|
Re: انفراج كبير في ازمة اللحوم : حمار مضبوح بطريقة احترافية (صورة) (Re: محمود الدقم)
|
الاخ الفاضل محمود الدقم
لك التحية الطيبة و التقدير
Quote: شكرا اخي الشايقي ان يصل الامر الي ذبح حمار فهذا يعني ان الروح قد بلغت الحلقوم والله ينتقم من الكان السبب. |
هذا الامر غريب و لكنه ليس بجديد فى السودان !!!
فكم من حمار ذبح و بيع لحمه !!!
و كم من ###### ذبع و بيع لحمه كذلك !!!
لم يتبقى للناس فى السودان الا اكل لحوم البشر !!!
و لا شك ان الانقاذ قد اكلت لحوم البشر بطريقة او اخرى ... !!
| |
|
|
|
|
|
|
Re: انفراج كبير في ازمة اللحوم : حمار مضبوح بطريقة احترافية (صورة) (Re: الطيب رحمه قريمان)
|
شكرا اخ الطيب قريمان الوضع سيء واسواء من السوء لان هذه ليست المرة التي تحدث فيها مثل هذه الحادثة فلقد سبق ذبح كل ب وبطريقة احترافية واخشي من اخشاه ان ياتي زمن حتي الرقابة لا تستطيع تغطية ومسح كل محالات الجزارة من فرط اللحمة المضروبة والمغشوشة لان عمليات المسح تحتاج الي ميزانية وكوادر مؤهلة وصرف الخ لكن يبدو ان السودانيين موعدين علي شكل غير اخلاقي في طرائق ذبح وبيع اللحوم الحميرية والكلابية لك الود.
| |
|
|
|
|
|
|
Re: انفراج كبير في ازمة اللحوم : حمار مضبوح بطريقة احترافية (صورة) (Re: هشام عباس)
|
والله يا اخ هشام انها لصورة بائسة ومحزنة ومقرفة تثير الحزن علي حال عاصمة او ضاحية من ضواحي العاصمة/ واذكر اني قرات من قبل بانه العاصمة لا توجد فيها انابيب للصرف الصحي مؤسس بشكل هندسي وعلمي ومهني.
وهكذا غيبوبة مؤسسية لعدم وجود قنوات وانابيب للصرف الصحي!! اكثر من مئة الف حالة مصابة بالايدزin the Capital تلوث بيئي علي اصوله/ لحوم حمير وكلا ب تشق طريقها الي الاسواق/ غلاء لرب السماء/ اعتقد انها عواملها تقود بالبعض للكفر وليس الثورة وحسب لك الشكر علي المرور.
| |
|
|
|
|
|
|
Re: انفراج كبير في ازمة اللحوم : حمار مضبوح بطريقة احترافية (صورة) (Re: محمود الدقم)
|
شاو سلام ..
Quote: كان تكمل جميلك و تجيب سعر الباقيات عشان الناس تشتري علي بينة |
الفراخ 24 السمك 18
بيض السمك الكيلو بي 3 جنيه
الأمبلكسات سعرها ما عارفو ..
الكوارع بالقطعة .. القطعة بي ستة جنيه ..
كبد الدجاج الكيلو يس سبعة جنيه ..!!
الكمونية (عفشة كاملة) بي 30 جنيه ..!!
كيلو لحم الحمار منتظر اشوفوا حصل كم من البوست دا ..!!
بالمناسبة ..
راس الحمار دا الجزار خلاهو لييه ؟!! ما بينفع يتعمل باسم ولا شنو ؟!!
| |
|
|
|
|
|
|
Re: انفراج كبير في ازمة اللحوم : حمار مضبوح بطريقة احترافية (صورة) (Re: ناذر محمد الخليفة)
|
احمد بن عوف ..
Quote: الخرطوم حينها كان يحكمها غردون والسودانيين كانوا محاصرنو وديك كانت حرب
|
والخرطوم حاليا في حالة حرب ومحاصرة ..!!
الحروب والحصار دا إلا بالجيوش ولا شنو ؟!!
الخرطوم والبلد بأسرها في حالة حرب على الغلاء وعلى سوء الاوضاع المعيشية .. الخرطوم والبلد بأسرها تعيش حصار إقتصادي خانق تشعر به الأسر وهي تكابد في توفير لقمات عيشها لها ولأطفالها ..!
هسي الفرق شنو بين حصار الخرطوم زمان والحصار العايشاهو الخرطوم هسي ؟!!
الفرق بس الخرطوم الليلة ما فيها جيوش تتشاف بالعين وهي بتحارب وبتحاصر ..!!
حصار زمان أكلوا فيهو الحمير والكلاب والكدائس وحتى فراوي الصلاة (فراوي دي جمع فروة) !!
وحاليا ما تشوف صورة حمار الحاج يوسف دا و###### مايو داك ..!!
البتشوفو هنا دا بيكون قمة جبل الجليد ...!!
| |
|
|
|
|
|
|
Re: انفراج كبير في ازمة اللحوم : حمار مضبوح بطريقة احترافية (صورة) (Re: ناذر محمد الخليفة)
|
بدلا من المبادرة بالشجب.. فالننظر للجانب المشرق من الموضوع والذي يقول
اختصاصيو تغذية يؤكدون ارتفاع القيمة الغذائية للحوم الحمير
جدة، القاهرة: نجلاء الحربي، جمال جوهر
يقشعر الجلد وتشمئز النفس عندما يقرأ المرء عن ضبط جزار أو مطعم في إحدى الدول العربية يبيع أو يقدم لزبائنه لحوم الحمير، ويزيد هذا الاشمئزاز والاستغراب عندما نقرأ أيضا أن الفقراء في إحدى الدول العربية يفضلون أكل لحوم الحمير بإرادتهم ، دون تدليس أو جريمة، لأنها تتناسب مع ظروفهم الاجتماعية الخانقة، ويتعالى الوسواس لدى الكثيرين، في كثير من الدول حينما يشكون من أن اللحوم التي يتناولونها وتزين موائدهم طيلة أيام العام، وخاصة وقت الأعياد والمناسبات لم تكن في الحقيقة إلا لحوم حمير. البعض يبرر ذلك الاستهلاك من قبل العديد من الأشخاص لهذه اللحوم بارتفاع الأسعار ورخص ثمن هذه اللحوم التي تكون مناسبة للطبقات الفقيرة التي لا تكون قادرة على شراء لحم البقر. وفي الوقت الذي ينفر فيه غالبية الناس من تناول لحم الحمير لاعتبارات شرعية وأخرى اجتماعية، واعتبارات تتعلق بالانعكاسات الصحية على صحة الإنسان، كشف اختصاصيون في التغذية عن ارتفاع القيمة الغذائية للحوم الحمير وصلاحيتها للاستهلاك الآدمي. تقول اختصاصية التغذية نسرين زقزوق إن لحوم الحمير جيدة كقيمة غذائية لاحتواء هذه اللحوم على بروتينات ومعادن، لأن ما تتغذى عليه الحمير في الغالب نفس ما تتناوله الأبقار، فجميعها يتناول عشب البرسيم الذي يحتوي على كمية عالية من المعادن والأملاح والكالسيوم، فالحمار الذي يتم ذبحه إذا كان غذاؤه جيدا يكون لحمه جيدا . وأضافت أن لحوم الحمير ذات قيمة غذائية عالية بشرط أن يكون الحيوان تم ذبحه و تم توفير التغذية الصحيحة له، واعتبرت أن لحوم الحمير لا تختلف في الطهو عن اللحوم الأخرى، لكنها تعتمد على عمر هذه الحيوان. وأكدت نسرين أن ما يزيد من القيمة الغذائية للحم الحمير أنها تتغذى على الشعير، وهذا يساعد على نقل فوائد الشعير للكثير ممن يتناولون هذا النوع من اللحوم ، لذلك كانت جودتها عالية جدا. من جهته ذكر استشاري التغذية العلاجية الدكتور خالد مدني أنه قد يكون هناك تشابه كبير بين لحم البقر ولحم الحمير، لكن هناك اختلافا وهو أن لحم الحمير حينما يتعرض للهواء قد يميل للون الرمادي، كذلك الشحوم التي تغطي لحم الحمير تميل إلى السيولة، وعند سلق لحم الحمير تظهر بعض نقاط الزيت على سطح الإناء، وهذه الأمور تجعل الكثيرين يفرقون بين لحم الحيوانات الأخرى ولحم الحمير ، كذلك ما يميز لحم الحمير هو طعمه الذي يكون سكريا، وهذا الطعم السكري نتيجة وجود الجليكوجين، وهو نشاء حيواني يتكون نتيجة زيادة السكريات، والذي يخزن في العضلات والكبد . وأكد الدكتور المدني أن هناك كثيرين في الدول الأخرى يستطعمون لحم الحمير ، باعتبار أنه أرخص ثمنا كقيمة اقتصادية وطعمه أحلى وألذ لديهم. وقال إنه لا يوجد انعكاسات صحية من تناول لحم الحمير على صحة الانسان، وذلك لأن ما يتغذى عليه الحمير شعير ذو قيمة غذائية عالية، وهو صالح للاستهلاك الآدمي بعيدا عن النظرة الشرعية، مشيرا إلى أن القيمة الغذائية للحم الحمير كالقيمة الغذائية للحم البقر ، حيث يحتوي على البروتين الحيواني الذي يحتوي على جميع الأحماض الدهنية والمعادن والزنك والحديد . وذكر الدكتور مدني أن في مصر حدث ما عرف بالغش التجاري وذلك ببيع لحوم الحمير على المواطنين ويعاقب عليه القانون، ويستخدم لحم الحمير في مصر في إطعام الحيوانات المفترسة كالأسود في حدائق الحيوانات باعتبار أن القانون يعاقب على بيعها للمواطنين. من جهتها ذكرت اختصاصية التغذية الدكتورة رويدة نهاد إدريس أن لحم الحمار يتكون من نسبة عالية من البروتين منخفض الدهون والكولسترول، ويعتقد الطب الصيني أن لحم الحمير منشط للجنس ومعالج للكلى، وقد أحل الإسلام أكل لحم الحمار الوحشي، وحرم أكل لحم الحمار الأهلي، مضيفة أن لحم الحمير صعب الهضم، ويؤدي لامتلاء البطن. وذكر عضو مجلس الشورى الشيخ عبد المحسن العبيكان أن أكل لحم الحمير محرم، واسند ذلك إلى الرسول علية الصلاة والسلام في واقعة خيبر حينما حرم أكل لحم الحمير بعد أن كانت مباحة، حيث أتي النبي وقد ذبحت الحمير، وملئت بها القدور، فنهي عن أكلها لأنها رجس، فأكفئت القدور ورمي بالحمير. وذكر العبيكان حديثا عن النبي يوضح حرمانيه أكل لحم الحمير، فعن أنس بن مالك -رضي الله عنه- قال: لما كان يوم خيبر أمر رسول الله -صلى الله عليه وسلم- أبا طلحة فنادى أن الله ورسوله ينهيانكم عن لحوم الحمير الأهلية فإنها رجس". وفي مصر تبدي فئات كثيرة من المصريين تخوفها من جشع بعض التجار في الإقدام على ذبح الحمير وتسريب لحومها إلى السوق استغلالا لأزمة ارتفاع اللحوم الحمراء إلى 60 جنيها للكيلو. وتأتي هذه المخاوف على خلفية تأكيد رئيس هيئة سلامة الغذاء الدكتور حسين منصور أنه لا يوجد في مصر أي معامل يمكنها فحص اللحوم في السوق، والتعرف على نوع الذبيحة التي قد تكون محرمة شرعا. ويؤكد علماء الدين الإسلامي على أن لحوم الحمير تدخل في باب الخبائث المنهي عن أكلها شرعا، طبقا للآية القرآنية الكريمة "ويحل لهم الطيبات، ويحرم عليهم الخبائث". ويقول عضو مجمع البحوث الإسلامية بالأزهر الشريف الدكتور عبد المعطي بيومي إن "تناول لحوم الحمير محرم حتى لو كانت مفيدة، وكل ما حرمه الله عز وجل فهو ضرر على صحة الإنسان سواء كان مشروبا أو مأكولا". وتجسدت مخاوف المصريين في عدم وجود الرقابة الكافية على محلات الجزارة ومطاعم الكباب والكفتة و"الحواوشي" التي تنتشر بكثرة في الأحياء الشعبية ، وكذلك انعدام الوسيلة التي تحمي فئات الشعب من الوقوع في براثن صغار التجار الذين يريدون استغلال الأزمة وتحقيق الثراء السريع على حساب الفقراء . يذكر أن محكمة مصرية قضت في عام 2008 بسجن ثلاثة متهمين بعد تورطهم بإحراز وذبح حمير وخيول نافقة وخلطها بلحوم فاسدة ومستوردة بقصد بيعها للمواطنين نظير 5 جنيهات للكيلو.
| |
|
|
|
|
|
|
Re: انفراج كبير في ازمة اللحوم : حمار مضبوح بطريقة احترافية (صورة) (Re: Mohd Ibrahim)
|
سلام يا الدقم إنت وزوارك الكرام
الجوع كافر والجشع اكفر منه جيل كامل اتربى في عهد الجشع والهلع والكذب والنفاق متوقع شنو من ضعاف النفوس امام جشع الحكام وجورهم ؟
وقت اصلها بقت حمير كان يقبضوا لينا حمار من حميرهم العايرة في خلق الله بلا رادع
يا رب عقبال ربنا يفضح رأس الحية الجانا من تحتها كل الفقر ده حسبي الله ونعم الوكيل عليهم جميعا ربنا يلطف بأهلنا المساكين الما بشوفوا الحاجات دي ولا بسمعوا بيها إلا بعد الفأس يقع في الرأس
| |
|
|
|
|
|
|
Re: انفراج كبير في ازمة اللحوم : حمار مضبوح بطريقة احترافية (صورة) (Re: ناذر محمد الخليفة)
|
Quote: الاخ محمد زكريا اكتب لك هذا الرد وان في كافي-نت واذ بسيدة ثلاثينية تجلس في الكومبيوتر بجواري مباشرة/ رات صورتك بتاعة ال###### المسلوخ بحرفية منقطعة النظير/ وبدون ايتها مقدمة ادارت شاشة الكمبيوتر الخاص بي نحوها و اجهشت بالبكاء/ وخرجت وهي ترسم الصليب علي صدرها.
فشووووف بالله ناس من الفقر باتت لا تفرق بين لحم الكلا ب والضان والبقري والعجالي وناس مش قادرة تتحمل حتي منظر الصورة مع ملاحظة ان البلاد التي انضبح فيها الكل ب حكامها قالوا الشريعة الاسلامية اولا واخير فاكل بعض افراد شعبها ال###### عن دراية او من غير دراية بينما هنا في اوروبا لم يعد الدين او الله مهما في حياة البعض ويعيش اهلها في انسجام متناغم في ظل دولة القانون انها لمفارقة مذهلة لك الشكر.
|
سلام ولد ابوك انا لو منك كنت تعانقت معها لنجهش بالبكاء سوياً وليكن ما يكن كان على الاقل الناس ح تنتبه وممكن يتصلوا بالشرطه ويجوا بالنجدة وطبعاً ناس الاعلام بى وراهم ونحكى للعالم معاناة الشعب السودانى وصلت الى ياتو حد ونقول ليهم لسه التقيل وراء يقولوا لى التقيل وراء يعنى شنو ؟ اقول ليهم ح ناكل بعض - يعنى شنو؟ - الناس ح تاكل لحم الناس يا عالم - يعنى كيف؟ ما فهمنا حاجه - دايرينى اوريكم كيف؟ وكلهم فى وكت واحد يجاوبو .ايوا . كيف؟ اتلفت يمين وشمال القى العيون كلها بتابعنى حتى البوليس دايرين يعرفو اقوم اسأل السيدة الكانت بتبكى بجانبى اقول ليها انتى برضك عاوزة تعرفى اكل لحم الناس كيف؟ - لا انا عارفه - ها ؟ عارفة ؟ لكن عرفتى كيف؟ - امال انا ببكى ليه تفتكر , اصلى خفت وقلت طالما بقيتو تاكلو الكلاااب بعد شوية ح تتلفت جاى وجاى ولو ما لقيت حاجة اكيد ح تاكلنى انا
| |
|
|
|
|
|
|
Re: انفراج كبير في ازمة اللحوم : حمار مضبوح بطريقة احترافية (صورة) (Re: محمد زكريا)
|
Quote: انا حقيقة البوست دا عمل لي نفسيات خصوصا مع صورة ا ل ك ل ب المضبوح |
اكيد قصدك الصوة النزلتها انا دى؟؟؟؟ سورررى يا ابن عوف ما كان القصد والله ان نعمل ليك نفسيات
============================ وتانى اعتذار لكل من يصاب بطمام او وجع بطن واستفراغ
الغريبة مع انه كمونية الك لب ده ودوها وين ما تعرف والكبدة والمراره النيه برضو مافيشه لكن بينى وبينكم لسان الك لب مقرف غايتو قالو اللحمة لو عملوها شية بالجمر بتكون ظاااااااهرة لحمة ك ل ب لكن لو عملوها فى الصاج بالبصل والتوم بتقول ده عتود عنبلوك اما الحلة لو دمعة الا يكترو الصلصة لكن لو بالبطاطس او البامبى فلابد من الكزبرة الما مطحونه فى ملاحات الخضرة والباميه والرجلا والورق وما شابه فما عليكم الا بمزيد من الشمار الاخضر وتاكل بالرز البسماتى تلهط وتلحس ضوابعك وتقول اتارى لحم الارنب ده رهيب كده
============= تصدقونى الصورة والتعليقات دى جبتتها من حيطة صديقة رقيقة جداً فى القيسبوك
| |
|
|
|
|
|
|
Re: انفراج كبير في ازمة اللحوم : حمار مضبوح بطريقة احترافية (صورة) (Re: ناذر محمد الخليفة)
|
أحمد خليل ..
Quote: بيض السمك ده يا اخوانا مش اياهو الكافيار ولا انا غلطان..ياخ عشان تاكل ليك صحن كافيار في اي مطعم بي جاي استعد لدفع 50 دولار فما فوق ....حقو تصدرو لينا بيض سمك يا ناذر..والعمولة محفوظة..لوووووووول |
للاسف بيض سمكنا لو طار ما ممكن نسميهو كافيار ..
هنا والله فيهو حلاة حلة ...! أسال الصيادين في الرميلة وسوبا ..!
طبعا الكافيار قالوا محفز جنسي زيو وزي لحم الحمير حسب الدراسة الصينية الفوق ..
هاك دي :
واحد عماً لينا في البلد متزوج من اربعة نسوان .. ماشاء الله ربنا مديهو قوة وطاقة هائلة .. الزول دا في السنة عندو اربعة سمايات مضمونات .. واحد من كل مرة .. واحد جارو في البلد حنكوش وكان مغترب متزوج فترة طويلة وعندو إشكالية بتاعت محفزات جنسية وولادة .. جا لي عمنا دا يديهو النصيحة ويوريهو الطريقة والوصفة ونوع الأكل المفروض ياكلو وحاجات زي دي ..! عمنا أول تبادي سألوا : يا ولدي إنت بتاكل شنو عشان تدي روحك طاقة؟ .. قال ليهو أنا باكل كافيار !! عمنا أول مرة يسمع الكلمة قال ليهو : الكافيار دا شنو ؟! قال ليهو الكافيار دا بيض السمك ..!!!
عمنا عاين للزول من تحت لي فوق بي تعجب وقال ليهو : يا ولدي الراجل كان ما شالوا بيضو بيض السمك مابشيلو ..!!
| |
|
|
|
|
|
|
Re: انفراج كبير في ازمة اللحوم : حمار مضبوح بطريقة احترافية (صورة) (Re: محمد قرشي عباس)
|
!!!!!!
Quote: الذين اكلوا لحم الحمير آن ذاك كان باختيارهم أما هنا فهو عملية قش واحتيال |
إنت قابلت الزول الضبح الحمار دا وقال ليك ماشي يبيعوا ؟!
امكن ضبحوا عشان ياكلو هو واسرتو ؟! عندعم سماية ولا مناسبة نجاح ولا أي مصيبة زمان ..!!
بعدين حكاية حصار الخرطوم ووجه الشبه في حاجة غايبة عنك .. خرطوم غردون لمن كانت محاصرة ما كان فيها عساكر وجنود بس .. كانت مدينة كاملة وفيها أهالي واسواق وناس عايشة حياتم الطبيعية .. في اثناء الحصار اكلو كل شي قدامم وكانوا فعلا مجبرين والكلام دا مذكور في كتاب نعوم شقير عن جغرافية وتاريخ السودان ..
محمد قرشي عباس نبه لي شي ..
فعلا الحمار أغلى من لحمو .. حسب علمي سعر الحمار ما بين 1800 لي 2000 جنيه وبي كدا الأحتمالات كالأتي ..:
زي ما ذكر أخونا الحمار إنضبح كوليمة لي أجانب صينيين أو غيرم وديل همهم نوع اللحم بغض النظر عن سعرو ..! أو الحمار كان عيان وما بيجيب سعرو وقام سيدو ضبحوا سواء لبيع لحمو أو عشان ياكلو ..!
ولا شنو ؟!!
| |
|
|
|
|
|
|
|