بعد أربعون دقيقة فقط من الآن في أُمدرمان ستدور أحداث لعبة الموت

أم درمان تغلي
و الحاضِر يكلِّم الغائب

الثُوّار لا يُرون بالعين المُجرّدة من صينيّة الدّومة
يبدو أنّهم في أحد مساجد الأنصار

أمّا الشّوارع فخاوية تماماً

دة تهديد يعنى ولة نفهم شنو ؟؟؟
الموت اشرف للشعب من حكمكم وجرائمكم وفسادكم

قبل قليل اتصلت الثائرة هادية حسب الله بقناة اسكاى نيوز عربية
واكدت ان الشرطة وكلاب الامن هددوهم بصريحة العبارة
انهم لن يخرجوا احياء اليوم
يبدو ان النظام بعد تعب من اطلاق اكاذيب ان الخرطوم هادئة
ويجهز لمجزرة وجريمة جديدة مثل جرائمها فى كجبار وامرى وبورتسودان
ودرافور وجبال النوبة

عامل حسابك يا حبيب انت تمشي فوق همم بركانية ممكن تنفجر في اي لحظة

كلامي ده حفاظاً على سلامتك لانه الشعوب لا تقهر و ان قهرت , بأسها شديد

وصلت الشُّهداء الآن
الحركة عاديّة طبيعيّة
معرض لبيع مُستلزمات المدارس يكتظّ بالزّبائن
المُواصلات حركتها أكثر من طبيعيّة

وصلت صينيّة المُستشفى
واتّجهت نحو شارع النّيل

الرّفيرا به حركة كثيفة يبدو أنّهم ثُوّار حفلات ساي

ومُقابلهم بعض النّسوة يبعِن "أُم جِنْقِر" يتحلّق حولهن عدد كبير من عُشّاق هذه المادّة الغذائيّة الباعثة للطّاقة

الشّارع ينتشر به صبية يقومون بغسيل السيّارات و الرّكشات

وصت إلى ستوب سمك الموردة

ناس ترنتي وعوضيّة سمك و غيرهم

وما أجمل سمك عوضيّة
إلا أن محلّها مُكتظ للغاية بالزّبائن لدرجة الصّفوف
ومن ظفر بوجبته الدّسِمة خرج وهو مُبتسِمٌ يحمل كيس السّمك الما خمج

تصادف مروري أمام مسجد النّيلين ساعة رفع النّداء لصلاة العَصر

وأمام قصر الشّباب و الأطفال
أعداد كبيرة لشباب يتجمّعون أمامه قُبالة مباني البرلمان
قُلتا خلاص سقطت سقطت
ديل الثُوّار ودي نُقطة التجممُّع

لكن أثار فُضولي جلوسهم جميعاً القُرفصاء
فقُلت في قراراة نفسي
يا ربِّي دي ثورة هِنديّة زي حقّت ناس غاندي ولّ إيه؟

فتوقّفت قُبالتهم اتّجهت ناحيتهم وألقيت على بعضهم السّلام
فردُّو التّحية بأحسن مِنها !!!

يا ربِّي ديل ثُوّار وين؟

فسألتهم بعد السّلام
ماذا هثنالِك يا شباب؟

فقال لي أقربهم:
مُنتظرين البِق بروزر ينتهي Big Brother

فقُلت لنفسي يا ربِّي البِق بروزر حقّهم دي هو الحجيجي يودّيهم ميدان الثُوّار؟

فتساءلت جهراً وأنا أقِف بينم
يا شباب بِق بروزر دة شِنو؟
فقال لي منردّ علي أوّلاً:
دة الفيلم الشّغال هسّة يا عمّك بينتهي بعد أربعين دقيقة و البعدو "لعبة المُوت" نِحنا راجِنُّو.

فتمنّيت لهم مُشاهدة سعيدة للُعبة الموت التي ستدور أحداثها في سينما قصر الشّباب و الأطفال
ولم أنسى أن ألتقط صُورة تذكاريّ’ سأرفعها بعد قليل

وبالمُناسبة دي إنتو كُلكم معزومين "لُعبة الموت" فيلم هندي بسينما قصر الشّباب و الأطفال

هسِّي بيكون فاضِل ليهو حوالي تِلت ساعة أو رُبع ما عارِف

مُشاهدة طيِّبة للجّميع

الان مظاهرات هادرة في شارع الدومة تشتبك مع قوات الامن ..وبدأ الصدام ..

من داخل مسجد السيد علي : اصابة خضر عثمان برصاصة مطاطية

نداء عاجل من داخل مسجد ودنوباوي..الرجاء أنشر هذا الخبر ..

مسجد الحضراب بشمبات تحت الحصار

حرق المؤتمر الوطني امدرمان والمظاهرات تتمدد في ارجاء البلد

المظاهرات الهادرة تخرج في الابيض ودنقلا وسنار وحلفا الجديدة .. والبقية]

جوعت الناس يا رقاص تنطلق بالكلاكلة - الخرطوم ،،،،

اعتقال عضو المنبر احمد عبدالله من داخل مسجد السيد علي

فيديو مظاهرات ود نوباوي ولعلعة صوت الرصاص الحي .. ( فيديو )

السوق الشعبي ينتفض في وجه تجار الدين رغم الحصار الأمني الكثيف ،،،

قوات الامن تطلق الرصاص الحي علي المتظاهرين في ود نوباوي وصدام عنيف

مظاهرة كبيرة الان فى دنقـــــلا تهتف باسقاط النظام]

جهاز امن الرباطة يحاصر ودنوباوي ويمنع خروج المصابين من المسجد

صور مظاهرات مسجد ود نوباوي الهادرة .... ( صور )

عاجل, حشود ضخمة من مليشيات السلطة تحاصر منطقة ودنوباوي و ومسجد الانصار]

حتّى العربيّة وعويسها لم يثوروا اليوم
فتأمّل يا حُسين ملاسي

ديل في حلايب و لا الفشقه؟

بالتّأكيد ليست الفشقة ولا حلايب
لكِنّها قطعاً ليست الخُرطوم بشوارعها و أحياءحا و مُدنها أو كما تتوهّمون

حدِّد الموقِع و المكان يا جبر الله
وإذا عُرِف السّبب بًطل العجب

وكان راجين ثورة مسجد فئة بعينها لأغراض بعينها تسقِط ليكم نِظام
واطاتكم أصبحت

ما مشيت ودنوباوي مالك؟
حاول انت والمرة دي سوق معاك ملاسي

Quote: ما مشيت ودنوباوي مالك؟ حاول انت والمرة دي سوق معاك ملاسي

والله ما فضّل غير تقول لي وفي ود نوباوي في الشّارِع الفِلاني

فهل هذه هي ثورتكم يا مسكين؟

لو كانت المُناسبة التي شاركت فيها في ود نوباوي لذهبت

وأعصابك ياخ
الثّورة ما بجيبوها كِدا يا ثائر أفندي

الصّورة دي هديّة ليك يا جبر الله
إقرأ ما كُتِب بالأحمر

كبِّر الصّورة لو ما نزلت بحجمها الطّبيعي

الصُّور في الطّريق ..

هناك مظاهرات ومواجهات مع أجهزة الأمن والشرطة

في أم درمان وبحري وأنحاء متفرقة من البلاد

نقلتها وكالات الأنباء بما في ذلك قناة الجزيرة التي ذكرت

مواجهة السلطات لمراسلي الفضائيات و1كروا إعتقالات طالت

عدد من كادر قناة الجزيرة وأقتيادهم إلى أماكن غير معلومة ومصادرة معداتهم

ونقلوا صور عن مواجهات ومظاهرات في أم درمان التي تحدثت عنها في منظقة ود نوباوي

كما تحدثوا عن تظاهرات في مسجد السيد علي وفي دنقلا والأبيض.

ليس كُل ما يُقال يُصدّق يا أُسامة

نحنا ما قاعدين في ملّيط

Quote: "أُم جِنْقِر

ســلام يا عــلاءالدين ..والله ما حنكشه لكن ده ما عرفتهــا

Quote: ســلام يا عــلاءالدين ..والله ما حنكشه لكن ده ما عرفتهــا

هلا يا دكتور
واللهِ يا دكتور دي الحنكشة ذاااااااااااتا
كيف يعني ما بتعرِف أُم جِنْقِر؟
ياخي دة مشروب طاقة بلدي تشربوا ما تدِّي الجّمبك
ومعاهو واحِد تاني إسمو "باكُمبا"

دي خلطات بتتعمل على ما أعتقد بالدُّخُن و الطّحنيّة و السُّكّر وعسل وكميّة لغاويس كِدا

Quote: وبحسب قووقل ام جنقر هى طبق شعبى سودانى يصنع اساسا من عيش الدخن ( المفندك) وتشرب شرابا او تؤكل بالملاعق. الملاحظ اخيرا فى (الحباك) انتشار بائعات ام جنقر فى السوق بعدد كبير وصرن يضفن البلح الى الدخن والكاستر ويعملن خلطة ذات مذاق حلو.اغلب مرتادى محلات ام جنقر هم من الشباب وخاصة الرياضيين.اثناء سير الدورى صار منظرا عاديا ان ترى اغلب لاعبى التيمين متحلقين حول بائعات ام جنقر فى الظهر لكسب اللياقه وتشوف البنات لافات (بالكوار-جمع كورة)على اصحاب الدكاكين والجميل انك بتأكل بأى مبلغ: من خمسين قرش وفوق...

أمّا باكُمبا فلونها أصفر لأنُّو بيعملوا ليها كستر

Quote: وتشرب شرابا او تؤكل بالملاعق.

دي كائن برمائي ولا شنو
تحياتنا لك يا علاء

بركات يا شريف
سلامات يا حبيب
ياخي دي أحلى كائن برمائي

خبر مفبرك من الجزيرة يا علاء

نفس الشبه و الملامح ..
ده معاكم في نفس الشارع !!!!

ودنوباوي .. تلفزيون الفرنسية :


An image grab taken from AFP TV shows Sudanese riot policemen taking position outside the Wad Nabawi mosque in Khartoum's twin city of Omdurman on July 6, 2012. Sudanese police "attacked" with tear gas and rubber bullets as demonstrators gathered at mosques for weekly anti-regime protests sparked by inflation, a rights group said. AFP PHOTO/STR











An image grab taken from AFP TV shows Sudanese demonstrators running for cover from tear gas fired by police during a protest outside the Wad Nabawi mosque in Khartoum's twin city of Omdurman on July 6, 2012. Sudanese police "attacked" with tear gas and rubber bullets as demonstrators gathered at mosques for weekly anti-regime protests sparked by inflation, a rights group said. AFP PHOTO/STR





An image grab taken from AFP TV shows Sudanese demonstrators shouting anti-regime slogans during a protest outside the Wad Nabawi mosque in Khartoum's twin city of Omdurman on July 6, 2012. Sudanese police "attacked" with tear gas and rubber bullets as demonstrators gathered at mosques for weekly anti-regime protests sparked by inflation, a rights group said. AFP PHOTO/STR

http://www.aljazeera.net/news/pages/649caa43-...T_cBrgG6W9E.facebook

كم هو قصير حبل الكذب
هذه قناة الجزيرة تؤكد كل ما قيل وتؤكد اعتقال مراسليها ومصادرة معداتهم
ولقاء مع ممثل شباب المؤتمر الوطنى الذى تحدث عن عمليات تخريب كبيرة (يقصد مظاهرات)
ويدعو الحكومة لمواجهتهم بالقوة والعنف ...
انت بالضبط لافى وين ؟؟؟

بالنِّسبة لي شباب القنوات الفضائيّة ديل

أها خلُّو قنواتكم دي تمرُق ليكم الشّارِع
إنتو شكلكم قاعدين على الهبشة و الواحد فيكم أظِنُّو قايل الشّعب دة مركِّب ليهو قنابير
شان صورة في فسحة لي مُصلِّين طالعين من مسجِد مُحدّد في مكان مُحدّد مُمكن تكون في نظركم ثورة شعب

يا لكم من مساكين ومخمومين

موعدنا معكم في الجُّمْعة القادِمة
جُمعة "خمْ الرّماد"
أو كما قال ناذِر الخليفة


إلى ذلكم الحين لا أتمنّى لكم إلا كوابيس ثوريّة حزينة

طيب صدقناك انت
كل المنبر دة كذابين مافى ولا واحد صادق
واصلا مافى مظاهرات ولا اى شئ والخرطوم هادئة
والناس بتحضر افلام هندية فى قصر الشباب زى ما
الاسبوع الفات كانت مجكسة على شارع النيل ..
انت صح
بس ممكن تفسير بسيط لو سمحت :
لماذا اعتقال مراسلى القنوات ومصادرة معداتهم واشرطتهم ؟؟؟
لماذا مطاردة الصحفيين الاجانب وطردهم من السودان ؟؟؟
ماذا تريدون ان تخفوا ؟؟
لماذا لا تتركوا لهم معداتهم لكى ينقلوا الحقيقة وياكدوا للعالم اجمع اننا كاذبون وانكم على حق ؟؟؟

UP

http://www.youtube.com/watch?v=wgmj2M5y0M4

up

UP

هشام مسكاقمىى السكوت والمحس
ولعت
أنا هسع كنت هناك

ولم يتم أعتقال
مراسلى العربيه والجزيره
لانى أنا هسع كنت هناك

فى بوست مجاور صلاح غريبه
يمارس الكذب والخداع والله الراجل دا يحنن

ماذا لواعترفنا بأن هناك أحتجاجات نقلتها كل وسائل الاعلام
العربيه
الجزيره
الحره
سكاى نيوز
بى بى سى

ما قُلنا مافي يا كُنّة لكن قُلنا محدوووووووووووووووووووودة ومن بيوتات معروفة بإحن ماضٍ تسكُن قلوبها
وليست وليدة لحظة أو بسبب إصلاح إقتصادي وقرارات وغيرو

علاء الدين

لك التحية

ما تنقله الجزيرة أعلاه الظاهر فيلم عن الإنتفاضة ضد نميرى 85

فلجأت الجزيرة الى فبركته ونسبته الى مظاهرات اليوم الجمعة.

هلا يا جمال خضر
السُّودان ليس ود نوباوي وجنينة الميرغني
والشّعب ليس أنصار المهدي و حيران الميرغني
و مريم الصّادِق لا تُمثِّل إلا بيتها الذي خرجت منه وله
ومجدٌ ضائع تبتغيه على رؤوس مساكين هذا الشّعب

توثيق مصور لوصولي الخرطوم في جمعة شذاذ الافاق


سلام ياهندسة


انت دايما بتوضع تخاجل الثوار

Quote: السُّودان ليس ود نوباوي وجنينة الميرغني والشّعب ليس أنصار المهدي و حيران الميرغني و مريم الصّادِق لا تُمثِّل إلا بيتها الذي خرجت منه وله ومجدٌ ضائع تبتغيه على رؤوس مساكين هذا الشّعب

مصر ليست ميدان التحرير
واذا كان فى الميدان 2 مليون فمصر بها 85 مليون
ومن يقفون فى الميدان معروفون ويريدون الفتنة

هكذا كان يقول اعوان مبارك
فما اشبه الليلة بالبارحة
او كما قال مذيع الجزيرة فيصل القاسم
تعليقا على خطاب البشير (( كل الطغاة يقرأون من كتاب واحد ))

موت يا علاء... موت؟
ولي منو.. لناس تظاهروا سلمياً؟
يعني لو جوكم بالكلاشات والرشاشات حـ تعملو ليهم شنو؟

لا يا علاء لاء!

التهديد والوعيد لأهلك بالموت فعل الجـبناء والرباطة فقط.
فالشعب السوداني لا يقبل التهديد أو الوعيد ولا يعرف الخوف!

ستستمر هذة الثورة إلى أن يسقط هذا النظام الغاشم الذي لا يعرف سوى "لعبة الموت"
ولا يمارسها سوى مع شعباً أعزل، جائع ومريض تنتهك أعراضه وتنهب خيراته بواسطة طغاة.

أنظر ما قالته هذة الطفلة المشردة:

!We Can Run Away from Bombs, but Not from Hunger

أقرأ وشاهد

بالمناسبة ما لكم ما عملتو جمعة الردع ؟!!!
دفارات البلطجية ديل كانو مطاردين الشفع ؟!
ياخ انت زول مرعوب بس

Quote: يبدو ان النظام بعد تعب من اطلاق اكاذيب ان الخرطوم هادئة ويجهز لمجزرة وجريمة جديدة

ثورة المنابر ..... ماشي! في ثورة و شغلتنا كم يوم منبر ...منبر

ثورة البنابر .. ماشي و شوفناها فعلاً الثوار قاعدين فوق البنابر جنب ست الشاي بنبر ... بنبر

لكن ...

الثورة مافي...
عشان مافي ثوار..

يوما ما قالت تلك الشمطاء (نحن محتاجين جثة واحدة) عشان تولع!!!

و من الاقتباس أعلاه تتجدد الأمنية عايزين جنازة بأي طريقة.. حولوا يلفقوا كم مرة و ما ظبطت.

يا علاء الدين أردم

حضور و متابعة و تقييم

Dr. Ahmed Amin
سلامات ..

Quote: وبحسب قووقل ام جنقر هى طبق شعبى سودانى يصنع اساسا من عيش الدخن ( المفندك) وتشرب شرابا او تؤكل بالملاعق. الملاحظ اخيرا فى (الحباك) انتشار بائعات ام جنقر فى السوق بعدد كبير وصرن يضفن البلح الى الدخن والكاستر ويعملن خلطة ذات مذاق حلو.اغلب مرتادى محلات ام جنقر هم من الشباب وخاصة الرياضيين.اثناء سير الدورى صار منظرا عاديا ان ترى اغلب لاعبى التيمين متحلقين حول بائعات ام جنقر فى الظهر لكسب اللياقه وتشوف البنات لافات (بالكوار-جمع كورة)على اصحاب الدكاكين والجميل انك بتأكل بأى مبلغ: من خمسين قرش وفوق...

وكلمة الحباك التى وردت فى النص هى أسم الدلع لمدينة أبوجبيهة .. حاضرة قبائل أولاد حميد وإحد المراكز الرئيسية لقبائل الحوازمة .. فى ولاية جنوب كردفان.

بريمة

عصام جبر الله تحياتي
الشيوعيون بقو منتظرين الثورة من المساجد
هذه بضاعتنا ردت إلينا

سلام يا أخ محمد

Quote: موت يا علاء... موت؟ ولي منو.. لناس تظاهروا سلمياً؟ يعني لو جوكم بالكلاشات والرشاشات حـ تعملو ليهم شنو؟ لا يا علاء لاء! التهديد والوعيد لأهلك بالموت فعل الجـبناء والرباطة فقط. فالشعب السوداني لا يقبل التهديد أو الوعيد ولا يعرف الخوف! ستستمر هذة الثورة إلى أن يسقط هذا النظام الغاشم الذي لا يعرف سوى "لعبة الموت" ولا يمارسها سوى مع شعباً أعزل، جائع ومريض تنتهك أعراضه وتنهب خيراته بواسطة طغاة.

غايتو من مداخلتك دى من الواضح جداً انك قريت العنوان بس و ما قريت محتوى البوست

Quote: هلا يا جمال خضر السُّودان ليس ود نوباوي وجنينة الميرغني والشّعب ليس أنصار المهدي و حيران الميرغني و مريم الصّادِق لا تُمثِّل إلا بيتها الذي خرجت منه وله ومجدٌ ضائع تبتغيه على رؤوس مساكين هذا الشّعب

هذه حقيقة تسلم يا اخ علاء

تحياتي ياعلاء
كلك نظر الدفارات واللاندكروزرات والمجروسات وتلك الجيوش المجيشة من عساكر شرطة وجيش ودفاع شعبي وشرطة شعبية وهذا الحراك الدائم والمظاهر العسكرية التي تعج بها العاصمة القومية ومداخلها وطرقها الرئيسة والفرعية وأحياؤها ومساجدها ومدارسها وجامعاتها على أي شيء توحى ؟
وبعدين ياعلاء سياسة تغشف وجوع ومرض وفقر وسكر مدعوم واسواق ميداينة وووو وحكومتكم تنفق نفقة من لا يخشى الفقر على هذه الاستعدادات العسكرية بالله كم في اليوم الواحد تكلفة دفار واحد فيهو 20 جندي ؟ كم دفار حايم بالخرطوم ؟ أيهما أولى دعم الأسر الفقيرة التي اعترفت بها الحكومة 750 ألف كما زعموا أو دعم مركز غسيل الكلى أو مستشفى الولادة والأطفال ألخ أم حراسة وحماية كراسى شيوخ وهوامير الحكومة ؟ لا تدعموا مشروع الجزيرة ب برميل ديزل واحد فإنه لا يستحق
الله السمتعان من المكابرة ..
الشفيع إبراهيم

تم رفعه لأجل هذا المُعجب
شايفو عامِل لايك كبيرة لهذا البوست
Re: هل تؤيدون الطرد الجماعي للكيزان من المنبر ؟؟

أحِب الكباب أنا يا بِتاع الإرهاب إتّا

فوووووووووووووووق