قبل اسبوعين وثورة اللساتك المحروقة فى عزها خرج الترابى لحضور مناسبة ..

والمناسبة كانت اجتماعية اراد الترابى استغلالها وبعد الغداء مباشرة

اراد الترابى ان يعبئ الناس الذين تكوموا امامه بناء على توجيهات

صاحب المناسبة فارغى وازبدوذكر الناس بالغلاء والجوع

وليت فمه لم يلوك كلمة (الجوع )

اذ انتفض الحضور بمجرد ذكره لكلمة الجوع وقالوا له .: قول اى شئ اخر غير الجوع . احنا والله ما جوعانين

ثم استرسلوا فى تقريعه : بعدين الناس ديل ما جبتهم انت الليلة داير تشيلهم ؟

وكلام كتير سمعو الترابى من الغبش

ولما احتار فى امرهم سخر منهم وغادر المكان وهو يصرخ فى وجوههم : ( والله انتو الهوبا ما تقلبوها خلى تقلبو الحكومة )

وغادر المكان غير مرحب به