Post: #1 Title: أرجو المساعدة: كيف أعمل شبكة بين جهازين (لاب توب ودسك توب)windows7؟ Author: صلاح عباس فقير Date: 07-03-2012, 08:26 PM
من أجل تبادل الملفات بينهما!
أرجو المساعدة بالتفصيل الممل!
مع خالص شكري!
Post: #2 Title: Re: أرجو المساعدة: كيف أعمل شبكة بين جهازين (لاب توب ودسك توب)windows7 Author: صلاح عباس فقير Date: 07-03-2012, 08:36 PM Parent: #1
+++++++ الثورة السلمية الغراء شمس لا تغيب الثورة الإيمان قاد الشعب في اليوم الرهيب!!!!
Post: #3 Title: Re: أرجو المساعدة: كيف أعمل شبكة بين جهازين (لاب توب ودسك توب)windows7 Author: الامين موسى البشاري Date: 07-03-2012, 09:13 PM Parent: #2
سلام........
الشغلة ما بالبساطة دي ولازم نعرف امكانية الجهازين عموماً هناك نوعين من الشبكات
1. شبكة سلكية Wired network ودي عبارة عن (workgroup) عادي الربط فيها يتم عبر الاسلاك (UTP) ولازم تتوفر في الجهازين كرت شبكة (NC ) أو network card والمرحلة التانية هي اعدادات الشبكة
2. شبكة لاسكية (Wireless)
ودي إما شبكة بلوتوث ولازم يكون الجهازين فيهم بلوتوث احتمال اللابتوب يكون فيهو والدسك توب ما فيهو في اجهزة بلوتوث بتركب في (USB) ,وبعدين تظبط السوفت وير بتاعك لربط الجهازين
او
تشتري ليك اجهزة ربط لا سلكية من اي محل كمبيوتر وتركبهم في الجهازين وتظبط اعدادات الشبكة بتاعتك عشان تربط الجهازين لا سلكياً
دا كدا على السريع والاعدادات نفسها لازم تكون ملم بيها كويس
مش كدا بس هناك عدة طرق ممكن تربط بيها جهازين وزمان اتعذبنا عذاب الهدهد عشان نربط الجهازين عن طريق الدوس (DOS) أحسن حاجة إنك تستشير زول متخصص أو تشيل الجهازين لمحل كمبيوتر يظبط ليك الشغلة دي لأنها ما ساهلة بالجد ........ والله صحي
تحاياي
Post: #4 Title: Re: أرجو المساعدة: كيف أعمل شبكة بين جهازين (لاب توب ودسك توب)windows7 Author: صلاح عباس فقير Date: 07-03-2012, 09:27 PM Parent: #3
شكراً لك أخي البشاري، معليش أنا قاعد لي في منطقة شبه مقطوعة، وما بلقي وقت كافي للوصول إلى محلات الصيانة البعيدة أصلاً،
عشان كدة أحاول أذكر المواصفات البعرفها: الجهازين وندوز 7، ومرتبطين بمودم إنترنت واحد. عبر الوايرلس.
++++ طيب مش في برنامج يتم تنزيله في كل من الجهازين! وقيل موجود في الشبكة مجاني!
المهم، والله ما قصرت، وشكراً جزيلاً
Post: #5 Title: Re: أرجو المساعدة: كيف أعمل شبكة بين جهازين (لاب توب ودسك توب)windows7 Author: الامين موسى البشاري Date: 07-03-2012, 09:33 PM Parent: #4
Post: #6 Title: Re: أرجو المساعدة: كيف أعمل شبكة بين جهازين (لاب توب ودسك توب)windows7 Author: صلاح عباس فقير Date: 07-04-2012, 06:49 AM Parent: #5
ألا رحم الله والديك يا البشاري! خيارات متنوعة وأساليب متعددة!
صارت مشكلتي: أن أحد الوندوزين هوم بيسك، ووجدت معلومة ضمن الفديوهات دي إنو الهوم بيسك، ما فيه إمكانية شبكة!
هذا اللاب توب وندوز 7 هوم بيسك، هل يمكن ترقيته إلى بروفيشنال، بدون ما يعمل إشكالات وإنذاارات؟
شاكراً
Post: #7 Title: Re: أرجو المساعدة: كيف أعمل شبكة بين جهازين (لاب توب ودسك توب)windows7 Author: المسافر Date: 07-04-2012, 08:17 AM Parent: #6