Post: #1
Title: نطالب بالفصل الفوري لكل طبيب يضرب عن العمل
Author: الشفيع وراق عبد الرحمن
Date: 07-10-2012, 04:34 PM
Parent: #0
تجمعت مجموعة من شذاذ الآفاق وخفافيش الظلام في مستشفى الخرطوم
المجموعة لم يزد عددها عن 150
اكثر من نصفهم غير مسجل كطبيب
المجموعة سمت نفسها (نقابة الاطباء)، هكذا
علماً بأنه توجد نقابة اطباء شرعية تم انتخابها بطريقة ديمقراطية 100%
150 يقررون نيابة عن اكثر من 40 الف طبيب، فتخيل
انتفاضة ابريل معشعشة في نوافيخهم الفارغة
يحلموا بتكرار السيناريو،،،،وهيهات
لجنة الاطباء او لجنة د.ناهد فشلت فشل زريع في حمل الاطباء على الاضراب
وفي ذلك الوقت كانت في الساحة مطالب عادلة
ووقتها قلنا ان اللجنة مسيسة
وانبرى لنا من يدافعون عنها
واذكر جيداً تصريحات قرشينا
أكد انه ح يستقيل من اللجنة اذا ثبت انها مسيسة
الان لجنة الاطباء تحولت بقدرة قادر الى نقابة وشنو؟؟ تطالب باسقاط الحكومة
هانت الزلابية يا لجنة ناهد
سعادة الرئيس
لا تهاون ولا تهادن ولا مفاوضة
مصلحة البلد تتطلب قرارات حاسمة وفاعلة
الفصل الفوري لكل من يضرب عن العمل
الكثير من الاطباء ما لاقين وظائف
وهم على اهبة الاستعداد لشغل الشواغر
قال ايه، انذار 24 ساعة او اعلان الاضراب الشامل
إتحداكم تضربوا ولو لي ساعة واااحدة
|
Post: #2
Title: Re: نطالب بالفصل الفوري لكل طبيب يضرب عن العمل
Author: lana mahdi
Date: 07-10-2012, 04:42 PM
Parent: #1
إنتا يا الشفيع مش ليك فترة كدي بانت فيك رقاشة وبقيت منحاز للحق وللا تشابهت عليْ الأسماء؟
|
Post: #3
Title: Re: نطالب بالفصل الفوري لكل طبيب يضرب عن العمل
Author: Adil Isaac
Date: 07-10-2012, 04:45 PM
Parent: #2
| Quote: لماً بأنه توجد نقابة اطباء شرعية تم انتخابها بطريقة ديمقراطية 100% |
يا راجل :) الديمقراطية الراكبة بالقلبة دي ما فيها حق الإضراب الشرعي و التظاهر السلمي :)
|
Post: #4
Title: Re: نطالب بالفصل الفوري لكل طبيب يضرب عن العمل
Author: الرفاعي عبدالعاطي حجر
Date: 07-10-2012, 04:48 PM
Parent: #2
يعني انت بصحك كدا بتصف الناس بفخر انهن شذاذ آفاق كما قال رئيسك ؟؟؟
الشفيع لو انت تعني ما تقول فأحتمل السباب .
من يصف الاخرين بشذا ذ الافاق هو منحرف وربما ليس من بيت طهر وعفاف
او تربى على اخلاق شعبنا اطباؤنا اشرف من الشرف ودهني اذكرك بأن تراجع معنى
شذاذ افاق .
........................................................................حجر.
|
Post: #7
Title: Re: نطالب بالفصل الفوري لكل طبيب يضرب عن العمل
Author: محمد البشرى الخضر
Date: 07-10-2012, 04:57 PM
Parent: #4
لك حق تنفعل وتكتب بلغة عنيفة يا شفيع
فمجرد الإعلان عن إضراب في غاية الخطورة على النظام
ما سقط حجر نميري و أهلك حكومة/ات السيد الصادق إلاّ الإضرابات
حاجز أخير لو نجح الشعب في كسره كما انكسر حاجز الخوف من الخروج للشارع أخير تلقّطوا سفنجاتكن و تستعدوا لمقاعد الفلول ههههههههههه
|
Post: #5
Title: Re: نطالب بالفصل الفوري لكل طبيب يضرب عن العمل
Author: الشفيع وراق عبد الرحمن
Date: 07-10-2012, 04:52 PM
Parent: #2
انا دايما منحاز للحق اميرة/ لنا
وعلى ذكر الدكتورة ناهد
اين هي؟؟؟
بلغنا انها (تطارد) القرين كارد
اضراب عن الطعام، وتمثيليات ووكالات انباء ومقابلات وفيديوهات
اختنا نجلاء تعبت وسجلت ليها دلشيون فيديو
هسة الانتفاضة قامت وهي لابدة تكوس للكارد
مثلها مثل لبنى بنطلون، وعبد المنعم سليمان وصفية
وغيرهم وغيرهم
يستغلوا السذج امثالكم لتحقيق اغراض شخصية بحتة
فتعساً لهم اينما حلوا
|
Post: #6
Title: Re: نطالب بالفصل الفوري لكل طبيب يضرب عن العمل
Author: ادريس خليفة علم الهدي
Date: 07-10-2012, 04:55 PM
Parent: #5
Quote: يستغلوا السذج امثالكم لتحقيق اغراض شخصية بحتة
فتعساً لهم اينما حلوا |
كمن لبسوا الكاكي وهم في مكاتب شركة الاتصالات
|
Post: #8
Title: Re: نطالب بالفصل الفوري لكل طبيب يضرب عن العمل
Author: معاوية عبيد الصائم
Date: 07-10-2012, 05:02 PM
Parent: #6
ابو مصعب سلامات
يازول كدى مؤقتا امشى على الضل ارتاح شوية
ثم بعد داك اتبن راسك ..قد تكون ملاريا ...
|
Post: #9
Title: Re: نطالب بالفصل الفوري لكل طبيب يضرب عن العمل
Author: خالد طوكر
Date: 07-10-2012, 05:05 PM
Parent: #6
ﺍﻟﻔﺼﻞ ﺍﻟﻔﻮﺭﻱ ﻟﻜﻞ ﻣﻦ ﻳﻀﺮﺏ ﻋﻦ ﺍﻟﻌﻤﻞ
ده تهديد الغريق بالبلل
|
Post: #11
Title: Re: نطالب بالفصل الفوري لكل طبيب يضرب عن العمل
Author: فايزودالقاضي
Date: 07-10-2012, 05:24 PM
Parent: #9
| Quote: نطالب بالفصل الفوري لكل طبيب يضرب عن العمل |
انا ادعم هذا الرأى واتفق مع كلام اخونا الشفيع فخير السودان في فصل هؤلاء الاطباء وغيرهم من الشعب ..
|
Post: #12
Title: Re: نطالب بالفصل الفوري لكل طبيب يضرب عن العمل
Author: الشفيع وراق عبد الرحمن
Date: 07-10-2012, 05:33 PM
Parent: #9
| Quote: من يصف الاخرين بشذا ذ الافاق هو منحرف وربما ليس من بيت طهر وعفاف |
يا جماعة الخير عليكم الله اخونا الرفاعي حجر ده ادوهو قرشو وخلوهو ينزل في اول محطة
المنبر شغال ليهو اسبوعين شذاذ افاق، شذاذ افاق وانت لسه ما عارف معناها شنو؟
كان الله في عونك ياخي
|
Post: #13
Title: Re: نطالب بالفصل الفوري لكل طبيب يضرب عن العمل
Author: نزار يوسف محمد
Date: 07-10-2012, 05:42 PM
Parent: #12
الأخ الشفيع وراق
فقدت المنطق ودخلت
التاريخ عبر سرداب ضيق.
|
Post: #14
Title: Re: نطالب بالفصل الفوري لكل طبيب يضرب عن العمل
Author: Yassir Tayfour
Date: 07-10-2012, 05:45 PM
Parent: #12
عقلك مخصي يا شفيع
إنتهازي في زمن التقشف..
|
Post: #15
Title: Re: نطالب بالفصل الفوري لكل طبيب يضرب عن العمل
Author: الشفيع وراق عبد الرحمن
Date: 07-10-2012, 05:54 PM
Parent: #14
| Quote: نقابة اطباء السودان تمهل جهاز الامن 24 ساعة لاطلاق سراح المعتقلين |
| Quote: الاخوة الاطباء والطبيبات في الايام الخالية تمت انتهاكات واضحة لحقوق الزملاء الاطباء والطبيبات واعتقالهم من قبل النظام وقوات الامن وعليه في خلال الساعات القادمة سيقوم كل اطباء السودان وعبر جسمهم النقابي وعضويته من كل الاطباء والطبيبات في كل المواقع وردا علي هذه التجاوزات وحفظا لحقوقنا باتخاذ موقف حازم وحاسم .. رسالة نرسلها واضحة انه ما لم يتم اطلاق سراح الاطباء والطبيبات في خلال 24 ساعة فخطوتنا التي عرفها وسطرها التأريخ قادمة وهي الاضراب - كلنا في فرعيات نقابتنا ولجاننا متحدين من اجل حفظ حرية وكرامة اخواننا الاطباء واخواتنا الطبيبات ... |
| Quote: رسالة نرسلها واضحة انه ما لم يتم اطلاق سراح الاطباء والطبيبات في خلال 24 ساعة فخطوتنا التي عرفها وسطرها التأريخ قادمة وهي الاضراب |
وهم
وهم
ثم وهم
واحلام زلوط
واحلى حاجة (فرعيات) دي
|
Post: #16
Title: Re: نطالب بالفصل الفوري لكل طبيب يضرب عن العمل
Author: Elbagir Osman
Date: 07-10-2012, 05:55 PM
Parent: #14
نطالب بالفصل الفوري لكل حكومة تفشل في إدارة البلد
|
Post: #17
Title: Re: نطالب بالفصل الفوري لكل طبيب يضرب عن العمل
Author: معتصم ود الجمام
Date: 07-10-2012, 06:02 PM
Parent: #16
والله يا الشفيع حالتك بقت تحنن .. الغريبة انك ما كوز عقدي
يعني مسكتا في الشغلانة دي جديد لكن فتا الكبار والقدرك
والله وبصدق اشفق علي امثالك الذين يدافعون عن الباطل
وسارقي قوت الشعب ...
|
Post: #19
Title: Re: نطالب بالفصل الفوري لكل طبيب يضرب عن العمل
Author: فيصل عثمان الحسن
Date: 07-10-2012, 06:24 PM
Parent: #17
الشفيع تحياتى , ان لم تخنى الذاكرة سبق ان قلت انك فى بدايات هذا النظام تعرضت للفصل التعسفى
والاعتقال , ويقينى أن من تعرض لمثل تجربتك يجب ان يكون أكثر حرصا على حقوق الغير , فبأى
فهم ومنطق تطالب بفصل الناس من أعمالهم لمجرد انه مارسوا حق أباحه الدستور .
سؤال : يا الشفيع ان سقط هذا النظام بفعل المد الثورى المتنامى هل ستطالب بحقك فى التعويض كمفصول
تعسفيا ومعتقل تعرضت للتعذيب أم سوف تحتسب ما حاق بك .
|
Post: #18
Title: Re: نطالب بالفصل الفوري لكل طبيب يضرب عن العمل
Author: ibrahim alnimma
Date: 07-10-2012, 06:19 PM
Parent: #16
ليس لدي شي اقوله يا لشفيع غير انك دائخ ........دائخ جداً وهذا شي طبيعي جداً في مثل هذه الاحوال ..........ويؤسفني ان تتمثل موقف صحاف النظام ...........ان كنت اعترف لك بانك موالي مهذب ، وهذا شي نادر جداً جداً ان تكون موالي لسطة استبداد تتخذ من الهزيان بالخصوم موقفاً سياسياً .
ولكن ان تنحدر الي مثل هذا المستوى من التبسيط السياسي للاشياء ، وتهدد الناس بالفصل، فانت بالفعل دائخ تستند الي نفخة كيزانية تنفيذها اشبه بلحس الكوع ......لكن للضمان كدة قول نحتفظ بحق الرد ..........
اليس الاضراب عن العمل حق ديمقراطي ؟ ام ان هذا الاضراب ايضاً تخريبي "ههههههه" انه الافلاس ......والفلس "سميه ما شئت" ولكن هي حيلة المغلوب .....ينتهك حتي القوانين التي خطها بيده ...يدوس عليها ببوته ........
يالشفيع والله وان كنت اعتقد ان خطوة الاضراب متسرعة ، الا انها خطوة ممتازة وجديرة بالاحترام وصدقني سيلحق بهم الكثير من النقابات الاخري .
|
Post: #20
Title: Re: نطالب بالفصل الفوري لكل طبيب يضرب عن العمل
Author: احمد محمد احمد عتيق
Date: 07-10-2012, 06:47 PM
Parent: #18
Quote:
قال ايه، انذار 24 ساعة او اعلان الاضراب الشامل
إتحداكم تضربوا ولو لي ساعة واااحدة |
دي الما قدرت ابلعها ...يعني تهديد من وراء البحار كمان ...
|
Post: #21
Title: Re: نطالب بالفصل الفوري لكل طبيب يضرب عن العمل
Author: محمد حيدر المشرف
Date: 07-10-2012, 06:55 PM
Parent: #20
للأسف لم تتبقى فى وجهك مزعة لحم واحدة يا الشفيع ..
تبدو الآن وكأقبح ما يكون ..
وكأنك شديد الاعتزاز بالقبح ..
ما المشكلة التى تعانى منها بالتحديد؟!
|
Post: #22
Title: Re: نطالب بالفصل الفوري لكل طبيب يضرب عن العمل
Author: الطيب شيقوق
Date: 07-10-2012, 07:12 PM
Parent: #21
| Quote: يالشفيع والله وان كنت اعتقد ان خطوة الاضراب متسرعة ، الا انها خطوة ممتازة وجديرة بالاحترام وصدقني سيلحق بهم الكثير من النقابات الاخري . |
شكرا اخي ابراهيم النعمة
|
Post: #23
Title: Re: نطالب بالفصل الفوري لكل طبيب يضرب عن العمل
Author: عوض محمد احمد
Date: 07-10-2012, 07:22 PM
Parent: #22
المحيرنى الشفيع دا من الضيق الاقتصادى البتعانى منو البلد هجر دولة الشريعة و شغال زى العبيد تحت كفيل بثمن بخس
و بعد دا لما الرجال فى الداخل يحتجو على سؤ الاوضاع يطول لسانو عليهم
ليس لديك اى مسوق اخلاقى لمهاجمة اناس دفعهم الضيق الاقتصادى لاتخاذ ما يرونه من وسائل ضغط
|
Post: #35
Title: Re: نطالب بالفصل الفوري لكل طبيب يضرب عن العمل
Author: جمال خضر
Date: 07-10-2012, 09:28 PM
Parent: #20
الأخ الشفيع
لك التحية
حالتك تحير يا الشفيع طالما أنت مستبسط الشغلانة لزومو شنو إستخدام العبارات
المنفرة والغير منطقية مرة تطالب بالضرب فى النخرة وإسالة الدماء للركب
والآن بكل بساطة تطالب بفصل الناس من وظائفهم , وطبعا حكومتك فى أضعف حالاتها
والأزمة الإقتصادية الحادة والتى تتأزم كل يوم جعلت النظام فى مهب الريح وقد
سيطر الفزع والخوف من المصير المجهول على كل عضوية التنظيم وصاروا يهلوسوا
ويتوهموا ويتخيلوا بأن هنالك بترولا سيتفجر متى ماضرب المبروك البشير بعصاه
الطاهرة على أى أرض يباب فتنفرج الأمور وتستمر هرطقتهم فى إمتصاص موارد البلاد
,لذا ستحاول حكومة البشير الإبتعاد عن أى تهور يؤدى الى زيادة لهيب الثورة
وهذا درس مستفاد من الربيع العربى يعنى أى إسالة لأى دماء حسب طلبك ستقلب
الدنيا رأسا على عقب وكذلك فصل أى مجموعة من عملها. روق المنقة يا وراق
|
Post: #24
Title: Re: نطالب بالفصل الفوري لكل طبيب يضرب عن العمل
Author: الشفيع وراق عبد الرحمن
Date: 07-10-2012, 07:27 PM
Parent: #18
| Quote: سؤال : يا الشفيع ان سقط هذا النظام بفعل المد الثورى المتنامى هل ستطالب بحقك فى التعويض كمفصول |
فيصل ازيك ياخي
انا مسجل في سجل المفصولين تعسفياً، كنت ولا ازال اطالب بحقوقي وسأظل، وهو حق لا يسقط بالتقادم
| Quote: اليس الاضراب عن العمل حق ديمقراطي ؟ ام ان هذا الاضراب ايضاً تخريبي |
ابراهومة كيفنك ياخي والعيال
الاضراب تحت ياتو مظلة يا ابراهيم؟
يعني اربعة خمسة يتجمعوا ويقولوا "اضربنا"؟
| Quote: سيلحق بهم الكثير من النقابات الاخري . |
هها ها ها
ضحكتني والله يا ابراهيم
نقابات؟؟؟
هسه دي نقابة في ذمتك؟
شوف
الاضراب سلاح مدني سلمي
والفصل سلاح مدني سلمي
وحديد يلاقي حديد
لو في اجماع على الاضراب، ح يلوي يد الحكومة وتستجيب
ولو كان زي اضراب لجنة ناهد، الرماد كال حماد ويخمو ويصرو
|
Post: #25
Title: Re: نطالب بالفصل الفوري لكل طبيب يضرب عن العمل
Author: Nagi Ahmed
Date: 07-10-2012, 07:32 PM
Parent: #24
امت الأرض لنا لافتة ولأعداء الأطباء كفن
ولأعداء الجماهير كفن
ولأعداء العصافير كفن
تم إطلاق سراح د.ميادة سوار الدهب العضوة السابقة بلجنة أطباء
السودان قبل قليل..
كما تم إطلاق سراح د.جعفر صديق أخصائي العظام بمستشفي الأبيض..
وستظل نقابة أطباء السودان في موقفها المبدئي والأخلاقي ضد الإعتقال وتكميم الإفواه...
الحرية لكل المعتقلين الشرفاء والمجد والخلود للشعب السوداني ولأطباء بلادي..
معاً من أجل أطلاق سراح جميع المعتقلين..
معاً من أجل حرية التظاهر والتجمع وإبداء الرأي
معاً من أجل مجانية العلاج..
معاً من أجل واقع صحي أفضل...
[/B
https://www.facebook.com/permalink.php?story_fbid=101...8318&id=279834103317
|
Post: #27
Title: Re: نطالب بالفصل الفوري لكل طبيب يضرب عن العمل
Author: حسن الطيب يس
Date: 07-10-2012, 07:45 PM
Parent: #25
| Quote: ........................................................................حجر. |
و الله طوبة شوية عليهو
|
Post: #26
Title: Re: نطالب بالفصل الفوري لكل طبيب يضرب عن العمل
Author: رشا سالم
Date: 07-10-2012, 07:37 PM
Parent: #24
تم اطلاق سراح الاطباء د.ميادة سوار الدهب ود.حيدر
(ما قلتو ما بتخافوا من الإضراب)
التعديل لتغيير الاسم
|
Post: #29
Title: Re: نطالب بالفصل الفوري لكل طبيب يضرب عن العمل
Author: الصادق يحيى عبدالله
Date: 07-10-2012, 07:49 PM
Parent: #26
باشمهندس الشفيع
الظاهر كورتك فكت، هدئ الطلب لتعود لك السيطرة عليها.
|
Post: #28
Title: Re: نطالب بالفصل الفوري لكل طبيب يضرب عن العمل
Author: الشفيع وراق عبد الرحمن
Date: 07-10-2012, 07:47 PM
Parent: #24
| Quote: ما المشكلة التى تعانى منها بالتحديد؟! |
اني ارى ما لا ترون، واني والله لصادق يا ود المشرف
وستثبت لك الايام
| Quote: ليس لديك اى مسوق اخلاقى لمهاجمة اناس دفعهم الضيق الاقتصادى لاتخاذ ما يرونه من وسائل ضغط |
شيخ عوض ازيك ياخي
والله ليس لدي اي مشكلة مع المعترضين سلميا على السياسات
لكن انت وانا والشعب يعلم انكم سعيتم بكل الوسائل للتضيق على قوت الشعب من تأييد للحصار وضرب المنشآت النفطية وتأليب الحركات المتمردة
وصاحبكم المتمرد العميل الخائن عرمان قالها وبكل صراحة وبجاحة
شعبنا يا د.عوض ذكي ولن ينخدع لكم
يعلم من هو حريص على مصالحه ورفاهيته ومن يحرص ويضغط بكل السبل للتضيق عليه
ظللتم طوال عشرين تنادوا الشعب للخروج وهو يرفض
الان تريدوا ان تستعلوا الظرف الطارئ
الشعب فعلاً بدأ بالتذمر، ولكن حينما علم ان هناك من يجير خروجه، همد وسكن
عشان كده قلنا "نفست"
والاضراب ح "ينفس"
والـ24 ساعة مضت منها 10
وح نشوف اضرابكم الزي جمعة لحس كوعكم
والبوست ح يشهد على خيباتكم المعهودة
|
Post: #31
Title: Re: نطالب بالفصل الفوري لكل طبيب يضرب عن العمل
Author: عوض محمد احمد
Date: 07-10-2012, 07:58 PM
Parent: #28
الشفيع
سلام
اها شن قولك الحكومة نخت و اطلقت سراح الطبيبين المعنقلين
انت عارف الحكومة دى مشكلتا المتوركين الزيكم ديل: بدل يناصحونها و يشكلون لها بفرنق زون من غضبة الجماهير
يقومون بتحريضها بالباطل على اشياء لا تستطيع فى كل الاحوال تنفيذها: فالممسك بالسلطة ليس كمن يختبى وراء كيبورده و هو فى مامن و اطفاله فى مامن و الحكام هم من سوف يتعرضون لبهدلة القذافى اخر المطاف
اما انت فلا شئ سوف يحصل لك بل سوف تقف فى صفوف المتضررين من الانقاذ بعد سقوطها لقبض التعويضات
الغريبة الذى يحيرنى لماذا تدافع عن نظام لا يوفر لك الحياة الكريمة فى بلدك و يلجئك للعمل تحت كفيل و بدراهم بخسة
|
Post: #32
Title: Re: نطالب بالفصل الفوري لكل طبيب يضرب عن العمل
Author: الشفيع وراق عبد الرحمن
Date: 07-10-2012, 07:58 PM
Parent: #28
| Quote: تم اطلاق سراح الاطباء |
يعني خلاس يا د. رشا رفعتو الاضراب؟؟؟
نطالب بعدم رفع الاضراب حتى رضوخ الحكومة واطلاق سراح جميع المعتقلين وهم
1_دكتور عبد الجبار علي ابراهيم
2_دكتور ياسر فتحى
3_دكتور مهند عركي / كوستي
4_دكتور منيب بور سودان
5_جعفر صديق اخصائى الجراحة مدينة الابيض
6_ صبرى فخرى اخصائي الجراحة المستشفى الصينى
7_دكتورة ميادة سوار الدهب
ده بالاضافة لي
أطلاق سراح جميع المعتقلين..
حرية التظاهر والتجمع وإبداء الرأي
مجانية العلاج..
واقع صحي أفضل...
|
Post: #30
Title: Re: نطالب بالفصل الفوري لكل طبيب يضرب عن العمل
Author: فيصل عثمان الحسن
Date: 07-10-2012, 07:53 PM
Parent: #24
Quote: فيصل ازيك ياخي
انا مسجل في سجل المفصولين تعسفياً، كنت ولا ازال اطالب بحقوقي وسأظل، وهو حق لا يسقط بالتقادم |
سلامات تانى يالشفيع , أفدت فى مكتوبك بعاليه أنك مسجل فى سجل المفصولين تعسفيا وانك طالبت وما زلت تطالب بحقك
فى الانتصاف وأن حقك لا يسقط بالتقادم , حكاية تتمسك بحقك وتصر على اعادته ده شئ كويس , لكن حكاية تدعم النظام
الذى ظلمك وأخذ حقك عنوة ومنحه لغيرك من كوادره بل وتحرض النظام الذى ظلمك ليظلم المزيد من الناس ده شئ ما مفهوم
وبالمرة يا ريت لو شرحت تصورك لعودة حقك الذى مضى على هضمه أكثرمن عشرين عام طالما انك لا تريد اسقاط النظام
الشفيع سمعت بحكاية دقوه وما تجروه .
|
Post: #33
Title: Re: نطالب بالفصل الفوري لكل طبيب يضرب عن العمل
Author: عبدالله احيمر
Date: 07-10-2012, 08:53 PM
Parent: #30
| Quote: ولكن ان تنحدر الي مثل هذا المستوى من التبسيط السياسي للاشياء ، وتهدد الناس بالفصل، |
عنكبة
الزول دا بقى رحيم و اتلطف بالاطباء و كل المضربين
قبل فترة كان عندو بوسـت هدد فيه بأن الدم للنخرة و لا ركب
|
Post: #34
Title: Re: نطالب بالفصل الفوري لكل طبيب يضرب عن العمل
Author: الشفيع وراق عبد الرحمن
Date: 07-10-2012, 09:15 PM
Parent: #33
د.عوض
بخصوص رضوخ الحكومة واطلاق سراح المعتقلين، راجع ردي لـ د.رشا
يا اخوي انت مصر على الدراهم البخسة دي وتكرر فيها كل دقيقة مالك
يا زول الشفيع راتبه والحمد لله ممكن يكون بعادل راتب نائبين للرئيس وتلاتة وزراء بينهم ود الجاز ذات نفسه، اها شن قولك؟؟؟؟؟
| Quote: الشفيع سمعت بحكاية دقوه وما تجروه . |
سمعتها يا فيصل
الشغلة بسيطة
ده حقي ولن اتنازل عنه
"اتفهم" فترة التمكين للانقاذ ولا اؤيدها
والرئيس شخصياً اعتذر عنها، وانا مقتنع انها كانت ضرورية لتثبيت اركان الثورة
كنا "نعيق" اعمال الحكومة، وابعادنا كان ضرورة مرحلية
دي هي قرائتي يا فيصل
|
Post: #36
Title: Re: نطالب بالفصل الفوري لكل طبيب يضرب عن العمل
Author: محمد أبوالعزائم أبوالريش
Date: 07-10-2012, 09:35 PM
Parent: #34
| Quote: الفصل الفوري لكل طبيب يضرب عن العمل |
زماااان ... سيئ الذكر - المقبور جعفر نميري ... قال نفس الكلام ده ....
كلام وداهو الكوشة!
|
Post: #37
Title: Re: نطالب بالفصل الفوري لكل طبيب يضرب عن العمل
Author: الشفيع وراق عبد الرحمن
Date: 07-10-2012, 09:43 PM
Parent: #36
داك النميري "رحمة الله عليه" وديل "الكيزان، وهنا الفرق يا ابو الريش، فتحسس
|
Post: #38
Title: Re: نطالب بالفصل الفوري لكل طبيب يضرب عن العمل
Author: جمال الباقر
Date: 07-10-2012, 10:05 PM
Parent: #37
سيبك يا زول من اضراب الاطباء ده كدي ...وخلينا في لستة الناس الجبتها دي
Quote: وعلى ذكر الدكتورة ناهد
اين هي؟؟؟
بلغنا انها (تطارد) القرين كارد
اضراب عن الطعام، وتمثيليات ووكالات انباء ومقابلات وفيديوهات
اختنا نجلاء تعبت وسجلت ليها دلشيون فيديو
هسة الانتفاضة قامت وهي لابدة تكوس للكارد
مثلها مثل لبنى بنطلون، وعبد المنعم سليمان وصفية
|
انت متأكد من الكلام ده ؟؟؟؟؟؟؟؟؟
ارجو ان لاتنكره لاحقا
|
Post: #39
Title: Re: نطالب بالفصل الفوري لكل طبيب يضرب عن العمل
Author: فيصل عثمان الحسن
Date: 07-10-2012, 10:22 PM
Parent: #34
Quote: كنا "نعيق" اعمال الحكومة، وابعادنا كان ضرورة مرحلية[/QUOTE
طيب يا الشفيع طالما انك كنت تعيق أعمال الحكومة كما أفدت فى المقتبس أعلاه اذن انت لم
تفصل تعسفيا وانما فصلت لعدم الكفاءة او لسبب من هذا القبيل , المفصولين تعسفيا هم من كانوا
يطلعون بواجباتهم بمنتهى الكفاءة والامانة ولكنهم لم يوالوا النظام وربما كانت لهم انتماءات سياسية
اخرى علما بان الانتماء السياسى لا ينتقص حق الانسان فى العمل .
| Quote: ده حقي ولن اتنازل عنه |
انت يا الشفيع اخوى اعطيت الحكومة ما يبرر فصلك وقلت أنك كنت تعرقل عمل مخدمك اللى هى
الحكومة وتجى فى المقتبس أعلاه تدعى انك صاحب حق ولن تتنازل عنه ده منطق شنو , أسع انت
فى عملك فى السعودية لو عرقلت عمل مخدمك واعترفت بذلك سيقوم بطردك من العمل ولن تستطع
ان تطالب بأى حق طالما انك اخليت بشرط من شروط الخدمة وهو مراعاة مصالح مخدمك .
| Quote: والرئيس شخصياً اعتذر عنها |
اعتذاره ده يبلو ويشرب مويتو , دى موش اللغة البيتحدث بيها والتعالى الأجوف الذى ظل يمارسه
منذ وصوله للسلطة والى يومنا هذا .
| Quote: دي هي قرائتي يا فيصل |
اختلاف القراءات لا يفسد للود قضية لك تحياتى .
|
Post: #40
Title: Re: نطالب بالفصل الفوري لكل طبيب يضرب عن العمل
Author: مرتضي عبد الجليل
Date: 07-10-2012, 11:00 PM
Parent: #1
| Quote: تجمعت مجموعة من شذاذ الآفاق وخفافيش الظلام في مستشفى الخرطوم |
الشفيع سلام:
يا الشفيع من تسميهم "شذاذ آفاق" هم ابناء الوطن غصبا عنك وعن سلطتك القمعية,و ما تناقض نفسك ساي,خفافيش الظلام لا تجتمع هكذا في الهواء الطلق ومباشر وامام الملأ.
Quote: علماً بأنه توجد نقابة اطباء شرعية تم انتخابها بطريقة ديمقراطية 100%
|
ممكن تقول لي وين النقابة الشرعية دي وإنتخاباتا (النزيهة) دي قامت متين؟؟!!!
| Quote: انتفاضة ابريل معشعشة في نوافيخهم |
للاطباء رصيد نضالي ضخم وهم اول من تصدوا لسطة القهر البتناصر فيهاولم ترعبهم الإغتيلات ولا احكام الإعدام الصدرت في حق قياداتم. وتكررت التجربة في 96 حينها مرمط الاطباء رأس النظام ومرغوا انفه في التراب و يستمر نضال الاطباء رغما عن تجنيد كامل الجهاز وتصنيف قضية الاطباء علي إنها قضية تخص امن الدولة؟؟؟؟هل هنالك رعب اكثر من هذا يا "دباب شركة الإتصالات"؟
Quote: لجنة الاطباء او لجنة د.ناهد فشلت فشل زريع في حمل الاطباء على الاضراب
وفي ذلك الوقت كانت في الساحة مطالب عادلة
|
لو فشلت!! لماذا إعتقلتم وعذبتم قادة الإضراب ؟!!لماذا صنفتم قضيتهم علي أنها قضية تمس امن الدولة؟!!! لماذا جندتم كل الإمكانيات لضرب الإضراب؟؟؟!!!
المطالب مازالت هي ..هي وكعادة سلطة الكيزان في التنصل من الإتفاقات المبرمة,لم تنفذ السلطة كامل ما وعدت به الاطباء.
الإضراب حق مكفول حسب قوانيين العمل, ولا حق لاي جهة فصل الاطباء لمجرد ممارسة حقوقهم.
المجد لاطباء السودان الشرفاء والخزئ والعار لسلطة تخطف الطبيبات وتعذب الاطباء.
|
Post: #41
Title: Re: نطالب بالفصل الفوري لكل طبيب يضرب عن العمل
Author: خضر الطيب
Date: 07-11-2012, 08:59 AM
Parent: #40
غايتو يالشفيع يا اخوى ركبتا ليك مركب مكوعه
وراهنتا على حمار ميت
ربنا يكون فى عونك
|
Post: #42
Title: نطالب بالفصل
Author: العوض المسلمي
Date: 07-11-2012, 10:37 AM
Parent: #41
سلام يا الشفيع
نعم يا الشفيع الاضراب من قبل الاطباء قاتل والطب مهنة انسانية في المقام الاول ولكن في اضراب الاطباء الاخير تم الاتفاق علي طريقة تواجد الاطباء في الحوادث بلافتة كتب عليها انا مضرب ولكنه يقوم بعلاج الحالات الواصلة للمستشفي ، ولكن الرفد من العمل والطرد اسلوب غير محبب فللاطباء قضيتهم كباقي الشعب السوداني فبدلا من طردهم فلماذا لا ندعوا الحكومة للاهتمام بالمواطن وحل مشكلاته والاهتمام بل والاستماع لوجهات النظر الاخري للوصول لحل دائم !!
|
Post: #43
Title: Re: نطالب بالفصل
Author: زياد جعفر عبدالله
Date: 07-11-2012, 01:08 PM
Parent: #42
حليلك يا باشمهندس!
زمان يا الشفيع في المنبر دا كنت رزين ..هاديء و ذو رأي ثاقب يقبل النقاش و الاخذ و الرد المتحضر لمن يوافقك او يخالفك الرأي..
أما ما تكتبه الان..يستطيع اي عاطل من هتيفة النظام الرخيصين ان يكتبه.
|
Post: #44
Title: Re: نطالب بالفصل الفوري لكل طبيب يضرب عن العمل
Author: الشفيع وراق عبد الرحمن
Date: 07-11-2012, 05:42 PM
Parent: #43
| Quote: ممكن تقول لي وين النقابة الشرعية دي وإنتخاباتا (النزيهة) دي قامت متين؟؟!!! |
ومال الاجتماع الفاشل كان داير يسحب الثقة من منو يا د.مرتضى
انتو الـ24 ساعة حقتكم دي طويلة كده مالها؟
|
Post: #45
Title: Re: Re: نطالب بالفصل الفوري لكل طبيب يضرب عن العمل
Author: عوض محمد احمد
Date: 07-11-2012, 05:57 PM
Parent: #44
Quote: كنا "نعيق" اعمال الحكومة، وابعادنا كان ضرورة مرحلية[/QUOTE
طيب يا الشفيع طالما انك كنت تعيق أعمال الحكومة كما أفدت فى المقتبس أعلاه اذن انت لم
تفصل تعسفيا وانما فصلت لعدم الكفاءة او لسبب من هذا القبيل , المفصولين تعسفيا هم من كانوا
يطلعون بواجباتهم بمنتهى الكفاءة والامانة ولكنهم لم يوالوا النظام وربما كانت لهم انتماءات سياسية
اخرى علما بان الانتماء السياسى لا ينتقص حق الانسان فى العمل .
Quote: ده حقي ولن اتنازل عنه
انت يا الشفيع اخوى اعطيت الحكومة ما يبرر فصلك وقلت أنك كنت تعرقل عمل مخدمك اللى هى
الحكومة وتجى فى المقتبس أعلاه تدعى انك صاحب حق ولن تتنازل عنه ده منطق شنو , أسع انت
فى عملك فى السعودية لو عرقلت عمل مخدمك واعترفت بذلك سيقوم بطردك من العمل ولن تستطع
ان تطالب بأى حق طالما انك اخليت بشرط من شروط الخدمة وهو مراعاة مصالح مخدمك .
|
Post: #46
Title: Re: Re: نطالب بالفصل الفوري لكل طبيب يضرب عن العمل
Author: Elbagir Osman
Date: 07-11-2012, 06:16 PM
يللا
أفصلوا الشعب السوداني كلو
ومشو البلد براكم
الباقر موسى
|
Post: #47
Title: Re: Re: نطالب بالفصل الفوري لكل طبيب يضرب عن العمل
Author: الشفيع وراق عبد الرحمن
Date: 07-11-2012, 09:08 PM
Parent: #46
| Quote: انت يا الشفيع اخوى اعطيت الحكومة ما يبرر فصلك وقلت أنك كنت تعرقل عمل مخدمك |
ده صحيح يا دوك
مارسنا الاضراب الصامت، slow down وده يعتبر عرقلة لبرامج الحكومة
من حقي ان اطلب ومن حقها ان ترفض
وده هو طبيعة الصراعات بين النقابات والحكومات
لو ما مالي يدك ما تغامر
لو كنت واثق انك بتقدر تلوي زراع الحكومة، افعل، والا ارجى الراجيك
في سنة 87 اضربنا اضراب شامل بنسة 100% ووقفنا الاذاعة والتلفزيون لاول مرة في التاريخ لمدة يومين
وكان سقفنا الاعلى 6 علاوات، ولو ادونا 2 كنا بنرضى ونرفع الاضراب
تصدق ادونا ليها الـ6 وكانت تعادل ضعف المرتب
الشيوعيين كانوا مسيطرين على النقابات وارهقوا حكومة الصادق الضعيفة
بالرغم من انهم لم يتم تمثيلهم في البرلمان الا بثلاثة، كانوا بضغطوا بقوة
وهم كانوا السبب في انهيار الحكومة ومجيء الانقاذ، وهسه هم اول المولولين
|
Post: #48
Title: Re: Re: نطالب بالفصل الفوري لكل طبيب يضرب عن العمل
Author: الشفيع وراق عبد الرحمن
Date: 07-13-2012, 12:11 PM
Parent: #47
وين الاضراب يا لجنة ناهد؟
|
|
|