صدقونى الناس ديل لو جاء رمضان ولسة قاعدين الشعب كله ح يموت

من الجوع فقط

الاهل والاصدقاء والمعارف والغير معارف كلهم بيتصلوا بيقولوا فى حياء وخجل الحال اصبح صعب المعيشة اصبحت غير ممكنة
الحاجات غالية غلاء نار وما عندنا قروش
من يستحى لا يقولها لك مباشرة ان ترسل له دعم
واخرين لم يعد الحال يسمح بالمراوغة ولا مجال للحياء بل هو استجداء ورجاء
لم استطيع ان اكفى كل من يتصل فاتعذر بكلمات تصبيرية مثل خير وان شاءالله ما بنقصر معاكم وووو
ووالله اللى يكفى حق ناس بيتنا اصبح مشكلة



يا ايها المغتربون والمهاجرون الحقوا اهلكم انهم يموتون

هنالك خوف من المصير المجهول وشبح الموت جوعاً يحوم فى الخيالات
الحيرة ضربت الاذهان وشلت التفكير فىما العمل؟
وشهر رمضان على الابوب

احياناً اعتقد ان الشعب مسحور او اتعمل ليهو عمل
والا ما الذى يبقيهم صامتين وماكثين فى بيوتهم حتى الان؟ اما ان الاوان ليهبو هبة رجل واحد
هل هى مساهماتنا كمغتربين؟ وما نرسله من مصاريف
هل نقطع الدعم من الاهل حتى نضطرهم ليخرجوا الى الشارع؟
ماذا سيحدث ان توقف المغتربين والمهاجرين من ارسال المال؟

المشكلة الكبرى انه حتى ناس بيتنا بيقولوا ليك القروش وزعناها لبقية الاهل وما فضل لينا شىء

كدة النشوف لو كل المغتربين وقفو الدعم شهر واحد بس من اهاليهم ح يحصل شنو؟
الغلاء اصبح نار نار نار