اسلوب طرح دكتور عمر القراي كان ركيكا وبئيسا ومجووووبك.

برنامج يحضره الملايين من المشاهدين اذن يتوجب عليك ان تتحدث باللغة العربية الفصيحة وبطلاقة، وفجعنا في الدكتور عمر القراي كان يتحدث وكأنه في صالون حلاقة.

ركيك انت ده .
الحلقة موجهة للسودانيين .
وبطلو حركات القرعة البتعملو فيها دي.

لا اوافقك

ربيع عبدالعاطي ركز علي منجزات الانقاذ في التلات وعشرين سنة، ولكنه فشل في موضوع مناقشة القروض والفساد وكان يمكن للقراي ان يعزف علي هذا الوتر جيدا فما عزف بما فيه الكفاية وكان عزفه المتواضع بالدارجي وكأنه في يتحدث مع ناس في سوق الناقة.

انا غايتو فهمت الكلام القالو
وحبوبتى ذاتها لو حضرتو كانت فهمتو

نقطة ضعف ربيع عبدالعاطي الغضب والانفعال كان يمكن للقراي ان يستخدمها ضد خصمه ويجعله اكثر غضبا وغضبا كي يقنع المشاهد العربي قبل السوداني فالمواطن السوداني لا يحتاج لاتجاه معاكس كي يفهم حجم الماساة التي يمر بها السودان الفضل.

Quote: برنامج يحضره الملايين من المشاهدين اذن يتوجب عليك ان تتحدث باللغة العربية الفصيحة وبطلاقة، وفجعنا في الدكتور عمر القراي كان يتحدث وكأنه في صالون حلاقة.

من يهم هو المشاهد السوداني. واعتقد أن أداء الرجل كان بنسبة 70% من المتوقع منه .وهي نسبة جيدة.

ما رأيك فيما كان يقوله مستر ربيع؟

نقطة ضعف القراي انه يتحدث بالعامية وكأنه يخاطب الحبوبات والعجزة والمسنيين او قل الشعب السوداني، والشعب السوداني يريد شخص يوّصل مصائبه للعالم اجمع بشكل بسيط وفصيح وليس عامية سودانية وهذا ما لم يفلح فيه القراي بالرغم من ان القراي لو كان قال ما قال بالعربية الفصحي لكفانا مشقة فتح بوست من اصله.

يا محمود بالعكس القراي كان واقعياً وهو يخاطب شعبه الامي والمتعلم بينما كان الاخر ضالاً يهيم في أودية الكذب مما جلب له السخرية.

ثم منذ متى كان التحدث بعاميتنا الجميلة مسبة ياااخي؟

يا اخ محمود العالم عارف وفايت اضنيهو ...
الحاجة الممكن انك ما تعرفغخها انو النظام عامل تعتيم داخلي ... المظاهرات البتطلع في الخرطوم نا س امدرمان ما بسمعو بيها والعكس
الحلقة دي لناس السودان .... لانهم كلهم بشاهدو الجزيرة.
وقع ليك ولا لسة ...؟

للمرة المليون بعد الالف السودانيين حتي حلفا حتي سواكن حتي الجنينة يعلمون بان هناك مظاهرات في الخرطوم وكانت هناك مظاهرات في كوستي في دنقلا في كسلا في الخرطوم في الثورات الحاج يوسف امبدات الخ ويعلون ان الغلاء بلغ قبة السماء وان الامن يفرض سطوته بلغة من حديد يعلمون كل ذلك مافي تعتيم داخلي، التعتيم خارجي اقول قولي هذا ولا احتاج لاحد ان يذكرني بمن هو ربيع ع العاطي.

الإتنين كانو مهرجين

الشكر لجميع المتداخلين معليش هذه وجهة نظري قد لا تعجب الكثيرين ولكن هذا انطباعي عن حلقة الاتجاه المعاكس البائسة عن السودان.

أحسن شيء كان بيتكلم بالعامية السودانية, لذلك كلامه وصل اي مشاهد سوداني
ركز على الفساد و المعلومةوصلت .

عارف يا الدقم,
ربيع عارف نفسو بيغالط ساى عشان كده كان (بيهرج) أكثر منه بيناقش.
ومشكلة القراى إنه عام عومه فى بعض الأشياء.
عارف مأزق الزول حريف الكورة لما يلعب مع واحد (كيشة), أهو ده
الحصل فى الحلقة, واحد بيحاول يلعب بى منهجية وأسس, والتانى بيشتت
فى الكور وبيشوت فيها أوتسايد فى إنتظار صافرة النهاية حتى يتخلص.

هل القراي كان يستهدف العرب ام السودانيين

اذا كان يستهدف المشاهد العربي سيكون لرأيك بعض الوجاهة.
اما اذا كان يستهدف السودانيين فلا معنى لرأيك

سلام الأخ الدقم ، نحترم وجهة نظرك ولكن ،،،،

Quote: ثم منذ متى كان التحدث بعاميتنا الجميلة مسبة ياااخي؟

شكرا شاعرنا القامة
اوجزت ، خير الكلام ما قل ودل
تسلم والله

الدكتور القراي نجح في إيصال الرسالة لكل مواطن بسيط في بيته، باستخدامه لغة بسيطة جدا

الرأي العام العربي لا يهم في هذه المرحلة، المهم هو أن يفهم المواطن البسيط لماذا يجب أن يسقط هذا النظام

وأن يفهم المواطن البسيط أن عبائة الدين هي مجرد ضحك على الدقون وأعتقد أن د.القراي نجح في إيصال رسالته لأن (حبوبتي) اتكيفت ليه شديييييد

العربية ليست مسبة ولا اللهجة السودانية مسبة، انت دكتور ومحاضر جامعي تخاطب الملايين عبر قناة لم تصمم للمشاهد السوداني، بل صمتت للمشاهد العربي، اما اذا كان الدكتور القراي قد اتي ليعزل مشاهده العربي عن المأساة في السودان ويخصص كلامه فقط للشعب السوداني فهذا امر اخر، غريب جدا، اذن خاطبهم بالفصحي، وعندما تكون لديك قناتك الخاصة السودانية تحدث بالرطانة لا ضير عليك، وحتي لا ياتي كل من هب ودب ويرمي درررراب، عنوان البوست (اسلوب طرح دكتور عمر القراي...الخ) وليس (طرح دكتور عمر القراي..الخ).

* القرّاي طرح آراء جيدة جداً أضعفها بلهجته السودانية الدارجة، فالحديث في قناة شعبية عامة مثل الجزيرة يتابعها أغلب الناس في العالم العربي ليس مثل الحديث في "إذاعة البيت السوداني".
* أما ربيع إزيرق فكان مثيراً للشفقة بحق " كضب وقوة عين".

التحية للدكتور القراي الذي لم يستجيب للإستفزاز
والهجوم الشخصي ووصلت رسالته للجميع ..
الفرق شاسع بين عرض قضية شعب يقاوم
وشخص يداهن بالدفاع عن الجلاد..

Quote: لشكر لجميع المتداخلين معليش هذه وجهة نظري قد لا تعجب الكثيرين ولكن هذا انطباعي عن حلقة الاتجاه المعاكس البائسة عن السودان.

أبدأ يا الدقم ، أنا كنت متوقع اكتر من كدة من الدكتور عمر ، أنا اللي ما بخبرة عمر القراي في المجال ده يمين لو قعدوني معاهو
كان جبت لي ربيع ده ضغط وسكري

Quote: أبدأ يا الدقم ، أنا كنت متوقع اكتر من كدة من الدكتور عمر ، أنا اللي ما بخبرة عمر القراي في المجال ده يمين لو قعدوني معاهو كان جبت لي ربيع ده ضغط وسكري

في احدي البرامج الحوارية قبل سنوات كان طرفها الراحل الخاتم عدلان واحد الانقاذييين كان المرحوم قد درش الانقاذي درش، لغة رصينة وقوية وصوت جهوري ومنطق راكز، انظر الخصوم ضيوف الاتجاه المعاكس الذين تم استضافتهم من سوريا او العراق او ليبيا او اليمن انظر اليهم حتي ان بعض منهم وصل بهم الحال حتي الملاكمة، صحيح لا نريد من القراي ان يلكم عبدالعاطي لكن نتمني سخونة في الجانب المعارض مثل زعيم الجبهة الوطنية السيد حسنين مع خصمه الاخر في اخر اتجاه معاكس.

السبب الذي جعلني اختار هذا العنوان للبوست هو اننا كنا قرابة التسعة اشخاص، تلات عراقيين، ومصري واخ يمني والبقية سودانيين وكان الاخوة العرب الذين في ضيافتي جاءو مخصوص كي يشاهدو سلخ ربيع ع العاطي ضحي، ولكنهم كانو يقولون لي بين الفينة والاخري ترجم لينا يا معوّد ايش يقصد هالدكتور من ها الحكي؟؟؟ نقدي هذا لا يقلل لا من قيمة ما طرحه القراي، لكن اللغة العربية كانت ستجمل طرحه، ربيع ع العاطي كالعادة كلامو كلام الطير في الباقير.

Quote: برنامج يحضره الملايين من المشاهدين اذن يتوجب عليك ان تتحدث باللغة العربية الفصيحة وبطلاقة، وفجعنا في الدكتور عمر القراي كان يتحدث وكأنه في صالون حلاقة.

يا محمود اخوى هو فى عربي ما بعرف لهجة السودانيين هو البشير موش صدر ليهم السودانيين!
اى عربي لا يعرف لهجتنا ليس معنى بالبرنامج!
عليك الله ناس الشفيع السزدانيين نفع فيهم كلام القراى لمن ينفع فى ناس هيك !
جنى

سلام يا محمود
استخدام لغة مفهومة للجميع (كل الناطقين بالعربية) بقدر الامكان امر مهم ما فى ذلك شك ويساعد على انتشار الفكرة
لكنى على قناعة تامة بأن الاخ عمر القراى كان جيد الاداء ، ومع ذلك فهو وغيره من القابضين على جمر القضية من المثقفين يحتاجون دوما الى المراجعة والتجويد بالاطلاع على اراء الناس .
استخدام العامية السودانية جزء من تقاليد الفكرة الجمهورية فى الاعتزاز بالقومية السودانية هو شىء حميد وله ايجابياته
سخصيا اميل الى استخدام الفصحى قدر الامكان واعتقد انها واحدة من اسباب انتشار الاسلام السياسى وهو نجاح له علاقة بأهل النقل عامة ومحاولات استحضارهم للقرن السابع، ولا علاقة له باطلاعهم على التطور فى اللغويات !

محمود سلامات..

عنوانك هو:

Quote: اسلوب طرح دكتور عمر القراي كان ركيكا وبئيسا ومجووووبك.

وكلامك كلو ما كان غير إنو د. القراي تحدث بالسودانية، اللغة التي نعتز بها وندرسها لطلابنا.
فأذا كان الكلام بالسودانية ركيكاً، فده حسب مفهومي المتواضع بيعني أن المتحدث لا يجيد السودانية
أو كانت لغته فقيرة. وأعتقد أن البروف القراي متحدث جيد للسودانية الثرة.

وقد دعى ذلك لأن يتساءل شاعرنا المفدي زمراوي:

Quote: ثم منذ متى كان التحدث بعاميتنا الجميلة مسبة ياااخي؟

إذاً هي ليست ركاكة..

أما بؤس أستاذنا القراي أو جوبكته.. فدي محتاجة منك شوية شرح؟

نحن نتحدث السودانية التي (إقتطف) منها د. فيصل القاسم، وما معنيين بترجمتها
فمن أراد أن يفهمها، فعليه التقرب منها ودراستها..
وقد تلاحظ أن المصطلحات الإستخدمناها في الأسابيع الماضية بقت معروفة ومردده إعلامياً.

كل ده كوم.. وكلام القراي ومضمونه كوم!
فهو نجح في إيصال رسالته للمشاهد السوداني أو غيره بالكامل.

ولربما لاحظت أن فيصل القاسم (السوري) تابع حديثه بإهتمام.

ومعليش.. أغفر لي إسلوبي الركيك ده معاك!

Quote: سلام يا محمود استخدام لغة مفهومة للجميع (كل الناطقين بالعربية) بقدر الامكان امر مهم ما فى ذلك شك ويساعد على انتشار الفكرة لكنى على قناعة تامة بأن الاخ عمر القراى كان جيد الاداء ، ومع ذلك فهو وغيره من القابضين على جمر القضية من المثقفين يحتاجون دوما الى المراجعة والتجويد بالاطلاع على اراء الناس . استخدام العامية السودانية جزء من تقاليد الفكرة الجمهورية فى الاعتزاز بالقومية السودانية هو شىء حميد وله ايجابياته سخصيا اميل الى استخدام الفصحى قدر الامكان واعتقد انها واحدة من اسباب انتشار الاسلام السياسى وهو نجاح له علاقة بأهل النقل عامة ومحاولات استحضارهم للقرن السابع، ولا علاقة له باطلاعهم على التطور فى اللغويات !

الدقم ازيك
القراي تحدث كما كان يتحدث في اركان النقاش في جامعة الخرطوم في اوائل الثمانينات بقليل من التمكن وباستعجال شديد يجعل متابعته عسيرة
مخاطبته كانت "محلية" كأنما يخاطب مجموعة طلاب متجمعين حوله
القراي وفي اول مداخلة فرش "متاعه" بالكامل، كأن الحلقة مداخلة واحدة وليست ساعة كاملة
كانت هناك مساندة واضحة من القاسمي للقراي، ربما لضعف احس به
القاسمي حاول جاهداً ان لا يجعل ربيع يجاوب على اسئلة القراي
ربيع استغل نقطة ضعف القراي في انتماؤه للفكر الجمهوري الذي يظن اغلبية السودانيين وكل العرب والمسلمين بكفره و بي كده استطاع ان يجرده من اي تعاطف خارجي، ولم يفتح الله على القراي ولا بكلمة واحدة دفاعاً عن فكره وكان يعلم انو اي جرجرة في الحتة دي ح تغرقه في كوب ماء
ربيع استطاع ان يستعرض الكثير من منجزات الانقاذ وبالارقام، كان مرتب وثابت جدا
استرجاع مشاركة ابني الصادق والميرغني احرجت القراي وكانت ضربة قاضية يصعب صدها

Quote: أما بؤس أستاذنا القراي أو جوبكته.. فدي محتاجة منك شوية شرح؟

بؤس اسلوبه وليس شخصه، العامية السودانية استخدمها داخل السودان اما في قناة عالمية فيستحسن ان تتحدث اللغة العربية، وتكون ضربت عصفورين بحجر، اقنعت العالم اكثر بفساد الانقاذ بصفتك معارض سوداني دكتور محاضر جامعي، واقنعت رايك بالداخل وان كان من هم بالداخل لا يريدون احد ان يقنعهم لانهم عاشوا الانقاذ قرابة الربع قرن.

Quote: نقطة ضعف القراي انه يتحدث بالعامية وكأنه يخاطب الحبوبات والعجزة والمسنيين او قل الشعب السوداني،

فعلا نحن مسنين وعجزة وحبوبات ياخي
ياخي الحكومة دي غيبت عنا 23 سنة من عمرنا في كذب وكلام فاضي ورقيص فوق الطرابيز
ياخي ربيعو دا عامل خشمو المعووج دا كان واضح كذبه يناقض الرئيس بتاعو في مديونية السودان

وزيما قال اخينا خالد عويس
ربيع عبدالعاطي قدم (نموذج فشل الإنقاذ) وأكاذيبها التي كنا نتحدث عنها..والدكتور عمر القراي بكل موضوعية وإقتدار..
القراي أدار المعركة الإعلامية بقدرات عالية للغاية وهمة كبيرة

ملاحظة شخصية موجهة لكاتب البوست المحترم
الم تلاحظ ان القراى بدا حديثه بالبسملة بعكس ربيع الذى كانه لا يعرف شيئا مثل هذا ..رغم ان الاخوان دائما ما يدعون ويزايدون على الاخرين فى كثير من الاحيان بانهم لم يبداوا بالبسملة ..
اريد رايك الشخصى

Quote: برنامج يحضره الملايين من المشاهدين اذن يتوجب عليك ان تتحدث باللغة العربية الفصيحة وبطلاقة،

رجعنا تاني لوهم العروبة!

وأفرض إنو السودانيين من قريش،

ما كل العرب برطنوا بدارجية بلدانم

يا رجل - كما يقول فيصل القاسم - الرئيس اللبناني ذاتو، البلدو كانت رفضت انضمام السودان لعضوية جامعة الدول العربية،

لمن يتحدث في التلفزيون بتحدث باللبناني،

ولا شو رياك، خيو.

وبعدين الدكتور السوري مقدم البرنامج ذاتو، كان بتكلم بالدارجي السوري.

ما أعجبني في الدكتور القراي هدوأه وعدم خروجو من الموضوع.

ربيع عبدالعاطي كام متشنجا كعادة الكيزان ومتهربا من الموضوع كعادة الإنقاذيين.

أنا ما أتأكدت من نهاية حكم الكيزان إلا البارح لمن شفتا حالة عبدالعاطي.

الأخ صاحب البوست،

المولد دا انفض، وحقو تتلب قبال المركب يصل الطين.

ياتو طين؟ اذهب اقرا البوست من اوله ثم عد؟

الاخ محمود
سلام
في المناظرات انت لاتستهدف مناظرك ، الا اذا كنت خالي الوفاض ، بل تحرص علي كسب واقناع حضور المناظرة ...
والقراي علم من اعلام المناظرة الحرة المفتوحة ، بلا حدود ، من ركن النشاط في في جامعة الخرطوم الي شجرة اللبخ جوار الخارجية .
والحرص والاستهداف هنا لم يكن لاعراب الخليج او المحيط ، بل كان المقصود ان تصل الرسالة للمنتفضين في ماتبقي من السودان
وان يؤهج جمر الثورة ... فالاعراب من الخليج الي المحيط تنقاد انظمتها برسن امريكي مبين

Quote: * القرّاي طرح آراء جيدة جداً أضعفها بلهجته السودانية الدارجة، فالحديث في قناة شعبية عامة مثل الجزيرة يتابعها أغلب الناس في العالم العربي ليس مثل الحديث في "إذاعة البيت السوداني". * أما ربيع إزيرق فكان مثيراً للشفقة بحق " كضب وقوة عين".

هذا بالضبط ما قصدت ان اقوله، شكرا.

Quote: اذا كان يستهدف المشاهد العربي سيكون لرأيك بعض الوجاهة. اما اذا كان يستهدف السودانيين فلا معنى لرأيك

اجبتُ علي هذا الكلام

بوستك غير موفق يا محمود الدقم..

Quote: بوستك غير موفق يا محمود الدقم..

وجهة نظرك وهي جديرة بالاحترام.

]

Quote: ربيع عارف نفسو بيغالط ساى عشان كده كان (بيهرج) أكثر منه بيناقش. ومشكلة القراى إنه عام عومه فى بعض الأشياء.

ربيع ع العاطي ركز علي منجزات ثورته وركز علي انهم استلمو خزينة البلد في حال يرثي لها، كنا نتوقع من القراي ان يمسح بربيع ع العاطي في هذه النقاط بالذات يحمد للقراي انه لم يستجب لاستفزازات كونه جمهوري الخ، لكن بشكل عام كنت اتوقع اكثر من ذلك من القراي.

د.القراى فش غبينتنا امبارح اكتر من على محمود حسنين فى البرنامج السابق ..

Quote: اسلوب طرح دكتور عمر القراي كان ركيكا وبئيسا ومجووووبك.

يا أستاذ محمود، مقدم البرنامج دائـماً ما يسأل ضيفه إذا لم يفهم شيئاً من/عن طرحه؟ تقصد شنو بهذا، وتقصد شنو بذلك.
هذا لم يحدث من مقدم البرنامج فيصل القاسم، وقس على ذلك. وهذا يعني أنْ طرح القراي كان واضحاً لمقدم البرنامج.

الشيء الوحيد الذي أوقف فيصل وسأل عنه القراي، هو كلمة (محرش)، عندما أراد فيصل توجيه سؤال لربيع.

يا أخي العالم كلو دلوقتي يعرف معنى (كتاحة)، (لحس الكوع)، (شذاذ الآفاق). وبني يعرب لا يعرفون ما قاله القراي بالأمس؟

أنْ يكون أداء ربيع عبد العاطي بهذا البؤس والفقر المدقع والركاكة والجوبكة ومجافاة الحقيقة، لا يعني أنّ ندمغ الطرف الآخر (القراي) بذلك أيضاً.

بالمناسبة، الجزيرة ممكن تعمل ترجمة (على الشريط) لكلام القراي باللغة العربية الفصحى لبني يعرب ومن شاكلهم من بني يستعربون. عسى أنْ يفهموا عند اعادة بث الحلقة. ولكنها لن تفعل ذلك حتى لا تـُدمغ بأنها ضد العامية السودانية.

اللغة وسيلة وليست غاية، ونجح القراي في استعمال وسيلته المناسبة (عامية سودانية قحة) لتقديم طرحه. كان يمكن أنْ تكون وسيلته لغة عربية أكثر فصاحة وبلاغة ولكنها خاوية المحتوى. العبرة بقيمة ما طرحه، وليس باللغة التي استعملها.

القراي كان مقنعـاً. وكفى.

شكراً.

تعرف يامحمود
ان اراد القراي التحدث بالفصحى لالقم غريمه ربيع حجرا لغويا ولالزمه
في ركن قصي للغة الضاد
وكنت آفضل آن يفعل القراي ذلك
لان ربيع برغم صوته العالي وانعدام المنطق والشخصنه
فهو عاجز عن الرد الشافي المعافى

ياخلق الزول ده جا المنبر ككوز!

راجعو الارشيف!

نعم طيرناها ليهو في راسو، ولكن قال يموت الظمّار، ولكن اصابعينو بظلو متحركين في الهوا!

ايضا ما تنسو الجريقيس عامل فيها عربي او كده، او ده منطلق كلامو عن الفصحي والدارجي مع انو عاش في لبنان او شاف حتي الارهابي نصر الله الاصولي بتكلم لبناني مش فصيح!

من الاسباب اللبناني ماعايز ايها حاجة تجمعو بالذنوجة كارهي ذاتم، من امثال الدقم ديل، ولهذا ينفر بل يسووي عوع من العربية ممضوغة في خشم امثال الدقم!

Quote: ياخلق الزول ده جا المنبر ككوز! راجعو الارشيف! نعم طيرناها ليهو في راسو، ولكن قال يموت الظمّار، ولكن اصابعينو بظلو متحركين في الهوا!

الف جنية استرليني كاش في رقم حسابك البنكي يا سيد بشاشا لو اتيت بسطر واحد من ارشيفي يثبت باني كنت كوز من قريب او من بعيد، اطلاق التهم جزافا هينا التامل في الاثبات.

Quote: تعرف يامحمود ان اراد القراي التحدث بالفصحى لالقم غريمه ربيع حجرا لغويا ولالزمه في ركن قصي للغة الضاد وكنت آفضل آن يفعل القراي ذلك لان ربيع برغم صوته العالي وانعدام المنطق والشخصنه فهو عاجز عن الرد الشافي المعافى

شكرا اخي الموصلي، وهذا ما اردت توصيله للزملاء، وكون الدكتور القراي تكلم بالعامية هذا لا يعني ان مضمون كلامه ركيكه، بل انت كمحاضر جامعي يفضل ويستحسن ان تخاطب متلقّيك بالفصحي، ايضا كانت هناك ثقوب كبيرة في طرح د ربيع ع العاطي مثل لم تهربه من عمالة النظام، مناقشة قضايا الربا داخل البرلمان، فشله في اثبات ان هناك حريات عامة في البلد، قوله بان المعارضة غير موجودة وهي بيوتية الخ مثل ربيع ع العاطي كان يحتاج لانسان اكل لحوم البشر.