Post: #1
Title: أستاذ وتلميذ وقلم تصحيح !!!وبينهما ( بسطونــة )
Author: بدر الدين اسحاق احمد
Date: 07-01-2012, 07:33 PM
Parent: #0
فمن هو الاستاذ ؟
ومن هو التلميذ ؟
|
Post: #2
Title: Re: أستاذ وتلميذ وقلم تصحيح !!!وبينهما ( بسطونــة )
Author: بدر الدين اسحاق احمد
Date: 07-01-2012, 07:39 PM
Parent: #1
علماً بأن التلميذ دوما يخطئ
ومهمة الاستاذ تصحيح الخطأ
|
Post: #3
Title: Re: أستاذ وتلميذ وقلم تصحيح !!!وبينهما ( بسطونــة )
Author: بدر الدين اسحاق احمد
Date: 07-01-2012, 07:42 PM
Parent: #2
أبو ساندرا
esam gabralla
فمن هو الاستاذ
ومن هو التلميذ
اترك الخيار لفطنة القارئ / البوردابى
|
Post: #4
Title: Re: أستاذ وتلميذ وقلم تصحيح !!!وبينهما ( بسطونــة )
Author: عبداللطيف حسن علي
Date: 07-01-2012, 07:54 PM
Parent: #3
التلميذ : الذي يغش( من قوقل) مثلا ...
الاستاذ : الذي يكشفه ..
|
Post: #5
Title: Re: أستاذ وتلميذ وقلم تصحيح !!!وبينهما ( بسطونــة )
Author: ناصر المحسى
Date: 07-01-2012, 07:58 PM
Parent: #4
التلميذ اكيد هو عمر البشير الذى لم يتعلم من تونس ومصر وليبيا واليمن
|
Post: #6
Title: Re: أستاذ وتلميذ وقلم تصحيح !!!وبينهما ( بسطونــة )
Author: بدر الدين احمد موسى
Date: 07-01-2012, 08:00 PM
Parent: #4
ود اسحق
تحياتي
ود اسحق ياخ بطل طربقة و خلينا من سياسة المهدي الخارجية,
و خلينا نتكلم في سياسة الانقاذ الداخلية (هههههههه دي عاملين فيها اسبوتنق كارب!)
سؤال
من الاستاذ و من التلميذ: علي عثمان ام نافع علي نافع?
من لحس كوعه, الشعب السوداني ام طغمة الانقاذ?
من يريد تشتيت الكورة, بدرالدين اسحق ام ود اسحق?
ود اسحق الركب كيف?
|
Post: #7
Title: Re: أستاذ وتلميذ وقلم تصحيح !!!وبينهما ( بسطونــة )
Author: بدر الدين اسحاق احمد
Date: 07-01-2012, 10:52 PM
Parent: #6
Quote: التلميذ : الذي يغش( من قوقل) مثلا ...
الاستاذ : الذي يكشفه .. |
عبد اللطيف إنت
فى الجزئية الاولى ( صــاح )
فى الجزئية الثانية ( لا )
|
Post: #8
Title: Re: أستاذ وتلميذ وقلم تصحيح !!!وبينهما ( بسطونــة )
Author: بدر الدين اسحاق احمد
Date: 07-01-2012, 10:59 PM
Parent: #6
| Quote: التلميذ اكيد هو عمر البشير الذى لم يتعلم من تونس ومصر وليبيا واليمن |
برضو رأى يقول بــه كثير من السودانيين
فقط من هو الاستاذ الذى سيصحح لــه الكراسة ؟
|
Post: #9
Title: Re: أستاذ وتلميذ وقلم تصحيح !!!وبينهما ( بسطونــة )
Author: بدر الدين اسحاق احمد
Date: 07-01-2012, 11:08 PM
Parent: #8
Quote: سؤال
من الاستاذ و من التلميذ: علي عثمان ام نافع علي نافع?
|
دا سؤال جيد ..
الاجابة عندى انهما تلميذان فى مدرسة الحركة الاسلامية
واستاذهما هو مؤسسات الحركة ( تصحح للكبير والصغير )
Quote: سؤال
Quote: سؤال
من يريد تشتيت الكورة, بدرالدين اسحق ام ود اسحق?
ود اسحق الركب كيف? |
علمتنا التجربة ان هناك كورة ما بتتشتت الا نفرتق الدورى ذات نفسو
الركب ذى الاهلى .. ( يا دوبك لاعبين نحن بالاشبال )
|
Post: #10
Title: كدا فى الاول نشوف الكراسة كتب فيها شنو ؟
Author: بدر الدين اسحاق احمد
Date: 07-01-2012, 11:22 PM
Parent: #9
التلميذ الكادر الشيوعى المعتق ابوساندرا قام فى حراكه النضالى بكتابة كراسة نضال هنــا Re: نحو مظاهرات عاية التنظيم محددة الاهداف
وجاءت بعض من مقترحاته كما فى أعلاه ...
|
Post: #12
Title: Re: كدا فى الاول نشوف الكراسة كتب فيها شنو ؟
Author: بدر الدين اسحاق احمد
Date: 07-01-2012, 11:27 PM
Parent: #10
ولازالت الكراسة النضالية تحكى عن نفسها ..
|
Post: #11
Title: كراسة التلميذ ابو ساندرا
Author: بدر الدين اسحاق احمد
Date: 07-01-2012, 11:23 PM
Parent: #9
|
Post: #13
Title: Re: كراسة التلميذ ابو ساندرا
Author: بدر الدين اسحاق احمد
Date: 07-01-2012, 11:30 PM
Parent: #11
|
Post: #14
Title: دخول الاستاذ الفصل ..
Author: بدر الدين اسحاق احمد
Date: 07-01-2012, 11:37 PM
Parent: #13
كل التلاميذ قيام مع دخول الاستاذ الفصل ...
|
Post: #15
Title: Re: كراسة التلميذ ابو ساندرا
Author: بدر الدين اسحاق احمد
Date: 07-01-2012, 11:39 PM
Parent: #13
جاء esam gabralla متأبطاً بسطونــة
ومعه قلم تصحيح ( احمررررررررررررررر)
|
Post: #16
Title: Re: كراسة التلميذ ابو ساندرا
Author: بدر الدين اسحاق احمد
Date: 07-01-2012, 11:52 PM
Parent: #15
إ‘لا أن استاذ الفصل ود جبر الله لم يراعى جملة من الـتاريخ النضالى للتلميذ ابوساندرا
وبدأ تصحيح الكراسة النضالية بي االبسطونة وهاك يا ( شحطك .. شحطك .. شحطك )
|
Post: #17
Title: البسطونــة شحطك شحطك شحطك
Author: بدر الدين اسحاق احمد
Date: 07-01-2012, 11:59 PM
Parent: #16
وهنا تمت مراعة الانفعال الثورى الذى تقمص روح الزميل وتم التصحيح بالقلم الاحمر
ومطالبته بمسح خذعبلات جيفارا وكاسترو *
* أعتقد ان الاستاذ قصد ان يشير الى كتيب حرب العصابات لجيفارا لرفع المستوى التثقيفى للرفيق ابو ساندرا
|
Post: #18
Title: إنتقال الاستاذ من مرحلة التصحيح الى مرحلة الطبيب
Author: بدر الدين اسحاق احمد
Date: 07-02-2012, 00:06 AM
Parent: #15
بعد وصول الاستاذ الى حقيقة المستوى النضالى للتلميذ ..
بدأ التشخيص ..
اعراض زهايمر للرفيق
اعراض أرق من قلة النوم
اعراض امراض كرنتينة تستوجب الحجر والعزل
ثم إنتقل الى مرحلة وصف وتحديد الدواء ..
* النوم كحل من ضمن الحلول لتهدئة الروح الثورية والنضالية للتلميذ.
* تحديد دواء الزهايمر كترياق لحالة الرفيق
* الحجر اخر الدواء الحجر ( نقول يا شافى )
مع منع الزيارة عن الرفيق حتى تتحسن احواله النضالية
*
|
Post: #19
Title: Re: إنتقال الاستاذ من مرحلة التصحيح الى مرحلة الطبيب
Author: بدر الدين اسحاق احمد
Date: 07-02-2012, 00:16 AM
Parent: #18
الشكر لمعلم الفصل النضالى تصحيح كراسة الرفيق ابوساندرا فى الدرس الاول من دروس النضال الاسفيرى
مع رفضنا من ناحية تعليمية من إستخدام البسطونة كأداة تعليمية
الا ان دروس النضال خاصة فى حالة الرفيق المعتق ابوساندرا تستدعى عدد لابأس به من الشحيط
|
Post: #21
Title: القبة تحتها كمبلا ...
Author: بدر الدين اسحاق احمد
Date: 07-02-2012, 00:25 AM
Parent: #19
قايلين القبه تحتها فكى ...
لقيناهــا (كمبــلا ساكت )
إبن حلال ينزل الصور )
|
Post: #20
Title: Re: إنتقال الاستاذ من مرحلة التصحيح الى مرحلة الطبيب
Author: بدر الدين اسحاق احمد
Date: 07-02-2012, 00:19 AM
Parent: #18
دروس نضالية لكل الرفاق ....
نحن من يصحح لكم ..
نحن معنيون بمضايرة شتارة الرفاق فى الاسافير
نحن كنا ولا زلنا ( عضم ) فى الحزب الشيوعى القديم والباحث عن التجدد
شكراً يا أستاذ ..
|
Post: #22
Title: الاستعانة بصديق
Author: بدر الدين اسحاق احمد
Date: 07-02-2012, 00:27 AM
Parent: #20
أمين ...
وشهداء الثورة الكوبية
|
Post: #23
Title: اااااااااااااااااخ يا زمن اااااااااخ يا نضال
Author: بدر الدين اسحاق احمد
Date: 07-02-2012, 00:28 AM
Parent: #18
اااااااااااااااااااخ يا زمن وقف شويــة ...
|
Post: #24
Title: Re: اااااااااااااااااخ يا زمن اااااااااخ يا نضال
Author: بدر الدين اسحاق احمد
Date: 07-02-2012, 00:39 AM
Parent: #23
Mercy Mercy Mercy
Mercy Mercy Mercy
Mercy Mercy Mercy
|
Post: #25
Title: Re: اااااااااااااااااخ يا زمن اااااااااخ يا نضال
Author: عماد حسين
Date: 07-02-2012, 01:37 AM
Parent: #24
والله يا أبو الزهراء.. كلام موضوعي
تناقضات في التخطيط للحراك
وتناقضات في تقييم مدى قرب وبعد المخطط من تاريخ الشيوعيين
تحياتي
|
Post: #26
Title: Re: اااااااااااااااااخ يا زمن اااااااااخ يا نضال
Author: خالد العبيد
Date: 07-02-2012, 03:09 AM
Parent: #25
سعادتو فكي اسحق
تلميذ واستاذ وبينهما بسطونة !!
ادينا رايك في البسطونة دي ينوبك ثواب
الليلة الاثنين لكن برضو جمعتك مباركة !!
|
Post: #27
Title: شوايعة من منازلهم ( كااااااااااااااااك
Author: بدر الدين اسحاق احمد
Date: 07-02-2012, 01:19 PM
Parent: #26
Quote: تناقضات في التخطيط للحراك
وتناقضات في تقييم مدى قرب وبعد المخطط من تاريخ الشيوعيين |
يا عمدة فى ناس عايشين فى كهوف تاريخية يضعون دوما عربة الراسمالية امام حصان الاشتراكية
وهاك يا تنظيررررررررررررررررررررررررررر
الزول دا بره الشبكة تماماً
وهو من االشوايعة من منازلهم ( إتحاد معلمين ) ساكت
لكن عجبنى للمرقوت تصحيح / شحيط وكمان جابت ليها ( كرنتينة فكريـــة )
|
Post: #28
Title: Re: شوايعة من منازلهم ( كااااااااااااااااك
Author: بدر الدين اسحاق احمد
Date: 07-02-2012, 01:23 PM
Parent: #27
الزول فى إطار لصورة دا منو يا ود العبيد ؟
البسطونة أداة غير تريوية كم سطرت اعلاه ...
كل المسلم على المسلم حررررررررررررام
ما بدلناها وسنظل ..
|
Post: #29
Title: اسبيس تون ...
Author: بدر الدين اسحاق احمد
Date: 07-02-2012, 02:53 PM
Parent: #28
مش حتقدر تغمض عينيك ...
|
Post: #30
Title: Re: شوايعة من منازلهم ( كااااااااااااااااك
Author: أبو ساندرا
Date: 07-02-2012, 02:59 PM
Parent: #28
حالتك تضحك
وتشفق
يا معلم لطشة
كويس نحن عندنا اساتذة بيصححوا لينا
مشكلتكم اكلتوا اساذكم/ شيخكم الذي علمكم السحر
وطفقتم من بعده ترتكبون الخطأ تلو الخطأ لغاية ما وديتو البلد الحفرة
انفصال وحروب في كل الجبهات وانهيار اقتصادي وشيك
وفسااااااااااد مخجل ، لا بيستحي لا بيعرف الخجل
هسع عليك الله لو جابك الدرب بكافوري ما بتدنقر رأسك خجلآ
من القالوا صحابة
وطلعوا رباطة ؟
لايعرفون من كتاب الله غيرآية التعدد ( مثنى وثلاث ) وبكرة رباع
واجبات نضالية صغيرة لرد الحقوق جعلتك مرتعبآ وطفقت تهدد و توثق قايلني من النكارين
يا ناكر
اها من هسع اعرف
انا خط الحزب الشيوعي النضالي بحترمه وبقدره
لكني ملتزم تمامآ بخط وتاريخ الشعب السوداني النضالي
يوما ما ، قطع رأس غردون
وفي يوم تاني فتح جبخانة حية في صدور المعتدي ، لو بتذكر معركة عبدالفضيل الماظ
ليس كنيرانكم التي تفتحونها من الطائرات والدبابات في شعوب السودان المسالمة العزلاء في دارفور والنيل الأزرق وجبال النوبة وغيرها
ليس كنيرانكم المفتوحة في صدور الرجال في بورتسودان وكجبار
وفي يوم ثالث رد على الجنرلات في 1964 اكتوبر بكل أدب لأنهم حقنوا الدم السوداني
وفي يوم رابع حصب طيش حنتوب بالحجارة حتى ولى هاربآ
وحرق جمعية ود نميري لأنها عدها آية للفساد
وشعبنا في يومه الخامس سيحرق كثيرآ لأن آيات الفساد باتت لاتحصى ولاتعد
ليست تلك البيوت والمقار التي عددتها ، والتي إما نهبت من الشعب أو بنيت بأموال السحت
أو تم تعذيب المعتقلين الشرفاء فيها
|
Post: #31
Title: Re: أستاذ وتلميذ وقلم تصحيح !!!وبينهما ( بسطونــة )
Author: بدر الدين اسحاق احمد
Date: 07-02-2012, 03:00 PM
Parent: #3
اللحم كملتو ...
خلو ليهو شوية عضم ..
_____
بختك باضتت ليك فى قفص عديل كدا .. وإنت تتنسم الربيع هناك فى جبال الالب ..
|
Post: #32
Title: Re: أستاذ وتلميذ وقلم تصحيح !!!وبينهما ( بسطونــة )
Author: أبو ساندرا
Date: 07-02-2012, 03:09 PM
Parent: #31
انا في صف الجياع
ويوم ان تأتي ثورتهم التي بدأت لن تبقي ولن تذر
الشعب السوري قال ثورته سلمية
وعدد الشهداء كاد ان يبلغ شهداء أرض الجزائر
الشعب الليبي بدأ ثورته سلمية ، لكن عنف القذافي واستفزازه
أوديا به في حفرة مجاري مخزيآ ومنتهكآ ومتعفنآ
ماعندي أي شك في اساليبكم ، التي رأيتها في جوبا ودارفور والنيل الأزرق وجنوب كردفان
وفي صدور الرجال في بورتسودان وكجبار
وفي ضباط رمضان المغدورين خداع وغيلة
وفي انتهاك شرف الرجال في بيوت الأشباح
وإختصار حياتهم تحت التعذيب
ح تدفعوا ثمنها
وما تتوهم بدعاوي السلمية
سلميتنا سوف تحفظ فقط دم التائبين والمعتذرين
ونوفر مقدرات البلاد
لكن ما نهبتوه من أموال وحصدتموه من ارواح وفرطتم فيه من سيادة وطنية وتراب
ح تدفعوا ثمنه قريبآ على دائر المليم
حفرة ومصير القذافي متحمداكم
|
Post: #33
Title: Re: أستاذ وتلميذ وقلم تصحيح !!!وبينهما ( بسطونــة )
Author: بدر الدين اسحاق احمد
Date: 07-02-2012, 03:19 PM
Parent: #32
حضور مبكر للتلميذ أبو ساندرا كما هو معلوم ..
خليك فى الفصل لحدى ما يجئ الاستاذ ...
والبوست برعايتكم تلميذاً واستاذاً
|
Post: #34
Title: Re: أستاذ وتلميذ وقلم تصحيح !!!وبينهما ( بسطونــة )
Author: أبو ساندرا
Date: 07-02-2012, 03:42 PM
Parent: #33
يا كوز
- هل كانت مظاهرة بورتسودان سليمة ومع ذلك فتحتم النار على صدور المتظاهرين واستشهد 16 منهم ؟
- هل كانت احتجاجات المواطنين في كجبار سلمية ومع ذلك اطلقتم عليهم الرصاص الحي فإستشهد 4 ؟
|
Post: #35
Title: Re: أستاذ وتلميذ وقلم تصحيح !!!وبينهما ( بسطونــة )
Author: أبو ساندرا
Date: 07-02-2012, 07:23 PM
Parent: #34
Quote: يا كوز
- هل كانت مظاهرة بورتسودان سليمة ومع ذلك فتحتم النار على صدور المتظاهرين واستشهد 16 منهم ؟
- هل كانت احتجاجات المواطنين في كجبار سلمية ومع ذلك اطلقتم عليهم الرصاص الحي فإستشهد 4 ؟ |
يا كوز
انا منتظر اجوبتك
وبعد شوية ح اسألك أسئلة تتعلق بالشرف
ف أركز
|
Post: #36
Title: Re: أستاذ وتلميذ وقلم تصحيح !!!وبينهما ( بسطونــة )
Author: esam gabralla
Date: 07-03-2012, 01:14 AM
Parent: #35
كدى قبل نخش فصلك و مدرستك ديل ... تهديدك ده حتوديهو وين؟
و بما أنك كنت عارف العينه الجديده دى حتتسأل يوم المحاسبه هل كنت من ضمنهم؟ هم منو؟ و مين الكان بيدى أوامر؟ شنو البيمنع تكون واحد من ديل؟ أو من القايدنهم بما أنك عارف و متأكد كده؟
طلعآ من عينتك دى متوقع كل شئ ... بما فيها تطلع توكل كرمان و اسلامى اليمن و شعبها فشوش و ما عملو حاجه ... على صالح براهو مشي
يا ناصر أحمد المصطفي ما تلمو دلاليكم دى عليكم ... تعالو لينا دغرى ياخى الناس البتحلو و تربطو
|
Post: #37
Title: Re: أستاذ وتلميذ وقلم تصحيح !!!وبينهما ( بسطونــة )
Author: سيف النصر محي الدين
Date: 07-03-2012, 02:01 AM
Parent: #36
يا بدر اسحق اعتقد أنو كل زول هنا بيمثل نفسو اللهم الا محمد فرح و صلاح غريبة و كل زول مسؤول
من افكارو و الحق مكفول لكل زول في نقد افكار الناس التانيين و أظن أن الحزب الشيوعي
ما عندو هيئة اسمها بورداب سودانيزاونلاين و إذا عايز تعرف رأيه في الاحداث اقرا بياناتو
او اشتري جريدته الرسمية في حال لم تتم مصادرتها و منعها من النشر.
السؤال هو هل يعمل منسوبو المؤتمر الوطني هنا عبر هيئة تنظيمية ؟
|
Post: #38
Title: Re: أستاذ وتلميذ وقلم تصحيح !!!وبينهما ( بسطونــة )
Author: خالد العبيد
Date: 07-03-2012, 02:46 AM
Parent: #37
| Quote: الزول فى إطار لصورة دا منو يا ود العبيد ؟ |
فكي اسحق
ده الضحية المجلود بي بسطونة
بما انك كادر امن ممكن تجيب لينا اسم الجلدو بي بسطونة منو؟
وليه ؟
---------------------
ويكون في بالك الشيوعيين ما عندهم مرشد يطيعوهو
عصام وابوساندرا : يتناقشوا .. تتصارع افكارهم..
يستفيدوا من بعض بكل تواضع .. ما فيش كبير
انت ما خساك ابدا
اطلع منها الحق ناسك المتشاكلين في سرقة البلد
شايفك مشغول بي ناسا .. واقترابها من اكتشاف الجحيم !
ياخ انت كوز مسكين يشهد الله
|
Post: #39
Title: Re: أستاذ وتلميذ وقلم تصحيح !!!وبينهما ( بسطونــة )
Author: بدر الدين اسحاق احمد
Date: 07-03-2012, 07:32 PM
Parent: #38
| Quote: كدى قبل نخش فصلك و مدرستك ديل .. |
يا معلم الفصل الواحد ... فصلك ومدرستك طوالى كدا عايز تدرع البردلوبة فينى اانا ...
نشكر حضورك لاستلام دفة قيادة الفصــل
اشوف وشك فى فصل تانى وبيدك بسطونــة سنينة للتلميذ داك ( ود .........)
|
Post: #40
Title: Re: أستاذ وتلميذ وقلم تصحيح !!!وبينهما ( بسطونــة )
Author: بدر الدين اسحاق احمد
Date: 07-03-2012, 08:50 PM
Parent: #39
Quote: يا بدر اسحق اعتقد أنو كل زول هنا بيمثل نفسو اللهم الا محمد فرح و صلاح غريبة و كل زول مسؤول
من افكارو و الحق مكفول لكل زول في نقد افكار الناس التانيين ....؟ |
متفقين .. بــس مافى داعى للتصحيح والبسطونــة ...
Quote: ..... و أظن أن الحزب الشيوعي
ما عندو هيئة اسمها بورداب سودانيزاونلاين و إذا عايز تعرف رأيه في الاحداث اقرا بياناتو
او اشتري جريدته الرسمية في حال لم تتم مصادرتها و منعها من النشر.
........ |
البخليك تكون متأكد كدا شنو يا سيف ؟
مش غريبة زول ما عضو فى حزب عقائدى مثل الحزب الشيوعى يكون متأكد من الاليــات التنظيمية للحزب ..
Quote:
السؤال هو هل يعمل منسوبو المؤتمر الوطني هنا عبر هيئة تنظيمية ؟ |
السؤال هو هل هناك عضوية للمؤتمر الوطنى فى المنبر ؟
لشى الشايفو انا ديل سودانيين لهم الحق فى التعبير عن حاجاتهم وقناعاتهم ويتحركون تعبيراً عن انفسهم
وليس عن احزابهم .,...
__________
عينك فى الفيل وتطعن فى ضلو (فى حزب سياسي كل يوم خاوتنا عضو فى المنبر ببيان عن هذا الحزب )
|
|
|