اخشى ان يموت المركز(بالسكتة الدماغية)!!

جمهورية العاصمة (المصلصة).
.وهذه من علبة الصلصة ولا زالو مستمرين في استنساخ تجارب العرب الفاشلة..ولا صوت يعلو فوق صوت المعركة..

الربيع العربي حتى الان عاجز عن استعاب او ايجاد رؤية عن ما هي
1- الديموقراطية
2- الدولة المدنية وعلاقة الدين بالدولة
3- الفدرالية وعلاقة المركز بالهامش
4- الاقليات
5- المراة

فقط اعادة تدوير الاخوان المسلمين ومشروعهم الفاشل للدولة المركزية الدينية الفاسدة والفاشلة والفاشية
سؤال كيف يحكم السودان
اجابت عليه اتفاقية نيفاشا للسلام الشامل منذ امد بعيد؟ وبرنامج سودانية جيدة ظلت تقدم من 1956 وهي قادرة على حل كل مشاكل السودان العالقة.. بعيدا عن الالعاب الهوائية لنخب المركز.. واحزاب السودان القديم..واضنابهم في البورد...

نعود الى خطاب البشير الاخير ...وعملية شد الجلد والتجميل البائسة التي يحتويها:

الاقتصاد لغة ارقام وواقعية
النظام الولائي المنلفت في الهامش والاستسقاء الدماغي في المركز..مع شح الاموال بمعدلات عالية بعد خروج نفط الجنوب من الميزانية..حتما سيقطع التمويل المهول للجهاز الادراي للهامش 25 ولاية بقضها وقضيضها..وانقطاع العطايا والامتيازات سيجعل كل برلمانات الهامش وحكوماته..تتسرب كما حدث للفاقد التربوي في المدراس من سياسة الانقاذ بقتل مجانية التعليم في الهامش وسيكنو (فاقد سياسي) وكيزان زعلانيين ذى ناس المؤتمر الشعبي..والقصة بدات مع كرم الله مرورا بكاشا ولن تنتهي عند برلمان الخرطوم ورئيسه المستقيل ابراهيم ادم الطاهر.. وعندها سيموت المركز بالسكتة الدماغية...وسيتحلل كل جسد السودان... ويتم نقل مومياء السودان الى متحف التاريخ الطبيعي...

واذا انهار النظام الولائي في السودان...دون اتخاذ اجراءات مضادة شرحناها مرارا وتكرارا في هذا البورد باعادة الاقاليم الخمسة فقط واجراء انتخابات تكميلية مبكرة للبطاقات 9و10و11و12 حرة ونزيهة ومراقبة دوليا تشارك فيها كل الاحزاب السياسية المسجلة(95 حزب) والحركات المسلحة((( بقرارات جمهورية عاجلة)))..
الحكم الاقليمي اللامركزي باسس جديدة سيوفر الاستقرار لكافة الاقاليم ويقضي على النزاع المسلح ..ويبقى نزاع ناس المركز العقيم المستمر من 1964 دون جدوى شان لا يخص اهلنا في الاقاليم..بعد الاستقلال المالي والاداري والانعتاق من وصاية اهل المركز المزمنة في النظام الحاكم او (معارطة) السودان القديم على حد السواء..وعليهم ان لا يراهنو ابدا على اكتساح الاقليم بعد برنامج السودان الجديد وعلى اصوات اهل الهامش الذين خرجو بالملايين لبرنامج الامل وابناء ددارفور الشجعان من معسكرات النازحين ..

لاصحينا عاجبنا الصباح
لا نمنا غطانا العشم



ماذا عند اهل المركز من
1-حزب مؤتمر وطني
2-حزب مؤتمر شعبي
3- حزب الامة
4- الحزب الشيوعي
5- الناصريين
6-البعثيين
7-.....
من اهل البديل الديموقراطي يقدموا لهذه المراة من الهامش
وهي قاعدة هنا ليها سبعة سنة
والناس ترفس في الدوحة من غير طائل
مش كان احسن يقبلو بي دارفور اقليم واحد وانتخابات تمثيل نسبي لكافة القوى السياسية المسلحة وغير المسلحة تقود الى حكومة اقليمية حقيقية من ابناء دارفور دون وصاية من احد..من اهل المركز وثمود...
تضع حد لمعاناة جدتي مريوم دي؟؟؟

Quote: ماذا عند اهل المركز من 1-حزب مؤتمر وطني 2-حزب مؤتمر شعبي 3- حزب الامة 4- الحزب الشيوعي 5- الناصريين 6-البعثيين

ولا زال التحدي قائم لسغب البورد المنتمي لهذه الكيانات المهترئة والمزمنة....

انتو قاعدين فيها وما عارفنها جهل ام استكبار؟
اتمنى ان كل اهلنا في الاقاليم الخمسة يتخطوا كل الناس ديل لحدي ما تجي القوى السياسية الجديدة و الحقيقية التي تمثلهم وتعيد الاقاليم الى سيرتها الاولى

لا تقل المعارضة القديمة في المركز ديكتاتورية عن الحزب الحاكم في فرض رؤيتهم على الجميع وانا ابحث للناس عن طريق ثالث ليس المؤتمر اوطني وليس معارضة المركز يمر فقط عبر بوابة نيفاشا واعادة هيكلة كل السودان باسس جديدة ويوجد 5 مليون سوداني الخارج قادرين على الضغظ لتفكيك النظام وفرض الحلول الجذرية عليه وقبول التحدي الانتخابي ان لزم الامر... اين المحكمة الدستورية العليا في السودان؟؟!! واين القضاة والقانويين عبر العالم السودان في حاجة لفضائية حرة للجميع ليس حكر على المعارضة الحالية او تشويش الحزب الحاكم والازمة اصلا كانت تحرر من شنو/وعي وليس من منو/شخص كما قال جون قرنق الله يرحمه

Quote: 1-حزب مؤتمر وطني 2-حزب مؤتمر شعبي 3- حزب الامة 4- الحزب الشيوعي 5- الناصريين 6-البعثيين 7-.....

لا زلنا نساءل سغب البورد المنتنمين لما هم اعلاه...
ماذا يجدي هذا الاسقاط المتبادل بين معارضة المركز ذات الماضي المشين والمستمر وبين المؤتمر الوطني السيء
اصلو مافي حاجة في السودان غير ديل
يمشي عبود يجو ديل
يمشي نميري يجو ديل
كمان يمشي البشير يجو ديل
والله دي اسنا عديييل كده

ههههههههههه

Quote: والله دي اسنا عديييل كده

وفي قبولك يا عادل

Quote: وفي قبولك يا عادل

ناس ربيعم فات وغناييم مات بعد افشالهم نيفاشا و لانتخابات 2010 بمساعدة المؤتمر الوطني الرديء..وضاع(الامل) من 18 مليون ناخب مسجل
ومبارين ربيع العرب الزائف
على الاقل
عرفو حاجة اسمها المحكمة الدستورية العليا
تنفع خصيصا لتعرية الكيزان وحصارهم دستوريا
كما هو الحال في مصر ورئيسم الجديد (اب شريحتين)

عـــــــــــــادل
هو الدستور السوداني حق أصحاب المشاريع ده كان اسلامي
وبعد 23سنة اسلمة شريكم يتكلم عن دستور اسلامي دي هي الهضربة
قبل الموت
العالم كله بيحكم بأحزاب وصناديق الا أصحاب المشاريع في السودان
كل واحد يقول ادوني فرصة أنا مشروعي ناجح وكل كضب
الهامش ما فوضكم وانتو عرفتو بعد ستين سنة كانوا يصفوا بالرجرجة
والدهماء المهم الهامش عارفين قصتكم وبيعكم لهم وسيدي وسيدك
قاعدين ليكم في اللفة يالأخلاق والأدب والكلام السمح وشوية أسبرين من المانيا
وكتب من أكسفورد والغذاء من أمريكاوالمطرة تصب والبهائم تشبع والناس تشبع
يس فكونا من المشاريع والحنق الي في الدماغ الشعب السوداني لا يحتاج الا الأشياء
المذكورة أعلاه وأصحاب المشاريع ما زول بيديهم شئ غير الفصل السابع هذه العصا
يشبعو بيها أصحاب المشاريع والأستاندر العالمي جاييكم فكوتا مت تفكير الستينات
اليوم الوضع مختلف الهواء مفتــــــــوح والتسويق لا يجدي وكل شئ بالعرض والطلب
ما فيش سياسة ولاساسة يس تخلونا وسبيــلنا بعد أن فشلت مشاريعكم
أوعي تقول لي العيب في التطبيق قالوها الكيزات والشيوعيين قبلكم

اناقلت ليك زمان يا مبارك ابعد (المى حار ما لعب قعوي)
اذا كنتا انا منتظر مشروع لم تتح له فرصة عادلة لا اعلاميا ولا سياسيا ليعبر عن نفسه في الشمال المازوم بهاته الثلاث بالمشاريع الوافدة والمتخلفة ....
انت البحرسك الجبهةالوطنية والنخبة السودانية وادمان الفشل شنو..مباريهم لحدي هسه ليه؟؟
وحزبك صاحب الماضي المشين والمجلل بالعار
1- اول من ادخل بدعة الدستور الاسلامي في السودان من 1968 ومحاكم الردة
2- اول من اجهض قرارات المحكمة الدستورية العليا وطرد نواب الحزب الشيوعي
ونحن دائما بنجي بالوثائق لاحقا...لمن واحد يكثر
بعدين انتخابات شنو البتخوفنا بيها دي
رجعو الاقليم الخمسة وختو الصندوق الليلة...والبطاقات 9و10و11و12
وشوف تاني كان واحد هتف ولى كف مشت بتلاقي كف
يا اخوى بضاعة المركز دي بكافة انواعها كسدت فشلت في ادارة التنوع في السودان من 1964 والسكتة الدماغية جاياكم ياعلاجيم جمهورية العاصمة المثلثة...

اما نيفاشا دي انت ما قدرا خليك مع التراضي احسن..وامامك في متاهته..

وشفت كيف في اليمن اتفاقية الخليج قبل ما يجف التوقيع تنزلت للشعب عبر كافة وسائط الاعلام التي تملكها الحكومة والمعارضة على حد السواء ووزعها المواطنين بي خمسين ريال في العربات واضحت جزء من وعي 7 مليون ناخب يمني انتخبو الرئيس الانتقالي عبد الرب هادي ومنتظرين انتخابات 2014 بعد ما يتبين الربيع العربي في مصر المازومة وغيرها..بعد ما ذهبت السكرة وجاءت الفكرة...ونحن السودانيين لا بنتعلم من اخطاءنا ولاا نستفيد من تجارب الشعوب

وتذكر ابيات الشعر دي في السلام الجمهوري اليمني
لن ترى الدنيا على ارضي وصيا


ونحن (قرفنا) من وصاية المركز واحزابه المخستكة...

أستاذ عادل سلامات ؟

هو لسه المركز دا مات بالسكتة الدماغية ..
ياخى دا مات وشبع موت لكن لسه بيفرفر .

Quote: جمهورية العاصمة (المصلصة). .وهذه من علبة الصلصة ولا زالو مستمرين في استنساخ تجارب العرب الفاشلة..ولا صوت يعلو فوق صوت المعركة.. الربيع العربي حتى الان عاجز عن استعاب او ايجاد رؤية عن ما هي 1- الديموقراطية 2- الدولة المدنية وعلاقة الدين بالدولة 3- الفدرالية وعلاقة المركز بالهامش 4- الاقليات 5- المراة

Quote: أستاذ عادل سلامات ؟ هو لسه المركز دا مات بالسكتة الدماغية .. ياخى دا مات وشبع موت لكن لسه بيفرفر

لكن يا اختى امنة البيقنع الديك منو
لي زمن اهيب بالناس الاقل من 40 سنة في البورد وفي السودان..ينضمو للاحزاب الجديدة في السودان

والاطروحات الجيدة البتقدميها انت وعادل عبدالعاطي عبر الخضر او الليبرالي..
ولا حياء لم تنادي
المركز ده بتكتلو (((اتفاقية نيفاشا)))ا وتضعه في حجمه الطبيعي

انتو في الخضر الزمو الحزب الحاكم واحزاب السودان القديم بوضعها في الدستور الدائم والزمو الجميع باعادة الاقاليم الخمسة القديمة...دي بداية الحل
والمشورة الشعبية انا عايزا في الاقاليم الخمسة القديمة
والحديث ذو شجون

اخي العزيز عادل امين

Quote: انتو في الخضر الزمو الحزب الحاكم واحزاب السودان القديم بوضعها في الدستور الدائم والزمو الجميع باعادة الاقاليم الخمسة القديمة...دي بداية الحل والمشورة الشعبية انا عايزا في الاقاليم الخمسة القديمة والحديث ذو شجون

ستسمع قريبا ما يسرك

Quote: ستسمع قريبا ما يسرك

سلام يا عادل

احرصو من الان على فضائية حرة هذا ما يسرني فعلا

على الاحزاب الجديدة في السودان ان تسوق نفسها كبديل في اجهزة الاعلام الدولية والمحلية

اذا اصر المجتمع الدولي على التغيير عبر وسائل دستورية
على كل القوى الديموقراطية تطرح بديلها بمرجعية الشعب والانتخابات وليس بقانون وضع اليد..
وهذه الانفاضات المميتة مع تقديرنا لتضحية السودانيين الشجعان في كل السودان تطلب غطاء سياسي بعيدا عن تشزرم معارضة احزاب المركز العاجزة...
وصلو بديلكم لي كلنتون بعد داك نشوف اذا كانو في الخارجية الاامريكية يحترمون السودان فعلا كما احترمه الانجليز زمان

Quote: ذا اصر المجتمع الدولي على التغيير عبر وسائل دستورية على كل القوى الديموقراطية تطرح بديلها بمرجعية الشعب والانتخابات وليس بقانون وضع اليد.. وهذه الانفاضات المميتة مع تقديرنا لتضحية السودانيين الشجعان في كل السودان تطلب غطاء سياسي بعيدا عن تشزرم معارضة احزاب المركز العاجزة... وصلو بديلكم لي كلنتون بعد داك نشوف اذا كانو في الخارجية الاامريكية يحترمون السودان فعلا كما احترمه الانجليز زمان

قال معلوف السنتور الامريكي اللبناني الاصل كنا 50 نائب في ادارة وبوش اجبرناه على تبني سياسة طرد سوريا من لبنان- المرجع فضائية الحرة

هكذا يفعل الاذكياء لتغيير بلادهم
ماذا لديكم الان لتقدموه للادارةالامريكية التي تصر على التغيير عبر الوسائل الدستورية
ونص السودانيين مشردين ونازحين وحلاتم حالة وانظر صور البوست
انتو فاضين من افطار في واشنطون وسحور في فلادلفيا

وبدات اعراض الموت تدب في الاقاليم وتاخر المرتبات والتسيب الادراي في شمال دارفور

Quote: قال معلوف السنتور الامريكي اللبناني الاصل كنا 50 نائب في ادارة وبوش اجبرناه على تبني سياسة طرد سوريا من لبنان- المرجع فضائية الحرة هكذا يفعل الاذكياء لتغيير بلادهم ماذا لديكم الان لتقدموه للادارةالامريكية التي تصر على التغيير عبر الوسائل الدستورية ونص السودانيين مشردين ونازحين وحلاتم حالة وانظر صور البوست انتو فاضين من افطار في واشنطون وسحور في فلادلفيا

عادل امين
صباحك خير
وعامك مبارك وسعيد

انت منو يا اخوي؟
وشايت وين؟
وبرنامجك شنو؟

انا بقيت اشوف ليك "لغة جديدة"، لم نسمع بيها في البورد

كدي "قعِّد" لينا كلامك ده حتة حتة
انت عايز شنو بالضبط؟؟
ولو عندك مداخلات او بوستات جيبها لينا هنا
تحياتي

عادل امين
صباحك خير
وعامك مبارك وسعيد

انت منو يا اخوي؟
انا سوداني انا
وشايت وين؟
جنوب لحدي جوهانسيبرج
وبرنامجك شنو؟
الدولة المدنية الفدرالية الديموقراطية
انا بقيت اشوف ليك "لغة جديدة"، لم نسمع بيها في البورد
اكيد اتحررت من شنو ومن اصرالسودان القديم...وبقيت تعرف لغة السودان الجديد

كدي "قعِّد" لينا كلامك ده حتة حتة
انت عايز شنو بالضبط؟؟
عايز السودان يكون ذىالبرازيل مش زي تركيا
ولو عندك مداخلات او بوستات جيبها لينا هنا
عندي 7000 بوست...ومكتبة انت امشي شوفا
تحياتي

وكل عام وانتم بخير
ياوراق
ومرحب بيك دائما

خمسة ولاّ خمسطاشر الفرق شنو؟

لو نظام فدرالي بتاع دولة واحدة ديموقراطية ... التقسيمات دي كفيلة بيها لوجيستيات الأرض ... وكفيل بتنفيذها المؤسسات التشريعية المنتخبة ...

لو قصة "المشورة الشعبية" دي تلويح بالإنفصال؛ يبقى المرحلة الوسطى لزومها شنو؟ طالب بى خمسة حقوق تقرير مصير مباشرةً ... لو ما ادوك امشي فتّش طبنجتك وين ...

القصة مبادئ ولا جغرافيا يا عادل امين؟

الداير يبتز المؤتمر الوطني بى جدلية المركز والهامش لازم يفهم حقل الألغام الهو بيلعب فيهو ... فيدرالية ما معناها "مشورة شعبية" يا حبيب





... المهم ....

Quote: الداير يبتز المؤتمر الوطني بى جدلية المركز والهامش لازم يفهم حقل الألغام الهو بيلعب فيهو ... فيدرالية ما معناها "مشورة شعبية" يا حبيب

العزيز تبارك
كل عام وانتم بخير
انا لا بتز المؤتمر الوطني ولا اعرض باحزاب السودان القديم المركزية المستهلكة
انا بتحداهم
لاني براهن على الشعب والانتخابات باشراف دولي من التسجيل لحدت اعلان النتيجة
وعبر بروسسينج علمي ومجرب في السودان
اعادة الاقاليم والحكم الاقليمي اللامركزي بتاع السبعيننات باسس جديدة
الاسس الجديدة
انتخابات حرة في البطاقات 9و10و11و12

والذى لا يراهن على الشعب السوداني لن يخسر وان طال السفر
كفانا وصاية وتاني مافيش حد احين من حد ونحن اتحررنا من شنو زمان وباقي انتو
اما المشورة الشعبية فهي جزئية فاعلة في نيفاشا وعودة لاهل الاقاليم ليحددوا شكل العلاقة بينهم وبين المركز وتقرير المصير امر مشروع اذا استمر المركز في قتل المواطنين ولا يفرق اذا كانو فور او مناصير

ومرحب بيك دائما

Quote: اعادة الاقاليم والحكم الاقليمي اللامركزي بتاع السبعيننات باسس جديدة الاسس الجديدة انتخابات حرة في البطاقات 9و10و11و12

شنو محاسن الحكم اللامركزي بتاع السبعينات على الحكم اللامركزي البينص عليهو الدستور الحالي؟

يعني القضية في "لامركزية الحكم"؛ ولاّ في عدد الأقاليم؟

بعدين قانون الإنتخابات القومية ينص على انو الإنتخابات حاليًا فيها البطاقات الآتية:

1- رئيس الجمهورية
2- والي الولاية
3- ممثل اتحادي للدائرة الجغرافية (المجلس الوطني)
4- قائمة حزبية إتحادية (المجلس الوطني)
5- قائمة نسائية إتحادية (المجلس الوطني)
6- ممثل ولائي للدائرة الجغرافية (المجلس التشريعي الولائي)
7- قائمة حزبية ولائية (المجلس التشريعي الولائي)
8- قائمة نسائية ولائية (المجلس التشريعي الولائي)

يعني تصويت مباشر على السلطة التنفيذية المركزية واللا مركزية ... وتمثيل جغرافي ونسبي وجندري للسلطة التشريعية المركزية واللامركزية ... بالإضافة لمجلس الولايات البيكمّل مع المجلس الوطني جسم "الهيئة التشريعية" ...

اللجان الشعبية والمحليات إنتخاباتها منفصلة عن الإنتخابات القومية ...

البطاقات 9 و10 و11 و12 ديل انت داير تخت فيهم شنو؟



... المهم ...

شنو محاسن الحكم اللامركزي بتاع السبعينات على الحكم اللامركزي البينص عليهو الدستور الحالي؟1-
1-الحكم الاقليمي بتاع السبعينات كان خمس اقاليم بس يعني خمس الحكم الحالي 25 ولاية يوجد ترهل ادراي وصرف مريع وتبديد للاموال في وظائف غي منتجة
2-وكان قائم على دستور 1973 المدني وده قائم على دستور 2005فيه الشريعة والشريع لا تصلح ابدا في النظم الحديثة
كان قائم على الاشتراكية وانجازتاه التنموية قاعدة لحدي هسه و قائم الان على الراسمالية الطفليلة الشمولية وتبديد موارد البلاد فقط قارن بين مؤسسة تسويق الماشية واللحوم زمان وبين شركات الكيزان الحالية التي تصدر الماشية حية وحتى الاناث...

اما مشروعي فقائم على الديموقراطية والشعب والانتخاب الحر للبطاقات التي انتخبها الجنوبيين 12 بطاقة(حكومة اقليم وحاكم اقليم) ولم ننتخبها نحن 8 بطاقات فقط(انظر الشكل )- حكومات الاقاليم باللون الاصفر لتحرير كل الاقاليم من قبضة المركز اولا....

وخليك متابع يا تبارك عشان نردخك شوية

البطاقات 9و10و11و12 يا حبيبنا تبارك
9- حاكم اقليم ونائب رائيس
10- دائرة جغرافية
11- تمثيل نسبي احزاب
12- تمثيل نسبي مراة
والدستور الذى ينظم علاقة المركز بالاقليم هو نفسه الدستورالكان منظم علاقة الجنوب بالمركز في الفترة من 2005 لحدة 2011


وبرجع بجيب ليك الدياقرام هنا
لانه في بوست انضموا لحملةاعادة الاقاليم زمان

Quote: 1-الحكم الاقليمي بتاع السبعينات كان خمس اقاليم بس يعني خمس الحكم الحالي 25 ولاية يوجد ترهل ادراي وصرف مريع وتبديد للاموال في وظائف غي منتجة

طبعًا كمية الموظفين النبحتاج ليهم لإدارة السودان ما بيزيدوا أو بيقلوا بى عدد الولايات (لأنو لسة في محافظات ومحليات ومعتمديات ولجان شعبية حا تستبلها بالنظام القديم بتاع المجالس المحلية والبلديات والعموديات وهلم جرا) ... الموظفين بيزيدوا أو بيقلوا بى قوانين الحكم المحلي والخدمة المدنية وتوزيع المسؤوليات والمهام الخدمية على موظفين الدولة بشكل عملي ومقتصد ... بعدين نحن عندنا 15 ولاية بعدما اختارت 10 ولايات الإستقلال بسيادتها كدولة منفصلة ... (ما تقول لي ما بتحترم استقلال جنوب السودان كدولة ذات سيادة؟)

Quote: 2-وكان قائم على دستور 1973 المدني وده قائم على دستور 2005فيه الشريعة والشريع لا تصلح ابدا في النظم الحديثة كان قائم على الاشتراكية وانجازتاه التنموية قاعدة لحدي هسه و قائم الان على الراسمالية الطفليلة الشمولية وتبديد موارد البلاد فقط قارن بين مؤسسة تسويق الماشية واللحوم زمان وبين شركات الكيزان الحالية التي تصدر الماشية حية وحتى الاناث...

دستور 73 المدني ... فيهو شريعة ...
ودستور 2005 الفيهو شريعة ... مدني ..

ما تتلاعب بالألفاظ ساي ...

Quote: اما مشروعي فقائم على الديموقراطية والشعب والانتخاب الحر للبطاقات التي انتخبها الجنوبيين 12 بطاقة(حكومة اقليم وحاكم اقليم) ولم ننتخبها نحن 8 بطاقات فقط(انظر الشكل )- حكومات الاقاليم باللون الاصفر لتحرير كل الاقاليم من قبضة المركز اولا....

نفهم من كدا انك داير تضم كل مجموعة من الولايات في إقليم مع الإحتفاظ بذاتية الولايات؟ يعني يكون عندنا 15 ولاية و 5 أقاليم؟

الضرورة شنو؟ والمرجعية لى ضم ولايات مع بعض في إقليم واحد شنو؟

يعني شنو البيمنع ولاية الشمالية انها تكون في اقليم واحد مع ولاية شمال درفور وولاية البحر الأحمر ... التلاتة ولايات ملتحمات حدوديًا ..

Quote: 9- حاكم اقليم ونائب رائيس

المعروف انو الرئيس ونايبو بيكونوا في بطاقة واحدة للتصويت على السلطة التنفيذية على المستوى القومي (بطاقة نمرة 1) ...

طيب بالنسبة للسلطة التنفيذية على المستوى المحلي - اللامركزي - لو في البطاقة بتاعة والي الولاية (بطاقة نمرة 2) ... فايدة وجود حاكم اقليم شنو؟ ... في الحقيقة فايدة وجود اقليم شنو أصلاً؟

Quote: 10- دائرة جغرافية

نحيلك للبطاقات نمرة 3 و 6 للمستوى المركزي والمستوى اللامركزي

Quote: 11- تمثيل نسبي احزاب

نحيلك برضو للبطاقات نمرة 4 و 7 للمستوى المركزي والمستوى اللامركزي

Quote: 12- تمثيل نسبي مراة

ونحيلك برضو للبطاقات نمرة 5 و 8 للمستوى المركزي والمستوى اللامركزي

يعني المواطن بعد يصوت لأجهزة الحكم المركزي و أجهزة الحكم اللامركزي ... تاني يعمل شنو؟


هذا ليس النظام الإداري للسودان وفقًا لإتفاقية نيفاشا ... هذا تزييف للحقائق وغير مبني على أي وثيقة من وثائق الإتفاقية ...


هذه هي صيغة الإنتخابات وفقًا لإتفاقية نيفاشا ... ببطاقة تصويت لرئيس حكومة الجنوب ... والمجلس التشريعي للجنوب ... لا أقاليم ولا يحزنون ...

السؤال: لماذا المؤسسة الإضافية البى اللون الاخدر؟

ولماذا "المشورة الشعبية"؟

هل هذا تلويح بالإنفصال؟ هل هذه اطروحة لا تعنى بإدارة السودان ومصممة فقط لابتزاز "المؤتمر الوطني" بجدلية المركز والهامش؟

لماذا لا توجد خمس مطالب بحق تقرير المصير؟




.. المهم ....

Quote: هذه هي صيغة الإنتخابات وفقًا لإتفاقية نيفاشا ... ببطاقة تصويت لرئيس حكومة الجنوب ... والمجلس التشريعي للجنوب ... لا أقاليم ولا يحزنون ...

الاخ الحبيب تبارك
قوة راسك دي تعجبني جدا
لكن نجيك من االاخر
بعد انفصل الجنوب ومرت سنة
عرفت الان مشكلة السودان وين؟؟
طلعت المشكلة في المركز وعلاقاته بالهامش...
كنا كلنا زمان قايلين الجنوب عالة على الشمال لكن الليلة 2012 عرفنا المركز ده عالة على السودان كله وزمان ناس ابيل الير بعد نجحت تجربة الحكم الاقليمي اللامركزي عبر اتفاقية اديس ابابا قالو لي ناس دارفور احسن ليكم تفاضوا معانا على الفدرالية وكان رد جعفر بخيت ذو الاصول الدارفورية"دارفور ما ذى الجنوب)-المرجع-كتاب ابيل الير -التمادي في نقض المواثيق والعهود...والليلة بعد ده كلو تقول لي نيفاشا خاصة بالجنوب بس ومش بي ازمة السودان
لا يا اخوى الامر ليس ابتزاز المؤتمر الوطني فشل بجلاجل وهم اعترفو بذلك..واحزاب السودان القديم اكثر فشلا...والاتفاقية اسمها اتفاقية السلام الشامل تعني سلام في كل السودان...وشخصت مشكلة اسودان ووضعت علاجا كمان ...
وجون قرنق راهن على وحدة السودان باسس جديدة ولكن الوعي المازوم في الشمال وقف عائق وانفصل الجنوب بعد انتخابات عبر 12 بطاقة وبقينا نحن عالقين في فشلنا القديم...لكن بي مرور الزمن بقت الناس توعى -ناس دارفور طالبو برجوع اقليم دارفور في مفاوضات الدوحة وبرضه في دعوة لاعادة الاقليم الاوسط وعن الشرق حدث ولا حرج
انا هنا بس بضع الاطار الدستوري لمطالب اهل الاقاليم والالية الانتخابية التي تحقق ذلك على ضوء تجربة الجنوب
وبعدين حق تقرير المصير سيظل قائم مالم يعاد هيكلة السودان باسس عادلة والفصل السابع على الابواب
ايهما افضل
1- تفكيك النظام المركزي المشوه الحالي باسس دستورية...وانتخابات جديدة بعد الهيكلة كما هو مشروح
2- اما اسقاطه بالفصل السابع؟؟
بعدين المشورة الشعبية جزء من اتفاقية نيفاشا الخاصة بجنوب كردفان والنيل الازرق
ما تمسك الحاجة حرفيا لينين قال our theory is not a dogma it is a guide to actionوكذلك لتفاقية نيفاشا لمن قراهءا بقلب سليم

Quote: (ما تقول لي ما بتحترم استقلال جنوب السودان كدولة ذات سيادة؟)

الاخ العزيز تبارك
سلام
1-يرجع الجنوب باسرع وقت
لان الوضع الحالي شاذ ذى المانيا الشرقية(الشيوعيين زمان) والمانيا الغربية(الديموقراطية) وليس الوضع الطبيعي ابدا
ونحن مشروع الكيزان في الشمال مفروض علينا متى ما زال وزالت اسباب النزاع رجع الجنوب ويستقر كل السودان
ونحن يا اخوى جنوبيا هوانا لي يوم الدين وغير مسؤلين من عار الانفصال بسبب شريعة الكيزان وجلدو 40000 امراة جنوبية في شهر -راجع الكيس بتاع لبني -الجنوبيين اختارو الانفصال من اجل العيش بكرامة وسلفا كير قال ليكم انزلو من راسنا عشان نتفاهم
وهسه الانقاذيين قاعدين في راس الناس كلهم...
2-بالنسبة لالغاء او ابقاء الولايات بعد انتخابات جكومات الاقليم وحاكم الاقليم...ده بتحددوا الولاية وماذا يريد الناخبين فيها وبالالغاء الولايات وما تنزل عنها سينخفض الصرف الى الخمس وكمان الشخص المنتخب شعبيا لن يكون فاسد ذى كوادر المؤتمر الوطني ودونك والماسورة كبر...
3- دستور 1973 مدني ما شفنا ناس جلودهم ولى قطعو يدهم لان القوانين الجنائية كانت مدنية والشريعة بس في المحكمة الشرعية المتعلقة بالطلاق والزواج والمواريث وما كان في بنوك اسلامية طفيلية-بنك فيصل الاسلامي
4-دي كلها ظهرت بعد المصالحة مع مشروع الاخوان المسلمين والدستور الاسلامي المزيف وامتدت لحدي االان وقوانين سبتمبر 1983 وصمة عار على القضاء السوداني
ودستور 2005 توفيقي ولم ينجح في حماية غير المسلمين في الخرطوم بل المسلمين انفسهم من اجرام الدولة في الهامش وقتل الناس دون مبرر والمستمر حتى الان وجلد المبدعين وكده...وقاد الى جرام ضد الانسانية ودخل البلد ورئيسا في جحر ضب خرب

الاخ العزيز تبارك

هذه الصورة النهائية التي يجب ان يكونها السودان حتى نتجاوز مرحلة الحكم اللامركزي الرشيد ونبدا التنمية والاعمار

طيب يا عادل امين يا اخوي ... فهمك المتأخر لى "أزمة الحكم في السودان" لا يضيف أي شئ لأي شخص ... غير انك بديت تفكر في الحلول متأخر ... وبديت بداية غلط ... نديك مثال:

Quote: اتضح من يعبر عن المركز وبأيّ رؤية ... ومن يعبّر عن الهامش وبأيّ رؤية ... واتضحت ضرورة مواجهة أزمة الحكم ولامركزية الدولة وإعادة صياغة العلاقة بين المركز والهامش وإعادة بناء جسور الثقة بينهما ... وإعادة بناء صياغة الدولة والنظام السياسي ... وإطلاق الحريات المدنية والإعتراف بحق المواطنين الجنوبيين في تقرير مصيرهم ... وكانت هنالك نقاط خلاف حول العلاقات السياسية والإقتصادية مع أمريكا والغرب ... وقد حسمت هذه الخلافات لصالح أولوية المصالح الإقتصادية والسياسية المحلية على المصالح الإقتصادية والسياسية الأمريكية والغربية ... فوُجِدت أرضيات مشتركة لنيفاشا ...

نيفاشا ... ما هي مآخذك عليها ... السؤال دا انا طرحتو وطرحت معاهو التحليل المقتبس ... قبل انفصال الجنوب وأزمة البترول الفتحت عيونك للعلاقة بين المركز والهامش ... والكلام دا بعد قرايات تاريخ وسياسة وصحافة رأي من عدة أطراف لاعبة ومؤثرة في السياسة السودانية ... كتابات غازي صلاح الدين في أزمة دارفور ... مذكرات ياسر عرمان لدكتور جون قرنق وتسلسل تطور فكرة نضال الهامش المؤدلج من الستينات ... منصور خالد ورصده لكل صغيرة وكبيرة ... المؤرخين الوثقوا للأحداث المعاصرة زي عشاري وبلدو ... المؤرخين البحبتوا القديم ناس ابوسليم ومكي شبيكة ... يعني اكتشافك دا ما جديد على زول ... ما جديد إلا عليك انت ... ما مشكلة ... هسى ... طبقة الحكم الوسطى الإنت بنيتها بين المركز والهامش دي لزومها شنو؟

زيادة تعقيد لى مشاكل أصلاً موجودة؟ أم حل؟

حل كيف؟ يعني شنو هو السحري والخاص والجديد والعملي في "الأقاليم" البيبقّيها حل لأزمة الحكم في السودان؟




... المهم ....

Quote: طيب يا عادل امين يا اخوي ... فهمك المتأخر لى "أزمة الحكم في السودان" لا يضيف أي شئ لأي شخص ... غير انك بديت تفكر في الحلول متأخر ... وبديت بداية غلط ... نديك مثال:

الاخ تبارك
تحية طيبة
لم يات احدا ابدا متاخر في السودان منذ نزول ادم الى الارض...الافكار الجيدة موجودة والناس العندها اخلاق موجودة عبر العصور ولكن في زمنا العجيب ده من 1964 ولحدي الان عمل النخبة السودانية وادمان الفشل على اجهاض كل ما يحقق للسودان الرفاهية والتقدم وعملت على تبخيس الاخرين وان كانو اكثر منهم ذكاء ودونك وما حاق بالسيد عبدالرحمن المهدي ومحمود محمد طه وجون قرنق..هؤلاء السودانيين المحترمين الجديرين بالاتباع
كل مافي الامر ازمة المنابر الحرة الحقيقية هي ازمة الابداع الفكري والسياسي والثقافي والفني والرياضي والتشكيلي عبر العصور
وحتى في عصر العلم والمعلومات وفي فضاءات النت...الشللية وثقافة القطيع هي التي زادت ازمة البورد والسودان
انا جيت البورد ده سنة 2002 ووضعت خارطة طريق حتى قبل نيفاشا سنة 2002 وهي موجودة حتى الان في منبر 2012 رفعتها مخصوص للعبرة والاعتبار..وبعد داك لاحياء لمن تنادي
فقط ضع سوداني ذكي في فضائية ويغير ليك العالم مش السودان

ويوم من الايام حتما ستصل المنابر الحرة للسودانيين الجد
والسؤال
هل الابداع السوداني غائب ام مغيب؟

وهسه انا طارح التحدي ده في البورد-لممثلين الاحزاب الهنا..وبعد داك ممكن يصل الشعب الذكي ويمكن يصل مراكز القرار في السودان او في الخارج ونشوف

ماذا قال بكرى شيخ قبيلة سودانيز اون لاين

Quote: اتضح من يعبر عن المركز وبأيّ رؤية ... ومن يعبّر عن الهامش وبأيّ رؤية ... واتضحت ضرورة مواجهة أزمة الحكم ولامركزية الدولة وإعادة صياغة العلاقة بين المركز والهامش وإعادة بناء جسور الثقة بينهما ... وإعادة بناء صياغة الدولة والنظام السياسي ... وإطلاق الحريات المدنية والإعتراف بحق المواطنين الجنوبيين في تقرير مصيرهم ... وكانت هنالك نقاط خلاف حول العلاقات السياسية والإقتصادية مع أمريكا والغرب ... وقد حسمت هذه الخلافات لصالح أولوية المصالح الإقتصادية والسياسية المحلية على المصالح الإقتصادية والسياسية الأمريكية والغربية ... فوُجِدت أرضيات مشتركة لنيفاشا ...

مشكلة السودان يا تبارك اقتصادية فقط واتشخصت واتحلت من زمان...
بلد غنية الموارد
عجزت نخبها عن ادارة هذه الموارد عبر دولة مركزية فاسدة وفاشلة وفاشية
جدلية الهوية دي بتتحل عبر القراة الواعية للتاريخ الحقيقي واحضرنا بوستات هنا بالطن في هذالامر،
.....
كلامك الفوق ده جيد ولكنه طوباوي ولا يتركز على ارضية ديناميكة محددة تعالج هذه الامور..وما تفتقر له انت في طرحك المعلق في الهواء ان عملت ليه كرعين وخليتو ماشي في الارض
كل زول يطور اقليموا ويحافظ على موارده وتراثة بمعزل من تاثير الدولة المركزية
ورجعت ايضا مع روح العصر وخليت الخيار شعبي للمواطينين المسجلين(الانتخابات)
يعاني انا برجع الحق لشعب والانتخابات- بعيدا عن الرؤى الصفويةالتي قدمها الحزب الحاكم ومن يناؤنه من احزاب السودان القديم-والتكتلات الاسفيرية هنا وهناك..
والناس الذين تجاوزتهم الحركة الجماهيرية عايزين يمسكو البلد بوضع اليدعبر المظاهرات فقط وترجع اعادة التدوير مرة اخرى
وامريكا واللاعبين الدوليين والاقليميين ما قادرين يطلعو بي حاجة من (ورجغة المعارضة وتشرزمها) لذلك ركزو على اسلوب الجذرة التي خلفها عصا مع الحزب الحاكم،الذى اضحى يناور في الزمن الضائع
سواء انهارت الدولة المركزية اوتفككت ...لابد من عودة الاقاليم وهي الشكل الطبيعي للسودان وكانت اكثر فترة مستقرة ومشرقة نسبيا من قبلها وبعدها عبرااتفاقية اديس ابابا
واليوم ان عندي نيفاشا وعايز اوظفا ايضا لاستقرار السودان وحل كل القضايا العالقة وما محتاج تاني لمعجزات المركز ديل او دولة مدنية بمرجعية اسلامية والجدل البيزنطي ده..

هسه ناس المؤتمر الوطني ديا حقو يحترموا عقول الناس ويكونو قدر المسؤلية
ما يضيعو لينا الزمن في الدستور الدائم وما ادراك ما الدستور الدائم
لا يمكن ان يكون هناك دستور دائم في السودان الا بعد تجي الديموقراطية الحقيقية بتاعة التمثل النسبي في المركز والاقاليم وياتي من يعبرون عن الشعب بكافة مكوناته الحقيقية الفكرية واالثقافية والدينية وتنبثق عنهم جمعية تاسيسية حقيقية..وبعدها دعونانتحدث عن دستور قائم فقط على الاعلان العالمي لحقوق الانسان وخالي من اي مؤشرات دينية او عرقية يصلح لكل اهل السودان الفضل......

الدستور الحالي كافي لاعادة هيكلة السودان وباسس جديدة وعبر اتفاقية نيفاشا نفسها وانتخاباتتها ايضا
فما جدوى النقة عن الدستور وتجميع الكومبارس اذا كان رئيس الجمهورية نفسه لا يلتزم بالمواد الدستورية التي تخص منصبه..والناس عاملة كلها (اجماع سكوتي)... ما عارفين الشيء ده خوف ام طمع وتاتينيك الانقاذ تتجه نجو جبل الجليد العائم

ولا زلت اخشى ان يموت المركز بالسكتة الدماغية اذا فشلت محادثات اديس ابابا ورد الامر لمجلس الامن وواجهنا الفصل السابع

يا ريت يا تبارك تجي نواصل في البوست ده لانه فيه فكرة الاقاليم نفسها

انضم الى جماعة (رجعوا لينا الاقاليم الزمان)

Quote: مشكلة السودان يا تبارك اقتصادية فقط واتشخصت واتحلت من زمان... بلد غنية الموارد عجزت نخبها عن ادارة هذه الموارد عبر دولة مركزية فاسدة وفاشلة وفاشية جدلية الهوية دي بتتحل عبر القراة الواعية للتاريخ الحقيقي واحضرنا بوستات هنا بالطن في هذالامر،

دا الراي القامت عليهو الدولة المركزية عبر تاريخ السودان ... وهو الرأي الذي كتبه تاجر الرقيق "الزبير باشا" في مذكراته ...

وهو أن "السودان بلد غني بالموارد عجزت نخبته عن إدارة تلك الموارد" .. (انتقد الزبير باشا عجز اسماعيل باشا عن إدارة موارد مديرية دارفور تحديدًا)

السؤال: كيف سيسهم إقحام نظام الأقاليم والبطاقات 9-10-11-12 في تغيير هذا الخطاب المركزي؟

إذا كنت انت تعبّر عن رأي ورؤية الدولة المركزية فعلى أيّ رأي وأيّ رؤية تقوم الدولة اللامركزية؟




... المهم ....

Quote: لسؤال: كيف سيسهم إقحام نظام الأقاليم والبطاقات 9-10-11-12 في تغيير هذا الخطاب المركزي؟ إذا كنت انت تعبّر عن رأي ورؤية الدولة المركزية فعلى أيّ رأي وأيّ رؤية تقوم الدولة اللامركزية؟

الحبيب تبارك
سلام
الدولة المدنية الفدرالية الديمقراطية اضحى نموذج في اكثر من 50 دولة في العالم على راسها الولايات المتحدة- الهند- البرازيل
والشرط الاساسي فيها
1- دستور قائم على الاعلان العالمي لحقوق الانسان
2- الانتخابات الحرة والنزيهة
3- الاحزاب(السودانية) الحقيقية وليس التنظيمات- اخوان مسلمين وشيوعيين وبعثيين وكده
تعود الدولة اللامركزية على اسس ...اعادة الاقاليم الخمسة واجراء انتخابات حرة نزيهة فيها..والشعب حر في من يختار
وفي لاعب جديد اسمو الحركة الشعبية (ش) والحزب الجمهوري الجديد والحزب الليبرالي و حزب الخضر..قادر تماما على احداث التغيير وتوظيف الموارد عبر التخطيط العلمي الاستراتيجي
نحن في حاجة الى رئيس اشتراكي ذى لولا دسالفا وليس رئيس خليفة ذى هارون الرشيد...يبيع الوهم للناس وقد فطن الشعب السوداني الذكي لكذبة الاخوان المسلمين(دخلونا المسجد ودخلو السوق)

ويتبع....

عادل امين ...
بالنسبة لنا في حزب الخضر ... فكل من يفكر في استثمار موارد السودان لتجميع العملة الصعبة ويعتبر مشكلة السودان مشكلة "إدارة موارد" فهو يفكّر بطريقة تكرّس لمركزية الدولة ... ويغذّي وقود "حرب الموارد" التي طحنت الشعب السوداني ... بينما أنت تقول:

Quote: الحبيب تبارك سلام الدولة المدنية الفدرالية الديمقراطية اضحى نموذج في اكثر من 50 دولة في العالم على راسها الولايات المتحدة- الهند- البرازيل والشرط الاساسي فيها 1- دستور قائم على الاعلان العالمي لحقوق الانسان 2- الانتخابات الحرة والنزيهة

دا كلو عندنا اصلاً وبشهادة العالم ... (وإنكار تنظيمات المركز!)

Quote: 3- الاحزاب(السودانية) الحقيقية وليس التنظيمات- اخوان مسلمين وشيوعيين وبعثيين وكده

المعيار شنو البيحدد انو التنظيم دا "حقيقي" والتنظيم دا "ما حقيقي"؟

Quote: تعود الدولة اللامركزية على اسس ...اعادة الاقاليم الخمسة واجراء انتخابات حرة نزيهة فيها..والشعب حر في من يختار وفي لاعب جديد اسمو الحركة الشعبية (ش) والحزب الجمهوري الجديد والحزب الليبرالي و حزب الخضر..قادر تماما على احداث التغيير وتوظيف الموارد عبر التخطيط العلمي الاستراتيجي نحن في حاجة الى رئيس اشتراكي ذى لولا دسالفا وليس رئيس خليفة ذى هارون الرشيد...يبيع الوهم للناس وقد فطن الشعب السوداني الذكي لكذبة الاخوان المسلمين(دخلونا المسجد ودخلو السوق)

طبعًا "البشير" ما انتزع الإنتخابات من "عرمان" بالصدفة ... رغم أن النسبة التي حققها "عرمان" بعد الإنسحاب تؤكد فوزه الساحق لو لم ينسحب ... فإنت حا تعمل نظام اشتراكي شمولي يفرض علينا امثال ديسيلفا؟ ولاّ ياهو النتخابات الفاز فيها دي؟

بعدين سؤال طرأ على ذهني بخصوص الكلام البى الأحمر:

ما هي الحكمة من "إعادة الأقاليم الخمسة"؟





... المهم .....

Quote: دا كلو عندنا اصلاً وبشهادة العالم ... (وإنكار تنظيمات المركز!)

الاخ تبارك
اصلو من الاستقلال ولحدت الان مافي دولة مدنية فدرالية ديموقراطية اتحققت في السودان
ونظام الانقاذ نظام شمولي ومركزي والديموقراطية ما انتخابات بس فيها حريات اعلام ومحاسبة وفيها قضاء مستقل ومحكمة دستورية عليا...يبقى كان بتين عندك دولة بالمواصفات الرفيعة دي؟؟

Quote: المعيار شنو البيحدد انو التنظيم دا "حقيقي" والتنظيم دا "ما حقيقي"؟

اولا الفرق بين التنظيم او الحزب
التنظيم مؤسسة اجرامية ودولة بوليسية قائمةعلى الامن والصرف المهول عليه لانه ضد ارادة البشر والبلد قائم على الولاء والبراء وقليل من الدين مع الاجرام المنظم لانعدام الشفافية فيه وموروث من الانظمة الشمولية العربية في الجوار مصر والعراق وغيرها من الدول الشرقية وليس الانظمة الليبرالية الغربية او الافريقية حتى...
الحزب كيان سياسي طبيعي مفتوح ينشا من تراب البلد ويتغلل في كل انحاءها وليس هناك حد فوق وحد تحت..كما هو الحال في الاحزاب الغربية ونحن في السودان لحدت هسه لم يات الحزب ا البكون مرايا مستوية يرى كل السودانيين نفسهم فيه ولكنه حتما سياتي بعد ان يذهب الزبد جفاء
لذلك الاحزاب السودانية معروفة تماما...من سلوكا حتى ...

Quote: فإنت حا تعمل نظام اشتراكي شمولي يفرض علينا امثال ديسيلفا؟ ولاّ ياهو النتخابات الفاز فيها دي؟

شنو يا تبارك انا بناقش لى زول قاعد في سنة 1964 ولى شنو...اصحى شوية
البرازيل ديموقراطية وتعددية ليها عشرين سنة...يفرض شنو....البرنامج الان تعرض ولا تفرض
والحزب الاشتراكي البرازيلي فاز بالانتخابات..يعني الوعي الجماهيري هناك هو الجاب لولا داسلفا وهسه هو ذاتو مشى وجات مراة تحكم البرازيل...ونحن في السودان فعلا فازت الحركة الشعبية رغم انسحاب ياسر عرمان وتشرزم احزاب السودان القديم الفاشلة ورداءة الحزب الحاكم القاعد في راس الناس لحدي هسه بشرعية زائفة ويرفس يمين وشمال
معناها الشعب السوداني ما اقل من شعب البرازيل...ولكن نخب السودان هي الاسوا في العالم وليس هناك فرق بين المؤتمر الوطني الحاكم واحزاب السودان القديم المعارضة...وهم مسؤلين امام التاريخ على كل ما حاق بالسودان بعد انتخابات 2010

Quote: ما هي الحكمة من "إعادة الأقاليم الخمسة"؟

هي اعادة السودان الى انجح مستوى تنموي وصلو بعد الاستقلال وباسس جديدة وخاصة انت نفسك اقريت بفوز الحركة الشعبية في السودان.. والتحرر من المركز واحزابه باقل اضرار وعبر صناديق الاقتراع
والخروج عبر طريق ثالث/الانتخابات من المازق الراهن ولى انت شايف البلد الان الغزالة الفوق في السلم
ونواصل

نحن في مرحلة محتاجين لبرنامج اشتراكي ورئيس اشتراكي
يعني احزاب المركز دي لا جدوى منها

عشان يما يضقل المؤتمر الوطني بالحركة الشعبية شمال ذى حركات دارفور ويلف بينا صينية الى الابد من الاجدى لهم استثمار الدعم الدولي في الاتي
1- الاصرار على مبادرة نافع علي نافع كارضية للحوار وهذا الامر حتما سيرد الصاع للمؤتمر الوطني نفسه ويفضح انعدام المؤسسية فيه ويخلق لبس بين كمال عبيد والمبادرة..
2- تسليم المجتمع الدولي خارطة طريق واضحة لتفكيك النظام بواسطة الانتخابات الحرة المحمية دوليا-حتى لايراهن النظام على انعدام البديل
3- الحصول على برنامج ثابتة سياسية للسودان في فضائية الحرة والبي بي سي وفرانس 24
4- اما فك الارتباط ايضا يطالبو المؤتمر الوطني بفط الارتباط عن الاخوان المسلمين في مصر ويرجعو لينا ثمن 5000 بقرة بتاعة الانتخابات..

Quote: اخشى ان يموت المركز(بالسكتة الدماغية)!!

الكان جابركم شنو تستوردو مشاريع صنعت خصيصا للتدمير وتفكيك الدول العربية(الاخوان المسلمين)
وتخلو هويتكم السودانية وتكونو ذى تنزانيا وغانا والسنغال..تصنعو مشروعكم الديموقراطي الخاص الذى يحافظ على وحدة وااستقرار السودان

من قل الفكر في السودان
ام
على القلوب اقفالها...

Quote: نحن في مرحلة محتاجين لبرنامج اشتراكي ورئيس اشتراكي يعني احزاب المركز دي لا جدوى منها

دعونا نخبركم عن الاشتراكية السودانية والتي جسدتها الفكرة الجمهورية والحركة الشعبية فقط
وغابت عن الكثيرين
فقط عبر قصتين لنساء عظيمات من عامة الناس..قبل ان يعرف الناس مؤسسات الجتمع المدني
الحالة الاولى

Quote: دوحة وارفة الظلال في الحي الداخلة حيث يقطن جل عمال المرحومة السكة الحديد في ذلك الزمن الجميل كانت تجود بظلها الظليل لنا نحن الصغار لنتفيا منها الظلال..ونمارس هواية الخلق والابداع(اعمال الطين)...كنا نجمع التراب اولا في كومة معتبرة وعلى احدنا ان يجلب الماء من بيت ناس مك الدار بالتناوب...وكان ابناء مك الدار التيمان خضر والياس من اعز اصدقائي ان ذاك ..... عندما اذهب لاحضار الماء من الدار...كنت اجد امراة مسنة...ذات شعر ابيض جليل...تجلس في استغراق عميق في البرندة...حيث عن كتب جرة ماْء على الارض...تحط حولها العصافير...وتلقي لهم المراة كسر الخبز وفي فمها ابتسامة غامضة...وملابسها النظيفة الناصعة البياض تسبغ عليها سحن بهية ملائكية..والعطر النفاذ والبخور الذى يعبق في الجو...كل هذه السحر والغموض الذى يشع من هذه المراة كانت تنغصه سلسلة طويلة تقييد كاحلها...مربوطة على رجل العنقريب...حتى لا تخرج وتتوه... ....... كنت في صغري ارى الوالدة مك الدار وبناتها يولين عناية فائقة المستوى بهذه المراة ويحرصن على نظافتها والعناية بها وجعلها في ابهى صورة...هذه الطقوس اليومية كانت تسعدني وتثير فضولي... ..... اليوم وبعد كل هذه السنين...سمعت في الاذاعة ان هناك شيء يسمى ماؤى العجزة اطل بوجهه القبيح في غابة الاسمنت التي تسمى الخرطوم ...وتداعي بي الخبر لتلك الايام الخوالي...عندما كان الناس يعتنون بكبارهم في البيوت ولا يقولون لهم اف ويقولون لهم قولا جميلا...وعليكم فقط ان تقدرو ان هذه المراة المسنة الرائعة الجمال التي تعتني بها مك الدار...كانت ام زوجها...عم حسن هل توجد امراة اليوم ذى مك الدار؟؟!!

ام ماوى العجزة ينتظر المسنين في زمن التوجع الحضاري

القصة الثانية:

Quote: كل ما استيقظ صباحا على صوت ثلاث عصافير تغرد فى نافذة الفصل الذي اتخذه مسكننا فى مدرسة على تخوم قرية فى سهول تهامة فى اليمن ، قرية مظلمةحسبها من الحضارة ان تظهر على الخارطة ولكنها تضى ء بقلوب اهلها الطيبين ..اسال نفسى :لماذا انا هنا؟؟ واتداعى ويطوف بى الخيال واحات في اروقة الذاكرة.. ***** في يوم صرف المرتبات عصرا وأيام الجمعة ينتعش سوق الزيارة ،هذا سوق سمى كذلك لان من العادات الخاصة جدا بمدينتنا وبعض المدن السودانية الأخرى زيارة المرضى بصورة منتظمة في المستشفى الحكومي الكبير المشيد منذ أيام الإنجليز نجم عن ذلك سوق مؤقت يفرش فيه البائعين كل ما يخطر في بال من أشياء تلزم الأطفال والنساء والرجال..ملابس وعطور أواني منزلية،لعب وحلويات..هذا السوق الذي يمتد أمام المستشفى يعتبر ظاهرة فريدة في المدينة ،تجد فيه كل الناس وكل الأخبار..الناس في أبهى حلة وهم يعودون مرضاهم،الشيء الذي يجعل المريض يحس في تلك اللحظة الحرجة للانتقال إلى جوار ربه انه محبوب وانه عزيز على كل الناس ولا زال هناك فسحة من الوقت للتسامح ..يجد كل العزاء في الوجوه الطيبة التي تحيط به من كل جانب،نحن السودانيين في الحقيقة اناس وجدا نيون نعيش في عالم المعاني.زكما نه عند زيارة المرضى تنتهي الخصومات وتعقد الصفقات التجارية وتتولد قصص الحب العابر بشقيه العذري والحسي لا فرق،انه طبيعة إنسانية كما يقول ما يكل جاكسون في أغنيته الشهيرة human nature نحن في مدينتنا لا نهين النساء ولا نستهجن الحب ولا نحاصر الناس بسلوكياتهم الخاصة كل إنسان شريف ما لم تصل قضيته دوائر الشرطة والمحاكم اذا كنا نبحث عن التميز،مدينتنا تحيا بالديموقراطية وتموت بموتها ،نحن لا نتبع الظن أو نجرم الآخرين.. لا ازدراء لا تحقير هذه الحرية تعطى كل إنسان في المدينة طابع مميز ******** العمة نورا عبدالله الحسن طيب الله ثراها..كانت من كائنات الشوق الاخر في المدينة...ظلت تقوم بالواجب لكل مرضي المدنية الاقرباء والغرباء..تحمل عمودها وترمسة الشاي وفرشة بسيطة وتلازم المرضي من الرجال والنساء كافضل مؤسسة مجتمع مدني يتشدق بها الشيوعيين في زمننا لتعس هذا ...زمن الكوليرا..في زيارتي الاخيرة للسودان ذهبت عطبره واخبروني بموتها الفاجع ..وحيدة في بيتها العامر الذى يضج بالذكريات بعد تزوج الابناء والاخوات ورحلو الي الخرطوم..قيل لي انها جهزت الواجب لزيارة المستشفي ، ترمسة الشاي وعمود الفطور..وشعرت بتعب مفاجيء ... استلقت ونامت ..ولم تستيقظ ابدا...نعم هكذا كانت خاتمتها...ماتت وحيدة وهي تتقي النار ولو بشق تمرة،ليس كما يردد واعظ المدينة عريض القفا ذو اللحية الصفراء ، الذى يقول ما لا يفعل ...بل بمكتسب سرى في دمهامنذ نعومة اظافرها وارث اخلاقي قديم يشكل جزء هام من طقوس المدينة ...ولكن شيع جثمانها كل سكان المدينة والقري المجاورة والملائكة المردفين الذين لا نراهم وا ولياء الله الصالحين ،اوتاد الارض في القبل الاربعة والطيور ايضا ،هطلت امظار غزيرة وبكتها السماء ...وانطوى بموتها عصر ذهبي لمدنية شبعت مواتا وصمتت فيها حتى القاطرات.. وانطوى زمن كان فيه النساء نساء والرجال رجال... **** كل ما استيقظ صباحا على صوت ثلاث عصافير تغرد فى نافذة الفصل الذي اتخذه مسكننا فى مدرسة على تخوم قرية فى سهول تهامة فى اليمن ، قرية مظلمةحسبها من الحضارة ان تظهر على الخارطة ولكنها تضى ء بقلوب اهلها الطيبين ..اسال نفسى:لماذا انا هنا؟؟ واتداعى ويطوف بى الخيال واحات في اروقة الذاكرة

هل توجد اليوم مؤسسة مجتمع مدني بقوة العمة نورا الله يرحما
هذه هي الاشتراكية السودانية في مستوى البسطاء وايضا الله يرحم ناس الراسمالية الوطنية ودورهم في بناء المستشفيات والمدارس وقائمة الشرف طويلة

لو ما بضاعتك في مستوى الناس ديل جايي فارضا علينا 23 سنة مالك؟؟!!

Quote: لو ما بضاعتك في مستوى الناس ديل جايي فارضا علينا 23 سنة مالك؟؟!!

الناس تاني دجل باسم الدين لن يجدي معهم
ازمة السودان الحالية تحتاج لرئيس اشتراكي وعيا وسلوكا وبرنامج اشتراكي ايضا
وهدفنا ابعد من تركيا ودجل الخلافة وشريعة (((قعر الحلة)) المصرية

ننظر ابعد من البرازيل والهند ولي فوووق