|
|
 ساعدوا اخاكم مستشار رئيس الجمهورية @ ينوبكم ثواب ؟
|
في قناة الفضائية السودانية قبل يومين استضاف مقدم البرنامج ثلاثة شخصيات سياسية عامةاولهم السيد/ حسبو محمد (مؤتمر وطني) و د. احمد بلال عثمان (اتحادي ديمقراطي) وثالثهم من الحزب الاتحادي الديمقراطي الاصل، طبعا ال3 لديهم مقدرة فائق علي حرق الدهون الثلاثية في اقل من نصف دقيقة، احدهم يتمتع ببرود اعصاب فائق يذوب الجليد في القطبين ولا يذوب هو، والثاني تفوق علي ابن سلول، اما سعادة المستشار، كل الناس ديل كوم وسعادتو كوم براه، الزول ده قال انو بيعاني معاناة اكتر من معاناة الشعب، وانو راتبو الاساسي 2 مليون جنيه(بالقديم) والبدلات تصل لي 5 مليون (قديم برضوا) والدولة بتديهو 5 جالون بنزين اسبوعيا، وهو بيخت عليها من جيبو 15 جالون اسبوعيا،،
|
|
 
|
|
|
|
|
|
|
|
Re: ساعدوا اخاكم مستشار رئيس الجمهورية @ ينوبكم ثواب ؟ (Re: جمال المنصوري)
|
صاحبنا التالت ده
ملك اكتر من الملكيين زاتو ده قال: دولة الجنوب ديدولة حاسدة.. اول مرة اعرف انو في مصطلح سياسي اسمو (حاسدة) قال انو ولة عارفها انو مافي اي بديل لنقل البترول ده غير الخط بتاعنا ده، وبرغم ده وقفت البترول عشان نحن ما نستفيد) طيب يا صاحب السيادة: ما سمعت بي مصطلح ازلال الدول) يعني انت داير تزل الجنوبيين وتفرض عليهم شروطك وعايزهم يصفقوا ليك؟ ما لازم يورو نجوم الليل في عز الضهر، تاني هام: الدولة الفيها 66 مستشار لي وزير لي وزير دولة ما عندها واحد عاقل يقول ليهم (لو ما عندكم بديل لي بترول الجنوب ما تتعنتروا في الفاضي) والمثل بقول(جرادة في الكف ولا عشرة علي الشجرة)
| |
|
|
|
|
|
|
|
|
|
Re: ساعدوا اخاكم مستشار رئيس الجمهورية @ ينوبكم ثواب ؟ (Re: جمال المنصوري)
|
اما الحبيب الحسيب الاريب / حسبو
فده طمنا تطمين شديد قال ( انا شايف بشريات في المستقبل) تخيلوا اربعة عشرين سنة ابتلاءات ياكلهن عشرون سنة بشريات، يعني بعبارة اخري (حسب ظن اخونا حسبو) الناس دل قاعدن تاني اربعة عشرين سنة (يعني المجموع 48 سنة) كدي كل واحد فيكم يتخيل الناس ديل قاعدين تاني 24 سنة، ويتصور حالا كيف؟
الاربعة وعشرين سنة الماتت كان شعارها (هي لله،، هي لله) (ناكل مما نزرع ونلبس مما نصنع) وزي ما شايفين بقينا ناكل من القروض، ونلبس من التبرعات...
شعار المرحلة القادمة (تطبيق الريعة) والنهضة الزراعية...
الله هونيني
| |
|
|
|
|
|
|
|
|
|
Re: ساعدوا اخاكم مستشار رئيس الجمهورية @ ينوبكم ثواب ؟ (Re: البحيراوي)
|
[Bالأحباب
هاني، وهشام، والبحيراوي
تحية طيبة
شكرا علي مروركم الكريم، كما انني اتأسف للتأخر في الرد لبعض المشغوليات
نجي لي حبيبنا المستشار: (اجمالي راتبو 7 مليون جنيه سوداني، قول خصمنا منها اتنين مليون جنيه، لزوم فرق البنزين، يتبقي ليهو صافي: 5 مليون، لمن نخصوم منها الكهرباء، والايجار (اذا كان ما عندو بيت) ورسوم تعليم الاولاد والذي منو، قول تجي في اتنين تلاتة مليون كده، الباقي ده اكل وشراب ساكت...
هو واحد من اتنين:
1- ما عارف المستوي المعيشي لبقية الشعب الفضل.
2- او عارف ومطنش..
يا سيادة المستشار: في ناس ماعندها مرتب من اصلو، لكن كدي تعال شوف معانا بس المعاشيين الواحد راتبو ما بفوت التلاتمائة الف (بالقديم) وفيها كل الحاجات الانت صرفتها ديك بما فيها البنزين،ـ لأنو بيتوصل بالموالصلات العامة، ودي يا سيادة المستشار بالميت كدي تدخل لهيا في الف الفين يوميا، خليك من مواصلات الاولاد وام الاولاد..
كدي عليك الله يا سيادتو ضرب لينا كده ممكن يوفر منها كم، علما بانكم تمتلكون (علي اقل تقدير) بدلة وكرفتة ومنطلون، وقميص، وجزمة ، وساعة يد،، اما اخونا داك، لا يمتلك غير جلابية مرقعة، وسفنجة قديمة، وحبل رابطو فوق شعروه، يسمونه عمة (مجازا) ولو شاف ابوه في المواصلات، بيعمل نايم عشان كان دفع لأتنين، بيجي راجع كداري..
مع التحية
/
| |
|
|
|
|
|
|
| |
جمال المنصوري
Hani Arabi Mohamed
Hisham Ibrahim
البحيراوي
فيس بوك
تويتر
انستقرام
يوتيوب
بنتيريست