خلق كثير كان مؤيدا للحكومة غير رأيه واصبح ضدها

لاحظت ذلك بنفسى
الحكومة والحزب الحاكم يفقد قاعدة كبيرة من جمهوره
فهناك من كان يدافع عن المؤتمر وحكم البشير بحسن نية وبشدة
لكن فى الآونة الاخيرة تكشفت لهم اشياء وحقائق كثيرة كانت مختبأة عنهم
وتغيروا 180
لقد كشفت لهم الثورة والكتابات الكثيرة فى الشبكات الاجتماعية
فقد كانوا يجهلون كثيرأ
فقمع الحكومة اللا أنسانى للمتظاهرين افقدها قاعدة كبيرة
فمن قال ان ثورة الكيبورد لا تجدى وتعالوا ظاهروا بنفسكم فهذه مجرد تشتيت للكورة..

Quote: لكن فى الآونة الاخيرة تكشفت لهم اشياء وحقائق كثيرة كانت مختبأة عنهم وتغيروا 180

بعد 23 سنة!
غلبتهم العيشة!

وسيخرجون فى الشوارع خروجا يسير بذكره الركبان!
احد المغتربين من الزعاطين الذين كان يستميتون فى الدفاع عن الحكومة بعد ان تزوج وبنى بيتا واشترع عربة من الغربة قرر الرجوع تلبية لنداء الانقاذ وقال تانى كان جيت البلد دى تانى تفوا لى فى وشى!
وتواترت الاخبار ان الرجل قلبوا له ظهر المجن باع عربته ثم بيته ثم طلق زوجته وعاد كما ولدته امه مرة اخرى الى الغربة!!!
جنى

Quote: فهناك من كان يدافع عن المؤتمر وحكم البشير بحسن نية وبشدة لكن فى الآونة الاخيرة تكشفت لهم اشياء وحقائق كثيرة كانت مختبأة عنهم وتغيروا 180

..
لكن في نوعية هنا في البورد دا .. ممكن تخلي الواحد يبقى جيش كامل من عمر البشير ..

امثال الجماعة الشابكننا نطو من السفينة .. الما عندو لستك جواني ما يعوم .. وإلخ
ضف لهم ..
الذين بداءوا بالفعل في توزيع الحقائب الوزارية .. وتوزيع صكوك الغفران .. والظنظير في موقع سودانيزاونلاين .. وفي بعض القنوات الأخرى ..


اني قويتشن ..؟

Quote: .. لكن في نوعية هنا في البورد دا .. ممكن تخلي الواحد يبقى جيش كامل من عمر البشير .. امثال الجماعة الشابكننا نطو من السفينة .. الما عندو لستك جواني ما يعوم .. وإلخ ضف لهم .. الذين بداءوا بالفعل في توزيع الحقائب الوزارية .. وتوزيع صكوك الغفران .. والظنظير في موقع سودانيزاونلاين .. وفي بعض القنوات الأخرى .. اني قويتشن .

انت حى يا زول؟

يا راني ..
وووينك يا زووول .. ؟
والله انا حيي جنس حييييااات .. لكن الجري والطيران بس ..
أخبارك شنو يا مواطن ؟؟

Quote: خلق كثير كان مؤيدا للحكومة غير رأيه واصبح ضدها

ظلمت تمبس ساى ياودالنيل ...الزول ده لاغير رايه ولا تراجي بتديهو صك غفران ..

الزول ده اربطوه في باخرة الانقاذ عشان نمجده زي تايتنك ..

Quote: ظلمت تمبس ساى ياودالنيل ...الزول ده لاغير رايه ولا تراجي بتديهو صك غفران .. الزول ده اربطوه في باخرة الانقاذ عشان نمجده زي تايتنك ..

انت تراجي ستك دي كان ما حشرت اسمها دا في كل بوست ما بترتاح؟

تحياتى النيل ،،

صدقت .. هذا الشعب العظيم فى اغلبه الاعم لايكترث لكثير من الاشياء التى تثار حولها القضايا السياسية .. اما حاجياته الاساسية ومعيشته وقوته فهى من الخطوط الحمراء التى تزلزل اقوى العروش .. فهذه رسالة للحاكمين الان وايضا للقادمين بعدهم .. لن تهنأ لكم السلطة ما لم تأمنوا وباسعار فى مقدرة الجميع كل الحاجيات الاساسية ليعيش المواطن حياة كريمة .. وهذا لعمرى التحدى الاكبر والاهم لكل التيارات السياسية .. والان نتابع البيان بالعمل لم ينتفض الشارع الا بعد اعلان السياسات الاقتصادية التى وكما يقال هبشت اللحم الحى ..

والشعب جسور لكنه صبور .. لكن ليس دائما..

Quote: الزول ده اربطوه في باخرة الانقاذ عشان نمجده زي تايتنك ..

والله يا فايز ما باقي لي الا الربط في سفينة نوح بكري ابوبكر دي ..
...
كان طلعنا مظاهرات ناس ود البشرى ما يريحونـا .. اكان دقينا كاروشة .. يجوك ناس الانقاذ النهري يقولو ليك ما تنط لينا من السفينة دي وهي ماشة خليها تقيف ..

الأه العزيز
jini

Quote: احد المغتربين من الزعاطين الذين كان يستميتون فى الدفاع عن الحكومة بعد ان تزوج وبنى بيتا واشترع عربة من الغربة قرر الرجوع تلبية لنداء الانقاذ وقال تانى كان جيت البلد دى تانى تفوا لى فى وشى! وتواترت الاخبار ان الرجل قلبوا له ظهر المجن باع عربته ثم بيته ثم طلق زوجته وعاد كما ولدته امه مرة اخرى الى الغربة!!! جنى

تعرف يا جنى انا مشيت زيارة للسعودية ولقيت ناس كتااااار مغشوشين فى الحكومة دى..
هم حقيقة ماخدين الامر بعاطفية وبينقصم الاعلام السليم وكثيرين جدا ما شغالين بالأنترنت الشغلة
لعدم معرفة او ضغط العمل
وخاصة المغتربين من شدة الحنين لاهلهم وللسودان بيشاهدوا قناة السودان فقط و بكثرة وشراهة عشان كدا بتلقى الواحد واقع تحت استلاب الكيزان لعقله وبتخيل السودان الحكومة دى مبسطة اهلو خااااالص
والحاجة التانية وهى الاكثر حزنا
السعودية فيها إضطهاد للاجناس
Stereotype وكدا يعنى
والناس مقيمة بدرجات
الامريكى رقم واحدمن ناحية الهرشة منهم والاحترام والتقدير الاجتماعى
السعودى رقم اتنين
اللبنانيين والشوام رقم 3 من ناحية تفضيلهم على السودانيين فى فرص العمل
والسودانيين بعد السعوديين فى التقدير الاجتماعى لكن رقم 4 فى فرص العمل بعد الشوام
المصريين واقعين بعد السودانيين فى الاحترام الاجتماعى ويمكن متساوين معهم او افضل شوية فى فرص العمل
يأتى فى الدرجة بعدهم الباكستانيين
واما بقية الاجناس مثل الهنود والبغال والفلبينيين فحدث ولا حرج فإنهم يعانون من قمة عدم الاحترام
وينظرون اليهم بشكل متدنى خالص ومعاها تريقة
هذه النظرة التدريجية والدونية للبشر واحساس السعوديين تجاههم كأن ليس لهم بلد جعل احساس كثير من السودانيين يحنون لرمز البلد الحاكم بغض النظر من هو
فصادف ان كان البشير فيحن له السودانيون لانه يعطيهم احساس ان لهم بلد كالسعودية ورئيس مقابل الملك كالسعودية
المهم انه احساس سايكولوجى يعطى العقل الباطنى ان لى بلد مثلك ايها السعودى ولى رئيس ودولة
هذا الاحساس بجانب الاستلاب الاعلامى ادى الى عدم التعامل مع السودان بواقعية ولذلك تجدهم يفتخرون بالبشير وحكمه بغض النظر عن عدله او ظلمه
وذلك لان المغترب خارج الشبكة خالص
وحتى عطلاتهم فى السودان كلها دقة سريعة
بتكمل بس فى فاتحات وزيارات للاهل قبل ما يعرفوا الحاصل شنو
ومصاريف الاجازة تخلص وبسرعة سرعة يقوموا فاكين للسعودية
ما يكونوا عرفوا الحكومة كعبة ول كويسة ذاتو
..
عشان كدا لما الواحد يجى ويحاول يستقر فى السودان بيصتدم بالواقع وينكشف له سوء الانقاذ
..
لك التحية على المرور

الأعزاء
tmbis
rani
فايزودالقاضي
شكرا على المرور وابداء الراى

Quote: صدقت .. هذا الشعب العظيم فى اغلبه الاعم لايكترث لكثير من الاشياء التى تثار حولها القضايا السياسية .. اما حاجياته الاساسية ومعيشته وقوته فهى من الخطوط الحمراء التى تزلزل اقوى العروش .. فهذه رسالة للحاكمين الان وايضا للقادمين بعدهم .. لن تهنأ لكم السلطة ما لم تأمنوا وباسعار فى مقدرة الجميع كل الحاجيات الاساسية ليعيش المواطن حياة كريمة .. وهذا لعمرى التحدى الاكبر والاهم لكل التيارات السياسية .. والان نتابع البيان بالعمل لم ينتفض الشارع الا بعد اعلان السياسات الاقتصادية التى وكما يقال هبشت اللحم الحى .. والشعب جسور لكنه صبور .. لكن ليس دائما..

إتفق معك يا محمد على الخير فى كثير مما قلت
لكن بصراحة حكاية جسور وصبور دى ما بتنفع فى استقرار البلد
والشعب نساى
يطلع فى الثورات ويصف لاول عسكرى دكتاتورى يمسكها
...
لكن للاسف الجوع وحده هو الذى يحرك الشارع ودا كدا ما كويس فى شأن البلد ولا لسمعتنا إحنا كمواطنين لدولة محترمة خبرت الثورات
ولكنها لوكانت ثورة من اجل الجوع بس والله ما ظريفة
شكرا لمرورك

المهم يا جماعة قبلما البلد تضيع الناس تتكاتف تعمل قناة تلفزيونية توصل رأي الناس وتوحد الرأي العام

وزولكم المغترب ده كويس الرجع حي!

معظم المغتربون وقعوا ضحيّة للثلاثي:

شعور الوطنية والانتماء الشديد للوطن في الغربة - والإعلام الحكومي المضلل - والمشاعر الدينية التي تنمو جيداً في بعض البلدان


استغل الإعلام الحكومي إحساسي الوطنية والتديّن لدى المغتربين ووظفه عبر مغتربين موجودين وسطهم وعبر الوسائل المختلفة

ووظف غيابهم عن المعلومة المباشرة وعن الاحتكاك اليومي بهموم الوطن

لينتج طبقة المغتربين المؤيدين.


س: لو الحال في السودان عاجبكم كدا ... قاعدين برّا ليه ؟