Post: #1
Title: أشهد: القراي كورتو فكت
Author: الشفيع وراق عبد الرحمن
Date: 07-10-2012, 09:01 PM
Parent: #0
هذا ليس بالقراي الكان بهز و يرز في اركان جامعة الخرطوم
فقد المنطق وادراة الحوار
لم يستطع ايراد كلمة واحدة دفاعاً عن معتقده الجمهوري
ربيع مد رجليهو لامن دفقن بي هناك
وفي الاخير بقى فيصل القاسم يساند القراي ويقنطر ليهو الكور
المشكلة انه الزول الظاهر كبر وبقى يجليها واقفة
|
Post: #2
Title: Re: أشهد: القراي كورتو فكت
Author: محمد البشرى الخضر
Date: 07-10-2012, 09:05 PM
Parent: #1
طيب يا شفيع قول القراي كورتو فكت
رايك شنو في كذب ربيع عبد العاطي دا ذمتو الفكت
|
Post: #3
Title: Re: أشهد: القراي كورتو فكت
Author: ناصر احمد الامين
Date: 07-10-2012, 09:16 PM
Parent: #2
ههههههههههههههه
شفيع يا رااااااجل
دا كلو خليهو
بس حكاية متوسط دخل الفرد في السودان
1800 دولار القالها ربيع عبدالعاطي دي
عللها لي.!!
____________________
هو اسه الدولار بي كم بالمناسبة؟
|
Post: #4
Title: Re: أشهد: القراي كورتو فكت
Author: فايزودالقاضي
Date: 07-10-2012, 09:17 PM
Parent: #2
الشفيع ...سلامات ...
نقول كورت القراى فكت
نسمع رايك في كلام ربيع في حتة دخل الفرد وفي ديون السودان ..هل هو صادق ؟ بصراحة يالشفيع !!!
تحياتي ،،
|
Post: #5
Title: Re: أشهد: القراي كورتو فكت
Author: عوض محمد احمد
Date: 07-10-2012, 09:28 PM
Parent: #4
سلام يا شفيع
ههههههههههههههه
لك مقدرة كبيرة فى ابتدار مداخلات تثير الغيظ لدى الاخر
لكن المرة دى فانت تثير الرثاء: فزولك تمت زرزرته زرزرة السنين
|
Post: #7
Title: Re: أشهد: القراي كورتو فكت
Author: جمال خضر
Date: 07-10-2012, 09:43 PM
Parent: #5
الشفيع وراق إنت بى صحك
ربيع عبد العاطى غاشنو جماعتك ومصورين ليهو إن الخزانات
والطرق التى أُنشئت بحر مال السودان وليس لها علاقة
بالقروض من قريب أو بعيد ولم يسمع مناقشات البرلمان
المخجوج عن القروض الربوية فى تمويل الأفيال البيض
التى تُسمى سدودا ولم يسمع عن الفساد والإفساد .
ربيع عبد العاطى وخالد المبارك من أضعف الكوادر
التى يمكن بسهولة هرسها فى أى نقاشات أو مناظرات
لذا يحاولوا دائما الخروج على النص وتشتيت الكرة.
أركز يا وراق وبطل جقلبة أنت فى قرارة نفسك مقتنع
بضعف هذا الربيع ود عبد العاطى لكن عقلك الباطن يرفض
ذلك , الله يكون فى عونكم .
|
Post: #8
Title: Re: أشهد: القراي كورتو فكت
Author: مرتضى احمد عبد القادر
Date: 07-10-2012, 09:48 PM
Parent: #6
لم يستطع ايراد كلمة واحدة دفاعاً عن معتقده الجمهوري
------------------------------------------------------
كورتو فكت كونو ما استجاب للإستفزاز والخروج عن الموضوع !!!
|
Post: #10
Title: Re: أشهد: القراي كورتو فكت
Author: الصادق اسماعيل
Date: 07-10-2012, 10:04 PM
Parent: #8
| Quote: وجاءت السودان في المركز الـ"14" عربيا والـ"138" عالميا بنصيب فرد "2465" دولارا في العام 2010 مقابل "2380" دولارا في العام 2009 |
يعني برضو ربيع كضاب
مع العلم أن الإحصائية اعلاه تبين نصيب الفرد من الدخل القومين يعنى ما عندها علاقة لا قريب لا بعيد بمسالة دخل الفرد، الموضوع وما فيهو إنو بيشوفو دخل البلد كم وبيقسموه على عدد السكان.
أما متوسط دخل الفرد فدا كلام ساكتز
|
Post: #13
Title: Re: أشهد: القراي كورتو فكت
Author: Al-Shaygi
Date: 07-11-2012, 00:20 AM
Parent: #6
Quote:
وجاءت السودان في المركز الـ"14" عربيا والـ"138" عالميا بنصيب فرد "2465" دولارا في العام 2010 مقابل "2380" دولارا في العام 2009
|
بي جدك يا زول؟؟
الحسبة السجم الجايبة دي يعني متوسط الدخل أكثر من 10 مليون بالقديم
طيب المغتربين ليها شنو يابا؟
وده المتوسط بين العتالي البشيل فوق ضهرو والطبيب والمهندس "المهنيين" (أعلى/أدني)،،
يعني المهندس بيكون فوق الأربعين مليون وفقاً للمتوسطات المزعومة..
يبقى العتالي وسيد السجم ديك السموها درداقة وسولها رخصة ورسوم والحماري (كارو الحمار، لأنو من قمنا الكارو بيجرو حصان) يكون دخلو 5 مليون وبرضو بالقديم ....
طيب
القاعد ليها شنو،، إلا تقول لي الموية والتكييييييييييف...
يا أخونا زوجتي أستاذة جامعية دخلها 850 ألف بالقديم يعني أقل من 550 ريال قيمة مقاضي أسبوع لأسرة من العثيم...
إت ما عندك ولايا بي غادي؟
ولا موالات السجم بقتك (أنا ووليداتي واليذهب الأخرون للجحيم)....
ألهم أرحمنا وأهدنا إلى سواء السبيل وأهدي كل من نحب وكل من ضل عن سبيلك...
الشايقي
http://www.youtube.com/watch?v=WjNosdjuv7s
[email protected]
http://alkatwah.com
.
|
Post: #9
Title: Re: أشهد: القراي كورتو فكت
Author: Hani Arabi Mohamed
Date: 07-10-2012, 09:57 PM
Parent: #1
الرجل قدّم أداء جيداً بنسبة 70% مما كان مطلوباً منه. والحديث كان عن مظاهرات السودان وليس ركن نقاش عن الفكر الجمهوري.
|
Post: #12
Title: Re: أشهد: القراي كورتو فكت
Author: جمال خضر
Date: 07-10-2012, 11:01 PM
Parent: #11
الشفيع وراق
لك التحايا
يظهر أن هنالك حلقة أُخرى من البرنامج تمت منتجتها ودبلجتهاو شاهدها حصريا ود الباوقة والشفيع وراق
غير الحلقة التى بُثت على الهواء وحضرها كل المشاهدين . البون شاسع بين الإتنين ,لو أتى النظام
بكل مفكريه ومنظريه ووضعهم فى كفة ووُضع القراى فى كفة أُخرى صدقنى سترجح كفة القراى .
كلما أُشاهد ربيع عبد العاطى أو خالد المبارك وضعف حججهم وعجزهم الواحد يدخل فى (ضوافره) لأن
البرنامج ذو مشاهدة عالية وهؤلاء الذين يُضاف حرف الدال قبل إسميهما محسوبين على السودان.
بصورة أُخرى كأنى أشاهد مباراة لكرة القدم أحد أطرافها فريق برشلونة الإسبانى والطرف الآخر
فريق من أحد أحياء الباوقة يقود الجهاز الفنى فيه عمر ود الباوقة .
أركز الشفيع فحكومتك تلفظ فى أنفاسها الأخيرة.
|
Post: #14
Title: Re: أشهد: القراي كورتو فكت
Author: اسماء الجنيد
Date: 07-11-2012, 00:42 AM
Parent: #12
الشفيع سلامات
دايرين تمسكو الناس ضنب الككو بي الفكر الجمهوري ؟؟
ربيع كمضااااااااااب منافق افاك ، ما تكابر وتسانده ساي
إتنين لو قالوا ليك راسك مافي اهبشو .
والله ربيع قعد يبلع في ريقو لامن آآمن والله صحي
اتعصر عصرة السنين ,مقدمة البرنامج براها لحقتو امات طه
اعترفوا يا جماعة اعترفوا عشان ما تنفضحوا قرييييب
|
Post: #15
Title: Re: أشهد: القراي كورتو فكت
Author: معاوية المدير
Date: 07-11-2012, 00:48 AM
Parent: #14
سلآمات يا الشفيع.
نجح محمود محمد طه في تربية أتباعه،
بينما فشل حسن الترابي.
والله صحي...
|
Post: #16
Title: Re: أشهد: القراي كورتو فكت
Author: طارق جبريل
Date: 07-11-2012, 00:56 AM
Parent: #15
|
Post: #17
Title: Re: أشهد: القراي كورتو فكت
Author: Hani Abuelgasim
Date: 07-11-2012, 00:56 AM
Parent: #15
الدكتور القراي نجح في إيصال الرسالة لكل مواطن بسيط في بيته، باستخدامه لغة بسيطة جدا
الرأي العامك العربي لا يهم في هذه المرحلة، المهم هو أن يفهم المواطن البسيط لماذا يجب أن يسقط هذا النظام
وأن يفهم المواطن البسيط أن عبائة الدين هي مجرد ضحك على الدقون وأعتقد أن د.القراي نجح في إيصال رسالته لأن (حبوبتي) اتكيفت ليه شديييييد
|
Post: #18
Title: Re: أشهد: القراي كورتو فكت
Author: Hani Abuelgasim
Date: 07-11-2012, 01:01 AM
كما أن وتر اغتيال الشخصية عبر الحديث عن أن القراي جمهوري، لم يؤتي أكله بتاتا، وكان فيصل القاسم واعي لذلك ويلزمه بالابتعاد عن شخص القراي ومناقشة الموضوع المطروح والقراي نجح ببراعة بعدم حتى تلميحه أو محاولة رده على ما طرحه (صيف عبدالآخذ)
القراي نجح في استغلال منبر الجزيرة لتوصيل الرسالة لأكبر عدد ممكن من المواطنين،
|
Post: #19
Title: Re: أشهد: القراي كورتو فكت
Author: Yassir Tayfour
Date: 07-11-2012, 01:16 AM
Parent: #18
أكتب يا شفيع ليراك الناس، إما أنك ساذج لحد الشفقة، أو صاحب منفعة رخيص ولا يستحي..
|
Post: #20
Title: Re: أشهد: القراي كورتو فكت
Author: عبد الحي علي موسى
Date: 07-11-2012, 01:22 AM
Parent: #19
Quote: هذا ليس بالقراي الكان بهز و يرز في اركان جامعة الخرطوم
فقد المنطق وادراة الحوار
لم يستطع ايراد كلمة واحدة دفاعاً عن معتقده الجمهوري
|
خليك موضوعي.
الحلقة ليست عن المعتقد الجمهوري.
والقراي يجيد الدفاع عن هذا المعتقد، أكثر من الحوارات السياسية، والكيزان يدركون ذلك.
يا أخي المؤمن لا يكذب.
|
Post: #21
Title: Re: أشهد: القراي كورتو فكت
Author: jini
Date: 07-11-2012, 01:27 AM
Parent: #20
Quote: هذا ليس بالقراي الكان بهز و يرز في اركان جامعة الخرطوم
فقد المنطق وادراة الحوار
لم يستطع ايراد كلمة واحدة دفاعاً عن معتقده الجمهوري
ربيع مد رجليهو لامن دفقن بي هناك
وفي الاخير بقى فيصل القاسم يساند القراي ويقنطر ليهو الكور
المشكلة انه الزول الظاهر كبر وبقى يجليها واقفة |
الثوم كله ريحتو واحدة
جنى
|
Post: #22
Title: Re: أشهد: القراي كورتو فكت
Author: Hani Abuelgasim
Date: 07-11-2012, 02:16 AM
Parent: #21
د.القراي، نجح نجاح باهر في عدم التفاته لمحاولة اخراج الحوار عن مضمونه ومحاولة اغتيال الشخصية التي مارسها (صيف عبدالآخذ) بالمحاولة مرارا للتحدث عن الفكر الجمهوري، لكن فيصل القاسم كان واعيا جدا وقال له ناقش واقع السودان وليس فكر عمر القراي والدكتور عمر، لم يلمح حتى ولم يدافع عن فكره الذي له باع طويل في المدافعة عنه إنما انحاز للمواطن البسيط، عبر لغة بسيطة جدا
استطاع القراي أن:
1. يبين كذب الكيزان ابتداء من رئيسهم، عبر ذكر حادثة القصر والسجن في 1989
2. أن يفضح أن الكيزان لو كانت لهم شعبية لما احتاجوا لانقلاب حتى يصلوا للسلطة
3. أن يدفع عبدالعاطي للكذب مرارا، منها عندما سأله عن ديون السودان حاليا، وأجاب بعدالعاطي (لا يوجد) ورد عليه (البرلمان كان يناقش ربوية القروض)
4. أن يثبت أن المظاهرات فعالة وأنها ليست بضع مئات عندما سأل (فيصل القاسم) ليه رئيس الجمهورية واجع راسه بناس بعدد أصابع اليد
5. أن يثبت أن طرح الدستور الاسلامي الآن، هل يعني أن ال23 سنة الفاتت ما كان اسلامي؟؟؟
6. أن يثبت أن ممارسة النظام لا تمت للاسلام بصلة - (أما السائل فلا تنهر) لكن النظام العام أقر قانون يجلد السائل (الشحاتين) + جلد المواطنة الجنوبية + الآف النساء
استطاع (صيف عبدالآخذ)
1. أي يحاول جرجرة الحوار نحو الفكر الجمهوري ... وفشل
2. أن يحاول مرة أخرى أن يجر الحوار نحو الفكر الجمهوري، وفشل أيضا
3. أن يثبت أن المواطنين السودانيين كانت حالتهم بالبلاء في 1989 والآن متوسط دخل المواطن 1800 دولار ... (واعتقد دا أكبر فشل)
4. أن يثبت أن النظام أنجز الكباري والطرق - (وفيصل القاسم) رد عليه فرحانيين بكم كبري وشارع زلط، هل هذه انجازات نظام في 23 سنة .. قام فنح الباب (بنجاح) للدكتور القراي للحديث عن الديون
5. أن يثبت أن النظام يسمح بمساحة ضخمة من الحريات .. وفيصل القاسم أكد على ذلك باعتقال ضيفه المخطط له لحضور الحلقة كمال عمر قبل ساعات من ظهوره
القراي نجح في أن يجعل من الجزيرة ذات الشعبية الكبيرة منبرا له ليتحدث إلى الموطن السوداني البسيط الذي أصمت آذانه الآلة الإعلامية للنظام (بقيادة عبدالآخذ حاليا) والذي كانت وما زالت تصادر أي صحيفة تكشف له هذا الجزء البسيط من الحقائق، إضافة إلى إغلاق المواقع كسودانيزأونلاين والراكوبة وحريات
القراي وجه حديثة لكل مواطن، لم يتحدث عن الديمقراطية ولم يتحدث عن الحريات ولم يتحدث عن الحريات السياسية والفكرية، بل تحدث ببساطة أن هؤلاء كذابون وأن الناس بتاكل وجبة واحدة في اليوم وأن السخينة (موية وبصل) أصبحت صعبة على من يعول أسرة - وان الحديث عن الاسلام والشريعة كذب .. وهذا كل ما يحتاج أن يعرفه المواطن البسيط
تأثير هذا اللقاء سيظهر غدا ويوم الجمعة
|
Post: #23
Title: Re: أشهد: القراي كورتو فكت
Author: الشفيع وراق عبد الرحمن
Date: 07-11-2012, 05:01 AM
Parent: #22
خليكم عقلانيين
الحلقة في الفضاء الطلق ويشاهدها مئات الالاف
القراي تحدث كما كان يتحدث في اركان النقاش في جامعة الخرطوم في اوائل الثمانينات بقليل من التمكن وباستعجال شديد يجعل متابعته عسيرة
مخاطبته كانت "محلية" كأنما يخاطب مجموعة طلاب متجمعين حوله
القراي وفي اول مداخلة فرش "متاعه" بالكامل، كأن الحلقة مداخلة واحدة وليست ساعة كاملة
كانت هناك مساندة واضحة من القاسمي للقراي، ربما لضعف احس به
القاسمي حاول جاهداً ان لا يجعل ربيع يجاوب على اسئلة القراي
ربيع استغل نقطة ضعف القراي في انتماؤه للفكر الجمهوري الذي يظن اغلبية السودانيين وكل العرب والمسلمين بكفره و بي كده استطاع ان يجرده من اي تعاطف خارجي، ولم يفتح الله على القراي ولا بكلمة واحدة دفاعاً عن فكره وكان يعلم انو اي جرجرة في الحتة دي ح تغرقه في كوب ماء، اختياره من المعارضين كان خطأ كبييير
الحكومة تميز نفسها بي انها تطرح على العالم "تجربة اسلامية"، الان احد البدلاء هو الحزب الجمهوري، هل دي الرسالة التي تريد المعارضة توجيهها للشعب في الداخل وللمسلمين والعرب في الخارج؟؟
ربيع استطاع ان يستعرض الكثير من منجزات الانقاذ وبالارقام، كان مرتب وثابت جدا
استرجاع مشاركة ابني الصادق والميرغني احرجت القراي وكانت ضربة قاضية يصعب صدها
مقارنته لاوضاع دول الربيع بالسودان كانت ممتازة
ربيع استغل كل ثانية من الوقت المخصص له
|
Post: #24
Title: Re: أشهد: القراي كورتو فكت
Author: الكيك
Date: 07-11-2012, 05:09 AM
Parent: #23
ملاحظة شخصية موجهة لكاتب البوست المحترم
الم تلاحظ ان القراى بدا حديثه بالبسملة بعكس ربيع الذى كانه لا يعرف شيئا مثل هذا ..رغم ان الاخوان دائما ما يدعون ويزايدون على الاخرين فى كثير من الاحيان بانهم لم يبداوا بالبسملة ..
اريد رايك الشخصى
|
Post: #25
Title: Re: أشهد: القراي كورتو فكت
Author: الشيخ إبراهيم الشيخ
Date: 07-11-2012, 06:15 AM
Parent: #24
يا هندسة كيف حالك ياخ
تعرف قصدتك ده يالشفيع زي المثل بتاع
المابدورك يحدر ليك في الظلام
| Quote: ربيع استغل نقطة ضعف القراي في انتماؤه للفكر الجمهوري الذي يظن اغلبية السودانيين وكل العرب والمسلمين بكفره و بي كده استطاع ان يجرده من اي تعاطف خارجي |
وعليك الله خليك من زعيط ومعيط انت ده الشفيع وراق رايك شنو في الكلام المقتبس ده
يعني انت مع اغلبية السودانيين والعرب والمسلين بكفر الفكر الجمهوري؟
تحياتي ليك وللاسرة
|
Post: #26
Title: Re: أشهد: القراي كورتو فكت
Author: معاذ حسن
Date: 07-11-2012, 06:35 AM
Parent: #25
المدعو ثقيل عبد العاطي ألقم حجرا كبيرا
حتى انفعل والله خفت ينفجر فيه عرق.
|
Post: #27
Title: Re: أشهد: القراي كورتو فكت
Author: jini
Date: 07-11-2012, 06:40 AM
Parent: #26
طيب ليه بنحسب المسلمين اتنين مليار
لو الشيعة كفار وعددهم يقارب الثلاثة مائة مليون والبهائية كفار والاحمدية كفار والسنة يصمون الكثير من المتصوفة بالشرك
جنى
|
Post: #28
Title: Re: أشهد: القراي كورتو فكت
Author: عزالدين عباس الفحل
Date: 07-11-2012, 11:36 AM
Parent: #27
الحلقة كانت خاوية الوفاض ،
كصراع الديكة في مزمار السحر ،
تلقي المشاهـد ضـربات من الفولاز ،
من الهجوم الشنيع الي السودان الوطن ،
من مقدم البرنامج ،
منطلقها صبغ الحلقة بالبهـارات ،
لشــد انتباه المشـاهــد ،
لن ترضي عنك اليهـود و لا النصاري ،
ومن لف بلفهم،
....
عزالدين عباس الفحل
ابوظبي
|
Post: #29
Title: Re: أشهد: القراي كورتو فكت
Author: الشفيع وراق عبد الرحمن
Date: 07-11-2012, 05:46 PM
Parent: #28
تشكراتنا الفحل
وتحية للجميع
ويا ابراهيم سؤالك لا اجابة له عندي، وتقبل تحياتي والاسرة
|
|