Post: #1 Title: أرشح هذا الرجل المتمكن لخلافة البشير Author: الشفيع وراق عبد الرحمن Date: 07-10-2012, 05:33 AM Parent: #0
Post: #2 Title: Re: أرشح هذا الرجل المتمكن لخلافة البشير Author: ibrahim alnimma Date: 07-10-2012, 05:38 AM Parent: #1
الشفيع كيف حالك يازول ........ والله موضوعك بجرجرنا شديد ......فانا في حيرة من امري هل اناقشك في مدى تمكن الرجل .......ام في انكم بداتم تبحثو عن بديل للبشير ؟ يعني حتي البديل تختاروه لينا انتم ؟ مالو البشير مريض؟ مالو عيان ؟ الرجل ده نفسه بدافع عن البشير فاغلب الظن انه لن يرضى بكلامك هذا ....... من الطريف ان الرجل بدا يفلسف الافلاس والفلس وبدأ يتحدث عن لغة خاصة باهل السودان عن الافلاس ....... واكتر حاجة ضحكتني هو قوله بان غلاء الاسعار هو في مصلحة المنتجين؟؟؟؟؟؟يعني حضرتو الحكومة مش مبسوطة بغلاء الاسعار فحسب؟ بل هي عملاً بانحيازها ناحية المنتجين ، عمدت الي زيادة الاسعار بالله شوف التمكن ده كيييييييييييف ؟
Post: #3 Title: Re: أرشح هذا الرجل المتمكن لخلافة البشير Author: ibrahim alnimma Date: 07-10-2012, 05:41 AM Parent: #2
تقصد انو متكن في الكذب والمواغة ؟ ممكن لكن الطريف كلام الاخ النصري امين حينما قال :
Quote: الفرق الوحيد انه عنده مقدرة فائقة فى الكضب والاحتفاظ فى نفس الوقت بهدوءه ... يكضب ولا يرجف له جفن ......
Post: #5 Title: Re: أرشح هذا الرجل المتمكن لخلافة البشير Author: الشفيع وراق عبد الرحمن Date: 07-10-2012, 05:48 AM Parent: #3
البشير لن يحكم الى يوم القيامة وهو نفسه اعلن عدم رغبته في الترشح لفترة تانية
Post: #4 Title: Re: أرشح هذا الرجل المتمكن لخلافة البشير Author: مريم الطيب Date: 07-10-2012, 05:44 AM Parent: #2
Post: #6 Title: Re: أرشح هذا الرجل المتمكن لخلافة البشير Author: احمد العربي Date: 07-10-2012, 05:57 AM Parent: #4
البديل الشعب الثائر فقط
Post: #7 Title: Re: أرشح هذا الرجل المتمكن لخلافة البشير Author: حامد بدوي بشير Date: 07-10-2012, 06:02 AM Parent: #6
لكن يكون للبشير خليفة.
ما بعد عهد البشير الظلامي، نور الحرية والديموقراطية.
أما هذا الرجل الغبي، فهو لا يصلح لأن يرعى خمسة شياه في براري دافور.
Post: #8 Title: Re: أرشح هذا الرجل المتمكن لخلافة البشير Author: ياسر احمد محمود Date: 07-10-2012, 10:58 AM Parent: #7
أتستبدل حفيد العباس بن عبدالمطلب بهذا "الغرباوي"؟!!
Post: #9 Title: Re: أرشح هذا الرجل المتمكن لخلافة البشير Author: أحمد الشايقي Date: 07-10-2012, 11:48 AM Parent: #8
هل بالفعل كانت لدينا (3) ثلاثة جامعات قبل (ثورة الإنقاذ الوطني) ..
المتحدث أستاذ جامعي, ويعلم بوجود بجامعات :
أم درمان الإسلامية القاهرة فرع الخرطوم جامعة الجزيرة جامعة الخرطوم جامعة جوبا جامعة السودان (معهد الكليات التكنولوجية)
هذا غير المعاهد الجامعية المنتشرة بالعشرات والمدارس الثانوية والتي تم (تسميتها) جامعات دون تغييرات تذكر عليها ؟؟؟
السيد النائب تجاوز السؤال عن مسوغات تنفيذ إنقلاب الإنقاذ .. وهي التفريط في الوحدة الوطنية .. التردي الاقتصادي (أيام كان الدولار بـ 12 جنيـه .. ولو نحنا ما جينا كان بقى بـ 20 جنيـه ...)
بقية ال (منطق) من ليتريتشا .. الإنقاذ ..
أحمد الشايقي
Post: #10 Title: Re: أرشح هذا الرجل المتمكن لخلافة البشير Author: ناصر المحسى Date: 07-10-2012, 11:54 AM Parent: #9
Post: #11 Title: Re: أرشح هذا الرجل المتمكن لخلافة البشير Author: خالد العبيد Date: 07-10-2012, 12:09 PM Parent: #10
حاج ادم ده اقل ما يوصف به انه حمار
Post: #12 Title: Re: أرشح هذا الرجل المتمكن لخلافة البشير Author: الامين موسى البشاري Date: 07-10-2012, 12:13 PM Parent: #10
يعني نمرق من حفرة نقع في دحديره ولا شنو؟! رأفة بنا يا رعاك الله ياخ
Post: #13 Title: Re: أرشح هذا الرجل المتمكن لخلافة البشير Author: بكري السيد البشاري Date: 07-10-2012, 01:35 PM Parent: #12
رجل متمكن فى الكذب والنفاق والمغالطة ...........................
لهذه الصفات هو الاصلح لخلافة مسيلمة الكذاب ......................
لانه وبجدارة تفوق على الكبار والقدرو بتمكنه فى هذه الصفات الثلاثة .................................................................
Post: #14 Title: Re: أرشح هذا الرجل المتمكن لخلافة البشير Author: الشفيع وراق عبد الرحمن Date: 07-10-2012, 03:49 PM Parent: #13
Quote: هل بالفعل كانت لدينا (3) ثلاثة جامعات قبل (ثورة الإنقاذ الوطني) ..
نعم احمد الشايقي ثلاثة جامعات فقط الخرطوم الجزيرة وجوبا جامعة السودان كانت معهد وتخرج بدبلوم فقط الاسلامية لم تكن (جامعة) وكانت تدرس العلوم الاسلامية (تقريبا) الفرع كانت تدرس الادبيين فقط
Quote: هذا غير المعاهد الجامعية
اديني (معهد جامعي واحد)
Post: #15 Title: Re: أرشح هذا الرجل المتمكن لخلافة البشير Author: أحمد الشايقي Date: 07-10-2012, 03:56 PM Parent: #14
الشفيع , إذا كانت هذه إفاداتك :
Quote: جامعة السودان كانت معهد وتخرج بدبلوم فقط الاسلامية لم تكن (جامعة) وكانت تدرس العلوم الاسلامية (تقريبا) الفرع كانت تدرس الادبيين فقط
فأنت تغالط يا أخي وتريد أن (تطلع) الحاج آدم محق في كلامـه .... اعتدنا على هذا النوع من المغالطات ..
الجامعة الإسلامية وجامعة القاهرة الفرع وجامعة السودان _ التكنولوجية ليست جامعات عند حضرتك ... ومعظم قيادات الإنقاذ تخرجت منها .. في فترة ما قبل الإنقاذ... والدراسات الأدبية ليست دراسات جامعية ..... ؟؟
إنت مفتكر (هيئة علماء السودان) هذه متخرجين من وين ...؟؟؟؟؟؟
أحمد الشايقي
Post: #16 Title: Re: أرشح هذا الرجل المتمكن لخلافة البشير Author: ادريس خليفة علم الهدي Date: 07-10-2012, 04:01 PM Parent: #15
Quote: إنت مفتكر (هيئة علماء السودان) هذه متخرجين من وين ...؟؟؟؟؟؟
من جامعة القران الكريم سعادتك
Post: #17 Title: Re: أرشح هذا الرجل المتمكن لخلافة البشير Author: Salwa Seyam Date: 07-10-2012, 04:17 PM Parent: #16
يعنى انت معجب بجرأته فى الكذب ولا كيف ؟؟ سلام ياشفيع
Post: #18 Title: Re: أرشح هذا الرجل المتمكن لخلافة البشير Author: معتصم احمد صالح Date: 07-10-2012, 04:32 PM
سلام الاخ شفيع جامعة الخرطوم جامعة الجزيرة جامعة جوبا جامعة ام درمان الاسلامية جامعة القارن الكريم جامعة القاهرة (الفرع) معهد الكليات التكنولوجية (جامعة) باكثر من 15 كلية اهمها الهندسة(عدد من التخصصات) والفنون والدراسات التجارية كلية الأحفاد الجامعية للبنات (جامعة) باكثر من عشرة كليات كلها وبنفس الاسماء اعلاه منذ عهد النميري
اما في عهد المؤتمر الوطني: كل الجامعات الولائية وبعض المعاهد الجامعات الخاصة (كمبيوترمان، شرق النيل، الرباط...الخ)
Post: #19 Title: Re: أرشح هذا الرجل المتمكن لخلافة البشير Author: الشفيع وراق عبد الرحمن Date: 07-10-2012, 05:45 PM Parent: #18
Quote: فأنت تغالط
لا اغالط ولا شتين يا الشايقي جامعة السودان اهلها وناسها سموها (معهد) وبتخرج دبلوم هسة الان تخرج مهندسين اصبحوا ينافسوا وبقوة جامعة الخرطوم
ثم بالله قارن بين الجامعة الاسلامية زمان وهسة كليات الهندسة والطب والحاسوب اطباء الاسلامية في امتحانات التخصص جابوا افضل من الخرطوم
كنا وين وبقينا وين بس قولوا الحمد لله
Post: #21 Title: Re: أرشح هذا الرجل المتمكن لخلافة البشير Author: نادر Date: 07-10-2012, 05:55 PM Parent: #19
من فرط انهيار دفاعاتكم، بتنا لا نمييز بين بوستات الشفيع وراق وبوستات محمد فرح
Post: #20 Title: Re: أرشح هذا الرجل المتمكن لخلافة البشير Author: Balla Musa Date: 07-10-2012, 05:53 PM Parent: #18
الشفيع ان شا الله فالك فى سروالك يابا
لو لابد سوقو وخلو يبقى رئيسك فى الجنة ونايبو يكون عبد الرحيم..
ونحنا خلونا فى نارنا دى!!
Post: #22 Title: Re: أرشح هذا الرجل المتمكن لخلافة البشير Author: بشير حسـن بشـير Date: 07-10-2012, 06:06 PM Parent: #20
Quote: Quote:
لا اغالط ولا شتين يا الشايقي جامعة السودان اهلها وناسها سموها (معهد) وبتخرج دبلوم هسة الان تخرج مهندسين اصبحوا ينافسوا وبقوة جامعة الخرطوم
لا ياىالشفيع
فمعهد الكليات التكنولوجيه يخرج بدرجة البكالريوس للهندسه والدراسات التجاريه منذ ثمانينات القرن الماضى
مع ودى وتقديرى
.
Post: #23 Title: Re: أرشح هذا الرجل المتمكن لخلافة البشير Author: الشفيع وراق عبد الرحمن Date: 07-10-2012, 06:07 PM Parent: #20
Quote: فالك
فالنا كلنا وفال السودان
انا من زمان بتمنى يجينا رئيس من دارفور الخير واهو جانا مكمل من ما جميعه فاهم، عاقل، رزين، متمكن، نزيه، شريف، صبور، مرح، ودود،
يلا يا جماعة معارضة ومؤيدين، شوايقة وفور نرشحه لرئاسة الجمهورية وهو قطعاً اهلاً لها
Post: #24 Title: Re: أرشح هذا الرجل المتمكن لخلافة البشير Author: جمال خضر Date: 07-10-2012, 06:42 PM Parent: #20
الأخ الشفيع
لك التحية
سألت المذيعة خليفتك المتمكن عن أن السودان دولة مفلسة حسب كلام وزير المالية
فقال أنه سيستوثق من هذا الكلام وقال أن فى لغة أهل السودان ممكن يعنى فقدان
المنطق .
سألته المذيعة عن إرتفاع أسعار اللحوم وأسعار الخضروات وان كيلو الطماطم وصل
الى 10 جنيهات فذكر خليفتك الهمام أن زيادة أسعار الحاصلات الزراعية فيه خير
لأنه يعود للمزارع وجل أهل السودان من المزارعين .
الواحد ما عارف يبكى ولا يضحك
Post: #25 Title: Re: أرشح هذا الرجل المتمكن لخلافة البشير Author: الشفيع وراق عبد الرحمن Date: 07-10-2012, 08:14 PM Parent: #24
الاخ بشير المعلومة تحتاج لتوثيق وعلى كل تغير الاسم لجامعة في عهد الانقاذ
ود الخضر لاجل هذه المفاهيم الحديثة قلنا انه "متمكن" وعاجبني لانه افحم المذيعة افحام شديد وخلاها تتلفت والقمها "ومن يلقنها" حجارة ما تزال تزدرد فيها
Post: #26 Title: Re: أرشح هذا الرجل المتمكن لخلافة البشير Author: Mohamed Doudi Date: 07-10-2012, 08:41 PM Parent: #25
الشفيع ما تسيب الغلاط عليك الله
معهد الكليات التكنلوجيه كان يمنح البكالريوس التقنى فى الهندسه بالاضافه للدبلوم وكليه الدراسات التجاريه ايضا كانت تمنح البكالريوس وللحقيقه كان طلاب بكالريوس هاتين الكليتين من اميز مهندسى ومحاسبى للسودان
اما جامعه الفرع فى توجد بها كليه العلوم بكل افراعها وفيها من اعرق تخصصات الرياضيات اما كليه تجاره الفرع فغالبيه المحاسبين القانونين من تكل الجامعه ( زماله امريكا وبريطانيا)
المعاهد معهد البصريات...معهد ود المقبول للحفريات....معهد ابونعامه الزراعى اضافه لمعهد تعليم الابيض, الدويم , الدلنج وغيرهما من المعاهد
دودى
Post: #27 Title: Re: أرشح هذا الرجل المتمكن لخلافة البشير Author: الشفيع وراق عبد الرحمن Date: 07-10-2012, 09:18 PM Parent: #26
Quote: التقنى
يديك العافية يا دودي انا كنت بفتش لي كلمة "تقني" دي
