Quote: الحكومة: سنلجأ للانتخابات إذا اتسعت التظاهرات
التفاصيل نشر بتاريخ الأحد, 08 تموز/يوليو 2012 13:00
الحكومة: المؤتمر الوطني أو الفوضى الخرطوم: «الإنتباهة» رفض وزير الدولة برئاسة الجمهورية د. أمين حسن عمر وصف الاحتجاجات التي تجري في السودان بأنها «ربيع عربي». وأكّد في حوار مع الراية الأسبوعية أمس، أن الحكومة توقعت تلك الاحتجاجات من بعض المواطنين المستائين من الإجراءات التقشفيّة، إلا أن الأحزاب السياسية تحاول اختطافها وتوظيفها لأجندتها الخارجية. وشنَّ هجوماً كاسحاً على الأحزاب ووصفها بأنها «طفيلية وانتهازية» وتسعى لمصالحها الخاصة. وأكّد أنّ الحكومة لا تُمانع في خروج مظاهرات سلميَّة يعبِّر أصحابها عن رأيهم في إجراءات الحكومة، لكنها ستمنع عمليات التخريب وستتصدّى لمحاولات إغلاق الطرق. وأضاف قائلاً: «إذا كانت هناك احتجاجات واسعة ضد سياستنا فهذا سيجعلنا نراجع موقفنا» وزاد: «إذا قرّر الشعب أنه لا يريد هذه السياسة فسنذهب إلى الانتخابات»، وقال: «نحن لسنا نظاماً استبدادياً. وأكّد تجذّر التيار الإسلامي في بلاده، وقال إنه لا أحد يمكنه إلغاء هذا التيار وإنه غير قابل للإلغاء، وإذا سقط الزمام من يد هذه الحكومة لسبب أو لآخر فإن السودان سيدخل في الفوضى.
انت يا كمال قايل اعلان اللجؤ للانتخابات دا ما مطلب من النظام قبل ما يكون مطلب من الشعب , الحكومة مورطة وغالبها التعمله للخروج من المازق التاريخي الوضعت فيهو البلاد ودخلت فيهو العباد , ياخ لمن قلنا الحكومة ما عندها حلول تقدمها كان الكلام دا من واقع قراءة حقيقية للبدائل اللجأت ليها الحكومة , وهي البحث عن المزيد في جيب المواطن . عشان كدا الحكومة دي حريصة علي الثورة اكتر من حرص الشعب عليها , حريصة انه الشارع يمرق عشان كدا بقت تغازل في الشعب عشان يمرق ويشيل عنها الورطة الواقعة فيها دي البشير قال الكلام دا واكتر من وزير قال الكلام دا .
أنا معاك الحكومة في ورطة والبشير ذاته معانا ان الحكومة في ورطة
يعني الشعب عنده خيارين يتظاهر ويفش غبينتوا ويرجع ثكانته
او يدخل معركة انتخابية مبكرة.
المعارضة ممكن تصعد المظاهرات دي وفي النهاية الحكومة تقول يلا نعمل انتخابات والعندو الحل العاجل والناجع لورطة الحكومة يكسب
والمعارضة طبعاً ما عندها اي جاهزية ولو جات في ظروف زي دي وهي رافعة من سقف مطالبها "سقف" مطالبها نفسه ح يكون حبل يلتف حول عنقها وتدخل في ورطة منيلة أكثر من ورطة الحكومة الحالية
Quote: يعني الشعب عنده خيارين يتظاهر ويفش غبينتوا ويرجع ثكانته
هناك خيار ثالث (لكم ) وخيار وحيد للشعب السودانى
إسقاط النظام ومحاكمة المفسدين
Post: #14 Title: Re: الحكومة: سنلجأ للانتخابات إذا اتسعت التظاهرات Author: Nasr Date: 07-08-2012, 05:37 PM Parent: #13
هل في مقدرة الحكومة إقامة إنتخابات حرة نزيهة؟؟؟؟ الأحزاب والشعب صدقهم في الإنتخابات القريبة دي وزوروها (من الكم وتسعين في المية الجابوها في الإنتخابات دي، ما لقو ليهم 10 يتظاهروا تأييدا للحكومة) والأحزاب والشعب السوداني مستعد لخوض أي إنتخابات حرة نزيهة لكن الإنتخابات الحرة النزيهة ما بتحصل بإشراف الحكومة (الخصم والحكم والذئب الذي يطالب بأن يستأمن علي الغنم) أو فلنقل: الحرامي الذي يصر علي يعطوه المصحف ليحلف عليه
Post: #15 Title: Re: الحكومة: سنلجأ للانتخابات إذا اتسعت التظاهرات Author: عبد الناصر الخطيب Date: 07-08-2012, 06:20 PM Parent: #14
.
Quote: الحكومة: سنلجأ للانتخابات إذا اتسعت التظاهرات
البشير لم يفز بأكثر من 68.24% ودخل معه في سباق الرئاسة أحد عشرة مرشحاً غيره
والإنتخابات كانت حرة ونزيهة ولكن أغلب قوى المعارضة انسحب منها
ودخلتها الحركة الشعبية وفازت فيها في الجنوب ولم يكن هناك تزوير لأنها كانت مشهودة برقابة دولية وأممية وإقليمية وحزبية كونها تعد أحد مقررات نيفاشا للسلام الشامل في السودان
يعني ليست انتخابات كما يحدث في مصر بل هذه كانت مشهودة دولياً وتقف امريكا حارساً لها ومن خلفها الغرب
ومن بعدها جاء الاستفتاء في الشمال والجنوب ولم يزوّر ونتج عنه انفصال الجنوب
هذه حقائق يجب على الإنسان الصادق أن يقول بها حتى وإن لم تلبي رغباته وأمنياته ولكنها تبقى حقائق
هذه مشكلة عند من يظنون بأنفسهم انهم يعارضون وياتون باسوا مما يفعله الكيزان انفسهم
البعض يظن بأنّه يحارب في الفساد والكذب والتزوير وهو لا يتوانى أو يستحي من أن يزور الحقائق البسيطة المبسوطة لكل الناس في هذا الأثير
Post: #18 Title: Re: الحكومة: سنلجأ للانتخابات إذا اتسعت التظاهرات Author: Nasr Date: 07-08-2012, 07:35 PM Parent: #17
الإنتخابات التشريعية مخجوجة والإنتخابات الرئاسية مخجوجة وهناك ملايين من الشواهد والأدلة لكن إنتخابات فاز فيها نافع (في آخر إنتخابات حرة نزيهة قبلها نال نافع 18 صوت) وسقط فيها بخاري الجعلي في بربر الطفل الرضيع بيقول ليك مخجوجة
وإلا إين هذه الملايين التي صوتت لكم؟؟؟؟؟؟؟؟؟؟؟؟؟؟؟؟؟؟
Post: #19 Title: Re: الحكومة: سنلجأ للانتخابات إذا اتسعت التظاهرات Author: Alshafea Ibrahim Date: 07-08-2012, 07:45 PM Parent: #18
أولا مطلوب من هذا الوزير العامل بروف وخبير وكده الاعتراف بالتظاهرات وبعدين نشوف معاه قصة الانتخابات المبكرة في ظل تواجد ووجود كل آليات ومؤسسات ومفوضيات ومنسقيات ومحليات اللا وطني التي أوصلتهم لسدة الحكم لتبارك إنقلابهم اللعين بسنة تسعة وتسعين في الماءة ؟ تقبلوا تحياتنا الشفيع
Post: #20 Title: Re: الحكومة: سنلجأ للانتخابات إذا اتسعت التظاهرات Author: عادل عبدالرحمن إبراهيم Date: 07-08-2012, 11:01 PM Parent: #19
الإنقاذ بدأت بكذبة أطلقها شيخكم الترابي عراب نظامكم الذي أنكرتوه بعد أن تعلمتم منه أصول وأسس النفاق (أذهب للقصر وأنا أذهب للسجن) هل ما زلتم تعتقدون أن الشعب سيصدقكم بقصة انتخابات حرة نزيهة دي
Quote: دي موش بيسموها "سيك في قبولك" ولا حاجة زي كدا
اوسكار و الله ضحكت لامن بكيت اضحك الله سنك يا فرانكلي بالله قل للمؤلفة قلوبهم ديل يركزوا
Post: #22 Title: Re: الحكومة: سنلجأ للانتخابات إذا اتسعت التظاهرات Author: الامين موسى البشاري Date: 07-09-2012, 00:28 AM
Quote: أنت براك شايف أنا اترفع كثيراً عن الخوض في مهاترات مع الشاتمين والمطاعنين فكيف أتيها أنا تجاه شحص أخر
نحن يا أساسي طول عمرنا في المنبر دا بنختلف ونتفق لكن بيبقى بينا الاحترام
للأرشيف ذاكرة مقاومة للصدأ ولا تفنى ولا تستحدث من العدم
Post: #23 Title: Re: الحكومة: سنلجأ للانتخابات إذا اتسعت التظاهرات Author: الخير محمد عوض Date: 07-09-2012, 00:47 AM Parent: #22
سلام يا كمال
الموضوع كلو قاعد وموثق.... نديك عينة
Post: #24 Title: Re: الحكومة: سنلجأ للانتخابات إذا اتسعت التظاهرات Author: عمر صديق Date: 07-09-2012, 01:39 AM Parent: #23
الاخ كمال
تحياتي
يوم امس نفي القطاع السياسي بالمؤتمر الوطني تصريحات دكتور امين
وستجد التفاصيل بصحف اليوم
Post: #25 Title: Re: الحكومة: سنلجأ للانتخابات إذا اتسعت التظاهرات Author: د.محمد حسن Date: 07-09-2012, 04:05 AM Parent: #24
تعرف يا اخ كمال على الرغم من اني مقتنع انك مؤمن بالحكومة دي لله الا انو كلما اقرا ليك بتذكر قول المرأة الشايقية في توظيف ولدها تانيا انت قلت
Quote: Çفالشعب دخل في ورطة ستكون الصومال بجانبها جنّة
هل دي توقعات والا خطة موضوعة ؟
يعني يا فيها ينطلع دينها
واخونا عمر صديق دخل ليك وقال
Quote: Çيوم امس نفي القطاع السياسي بالمؤتمر الوطني تصريحات دكتور امين
يعني نسف ليك دفاعك عن السيك في القبول اها هسة تودي وشك وين من المعارضين ليك انا عاجبني كلامك لكن عمر قال كلام طفيل حسن عمر كلام فارغ اها انت مع طفيل حسن عمر ولا مع نفي المؤتمر الوثني
Post: #26 Title: Re: الحكومة: سنلجأ للانتخابات إذا اتسعت التظاهرات Author: حامد بدوي بشير Date: 07-09-2012, 05:52 AM Parent: #25
الأخ فرانكلي،
أرجو ان تتأكد انت وأمين حسن عمر، من ان الانتخابات القادمة لن تجريها هذه الحكومة،
وان الانتخابات القادمة القادمة ستجرى بعد ان تأخذ محكمة الجنيات الدولية مطلوبيها.