Post: #1
Title: انتو صدقتو كلام البشير ولا شنو .. ايه حكاية فنيلتك وتشخ في سروالك ا
Author: Zomrawi Alweli
Date: 07-07-2012, 09:57 PM
العناوين اخذت تنحو منحى آخر هذه الايام تزامنا مع اطلاق اهل الحكومة
لحس الكوع
شذاذ أفاق
مثلا :
- الشيخ القرضاوى .. تشخ في سروالك .................... كاريكاتير
- دين بتاع فنيلتك يا بشة...(سلسلة فنيلتك)...!!!!
- شذاذ افاق بتاع فنيلتك يا بشة.....!!!!!
|
Post: #2
Title: Re: انتو صدقتو كلام البشير ولا شنو .. ايه حكاية فنيلتك وتشخ في سروالك
Author: ABDELMAGID ABDELMAGID
Date: 07-07-2012, 10:04 PM
Parent: #1
| Quote: انتو صدقتو كلام البشير ولا شنو .. ايه حكاية فنيلتك وتشخ في سروالك |
لكل فعل رد فعل ! معاكسٌ له فى الإتجاه و مساوٍ له فى القوة ...
........
و البادى أظلم ..
....
عبدالماجد
|
Post: #3
Title: Re: انتو صدقتو كلام البشير ولا شنو .. ايه حكاية فنيلتك وتشخ في سروالك
Author: Zomrawi Alweli
Date: 07-08-2012, 05:20 AM
Parent: #2
والله بعض اسلوب الذي يستعمله اهل النظام بدءأ برئيسهم ونانبه نافع
قد جلب علينا الكثير من السخرية من العرب الذين نتعامل معهم في حياتنا اليومية
عندما تخرج المسميات الثورية (مثل لحس الكوع وشذاذ الافاق) وتتناقلها وسائل الاعلام العربية
نجد الاعراب يتساءلون ما معنى هذه المسميات وما مدلولاتها
فليس لنا غير الاجابة ان هذه الفاظ حكامنا الذين يتربعون على سدة الحكم
|
Post: #4
Title: Re: انتو صدقتو كلام البشير ولا شنو .. ايه حكاية فنيلتك وتشخ في سروالك
Author: بشير حسـن بشـير
Date: 07-08-2012, 05:29 AM
Parent: #3
الاخ زمراوى تحياتى
اخى ساورد لك كلمتين اثنين
لا معنى لها فى اللغه العربيه وانما هى كلمات دارجه
بلهجات الدول التى صدرت فيها
واصبحت وسائل الاعلام تذكرها فى كل نشره
وفى كل لقاء سوى ان كان مع اى حكومه او معارضه
الكلمات هى بلطجيه و شبيحه
ويا اخى دعك من العروبه وزيفها ودعنا نكون
سودانيين من افريقيا ودع العرب المتعجرفه
ان تتعامل معنا فى اطار نرسمه نحن وليس هم
ودى وتقديرى
|
Post: #5
Title: Re: انتو صدقتو كلام البشير ولا شنو .. ايه حكاية فنيلتك وتشخ في سروالك
Author: عبدالكريم الامين احمد
Date: 07-08-2012, 05:31 AM
Parent: #3
تحياتي يا زمراوي
ومرحب
وفي شنو يا زول الكركبة في شنووو..؟؟
ولا اعتقد باننا محتاجين ان نناهض وصايا البشير ورهطه بيد ونناهض الوصايا من الاخريين باليد الاخري..
واللغة ماعون واااسع وما ورد في امر فنيلتك ليس بلغة مجلوبة من القمر او زحل بل هي من عمق النبض والواقع السوداني
والبمنع شنو استعالمها او استخدامها ..؟؟ماهي المحاذير ..!!
--
الشعب السوداني ده قطاعات وتيارت عريضة فيها من يعارض لغة موغلة في الدهشة والسوفت
وفيه من يعارض بوعي (تكتل طالب نكتل امك) وهو يحاكي هتاف مقتل (مقتل طالب مقتل امة) فاعتبرني ياااخ ممثل للناس الجنقو جورو ديل
واحفظ لي حق استخدام اللغة البيها شايف اني ممكن اوصل حاجاتي بدون ضجر او تذمر او وصايا
لانو ده حق من حقوقي وماهابش حق زول تاني ولابنبغي...!!!
------
ومن حقك طبعا وبالتاكيد نقد هذه اللغة ودورها في اي شي تراه انت مناسب ولكن اي محاولة لقمعها او تحقيرها فانت مثلك يا اخوي ومثل عمر البشير وتدعو الي الحجر علي التعبير
ولاشنو..؟؟
|
|