Post: #1 Title: شزيييييييت يا شيخ علي عثمان... والله صحي... Author: معاوية المدير Date: 07-04-2012, 10:59 AM
أضحكو مع شيخ علي...
Post: #2 Title: Re: شزيييييييت يا شيخ علي عثمان... والله صحي... Author: معاوية المدير Date: 07-04-2012, 11:01 AM Parent: #1
Quote: علي عثمان : الحكومة متمسكة برفضها التعامل بالربا علي عثمان : الحكومة متمسكة برفضها التعامل بالربا الإنقاذ ربطت الناس بمفاتيح خزائن الله 07-04-2012 10:44 AM
كشف النائب الاول لرئيس الجمهورية علي عثمان محمد طه ، مساء أمس ، لدى مخاطبته مشايخ الطرق الصوفية بمحلية بربر ، ضمن برنامج زيارته لولاية نهر النيل التي تختتم اليوم (الأربعاء) عقب إجتماع مع حكومة الولاية بمدينة عطبرة ، عن تجديد ثورة الانقاذ لنفسها بعد (23) عاما على ذكرى تسلمها مقاليد الحكم في السودان ، من خلال مراجعتها للخطط وإعادة ترتيب اولوياتها ، والإستعداد للفترة المقبلة ، على حد قوله ، الذي جدد تمسك الحكومة بالنهج الإسلامي في إدارة شئون الدولة ورفض التعامل بالربا بالقروض الاجنبية والمنح المالية . وقال إن كل عهد قطعناه لتطوير وتنمية كل ولايات البلاد لا رجعة فيه ، وان الانقاذ اذا عاهدت اوفت ، وتجتهد للإستجابة لكل المشاريع التي تطور النهضة الزراعية . وذكر النائب الاول الاوضاع الإقتصادية التي سبقت مجئ الانقاذ وقال : " علينا ان تنذكر حينما جاءت الإنقاذ لم تجد خزانة مملوءة ، بل كانت خاوية وقليل من الزاد واقل منه في الوقود ، ولم ترث الإنقاذ ارصدة اجنبية ، ولم تبع الانقاذ نفسها لأجنبي او مستعمر ، وإتجهت لتخرج الناس من العترة وربطتهم بالمفاتيح التي تفتح خزائن الله ، ولا تراجع عن شرع الله ومنهجه وتحكيمه في الحياة .
Post: #3 Title: Re: شزيييييييت يا شيخ علي عثمان... والله صحي... Author: معاوية المدير Date: 07-04-2012, 11:09 AM Parent: #2
Quote: جدد تمسك الحكومة بالنهج الإسلامي في إدارة شئون الدولة ورفض التعامل بالربا بالقروض الاجنبية والمنح المالية .
معقولة يا شيخنا !!! يا زول إنت جادي ؟؟؟ هذا الرجل كاد أن يقول لنا، ما أريكم إلا ما أرى، وما أهديكم إلا سبيل الرشاد.
يا مان، النهج الإسلآمي دا وين، ورفض التعامل بالرباء دا وين؟؟؟ عليك الله نورنا لو سمحت...
Post: #4 Title: Re: شزيييييييت يا شيخ علي عثمان... والله صحي... Author: معاوية المدير Date: 07-04-2012, 11:13 AM Parent: #3
Quote: وقال إن كل عهد قطعناه لتطوير وتنمية كل ولايات البلاد لا رجعة فيه ، وان الانقاذ اذا عاهدت اوفت ،
معقولة بس !!!؟ الإنقاذ إذا عاهدت أوفت !!! يا شيخنا عليك الله المرّة الجاية المحل البتغير فيهو دمّك دا شوف غيرو. عشان دمّك بقى خفيف أكتر من اللآزم. والله صحي...
Post: #5 Title: Re: شزيييييييت يا شيخ علي عثمان... والله صحي... Author: معاوية المدير Date: 07-04-2012, 11:18 AM Parent: #4
Quote: وإتجهت لتخرج الناس من العترة وربطتهم بالمفاتيح التي تفتح خزائن الله ،
غايتو جِنِس دروشتاً عليك يا شيخنا !!!
Post: #6 Title: Re: شزيييييييت يا شيخ علي عثمان... والله صحي... Author: jini Date: 07-04-2012, 11:28 AM Parent: #5
Quote: دد تمسك الحكومة بالنهج الإسلامي في إدارة شئون الدولة ورفض التعامل بالربا بالقروض الاجنبية والمنح المالية .
فى حكومة دخلوها النار او الس 40 مليار ديون السودان وصلت كيف! مسكتوا البلد مساحتها مليون ميل مربع بقت 700 الف ميل مربع الدولار بي 12 بقى 6000 جنيه الديون 12 مليار بقت اربغين مليار! الزول دا سمعت حطابه فى الراديو بطني طمت من الكضب جنى !
Post: #20 Title: Re: شزيييييييت يا شيخ علي عثمان... والله صحي... Author: محمد الكامل عبد الحليم Date: 07-05-2012, 07:19 AM Parent: #6
تحية....
نحن يا جني في حالة غثيان مستمرة من (كلامات) علي عثمان ...
ده فات حد التغبيش ...للتطليش يا تري ام التطفيش...
لا حول ولا قوة الا بالله....اللهم عليك بهم فهم لا يعجزونك...
Post: #7 Title: Re: شزيييييييت يا شيخ علي عثمان... والله صحي... Author: معاوية المدير Date: 07-04-2012, 11:31 AM Parent: #5
Quote: ولا تراجع عن شرع الله ومنهجه وتحكيمه في الحياة .
Post: #8 Title: Re: شزيييييييت يا شيخ علي عثمان... والله صحي... Author: معاوية المدير Date: 07-04-2012, 12:16 PM Parent: #7
Quote: فى حكومة دخلوها النار او الس 40 مليار ديون السودان وصلت كيف! مسكتوا البلد مساحتها مليون ميل مربع بقت 700 الف ميل مربع الدولار بي 12 بقى 6000 جنيه الديون 12 مليار بقت اربغين مليار! الزول دا سمعت حطابه فى الراديو بطني طمت من الكضب جنى !
يا جني يا اخي ما تتكلم ساكت. الشيخ دا كُشفت له الحُجب، فهو يرى ما لا ترون، ويسمع ما لا تسمعون، وإن قال وجب تصديق قوله، ولا يخالفه إلا أحد إثنين, خارج من المِلة، أو مُنكر وكِلآهما مصيره إلي النار.
Post: #9 Title: Re: شزيييييييت يا شيخ علي عثمان... والله صحي... Author: jini Date: 07-04-2012, 12:26 PM Parent: #8
Quote: يا جني يا اخي ما تتكلم ساكت. الشيخ دا كُشفت له الحُجب، فهو يرى ما لا ترون، ويسمع ما لا تسمعون، وإن قال وجب تصديق قوله، ولا يخالفه إلا أحد إثنين, خارج من المِلة، أو مُنكر وكِلآهما مصيره إلي النار.
والله صحى! لانه شغله شغل عايش فى ملكوت تاني جنى
Post: #10 Title: Re: شزيييييييت يا شيخ علي عثمان... والله صحي... Author: أحمد الشايقي Date: 07-04-2012, 03:07 PM Parent: #9
Quote: مسكتوا البلد مساحتها مليون ميل مربع بقت 700 الف ميل مربع الدولار بي 12 بقى 6000 جنيه الديون 12 مليار بقت اربعين مليار!
Post: #11 Title: Re: شزيييييييت يا شيخ علي عثمان... والله صحي... Author: محمد أحمد الريح Date: 07-04-2012, 03:42 PM Parent: #10
ود المدير بعد التحية
فعلاً كلام يدعو إلى الضحك كما الفيديو المعبر!!!
Post: #12 Title: Re: شزيييييييت يا شيخ علي عثمان... والله صحي... Author: عمر الفاروق عبد الله الشيخ Date: 07-04-2012, 05:54 PM Parent: #11
شيخ علي خرف
البشير دستر
ونافع ودر
والطفل المعجزة أشتر
Post: #13 Title: Re: شزيييييييت يا شيخ علي عثمان... والله صحي... Author: معاوية المدير Date: 07-04-2012, 10:56 PM Parent: #12
Quote: والله صحى! لانه شغله شغل عايش فى ملكوت تاني جنى
يا جني، هذا الشيخ يعيش في اللآ مكان حيث ينعدم الزمان، وتذوب الأشياء في سرمدية الديمومة الأبدية. عالمه غير عالمنا، وتفكيره لا يخضع للمحدودية. شرابه فاكهةً وأبا. تعصره له حوريات بحر سرآب الخلود. هذه صورة لمحاولة تقريب شكل الملكوت الذي ذكرت لأذهاننا، فالوصف الكامل لا تستوعبه عقولنا المحدودة.
ايه رايك أنا ما فاهم حاجة من الكلآم الكتبتو دا. والله صحي...
Post: #14 Title: Re: شزيييييييت يا شيخ علي عثمان... والله صحي... Author: معاوية المدير Date: 07-05-2012, 00:17 AM Parent: #13
أحمد الشايقي، سلآمات.
أعمل حسابك ما تقعد تكوّت في كلآم جني، شيخ علي دا بيسختك. والله صحي...
Post: #15 Title: Re: شزيييييييت يا شيخ علي عثمان... والله صحي... Author: معاوية المدير Date: 07-05-2012, 04:11 AM Parent: #14
Quote: ود المدير بعد التحية
فعلاً كلام يدعو إلى الضحك كما الفيديو المعبر!!!
محمد أحمد الريّح، سلآمات.
غايتو وآحدة في إتنين يا ود الريّح، يا الزول دا إتلحس، يا بلغ أكبر مدى من الإستخفاف بعقول الشعب السوداني. غايتو أنا بميل للرأي البيقول، الزول دا معصُوّر بالحيل...
Post: #16 Title: Re: شزيييييييت يا شيخ علي عثمان... والله صحي... Author: مريم الطيب Date: 07-05-2012, 06:03 AM Parent: #15
Quote: الذي جدد تمسك الحكومة بالنهج الإسلامي في إدارة شئون الدولة ورفض التعامل بالربا بالقروض الاجنبية والمنح المالية .
يتكلم المجنون ويتصنت العاقل
Post: #17 Title: Re: شزيييييييت يا شيخ علي عثمان... والله صحي... Author: المر Date: 07-05-2012, 06:09 AM Parent: #16
..غايتو أنا بميل للرأي البيقول، الزول دا معصُوّر بالحيل...
Post: #18 Title: Re: شزيييييييت يا شيخ علي عثمان... والله صحي... Author: المكاشفي الخضر الطاهر Date: 07-05-2012, 06:21 AM Parent: #16
لاتحلموا بعالم سعيد
Post: #19 Title: Re: شزيييييييت يا شيخ علي عثمان... والله صحي... Author: Ashraf el-Halabi Date: 07-05-2012, 06:33 AM Parent: #18
Post: #21 Title: Re: شزيييييييت يا شيخ علي عثمان... والله صحي... Author: Mudather Kunna Date: 07-05-2012, 07:41 AM Parent: #19
Quote: وذكر النائب الاول الاوضاع الإقتصادية التي سبقت مجئ الانقاذ وقال : " علينا ان تنذكر حينما جاءت الإنقاذ لم تجد خزانة مملوءة ، بل كانت خاوية وقليل من الزاد واقل منه في الوقود ، ولم ترث الإنقاذ ارصدة اجنبية ، ولم تبع الانقاذ نفسها لأجنبي او مستعمر ، وإتجهت لتخرج الناس من العترة وربطتهم بالمفاتيح التي تفتح خزائن الله ، ولا تراجع عن شرع الله ومنهجه وتحكيمه في الحياة .
كلام زول درويش ساكت والله صحى
Post: #22 Title: Re: شزيييييييت يا شيخ علي عثمان... والله صحي... Author: معاوية المدير Date: 07-05-2012, 11:42 AM Parent: #21
Quote: تحية.... نحن يا جني في حالة غثيان مستمرة من (كلامات) علي عثمان ...
ده فات حد التغبيش ...للتطليش يا تري ام التطفيش...
لا حول ولا قوة الا بالله....اللهم عليك بهم فهم لا يعجزونك...
محمد الكامل، سلآمات.
وحاتك يا ود الكامل بقينا نضرس، وزي الماشلنا فوق ضِريسا، وضروسنا وِرمن. الوآحد فينا بقى كل يوم مخلوع، وحِسو مبلوع، وشرفان ومزلوع. بقينا طاشين ودايشين، وزاتنا ما ناقشين الصاد من الشين، والسمح من الشين!!! الزول دا طالع ينادوهو بالشيخ، ونازل ينادوهو بالشيخ، وهو خلي بالك المكنة مشت فيهو. دآخل في الجلآبية ناصعة البياض، ويوزع في البسمات، ويا دنيا ما عليك إلا أنا. لآمن الفأس وقعت في الراس، وشيخ القوم مسكو أب كباس. حاول يرجع لربنا غلبو، وحاول يرجع للشعب غلبو برضو، فأصبح في هاوية بين الصدفين محمول علي أكتاف شياطين الثقلين، وسينفضو من حوله عما قريب، فيهوي في قاع سحيق.
Post: #23 Title: Re: شزيييييييت يا شيخ علي عثمان... والله صحي... Author: معاوية المدير Date: 07-06-2012, 00:40 AM Parent: #22
Quote: شيخ علي خرف
البشير دستر
ونافع ودر
والطفل المعجزة أشتر
التحية لك أخي عمر الفاروق وأنت تُصنف هاؤلاء البُؤساء. شلة المشاغبين دي علي اليمين عديلهم ماسكاهو الصرعة، وأنا أخشى عليهم بعد كدا من التبوّل في السرير. هسّع عليك الله هضربة شيخو دي ما هضربة زول ظاقي المِلحة؟؟؟
Post: #24 Title: Re: شزيييييييت يا شيخ علي عثمان... والله صحي... Author: معاوية المدير Date: 07-06-2012, 11:58 PM Parent: #23
Quote: يتكلم المجنون ويتصنت العاقل
سلآمات يا مريم الطيّب.
المخير الله يا قول أهلنا. الزول المُدعي دا ناسو قربو يألِهوهو لينا!!!، وهو صدّق إنو تقي ونقي، وصادق. أها عآد في جِن أكتر من كدي ؟؟؟
Post: #25 Title: Re: شزيييييييت يا شيخ علي عثمان... والله صحي... Author: حسن الطيب يس Date: 07-07-2012, 02:27 AM Parent: #24
الشيخ علي ده وصل كدباس ؟ وصلوه قوام قبل ما يفوت الاوان و اكسبوا اجر يا حيرانو قبل ما يجدع
Post: #26 Title: Re: شزيييييييت يا شيخ علي عثمان... والله صحي... Author: معاوية المدير Date: 07-07-2012, 05:13 AM Parent: #25
Quote: ..غايتو أنا بميل للرأي البيقول، الزول دا معصُوّر بالحيل...
وهو كذلك يا المر. إنتهى عهد التكبُر، والتعالي والإنبعاج في الفارغة، وشيخنا دا صِحى فجأة لِقى نفسو قاعد في السهلة. أهلنا قالوا في المثل: البقيف بيقعُد. صدقوا. والله صحي.
تحياتي...
Post: #27 Title: Re: شزيييييييت يا شيخ علي عثمان... والله صحي... Author: معاوية المدير Date: 07-07-2012, 10:08 AM Parent: #26
Quote: لاتحلموا بعالم سعيد
حاااااااااااضِرررررررررررر.
تحياتي...
Post: #28 Title: Re: شزيييييييت يا شيخ علي عثمان... والله صحي... Author: معاوية المدير Date: 07-07-2012, 10:59 AM Parent: #27
يا أشرف أعمل حسابك، لا تمازح شيخ المكاشفي في بوست شيخ علي بيسختوك، وإنت أصلك مسخوت. والله صحي.
تحياتي...
Post: #29 Title: Re: شزيييييييت يا شيخ علي عثمان... والله صحي... Author: معاوية المدير Date: 07-07-2012, 12:23 PM Parent: #28
Quote: كلام زول درويش ساكت والله صحى
والله صحي.
تحياتي مدثر...
Post: #30 Title: Re: شزيييييييت يا شيخ علي عثمان... والله صحي... Author: معاوية المدير Date: 07-07-2012, 10:04 PM Parent: #29
Quote: الشيخ علي ده وصل كدباس ؟ وصلوه قوام قبل ما يفوت الاوان و اكسبوا اجر يا حيرانو قبل ما يجدع
حسن الطيّب، سلآمات.
شيخ الرماد دا أهلنا القادرية كان ما طبوهو الرماد كال حمّاد. والله صحي...
Post: #31 Title: Re: شزيييييييت يا شيخ علي عثمان... والله صحي... Author: جمال خضر Date: 07-07-2012, 11:09 PM Parent: #30
بعد المفاصلة قال عنه الاستاذ حسين خوجلى (محامى مغمور وفاشل)
حاول مؤيدى النظام أن يعملوا من الفسيخ شربات فجعلوا من شيخهم على
عثمان شخصية أسطورية مع أنه يفتقر لأى مقومات تجعله يتبوأ
ذلك المنصب مثله مثل بقية رهطه من البشير ونافع ومن لف لفهم.
شذاذ أفاق أُبتلينا بهم .
مع التحية ود المدير
Post: #32 Title: Re: شزيييييييت يا شيخ علي عثمان... والله صحي... Author: معاوية المدير Date: 07-08-2012, 12:17 PM Parent: #31
Quote: بعد المفاصلة قال عنه الاستاذ حسين خوجلى (محامى مغمور وفاشل)
حاول مؤيدى النظام أن يعملوا من الفسيخ شربات فجعلوا من شيخهم على
عثمان شخصية أسطورية مع أنه يفتقر لأى مقومات تجعله يتبوأ
ذلك المنصب مثله مثل بقية رهطه من البشير ونافع ومن لف لفهم.
شذاذ أفاق أُبتلينا بهم .
مع التحية ود المدير،
ولك مني ألف تحيّة أخي جمال خضر. الزول دا الجماعة نفخوهو نفخة هامان لفرعون. قالوا هامان هو النفخ فرعون، ودخليهو فكرة يقول للناس أنا ربكم الأعلى دي في راسو. أها، قاليك يوم طشمو مع بعض، وهامان دا قالوا كان شيّن وراسو بالحيل ماكن. فرعون وكت الطشمة حكمت معاهو عاين لهمان وقال ليهو: تعرف يا هامان، أنا لمان جيّت أخلق البشر مافي حاجة غلبتني غير راسك الماكن دا. هامان قاليهو: علي هامان يا فرعون. هسّع زولنا دا الجماعة نفخوهو، شبكو ليك مهندس الإتفاقيات، الشيخ الورع، أكتر زول نزيه، أكتر زول تقي...إلخ وهو صدّق مع إنه خاوي علي عروشه، وهايم في فضاء الوهمة. الوآحد يكون الصلآة ما بصليها إلآ قدآم الناس، وشابكنا ليك الشريعة، حُكم الله، لن نتراجع عن تطبيق شرع الله. يا علي عثمان عليك الله إنفجخ في بطن الوآطة دي، علي اليمين إنتو ودين الله خطين متوازيين إلي أن يرث الله الأرض وما عليها لا يلتقيان. هسّع عليكم الله شوفو الطراش الطرشو الزول المابيخجل دا!!! هسّع دا ما كلآم زول يخادع الله، وهو يخدع نفسه؟؟؟. يا زول فوق لنفسك. والله ما أنت إلآ إنسان جاهل، والجاهل عدو نفسه...
Post: #33 Title: Re: شزيييييييت يا شيخ علي عثمان... والله صحي... Author: معاوية المدير Date: 07-08-2012, 12:23 PM Parent: #32
عشان تعرف يا علي عثمان إنّك إنسان كذآب ومنافق. يا علي عثمان إنت خسارة تجيب سيرة الشريعة وحُكم الله في خشمك الذي إعتاد النفاق والكذب.
Post: #34 Title: Re: شزيييييييت يا شيخ علي عثمان... والله صحي... Author: عبدالله احيمر Date: 07-08-2012, 06:25 PM Parent: #33
هسّع زولنا دا الجماعة نفخوهو، شبكو ليك مهندس الإتفاقيات، الشيخ الورع، أكتر زول نزيه، أكتر زول تقي...إلخ
شــــيخ معاويـة ود المديـر
عينتك شــيخي
, اها يا شـيخنا لو ســمحت قبل ما تصـل لـ ( الخ ) دي عاوزك تضيف لي ( ذكي جدا , بل هو اذكى ســوداني )
Post: #35 Title: Re: شزيييييييت يا شيخ علي عثمان... والله صحي... Author: معاوية المدير Date: 07-08-2012, 11:55 PM Parent: #34
Quote: شــــيخ معاويـة ود المديـر
عينتك شــيخي
, اها يا شـيخنا لو ســمحت قبل ما تصـل لـ ( الخ ) دي عاوزك تضيف لي ( ذكي جدا , بل هو اذكى ســوداني )
حواري عبد الله إحيمر، نعلّك طيّب؟؟؟
يا عبد الله إختصاراً لـ.........إلخ دي، الزول دا جُرآب فسو. والله صحي...
