟؟ كما قال صديق الموج اضراب ونعل
هشام عباس، سلآمات.
الوردة الفوق دي لشخصك الذي يزورني لأوّل مرة. هذا من جهة، ومن جهةٍ أُخرى، يا أخي إحتراماً، وتقديراً لك ولإهتمامك بالأهل والوطن، وأنت في هذه السِن المبكرة. يا هشام التحية لك ولجميع الشباب الذين هُم أمثالك، فنحن ننظر لكم بعين الإعتبار ونغض الطرف عن الذين أكل الدهر وشرب عليهم من مُدمني السياسة، والمتشعلقين في أستار الأحزاب.
يبقى السؤال قائم، كان ما بيشبهو الإنقاذ ايه اللماهم عليها؟؟؟ أنا قلت رأي فيهم، وبوجه لهم نفس السؤال.
لك يا هشام، ومن هُم علي شاكلتك مني الآف التحايا وكامل الإحترام...
حا ابدأ بالتالت، والذي أظُن أنه متعاطف من خارج إطار التنظيم، ثمّ الأوّل اللآقيتو، واخيراً التاني الذي أتمنى أن ألتقيه والتالت الذي تكتح معنا بكتاحة اتبرا...
أخونا: . . . . . هـجـو الأقـرع، وهذا هو الذي تكتح معنا بكتاتيح اتبرا، وأعتقد انه متعاطف من خارج الإطار.
التحية لك أخي هجو الأقرع...
Post: #15 Title: Re: زولين ما بيشبهو الإنقاذ. وآحد لآقيتو والتاني أتمنى أن الآقيهو ... Author: الامين موسى البشاري Date: 07-15-2012, 03:03 PM Parent: #14
Quote: هـجـو الأقـرع، وهذا هو الذي تكتح معنا بكتاتيح اتبرا، وأعتقد انه متعاطف من خارج الإطار.
التحية لك أخي هجو الأقرع...
دي مرقت آوت ......... والله صحي يلا البعدو بالله ورانا ثورة وشغلات تانية .. ..
___ هجو زول محترم ماف أي اثنين ثلاثة عرفته من خلال المنابر فقط لكن قصة انتمائه دي مؤكده وعشان كدا قلنا طلعت آوت + ما تضيع لينا زمنا بالله
__ التعديل: خطأ املائي
Post: #16 Title: Re: زولين ما بيشبهو الإنقاذ. وآحد لآقيتو والتاني أتمنى أن الآقيهو ... Author: احمد خليل Date: 07-15-2012, 03:19 PM Parent: #15
تحياتى ,,,يامبدع سبحان الله فى خلقه تصور انا عكسك شايف ناس كتار (معارضة)بشبهو الانقاذ تماما ,,, اما الانقاذيون ومن تابعهم ومن شايعهم !!!!فهم منهم واليهم هى نفس التركيبة ونفس الجينات ونفس التربية kofi
Quote: تحياتى ,,,يامبدع سبحان الله فى خلقه تصور انا عكسك شايف ناس كتار (معارضة)بشبهو الانقاذ تماما ,,, اما الانقاذيون ومن تابعهم ومن شايعهم !!!!فهم منهم واليهم هى نفس التركيبة ونفس الجينات ونفس التربية kofi
سلآمات يا أحمد. لله في خلقه شئون. إتفق معك في ناس معارضة بشبهو الإنقاذ. يا أخي مسألة الإنتماء للإنقاذ دي حاجة كعبة خلآس، لكن إنّك لا تهدي من أحببت، ولكن الله يهدي من يشاء.
التاني لآقيتو في الخرتوم لقاء عابر، تحدثنا لفترة بسيطة جداً. حديث عام ليس له صِلة بسياسة أو حتي بورد. بعد المقابلة دي تاني ما قابلتو، واتمنى أقابلو مرة تانية في أجمل اللحظات. بصرآحة رغم إعتقادي إنه في عمق التنظيم، لكن إلتمست فيهو إنو زول أخو أخوان. . . . . أخونا عـمـر صِـديـّق. . . لك عاطر التحايا أخي عمر...
اخونا معاوية وضيوفو سلامات اخلاقهم عالية وقول ملائكة عديل دا بحلهم ولا بلقا ليهم تبرير عن المشاركة في مثل هذا النظام المجرم او قول اضعف الايامان سكوتهم عن الحق. ياخي دا نظام مجرم عنصري مستبد قمعي. اي مشاركة فيهو او السكوت عن جرائمه مافي حاجه ممكن تبررها. ولا ما رأيك؟
Post: #21 Title: Re: زولين ما بيشبهو الإنقاذ. وآحد لآقيتو والتاني أتمنى أن الآقيهو ... Author: عمر صديق Date: 07-16-2012, 00:02 AM Parent: #19
واذكر ان لي صديق خلوق وهو بوردابي وهو شيوعي اصيل من خريجي مصر مازي ناس قريعتي راحت
داعبته قائلا
ياخ انت والله مابتشبه الشيوعيين ديل حقو تخليهم
فقال لي : والله انابعد العمر دا رجالة ساكت ماممكن اخليهم
ورغم انني اعلم ان ناس الانقاذ الحقييقين مابلحقهم واقل منهم قامة
ولكن اشكر لك حسن ظنك بي
والفيك اتعرفت وشكيتك علي ود جبرين طبعا انت وهو من كوادرنا السرية
Post: #22 Title: Re: زولين ما بيشبهو الإنقاذ. وآحد لآقيتو والتاني أتمنى أن الآقيهو ... Author: Ashraf el-Halabi Date: 07-16-2012, 02:53 AM Parent: #21
Quote: ما تضيع لينا زمنا بالله
آيييي لصق ليو يا بشاري جابت ليها رمادية كمان!!
ـــــــــــــــــــــــــــــ من أسي: أرفعوا يدكم عن الكوز ود المدير
Post: #23 Title: Re: زولين ما بيشبهو الإنقاذ. وآحد لآقيتو والتاني أتمنى أن الآقيهو ... Author: مرتضى احمد عبد القادر Date: 07-16-2012, 03:46 AM
حليلو الشفيع وراق فترة في ناس كتيرة شايفاهو ما شبه الإنقاذ براهو إجتهد يثبت إنو شبهم الخالق الناطق ومعاهم في الحق والباطل عسى أن يكرموهو بوزارة صغيرونة تمنحه الوجاهه الإجتماعية لما تبقى من عمره وما شكلو حيلم في غير الشبه
Post: #24 Title: Re: زولين ما بيشبهو الإنقاذ. وآحد لآقيتو والتاني أتمنى أن الآقيهو ... Author: ahmed haneen Date: 07-16-2012, 08:32 AM Parent: #23
Quote: . أخونا عـمـر صِـديـّق. .
اووووت ... لعبة قوووون ....
يلا عجل شوية
جيب التالت
Post: #25 Title: Re: زولين ما بيشبهو الإنقاذ. وآحد لآقيتو والتاني أتمنى أن الآقيهو ... Author: معاوية المدير Date: 07-16-2012, 08:48 AM Parent: #23
Quote: حليلو الشفيع وراق فترة في ناس كتيرة شايفاهو ما شبه الإنقاذ براهو إجتهد يثبت إنو شبهم الخالق الناطق ومعاهم في الحق والباطل عسى أن يكرموهو بوزارة صغيرونة تمنحه الوجاهه الإجتماعية لما تبقى من عمره وما شكلو حيلم في غير الشبه
#3 . . .
الأخ الشفيع ورآق.
هو نمرة تلآتة.
تصدق يا مرتضى، لك مني السلآم.
بكل أسف يا مرتضى الشفيع معاهم في الباطل لأنهم عمرهم ما كانوا يوماً علي حق. بس بصرآحة أنا عشمي في الشفيع تب ما إنقطع حتي بعد لبسو للكاكي من خلآل البورض. أنا ما قلبلت الشفيع لكني أحِس انّ الشفيع فيهو خير، وأكاد أجزم إنني لو كُتب لي أن ألتقيه ما رآح يخذلني.
الناس ديل مافيهم طريقة وزآرة، ضهرُم معسّم بالحيل. والله صحي.
عاطر التحايا لك، وللشفيع...
Post: #26 Title: Re: زولين ما بيشبهو الإنقاذ. وآحد لآقيتو والتاني أتمنى أن الآقيهو ... Author: معاوية المدير Date: 07-16-2012, 10:00 AM Parent: #25
Quote: اخونا معاوية وضيوفو سلامات اخلاقهم عالية وقول ملائكة عديل دا بحلهم ولا بلقا ليهم تبرير عن المشاركة في مثل هذا النظام المجرم او قول اضعف الايامان سكوتهم عن الحق. ياخي دا نظام مجرم عنصري مستبد قمعي. اي مشاركة فيهو او السكوت عن جرائمه مافي حاجه ممكن تبررها. ولا ما رأيك؟
مرحبتين حبابك يا ياسر.
رأيك صائب بالحيل يا ياسر، وياهو رأي زاتو. الرسول عليه أفضل الصلآة وأتمّ التسليم، كان مُهتم جداً بعمه أبو طالب، وحريص أشدّ الحرص علي إسلآمه حتي تضاربت الروايات في مسألة إسلآمه. بس بالرغم من كدا إنقطع العشم في العذر. والله العظيم يا ياسر مسألة فساد النظام وإستبداده تب ما دايرالآ رفع ضو، لكن شِن نقول ؟؟؟. في ناس حقيقة ما بيشبهو الإنقاذ، بس قدرهم وقعهم في طريقها.
مودتي...
Post: #27 Title: Re: زولين ما بيشبهو الإنقاذ. وآحد لآقيتو والتاني أتمنى أن الآقيهو ... Author: معاوية المدير Date: 07-16-2012, 10:08 AM Parent: #26
Quote: ورغم انني اعلم ان ناس الانقاذ الحقييقين مابلحقهم واقل منهم قامة
ولكن اشكر لك حسن ظنك بي
والفيك اتعرفت وشكيتك علي ود جبرين طبعا انت وهو من كوادرنا السرية
سلآمات يا عمر.
يعني نعرف إنو عندكم تقليد صيني؟؟؟ يا أخي الأصلي دا بقى عزيز وغالي. والله صحي.
ود جبرين دا ياتو كمان البتشكيني عليهو؟؟؟، وحات نضري ود جبرين دا أسم صلآح ما فيهو.
يا عمر يا أخي ما تخليها مستورة، هسّع ما شفت صاحبي الحلبي دا جا شايت لي كيف!!!؟؟؟، علي اليمين تراجي ما قاعدة تصرج كدا...
Post: #29 Title: Re: زولين ما بيشبهو الإنقاذ. وآحد لآقيتو والتاني أتمنى أن الآقيهو ... Author: معاوية المدير Date: 07-16-2012, 10:20 AM Parent: #27
Quote: آيييي لصق ليو يا بشاري جابت ليها رمادية كمان!!
ـــــــــــــــــــــــــــــ من أسي: أرفعوا يدكم عن الكوز ود المدير
صاحبي الظريف أشرف الحلبي. (كسير تلج ما دآيرلو رفع ضو).
يا أخي الرمادي دا أنا ما بحبووووش، يا أبيض يا أسود. البشاري دا فردتي الروح بالروح. ما تعوّل عليهو شديد بيخذلك. والله صحي.
ثمّ يا أخي بالرآآآحة. خُت الكورة وآطة، البوست دا متروس أعداء، فأرجوك لا تُشمت بِي الأعداء. ومهما تكن عند امرءٍ من خليقةٍ، وإن خالها تُخفى عن الناس تُعلم. الشاعر دا قاصد شنو يعني؟؟؟
مودتي التي تعرفها.
Post: #28 Title: Re: زولين ما بيشبهو الإنقاذ. وآحد لآقيتو والتاني أتمنى أن الآقيهو ... Author: د.محمد بابكر Date: 07-16-2012, 10:15 AM Parent: #26
كدى يا مدير ارخى شويه من موضوع الشبه ده ..واسمع المدحه دى وشوف المعايش جباره كيف !!!
Post: #30 Title: Re: زولين ما بيشبهو الإنقاذ. وآحد لآقيتو والتاني أتمنى أن الآقيهو ... Author: معاوية المدير Date: 07-16-2012, 10:42 AM Parent: #28
سلآمات يا دكتور. يا أخي لكن البخلي صاحبي أشرف الحلبي دا يفهم حِتة المعايش دي شنو؟؟؟ باقي أنا إنعصر بالحيل، والشغلآنية دي قرررربت تفرتك.
تعرف يا دكتور، عندنا جماعة من أهلنا ناس الباوقة، وآحد عندو لوري، ومشغّلِ التاني معاهو سوآق. أها عارف جو فوق مُشرع البنطون، ودوروها شكلة جامدة خلآس. وكت البنطون وصل بالشرق، وبِقو علي نِزيّل اللوري في البنطون، صاحب اللوري رآح قال للسواق: يا زول قُوّم دخّل اللوري دا في البنطون، وشكلتنا في محلها.
دحين يا جماعة المعايش جبارة، قولوا لأشرف الحلبي دا يخليني إسترزق، وخوتنا في محلها. والله صحي.
يا دكتور محمد، تجدني عاجز عن شكري لك. تحياتي لك ولجميع أفرآد أُسرتك الكريمة...
Post: #31 Title: Re: زولين ما بيشبهو الإنقاذ. وآحد لآقيتو والتاني أتمنى أن الآقيهو ... Author: Ashraf el-Halabi Date: 07-16-2012, 10:52 AM Parent: #30
حرم إن بقيت كوز راسك عديل خوتنا في محلها علا الفيك إتعرفت قوم دخل اللوري دا
Post: #32 Title: Re: زولين ما بيشبهو الإنقاذ. وآحد لآقيتو والتاني أتمنى أن الآقيهو ... Author: الشفيع وراق عبد الرحمن Date: 07-16-2012, 11:07 AM Parent: #30
ود المدير سلامات ياخي وانا ايضاً اتمنى لقاءك انا لا اشبه الانقاذ، انا الانقاذ ذات نفسها
ده هو المدح البشبه الذم لا نرضى الشكر البينبذ الانقاذ ربما تكون تعرفت علي من الاسافير ومن كلام الناس وصدقني لو تعرفت على الانقاذ كما اعرفها انا، حتما ستغير رايك ما داير اقول ليك (اني ارى ما لا ترون)، لكن تأكد ان الايام ستثبت صحة كلامي، واتمنى ان لا يكون بعد فوات الاوان الناس النضيفين الزيك يا ود المدير بكانهم بي جاي وسنكون في انتظارك
ات عبد الرحمن مدير بتاع الكرو قريبك؟
Post: #34 Title: Re: زولين ما بيشبهو الإنقاذ. وآحد لآقيتو والتاني أتمنى أن الآقيهو ... Author: عبد الواحد أبراهيم Date: 07-16-2012, 11:15 AM Parent: #32
Quote: ات عبد الرحمن مدير بتاع الكرو قريبك؟
شكلك يا الشفيع من الذين التحقوا بالسفينة الغارقة عقب المفاصلة الشهيرة بعد 99
" الزومى مزنوقة "
لا مكان لدولة " علوية فى السودان.
Post: #33 Title: Re: زولين ما بيشبهو الإنقاذ. وآحد لآقيتو والتاني أتمنى أن الآقيهو ... Author: الشفيع وراق عبد الرحمن Date: 07-16-2012, 11:10 AM Parent: #30
Quote: حليلو الشفيع وراق
المقص جلا يا مورتا وحكاية الوزارة دي شنو؟ ات وحسبو سامعين حاجة تحت تحت ولّ شنو؟
Post: #35 Title: Re: زولين ما بيشبهو الإنقاذ. وآحد لآقيتو والتاني أتمنى أن الآقيهو ... Author: معاوية المدير Date: 07-16-2012, 11:32 AM Parent: #33
Quote: اووووت ... لعبة قوووون ....
يلا عجل شوية
جيب التالت
سلآمات يا أحمد حنين.
يا أحمد أكان جبت ليك التالت حا تزعل. والله صحي...
Post: #36 Title: Re: زولين ما بيشبهو الإنقاذ. وآحد لآقيتو والتاني أتمنى أن الآقيهو ... Author: هجو الأقرع Date: 07-16-2012, 11:39 AM Parent: #33
الاخ الكريم معاويه سلام من الله ورحمة
ارجو من المولى العليى القديـــــر
ان نكون انت و انا خيرا مما يظن الناس
بنا.
اكرر شكرى لك ، كما اننى اتقبل اى كلمة
تقال هنا، و لا تتحسس اخى الكريم ان جنح
البعض . الذى اعرفه ان الانسان يجب ان يكون
صادق مع نفسه ، يقول للمخطىء اخطأت و للمسىء
اسأت.
اشكرا على حسن الظن للمرة الاخيرة.
Post: #37 Title: Re: زولين ما بيشبهو الإنقاذ. وآحد لآقيتو والتاني أتمنى أن الآقيهو ... Author: الامين موسى البشاري Date: 07-16-2012, 11:47 AM Parent: #36
يا دفعة بوستك دا بذكرني الدفاع الشعبي ليه ما عارف حينما قال لنا التعلمجي: أهم 3 حاجات في العسكرية هم: الضبط والربط هسي انت قلت زولين وجبت ثلاثة زول يا قولات تسفاي .. ..
التحية والتقدير للاخوة المحتفى بهم هنا واشاركك حسن الظن بهم مع انو الشفيع عيارو فلت شوية ... والله صحي
Quote: صدقني لو تعرفت على الانقاذ كما اعرفها انا، حتما ستغير رايك ما داير اقول ليك (اني ارى ما لا ترون)، لكن تأكد ان الايام ستثبت صحة كلامي، واتمنى ان لا يكون بعد فوات الاوان الناس النضيفين الزيك يا ود المدير بكانهم بي جاي وسنكون في انتظارك
ات عبد الرحمن مدير بتاع الكرو قريبك؟
الشفيع ورآق، سلآمات.
يا أخي حليل الأيام فاتن، والإنقاذ من زماااان الفيها إتعرفت. يا الشفيع بعد إنكشف المستور قول لي (ما أريكم إلآ ما أرى، وما أهديكم إلآ سبيل الرشاد). يا أخي كتّر خيّرك كتيّر علي حُسن الظن في شخصي الضعيف.
عارف يا الشفيع، قال ليك في وآحد غِرِق في البحر، وعِرق البحر فووو، لفحو. أها، جا كاسح بطرف جزيرة أسمها جزيرة شِحري، وفضل كلما يمسك في حلفاية من حلفا الجزيرة دي، الحلفايا تِنقلع، وكت الزول فارق الجزيرة وبقى غرقان تب. قال للجزيرة: أنا هيّن يا شِحري، أريت حلفاك يقوملوا عروّق. دحين يا الشفيع أخوي، أكان حيكومتكم دي قاملها عروق وثبتت، أنا هيييين ما تنتظروني. والله صحي...
Post: #39 Title: Re: زولين ما بيشبهو الإنقاذ. وآحد لآقيتو والتاني أتمنى أن الآقيهو ... Author: MOHAMMED ELSHEIKH Date: 07-16-2012, 12:45 PM Parent: #28
Quote: #2
التاني لآقيتو في الخرتوم لقاء عابر، تحدثنا لفترة بسيطة جداً. حديث عام ليس له صِلة بسياسة أو حتي بورد. بعد المقابلة دي تاني ما قابلتو، واتمنى أقابلو مرة تانية في أجمل اللحظات. بصرآحة رغم إعتقادي إنه في عمق التنظيم، لكن إلتمست فيهو إنو زول أخو أخوان. . . . . أخونا عـمـر صِـديـّق. . . لك عاطر التحايا أخي عمر...
Quote: أها يا أشرف، وقعلك كلآمي؟ مُش قلت ليك في ناس ما بيشبهو الإنقاذ؟؟؟
قمنا على لخبتة الكيمان! كلامك دا لو كان في سنة 95 معليش يا مدير الزول الما بشبه الإنقاذ دا تلاتة وعشرين سنة واقف معاها هل ما شايف جرائمها؟ هل موافق على الحاصل وشايف دا الحل الأمثل؟ هل ما موافق لكن ما قادر يخلي الإنقاذ؟
Post: #42 Title: Re: زولين ما بيشبهو الإنقاذ. وآحد لآقيتو والتاني أتمنى أن الآقيهو ... Author: الشفيع وراق عبد الرحمن Date: 07-16-2012, 07:15 PM Parent: #41
Quote: مع انو الشفيع عيارو فلت شوية ... والله صحي
يا اللمين ياخي قنا نجرب "مكنة" جادات "شوية"، وابت تظبط، والله صحي
Quote: ما داير اقول ليك (اني ارى ما لا ترون)، لكن تأكد ان الايام ستثبت صحة كلامي،
والله دهاقنة الانقاذ يخجلوا من ان يقولوها.الله مايحضرنا يوم نقول كلامك صاح.
الزول صاحب الحكمة الشهيرة ان الطيور علي اشكالها تقع دا كان من المهرطقين باين. منطق الاشياء او طبيعتها لو ماكانوا بشبهوا هولاء المجرمين او يتفقون معهم في بعض الخصال؟ لماذا قررواء ان يكونوا معهم؟ او يبادلونهم قل علي اضعف حال " الؤد "
طيب اسمعوها مني "قضي الامر الذي كنتم فيه تستفتون" . خلاص ماعاد هنالك متسع من الوقت ..الحكم صفر.
Post: #44 Title: Re: زولين ما بيشبهو الإنقاذ. وآحد لآقيتو والتاني أتمنى أن الآقيهو ... Author: معاوية المدير Date: 07-17-2012, 01:01 AM Parent: #43
Quote: : ات عبد الرحمن مدير بتاع الكرو قريبك؟
شكلك يا الشفيع من الذين التحقوا بالسفينة الغارقة عقب المفاصلة الشهيرة بعد 99
" الزومى مزنوقة "
لا مكان لدولة " علوية فى السودان.
سلآمات يا عبد الوآحد، ومشكور علي المرور.
يا الشفيع عبد الرحمن مدير لو من الباوقة قريبي تب، لأنو أنا من المدرا بتاعين الباوقة، لكن الزول ما بعرفو. تحياتي لك وله...
Post: #45 Title: Re: زولين ما بيشبهو الإنقاذ. وآحد لآقيتو والتاني أتمنى أن الآقيهو ... Author: معاوية المدير Date: 07-17-2012, 01:10 AM Parent: #44
Quote: الاخ الكريم معاويه سلام من الله ورحمة
ارجو من المولى العليى القديـــــر ان نكون انت و انا خيرا مما يظن الناس بنا.
اكرر شكرى لك ، كما اننى اتقبل اى كلمة تقال هنا، و لا تتحسس اخى الكريم ان جنح البعض . الذى اعرفه ان الانسان يجب ان يكون صادق مع نفسه ، يقول للمخطىء اخطأت و للمسىء اسأت.
اشكرك على حسن الظن للمرة الاخيرة.
سلآمات يا هجو.
أهلنا قالوا في المثل، الكلمة الطيّبة بخور البطُن. تب ما خيبت ظني فيك يا هجو. لك كامل مودتي...
Post: #46 Title: Re: زولين ما بيشبهو الإنقاذ. وآحد لآقيتو والتاني أتمنى أن الآقيهو ... Author: معاوية المدير Date: 07-17-2012, 01:38 AM Parent: #45
Quote: هسي انت قلت زولين وجبت ثلاثة زول يا قولات تسفاي .. .. التحية والتقدير للاخوة المحتفى بهم هنا واشاركك حسن الظن بهم مع انو الشفيع عيارو فلت شوية ... والله صحي
يا دفعة التالت دا كبسناهو في الفرملة مع آخر الدقايق، وأنا لِسّع شاكي في حكاية تنظيمو دي !!!
داخلين علي 24 سنة توهان في أرض التيه، وما داير العيار يفلت!!!؟؟؟، لكن ما شزيييت يا فردة. يا أخي بني إسرائيل قاليك مرقو راسهم لآفي مروحة، فما بالك ببني كوز !!!؟؟؟
التحية للمحتفى بهم...
Post: #47 Title: Re: زولين ما بيشبهو الإنقاذ. وآحد لآقيتو والتاني أتمنى أن الآقيهو ... Author: معاوية المدير Date: 07-17-2012, 02:53 AM Parent: #46
يا هو المِتكل عل يالشُدرة زاتو. هو كان إنتكل علي شُدرتو دي، تب ما بتجيهو عوجة، لكن منتكل علي عصاية سيدنا سليمان المنخورة دي. باكر العصاية دي بتنكسر، والجماعة أُورررررر، بيقعوا، وعندها سوف يكتشفو إنهم لو كانوا يعلمون الغيب ما لبثوا في العذاب الشديد. وكت ينهار المنخور، بينكشف المستور. والله صحي...
Post: #48 Title: Re: زولين ما بيشبهو الإنقاذ. وآحد لآقيتو والتاني أتمنى أن الآقيهو ... Author: معاوية المدير Date: 07-17-2012, 03:11 AM Parent: #47
Quote: قمنا على لخبتة الكيمان! كلامك دا لو كان في سنة 95 معليش يا مدير الزول الما بشبه الإنقاذ دا تلاتة وعشرين سنة واقف معاها هل ما شايف جرائمها؟ هل موافق على الحاصل وشايف دا الحل الأمثل؟ هل ما موافق لكن ما قادر يخلي الإنقاذ؟
أهههههها، قمنا علي الخرخرة؟؟؟ مُش قلت انا كوز؟؟؟ باقيلك بشبهُن؟؟؟
بعد إلتقى الجمعان الشفيع ورآق ختاها ليكم وآآآآضحة، وقالكم إني أرى ما لا ترون. يا أشرف ما تستغرب الزول يقيف مع الإنقاذ عمرو كلو، ففي الإسرائيليات قالوا أبو الهدهد كان دليل سيدنا سليمان لمكان المياه تحت جوف الأرض. أها، قالولو: يا أبو الهدهد إنت تشوف الموية اربعين متر تحت الأرض، وتقع في الشرك الفوق ضهر الوآطة دا!!!؟؟؟. قال لهم: وكت يقع القدر يغيب اللُب ويعمى البصر. يا الحلبي إنها لا تعمى الأبصار، ولكن تعمى القلوب التي في الصدور، ولو كان حرصك علي نجاة من أحببت ينفع لنجى فلذة كبد سيدنا نوح. خلي بالك الجماعة ديل خابرلهم جبل طوووووووووويل، عشان كدا الكوز ود المدير حايكون في ضنبُن. والله صحي...