الحاج آدم يوسف: الانقاذ جاءت بالقرأن (لا الملتوف) الذي يجلب الدمار

وأكد أن الدولة ستمضي في طريق الشريعة

الشفيع وراق ياخ الزول دا ودوه الضل عليك الله
وأدوه جكـ موية ســـاااااقط عليك الله

Quote: أكد الدكتور الحاج آدم نائب رئيس الجمهورية أن الدولة ستمضي في طريق الشريعة مهما كلفها من صعاب مطالباً المجتمع بالمضي في بناء مؤسساته مطالباً الخيرين بإضافة القيم الدينية في التكافل والتراحم. وقال آدم لدى افتتاحه مجمع الحسن الإسلامي بمنطقة اللاماب ناصر ،بحسب المركز السوداني للخدمات الصحفية إن المنطقة تظل منطقة إشعاع ديني انطلقت منها شرارة التغييرالتي انتهت إلى قيام ثورة الانقاذ، مضيفاً أن الثورة جاءت تحمل القرآن وتنادي بالشريعة دستوراً للأمة لا الملتوف الذي يجلب الخراب والدمار للأمة ،مطالباً فعاليات المجتمع بالإقبال على الأعمال التي ترجع بمنافع على الناس وتسير أمور حياتهم اليومية. من جانبه قال والي الخرطوم د. عبد الرحمن الخضر إن مجمع أبناء المرحوم الحسن الخندقاوي يوفر للشباب والمرأة وكافة شرائح المجتمع فرصاً في تلقي العلم والمعرفة من خلال المكتبة الالكترونية والمطبوعة التي تضم أكثر من 1500 كتاباً. وأبان الخضر أن ولايته تشهد كل جمعة افتتاح أكثر من 7 مساجد ومن حق الخرطوم أن تفاخر بأنها مدينة الـ5000 مئذنة.

Quote: وقال آدم لدى افتتاحه مجمع الحسن الإسلامي بمنطقة اللاماب ناصر ،بحسب المركز السوداني للخدمات الصحفية إن المنطقة تظل منطقة إشعاع ديني انطلقت منها شرارة التغيير التي انتهت إلى قيام ثورة الانقاذ، مضيفاً أن الثورة جاءت تحمل القرآن وتنادي بالشريعة دستوراً للأمة لا الملتوف الذي يجلب الخراب والدمار للأمة

يعني هسي نفهم من كدا اللاماب ناصر دي
بقت هي أرض الميعاد ولا شنو؟!

انا ماعارف هل هؤلاء الناس لايملكون حق الفحص في المعامل
يعني فيها شنو لو الواحد مشى المعمل عشان يتأكد هل عندو ملاريا طايرة ليهو في راسو ام لا ؟؟
بالله هذا الرجل لو مشى لأطفال الروضة وقعد يحكي مثل هذا الكلام مش كلهم حايسيبوه ويمشوا يعاينوا في طيور الجنة !!!!


قريبنا شابكنا حافظ قرآن حافظ قرآن
اها عندنا موية الحواشات صعبة شوية ولازم تمشي تسرقها سرقة بالليل من جارك
ولو ماعملت كدة حواشتك ما بتشرب
اها الحواشة عاوزة موية
زول القرآن أخذ صاحبه نص الليل ومشى عشان يسقي الحواشة
وجارهم في الحواشات ماشاء الله زول اسود طويل وعالي بيذكرني طوالي اغنية القنبلة
المهم الراجل سمع بأن زول القرآن سيأتي منتصف الليل
قام مشى وغتس جوه في الموية وكان عريااااااااااااااااااااااااااااان
عمك جاء ومعاهو صاحبو
فجأة الزول العريان طلع نص الليل من الموية
وطوالي قاموا جاريين
اها صاحبو قعد يقول ليهو : وين دينك ؟؟؟ وين قرآآآآآآآآآآآآنك ؟؟؟
رد عليه 00 كدي خارج نفسك اول حاجة والدين خليهو بعدين !!!!!!



اها نحن بنقول لي عمك عليك الله اول شيء صلحوا لينا { صينية الطعام }
وبعدين نشوف آخرتا


قال ملوتوف قال !!!!

هاك يا ود البشاري


والله صحي ... دا يا هو ظاتو

يا اهل القانون والعارفين افزعونا بالله

اولا : النائب العام عمل شنو بعد ما ظهر المتهم الهارب لحيز الوجود ؟

ثانيا : هل مكتب النائب العام اصدر منشور اخر بابطال المنشور الاول
ولا ما زال امر القبض من قانون الاجراءت الجنائية قائما ام ماذا حصل فيه؟

ثالثا : هل يجوز لحكومة لها برلمان ( منتخب ) فى تعيين متهم هارب من العدالة او مرتكب جريمة جنائية
وخاصة جريمة خطيرة ضج الدولة متعلقة بالاسلحة والذخيرة فى منصب دستورى مهم فى ذات الدولة التى خانها خاصة
بعد ما تبين للنائب العام من بينات تثبت تورط هذا المجرم الهارب من العدالة ..
رابعا : وما راى ناس البرلمان ؟ هل تناولوا هذه الحادثة فى احدى جلساتهم مدفوعة الثمن
ذات المخصصات العالية المسحوبة من دم الشعب الغلبان ؟

افيدونا يرحمكم الله ....

بعدين نجى نشوف


(أكد الدكتور الحاج آدم نائب رئيس الجمهورية أن الدولة ستمضي في طريق الشريعة مهما كلفها من صعاب)



(مضيفاً أن الثورة جاءت تحمل القرآن وتنادي بالشريعة دستوراً للأمة لا الملتوف)

خلى بالك الراجل دا " دبل ايجنت " ولا ما واعى بيقول فى شنو

الانقاذ جاءت بالسلاح وليس القران ورمت شعبها بافظع المفردات الغير لائقة وفاحش القول

سلام ود العم

الأخ اللمين

تحياتي - يا أخح الزول دا إحتمال ناسي نفسه إنو بتكلم من موقع نايب رئيس - وقايل نفسه قاعد في مدى وبونس في أصحابه مع طلوع القمير !! غايتو الكلام دجا بذكرني أيام الصبا الباكر حينما ننادي لبعضنا حاااااااااااااارة . وبعد داك تعال شوف ليك جنس ونسه !! شئ كضب وشئ صيح غايتو قريب ما القمرا تبقى تضاير حتى بنفر . طيب أول شهيد في الإنقاذ داك وقع من دفار ولا عندما نسي كلمة السر جاتو طلقة بالسلاح الطبي ..

بحيراوي

البشير قال قوله جلبت عليه المصائب

قال فى بداية التسعينات وأعترف ( نحن جبناها بالسلاح والعايزها يجى ياخدها بالسلاح)

الظاهر الحاج آدم الوقت داك كان مختفى عشان أمر القبض الصادر بالنشر وما سمع الكلام دا

Quote: الإنقاذ جاءت بالقرآن

حتي هذه اللحظة منت أفتكر ان الإنقاذ جاءت بإنقلاب عسكري
اللهم الا اذا كان قرآن الحاج آدم إسم دبابة جديدة من إنتاج جياد :)