يلا يا سودانا أصحى.. (لحسة الكوع) تبقى فرحة..

يلا يا سودانا أصحى
_______________________

يلا يا سودانا أصحى
المواقف باينة واضحة
يا مهندس في المصانع
ويا طبيب عصيانو صحة
ويا مُزارع في المزارع
وكل موجوع في مصحة
يبقى عافية وبلدو صافية
ماخدة من إيمانو لمحة
بانية ضد الجوع صوامع
ورافعة راية الحق مدافع
تهزم الطغيان وتمحىَ
في الرواكيب والجوامع
وفي ملفات الشوارع
وكل حارة وكل سرحة
ثلة الفاسدين تزيلا
والقوانين الهزيلة
شعب ثائر لينا أوحى
إنو في العصيان مصيرو
والكفاح يهدينا لوحة
والنضال سكة مسيرو
والصلاح منك تنحّى
يا متاجر باسم دينو
كل خطوة مشيتا جنحة
الضلال جواك ندينو
وتهري صدر الذل ذبحة
ونحن ما نامت عيونا
ولـّا صوتنا العالي بحّ
لسة بي حبك نهاتي
يا وطن مقدام وعاتي
الصمود ما عمرو زحّ
كنا صابرين فـ احتمالو
بس صبُرنا الليلة شحّ
وعد صادق بانهزامو
بعدو نفتح ألف صفحة
لي بلد مليان محافل
بيها قلب الثورة فحّ
نخنق الضيق والمهازل
والروابي الطيبة تضحىَ
امتداد حنية ماهل
شايلة من أعماقنا نفحة
مالية أرض الخير جداول
رافعة للبنيان معاول
وزارعة في احساسنا قمحة
يلا أمشو وطيرو غورو
تبقى كل الدنيا سمحة
يرجع الحق لي ديارو
والجنوب الراح وضحىّ
يلتئم جرح انفصالو
وجرحنا الأعمق ألحّ
تشفى آلام انكسارو
غنية غنية ومدحة مدحة
وتبقى دارفور النبيلة
في بلادنا أساس ودوحة
والمناصير البواسل
وكردفان الخيرا واصل
والشرق مستني فرحة
يلا يا سودانا فرهد
ثورة في حبك تزغرد
ألف مرحب وألف مرحى.

ا رائع .... وكلام فى الصميم


لو صوتى جميل كنت اغنيها

ابداع يا رائع بروعة السودان الثائر كتر لينا من الكلام السمح ده عشان تزيد الناس حماسه

مع خالص التحايا
طه بجـو

لك الود والتحايا والتقدير أخي الحبيب طه بجو

وإلى الأمام بإذن الله

جميل انت وجميلة دواخلك

مرتضى المر يا حبيب

ينصر دينك يا دكتور معز

Quote: تبقى كل الدنيا سمحة يرجع الحق لي ديارو والجنوب الراح وضحىّ يلتئم جرح انفصالو وجرحنا الأعمق ألحّ تشفى آلام انكسارو غنية غنية ومدحة مدحة وتبقى دارفور النبيلة في بلادنا أساس ودوحة والمناصير البواسل وكردفان الخيرا واصل والشرق مستني فرحة يلا يا سودانا فرهد ثورة في حبك تزغرد ألف مرحب وألف مرحى

سلمت يداك يارائع

Quote: يلا أمشو وطيرو غورو تبقى كل الدنيا سمحة يرجع الحق لي ديارو والجنوب الراح وضحىّ يلتئم جرح انفصالو

مشكور يا استاذ

اللة اكبر
نبابة عن كل بورداب الخرطوم المحجوبين

التحية لك أخي الحبيب محمد الأمين محمد

وللشرفاء في كل مكان

تسلم أيمن الزين

كل الود

وسلمت ابدا منعم مالك يا حبيب

وينصر الشعب السوداني البطل يا نصر

دائماً متميز أيها المبدع ...

دمت لَناَ دائماً أيّها الصديق :)

بروف معز..


ملحمة ثورية تنبض قوة ومنعة..


شكرا يا جميل..

ما تقوم به لا يقل قيد انملة عما يقوم به الثوار في الداخل..


وثورة ثورة حتى النصر..

ثورة حتى النصر بإذن الله

حبيبنا محمد خليل

ولك الشكر العظيم

التحية والتقدير العظيم لك

أخي الحبيب هاني عربي

Quote: Quote: تعرضت السفارة السودانية في العاصمة البريطانية لندن يوم الجمعة لمحاولة حرق على يد أحد المشاركين في تظاهرة احتجاجية أمام السفارة، وقال السفير السوداني عبد الله الأزرق إن الحرس المكلف بحماية السفارة ألقى القبض على الفاعل. وأبلغ الأزرق وكالة السودان للأنباء أن المظاهرة كانت محدودة ونظمها عدد من المنتمين لما يعرف بالتجمع الديمقراطي ببريطانيا وإيرلندا والمكون من حزب المؤتمر الشعبي والحزب الشيوعي السوداني وحركات متمردي دارفور وبعض المعارضين. وشدد على أن التظاهر السلمي حق مكفول للجميع بالقانون دون الإضرار بالمصالح العامة والخاصة. ورأى السفير أن العملية قصد منها التدمير الكامل للسفارة بمن فيها من موظفين ووثائق ومقدرات. ووجه أصابع الاتهام إلى منظمة لم يذكر إسمها، قائلاً إنها معروفة بكرهها وتربصها بالسودان وأنها هي التي مولت تكاليف ترحيل بعضهم من برمنجهام وليفربول ومانشستر لمقر السفارة. مشاركة جنوبية وكشف السفير الأزرق أن المظاهرة حشد لها بعض أبناء دولة جنوب السودان لزيادة العدد وتم توجيههم بالمشاركة فقط دون الهتاف. واعتبر أن ذلك مسلك لا يمت إلى الممارسة الديمقراطية بصله وأنه سلوك لا يمثل الجالية السودانية النبيلة ببريطانيا. وقال السفير إن السفارة علمت قبل يومين أن مجموعة تنوي القيام بتخريب السفارة وإلحاق الضرر بها وأنها أبلغت الشرطة الخاصة بحماية البعثات الدبلوماسية كتابة بهذه المعلومات يوم الجمعة. وأوضح أن الشرطة البريطانية أكدت للسفارة علمها بالأمر، وقالت إن المظاهرة ستصل مقر السفارة الساعة الرابعة وتستمر لمدة ثلاث ساعات. وأضاف "إلا أن البعض حضر قبل الموعد المضروب من قبل الشرطة وقام أحدهم برمي كيس من الأوراق أمام المدخل وأشعل فيها النار لحرق السفارة الأمر الذي يؤكد سبق الإصرار والتعمد بإحداث الضرر".

بالفعل .. هؤلاء هم طليعة العمل الوطني
هذه هي الوطنية
هذه هي حرية التعبير عن الرأي

و ربي .. هذا أسوأ نموذج يقدم في دولة تعرف معنى الاحتجاج و التعبير عن الرأي
هكذا قدم هؤلاء السودان و السودانيين للعالم

و في ذلك دليل قاطع على أن من يسمون انفسهم معارضيين هم ليس إلا حفنة من المخربين الحاقدين على الشعب و ممتلكاته

و إلا ما هو المبرر لارتكاب فعلة مثل في لندن
هل في لندن في بنبان؟
هل في لندن في أمن مركزي و هراوات؟

إذن ما هو العذر؟

لا يوجد عذر.. بل هم هم

عناصر حاقدة و أجيرة و عميلة باعت ذمتها و ضميرها لتدمير الوطن و مكتسباته مقابل حفة دولارات؟

يا للعار

في الصميم ياهميم

يا وطن مقدام وعاتي
الصمود ما عمرو زحّ
كنا صابرين فـ احتمالو
بس صبُرنا الليلة شحّ
وعد صادق بانهزامو
بعدو نفتح ألف صفحة
-------------------------------
سلمت يداك يا دكتور

الله يسلمك خالد العبيد با حبيب

وينصر الوطن ويسلمو..

تحياتي واحترامي

مية مية يا دكتور .



.......................................................................حجر.

بجد ..
أكثر من رائعة يا دكتور.

Quote: وزارعة في احساسنا قمحة يلا أمشو وطيرو غورو تبقى كل الدنيا سمحة يرجع الحق لي ديارو والجنوب الراح وضحىّ يلتئم جرح انفصالو وجرحنا الأعمق ألحّ تشفى آلام انكسارو

مبدع يا دكتور

تحياتي الحارة وأشواقي العظيمة لك أختي الكريمة حواء

ولعلط بخير

شكراً ألف عاطف مكاوي يا حبيب

تحية للشاعر البروفيسور المعز

هذه قصيدة جاهزة لأغنية وطنية
ألف تحية وألف سلام عليك
يا صاحب اليد الشعرية الطولى

*

ان شاء الله يمشوا ويغوروا ويجو العلماء الزيكم ديل يرفعو البلد من تاني ..

لك التحية

إن شاء الله يا رب

تسلم حبيبنا أسامة محمد

التحية والاجلال لك أديبنا المبدع عبد الله الشقليني..

وأنا أيضاً في انتظار تلحينها من أحد مطربي الثورة

تحياتي يا حجر يا حبيب

أنا برضو عندي بتي بتلحس كوعا بكل سهولة والله

وحسة هي في الجامعة

فنانا الثائر يوسف الموصلي

ما استفزت قيك لحن ملحمي القصيدة؟

يا مهندس في المصانع ويا طبيب عصيانو صحة
ويا مُزارع في المزارع وكل موجوع في مصحة
يبقى عافية وبلدو صافية ماخدة من إيمانو لمحة
بانية ضد الجوع صوامع ورافعة راية الحق مدافع تهزم الطغيان وتمحىَ
في الرواكيب والجوامع وفي ملفات الشوارع وكل حارة وكل سرحة
ثلة الفاسدين تزيلا والقوانين الهزيلة
شعب ثائر لينا أوحى إنو في العصيان مصيرو
والكفاح يهدينا لوحة والنضال سكة مسيرو

Well done Prof. Moiz

رائع يراعك يابروف يارائع..
والثورة منتصرة باذن الله

Quote: يلا أمشو وطيرو غورو تبقى كل الدنيا سمحة يرجع الحق لي ديارو والجنوب الراح وضحىّ يلتئم جرح انفصالو وجرحنا الأعمق ألحّ تشفى آلام انكسارو غنية غنية ومدحة مدحة وتبقى دارفور النبيلة في بلادنا أساس ودوحة والمناصير البواسل وكردفان الخيرا واصل والشرق مستني فرحة يلا يا سودانا فرهد ثورة في حبك تزغرد ألف مرحب وألف مرحى

البروف المعز
تحياتي
الثورة ستنتصر باذن الله
ومايسطرة قلمك واقلام الشرفاء هو سند للمتظاهرين .

الثورة قد اثمرت .... امدرمان في المقدمة .... هكذا عودتنا امنا الحنونة امدرمان ..... اللهم الطف بعبادك يا رب فانهم يريدون عدلك ورحمتك .

شكرًا جزيلا يابروف معز
يعجبني تواضعك وذوبانك
في هموم الوطن
وهو امرٌ حري بامثالك

قصيدة ممتازة وأرجو ان
يتقدم احد الفنانين الغنائيين
بادائها حتي تكون شعارا
وملهما للثورة السودانية
الظافرة بإذن الله


زين العابدين الحليلة

ابداااااااااااااع يا بروف
والله شعر جلدي قام
وعجبتني جداً

بالجد يا بروف لو واصلت في الشعر الثوري
دا ح تكسح هاشم صديق براااااااحة
والقصيدة دا لو قريتها في مكان تاني
وما عرفت كاتبها قطع الشك ساقول بانها
لهاشم صديق

تقبل تحياتي واحتراماتي

تحياتي الحارة النذير يا حبيب

ياخ الشعر الثوري ده من زمن الانتفاضة شغالين فيهو..

لكن أقول ليك حاجة: نبوءة هذه القصائد ستحقق

وقريباً جداً بإذن الله كما حدث سابقاً

يلا يا سودانا أصحى
المواقف باينة واضحة
يا مهندس في المصانع
ويا طبيب عصيانو صحة
ويا مُزارع في المزارع
وكل موجوع في مصحة
يبقى عافية وبلدو صافية
ماخدة من إيمانو لمحة
بانية ضد الجوع صوامع
ورافعة راية الحق مدافع
تهزم الطغيان وتمحىَ
في الرواكيب والجوامع
وفي ملفات الشوارع
وكل حارة وكل سرحة
ثلة الفاسدين تزيلا
والقوانين الهزيلة
شعب ثائر لينا أوحى
إنو في العصيان مصيرو
والكفاح يهدينا لوحة
والنضال سكة مسيرو


يلا ياسودانا أصحى لحسة الكوع تبقى فرحة

ألف تحية للشرف والحس الوطني و ودمت ذخرا للوطن استاذنا الشاعر المعز عمر بخيت

ثوري ثوري ياخرطوم ضد القهر وضد الجوع

الله اكبر يابلد

قصيدة رائعة بروعتك يا دكتور معز
وساعمل علي توزيعها عبر مواقع اخرى

Quote: ثلة الفاسدين تزيلا والقوانين الهزيلة

Quote: يلا أمشو وطيرو غورو تبقى كل الدنيا سمحة يرجع الحق لي ديارو والجنوب الراح وضحىّ يلتئم جرح انفصالو وجرحنا الأعمق ألحّ تشفى آلام انكسارو غنية غنية ومدحة مدحة وتبقى دارفور النبيلة في بلادنا أساس ودوحة

رايع يا دكتور
بس شيلي لينا كلمة (دوحة) دي برً!!!!!!

يلا يا سودانا أصحى
المواقف باينة واضحة
يا مهندس في المصانع
ويا طبيب عصيانو صحة
ويا مُزارع في المزارع
وكل موجوع في مصحة
يبقى عافية وبلدو صافية



روعة يا بروف
ويا طبيب عصيانو صحة

أسعدتنى هذه الابيات مرات عديدة ..
وليس آخرها أن صاحبها هو البروفيسور المعز عمر بخيت ..

سلمت يداك يا دكتور

اتمني ان تجد القصيدة من يخرجها الي عوالم الغناء الثوري

يديك ألف عافية أنور آدم يا حبيب

وأن أيضاً أتمنى أن تجد مطرب جريء

ليخرجها لعالم الغناء الثوري..

محبتي الأكيدة

الحبيب محمد حيدر المشرف،

تحية بنكهة النصر

وسلام بطعم الثورة

وأشواق كمد النضال


ومحبة لا تنتهي لك يا صديق

ألف تحية مشرقة وجميلة لك أخي الحبيب جمال الباقر

تحياتي الحارة أخي الحبيب عبد الحي علي موسى

تصدق ملاحظة ذكية للغاية ربط دارفور بالدوحة

بالرغم من انني لم أقصدها والله

بل قصدت دوحة بمعناها اللغوي الجميل..


كل الود

تسلم كتير أخي الحبيب الشامي

وذلك من دواعي سروري وشرف لي..

لك المحبة والتقدير والاحترام

شاعرتنا الغالية هند محمد

لك المجد والتحية

ولك كل مرافيء العافية

نصراً مقدراً لشعب ابي

ووطن جميل بالرائعين مثلك

التحية الحارة لك يا زين العابدين الحليلة

ولك أبداً تقديري العظيم

وكل احترامي

أم درمان مهد الثورات يا أسامة

ورمز النضال

أخي الغالي يوسف السماني

والله إنها لثورة حتى النصر

لأجل وطن جميل..

تحياتي واحتامي لك

بإذن الله الثورة منتصرة

ولك أنضر التحايا ياسر مصطفى

Thanks a million Elfatih

نشهد لك بالمواقف الوطنية الناصعة المشرفة التي تدعو للفخر والإعزاز،
ونتطلع للمزيد من الإبداع انحيازاً لهذا الشعب الصابر، وقضاياه العادلة،
تحياتي وشكراً جميلاً ..

Quote: دمت ذخرا للوطن استاذنا الشاعر المعز عمر بخيت

Quote: والجنوب الراح وضحىّ يلتئم جرح انفصالو

والله الإنفصال دا حارقني حرقة :-(

---------------------------

تسلم يا بروف ... جميلة ، قوية ، و صاادقة يديك العافية

حبيبتنا رشا الغالية

وشكراً ليك ست الناس

ويا رب يعود الجنوب ويصبح السودان دولة واحدة وعظيمة

بعد أن قسمه هؤلاء الظلمة ودمروه

تحياتي الحارة فنانا الجميل ابراهيم عبد الحليم

ولك أطيب المنى

الشكر والتجلة والاحترام لك أخي الغالي نادر

ولك تقديري ومحبتي وامتناني أيها الحبيب

تحياتي يا دكتور

قصيدة جميلة، مباشرة، معبرة، سلسة، مواكبة.

دمت مبدعا.

لك الشكر العظيم أخي الحبيب فيصل المفتاح

وأسعدتني كلماتك كثيراً..

والنصرلا لثورة السودان