الله يعلم الشعب السودانى يصوم السنة دى !

الله يعلم الشعب السودانى يصوم السنة دى

فى الفطر مافى اكل فى الصيام الحال حيكون كيف !

ياساتر يا لطيف

الرغيف هسة قالو بقى تك
حتى الناس العندها حبة قريشات مالاقية تشترى
وصفوف يالحقت ياما لحقت

الوضع دا حيستمر كم ؟

بعد دا حقو الشعب السودانى يفكر جادى و يفتش لللى حيدفنو

يشوفو الجيران يجو يدفنوهم بس - كدى شاورا المصريين

يمكن يجو يدفنوكم ويرجعو..ولوما كلمتوهم لامن يشمو ريحة الجثث حيجو براهم

معقولة بس

باين حيحصل نفوق جماعى فى البيوت !

ياربى احسن الموت فى الشوارع ولا احسن النفوق فى البيوت

لا ادرى لماذا أرى وأتخيل الجثث ..جثث الشعب السودانى فى الشوارع
والخيران والازقة وبجانب شوارع الاسفلت ملقية بالمئات والآلاف
ارى الجثث فوق اسوار المنازل وامام ابواب المنازل وفوق الاشجار
وفى الحيشان وفوق حبال الغسيل وفوق لساتك العربات المغروسة فى اركان الشوارع
اشلاء الشعب فوق سقوف المنازل ..وجثث محشورة بين طبليات الباعة واخرى بين النوافذ
القديمة...دماء منهمرة وجارفة تأكل المبانى الاسمنتية و الحيطان القديمة ..
وصمت رهيب فى ارجاء السودان..إلا من الكــــلاب التى تعوعى ..
ولا حياة لمن تنادى,..حيصل شنو ؟؟؟ هل قد نشهد هذا فى الخرطوم ؟؟؟

يا أخوانا احذروا من هؤلاء الكيزان
هؤلاء لا دين ولا أخلاق ولا قيم لهم
ولا تحكمهم ضمير ولا وازع ولا يجمعهم
غير سفك الدماء ويعيشون على أشلاء الشعب
وحروبها..من هو الفارس الذى سيخرج من بين
الجموع ويوقفهم عند حدهم ؟؟ فارس واحد أم فرسان ؟