Post: #1 Title: أنا رابحة يا ود بطني جيت لا تهت فيك لا غبَّت العين عرفتن Author: elsawi Date: 07-13-2012, 01:47 AM
ناهد جبرالله مها زين العابدين حليمة حسن عمر جليلة خميس أميرة عثمان صفية اسحق حواء جنقو
وكل كنداكات بلادي ونخلاته الشامخات في جهات الوطن الأربع الائي ارعبن الجلادين حتى تخلوا عن سراويلهم لكن القيام والإحترام حتى مطلع الفجر وزوال النظام
Post: #2 Title: Re: أنا رابحة يا ود بطني جيت لا تهت فيك لا غبَّت العين عرفتن Author: elsawi Date: 07-13-2012, 01:49 AM Parent: #1
أنا السر في المعاني الجاهرة وانا البر في القلوب الساهرة وانا الإخلاص إذا الإخلاص خُلاصة الذمة أنا البدي الحياة معناها واحد فرد، وشعبِ وأمة أنا الأم البتبذل روحا لي كل من يقول يا يمة
يا بهاك يا ود محلَّق شلت اسمك بي غناها وانت بي تاجوج معلق عالي اسمك في سماها والسماحة الفي النفوس تبقي زي حِفلة عروس طالعة في أجمل بهاها انتِ في دارفور سماحتك بت قليبا علي جناها وفي الجنوب قمرية قوقت بالسلام شالت نِداها وفي الشمال القلب فاتح عقلها البوزن حجاها كلهن حد السماحة وكلهن تاجوج معاها
يا رابحة يا أم الحنين لو نقَّط الضحوي البريق عصرية خَتـَّن حنتن في السكة شالت حنتك دم المسافات الحريق تحبل كما الأمات وتشرق بالخبر
يالماشي للمهدي الإمام أنا زي شوارع بالبنات متحيِّنة برسل تراتيل الخروج ليهن وبقطع سرتن شفت الحمام تقلي وانا والزواجل في قدير غنواتا من زجلي والرحلة تعريف الهديل وأنا من كنانه على العديل أنا رابحة بعرف أنتن أنا يا عشاي زي بذرة في جوف الأرض أو ضحكة في طرف القلب بتغني لو جات في العيون والضحكة لاقت مرقتن أنا رابحة يا ود بطني جيت لا تهت فيك لا غبَّت العين عرفتن
بت جابر فوق ألواحا واخوانا الأربعة جوها حق الشرافة تمرنا لالوبة على الختموها يا ست جوزفين يا بخيتة في روما الباعد ميسا بت دارفورية وفاردة ساجدة وعابدة وقديسة ظلم الأقراب والدنيا وسجن الأغراب ما يقيسا
الليلة الوليد مارق على السيرة حمدناك على الصحبة وعلى الجيرة بت المك غناها الفوق عتاميرا نحن مهيرة الزمن المعا مهيرة نحن مهيرة الزمن البلاوينا ونحن طبيبة الطب البداوينا ونحن أديبة الفتحت دواوينا ونحن العينة للمطر البلا عينة
يا شغبة السيوف قلم الصحافية الكلمة الدفوف والفكرة حرية يوم دية الوطن روح الفدائية لا خافت ولا هابت من الدية يا شغبة السلام في روح حفيداتك شحتافة قلب في اماتنا واماتك يافاطنة الأمان لي عند بنياتك فوق البرلمان هرجن عباراتك
يا إيلاف ويا إيباء انا إيثار، سلمى وفطومة وانت مثاني وانا شيماء وانا ريري وساجدة وإسراء وانا وعد ودي حبيبتي ولاء وانا دانية وميري وحلومة أمنيّة، نسيبة وأمونة وانا بت اماتكم آلاء نحن حلاة الأمس الذكرى ونحن بنات العرس الليلة ونحن الغرس القايم بكرة ونحن الأخت الصابرة وصامدة نحن الأم الجاية حنينة ونحن الشكرة الفي البنينة السودان شلناه في قلوبنا ونحن العز نبنيه بايدينا نحن بنات بت زاهر خالدة نحن الأمة الخالدة ووالدة لنا القيم ولنا القيام و لنا الخيار والاختيار هذه الأرض لنا فاليعش سوداننا عاليا بين الأمم
Post: #3 Title: Re: أنا رابحة يا ود بطني جيت لا تهت فيك لا غبَّت العين عرفتن Author: elsawi Date: 07-13-2012, 01:52 AM Parent: #2
كلهن حد السماحة وكلهن تاجوج معاها
Post: #4 Title: Re: أنا رابحة يا ود بطني جيت لا تهت فيك لا غبَّت العين عرفتن Author: elsawi Date: 07-13-2012, 01:56 AM Parent: #3
يا شغبة السيوف قلم الصحافية الكلمة الدفوف والفكرة حرية يوم دية الوطن روح الفدائية لا خافت ولا هابت من الدية
Post: #5 Title: Re: أنا رابحة يا ود بطني جيت لا تهت فيك لا غبَّت العين عرفتن Author: elsawi Date: 07-13-2012, 02:00 AM Parent: #4
الليلة الوليد مارق على السيرة حمدناك على الصحبة وعلى الجيرة بت المك غناها الفوق عتاميرا نحن مهيرة الزمن المعا مهيرة نحن مهيرة الزمن البلاوينا ونحن طبيبة الطب البداوينا ونحن أديبة الفتحت دواوينا ونحن العينة للمطر البلا عينة
Post: #6 Title: Re: أنا رابحة يا ود بطني جيت لا تهت فيك لا غبَّت العين عرفتن Author: elsawi Date: 07-13-2012, 10:20 AM Parent: #5
Quote: أهنتو صفية جلدتو بنية سحلتو على مرأى الأشهاد عوضية
أهنتو المرأة كمان بجرأة
عملتو فتاوي وجبتو بلاوى
شعبن جاكا
من الفاشر حتى التاكا ما هو رقيقك ولا معاكا مكتولينك أو أسراكا قال لى وطنو نحن فداكا
جمعة بكرة
دي للكنداكة
شكراً تماضر
Post: #7 Title: Re: أنا رابحة يا ود بطني جيت لا تهت فيك لا غبَّت العين عرفتن Author: Amani Al Ajab Date: 07-13-2012, 10:23 AM Parent: #6
Quote: نحن بنات بت زاهر خالدة نحن الأمة الخالدة ووالدة لنا القيم ولنا القيام و لنا الخيار والاختيار هذه الأرض لنا فاليعش سوداننا عاليا بين الأمم
center>
Post: #9 Title: Re: أنا رابحة يا ود بطني جيت لا تهت فيك لا غبَّت العين عرفتن Author: elsawi Date: 07-13-2012, 10:52 AM Parent: #7
Quote: نحن بنات بت زاهر خالدة نحن الأمة الخالدة ووالدة
بل انتن شموس بلادي الساطعات وارحامه المعطاءة شكراً يا اماني على كل جهودك في دفع مسيرة الخلاص القادم لا محالة ولك احترامي الوفير
Post: #8 Title: Re: أنا رابحة يا ود بطني جيت لا تهت فيك لا غبَّت العين عرفتن Author: Yasir Elsharif Date: 07-13-2012, 10:27 AM Parent: #6
رهيب رهيب رهيب يا الصاوي
Post: #10 Title: Re: أنا رابحة يا ود بطني جيت لا تهت فيك لا غبَّت العين عرفتن Author: elsawi Date: 07-13-2012, 10:55 AM Parent: #8
مشكور يا دكتور ياسر على التعليق ونرفغ القبعات لكنداكات بلادي
Post: #11 Title: Re: أنا رابحة يا ود بطني جيت لا تهت فيك لا غبَّت العين عرفتن Author: Amani Al Ajab Date: 07-13-2012, 11:02 AM Parent: #10
Quote: شية (جمعة الكنداكة): الاعلامي خالد عويس
عشية (جمعة الكنداكة): 1. ليست أماني ريناس هي الملكة العظيمة الوحيدة في تاريخنا..تاريخ السودان. هناك أماني ريداس وأماني شاخيتي وشـناكداخيتي و أماني تاري، وغيرهن ممن شاركن في صناعة أمجاد عظيمة رسختها نساء عظيمات أخريات ورجال عظماء في كل شبر من أرض هذا الوطن العظيم !
2. نحن أمة لم يرفع بطلها العظيم (عثمان دقنة) رأسه ليطالع ملك بريطانيا الذي أصر على التوقف في شرقنا في طريقه إلى الهند ليرى الرجل الذي كسر (المربع الإنجليزي) العسكري ومرّغ كرامة (جيش الإمبراطورية) بالتراب !
3. نحن أمة كان (مك تقلي) فيها يحمل العشاء إلى الملك بادي أبودقن ليلا..كرماً وشهامة..ويحاربه نهاراً. نحن أمة افترش قادتها (الفروة) ليسطروا أروع ملحمة في التاريخ. نحن شعب أنجب بيعانخي الذي أمر جنوده أن يكفوا عن القتال إذا طلب العدو مدداً !!
4. نحن أمة أنجبت تهارقا العظيم الذي سطر وثيقة (شاهد الملك السادس) في عظمة مملكته وبراً بـ(أمه) الملكة. برٌ متواصل منذ آلاف السنين وشاهداً عظيماً على برنا العظيم بأمهاتنا (الملكات) من الفاشر إلى بورتسودان، ومن حلفا إلى كوستي والدمازين إلى..نمولي، فالتاريخ وشواهد التاريخ هي التي تنطق لا (إرادة) البشير وعصابته !
5. نحن أمة أنجبت الفرسان في كل شبر من هذه الأرض الطاهرة..أمة (تقطع يد) من يفكر في إهانة المرأة السودانية المكرمة عبر التاريخ !
6. إنني أقبل أيدي النساء السودانيات - منحنياً - اللواتي نلن القدر الأعلى من البطش والظلم والقسوة على يد البشير وعصابته التي ضربت وأهانت (أماً - ملكة) أمس أمام جامعة الخرطوم ! 7. فلتكن (جمعة الكنداكة) يوماً يشهد به التاريخ في معنى تكريم (الأم) و(الأخت) و(الزوجة) و(الإبنة). فهن يتقدمن الصفوف الآن في كل مكان. هن يتوجن - الآن - كفاحاً عظيماً على مدى 23 سنة. إن شعباً تتقدم نساؤه بمثل هذه الصلابة ليقدن النضال - كما قادت أماني ريناس جيشها لهزيمة الرومان - حريٌ بها أن تنتصر وحريٌ بها أن (تغضب) من أدنى إهانة تلحق بـ(الملكات) !
8. (جمعة الكنداكة) يوم عيد ! عيد لتكريم المرأة السودانية. ليكن يوماً عظيماً يا فرسان الديم والكلاكلة وأم بدة والثورة والحاج يوسف، يا أبطال أركويت والصحافة ومايو والسلمة، يا فرسان ودنوباوي والموردة والملازمين وبحري وشرق النيل وكل شبر من الخرطوم، يا أبطال كسلا والقضارف وبورتسودان وربك وكوستي والدويم وسنجة وسنار ودنقلا، يا أبطال الأبيض وأم روابة ومدني والكاملين والحصاحيصا والقرير وكريمة ومروي. يا أبطالنا وفارساتنا في كل شبر من هذه الأرض..فلنزلزل الأرض من تحت أقدامهم المرتجفة، ولنر من سيُشوى في صيفنا الساخن هذا !
9. (الأم - الملكة) السودانية..لك العتبى حتى ترضين، فقد سكتنا على ظلمك 23 سنة، والآن سنسير خلفك من أجل تحريرنا جميع[B/]
Post: #12 Title: Re: أنا رابحة يا ود بطني جيت لا تهت فيك لا غبَّت العين عرفتن Author: elsawi Date: 07-13-2012, 04:13 PM Parent: #11
اطلقوا سراح نساء بلادي الشريفات يا كلاب
Post: #13 Title: Re: أنا رابحة يا ود بطني جيت لا تهت فيك لا غبَّت العين عرفتن Author: مهيرة Date: 07-13-2012, 04:39 PM Parent: #12
اللهم يامنتقم ياجبار عليك بعصابة البشير المجرمة
اللهم عليك بهم فانهم لا يعجزونك
اللهم مزق جمعهم
وشتت شملهم
اللهم احصهم عددا
واهلكهم بددا
ولا تغادر منهم أحدا
اللهم عليك بهم
اللهم عليك بهم فقد فسدوا وأفسدوا
وعذبوا وقتلوا
اللهم عليك بهم فقد انتهكوا حرماتك
اللهم يارحمن يارحيم
ياذو الجلال والاكرام
انج البلاد والعباد منهم ومن شرورهم
اللهم عليك بهم يامنتقم ياجبار
بركة الجمعة الجامعة والدعوة العند الله سامعة
آميييين
Post: #14 Title: Re: أنا رابحة يا ود بطني جيت لا تهت فيك لا غبَّت العين عرفتن Author: Inaam Saad Date: 07-13-2012, 04:51 PM Parent: #12
شكرا خالدة محمد خالد عالية خالد مسدار أبوعبيدة ولاء صلاح رشان أوشي وكل بناتي الجميلات
شكراً أخواتي ناهد جبرالله مها زين العابدين حليمة حسن عمر جليلة خميس أميرة عثمان صفية اسحق حواء جنقو عزة التيجاني زينب بدرالدين
