Post: #1
Title: طفل يقضي 3 أيام في حراسة بحري دون طعام ..!!
Author: عبدالوهاب علي الحاج
Date: 07-01-2012, 06:52 PM
Parent: #0
إتصل بي صباح اليوم أحد أصدقائي من بورداب الخرطوم وأخبرني بأن إبنه
موجود بإحدى حراسات شرطة بحري بعد أن تم القبض عليه في مظاهرات الجمعة الفائتة،
طبعاً تركت الوراي والقدامي ولحقت به ... لا حول ولا قوة لي إنما ذهبت لاكابره وأسرّي عنه ولنتفاكر ماذا نفعل ...
أخبرنا الضابط المسئول أنهم سيرحلون بعد قليل إلى محكمة النظام العام بالخرطوم بحري جوار السينما الوطنية .. فذهبنا إلى هناك مع نفر غير قليل من أهالي المقبوض عليهم ..
وانتظرنا زمن ليس بالقصير .. قبل أن تأتي "الدفارات" تحمل حوالي 120 فرد أغلبهم في العشرينات من العمر .. وينتظرهم داخل قاعة المحكمة اربعة قضاة .
..
لفت نظرنا طفل في الحادية عشر نزل من الدفار وهو يبكي ويترنح في المشي حسبناه مريض بادئ الأمر .
فبادر أحد الحضور بسؤاله : مالك يا ولد ؟
فرد الطفل : ناس البوليس ديل قبضوني ساي .
ساله الرجل : كيف يعني قبضوك ساي ما كنت في المظاهرات ؟
رد الطفل : انا كنت جاي من الدروشاب وماشي أبيت مع ناس حبوبتي في حلة حمد قاموا قبضوني .
- بترتح مالك عيان ؟
- أنا جيعان من يوم الجمعة ما اكلت حاجة .
- ما كانوا بدوكم أكل ؟
- لا
- هسي في منو من أهلك هنا ؟
- مافي زول من أهلي هنا ناس ابوي قايلني في حلة حمد وناس حلة حمد ما عارفني جاييهم .
____
أسرع صديقي البوردابي إلى مطعم مجاور وأحضر للطفل بعض الماكولات .
وقام الرجل الذي كان يسائله بضمانته (رغم تعنت القاضي) واخذه معه في سيارته بعد أن تعرف على أهله
وذلك إلى حين مثوله أمام هيئة القضاة الموقرين يوم 10 يوليو 2012
__________
وأخيراً الطفل أسمه حسام من مواطني الدروشاب ومن مواليد 2001
|
Post: #2
Title: Re: طفل يقضي 3 أيام في حراسة بحري دون طعام ..!!
Author: دينا خالد
Date: 07-01-2012, 07:22 PM
Parent: #1
2001 ؟؟؟؟
الله الله يا وهبه ...
حقارة الاطفال دى اشعلت الثورة فى درعا ...
ومن ثم فى كل سوريا ...
وسرت سريان النار فى الهشيم ..
كلو ولا الاطفال ...
حتى لو ظاهر ..
مافى مبرر لقبضه فى حراسه واحده مع ناس كبار
دى ابسط قواعد القانون ..
ـــــــــــــــــــــــــــــــ
للااطفال رب ياخذ بحقهم .... اول بى اول !
|
Post: #4
Title: Re: طفل يقضي 3 أيام في حراسة بحري دون طعام ..!!
Author: عبدالله احيمر
Date: 07-01-2012, 07:38 PM
Parent: #2
Quote: لفت نظرنا طفل في الحادية عشر نزل من الدفار وهو يبكي ويترنح في المشي حسبناه مريض بادئ الأمر .
فبادر أحد الحضور بسؤاله : مالك يا ولد ؟
فرد الطفل : ناس البوليس ديل قبضوني ساي .
ساله الرجل : كيف يعني قبضوك ساي ما كنت في المظاهرات ؟
رد الطفل : انا كنت جاي من الدروشاب وماشي أبيت مع ناس حبوبتي في حلة حمد قاموا قبضوني .
- بترتح مالك عيان ؟
- أنا جيعان من يوم الجمعة ما اكلت حاجة .
- ما كانوا بدوكم أكل ؟
- لا
- هسي في منو من أهلك هنا ؟
- مافي زول من أهلي هنا ناس ابوي قايلني في حلة حمد وناس حلة حمد ما عارفني جاييهم . |
عبدالوهاب
لا اله الأ الله
دا الظـلم بعينه ( حســبنا الله ونعـم الوكيل عليهم )
و القاضي ما اطلق ســراحه و عاوز يجيبوا ليوم المحكمة
دا غبن شــنو؟ و ظلم شــنو ؟
|
Post: #8
Title: Re: طفل يقضي 3 أيام في حراسة بحري دون طعام ..!!
Author: المكاشفي الخضر الطاهر
Date: 07-01-2012, 08:21 PM
Parent: #4
جزاكم الله خيرا الاخ وهبة والاخ محمد المسلمي امة محمد بخيرها والخير فيها الى قيام الساعة
|
Post: #3
Title: Re: طفل يقضي 3 أيام في حراسة بحري دون طعام ..!!
Author: حسين نوباتيا
Date: 07-01-2012, 07:35 PM
Parent: #1
وهبة سلامات
ديل قاضاة شنو العاوزين يحاكمو ليهم طفل عمرو 11 سنة !!
الكيزان ديل خلاص بقو ما قادرين يفرزوا واي طفل في الشارع معناه عميل ومرتزق وصاحب اجندات خفية؟؟
القضاة ديل لو عندهم ذمة كان المفروض يحاكمو الضّباط المسئولين عن هذه الحراسة التى جاع فيها هذا الطفل لمدة ثلاثة ايام..
التحية لصاحبك البودرابي ولابنه وللرجل الذي كفله !
|
Post: #5
Title: Re: طفل يقضي 3 أيام في حراسة بحري دون طعام ..!!
Author: مريم الطيب
Date: 07-01-2012, 07:57 PM
Parent: #3
اهو ده الكلام البجيب ليهم المشاكل
يعني الطفل ده الناس المرا عليهم ديل كلهم ما فيهم زول واحد عاقل
حتى القاضي، دي مصيبة شنو دي،،،
كلو ولا الاطفال وعلى هذه الشرزمة ان تكف عن ذلهم.
شكرا يا وهبة لتسليط الضؤ على حمى الاعتقالات التي اجتاحت
هؤلاء القتلة،ـ
|
Post: #6
Title: Re: طفل يقضي 3 أيام في حراسة بحري دون طعام ..!!
Author: Nazik Eltayeb
Date: 07-01-2012, 08:11 PM
Parent: #5
حسبنا الله و نعم الوكيل
اعتقد ان اعتقال الاطفال و المراهقين رسالة و اضحة من السلطة لاسرهم خصوصا و المدارس على الابواب
يعضد ذلك ان بعض الاهالي الذين احاطوا بالاقسام في بحري سمعوا عبارة (هذه هي الاوامر)
|
Post: #7
Title: Re: طفل يقضي 3 أيام في حراسة بحري دون طعام ..!!
Author: منتصر عبد الباسط
Date: 07-01-2012, 08:19 PM
Parent: #6
هذا يؤكد المعادلة التي تقول
رجل -مروءة = كوز
|
Post: #9
Title: Re: طفل يقضي 3 أيام في حراسة بحري دون طعام ..!!
Author: محمد امين مبروك
Date: 07-01-2012, 08:33 PM
Parent: #7
لا يستغرب منهم ...
" ......."
|
Post: #10
Title: Re: طفل يقضي 3 أيام في حراسة بحري دون طعام ..!!
Author: د. ياسر عبد القادر
Date: 07-01-2012, 09:01 PM
Parent: #9
| Quote: القضاة ديل لو عندهم ذمة |
كل القضاة العندهم ذمة إما أقيلوا أو أجبروا علي الاستقالة....
|
Post: #11
Title: Re: طفل يقضي 3 أيام في حراسة بحري دون طعام ..!!
Author: اسماء الجنيد
Date: 07-01-2012, 09:13 PM
Parent: #10
سلام يا وهبة
ديل مجرمين اشرار اثبتوا ويثبتوا كل يوم خبثهم وخوفهم حتى من الأطفال الصغار
ربنا بنتقم للطفل ده ولي الكثيرين زيو ، منهم لله منهم لله وحسبي الله ونعم الوكيل عليهم
شكرا يا وهبىة ليكم ولي همتكم وياها المحرية فيكم
وربنا ينتقم من كل جبار ظالم
يمهل ولا يهمل
|
Post: #12
Title: Re: طفل يقضي 3 أيام في حراسة بحري دون طعام ..!!
Author: اساسي
Date: 07-01-2012, 09:18 PM
Parent: #11
لطفك يا الله
|
Post: #13
Title: Re: طفل يقضي 3 أيام في حراسة بحري دون طعام ..!!
Author: عبدالوهاب علي الحاج
Date: 07-01-2012, 10:35 PM
Parent: #12
الأعزاء والعزيزات
دينا خالد
عبدالله أحيمر
المكاشفي الخضر الطاهر
حسين نوباتيا
مريم الطيب
نازك الطيب
منتصر عبدالباسط
محمد أمين مبروك
د. ياسر عبدالقادر
أسماء الجنيد
اساسي
شكرا للمرور والدعم
تحياتي
|
Post: #14
Title: Re: طفل يقضي 3 أيام في حراسة بحري دون طعام ..!!
Author: طارق جبريل
Date: 07-01-2012, 10:52 PM
Parent: #13
إنا لله
انا لله
|
Post: #15
Title: Re: طفل يقضي 3 أيام في حراسة بحري دون طعام ..!!
Author: ABUHUSSEIN
Date: 07-01-2012, 11:43 PM
Parent: #14
| Quote: طفل يقضي 3 أيام في حراسة بحري دون طعام |
لا حول و لا قوة إلا بالله ....
حسبي الله و نعم الوكيل ...
كيف دخل الحراسة و هو في هذه السن..؟؟؟
هل قضى الثلاثة ليال وسط المجرمين و الجناة وهو في هذه السن..؟؟؟
من هو العسكري الذي قبض على قاصر في هذه السن..؟؟؟
لماذا لم يتم إبلاغ أهله و هو في هذه السن حتى و لو شهامة فقط من أحد العساكر..؟؟؟
لا أظن أن هذه البوست كافي لمثل هذه الحالة و لكن أضعف الإيمان
شكراً وهبه و جزاك الله خيراً
|
Post: #16
Title: Re: طفل يقضي 3 أيام في حراسة بحري دون طعام ..!!
Author: عبدالعزيز حسين عبدالرحيم
Date: 07-02-2012, 04:34 AM
Parent: #15
لاحول ولا قوة إلا بالله
غايتو ناس البوليس في السودان ديل ما حايبقوا بشر يوم القيامه زاتو
ديل لا عندهم قلب لا رحمه ولا تقول في بيوتهم مافي صغار
هو في عدم رحمه ناس البوليس ولا تلاته يوم مافي وكيل نيابة ولا قاضي يكلف نفسه يجي يشوف الناس المكرفسين في الحراسة ديل
حسبي الله ونعم الله ولعنه الله عليهم وبارك الله فيكم يا عبدالوهاب
|
Post: #17
Title: Re: طفل يقضي 3 أيام في حراسة بحري دون طعام ..!!
Author: manal eltahir
Date: 07-02-2012, 04:59 AM
Parent: #16
Quote:
جزاكم الله خيرا الاخ وهبة والاخ محمد المسلمي امة محمد بخيرها والخير فيها الى قيام الساعة |
هسه الجاب محمد المسلمي هنا شنو؟
ولأ البوردابي الولده مقبوض هو محمد المسلمي؟
|
Post: #18
Title: Re: طفل يقضي 3 أيام في حراسة بحري دون طعام ..!!
Author: فايزودالقاضي
Date: 07-02-2012, 06:26 AM
Parent: #17
لا حول ولا قوة الا بالله ..
دي بلد شنو دي ؟!!
شكرا لك وهبه وللزميل البوردابي وماقصرتوا تب ..
Quote: هسه الجاب محمد المسلمي هنا شنو؟
ولأ البوردابي الولده مقبوض هو محمد المسلمي؟ |
او يمكن يكون :
Quote: أسرع صديقي البوردابي إلى مطعم مجاور وأحضر للطفل بعض الماكولات .
وقام الرجل الذي كان يسائله بضمانته (رغم تعنت القاضي) واخذه معه في سيارته بعد أن تعرف على أهله
وذلك إلى حين مثوله أمام هيئة القضاة الموقرين يوم 10 يوليو 2012 |
|
Post: #19
Title: Re: طفل يقضي 3 أيام في حراسة بحري دون طعام ..!!
Author: khaleel
Date: 07-02-2012, 06:35 AM
Parent: #18
شكرا يا وهبة
ما بتقصر
|
Post: #21
Title: Re: طفل يقضي 3 أيام في حراسة بحري دون طعام ..!!
Author: عبدالعزيز حسين عبدالرحيم
Date: 07-02-2012, 06:52 AM
Parent: #19
يا أخت منال
تحية
Quote: هسه الجاب محمد المسلمي هنا شنو؟
ولأ البوردابي الولده مقبوض هو محمد المسلمي؟ |
ما عارف إذا كان محمد المسلمى موجود ولا لا
لكن البعرفه أنه محمد المسلمى إنسان ذو نخوه وشهامه وكرم وإذا كان موجود ما أظن كان موقفه يكون بشهامه أقل من كدا ودا طبع الرجال الحقيقين
شكراً مره تانية ياعبدالوهاب والبوردابي المعاك وربنا يقدركم وينصركم والتحية لجميع أولاد المسلمى
|
Post: #22
Title: Re: طفل يقضي 3 أيام في حراسة بحري دون طعام ..!!
Author: محمد إبراهيم علي
Date: 07-02-2012, 06:55 AM
Parent: #19
شكرا لك يا وهبة وشكرا للبوردابي الذي معيتك
اوان الحساب قادم ويجب ان تعلم الشرطة والقضاء ووكلاء النيابة انو المرة دي عفا الله عما سلف مافي
وقصة انو دي اوامر (تبلوها وتشربو مويتا)
يجب على الناشطين فضح اسماء هؤلاء القضاة وضباط الشرطة ووكلاء النيابة الذين يرتكبون هذه الجرائم المنكرة
ففضح اسم القاضي الذي حاكم المتظاهرين في ام درمان ردعه واتت احكامه التالية مختلفة تماما عما قبل ان ينتشر اسمه ويعرف
|
Post: #25
Title: Re: طفل يقضي 3 أيام في حراسة بحري دون طعام ..!!
Author: عمر التاج
Date: 07-02-2012, 07:49 AM
Parent: #19
حسبنا الله ونعم الوكيل
حسب وطني الله ونعم الوكيل ..
حال شرطة السودان لن يستقيم
وأغلبية جنودها شرذمة من الفاقد التربوي والاخلاقي
|
Post: #27
Title: Re: طفل يقضي 3 أيام في حراسة بحري دون طعام ..!!
Author: معتز القريش
Date: 07-02-2012, 08:23 AM
Parent: #19
تصرف قبيح ومشين ولا يليق
أدين هذا التصرف بجميع العبارات
ويجب محاسبة العسكري والضابط
ويجب رفع شكوى ضد القاضي
|
Post: #20
Title: Re: طفل يقضي 3 أيام في حراسة بحري دون طعام ..!!
Author: حمزاوي
Date: 07-02-2012, 06:48 AM
Parent: #17
وهبة اخوي
كيفك ... مشتاقين
طبعاً انت رجل ليك هيبتك ومقامك واعتقد تكون اكبرنا سناً
والاب الروحي لبورداب الخرطوم
ومصداقيتك ليس موضع شك ولا جدال
وانا متأكد عندما رفضت وضع هذا الطفل لم ترفضه لانك معارضة
بل الشهامة والرجولة
ولكن كل هذا لا يفيد مع الكيزان
وبكل بساطة يجي اي واحد فيهم يقول ليك كل ما قلته كضب
ويقول ليك مافي مركز شرطة في بحري اعتقل اطفال ولا في سينما في بحري
يمكن يقول ليك مافي بحري ظاااااااطو
والدليل ولا واحد جاء داخل وأدان هذا التصرف مع طفل
حتى ولو كان الطفل مشاركاً في المظاهرات هل ما تم اخلاقي او من الرجولة
قلت لي ما اعطوه أكل تلاتة أيام
يا وهبة دوول متى كانوا بيعطوا دووول بيلهطوا ويبلعوا بس
المصيبة مش حكومة ومعارضة ...
المصيبة اننا فقدنا النخوة والمروءة والرجولة والقيم والاخلاق النبيلة السودانية الاصيلة التي عرفنا بها
|
Post: #23
Title: Re: طفل يقضي 3 أيام في حراسة بحري دون طعام ..!!
Author: وليد عبد اللطيف
Date: 07-02-2012, 07:08 AM
Parent: #20
| Quote: جزاكم الله خيرا الاخ وهبة والاخ محمد المسلمي امة محمد بخيرها والخير فيها الى قيام الساعة |
دائما كما عهدناكم
|
Post: #24
Title: Re: طفل يقضي 3 أيام في حراسة بحري دون طعام ..!!
Author: عمار يس النور
Date: 07-02-2012, 07:14 AM
Parent: #20
لا حول و لا قوة إلا بالله.
عليهم لعنة الله.
اللهم عليك بالبشير و من عاونه.
اللهم عليك بهم
اللهم إنهم قد طغوا في البلاد
و أكثروا فيها الفساد
اللهم ارنا فيهم يوم كعاد
اللهم عليك بسارقي قوت اليتامى و المحرومين
اللهم عليك بسارقي علاج المساكين
اللهم عليك بهم و بمن عاونهم أجمعين
يا قادر يا جبار يا منتقم.
|
Post: #26
Title: Re: طفل يقضي 3 أيام في حراسة بحري دون طعام ..!!
Author: داليا الكباشى
Date: 07-02-2012, 08:03 AM
Parent: #24
| Quote: طفل يقضي 3 أيام في حراسة بحري دون طعام ..!! |
قوول بي طعام وشراب ومراجيح زاتو !!
في ياتو عرف وفي ياتو شريعه وفي ياتو أخلاق , طفل يدخل حراسه !
طفل ! عمرو 11 سنه في حراسه !!
ممكن زول يتخيل الضرر المعنوي والنفسي اللي حايرافق الطفل دا لبقيه حياتو ؟
دا أن دل على شيء فانما يدل على انو الشرطه (بتخم) الناس ساي من الشارع و(تكبهم) في الحراسات بلا تمييز !
في رأيي الشخصي الموضوع دا مايعدي بالساهل .. والناس ما تمشي فيهو ساي .. لازم يتصعد بصوره مكثفه ..
الاطفال خــــط أحمـــر ممنوع تجاوزه !
زملاء المنبر المختصين في حقوق الطفل وحقوق الانسان , ياريت يدونا خطوط عريضه عن الخطوات اللي ممكن نعملها ..
اهداء الى : حمايه الأسره والطفل بولاية الخرطوم !
|
Post: #28
Title: Re: طفل يقضي 3 أيام في حراسة بحري دون طعام ..!!
Author: yaser mostafa
Date: 07-02-2012, 08:36 AM
Parent: #26
|
Post: #29
Title: Re: طفل يقضي 3 أيام في حراسة بحري دون طعام ..!!
Author: محمد عبد الماجد الصايم
Date: 07-02-2012, 09:02 AM
Parent: #28
لا حـول ولا قـوة إلا بالله!!
حسبنا الله ونعم الوكــيل!!
|
Post: #30
Title: Re: طفل يقضي 3 أيام في حراسة بحري دون طعام ..!!
Author: ismeil abbas
Date: 07-02-2012, 09:03 AM
Parent: #28
حسبى الله ونعم الوكيل عليهم...هذا ظلم كبير....
لعنة الله على الطغاة والظلمة.
| Quote: كل القضاة العندهم ذمة إما أقيلوا أو أجبروا علي الاستقالة.... |
د/ياسر....السلام عليكم....يا أخى بقدر المستطاع تجنب التعميم...يعنى لو عندى قريبى قاضى ألأن وبعمل فى الدولة يكون ماعندو ذمة.....
تقديرى وإحترامى للجميع.
|
Post: #31
Title: Re: طفل يقضي 3 أيام في حراسة بحري دون طعام ..!!
Author: المسافر
Date: 07-02-2012, 09:04 AM
Parent: #28
لن تجدو فيهم أية معنى للإنسانية
هؤلاء المشردين الذين جمعتهم قمامة الأفكار
واستهوتهم أفعال التتار
|
Post: #32
Title: Re: طفل يقضي 3 أيام في حراسة بحري دون طعام ..!!
Author: د. ياسر عبد القادر
Date: 07-02-2012, 11:52 AM
Parent: #31
صديقي إسماعيل عباس
المقصود بكل هنا الغالبية(فيمكن مشكورا أن تستبدلها حرفيا لأن المعني المقصود ليس كمابالعدد الكامل)....ولو عندك قريبك فهو من سيؤكد لك يا عزيزي أن معظم الذين أقيلوا أو تم إجبارهم علي الاستقالة هم من أصحاب الذمة وهذا لا يعني أنه لم يتبق أحدا منهم يعمل...أكيد مستحيل......
ودي الذي تعرف
أسف لدي مشكلة في الكيبورد الان فكثر التعديل
|
Post: #33
Title: Re: طفل يقضي 3 أيام في حراسة بحري دون طعام ..!!
Author: محمد النيل
Date: 07-02-2012, 12:05 PM
Parent: #32
Quote: المصيبة مش حكومة ومعارضة ...
المصيبة اننا فقدنا النخوة والمروءة والرجولة والقيم والاخلاق النبيلة السودانية الاصيلة التي عرفنا بها |
ودا كلو بسبب حكومة المشروع الحضارى
...
لا حول ولا قوة إلا بالله
|
Post: #34
Title: Re: طفل يقضي 3 أيام في حراسة بحري دون طعام ..!!
Author: ABUHUSSEIN
Date: 07-02-2012, 04:09 PM
Parent: #33
*
|
Post: #35
Title: Re: طفل يقضي 3 أيام في حراسة بحري دون طعام ..!!
Author: عبدالوهاب علي الحاج
Date: 07-02-2012, 05:20 PM
Parent: #34
الأعزاء والعزيزيات
طارق ود جبرين
ابوحسين
أبو جنزير
منال الطاهر
فايز ود القاضي
الهندسة خليل
الهندسة ود ابراهيم
عمر التاج
معتز القريش
حمزاوي
وليد عبداللطيف
عمار يسن النور
د. داليا
ياسر مصطفى
حبيبنا ود الصايم
العمدة اسماعيل عباس
المسافر
د. ياسر عبدالقادر
محمد النيل
مشكورين على المرور وياها المحرية فيكم
أعاني من مشاكل في الدخول والردود
ساعود لكم فردا فردا حال زوال الاسباب
تحياتي لكم جميعا
|
Post: #36
Title: Re: طفل يقضي 3 أيام في حراسة بحري دون طعام ..!!
Author: جمال الباقر
Date: 07-02-2012, 07:22 PM
يخرج طفل من منزله في الدروشاب للمبيت عند جدته في حلة حمد ويتم القبض عليه خطاْ ويودع مع بالغين في حراسة لمدة 3 ايام
طيب الناس البقبضوها دي بكبوها ساي جوة الحراسة ولا بكون في لستة باسمائهم واعمارهم حتى لو فرضنا انو مافي معلومة باعمارهم الطفل ابو 11 سنة ده شكلو ظاهر وماعايز اجتهاد
تحت اي بند قانوني يحجزوا طفل زي ده بدون ما يخطروا اهلو وكمان جايبنو بعد 3 يوم للقاضي عشان يحكم عليهو بكم سوط كدة
موضوع زي ده في اي دولة مدنية تعرف ابسط حقوق الطفل بطيروا فيها ناس كتار من مناصبهم وممكن يتحاكموا باحكام رادعة
انتو عارفين يعني شنو طفل يقضي 3ايام في حراسة مع بالغيين ... يعني اذى نفسي له ابعاد بليغة
وربنا يستر مايكون اتعرض لاذى جسدي وده جدا جدا وارد وتقول لي يترنح من الجوع ؟
الموضوع ده لا يترك هكذا
اولا يجب ان يتم الكشف الطبي فورا على هذا الطفل
فتح بلاغ في اللذين قبضوه والذين ابقوه في الحجز لمدة 3ايام
بعدين اهلو ديل ما تصلو ساي كدة على حبوبتو دي يسالوها الولد وصل كيف ؟؟؟؟؟؟؟؟
|
Post: #37
Title: Re: طفل يقضي 3 أيام في حراسة بحري دون طعام ..!!
Author: Nasr
Date: 07-02-2012, 07:46 PM
الجريمة دي ما غريبة علي ناس الحكومة
وعلي الفاشست الكيزان
ياما جوعو (ولسه مجوعين)
ملايين الأطفال في دارفور وفي جبال النوبة وفي النيل الأزرق
.
.
ماشين بعيد ليه
حتي في الخرطوم الفيها الرئيس بنوم والطيارة بتقوم
هل نسينا الأكثر من 140000 المالاقين يفطروا في مدارس العاصمة؟؟؟
ليهم يوم الاوغاد
والعين بالعين والسن بالسن
ولكم في القصاص حياة يا أولي الألباب
|
Post: #38
Title: Re: طفل يقضي 3 أيام في حراسة بحري دون طعام ..!!
Author: Farahat Sayed
Date: 07-02-2012, 08:03 PM
Parent: #37
شكرا يا وهبه
يا كافي البلاء وحايد المحن
زول واحد في كل الناس المر عليهم الطفل ده ما فكر
في دي جريمه واضحه وكامله
العساكر ووكلاء النيابه والرباطه حتي الناس الفراجه
كلكم شركاء في هذه الجريمه
شكرا وهبه عملت الواجب الورنا انت منو
|
Post: #39
Title: Re: طفل يقضي 3 أيام في حراسة بحري دون طعام ..!!
Author: saadeldin abdelrahman
Date: 07-03-2012, 01:54 AM
Parent: #38
انه التخبط، ليس غريبا و لكنه بداية النهاية هذه المرة
|
Post: #40
Title: Re: طفل يقضي 3 أيام في حراسة بحري دون طعام ..!!
Author: زياد جعفر عبدالله
Date: 07-03-2012, 04:26 AM
Parent: #39
Quote: لا حـول ولا قـوة إلا بالله!!
حسبنا الله ونعم الوكــيل!! |
|
Post: #41
Title: Re: طفل يقضي 3 أيام في حراسة بحري دون طعام ..!!
Author: Tragie Mustafa
Date: 07-03-2012, 04:50 AM
Parent: #40
و لسه يما حنشوف العجب من هؤلاء
اللهم قصر ايام بطشهم بشعبنا.
شكرا وهبه
و لن بتجرأ اي من المدافعين....عن الكيزان للظهور هنا.
|
Post: #42
Title: Re: طفل يقضي 3 أيام في حراسة بحري دون طعام ..!!
Author: رشيدة عثمان فقيري
Date: 07-03-2012, 04:57 AM
Parent: #41
حسبي الله و نعم الوكيل ...
|
Post: #43
Title: Re: طفل يقضي 3 أيام في حراسة بحري دون طعام ..!!
Author: Alshafea Ibrahim
Date: 07-03-2012, 05:21 AM
Parent: #42
تحياتي ياوهبة وضيوفكم الأعزاء
طالما البلد (سايبة) و (مطلوقة) وناس البوليس ومحاكم النظام العام بفاخروا بعدد البلاغات و المتهمين دون مراعاة نوعهم وجرمهم ، يلزمكم يا بورداب الخرطوم تكوين فرق لا أقول تراجع أقسام البوليس لكن على الأقل تكون متواجدة في قاعات محاكم النظام العام لمعالجة مثل هذه الحالات الأطفال صغار السن ، الشيوخ ، العجزة ، المرضى ، الجوعى ، أضمنوهم ، أطعموهم ، سددوا الغرامات نيابة عنهم ، ألخ ... هذا الوضع المتأزم يزيد من أعباؤكم .. عونكم مطلوب
وحسبنا الله ونعم الوكيل ... يعنى الطفل ده كان ممكن يموت لو كانت محاكمته في اليوم التالي ...
الشفيع إبراهيم
|
Post: #44
Title: Re: طفل يقضي 3 أيام في حراسة بحري دون طعام ..!!
Author: Huda AbdelMoniem
Date: 07-03-2012, 09:37 PM
Parent: #38
العساكر ووكلاء النيابه والرباطه حتي الناس الفراجه
كلكم شركاء في هذه الجريم
حســبنا الله ونعـم الوكيل عليهم
|
|