هل تؤيدون الطرد الجماعي للكيزان من المنبر ؟؟

على الأقل مؤقتاً ؟؟

الموضوع ده أظنه إتطرح قبل كده وبعدة أشكال ولعدة اسباب
لكن المسألة دخلت في العضم
وبقت خطر على كل مستقبل السودان ..

شئنا أم أبينا الناس ديل خطرين على الثورة والثوار
بإتباعهم أخطر أساليب الدعاية المضادة والتراكم النفسي الهدّام

الإنسان السوداني ملول وزهجان بطبعه
فلما يلاقي ليه زول شغال في رأسه "ما ح تثقدر"، "ما ح تثقدر"، "ما ح تثقدر"
أكيد " ما ح يقدر" -
وهم ما ح يزهجوا وما "ما ح يقدروا" لأنه ده شغلهم وأكل عيشهم

وكلنا شفنا حالة الموات الخاصلة وخلاص بقت جل مطالبنا إطلاق سراح المعتقلين
ونسينا الثورة وتم تمرير الأجندة الإقتصادية والإنحناء للعاصفة و بمهارة وحرفنة

(ألمانيا نجحت في غزو %90 من أوروبا بفضل وزارة غوبيلز الأعرج للدعاية )
(إسمها كده: وزارة الدعاية" - وما عايز أقول والله صحي - أبيت)


ما ممكن الناس ديل نخليهم يستمتعوا بحاجة
هم نفسهم يرون خطلها وبطلانها ويعملون لإبطالها ليل نهار

ما ممكن أكون أنا على أعلى قمة السلم"الحضاري" الديموقراطي ده
وزول من تحت يهز في السلم بس لأنه سمحت ليه بانه يطلع معاي
ليه يعني ؟؟ مدرّسين نحنا ؟؟

نعرف إنه الديموقراطية لا تتجزأ - لكن مش يكون عندنا ديموقراطية في الأول
بعدين نقعد نوزعها على الناس ؟؟

إستمرار الناس ديل هنا معناته الإستهزاء بمعاناة أهلنا
والخيانة التامة للناس الشايلها روحها في كفها وطالعة تفتش عن أبسط حقوقها
خيانة لدم كل الشهداء (أولاد ال###### -الماتوا عشان الشعب) *
خيانة للناس القاعدة تتعذّب الآن في بيوت أشباح جديدة موديل 2012

______________________
* عاطف خيري - طبعا ..

###### = الكــــــــــــــــــــــــــــــــــــــــــــــلب

الأخ صابر تحياتي وإحترامي لك
اقدر تماما غضبك وقرفك من بنو كوز و خاصة الطبالة ، كلنا قرفانين زيك والله
لكن بصراحة يا خوي وبرضو مجرد وجهة نظر تعبر عن شخصي الضعيف
إنه حرية الرأي كلنا بنطالب بيها وحق مشروع لكل العالم الحايمة دي ، ومستنكرين كبت الحريات دي والقمع من بنو كوز ديل
فما معقول ننادي بي شيء ونجي نحن نطبقه !! ما جاية صاح ؟
انا معك ضد الكيزان وأسلوبهم القذر حتى في تناول المواضيع
لكن صدقني يا صابر يا خوي دي زاتها محمدة كبيرة إنه نكشفهم ونتفرج على جعجعتهم ورجفتهم , دي في حد زاتها متعة لا يضايها فلم لعادل إمام
خليهم اليبرطعوا ونحن وراهم بالبسطونة والحق لازم ينتصر في النهاية

يمهل ولا يهمل

أختي الكريمة أستاذة أسماء
تحياتي - وشكرا ليك ..

Quote: الأخ صابر تحياتي وإحترامي لك اقدر تماما غضبك وقرفك من بنو كوز و خاصة الطبالة ، كلنا قرفانين زيك والله لكن بصراحة يا خوي وبرضو مجرد وجهة نظر تعبر عن شخصي الضعيف إنه حرية الرأي كلنا بنطالب بيها وحق مشروع لكل العالم الحايمة دي ، ومستنكرين كبت الحريات دي والقمع من بنو كوز ديل فما معقول ننادي بي شيء ونجي نحن نطبقه !! ما جاية صاح ؟ انا معك ضد الكيزان وأسلوبهم القذر حتى في تناول المواضيع لكن صدقني يا صابر يا خوي دي زاتها محمدة كبيرة إنه نكشفهم ونتفرج على جعجعتهم ورجفتهم , دي في حد زاتها متعة لا يضايها فلم لعادل إمام خليهم اليبرطعوا ونحن وراهم بالبسطونة والحق لازم ينتصر في النهاية يمهل ولا يهمل

كلامك مفهوم ومتسق
في الأحوال العادية ولما تكون كل برتكانة في مكانها زي ما بيقولوا ..

لكن ما شايفه معاي إنو نحنا الآن في حالة طواريء
ووجب علينا التصرف على هذا الأساس ؟؟

الناس ديل بقت عندهم خبرة طويلة
في كسر شوكة المقاومين ..
وتحضرني الآن السلسلة من التدابير الإبليسية
القاموا بيها ونحن طلاب في جامعة الخرطوم 1989
ونحن أعضاء في الإتحاد 90 -91
لمنع الإعتصامات والمظاهرات ومقاطعة الإمتحانات
الواحد قادر يفهم التكتيكات الحالية
والمناورات والحملات (الناجحة) لعناصرهم هنا
وفي هذا الوقت بالذات -
عندك مثلا: فتح المواقع الإباحية في الإنترنت
يمكن ده يكون خبر عابر وبعض المحللين قالوا
يمكن يكونوا فتحوه بالخطأ
لكن صدقيني الموضوع ده ح يكون عنده أثر سحري
في "تنفيس" حالة الإحتقان الحاصلة وسط الشباب
وبالتالي إبطال مفعول المظاهرات والإحتجاجات
الناس ديل بيفكروا بشكل لا يمكن إنسان يتوقعه ..
------
معليش نرجع تاني للتاريخ ولنفس المثال بتاع ألمانيا النازية
- في أثناء محاكمات نورينبيرغ نجحت العصبة النازية الشريرة
والكانت بتتم محاكمتهم في إنهم يدخّلوا المحكمة في ورطة قانونية
قالوا ليهم نحنا جينا بإرادة الشعب الألماني
وكنا بننفذ في القوانين الموجودة في البلد
ومافي زول إعترض (الحقيقة بإستثناء الطالبة Sophie Scholl والتي تمت محاكمتها وشنقها)
فإذا عايزين تحاكمونا مفروض تحاكموا الشعب الألماني كله
قبلنا - والسمح لينا بالتمكين وإعلان الحرب على العالم
الحرب الكلفت البشرية أكتر من 40 مليون نفس
- الان إبتدأت نفس النغمة دي تدور في السودان
بدوا ناس الحكومة يقولوا نحن بننفذ في القوانين الموجودة في البلد -
والحكم بضرب المتظاهرين ومحاكمتهم موجود فعلا في القوانين المعمول بها الآن -
.......................
شفتي الورطة الختينا نفسنا فيها بحسن النية والتعامل الراقي لناس همجيين و ماكرين
-يعني ح يجي يوم يا استاذة تكوني أنا وإنتي
متهمين بإرتكاب الجرائم في دارفور - وبالقانون زي ما بيقول عادل إمام ده ذاته

من السودان قبل المنبر

I totally agree, I think they should be banned immediately, it's only common sense!

dear sis rawan

Quote: I totally agree, I think they should be banned immediately, it's only common sense!

and a necessity too
it is vital for the continuation and the intact of the ongoing protests
nothing could be more treasonous than allowing them to use us and our own institutions to crackdown the people on the streets

thanx for being here

نعم أخي العزيز محمد
يجب أن يطردوا فورا

Quote: من السودان قبل المنبر

والثورة مستمرّة ..

Quote: إنه حرية الرأي كلنا بنطالب بيها وحق مشروع لكل العالم الحايمة دي ، ومستنكرين كبت الحريات دي والقمع من بنو كوز ديل فما معقول ننادي بي شيء ونجي نحن نطبقه !! ما جاية صاح ؟ انا معك ضد الكيزان وأسلوبهم القذر حتى في تناول المواضيع لكن صدقني يا صابر يا خوي دي زاتها محمدة كبيرة إنه نكشفهم ونتفرج على جعجعتهم ورجفتهم , دي في حد زاتها متعة لا يضايها فلم لعادل إمام خليهم اليبرطعوا ونحن وراهم بالبسطونة والحق لازم ينتصر في النهاية يمهل ولا يهمل

أخي صابر
و الله الكل يعاني معاناة المريض مع المرض ولكن هذه ثمن الديموقراطية الحقيقية كما اوضحت الاخت بنت الجنيد

No, I do not agree
This is no way to make things better

هههههههههههههه

أحلى بوست والله
خلاص غلبك الحوار قمت على الإقصاء
مهما لبستوا من ماسكات فإن حقيقتكم البشعه تأبى إلا أن تطل بوجهها القميء

قاعدين ليك
في قلبك

الاخ صابر لا اوافق علي طردهم من المنبر ولكني افضل مقاطعت بوستاتهم تماما.
هم مجرمون يستحقون الطرد من رحمة الله وليس من المنبر.ولكن الحرية لنا ولسوانا
دعك منهم فهم قلة ساقطة لقد دنت ايامهم وارهاصات سقوطهم لاحت بشائرها.
تحياتي.

لا نوافق طبعا

Quote: هل تؤيدون الطرد الجماعي للكيزان من المنبر ؟؟

مادام اننا بنؤمن بالديمقراطية كحق لنا وعلينا فانا مازلت ارى عدم طرد الكيزان من المنبر ..
بعدين نحن ذاتنا باى صلاحية نطرد زول من منبر لنا ماله فيه من حق ؟!!
ده منبر له صاحب وهو اليقرر يطرد منو ويخلي منو ..
بعدين نحن ذاتنا عايزنهم عشان نرصد تحركاتهم ونعرف هم وين
عشان لو اتحرر السودان نقدر نلقطهم واحد واحد
وانا من جدة مسئول اجيب ليكم البشير دفع الله (نظره ضعيف ) وعمك قرشوم (راجل كبير )
واصحاب العضلات نخليهم لرفاعي حجر ومحمد حسن العمدة ..



تحياتي ،،

سلامات صابر وعساك طيب
اضافة للاسباب الذكروها الشباب و كلام ودالقاضي -
حسب ما فهمت من كلامك دعوتك للطرد مبنية علي فرضية انو الكيزان في المنبر بعيقوا الثورة و
الثوار ودي زاتها مبنية علي فرضية انو المنبر مؤثر اساسي علي الثورة في الارض
شخصيا ما عارف بالضبط مدي تأثير المنبر علي الناس في الواقع والثورة لانو مافي دراسة واضحة - لكن
من انطباعي المنبر ما عندو تاثير مباشر بالواقع --والثوار زاتم ما بتأثروا بالحاصل في المنبر
و ممكن يكونوا ما عارفين زاتو الحاصل هنا !- دي من ناحية
من ناحية تانية المنبر بالتأكيد بأثر علي النظام - كحالة طبيعية لانهم اصلا ما دايرين زول يتكلم !
والتمييز بين التاثير علي الثورة وواقع الناس والتاثير علي النظام بصورة عامة مهم جدا جدا في نظري
و دائما بلاحظ انو لو في زول فتح بوست ضد الثورة كتيرين من ناس المنبر بفتكروا انو دا بأثر
علي الثورة طبعا ممكن يأثر علي الموود والمد الثوري داخل المنبر لكن ما اظن يأثر علي
الموود الثوري بتاع الناس في الواقع !
بمعني اخر : المنبر امتداد للواقع وليس العكس !- لكن عشان معظمنا بنعتبر المنبر "واقعنا " في
المنافي بنفتكر الواقع الحقيقي امتداد لينا !!

بخصوص سؤالك : لو كنت مقتنع انو الخروج للمظاهرات كان المنبر زي ونوباوي والله كنت
بأيد اقتراحك طوالي واضحي ليك "بالديمقراطية" زي الما حصل شئ

---



وبعدين في حاجة مهمة نسيت اقولها ! :
لو المنبر بقي منطقة محررة احتمال الحرب تقوم بين الاشقاء !
وجود ممثل للعدو في مكان قريب -مهم ياخ للتماسك

وليه؟؟!!

طبعآ لا وألف لا
ولا أعتقد أن صاحب المنبر سيرضى أو سيقبل بأي إقصاء للآخر وإن إختلفت الرؤى!
ودا الفرق بينا وبينهم ..

من الأجدى أن نجتهد لطرد الحية الكبيرة عن السودان قاطبة، بدلآ عن طرد
قلة إسفيرية أعتقد أن لا حول لها ولا قوة. وهم/ن حتمآ يعانون كأهلي
وأهلك في السودان، بس باقي ليهم شين يعلنوا الأوبة والتوبة
عن ومن الحرامية اللصوص الأفاكين تجار الدين ..

دعهم باقون أخوة وأخوات أعزاء بيننا فلربما عادوا إلى جادة الصواب

نأمل ونتمنى!

لك التحية

_
How people treat you is their Karma
How you react is yours
!
L.H

..

نــــــــعم يجب طرد الكيزان لانهم قتلة

لانهم لا يعرفون معنى الحرية

لانهم مطبلين للتعذيب

أها قول تم طردهم (ولو إنو ده حق لايملكه احد هنا)
المكسب شنو؟

نؤيد و بشدة..
تفتكر إغلاق الموقع في السودان ما عنده علاقة بهؤلاء الرباطة الاسفيريين!!!
.. الموقع مؤثر و مؤثر جداً و الدليل محاولات التهكير المتكررة و حجبه في السودان..
بل عمدوا إلى تأسيس موقع شبيه بسودانيزاون لاين بس بدل دوت كوم عملوه دوت اس دي
www.sudaneseonline.sd
و كنت في بداية الثورة قد طرحت نفس الفكرة لعدم استثاغتي قلة ادبهم و استخفافهم
بل و تحريضهم على القتل و يستهزؤن بالطالبات و الطلبة العزل الذين خرجوا ليجاهروا بحقوقهم
القضية ليست قضية ديمقراطية او حوار القضية أخلاقية في المقام الاول..
، هؤلاء مجرمون مثلهم مثل نافع و قوش بل و مثل (الشئ) الذي أسموه رئيس الجمهوية
هؤلاء تصرف لهم رواتب ليكتبوا هنا في المنبر هم ليسوا أصحاب فكر او هواة فقط ...بل موظفون..
و يحاسبون على (الدوام) في المنبر..
نفس الطرح قد قدمته في بداية الثورة كما ذكرت( و على فكرة دي أول مرة يرد فيها مسمى رباطة لهؤلاء)
و الذي أنتشر و أصبح الأسم الرسمي لعملاء النظام.. على هذا الخيط:
نصرة للثوار أعزلوا المحرضين على القتل رباطة ومأجوري النظام بالمنبر

لا

قادرون على إفحامهم


الباقر موسى

يا اخو ي الباقر موسى

Quote: قادرون على إفحامهم

ديل مفحمين براااهم..

الاخ صابر سلام
وسؤال:
كم عدد من تريد طردهم؟
الكيزان بالمنبر اقل من 7% !!!
وشوف الجقلبة المسببنها ليك قدر شنو؟؟؟؟
ده لانه الحق ابلج

شكرا لمن وقف مع الحقوق

ونصيحة ليك يا صابر
اذا لم تكن لك القدرة لمواجهتهم (لضعف في امكانياتك، او قدراتك) فدع الساحة لغيرك

نعم لطرد الرباطة والكيزان وتجار الدين من هذا الموقع على الاقل فى هذة الايام,خصوصا وان الموقع محظور فى الداخل من قبل جهاز القمع,وبالمقابل تم فتح المواقع الاباحية فى السودان ,قال دستور اسلامي قال

Quote: ديل مفحمين براااهم..

طيب بتبطبطوا مالكم

ما تركزوا

وتستمر المنازلة

بين الحق والباطل

اركزوا

لا لطرد أي شخص مهما كان فكره

هل عجزنا عن احتمال هذا التمرين الديموقراطي الخفيف ؟

دعوة لتفعيل المادة (17) من قوانين المنبر العام

Quote: ء -17- الفصل الفوري لكل من يهدد بالـقـتـل أو يدعو إلى قـتـل أو اغـتـيـال أي شخص أو نـشـر مادة تدعو إلى، أو تؤيد، ذلك. ولا يجوز منح ذلك الشخص العضوية مرة أخرى تحت أي مسوِّغ.

أخي الحبيب أبو عبيدة
لك كل الود والمحبة ..

Quote: نؤيد و بشدة.. تفتكر إغلاق الموقع في السودان ما عنده علاقة بهؤلاء الرباطة الاسفيريين!!! .. الموقع مؤثر و مؤثر جداً و الدليل محاولات التهكير المتكررة و حجبه في السودان.. بل عمدوا إلى تأسيس موقع شبيه بسودانيزاون لاين بس بدل دوت كوم عملوه دوت اس دي www.sudaneseonline.sd و كنت في بداية الثورة قد طرحت نفس الفكرة لعدم استثاغتي قلة ادبهم و استخفافهم بل و تحريضهم على القتل و يستهزؤن بالطالبات و الطلبة العزل الذين خرجوا ليجاهروا بحقوقهم القضية ليست قضية ديمقراطية او حوار القضية أخلاقية في المقام الاول.. ، هؤلاء مجرمون مثلهم مثل نافع و قوش بل و مثل (الشئ) الذي أسموه رئيس الجمهوية هؤلاء تصرف لهم رواتب ليكتبوا هنا في المنبر هم ليسوا أصحاب فكر او هواة فقط ...بل موظفون.. و يحاسبون على (الدوام) في المنبر.. نفس الطرح قد قدمته في بداية الثورة كما ذكرت( و على فكرة دي أول مرة يرد فيها مسمى رباطة لهؤلاء) و الذي أنتشر و أصبح الأسم الرسمي لعملاء النظام.. على هذا الخيط: نصرة للثوار أعزلوا المحرضين على القتل رباطة ومأجوري النظام بالمنبر

معليش أنا ماشي الشغل الآن
ح أجيك راجع ببال رايق

شكرا ليك على الدعم والمؤازرة ..
أبقى طيّب ..

الأخ الكريم حيدر
سلامات

Quote: أها قول تم طردهم (ولو إنو ده حق لايملكه احد هنا) المكسب شنو؟

أنا طبعا إفترضت إنه ده منبر حر
ولآنه نحن أحرار من كل سوء يكبلنا
ونأتي هنا بطوع إختيارنا ولسنا مدفوعي الأجر
فيبقى المنبر ده حقنا .. ياخي

المكسب إنه ح يتم عزلهم
المكسب إنه ح نمنع الدعاية المضادة وتكسير المقاديف
المكسب إنه ح تنجح الثورة
المكسب إنه ممكن يقيفوا ويسألوا نفسهم ليه عزلوهم
المكسب إنه ممكن يراجعوا مواقفهم
المكسب إنه ممكن نكسب مواطنين صالحين
زي ما قالت الأخت هدير
ده إذا عفونا عنهم وعن إذلالهم لشعبنا طيلة 23 عاما كالحات

شكرا ليك
وأتمناك بخير ..

ناصر ود أخوي الصنديد

Quote: نــــــــعم يجب طرد الكيزان لانهم قتلة لانهم لا يعرفون معنى الحرية لانهم مطبلين للتعذيب

ليهم يوم ويدفعوا تمن إستهتارهم بأرواح وأرزاق الناس
ياخي هم ما يعملوا منبرهم براهم
ويشوفوا كان في زول جاهم ولا سألهم ..

لواييييق يا خي ..


كن بخير
دائماً

الأخت الكريمة هدير
تحية طيبة ..

Quote: وليه؟؟!! طبعآ لا وألف لا ولا أعتقد أن صاحب المنبر سيرضى أو سيقبل بأي إقصاء للآخر وإن إختلفت الرؤى! ودا الفرق بينا وبينهم .. من الأجدى أن نجتهد لطرد الحية الكبيرة عن السودان قاطبة، بدلآ عن طرد قلة إسفيرية أعتقد أن لا حول لها ولا قوة. وهم/ن حتمآ يعانون كأهلي وأهلك في السودان، بس باقي ليهم شين يعلنوا الأوبة والتوبة عن ومن الحرامية اللصوص الأفاكين تجار الدين .. دعهم باقون أخوة وأخوات أعزاء بيننا فلربما عادوا إلى جادة الصواب نأمل ونتمنى! لك التحية _____ How people treat you is their Karma How you react is yours L.H

الناس ديل إذا كان زي ما بتقولي
لاحول لهم ولا قوة
ما في حاجة بتجبرهم يدافعوا عن نظام فاسد ومهتريء ..
وزيك أتمنى كل زول فيهم يراجع نفسه ومواقفه
والله نخته في راسنا من فوق ..
ولك من التحايا أحسنها يا أختي ..
شكرا ..

نجي لصاحبي الكتّاب هيثم
أنا والله طيّب وأتمناكم كلكم طيبين وسالمين ..

Quote: سلامات صابر وعساك طيب اضافة للاسباب الذكروها الشباب و كلام ودالقاضي - حسب ما فهمت من كلامك دعوتك للطرد مبنية علي فرضية انو الكيزان في المنبر بعيقوا الثورة و الثوار ودي زاتها مبنية علي فرضية انو المنبر مؤثر اساسي علي الثورة في الارض شخصيا ما عارف بالضبط مدي تأثير المنبر علي الناس في الواقع والثورة لانو مافي دراسة واضحة - لكن من انطباعي المنبر ما عندو تاثير مباشر بالواقع --والثوار زاتم ما بتأثروا بالحاصل في المنبر و ممكن يكونوا ما عارفين زاتو الحاصل هنا !- دي من ناحية من ناحية تانية المنبر بالتأكيد بأثر علي النظام - كحالة طبيعية لانهم اصلا ما دايرين زول يتكلم ! والتمييز بين التاثير علي الثورة وواقع الناس والتاثير علي النظام بصورة عامة مهم جدا جدا في نظري و دائما بلاحظ انو لو في زول فتح بوست ضد الثورة كتيرين من ناس المنبر بفتكروا انو دا بأثر علي الثورة طبعا ممكن يأثر علي الموود والمد الثوري داخل المنبر لكن ما اظن يأثر علي الموود الثوري بتاع الناس في الواقع ! بمعني اخر : المنبر امتداد للواقع وليس العكس !- لكن عشان معظمنا بنعتبر المنبر "واقعنا " في المنافي بنفتكر الواقع الحقيقي امتداد لينا !! بخصوص سؤالك : لو كنت مقتنع انو الخروج للمظاهرات كان المنبر زي ونوباوي والله كنت بأيد اقتراحك طوالي واضحي ليك "بالديمقراطية" زي الما حصل شئ --- وبعدين في حاجة مهمة نسيت اقولها ! : لو المنبر بقي منطقة محررة احتمال الحرب تقوم بين الاشقاء ! وجود ممثل للعدو في مكان قريب -مهم ياخ للتماسك

دي كتابة مريحة ومبهجة للنفس يا هيثم ..
أتمنى من كل قلبي إنو التحليل ده يكون صحيح
ومخاوفنا كلها ما عندها أساس على الأرض ..
شكرا كتير على مدّنا بهذه النفحة من الطمأنينة
وبعد ده حقيقي الواحد يطمئن على الثورة والثوار
شكرا ..

عزيزي الفاضل ود القاضي
تحية ومحبة

Quote: مادام اننا بنؤمن بالديمقراطية كحق لنا وعلينا فانا مازلت ارى عدم طرد الكيزان من المنبر .. بعدين نحن ذاتنا باى صلاحية نطرد زول من منبر لنا ماله فيه من حق ؟!! ده منبر له صاحب وهو اليقرر يطرد منو ويخلي منو .. بعدين نحن ذاتنا عايزنهم عشان نرصد تحركاتهم ونعرف هم وين عشان لو اتحرر السودان نقدر نلقطهم واحد واحد وانا من جدة مسئول اجيب ليكم البشير دفع الله (نظره ضعيف ) وعمك قرشوم (راجل كبير ) واصحاب العضلات نخليهم لرفاعي حجر ومحمد حسن العمدة .. تحياتي ،،

شوف الصحفي ده كاتب شنو ؟؟
الراجل ده أصدر أمر إعتقال أخونا محمد فول من على صفحات الجريدة
وهم الإتنين دفعة وأصحاب حسب زعم الصحفي الأمنجي ..
يا صاحبي الناس ديل بيضربوا من تحت الحزام
شغلهم كله تحسس وتجسس
نحنا ناس الله ساكت - الواحد بيتعامل حسب نيته وتربيته
أنا امبارح وبعد الحادثة بتاعت محمد فول دي
دخلت صفحتي في الفيبسوك قلت افلفلها تِفلفل
عليك أمان الله ألقى ليك واحد من الـــ subscribers - عمر البشير شخصيا (طبعا واحد عامل صفحة بإسمه)
دخلت عليهو ألقى ليك زولي بيحرّض ضد المتظاهرين ويدعو لضربهم
ديل يدخلوا ليك من اي حتة - الله يكرمك - بس ما تغفل ..
تحياتي وشكرا على الــ offer بتاعك
لكن صدقني أنا ح أكون أكتر زول متسامح
وأول زول يقول ليهم "إذهبوا فأنتم المطاليق"
بس خلي النقلبها أول شي

عزيزي الفنان أحمد العربي

Quote: لا نوافق طبعا

كان بقت علي أنا كمان موافق
تتخيّل إنه أنا أكون بوافق على الشكل ده
من التواصل الإجتماعي ؟؟
لأ والله يا صاحبي
أتمنى إنه ده يكون حقيقي وطن مصغّر يسع الجميع
لما الوطن الكبير برضو يكون حقيقي ويسع الجميع ..


تسلم
وشكراً على إنك ما زلت تحتمل الآخر رغم أذيته الكبيرة

الأخ الكريم ياسر

Quote: الاخ صابر لا اوافق علي طردهم من المنبر ولكني افضل مقاطعت بوستاتهم تماما. هم مجرمون يستحقون الطرد من رحمة الله وليس من المنبر.ولكن الحرية لنا ولسوانا دعك منهم فهم قلة ساقطة لقد دنت ايامهم وارهاصات سقوطهم لاحت بشائرها. تحياتي.

مقاطعة البوستات نادى بها البعض
لكن شوف زي البوست ده معمول بحرفية عالية كيف ؟؟
بعد أربعون دقيقة فقط من الآن في أُمدرمان ستدور أحداث لعبة الموت
البوست ده نزل قبل صلاة الجمعة الفاتت بحوالي نصف ساعة
الناس الدخلوا البوست لغاية مواعيد الصلاة والمظاهرات
كانوا أكتر من 800 شخص
شوف العنوان ذو الحدين ده !!!
إرهاب وكباب في نفس الوكت ..
والله دي غوبلز ذاتو ما تخطر على باله
تحياتي ونتمنى معك ومع حمّيد إنه :

.. تكون حانت مواعيدك
يكون وكت المطر قد جا
وشرق ضوّا البلد عيدك
وطابت نسمته العرجا
ونكون يا طيبة تمّينا
بدينا ولفنا .. غنينا
الغنا الراجا ..

محمد فرح

Quote: هههههههههههههه أحلى بوست والله خلاص غلبك الحوار قمت على الإقصاء مهما لبستوا من ماسكات فإن حقيقتكم البشعه تأبى إلا أن تطل بوجهها القميء قاعدين ليك في قلبك

شوف لما الزول يحاول يتحاور مع ممثلي الحكومات بيحصل شنو ؟؟
إنتوا بتعرفوا تحاوروا ؟؟

http://youtu.be/QVZTd-O1RhQ

dear sis Rehab
salamat

Quote: No, I do not agree This is no way to make things better

I absolutely respect your views
??just answer this to yourself: would you befriend anyone of them, if yes; do you fully trust them
: or let us put it this way
??do you have any of them in your friends' list in the facebook or whatever
??if not; why

أخي العزيز أنور
تحياتي والسلام

Quote: أخي صابر و الله الكل يعاني معاناة المريض مع المرض ولكن هذه ثمن الديموقراطية الحقيقية كما اوضحت الاخت بنت الجنيد

ثمن باهظ يا أخوي - ندفعه ونحن صاغرون
ولكن أعتقد إنه المساواة تأتي قبل الديموقراطية
والناس ديل مسخرّين الدولة كلها ومواردها لخدمتهم
والدفاع بإستماتة - البشير is desperate - هو عارف إنه لو قلعوه ح يدفع التمن غالي - وعلى لاهاي طوالي
عشان كده ما ح يسيبها بأخوي واخوك - الناس البيقولوا إنه يسلم السلطة ديل بيحلموا بس - يا كمان بيحلموا
وبالمقابل نحن عندنا شنو غير شوية النفاجات الحرة المتاحة دي وكمان عايزين يزاحمونا فيها
لآ - ويحاربونا من خلالها وبأدواتنا ذاتها - معقولة بس ؟؟
شكرا أخوي ..

Quote: .. تكون حانت مواعيدك يكون وكت المطر قد جا وشرق ضوّا البلد عيدك وطابت نسمته العرجا ونكون يا طيبة تمّينا بدينا ولفنا .. غنينا الغنا الراجا ..

تسلم اخي صابر وقريب ان شاء الله.

اطردوهم شرذمه فاسده ومعفنه

دا منفذنا الوحيد ومنبرنا الوحيد لايصال صوتنا

وحتى الموقع دا قفلوهو فى السودان واصبح الموقع

معطل من ايصال رسالتنا .. كيف نخليهم ؟

هم طردوا كل الشرفاء من اعلامهم الفاسد

يجب طردهم خونة فاسدين

Quote: dear sis Rehab salamat I absolutely respect your views ??just answer this to yourself: would you befriend anyone of them, if yes; do you fully trust them : or let us put it this way ??do you have any of them in your friends' list in the facebook or whatever ??if not; why Saber

Salamat ya Saber and hope you are well

In answering your questions above, by the great tradition of asking back:z

would I befriend any of them?z
Would I befriend anyone who is not from the"them" category?x
what do you mean by "befriend"?z

do I fully trust "them"?z
do I fully trust anyone?z
what do you mean by "fully trust"? what do you mean by "them"x

Do i have any of "them" in my friends' list in facebook or otherwise?x
do I have all those I trust in facebook or other social network?x
what does it mean to have someone on my social network? how does that relate to trust?z

If not, why?x
if yes, why?x
why not?x

In short - you are trying to proxy something by those questions that is not clear to me. In my view, EXCLUSION of others cannot be justified by any reason.z
Now, you answer me this one question please, which someone already asked above: what do you gain by excluding "them"?x

PS your use of the term "them" reminds me of a great show called Lost, where the different factions living in an Island, called each other "the others"z
و الله انا خايفانا نكون ميتين كلنا، نحن و هم زي نهاية لوست ده، و ما جايبين خبر - كان جوه السودان او بره السودان :)

لا اوافق على طردهم
ولكنني مع تعريتهم وفضحهم هنا وفي كل مكان
و اذا كنا ننادي بالديمقراطية فالنبدأ بأنفسنا
اقدر غضبة البعض على الكيزان واتفهم دوافعها تماماً
ولكننا اذا مارسنا سياسة العزل والإقصاء فلن تتوقف
تلك الممارسة على الكيزان وحدهم و سنرسب بجدارة في
اي ممارسة حقيقية للديمقراطية في المستقبل.