إمام مسجد فاروق الخرطوم العمارات: الشعوب التي اسقطت طواغيتها استلهمت قول موسي -ان معي ربي سيهدين - خرجت من غير سلاح ولم تسال عن من هو البديل اسقطت الطواغيت وانتظرت ربها يهديها سبيل الرشاد وسيهديه.. قرفنا
نداء عاجل من داخل مسجد ودنوباوي ..الرجاء أنشر هذا الخبر .. الرباطة والامن يحاصرون الثوار داخل المسجد ويطلقون البمبان داخل المسجد - علي الاحياء المجاوره فك الحصار عن المسجد - اخوانك داخل المسجد يواجهون خطر الموت ساهم في فك الحصار
Quote: صدامات عنيفة بين الشرطة ومتظاهرين في السودان احتجاجاً على سياسات التقشف وأنباء عن إصابة أحد المتظاهرين بطلق ناري في قدمه الجمعة 16 شعبان 1433هـ - 06 يوليو 2012م
العربية.نت
اندلعت مصادمات عنيفة اليوم الجمعة، في محيط مدينة أم درمان السودانية بين متظاهرين وعناصر من الشرطة، عقب الانتها ءمن صلاة الجمعة مباشرة، حيث استخدمت عناصر الأمن القوة في محاولة منها لتفريق المتظاهرين، فيما تتردت أنباء عن إصابة أحد المتظاهرين بطلق ناري في إحدى قدميه.
جاء ذلك بعد أن أطلق عدد من النشطاء السودانيين دعوات عبر مواقع التواصل الاجتماعي منذ نحو أسبوع للتظاهر اليوم الجمعة ضد نظام الرئيس عمر البشير.
وأطلق النشطاء السودانيون على تلك التظاهرة اسم "شذاذ آفاق"، وهو اللقب الذي أطلقه الرئيس السوداني عمر البشير على المتظاهرين خلال تعليقه على الاحتجاجات في السودان، والذي يعني "الغرباء المتفرقين".
وأفاد الناشطون أن أئمة المساجد كان جل خطبهم اليوم تتمحور حول ضرورة الخروج على النظام، حيث شنوا هجوماً ضارياً على سياسات الرئيس عمر البشير.
وكانت الشرارة الأولى لتلك الاحتجاجات، اشتعلت عقب قرار الحكومة السودانية رفع الدعم عن بعض السلع وتطبيق سياسية تقشف صارمة، وعلى إثرها خرجت تظاهرات مناهضة لتلك السياسات ووقعت مشاحنات ومصادمات بين الأمن والمتظاهرين.
فيما قال الرئيس السوداني عمر البشير في وقت سابق إن تلك التظاهرات ما هي إلا مؤامرة أمريكية صهيونية.
هذا ودعت أحزاب المعارضة الرئيسية في السودان أول من أمس الأربعاء إلى تنظيم إضرابات واعتصامات ومظاهرات لإزاحة النظام من الحكم، مستغلة بذلك حالة الحراك السياسي في الوقت الراهن
شكراً الجسورة أماني العجب لهذا الرصد والتوثيق الحي لثورة أهل السودان ضد الظلم والتعسف والتي ينكرها النظام وإعلامه لكنها حقائق تجري بها المقادير بإرداة الشعب وستنتصر
فرقت الشرطة السودانية بالقوة مظاهرتين في مدينة أم درمان والخرطوم بحري في إطار جمعة احتجاجية أطلق عليها النشطاء جمعة "شذاذ الآفاق"، وهو تعبير كان قد نعت به الرئيس عمر حسن البشير المتظاهرين ضد حكومته.
وردد المتظاهرون بعد أدائهم صلاة الجمعة في مسجد الإمام عبد الرحمن التابع لجماعة الأنصار بزعامة الصادق المهدي هتافات تطالب ببسط الحرية والعدالة، قبل أن تقمعهم الشرطة وتجبرهم على الدخول للمسجد، وتطوقه.
وقال المتحدث باسم الشرطة السودانية السر أحمد عمر إنه وقع "احتجاج محدود" وإن الشرطة احتوته دون وقوع أي خسائر.
كما فرقت الشرطة متظاهرين خرجوا في تظاهرة مماثلة من مسجد السيد علي بالخرطوم بحري.
وقد أوقفت قوات الأمن مصور الجزيرة ياسر سليمان واقتادته إلى وجهة مجهولة، في حين احتجزت مراسل الجزيرة نت عماد عبد الهادي لساعة وأوسعته ضربا وصادرت هاتفه الجوال.
ويقول ناشطون إن المئات اعتقلوا في تظاهرات اليوم التي تستلهم روح ثورات الربيع العربي.
وأعلن السودان عن إجراءات تقشف للحيلولة دون انهيار اقتصاد البلاد بعد أن فقد جل عائداته النفطية بعد انفصال جنوب السودان.
وتفجرت الاحتجاجات في الجامعات، لكنها سرعان ما امتدت إلى مناطق أخرى من العاصمة ومدن أخرى.
وطالبت تلك الاحتجاجات -التي لم تجتذب في أغلب الأحيان إلا بضع مئات- بإقالة حكومة الرئيس البشير، الذي يحكم البلاد منذ 23 عاما.
كتب الأستاذ خالد عويس : في أسوأ إنتهاك لحقوق الإنسان..لا يحدث حتى في الحرب: لجنة نواب الأخصائيين (أطباء): الأمن السوداني يمنع تقديم أي نوع من العون الطبي ودخول سيارات الإسعاف في ودنوباوي
Quote: المعارضة السودانية: الشرطة تقمع مظاهرة في الخرطوم آخر تحديث: الجمعة، 6 يوليو/ تموز، 2012، 12:49 GMT Facebook Twitter ارسل لصديق اطبع نسخة سهلة القراءة
انطلقت المظاهرات في 16 يونيو الماضي اكدت مصادر المعارضة السودانية أن الشرطة قمعت مظاهرة سلمية يقدر عدد المشاركين فيها بثلاثة إلى أربعة آلاف متظاهر خرجت عقب صلاة الجمعة في مدينة أمدرمان القريبة من الخرطوم. وقال عبد الرحمن احمد حسن مدير المكتب الإعلامي لحزب الأمة القومي المعارض، في لقاء مع بي بي سي، إن الشرطة تعاملت مع المظاهرة بقمع شديد واطلقت الغاز المسيل للدموع. روابط ذات صلة أحزاب المعارضة السودانية توقع وثيقة "البديل الديمقراطي" الرباطة وشذاذ الآفاق، مصطلحات في "الربيع السوداني" ما هي خيارات الحكومة السودانية في مواجهة الاحتجاجات؟ وأضاف أن المسجد طوق بقوات الأمن والشرطة وأن هناك إصابات وجروح (في صفوف المتظاهرين). وتأتي المظاهرات التي خرجت من مسجد الإمام عبد الرحمن في أمدرمان في إطار جمعة "شذاذ الآفاق" التي دعت إليها المعارضة السودانية على شبكة الانترنت في إطار الاحتجاجات التي تشهدها البلاد منذ منتصف يونيو/ حزيران الماضي. وكانت حركة الاحتجاجات انطلقت في 16 يونيو من جامعة الخرطوم إثر إعلان الحكومة السودانية سلسلة من إجراءات التقشف، لكن شعاراتها تغيرت فيما بعد للمطالبة بإصلاح سياسي. "البديل الديمقراطي" وقال حسن إن المتظاهرون هتفوا بشعار "الشعب يريد اسقاط النظام" وشعارات أخرى تدعو إلى "رحيل" الحكومة الحالية. وأضاف أن المتظاهرين الذين خرجوا هم جماهير حزب الأمة ومواطنون مستقلون، مقدرا العدد الكلي للمشاركين ب 3 إلى 4 آلاف متظاهر. يذكر أن مجموعة من الأحزاب السياسية المعارضة وقعت يوم الأربعاء وثيقة "البديل الديمقراطي" الداعية إلى تشكيل حكومة انتقالية و"إجراء انتخابات حرة ونزيهة". كما دعت الوثيقة إلى "عدم زج الدين في الصراع السياسي أو الحزبي لضمان الاستقرار والسلام الاجتماعي". ومن ابرز الأحزاب الموقعة على الوثيقة حزب الأمة القومي بزعامة رئيس الوزراء السابق الصادق المهدي وحزب المؤتمر الشعبي بقيادة حسن الترابي والحزب الشيوعي السوداني والحزب الوطني الاتحادي وحزب المؤتمر السوداني وحركة القوى الجديدة (حق) وحزب البعث العربي الاشتراكي والحزب الناصري.
Quote: مشاهدات من داخل مسجد الانصار بود نوباوي: خرجت المظاهرة بطريقة سليمه الناس كانت شايله لافتات وبتردد في شعارت بطريقه موحده والحق يقال لقد تعرفت علي شباب من كل انحاء العاصمه هناك كلهم جائو عشان يشاركو في جمعه شذاذ الافاق في ناس من الكلاكه وناس من امبده وناس من بحري وكانو يمثلو السودان كلو يعني اي جذء من السودان كان ممثل في المسجد ده بعدين الناس مرقت في الميدان القدام المسجد بطريقه منظمه لم نرمي حجر تجاه كلاب الامن وكلاب الشرطه(ايوة كلاب الشرطه بعد الشفتو الليله عساكر الشرطه ديل كلاب اكتر من ال###### الكبير عمر البشير).وكنا بنقول الثورة خيار الشعب حريه حريه سلام وعداله ....ونردد ايضآ سلميه سلميه....وجلسنا في الميدان علي الارض دلاله لكلاب الشرطه انها سلميه ولم نقترب من الزلط او اعقنا الطريقه. ولكن فجاءة بدو يضربو البمبان بكثافه وايضآ اطلقو الكثير من الرصاص المطاطي مما ادي لي اصابه الكثيرين بالختناق والرصاص المطاطي(يعني الادمن لمن رفع صورة دم في فرشات المسجد ما كان فتوشب) وحتي تلك اللحظه لم نرمي حجر تجاه كلاب الشرطه ورددنا سلميه سلميه...ولكنهم كلاب كرئيسهم...لم يتوقفو من اطلاق البمبان والمطاطي....فاعتصمنا بالمسجد وهنا بداءت الجريمه الكبري...هؤلاء تجار الدين ودعاة الجهاد وهي الله...اطلقو البمبان داخل المسجد بكثافه عاليه (وانا خريج الاهليه يعني بعرف البمبان كويس ومتعود عليه وبعد مرات الواحد بخرم ليهو عديل!!!لكن البمبان الصيني ده غريب) من بعد صلاة الظهر حتي قبل المغرب الكلاب ديل محاصرين المسجد وبضربو بمبان داخل المسجد... وحتي انهم حاولو اقتحام المسجد من البوابه الخلفية ولكن الشباب تصدو لهم... وهنا تبدا الملحمه: والله السودانيين ديل رجال شفتا البنات والنساء والاطفال بجيبو لينا الطوب عشان ندافع عن المسجد والخل والكولا من البمان يعني الناس بتلحق اي زول استنشق بمبان يعني منظر جميل والله النا الكانت في الجامع دي ولمتني معاهم ساعات ارجل ناس لاقوني في حياتي ابطال عديل كده ليس بينا سابق معرفه ولكن جمعتنا فكرة وهدف وحب وطن...لكن تحس انو ديل اخوانك عديل تقع يرفعوك تدمع قبل ما تتلفت زول يجيك بي كمامه ولا مويه خل والناس اتقاسمت اي شي.....من رصيد والطعام طبعآ ناس الحله او البيوت الورة الجامع النسوان جابو لينا اكل والله ده مشهد تاني. الناس اتقاسمت اي شي .... تمنيت ان ان اتشرف بمعرفتهم كلهم لانهم بيستاهلو ورجال....والرجال ديل حررو بنات من عربيه كلاب الامن...والله لمن في زول صرخ قال الحقو البنات الشباب ديل كلهم سكو العربيه ونسو الشرطه والبمبان وخلصو البنات من قبضه الكلاب والحالة ممكن تكون موثقة بي فديو.. كلهم هبو ليدافعو عن شرف وكرامه نساء وبنات السودان....والبنات ديل كوم تاني معانا من تييت وشمو معانا نسيم بمبان الحريه من تييت ولا مشو ولا اتراجعوو بل حرسو معنا الابواب.... والله جوه الجامع ياداب عرفتا احساس انك سوداني حر والسودانيين الاحرار عاملين كيف!!! كم افتخرت اليوم باني سوداني(مواطن ما شريحه) بقول لي الناس الكانت هناك: اتشرفتا اكون معاكم ونتاقسم النفس والعيش والالزنقه ولي الشرف بالوقوف الي جانبكم بقول لي الناس الكانت في البيوت:انتو خايفين ولا مرتاحين وشغالين وساكنين كلكم كافوري وما حاسين اي ظلم ولا اهدار كرامه ولا شنو!!!!! نحن كنا راجنكم وما جيتونا.... يعني خذلتونا عديل كده....لكن نحن تاني بنطلع وياريت نشوفكم ونتشرف كمان....عشلن حقك تحرسو لا بجيك حقك تقاوي وتقلعو.......... بقول لي كلاب المن وبشه الرقاص: نحن لا نستسلم نحن نتصر او نموت. وبقول لي ناس قرفنا وكل شباب الثورة في كل الصفحات: مجهودكم مقدر ونحن معكم ولكن عليكم بالتنسيق اكثر واعاده النظر في سلميه دي والله ما بتنفع الملتووف ده عدو البوليس الاول يعني لو عايزين نتظاهر ونحمي نفسنا لاذم نلقا حل لي كلاب الشرطه ديل عشان ما يعتدو علينا... ونحنا ما بتاعين تخريب وما بنضرب اي مواطن لكن ناس الشرطه ديل والله غير الملتوف ده مافي حاجه حتخليهم ينضمو لي الشعب..يعني حنك طاقيتك ورطل السكر ده ما بيخارج بي الملتوف ده حنخليهم بعيدين مننا لي درجه مافي بمبان ولا مطاطي بيفرق ومافي زول يقول لي ديل من الشعب....ديل بقتولو في الشعب ولاذم الناس تحمي نفسها....زمان في الاهليه لمن ندور ملتوف لا بوليس ولا كوز بقيف والله بجرو قدامنا زي اخواتم الناس تفكر في الموضوع ده. والتحيه لكل شرفاء بلادي...الشرفاء فقط
Post: #75 Title: Re: رصد إنتفاضة جمعة شذاذ الآفاق 6 يوليو 2012 Author: Amani Al Ajab Date: 07-07-2012, 00:10 AM Parent: #74
تقرير البي بي سي ..جمعة شذاذ الآفاق .. 6 يوليو 2012
Post: #79 Title: Re: رصد إنتفاضة جمعة شذاذ الآفاق 6 يوليو 2012 Author: Amani Al Ajab Date: 07-07-2012, 03:07 AM Parent: #72
أصيب العشرات بودنوباوي : علي اسماعيل – من شيوخ الأنصار – أصيب بالرصاص المطاطي في جبهته .. عبدالرحمن شريف مامون – أصيب بطلق مطاطي في ذقنه .. قتيبة عثمان محمد الحسن الذي أصيب بطلقتين مطاطيتين..
Post: #80 Title: Re: رصد إنتفاضة جمعة شذاذ الآفاق 6 يوليو 2012 Author: Amani Al Ajab Date: 07-07-2012, 03:11 AM Parent: #49
إصابة خضر عثمان برصاصة مطاطية في داخل مسجد السيد علي الميرغني ببحري ..
Post: #76 Title: Re: رصد إنتفاضة جمعة شذاذ الآفاق 6 يوليو 2012 Author: Amani Al Ajab Date: 07-07-2012, 01:19 AM Parent: #33
عاجل : عقب انتهاء الصلاة تعالت هتافات المصلين بمسجد السيد على بالخرطوم بحري مطالبة باسقاط النظام وعلى الفور اطلقت مليشيات حزب البشير الرصاص المطاطي والبمبان على المصلين..6 يوليو 2012
Post: #77 Title: Re: رصد إنتفاضة جمعة شذاذ الآفاق 6 يوليو 2012 Author: Amani Al Ajab Date: 07-07-2012, 01:36 AM Parent: #76
الأخوات الحبيبات والاخوة الاعزاء: Ahmed Elyas هشام عباس مها عبد الله مهيرة Yasir Elsharif Amira Osman محمد كابيلا البحيراوي عاطف مكاوى عبداللطيف حسن علي يوسف السماني يوسف Nasr احمد سردوب صلاح جادات ihsan fagiri عبدالرازق نقد
لكم شكري وتقديري على المشاركة الثرة .. معاً من أجل أن ينجلي الظلام والتأسيس لدولة المؤسسات التي ننعم بها جميعاً .. عاش نضال الشعب السوداني والمجد له .. دمتم جميعاً بالف خير..
Post: #78 Title: Re: رصد إنتفاضة جمعة شذاذ الآفاق 6 يوليو 2012 Author: حسن الطيب يس Date: 07-07-2012, 03:05 AM Parent: #77
النصر النصر معا نهد القصر قلوبنا معكم النصر لكم وبكم
Post: #81 Title: Re: رصد إنتفاضة جمعة شذاذ الآفاق 6 يوليو 2012 Author: حسن التوم Date: 07-07-2012, 04:59 AM Parent: #78
تبعاً لتساؤل العزيز / عاطف مكاوي عن ( عيادة الطواري المتنقلة ) ونداء داخل الميدان الذي اطلقته الجسورة / إحسان فقيري لدعم الخارج .... أقترح على فعاليات سوداني المهاجر ( الشتات ) تكوين صندوق الخارج لدعم الداخل ... وفتح تواصل آمن وسريع تلبية لنداء ( عيادة لجنة الأطباء ) وغيرها من متطلبات دعم الحراك وثباته وإستمراريته ...هو أقل شيئ من رد الجميل لشعبنا العظيم بالداخل ..... والمجد للسودان .....والهمبريب كُشر المطر
Quote: تبعاً لتساؤل العزيز / عاطف مكاوي عن ( عيادة الطواري المتنقلة ) ونداء داخل الميدان الذي اطلقته الجسورة / إحسان فقيري لدعم الخارج .... أقترح على فعاليات سوداني المهاجر ( الشتات ) تكوين صندوق الخارج لدعم الداخل ... وفتح تواصل آمن وسريع تلبية لنداء ( عيادة لجنة الأطباء ) وغيرها من متطلبات دعم الحراك وثباته وإستمراريته ...هو أقل شيئ من رد الجميل لشعبنا العظيم بالداخل ..... والمجد للسودان .....والهمبريب كُشر المطر
الأخوة الأعزاء : عاطف مكاوي حسن التوم الحبيبة إحسان فقيري بمبادرة كريمة من الدكتورة نفيسة الجعلي (مهيرة ) لتكوين صندوق لدعم الإنتفاضة في جميع دول الشتات.... بدأنا هنا في أمريكا منطقة (ريشمون ، فرجينيا بيتش ) هذا المشروع على على أمل أن يععم في كل الولايات والدول الأخرى كما اننا نريد التنسيق مع الداخل لتوصيل الدعم .. دمتم بالف خير ..
ربنا يوفقكم في هذه المبادرة ونتمني ان تعم كل البلاد
Quote: بمبادرة كريمة من الدكتورة نفيسة الجعلي (مهيرة ) لتكوين صندوق لدعم الإنتفاضة في جميع دول الشتات.... بدأنا هنا في أمريكا منطقة (ريشمون ، فرجينيا بيتش ) هذا المشروع على على أمل أن يععم في كل الولايات والدول الأخرى كما اننا نريد التنسيق مع الداخل لتوصيل الدعم .. دمتم بالف خير ..