اغنــيــة

ولما يهوم ليل الغربة واهوم فيه

بلقى مشاعري بتنده ليك

وابقى امارس رسم اوصافك

بين الباقي من الليل

وبداية صبحا ماخد نورو من عينيك

وكم انشودة بتطلع مني

مرة تكون منليانة حنين

ومرة الشوق الفيه شجون

ومرة كلاما فيه الحلم المابي يبين

ومرة قوافي

عاصية

وقاسية ومابية تلين

بس يا غالية بكرة بجيك

اخد من شبال نخلاتك

وارفع سيفي الكلمة

واعرض فارسا وسط النيل

وانت تزغردي ما هاميك

بكرة بجيك

وكل طلام الظلم الكان كاسيك

شالو السيل

ونرجع كلنا يا مشوار السكة الكنت طويل

ونفرش ارضك

حب

وجمال

وتعلو القيمة الح
ق
عشان يتلون حال الناس

بي كل الحق

يجلي نهار الحق بي اروع جيل

يا نيل بلدتنا الحضن كم احزاننا
ابشر
جاك صباح اللفرحة البدد كوم احزننا

بداية السيل مطرة خفيفة
ولما تزيد الريح العاتية
وتلقى الحتة رهيفة
بكسر سيل النيل الجامح
ويكنس كل العفن الطامح
وتبقى الحتة
صالحة نضيفة

بداية السيل مطرة خفيفة
ولما تزيد الريح العاتية
وتلقى الحتة رهيفة
بكسر سيل النيل الجامح
ويكنس كل العفن الطامح
وتبقى الحتة
صالحة نضيفة

ننشفت
بير الناس اللاحسة الكوع
حين اتمد كبير ظل القصر العالي منيف
بس نصبر كيف
لو تشوونا
او تتعلق في الساحات لينا مشانق
ما حنقيف