الي زملاء المنبر الذين يصادمون في سجون النظام ويقلقون مضاجعه

شعبنا اقوي واكبر مما كان العدو يتصور


في ليلة شذاذ الافاق اهدي هذه الكلمات
والي كل المعتقليين من ابناء وبنات الشعب السوداني
الي الذين رحلوا وخطوا بدمائهم الطاهرة مسودات التغيير القادم

حسبتهم في اصقاع السودان كانوا يهللون وينتشون فرحا لحركة اللواء الابيض وانتصاراتهاوكانوا كلهم سجد ركوعا في امدبيكرات وفي كرري بذلوا انفسهم غالية انهم كانوا هناك كما نحن اليوم يعملون ليوم عظيم يوم هو تحدي للجبروت والظلم والفساد والاستعباد.
ان شعبنا قد انتصر في حبه للديمقراطية وتعطشه لنسائمها قدم خيرة ابنائه وبناته في الصفوف الاولي امتلاءت بهم السجون والمعتقلات
لا لشئ الا عشقا للحياة الكريمة وتطلعا لغد مشرقا غدا يتساوي فيه الناس في حقوقهم وواجباتهم لا تفرقهم سحنة ولاعقيدة انه هذا الشعب
الذي انتفض في مارس ابريل وقبله في اكتوبر ومنذ يونيو 89 انتفض مرات ومرات في كل ثبات رغم بطش السلطة وتعنتها وتشبسها في الفساد زيا وزينة.
ما ابسط الاحلام وما ابشع من يمنعها لاذنب قد جنوه سوي حلما بوطن خير ديمقراطي وطن حدادي مدادي وطن فيهو نتعلم نقراء نتدواي هكذا الحلم كان وسيظل وسيحققه ابناء شعبنا وبناته ان لم يكن اليوم فيوم قريب .
سوف يحققه احفاد مهيرة والخليل وعلي وعلي والشامخ الابنوسي ابن الجبال ورفاقه من خليل وجون وابناء همشكوريب وسنكات
واروما وكسلا ونيالا وتلودي وحلفا التي تتوق الي ان ترتبط مجددا بنمولي والجنينة
وان لم يخرج اليوم ولا مواطن واحد فلقد انتصر شعبنا الذي جعل كل اهل السلطة لايستطيعون النوم

الناشط المثابر فتحي البحيري

حتما سننتصر

التحية لكل المناضلين القابعين في زنازين الاستبداد .....يقوون بعضهم البعض .....وبالمقابل المستبدون يقضون يومهم انهاكاً وعدم تصالح مع النفس .....يتفرجون علي الشجاعة التي يفتقدونها .....هكذا قالت مجالسهم ومسامرهم عن الابطال علي الماحي السخي ولشهيد عبدالمنعم رحمة

فتحى البحيري ..
خالد بحر ..
رضوان داؤود ..

نضالا جميلا وينبلج الصباح ..
صدقتم وسبقتم فكنتم الأعلون فينا ..
شكرا جميلاً ..
كتر خيركم

محمد حيدر

علوية كبيدة
جليلة خميس
الهام مالك
اميرة عثمان
ناهد جبر الله

وكل شريفات شعبى


يستمر النضال

خالد بحر

علوية كبيدة ..
جليلة خميس ..
الهام مالك ..
أميرة عثمان ..
ناهد جبرالله ..
..

ما خليت لينا جيهه بلا الأسف الشديد من ها الحال يا معاوية ؟؟
ونحنا مجدوعين فى ها الخليج المالح و ..


ماضهبت اقول لقيتك
وانتى فى كل الخواتم والمياتم
والنجيمات والعواتم
ما حزنت اقول بكيتك
ونحن فى حزن المخاليق
والمغنين المطاليق
الفرح جاييك وعد
غنوة اولاد التحاريك
السعد ولا البعد
البعد ولا السعد
وكنتى فى ليل الخوابى
تهاتى بينات الطوابى
تحاكى جقليب السعى
الجناييت خلو حجرك ريح يفوفى
وعين مزرزرة من شقى الفرح المرابى
ومنية الوعد الدعى
يا ديارى الوين ....أنى
تور عفين الشين .....أنى
ما اضينة وزين انى
تور عفين الشين انى
وانت فى شوفك تخاتل رفة الطير والحفيف
وانت فى خوفك تكاتل عينة الجلبت خريف
وانت فى اللالوبة مصلبة البنيات
النسيمات الهفيف
وانت فى اللالوبة مشنقة الوليدات
ناس نجومى ومحبس النفس الرهيف
بطنك كرشت غى البنات نافى
دقنك حمست جلدك خرش مافى
وكت الوهم نافيت .. صدق الوعد جافى
وكت العلم جافيت .. مر الصدق وافى
وكنا بنشيل الغباين والاناشيد
جهدية الاورطية
جهدية الحلبونا
شدو جمالم جونا
حلبنا ليهم سمسم
والسمسم ما كفاهم
جلبنالهم سعية
وجينا للبقعة ام قبايل
سيل من الوادى الكبير
الكفيف شايل الكسيح
يا عيون ود الضكير
واحدة من توشكى
تقلع
تانى تقلع فى المطامير
يا جبة الدرويش
البابا بسل العيش الله بسلا
والبابا خدمة الديش الله بسلا
البابا القول بى شويش
يا عيون ود الضكير
عماك فى حقك ديه
لى زمنا مو جهدية
جهدية الاورطية
جهدية الحلبونا
شدو جمالم جونا
وحلبنا ليهم سمسم
والسمسم ما كفاهم
جلبنالهم سعية
يا عيونى شن بتشوفى
ويا امونة شن بتشوقى
شدرا تال اليمامة
ولا الصقر الحمامة
ولا البطن التفوفى
يا امونة شن بتشوفى
ويا عيونى شن بتشوفى
جهدية وسيف وراية
تبروقة وخيل وشاية
اذان بالجوع اذن لى
ام خوفك فايت خوفى
يا امونة شن بتشوفى
ويا عيونى شن بتشوفى
تلت التلاتة شلق
تانى التلات محلق
والتالت جا يبشرنى
سرقوهو الدايرين حتوفى
يا امونة شن بتشوفى
ويا عيونى شن بتشوفى
شايفة الدموم واللمة
بين الدقون والعمة
ولانى فوق معلق
صقر الحدى مندوفى
يا عيونى شن بتشوفى
ويا امونة شن بتشوفى

حتي يخرج اخر معتقل من سجون المؤتمر الوطني

فلنقف اليوم من اجلهم

التحية لهم ولاسرهم

شكرا د خالد كودي علي التضامن الكبير الذي تقوده باعمالك المعبرة

ودعمك لمسيرة التضامن مع المعتقليين

مزيدا من التضامن مع زملاء المنبر
فان اعتقالهم عار علي مؤيدي النظام هنا وفي اي مكان

شبابك تشابك

مزيدا من التضامن من اجلهم حتي يطلق سراحهم

لازالوا رهن الاعتقال في ظروف صعبة فماذا انتم فاعلون يا اعضاء سودانيز اونلاين؟
مزيدا من التضامن مطلوب من اجل اطلاق سراح جميع المعتقليين

الحريّة لهم.

الحريّة للوطن

حتي يتم اطلاق سراحهم

Quote: حتي يتم اطلاق سراحهم

تضامنوا معهم من اجل غدا افضل

ارفعوا اياديكم من بنات وابناء هذا الشعب

تَنْقِشْ تَنْقِشْ تَنْقِشْ
شعباً مابْعَرْف الغِشْ
سِحَابْ لي مَطَركْ فِشْ
يا نايم ضُبّانَكْ هِشْ
وتَنْقِشْ تَنْقِشْ تَنْقِشْ
شعبَكْ مابْدُور الغِشْ !
***
نيالا طُلابِكْ جُو
عَسَسْ العَسْكَر صادُوا
حَشي أُمِّك حَرَقُوا
شهيدنا حَلَفْ ما يْكِشْ
عَسْكَرْ فِرْكِشْ فِرْكِشْ
وتَنْقِشْ تَنْقِشْ تَنْقِشْ !
***
التاية،راسِخْ، سلِيم
عوضية شهيدة الديم
طارق يافِع بِرْلِيم
قسماً قسماً حالفينْ
سودان شامِخْ مايْنِشْ
وتَنْقِشْ تَنْقِشْ تَنْقِشْ !
***
شطَرَنج مُرقّع غِشْ
جُند مُهَنْبَل بِشْ
وبِشْبِشْ كِنْكِشْ كِنْكِشْ
مَلِكَكْ جلادَكْ كِشْ
وتَنْقِشْ تَنْقِشْ تَنْقِشْ !

WE ALL LOVE THEM

التحية لكل ابطال الثوره فى معتقلاتهم

ود العجمى

بعد سته و ثلاثون يوما عجز فيها رباطة الخرطوم من كسر عزيمته و صموده

تم نقله الى بورتسودان لينال نصيبه من تعذيب رباطة البحر الاحمر

ولكن هيهات ان تنكسر عزيمة ود العجمى الذى نعرفه حتى لو تنقلوا به

على كل معتقلات الوطن الذى كان

التحيه لود العجمى حيثما كان والخزى و العار لرباطة الانقاذ

التحية لزميل المنبر ايهاب ادريس "فداسي الحليماب"

مزيدا من التضامن

اختفت كتابتهم عن المنابر
فلماذا يعتقلون حتي الان؟
انهم مناضلين شرفاء خاضوا شرف المنازلة

اطلقوا سراحهم دون شروط فالسجن ليس لهم

حتي يطلق سراحهم جميعا

اطلقوا سراحهم

لم يعودوا حتي الان اين هم الان؟
الاعتقال ليس خلف الاسوار فقط ولا في غرف اجهزة الامن